هل يمكن ان يحب الرجل امرأتين في وقت واحد ؟؟

هل يمكن ان يحب الرجل امرأتين في وقت واحد ؟؟

انا اعتقد جازما ..... نعم

يستطيع الرجل ان يحب اكثر من امرأة واحدة في وقت واحد

ولكن بالطبع لا اتحدث عن كل الرجال .. ولكن اقول ان بعض الرجال لا يمرون بهذه التجربة لكي يحكموا أن كان بامكانهم ذلك من عدمه

ومتأكد بان هذا الموضوع من الممكن ان يثير الجنس الناعم بالمنبر .. ولكنها الحقيقة وهذا الامر حاصل بكثرة

ولكن صعب ان تقتنع امرأة بان الرجل يستطيع ان يعشق اكثر من امرأة في ذات الوقت

دايرين اعترافات

ما في زول مرة بتجربة زي دي قبل كده ؟؟؟

والله موضوع جدير بالنقاش ،
لكن لبعض الظروف الصحية ،
هكتفي بالفرجة

Quote: هل يمكن ان يحب الرجل امرأتين في وقت واحد ؟؟

اتنين بس!
مثنى زثلاث ورباع!
كلام الله عنك فيهو قول!
مودة ورحمة ولباس!
داير تجيب لى نفسك الكتاخة!
جنى

Quote: اتنين بس! مثنى زثلاث ورباع! كلام الله عنك فيهو قول! مودة ورحمة ولباس! داير تجيب لى نفسك الكتاخة! جنى

جني يا عزيز

والله ما عندي فيهو قول بتعريفة

لكن داير اشوف في زول عنو فيهو قول ولا لا

Quote: ما في زول مرة بتجربة زي دي قبل كده ؟؟؟

تلقاها عند الغافل يا أبو تميم يا أخوي.

بس كدي قول لي إنت شغال مخبر للحريم ومرسل تتجسس على الرجال؟؟؟؟

الشايقي

فاوضني بلا زعل

بوست مفخخ


ممنوع الاقتراب

أبو تميم
بجيك راجع
هسة مشغول شوية بالحب (الرابع)
وانا في بداية الاجراءات الغرامية
تعال هنا شوف المحنة الأنا فيها

ألحقني يا كي كي (ألو) الكسرت تلفونك رمتني من الكرسي بُردُلُب

بصراحة وبكل صدق كذاب كذاب من يعتقد انه يستطيع ان يحب امراتين في وقت واحد، هذا الحب يتناقض مع الاخلاص والوفاء لشريكة الحياة سواء كان عبر علاقة سرية او خلال زواج اخر ولكن هذا لا يعني اعتراضا علي حكم الله بالزواج عشان ما تفهمونا غلط نحن نتحدث عن الحب وليس عن عدد الزوجات وربنا ربط الزواج بالعدل والنفقة وغيرها واذا لم تستطيعوا فواحدة.
يعني المسالة ما مفكوكة وهنا عندنا سؤال بسيط هل يرضي المتزوجون من اثنتين او ثلاث ان يسال احد عن
هل يمكن للمراة ان تحب اثنين في وقت واحد؟
الواحدة احسن

Quote: تلقاها عند الغافل يا أبو تميم يا أخوي. بس كدي قول لي إنت شغال مخبر للحريم ومرسل تتجسس على الرجال؟؟؟؟

والله يا شايقي ضحكتني ضحك

وتقولو لي المساواة بين الرجل والمرأة وحقوق المرأة

الظاهر احنا مفروض نطالب بحقنا في حرية التعبير

ارقد عافية

Quote: والله موضوع جدير بالنقاش ، لكن لبعض الظروف الصحية ، هكتفي بالفرجة

بقول ليك ما يناسب مداخلتك يا امير


هامان قال ليك هو الاقنع فرعون انو اله ... قام يزن في راسو .. شوف العالم ده كلو ملكك وشوف الناس دي بتسجد ليك .. ياخي انت ما زول انت اله عدييييل كده ... قام فرعون صدق وعجبتو الحكاية ... ما اله ..... قام في يوم كده قاعد يطشم مع هامان .. وطبعا فرعون قاعد في مكان عالي وهامان تحتو .. وهامان كان اصلع وراسو كبير جدا
حسب طشمة فرعون ( ما اله ) قام عاين لي راس هامان من فوق ... اتكيف شديد .. وقال ليهو :

هامان .......... أتذكر حين خلقت رأسك ؟؟؟؟


هامان قال ليه : على هامان يا فرعون ؟؟؟


تصدق يا امير .... أنت اكثر زول ممكن تقنعني انو ممكن لو انا ما معتقد انو ممكن الرجل يحب 2 بنفس الوقت .. والعكس برضو صحيح

فتعال بالله ودردش

ودي لك بلا حدود

Quote: بوست مفخخ ممنوع الاقتراب

Ahmed Yousif Abu Harira

والله كلامك عين العقل والصواب


دعوني اعيش

Quote: أبو تميم بجيك راجع هسة مشغول شوية بالحب (الرابع) وانا في بداية الاجراءات الغرامية تعال هنا شوف المحنة الأنا فيها ألحقني يا كي كي (ألو) الكسرت تلفونك رمتني من الكرسي بُردُلُب

والله يا معتز ريحتني

انت يا زول ما بتخاف ولا شنو

الرابعة البعيدة ديييييييييييك ؟؟ والله قوي

الله يستر عليك من المحن

وبانتظار عودتك يا زعيم

Quote: هل يمكن ان يحب الرجل امرأتين في وقت واحد ؟؟ انا اعتقد جازما ..... نعم

الا يكون رابط ليه قلب ديك

Quote: الا يكون رابط ليه قلب ديك

ادروب اخوي

والله قلب الديك ده ما شفتو

لكن الموضوع البنتكلم فيهو ده داير ليهو قلب أسد عديل كدة

Quote: بصراحة وبكل صدق كذاب كذاب من يعتقد انه يستطيع ان يحب امراتين في وقت واحد، هذا الحب يتناقض مع الاخلاص والوفاء لشريكة الحياة سواء كان عبر علاقة سرية او خلال زواج اخر ولكن هذا لا يعني اعتراضا علي حكم الله بالزواج عشان ما تفهمونا غلط نحن نتحدث عن الحب وليس عن عدد الزوجات وربنا ربط الزواج بالعدل والنفقة وغيرها واذا لم تستطيعوا فواحدة. يعني المسالة ما مفكوكة وهنا عندنا سؤال بسيط هل يرضي المتزوجون من اثنتين او ثلاث ان يسال احد عن هل يمكن للمراة ان تحب اثنين في وقت واحد؟ الواحدة احسن

محمد عمر الفكي

طيب ممكن سؤال ؟؟

ليه انسان يتزوج الثانية لو ما بحبها ؟؟؟

وحب الاولى اساسا امر مفروغ منه ؟؟؟

Quote: وهنا عندنا سؤال بسيط هل يرضي المتزوجون من اثنتين او ثلاث ان يسال احد عن هل يمكن للمراة ان تحب اثنين في وقت واحد؟

الرجل عنده رخصة من الله ... هل المرأة عندها رخصة ولو مقيدة بالزواج من رجلين ؟؟؟؟

المقارنة ليست في محلها

وشكرا لمرورك الذي سيثري النقاش كثيرا

لأخ أبو تميم
تحايا ...

من الصعب تقبل قصور الوعي العاطفي لدى الرجال الذين يقنعون انفسهم بأنه من الممكن أن يحبوا إمرأتين في آن واحد!

المشاعر الواعية العميقة لا تتزامن ...

ولا تتشعب بشكل عرضي وان توالت بشكل متسلسل في أوقات متعاقبة، وقطعا بعمق مختلف في كل مرة ...

المشاعر ليست نوافذ ويندوز يمكنك فتح العديد منها في نفس الوقت ...

قد تعشق إحداهن، وتشتهي أخرى، وتخاطب عقلك ثالثة، وتتزوج رابعة

ولكن،

(الحب) شعور منفصل يطفو على السطح ولا يختلط بما تبقى من نزوات .. ولو جرب الرجل الحب الحقيقي مرة، لعرف الفرق!

كل الود

ياسسسسسسسسسسسسسسسسسسسسسسسسسسساتر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: ياسسسسسسسسسسسسسسسسسسسسسسسسسسساتر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

استر يارب


مالك يا waw الحاصل عليك شنو ؟؟؟

Quote: من الصعب تقبل قصور الوعي العاطفي لدى الرجال الذين يقنعون انفسهم بأنه من الممكن أن يحبوا إمرأتين في آن واحد! المشاعر الواعية العميقة لا تتزامن ... ولا تتشعب بشكل عرضي وان توالت بشكل متسلسل في أوقات متعاقبة، وقطعا بعمق مختلف في كل مرة ... المشاعر ليست نوافذ ويندوز يمكنك فتح العديد منها في نفس الوقت ... قد تعشق إحداهن، وتشتهي أخرى، وتخاطب عقلك ثالثة، وتتزوج رابعة ولكن، (الحب) شعور منفصل يطفو على السطح ولا يختلط بما تبقى من نزوات .. ولو جرب الرجل الحب الحقيقي مرة، لعرف الفرق!

الاخت عزاز

اوافقك كثيرا في ما قلتي ... ولكن :

هناك بالفعل من حب 2 في نفس الوقت ولكن بشكل / طعم مختلف

فلا يمكن ان نحكم بان ما شعروا به هو مجرد اقناع للنفس ..

وبالفعل قد اعشق واحدة .. واشتهي اخرى .. ويخاطب عقلي اخرى .. وكل هذا اعتبره حب

وبالتأكيد التي اعشقها فانا احبها .. والتي اشتهيها كذلك احبها لان الاشتهاء لا ينفصل عن الحب ... في رأيي ان الجنس والحب يسيران في نفس الاتجاه بشكل متوازي ولا وجود للحب العذري ... ولماذا يخاطب عقلي / اتزوج انثى ان لم اكن احبها ؟؟


تحية وود

Quote: من الصعب تقبل قصور الوعي العاطفي لدى الرجال الذين يقنعون انفسهم بأنه من الممكن أن يحبوا إمرأتين في آن واحد! المشاعر الواعية العميقة لا تتزامن ...

المشاعر الواعية العميقة لا تتزامن ...

منو القال ليك

البصاص

الظاهر انوا ام تميم ما من رواد سودانيزاونلاين

الظاهر انه نعم..
شبق الرغبه.قد اقر فى اصل التبيان.لكن قدرة العدل والايفاء هى المحك..والقدره محدوده فى مفهوم الاشباع الجنسى..
اذن جوهر الحياه..مبنيه على الجنس..!!
ولك ان تختار فى عراك ودى .عن الجوهر ..والفكره..!!
واقول قولى هذا واستغفر الله لى ولكم..
كلو جنس فى.. ْجنس..

وهذى اصل كل الممارسه والتفاصيل منذ اطروحة الخلق التى اباحت ان يصل الاخ الى اخته.,.وتختم بماساة قابيل .وهابيل..اتمدد شرائع وماملكت يمينكم..منتهى الاباحيه الجنسيه...!!
واستغفر الله العلى العظيم..لى ولكم
راجه التبيان..واسرار البيان..
قطعا ستقتنع...!!

Quote: الظاهر انه نعم.. شبق الرغبه.قد اقر فى اصل التبيان.لكن قدرة العدل والايفاء هى المحك..والقدره محدوده فى مفهوم الاشباع الجنسى.. اذن جوهر الحياه..مبنيه على الجنس..!! ولك ان تختار فى عراك ودى .عن الجوهر ..والفكره..!! واقول قولى هذا واستغفر الله لى ولكم.. كلو جنس فى.. ْجنس.. وهذى اصل كل الممارسه والتفاصيل منذ اطروحة الخلق التى اباحت ان يصل الاخ الى اخته.,.وتختم بماساة قابيل .وهابيل..اتمدد شرائع وماملكت يمينكم..منتهى الاباحيه الجنسيه...!! واستغفر الله العلى العظيم..لى ولكم راجه التبيان..واسرار البيان.. قطعا ستقتنع...!!

أبو تميم....تحياتي

Quote: هل يمكن ان يحب الرجل امرأتين في وقت واحد ؟؟

الاجابة أكيد عند السادة الرجال....
وخلاصة الأمر أن...

Quote: ولكن صعب ان تقتنع امرأة بان الرجل يستطيع ان يعشق اكثر من امرأة في ذات الوقت

مودتي

قديعشق في الأولى جمالها وفي الثانية خصالها وفي رأي الخصال أهم من الجمال لأنها تبقى والجمال إلى

زوال ,,, مودتي ,,,

Quote: الظاهر انه نعم.. شبق الرغبه.قد اقر فى اصل التبيان.لكن قدرة العدل والايفاء هى المحك..والقدره محدوده فى مفهوم الاشباع الجنسى.. اذن جوهر الحياه..مبنيه على الجنس..!! ولك ان تختار فى عراك ودى .عن الجوهر ..والفكره..!! واقول قولى هذا واستغفر الله لى ولكم.. كلو جنس فى.. ْجنس.. وهذى اصل كل الممارسه والتفاصيل منذ اطروحة الخلق التى اباحت ان يصل الاخ الى اخته.,.وتختم بماساة قابيل .وهابيل..اتمدد شرائع وماملكت يمينكم..منتهى الاباحيه الجنسيه...!! واستغفر الله العلى العظيم..لى ولكم راجه التبيان..واسرار البيان.. قطعا ستقتنع...!!

الاخ عصمت

احترم رأيك .... ولكنني اختلف معه

Quote: الظاهر انوا ام تميم ما من رواد سودانيزاونلاين

احم احم

وعند عزاز القول الفصل :

Quote: قد تعشق إحداهن، وتشتهي أخرى، وتخاطب عقلك ثالثة، وتتزوج رابعة

Quote: لأخ أبو تميم تحايا ... من الصعب تقبل قصور الوعي العاطفي لدى الرجال الذين يقنعون انفسهم بأنه من الممكن أن يحبوا إمرأتين في آن واحد! المشاعر الواعية العميقة لا تتزامن ... ولا تتشعب بشكل عرضي وان توالت بشكل متسلسل في أوقات متعاقبة، وقطعا بعمق مختلف في كل مرة ... المشاعر ليست نوافذ ويندوز يمكنك فتح العديد منها في نفس الوقت ... قد تعشق إحداهن، وتشتهي أخرى، وتخاطب عقلك ثالثة، وتتزوج رابعة ولكن، (الحب) شعور منفصل يطفو على السطح ولا يختلط بما تبقى من نزوات .. ولو جرب الرجل الحب الحقيقي مرة، لعرف الفرق! كل الود

والله يا عزاز شامي اتكيفت وشلت نفس طويييييييييييييييل لما حسيت انو عندي رئة تالتة!

ينصر دينك يا بت الشامي..

الاخ ابو تميم
الظاهر عليك الايام دي عندك مشروع عرسة تانية ، الله يعدلها عليك وغايتوا ام تميم لو سمعت من زول من ناس المنبر ديل بمشروعك دا الشافك تاني يوم قلبت اصله ما كضب.

اعتقادي الجازم ان اي رجل يتزوج للمرة الثانية يكون السبب الرئيسي هو النزوة وليس الحب وقد يكون السبب الثاني هو مشاكل اسرية من قبل الزوجة الاولي وليس حبه للزوجة الثانية.
من هنا تكمن الاجابة علي سؤالك الثاني بخصوص الرخصة فانا لم اسال عن زواج المراة المتزوجة برجل اخر بل سالت عن حبها لرجل اخر اذن فالمقارنة في محلها والرخصة من عند الله للزواج وليست للحب وبهذا المنطق يمكن ان نسال السؤال الاتي هل يقبل اي رجل ان تطلب منه زوجته الطلاق لانها تريد الزواج من رجل اخر تحبه؟
الزواج الثاني هو بداية ناحجة لنهاية زواج اول وبداية اخر محكوم بالفشل المؤكد لقتله الزواج السابق هذا ناهيك عن مشاكل الاخوان اولاد الاب في المستقبل وربنا ما يوريك ياها.
خلاصة الموضوع يا ابو تميم الباب البجيب الريح سده واستريح.

الاخ محمد عمر

Quote: الظاهر عليك الايام دي عندك مشروع عرسة تانية

لا والله في البال لكن الموضوع ده رغم انو موجود وحاصل الناس بتنكرو

Quote: اعتقادي الجازم ان اي رجل يتزوج للمرة الثانية يكون السبب الرئيسي هو النزوة وليس الحب وقد يكون السبب الثاني هو مشاكل اسرية من قبل الزوجة الاولي وليس حبه للزوجة الثانية.

النزوة لا تقود لها رجل للزواج من ثانية ... مستحيل طبعا انسان يتزوج عشان نزوة

Quote: بخصوص الرخصة فانا لم اسال عن زواج المراة المتزوجة برجل اخر بل سالت عن حبها لرجل اخر اذن فالمقارنة في محلها والرخصة من عند الله للزواج وليست للحب وبهذا المنطق يمكن ان نسال السؤال الاتي هل يقبل اي رجل ان تطلب منه زوجته الطلاق لانها تريد الزواج من رجل اخر تحبه؟

العلاقة يا اخ محمد بين الزواج من 4 وحب اكثر من واحدة وثيقة

فكما ان الله لم يبح للمرأة الزواج باكثر من رجل فبالتأكيد لم يجعل لها قلبا يسع اكثر من حب واحد

ولكن قلب الرجل يسع

Quote: الزواج الثاني هو بداية ناحجة لنهاية زواج اول وبداية اخر محكوم بالفشل المؤكد لقتله الزواج السابق هذا ناهيك عن مشاكل الاخوان اولاد الاب في المستقبل وربنا ما يوريك ياها.

اتفق معك نسبيا ... ولكن هناك كثير من البيوت الناجحة والسعيدة وبها اكثر من زوجة

مودتي

كتبت دكتورة رشا:

Quote: ينصر دينك يا بت الشامي..

وينصر ديني أنا ذاتي ، الموافق على كلام عزاز شامي

أنت يا دكتورة هديتي موضوع الدوحة ؟

Quote: هل يمكن ان يحب الرجل امرأتين في وقت واحد ؟؟

استغرب كيف جاوب الاخوات على السؤال اعلاه؟؟

كيف حدد الاخوات اعلاه إن كنا نستطيع ان نحب واحدة او اتنين او تلاتة؟!!


اجابات السيدات اللطيفات المتبرعات في غير محفل تبرع لايمكن وصفه غير انو محض لقافة ساي..

نحنا البنحدد نحنا بنقد نحب كم وكيف ومتين ولي متين؟؟


يعني ماتجي خاشة بت هنا وتفتي لينا في سعة محباتنا..

يعني ماعشان الواحدة فيكم خايفة انو يقسموها مع كم واحدة تاني تقوم تجي تفتي وتقول الراجل بحب واحدي بس..








اللهم إلا اذا كان انا ماراجل...

كلنا بنؤمن بالله طبعا , ربنا عز وجلٌ ما بيقول كلام ساي , ما دام ربنا قال انه الراجل ممكن يتزوج اربعة نسوان في وقت واحد يبقي اكيد ربنا اعلم بي البني ادم الخلقه اكتر من اي كائن في الدنيا وما دام قال كدا ربنا فاكيد ربنا عارف انه الراجل دا بأمكانه بكل بساطة انه يحب اربعة في نفس الوقت لانه طبعا ربنا ما ممكن يخلق ليهو كائن ويديهو صلاحيات ما بتلائم امكانياته . وكلنا بنعرف انه ربنا الخلقنا تعالي عن الظلم فما ممكن يديك امكانية انك تتزوج مراة ما حتقدر تحبها لانك بتحب واحدة قدامها كان ما عارف امكانياتك في الاول وانه بامكانك تحبها زي حبك للثلاثة القبلها .
عكس الكلام دا المراة ولانه ربنا عز وجل وتعالي عن كل شئ عارف انه الكائن الاسمه المراة الخلقه دا ما بستوعب انه يحب ليهو اكثر من راجل في وقت واحد ولان امكانياته العاطفية والاستيعابية الخلقها فيهو ما بتأهله لانه يعشق راجلين كازواج في وقت واحد بكل بساطة ما اداها الحق انها تتزوج راجلين في نفس الوقت , وعشان ربنا كمان عارف امكانيتها وضعفها العاطفي اداها بعد الانتهاء من كل علاقة زواج فترة عدة تجهز فيها (سايكلوجيا وعاطفيا ونفسيا ) لمحاولة انه تحب راجل تاني جديد وايضا براهو يعني ما اداها فرصة جمع راجلين في وقت واحد .
طبعا معروف قصة اختلاط الانساب والكلام دا لكن مع الكلام دا برضو ربنا اعلم بامكانياتها العاطفية .
عشان كدا انا ما بتوقع انه اي مراة حتدرك الكلام دا لانها اصلا ما مؤهلة لادراكه واستيعابه لانه ببساطة ما عندها الامكانية دي اصلا.
فعشان كدا وزي ما قال اخوي الكاشف اعلاه ما تنظرن فيما لا تدركن يا اخواتنا

دكين

Quote: كيف حدد الاخوات اعلاه إن كنا نستطيع ان نحب واحدة او اتنين او تلاتة؟!!

يا خي كيفتني 100%


قلبك أخضــــــــــر

Quote: الملف الشخصي ل ابو تميم اللقب: ابو تميم : . عدد البوستات: 612 تاريخ التسجيل: 22-12-2002 محل الاقامة: قطــر : عنوان مكتبتى بسودانيزاونلاين دوت كم : اكلات مفضلة: الاسم الحقيقى: التلفون: الجامعة/المعهد: الحالة الاجتماعية: Married

أبو تميم أخوي البوست دة (شاورتا) فيهو و لا منزلو (كتامي)؟؟؟
الله ينصر دينك يا عزوز و يخليك

Quote: هل يمكن ان يحب الرجل امرأتين في وقت واحد ؟؟

لا ما ممكن طبعاً

هو ممكن يتزوج 2 او 3 او حتى 4

بس ما ممكن يحب أكثر من واحدة

الا اذا كان للحب معنى آخر غير البنعرفو

Quote: بس ما ممكن يحب أكثر من واحدة الا اذا كان للحب معنى آخر غير البنعرفو

هذا هو القول الفصل انكن تتحدثن في غير ما تعرفن (راجعي مداخلتي اعلاه)
الحب الذي تبادله المراة للرجل او تكنه له ليس نفسه الحب الذي يبادله لها الرجل او يكنه لها
هذا الامر مثل السالب والموجب ليسا متشابهين اصلا ولكنهما مكملان لبعضهما
فحب الرجل مثل التوصيلة الكهربائية تستطيع ان تمد عدد كبيرا من القوابس بالكهرباء في نفس الوقت
وبنفس القدر ولكن لا يستطيع القابس الا توصيل خطا واحدا للكهرباء من مصدر واحد فقط
شفتي كيف

Quote: وكلنا بنعرف انه ربنا الخلقنا تعالي عن الظلم فما ممكن يديك امكانية انك تتزوج مراة ما حتقدر تحبها لانك بتحب واحدة قدامها كان ما عارف امكانياتك في الاول وانه بامكانك تحبها زي حبك للثلاثة القبلها .

ودا برضو ما معناه ما دام ح تتزوج واحدة تانية معناهاانك بتحبها

نعم ربنا قال ممكن تتزوجوا مثنى وثلاث ورباع ولأسباب متعددة

لكن ما تنسى انو رسولنا الكريم

قال اللهم لا تلمني في ما تملك ولا املك

وهذه اشارة لعدم مقدرته على العدل بين زوجاته

والعدل المقصود هنا عدل القلب

فالقلب لا يستطيع ان يحب الا واحدة

Quote: قال اللهم لا تلمني في ما تملك ولا املك وهذه اشارة لعدم مقدرته على العدل بين زوجاته والعدل المقصود هنا عدل القلب فالقلب لا يستطيع ان يحب الا واحدة

لا اعتقد هذا بل هو كان يحب نسائه كلهن ولكن العدل كان في مقدار الحب لكل واحدة والتفضيل في القلب وليس انه لم يحب الا واحدة فيهن فقط

الاخت انعام

Quote: ودا برضو ما معناه ما دام ح تتزوج واحدة تانية معناهاانك بتحبها نعم ربنا قال ممكن تتزوجوا مثنى وثلاث ورباع ولأسباب متعددة لكن ما تنسى انو رسولنا الكريم قال اللهم لا تلمني في ما تملك ولا املك وهذه اشارة لعدم مقدرته على العدل بين زوجاته والعدل المقصود هنا عدل القلب فالقلب لا يستطيع ان يحب الا واحدة

الرجل لو ما بحب الثانية بيتزوجها ليه ؟؟

وهنا لا اتحدث عن الزواج لسبب في الزوجة الاولى كالعقم او المرض او ... الخ

اتحدث عن رجل احب انسانة واعجبته ورغبها زوجة ثانية على سنة الله ورسوله... هنا لا بد انه احبها

واسباب الزواج المتعددة منها الحب بكل تأكيد او الاعجاب ... والاعجاب درجة من درجات الحب


وقول الرسول الكريم يعني عدل القلب فعلا .. ولكن لا يعني انه لا يحب زوجاته ولكنه يحبهن بطرق / درجات مختلفة

أنت ممكن قاصد الرجال الكبكابات وفي رواية الناس البكاية
والنوعية دي بقلب محركو 17 حصان
وعندهم قابلية يحبو كمية غير محددة
وكل ما يشوف ليه واحدة سمحة يعرق ويجف ويتراجف ...
ولو عائز تتاكد من أعراض الحب عند النوعية الكبكابة دي ختو
وسط عدد من النساء وتابع البشتنة البتحصل عليو ...
أها البشتنة دي ما أياها الحب ...زاتو ..؟؟

يمكن..
ولكن إنتبه للميل القلبي..
ولا تلمه فيما لا يملكـ..



الطمع صفة الرجال..

بدون مقدمات
لو الحب البنعرفو .. اقول :-
يجب ان يكون امتدادات الحب الى ما لا نهاية...
ولكن له ان يبغض منهن بمحدودية..!!
يبغض في هذه خصلة .. وفي تلك ما هو ذميم.. وفي بعض الاخريات ما يجب ان يكرهه العين او القلب او الروح .. باختلاف او تطابق .
فمساحات الحب اكبر واوسع وارحب من مساحات البغض والكره..
ومن لهن من الحظ وفره .. هن من يجدن الى تلك الساحة مسلك !!
والشاطرة منهن من تستطيع ان تجد فيها... عشة او مسكن ..
بس مش في المساكن العشوائية !!!

اساسي

Quote: الحب الذي تبادله المراة للرجل او تكنه له ليس نفسه الحب الذي يبادله لها الرجل او يكنه لها هذا الامر مثل السالب والموجب ليسا متشابهين اصلا ولكنهما مكملان لبعضهما فحب الرجل مثل التوصيلة الكهربائية تستطيع ان تمد عدد كبيرا من القوابس بالكهرباء في نفس الوقت وبنفس القدر ولكن لا يستطيع القابس الا توصيل خطا واحدا للكهرباء من مصدر واحد فقط شفتي كيف

ياخي انت معلم كبير


كلامك 200% صح واتفق معاك

خلي بالك في رجال كتاااااااار متفقين معانا لكن لظروف الهرشة بتخارجو سريع

lana mahdi

Quote: أبو تميم أخوي البوست دة (شاورتا) فيهو و لا منزلو (كتامي)؟؟؟

ما فارقه كتير

المهم انتي رايك شنو ؟؟

سلام لك الأخ أبوتميم.. ولضيوفك..

طبعا الموضوع ما موضوع دين ولا شي... ولو موضوع نناقشه.. واضح انه مسألة فلسفيه بحته زي ما عملوها الجماعة هنا.. لكن انا عجبني تعليق واحد.. لأخونا دكين.. القال..

Quote: يعني ماتجي خاشة بت هنا وتفتي لينا في سعة محباتنا..

فعلاً.. لو الراجل بعتقد انه ممكن يحب أكتر من واحده، حقوا يا أخوات ما نعترض عليه... لكن .. الواحده فينا تحتفظ بحقها في رد الفعل.. ... يعني انا ما عندي أي مانع لو قلتوا ممكن تحبوا خمسين.. ما حأكذّبكم.. ولا عايزاكم تتعبوا روحكم وتقنعوني.. بقتنع بمجرد الكلام... بس... بحتفظ بحقي كاملاً في رد الفعل...

أي زول عايز يدبّل.. أصلوا ما يبذل مجهود إقناع.. والعايزها يسوّيها..

قلتوا شنو يا أخوات

بنت الحسين

بت الحسين سلامات

بالتاكيد ليكم حقكم كامل في اي رد فعل ترونه..

زي ما انا افتيت في شأن نفسي واني بقدر احب اكتر من واحدي..
من حق زوجتي او من احب انها تفتي في شأن نفسها فهي ادرى بنفسها مني..

ولوبتقدر تحب اكتر من واحد ..انا ماعندي اي إشكال..
قلبها وهي ادرى بسعة محبته..








انا فقط حبيت اوضح انو كلُ ُ يدري بمافي جوفه وكل يدلي بقدر مايدري..
يعني الناس ماتجي تفتي فيما لاعلم لها به..

مودتي ام محمود..

Salaam Abutameem

Asasi,

Since abu tameem has not restricted his question to Muslims, I would counter your raison d'être.

Quote: ما دام ربنا قال انه الراجل ممكن يتزوج اربعة نسوان في وقت واحد

You are judging to the scope of 1.6 billion out of 6.6 billion

Quote: وما دام قال كدا ربنا فاكيد ربنا عارف

The Aaiah solved a social problem that existed then (3'azoat auhoud) . Allah does not look after men's pleasure. He created both men and women equally and as you said

Quote: وكلنا بنعرف انه ربنا الخلقنا تعالي عن الظلم

Quote: لانه طبعا ربنا ما ممكن يخلق ليهو كائن ويديهو صلاحيات ما بتلائم امكانياته .

In other cultures Allah gave women the potential to marry more than one husband which invalidates your reliance on Islamic verses

Quote: عكس الكلام دا المراة ولانه ربنا عز وجل وتعالي عن كل شئ عارف انه الكائن الاسمه المراة الخلقه دا ما بستوعب انه يحب ليهو اكثر من راجل في وقت واحد ولان امكانياته العاطفية والاستيعابية الخلقها فيهو ما بتأهله لانه يعشق راجلين

(In many cultures polyandry is practiced (Tibet,Nepal,SriLanka,...etc
The question is now has Allah created us Muslims (psychologically and physiologically) just like he created them? Answer it honestly with yourself and you don't have to share it with us.

Quote: طبعا معروف قصة اختلاط الانساب والكلام دا

This claim is so weak to defy, the DNA test has solved the problem. It is also not an issue in some cultures.

Quote: فعشان كدا وزي ما قال اخوي الكاشف اعلاه ما تنظرن فيما لا تدركن يا اخواتنا

Same to you, you can't experience whether women can afford to love more than one or not so (ma tanazir sai

The points you are trying to make have been discussed in a post for brother Gafaar, I will post the link as soon as I find it.

Regards

Firdouse

Quote: لو الراجل بعتقد انه ممكن يحب أكتر من واحده، حقوا يا أخوات ما نعترض عليه... لكن .. الواحده فينا تحتفظ بحقها في رد الفعل.. ... يعني انا ما عندي أي مانع لو قلتوا ممكن تحبوا خمسين.. ما حأكذّبكم.. ولا عايزاكم تتعبوا روحكم وتقنعوني.. بقتنع بمجرد الكلام... بس... بحتفظ بحقي كاملاً في رد الفعل...

ده تصريح دبلوماسي حكيم على شكل ( اصبروا )

مريم بنت الحسين

العنف شنو يا اختي ؟؟؟ ده شكلو تطهير عرقي

ابو تميم

السؤال الاهم

هل تستطيع المرأة ان تحب رجلين؟

اسمح لى ان اقول لك أن سؤالك هذا تحصيل حاصل لقضية كثر نقاشها.

و هى قضية تعبر عن فجوة بين العقل الذكورى و الوعى الانسانى الحقيقى.

عموما الانسان كائن معقد( الرجل) و ما يسمح له لنقسه هو الذى يحدث له و ليس بالضرورة هو الحقيقة.

اقراوا فى مكان آخر بوست احلام سعيدة يا رجال المنبر