..دردرة..

.. تواريخك ..تباريحك
تشاكيك .. وتبكي لك
ودار أمسك ودار يومك
ودار بكرة الموهيلك
****
مواسيرك تحت زيرك
تسقي الموية لغيرك
وين مويتك ..وين زيتك
وين بيتك
وين جازك وإنجازك
وجزولينك وبنزينك

***
نواعيرك .. مزاميرك
تبكي الليلك في ليلك:

" ودار دومك ولالوبك
ودار تمرك ونخيلك
ودار قمحك وقضيمك
ودار لبنك .. ودار نيمك
ودار أمسك ودار يومك
ودار بكرة المو هليك
****
دارفورك .. دار جعلك
دار شرقك دار غربك
دار نيمولي ..دار واوك
دار محسك ..دار بيجتك
دار برك ..دار بحرك
دار قصرك ودراديرك
دار جدك .. ودار جيلك
دار دعمك وتقديرك
دار صبرك وصبيرك
****
دار نصرة من غيرك
دار لمة دولية
دار نفشة وماشاكا
دار بوجا .. يوم داكا
دار حزمك .. وتتقيلك
دار عسكر .. يا حليلك
دار ناساً غير ناسك
ودار أمسك .. ودار يومك
ودار بكرة المو هيلك

******
دار زيتك وبترولك
دار بخسك ونحاسك
دار تبرك وترابك
دار مويتك دار طينك
دار زفتك وبنزينك
دار نارك وتنويرك

******
ودار ..فورك
ودار.. جعلك
ودار .. محسك
ودار.. ناسك
***
ودار.. يومك
ودار.. أمسك
ودار.. بكرة المو هيلك
ودار ..عمرك
دار.. أمرك ..
ودار .. أمرك
عند غيرك
دار..خيرك
داريانكي
دار ..صلحك
ودار..صلحك
****
دور أرضك
دور طيرك
دور ولدك ..
دور بنتك
دور مرتك
دور لبنك ..
دور عيرك
دور.. دارك ..
دور.. ديرك
***
ودار.. دارك
ودار ..ديرك
ودار أمسك
ودار يومك
ودار بكرة ..
المو هيلك
ودار تعبك
ودرديرك

11/6/2007م

الحبيب الفاضل أبوعندليب
بدوائرك هذه دورنا ... وإستدرنا ومادرينا ... في اي اتجاه درنا .. نحس بالدوار .. أدركنا وخارجنا .. من دوائرك هذه

ولك التحية والاحترام

خالد

يا سعدنا بك
شكرا ليك على الدرادر..

ونتمنى نشوفك دائما هنا

العزيز / خالد أب أحمد ، شكرا على الطلة ، صدقني لو عارف طريقة تحل من الدردرة كان دليتك عليها.. وجاييك في ضل الشجرة ...

المحترمة/ د.بيان ، أنا من يسعد بحضورك ومداخلتك ، زي شافع أدوهو العيدية.. ،أشكرك على الطلة، وأتأسف بشدة على الدردرة ...


وشكرا لكل من مر بصمت .. ولم يعلق .. أو لم يطق الدخول ( لا جوة ) ... شكرا على المرور الصامت ...

تسجيل إعجاب لهذا الإبداع

شكرا .. على المرور ، والمداخلة الكريمة ، والذوق عندك يا زول يا رائع ،من زمان متابع نفحاتك الصورية من عيارالمختصر المفيد الطريف .. خليك مواصل ...
ولك ودي واحترامي

يرفع مكانا عليا

وإنتو كمان ..زاد فضلكم ..

أشكرك حتى تفيض مواعينك..

دام الود والتقدير

شنو يا ابراهيم وقفت الدردره
ما نحن شبه الدردره دردرنا كمان وكمان
من يوم خِلقنا وشوفنا خَلقنا وعايشين في دردره
دردر ولا يهمك وخلينا ندور معاك

خالد

تسلم يا أب أحمد من الدردرة ..إلا للضرورة القصوى .. يعني شوية
كدة لا بأس به .. لكن ما تصبح لايف ستايل ..مرة واحدة..
مشكور على المرور .. والمساعدة على الطفو..

دام لك ودي وتقديري

فوق

فووووووووق
لانه مكانو فوق

شكرا على المرور والدفرة .. الطفو فوق المنبر ده ..عايز معافرة شديدة
زي رمي الجمرات يوم النفرة ..

بسم الله الرحمن الرحيم
الاخ ابراهيم .. سلام
تسجيل حضور
متابعه
اعجاب
الله يديك العافيه
.....................
خارج النص
شفنه الحمحمه والدردره
الجايه شنو
تحياتي...
حاتم هاشم.

الأخ الفاضل / حاتم .. لك الود والتقدير .. والشكر الكتير على
مرورك العطر...وكلمات الإطراء التي أوردتها..هي بعض الوقود
الذي يقدح الزند.. فيوريه ...

دام لك ودي وتقديري



الجاية دبدبة...

الحبيب حاتم هاشم
سلام
وعلى ماأظن ( كركبّه )

خالد

بل هي دبدبة..

واصل الردره و زياره كل شارع و دار.

لك التحايا

الأخ الكريم .. شهاب ..شكرا على المرور .. وشكرا على باقة
الزهور .. كلامك يثمن عندي عالياًً..

دام لك ودي وتقديري

( )...

...

...