Post: #1
Title: يا بكـــري الطمــع ودر ما جمـــع !!!
Author: Munir
Date: 06-07-2007, 08:19 PM
يابكري الحركة العملتها بتقصير الصفحة وعدد بوستاتها حركة ما موفقة .. أولآ إنت قصدت إنك تكثر عدد الـ hits لمنبرك ويمكن افتكرت إنك حتوفر الباندودث .. لكين ما أظن النتيجة دي متوقعة .. وذلك حسب قانون نيوتن الثالث البيقول لكل فعل رد فعل مساو له في المقدار ومضاد في الاتجاه .. فعدد الـhits كثر عدد مرات الـ downloading للصفحات وبدل ما تنزل صفحة واحدة طويلة مرة واحدة وتقعد تقرآ فيها 10 دقائق مثلآ انقسم الزمن لإثنين وتضاعف زمن الـdownloading وقد ظهر ذلك في feedback سلبي وهو الضجر والملل في الانتظار للصفحة حتي تفتح فقد أصبح المنبر بطيئآ ودخلنا في loop وغلوتية : هل الشغلانة دي حتزيد الـhits أم ستؤدي لضجر المتصفحين وانصرافهم لما يفيد !! ..
|
Post: #2
Title: Re: يا بكـــري الطمــع ودر ما جمـــع !!!
Author: AmroKamal
Date: 06-07-2007, 08:57 PM
Parent: #1
Quote: 07-06-2007, 08:23 م
AmroKamal
.
تاريخ التسجيل: 21-11-2006
مجموع المشاركات: 421
بكرى أبوبكر ، عصام عبدالحفيظ ، طارق الأمين ........... عليّ وعلى أعدائى
كده يابكرى......
الواحد ينوم يصحى يلقى البوستات راحت؟
تخش العصر ترفع بوست ، تجئ المساء تلقاه مشى صفحة 8
نخش صفحة 8 نرفع بوست..... نرجع الصفحة الرئيسية نلقاها بقت 1،2 بس!!!!!
عصام يخش يفتش بوستاته بتاعت امس المفقودة ما يلقاها
يضرب لى طارق يقول ليه..... ناس عمرو قاعدين فى الخور وبيجدعوا!!!!!
طقونى عين.......
رجعت افتش باقى البوستات لقيت الصفحات بقت اتنين!!!!!
................................. دعوة للعصيان ........................................
من هنا ولى قدام... ودى دعوة لكل البوردراب
مافى زول يرد على بوست، اى واحد عنده رد معين يفتح بيه بوست جديد
فى الفاضى والمليان
عشان نغرق لى بكرى الباندوينث مرة واحدة ، لحد ما يرجع لينا الصفحات زى ما كانت
وسوف نستمر فى العصيان والتمرد لحين إعادة الحال لما كان عليه
|
|
Post: #3
Title: Re: يا بكـــري الطمــع ودر ما جمـــع !!!
Author: Hussein Mallasi
Date: 06-07-2007, 10:25 PM
Parent: #2
| Quote: وانصرافهم لما يفيد !! .. |
مبالغة يا المنير 
|
Post: #4
Title: Re: يا بكـــري الطمــع ودر ما جمـــع !!!
Author: هشام مدنى
Date: 06-07-2007, 10:44 PM
Parent: #1
عايز اتفق معاك
ود سبب دخولى هنا
لكن ما عارف كيف؟
تحياتى
|
Post: #5
Title: Re: يا بكـــري الطمــع ودر ما جمـــع !!!
Author: AmroKamal
Date: 06-07-2007, 11:54 PM
Parent: #4
خش معانا فى العصيان والتمرد
|
Post: #6
Title: Re: يا بكـــري الطمــع ودر ما جمـــع !!!
Author: hajhamad
Date: 06-09-2007, 07:56 AM
Parent: #5
تعرف يا منير أن خليت بوست الشعبية في الصفحة التالتة و خليت صلاح شكوكو بوثق لبعض الشخصيات في الشعبية و غبت ليك كم ساعة ، لما جيت دخلت البورد و لقيت بوست الشعبية في الصفحة 11 قلت يكون صلاح شكوكو دا بدأ يوثق لسكان الصين الشعبية و الله شنو؟ لوووووووووول
|
Post: #7
Title: Re: يا بكـــري الطمــع ودر ما جمـــع !!!
Author: Munir
Date: 06-10-2007, 08:18 PM
Parent: #6
الاخوة الكرام .. نقول الحمدلله بكري شاف الشغلانة بايظة وما جايبة تمنها وأخيرآ رجع المنبر لحالته الطبيعية ..
ياخي ما ممكن !! .. المنبر جاته ضربة قلب وكان ممكن يصاب بسكتة قلبية لكين الله ستر !!..
الزول ده خلانا نقابض في البوستات التقول لاعبين Titris ..
.
.
الاخ هشام مدني .. المانعك من الاتفاق معاي أوع تكون سخافتي برضو !!..
| Quote: تعرف يا منير أن خليت بوست الشعبية في الصفحة التالتة و خليت صلاح شكوكو بوثق لبعض الشخصيات في الشعبية و غبت ليك كم ساعة ، لما جيت دخلت البورد و لقيت بوست الشعبية في الصفحة 11 قلت يكون صلاح شكوكو دا بدأ يوثق لسكان الصين الشعبية و الله شنو؟ لوووووووووول |
الاخ الحاج إنت نسيت ان الشعبية برضو قالوا اسمها الصين الشعبية واللا شنو؟
|
Post: #8
Title: Re: يا بكـــري الطمــع ودر ما جمـــع !!!
Author: Munir
Date: 06-10-2007, 08:23 PM
Parent: #5
ملاسي .. والله تقول شنو ياخ 
.
.
.
| Quote: خش معانا فى العصيان والتمرد |
AmroKamal
إنت كنت شغال تمرد تحت تحت واللا شنو يازول؟؟
|
|