إعتذار للأخوة اعضاء المنتدي واخص دينق , وسام

كل الاخوة اعضاء المنتدي او من مسه طرف من بعض ملاسناتي المنبرية
الاخ دينق
الاخ وسام


اأعتذر لكل من مسسته بكلمة خارجة او كلمة جارحة في اطار حوار اتخذ شكل الشخصنة وبعد عن الافكار والروى , اما بخصوص الخلافات الفكرية او المبدأية في المواقف فهذه الخلافات لن تنتهي الي ان يشاء الله
هذا الاعتذار في اطار عام بعيدا عن الغوص في تفاصيل اصل الخلافات التي قد تفتح بابا جديدا للخلاف ,
وقبل هذا اعتذر لنفسى اولا عن اقحامها في درك السقوط المنبري والمساس الشخصي

بي اعتذارك لي دينق ووسام

مسخت علي اعتذاري ..
وبقيت زي البتوسع في لباسي ليس إلا..

جميل ان كان موقفك من اعتذاري ايجابيا يا دكين وهو الذي حفذني لامدد يدى بيضاء من غير سؤ لكل من يحمل في دواخله بعض الرواسب السلبية تجاهي نتيجة مخاشنات منبرية اتخذت شكل الحوار الشخصي البحت ..
من السيئ جدا ان تجلس وسط جمع وبعضهم (يحدرون لك) غيظة وحنقا
لذا اليت علي نفسي ان ابادر بازالة كل الرواسب السلبية في نفوس هذا الجمع تجاهي
وبدأت باقربهم الي نفسي

وبينا المعزات

الاخ ... اساسي ..
هذا الاعتذار تاكيد علي فطرتك السليمة
والبناء علي هذا الاعتذار في الاتجاه السليم مهم جدا ...
وبنفس القدر الاخوة (دينق ووسام) ....

..

تحياتي عميقا

الاخ الشفيع

تحياتي لك
واتمني دائما ان اكون عند حسن الظن بي .

دم بخير

اساسي ؟؟؟

مالك في شنو ؟؟؟

قربت تروح لي ..

بقيت اقول يا ربي دة اساسي ولا زول سرق الباسورد بتاعته ؟؟

خير اللهم اجعله خير ...

يا زول انا باهزر ما تشاكلني ..سمح ؟؟ ( وش خواف ) ...

بس بالجد مالك ؟؟؟ الحاصل شنو ؟؟ ...

دخول الحمام ما زي خروجو وتربة والدي يااساسي انا لو خليتك بعد الكلام الانتا قولتوا في حقي والاشاعة القاطعة من راسك الفارغ دا!!!
اكون فعلا زي ما قلتا الكيزان كسرو عيني في المعتقل!!! اعتذارك ما بفيدك وبعكس جبنك وشخصيتك المهزوزة لانك لو انسان سوي ما كان وصل بيك الحقد الي هذا الدرك ومس الناس بالباطل في شرفهم وعرضهم وتحتشوف يا اساسي!!!

السيد وسام

لم اختلق شيئا من رأسي كما قلت هناك وكتبت الذي سمعت , ان لم يقع لك هذا الاعتذار موقعا طيبا من نفسك وهو عن المخاشنات الاخري في المنبر وليس له علاقة بما ذكرت من ما حدث لك في املعتقلات لانه لا سبب واحد منطقي الان يجعلني اكذب ما سمعت فلم اسمع حتى نفيا منك لكن ليست هذه قصتنا وكما ابتدرت ان الدخول في تفاصيل قد يهلكنا مواقع الفرقة . بخصوص الاعتذار اعلاه ليس هناك من يجبرك علي قبوله ان لم يصلح لك لكن انا افعله لنفسي ولضميري وهذا الاشياء منا ظنتت انك ستدركها قريبا
عموما اعلي ما في خيلك اركبه فانا لا اهتم بهذه الدونكشوتيات ,واسمعها مني انت لن تفعل شيئا ولا تحلم بانك ستفعل يوما شيئا فانت لست مهؤهلا اصلا لفعل شئ
جفت اقلامنا ورفعت صحفنا
ولا حديث لك معي بعدها

Quote:

لا حيرة اخي نوبي

انما هي بعض مراجاعات لافعال

الاخت الفاضلة سناء

تحية واحترام

حقيقة كل فترة الواحد مفروض يراجع نفسه ويراجع اعماله (قبل ان يراجع) الفترة الاخيرة في المنبر شهدت لي بعض المخاشنات المتفلتة جدا مع بعض الاخوة والحوار انسحب من افكار واراء الي مشاحنات شخصية لا طائل من ورائها , لذا اليت علي نفسي اني متى ما رايت شططا او بعدا عن مواقف سابقة رسمتها لنفسي ان اراجع نفسي واصفي دواخلي والاخرين تجاهي

كوني دائما بخير

Quote: الاخت الفاضلة سناء تحية واحترام حقيقة كل فترة الواحد مفروض يراجع نفسه ويراجع اعماله (قبل ان يراجع) الفترة الاخيرة في المنبر شهدت لي بعض المخاشنات المتفلتة جدا مع بعض الاخوة والحوار انسحب من افكار واراء الي مشاحنات شخصية لا طائل من ورائها , لذا اليت علي نفسي اني متى ما رايت شططا او بعدا عن مواقف سابقة رسمتها لنفسي ان اراجع نفسي واصفي دواخلي والاخرين تجاهي كوني دائما بخير

الاخ الكريم اساسي ...

اقدم تحياتي .. واحترامي للمراجعة والوقفة مع النفس الامارة بالسؤ ...

ومعا لمنبر نظيف وخال من المخاشنات المتفلتة ...
ومعا لمنبر خال من شخصنة العام وتعميم الخاص ...

Quote: كل الاخوة اعضاء المنتدي او من مسه طرف من بعض ملاسناتي المنبرية الاخ دينق الاخ وسام اأعتذر لكل من مسسته بكلمة خارجة او كلمة جارحة في اطار حوار اتخذ شكل الشخصنة وبعد عن الافكار والروى , اما بخصوص الخلافات الفكرية او المبدأية في المواقف فهذه الخلافات لن تنتهي الي ان يشاء الله هذا الاعتذار في اطار عام بعيدا عن الغوص في تفاصيل اصل الخلافات التي قد تفتح بابا جديدا للخلاف , وقبل هذا اعتذر لنفسى اولا عن اقحامها في درك السقوط المنبري والمساس الشخصي

الاخ أساسي.

لم تعطيني أي فرصة سوى قبول أعتزارك لي وللاخ وسام, إعتزارك مقبول وأنا برضه أعتزر لك عن أي كل كلمة أو إسائة خارجة عن سياق الاختلاف الفكري والسياسي في حقكك بهذا المنبر, أرجو أن تتقبل إعتزاري لك. وفي النهاية تبقى بيننا الانسانية والخلاف الفكري والسياسي. لك مني كل الود.

دينق.

الاخ دينق

لم تخب ظني في اصالة معدنك وحسن تربيتك , بالرغم ما بيننا من خلاف الا ان قبولك لهذا الاعتذار يحسب لك واعتقد ان ما بيننا من خلافات ليست شخصية اطلاقا بل هي فكرية ومبدأية وهذه يمكن الاتفاق عليها متي ما تغيرت الاحداث والدنيا دار حراك دائما تنبى كل يوم بجديد

لك الشكر علي حسن الرد

الأخ / دينق

what about the continuous person insults for me

knowing that i never responded to your personal insults at all
and never been in any of your posts

and never known you personally

in a separate post if you wish
if you don't want to apologize in separate post

for get it


when are you going to apologize???????

أساسي
النبي فوقك كان ما جبرت بي خاتر دكتور مصطفى
كان إتداغلت عليه زي بشاشا و أبيت تعبروا
ياهو المصبح بينا الواطـة

يا دكتور مصطفي

Quote: أعتذر لكل من مسسته بكلمة خارجة او كلمة جارحة في اطار حوار اتخذ شكل الشخصنة وبعد عن الافكار والروى

اخصك بالكلام اعلاه واعتذر لك عن كل ما حاق في نفسك تجاهي من حنق او غيظ

Quote: دخول الحمام ما زي خروجو وتربة والدي يااساسي انا لو خليتك بعد الكلام الانتا قولتوا في حقي والاشاعة القاطعة من راسك الفارغ دا!!! اكون فعلا زي ما قلتا الكيزان كسرو عيني في المعتقل!!! اعتذارك ما بفيدك وبعكس جبنك وشخصيتك المهزوزة لانك لو انسان سوي ما كان وصل بيك الحقد الي هذا الدرك ومس الناس بالباطل في شرفهم وعرضهم وتحتشوف يا اساسي!!!

أصلا أساسي غلطان والغلط راكبو من راسو لي كرعينو
وسام منو البتعتذر ليه يا اساسي

الإعتذار شرف في كل حال إلا في حال هذا السجم

اساسي و دينق
أثبتم لنا أنكم أخوة
أدام الله الاحترام و المحبة بينكم رغم الاختلاف.


هدانا الله و إياكم.


دينق
لك التحايا أطنان.

كبير يا دينق

أنا هسع ماشي البحر أركب موتر ولا أعوم.
أشوفكم بعدين ولا باكر.

دينق.

in a separate post if you wish

to apologize to me

if you don't want to apologize in separate post

for get it

ما فهمتك يا دكتور كدي اكتب لي بالعربي عشان افهم بتقول في شنو ما تنسي اني في السعودية ما بنعرف انجليزي زيكم

ولا واحد فيكم يترجم لي الدكتور قصده شنو؟

السمانى

الدكتور بقول لو عايز حقيقة تتعذر ليهو ..يجب ان يكون اعتذارك
مخصص للاعتذارك له يعنى بوست قائم بذاته يخص اعتذارك له صراحة
لو انتا اصلا عايز تتعذر ...اما اذا لم تقم بذلك انسى فكرة اعتذراك دى ليهو...

عــربى جوبــا حلو حلا

يا أساسي الدكتور دا قال ليك يا تعمل ليهو شكل وردة .. و لً حيخليك لي الله !!

حاضرين يا دكتور دا شكل الوردة المهم ما تكون زعلان

شكرا يا عصام للترجمة

اساسي
الدكتور بيطالبك ببوست منفصل للاعتذار له
لما اسابه منك.....

________________________
يا دكتور ...
اقبل وردة اساسي دي واعتبرها بوست
و قوموا الى صلاتكم يرحمكم الله ....

as i said above

as i was insulted by you personally on many occasions
and that was before the problem with wessam and Deng

if you wish to apologize to me

you
open a new post
putting in it your apologies to me

and as i said
if you do not wish to do it in a separate new post

for get it

يا دكتور يا صدقني انا ما بعرف انجليزي

انحنا ضحايا حكومة الانقاذ عربت الجامعات السودانية وكل المقررات بالعربي
عشان كدا نصيبي من اللغة الانجليزية صفر
يا اريت تخاطبني بالعربي عشان افهم انت بتقول في شنو

Quote: السمانى الدكتور بقول لو عايز حقيقة تتعذر ليهو ..يجب ان يكون اعتذارك مخصص للاعتذارك له يعنى بوست قائم بذاته يخص اعتذارك له صراحة لو انتا اصلا عايز تتعذر ...اما اذا لم تقم بذلك انسى فكرة اعتذراك دى ليهو... عــربى جوبــا حلو حلا

يا دكتور هل الكلام الكاتبه بوب دا كلامك الانت قاصده؟؟

يا اساسي تصحيح بسيط

Quote: for get it

for = لـ
get = جيب
it = ضمير الجماد

و بالتالي
جيب لضمير الجماد

صاح يا د؟

Quote: if you wish to apologize to me you open a new post putting in it your apologies to me

و الكلام الفوق دا معناهو ..

دينق و وسام ديل أحسن مني بي شنو ؟؟ ما كلنا معارضة و بنعرف إنقليزي ؟؟

يا اخوانا لخبطوني اسع اخد كلام منو اسع واخلي كلام منو

يا دكتور قصدك بالعربي شنو؟

قول الكلام انت وخليك واضح وصريح بي لغة بنفهما

يااساسى

دى كلام الدكتور بجد بدون هظار عايز تتعذر ليهو
فى بوست معنون باسمه يخص اعتذارك ليهو فيهو
وكما ذكر فى المداخله الاخيره ..طالما خصيت دينق و وسام ببوست
خصيت فيهو اعتذارك ليهو..فهو يطلب منك المثل لكى يقب اعتذار
واخير قال ليك لو ما عايز تعمل كدا انسى الاعتذار بكلمة forget it

بدون لف ولا دوران

for = ياهم الواحدين ديل ..
get = أوت ..
it = بالنيني ..


يعني زي قاصد يقول ليك ولا أي حاجة ..

يا دكتــور مصطفى

صلى على النبى يا رجل ..شنو بوست منفصل وكدا المهم الاعتذار
الراجل راجع نفسو واعتذر ودى حجاه ما ساهله..انتا كمان وما تعقد الامور
وتحسس ...
الرجاء المحافظه على الباندوث ..وعفى الله عما سلف
قبل ما يغير رايو ويقول ليك You got to forget that as well



peace brother

الأخ الـحـبيـب الـحـبـوب،

أسـاســي،
تـحـية الـود والأعـزاز، والشـكـرالـكبيـر الـمقـدر عـلي اسلوبك
الـحـضـاري " ورغـم انـي غـيـر مـعني بـهـذا البـوسـت " الااننـي
قـررت ان ادخـل لاجـزي لـك الشـكـر عـلي اعـتذارك للأخـوة وسام ودينق
ود. مـصـطـفي وحـتي لاتـقـطـع مـعـهـم " شـعـرة مـعاويـة ".

واقـول لأخـي الـحـبيـب الـحـبوب،
" كـلنا نـخـطـئ ، بل وحـتـي نـبيـنا الكـريـم أخـطـأ
ذات مـرة ، فـنـزلـت عليه سـورة " عـبـس وتـولـي " ونبـهـه اللـه تـعالي الي انه وماكان وعـليـه وان يتـجاهل الاعـمـي. سـورة قـرانيـة تعـطـيـنا
درس فـي ان الانـسـان مـهـما كـانت مكانتـه فـي الـمـجـتمـع فهـو عـرضـه
لارتـكاب الأخـطـاء.

اخـي وسام، الاخ اسـاسـي مـد لك يـده فـلاتـردها خـائبـة.

اساسى ازيك ..

(الذ مافى القصة دى عدم معرفة اساسى بالانجليزى )
وانت تعال هنا الانقاذ دى طالما خرجتك (ابيض ) من
حاجة اسمها انجيلزى مابتعارضها مالك ؟.. ..

غايتو اتوقعت انو دينق ووسام يقبلو الاعتذار
دينق كتر خيرو ماقصر وبتسامح مسيحى جميل جدا
قبل الاعتذار ...وخذلنى وسام فى رفضه للاعتذار ..
طبعا هى المسألة شوية كانت صعبة واستنكرتها
فى حينها وكتبت لاساسى مسنجر داخلى بهذا الخصوص ..
لكن اعتقد ان المسألة جاءت فى حالة غضب تملكت
اساسى ..والمتأكد منو انو لااساسى لازول غيرو
صدق القصة المفبركة دى ..عشان كدا ياوسام
حاول انسى القصة فهى لاتستحق واقبل اعتذار
اساسى بنية صافية ..لانو شكلو بعتذر بنية
صافية ..


ويبقى الود

اساسي مصطفي محمود دا كان ما اعتذر لخالتكم الضلامية عن تعقبها بساقط القول ومحاولته
اليائسة لاشانة سمعتها.. وقطع ولصق اي كلام فاضي عنها طبعا دا كلو بدون اي سابق نقاش
كراهية لله,,
وعملت ليه بوست براه
ماني عافية منك...

اما ماي فرينك بروم جنوف فهو زول نبيل.. رغم انه بتقوم عليه
فلهمة الامريكان قاي
لكنو انسان خير...

Quote: الاخ أساسي. لم تعطيني أي فرصة سوى قبول أعتزارك لي وللاخ وسام, إعتزارك مقبول وأنا برضه أعتزر لك عن أي كل كلمة أو إسائة خارجة عن سياق الاختلاف الفكري والسياسي في حقكك بهذا المنبر, أرجو أن تتقبل إعتزاري لك. وفي النهاية تبقى بيننا الانسانية والخلاف الفكري والسياسي. لك مني كل الود. دينق

أصيل يا دينق. نظرتي فيك أبدا ما خابت. ود بلد لكن بتلخبت مرة مرة . أشكرك على قبول الاعتذار و الشكر من قبل لأساسي على الاعتذار.

يتم رميكـ بأبشع ما يمكن والآن عادى يا وسام معليش ياخى وأمسحا لينا فى وشنا وكمية من الأجاويد وباركوها يا جماعة ويا إبن العم الزول دا هسى ندمان وسافى التراب عديل كدا. وياهو ديل نحنا نفس طريقتنا فى حل المشاكل كلها من شكلة بين كمسارى وراكب فى حافلة إلى قذف الناس فى أعراضهم وسلوكياتهم وطعن فى دوافع مواقفهم الفكرية والسياسية.
يعنى هسى عليكم الله يا معشر الأجاويد وجموع حلالى العقد الفرحين ببوست الإعتذار هذا, بس داير أسألكم كم زول ممكن يكون قرأ الكلام الإتقال فى وسام وكم زول حا يقرأ الإعتذار دا? وحتى لو قروا ناس أكتر من القروا الإتهام ذاتو هل الإعتذار دا كفيل بمسح ما جرى لوسام? لكن طالما الباب مفتوح لرمى الناس بأى حاجة تهف لأى زول بدون خوف من العقاب وطالما ممكن تعتذر من باب الأضينة دقو وأعتذرلو فحانفضل نعيد فى إنتاج مشاكلنا بدون أى أمل فى التقدم خطوة واحدة واحدة للأمام

سامع كلام bob ولا تسمع كلام عصام


بعدين اعتذاراتك كترت ... ده ما بيعني انك زول كويس اكتر مما بيعني انو غلطاتك كترت ... يعني روق شوية واستهدي ... واحتمال الاعذتراات برضو دليل علي انك روقت شوية ... وهي جميلة

اذا وسام رفض اعتذارك ... ما تلومو لانو في حاجات ما بيكفي فيها اعذتذار جماهيري زي ده؟

سلام لي عروستنا

Quote: يعنى هسى عليكم الله يا معشر الأجاويد وجموع حلالى العقد الفرحين ببوست الإعتذار هذا, بس داير أسألكم كم زول ممكن يكون قرأ الكلام الإتقال فى وسام وكم زول حا يقرأ الإعتذار دا? وحتى لو قروا ناس أكتر من القروا الإتهام ذاتو هل الإعتذار دا كفيل بمسح ما جرى لوسام? لكن طالما الباب مفتوح لرمى الناس بأى

سلام يا خالد

أنا واحد من الناس لم اقرأ ما كتبه اساسي لوسام.. لكن كدا و شيك على بيااض
اقول ليك وسام يستاهل أي حاجة و أي كلام يتكتب عنو.. عامل فيها ضكر ضبان و
وطني اكتر من البشر..
يفتج بوستات يصنف فيها خلق الله على كيفو!!
ما احلى شكل جرسته الحالية ( لونا بمبي) و البادئ اظلم
الواحد وقت ما بعرف يطير ما يقعد في واطاة الله دي!!


عفيت منك آ ابوالبنية

كل الاحبة

تقبلوا تحياتي واسال الله ان يديم المعروف بين العباد

أساسى شايف الإعتذارات بقت عندك شىء أساسى
لذا نطالب باعتذار خاص للسيد متعز القريش
الذى لم يستشره أساى فى عتزاراته تلك ومتعز
بفضل الاعتزارات العينية والصيف دخل يعنى ممكن
تكون كرتونة بيرة ساقطة وماجاورها.......




تنهدات: ويسألونك ما ذا ينفقون قل العفو...

أخي الكريم أساسي

مودة وإحترام ، ،،

Quote: فى بوست معنون باسمه يخص اعتذارك ليهو فيهو وكما ذكر فى المداخله الاخيره ..طالما خصيت دينق و وسام ببوست خصيت فيهو اعتذارك ليهو..فهو يطلب منك المثل لكى يقب اعتذار واخير قال ليك لو ما عايز تعمل كدا انسى الاعتذار بكلمة forget it

ترجمة الاخ بوب لكلام الدكتور صحيحة 100% فهو يطلب بالاعتذار له في بوست منفصل كنوع لرد الكرامة ....

شكراًً بوب

شكراً دينق على تقبل الاعتذار يا أصيل ...

شكراً أساسي لعودتك إلى طريق الصواب .ز

شكراً لكل المتداخلين المحبين للصفح والتسامح ... ومعاً من أجل بورد أخوي صادق .....

محبـــتي ، ، ، ،

الاخوة الكرام.

"وليس كبير القوم من يحمل الحقد "

دينق.

أساسى

حرام حرام .. إعتذار لدينق ووسام بالمرة الواحدة كده ..

مسختها تب.

بريمة

Quote: هذا اعتذر لنفسى اولا عن اقحامها في درك السقوط المنبري والمساس الشخصي

ماذا عن الاحباط و الحزن الذي اصاب القراء من ما كتبت

وشكرا

الاخ بريمة

لقد فات علي ان مثل وسام غير كفء للاعتذار بالرغم من خطأه وابتداره الهجوم علي مع تحذيري له الا اني وبنفس صافية مددت له يد الصفح ولكن مرمي الله ما بترفع يا صاح .

بت الاسيد

Quote: ماذا عن الاحباط و الحزن الذي اصاب القراء من ما كتبت

طيب والعمل شنو الان ؟ يعني اعمل شنو ؟؟

عموما ان كان جميع الاخوة اعضاء المنتدي اصيبوا باحباط وحزن فقد عنونت لهم البوست واعربت لهم عن اعتذاري وهذا اقصى ما استطيعه
وان كنت انت فقط من اصبت بالاحباط والحزن فصدقا يا استاذة انا لا احفل بهذا ولا اهتم يعني يا بت الاسيد اي دونت كير اباوت يو والاموشن حقك
لانه مداخلتك دي بعد اعتذاري تصب في خانة الاذلال ليس الا . دا مع ملاحظة انه اصلا انا ما مهتم بارائك ولا اقيم لها وزنا .

عذرا

لم اتحدث عن نفسي مطلقا هنا

وشكرا علي الشتيمه

وسؤ الفهم

وعيد قرائه ما اكتبت

Quote: هذا اعتذر لنفسى اولا عن اقحامها في درك السقوط المنبري والمساس الشخصي

وكل
اسفي لمداخله والاشاره ان الاعتذار يكون لقراء اولا وليس لاعضاء

فقط لان الكتابه مسئوله اولا و اخير

و لن اقوم بالمداخله ثانيا

لاعتذارك عن االشتيمه وردك بشتيمه في نفس البوست





I am not the person who evaluates your writings, the readers do that.

Eventually, do not write when you are angry,because you are doing the same mistakes

All the best

كوني لا احفل بارائك لا اعتقد ان هذه شتيمة ولا تصنف مطلقا في باب الشتم انا قلت رايا فقط

كوني ابرزت البوست وعنوته لاعضاء المنتدي افترض ضمنا ان القراء وجميع من لهم علاقة بهذا المنبر يشملهم الاعتذار عن المخاشنات
ردك علي كان استفذاذي لا اكثر ولا يصب في مصلحة اي حاجة
لذا ما ازال لا احفل بارضائك ووجهات نظرك
وهذا ابدا لا يعد شتما

Quote: الاخوة الكرام. "وليس كبير القوم من يحمل الحقد " دينق.

لكن يا اساسى

مرقتا أبو العبابير جورج [دينق] من كم قميصو بعد ما بلع إعتذارك في حنانو..
حتى شوفو بعد ما أغتسل بملح البحر الأجاج..

وعينكـ عليهو ياهو بلبوط..


واقف كبير أخوانو..

ابو رزقة ياخي خليك محضر خير

دينق الايام دي حبيبي وشرياني

الأخ اساسي ،

لك الود ،

وخيراً فعلت بالاعتذار ، وهذا من شيم الكرام ،
وآمل أن يتقبل المتضررين إعتذارك ، مثلما فعل
الأخ دينق .
وفي اعتقادي أن الدكتور و وسام لم يتقبلا اعتذارك
لأن لسان حالهما يقول لك :
(إعتذارك ما بفيدك ، ودموعك ما بتعيدك ،
العملتو كان بإيدك وأنا ما لي ذنب فيه . )

شكراً لك على كل حال ، وإن كنت أثني كلام الأخت بنت الاسيد
والتي قالت لك :

Quote: ماذا عن الاحباط و الحزن الذي اصاب القراء من ما كتبت وشكرا

إذن افتح بوست خاص باعتذار الدكتور ، وآخر خاص بالقراء ،
عسى أن يقبل الجميع اعتذاراتك والتي تدل على معدنك الاصيل .

لك معزتي ،


( ليمو )

الاخ ليمو

اولا بالنسبة لدكتور مصطفي اعتذار للدكتور مصطفي محمود

Quote: إعتذار للأخوة اعضاء المنتدي واخص دينق , وسام

بصراحة انا ما عارف قصة قراء دي شنو انتو متخيلين انه دي جريدة او مجلة ؟
اعتذرت لكل العضوية الموجودة هنا
بالرغم من انه وسام من ابتدرني بعداء سافر
وكان ان نقلت ما سمعته عنه
انظر هنا مثلا هل اخطات في حقه؟

يا أساسى القراء هم أهم شريحة هنا

بل هم أهم من العضوية نفسها

لمن نكتب يا أساسى؟؟؟؟

نكتب للقراء

full stop

كتب يازول

Quote: لمن نكتب يا أساسى؟؟؟؟ نكتب للقراء

انت تكتب للقراء يا هشام

انا لا اكتب للقراء انا اكتب لنفسي انا لست صحفيا محترفا او كاتبا او اديبا انا سوداني عادي وجد فرصة لادارة حوار مع سودانين اخرين
لو كنت اسعي للكتابة الصحفية او الادبية او غيرها كنت اتجهت هذه الوجهة اي دراسة الصحافة والادب .هذا منبر حوار وليس موقع لصحيفة
او موقع لمجلة , حوار يعني راي مقابل راي
وفي النهاية 90% من الكتابات داخل هذا الموقع لا ترقي لأن تكون كتابة موجهة لقراء .
انت مثلا ماذا يفيد القراء من انك تفتح بوستا عنوانه ( يا اخوانا ردوا علي بوستاتي ما بعاديكم بالنزلة ) وتنزل خمسة وشوش ضاحكة؟
هل سيكسب اي قاري معلومة مفيدة من هذا؟
وهذا محض مثال وبأمكاني ان اغوص فقط في كتاباتك انت واعرضها لك هنا واتي لك بامثلة قد لا يسعها هذا المنبر لا تصلح لقراءة القراء
او حتي قراءة العضوية
شكرا يا زول للمرور

التحيه للاخ اساسي والاخ دينق

الاعتذار معناه نسيان الفات وفتح صفحه جديده. الاحباط يصيب القراء يوميا فهل اعتذر مسببو الاحباط. لذلك اري ان الاخ اساسي اتي بمحمده شجاعه وسنه يشكر عليها وكذلك الاخ دينق كان كبيرا. مثل هذه البوستات للتصافي وليس اشعال النيران من جديد

تحياتي جمال

الأخ العزيز أســاســي عســاك طيب ...

و البوســت التحت دة للذكرى ... و الذكرى بتنفــع المــؤمــن يعني بوست من الأمــس ... و لا شئ في القلب تجـاهـك ... و خير الخطاؤون التوابون... و شكـــراً مع تحياتي لفيصل نوبي و تبلدينا آنـذاك ...

أطال الله عمرك يا بكري ابوبكر

أساسى

Quote: ماذا عن الاحباط و الحزن الذي اصاب القراء من ما كتبت

الأحباط حاصل لكنى بطريقة تانية ..

أمثال شيخ الأنداية دينق والحلفوت ووسام يستحقوا إعتذار!!

أساسى لا أعتذار لا يحزنون.


بريمة

Quote: دينق الايام دي حبيبي وشرياني

أداكـ بطاقة شخصية..

محضر خير بتاع شنو كمان يا اساسى..




قول شاهد ملكـ..

عزيزي أساسي

لك المودة والتقدير ،

بصراحة انا ما عارف قصة قراء دي شنو انتو متخيلين انه دي جريدة او مجلة ؟
اعتذرت لكل العضوية الموجودة هنا


القراء - حسب فهمي المتواضع - وأحسب كذلك هو ما رمت إليهالأخت بت الأسيد ،
هم غير الأعضاء ، أو تلك الشريحة من الناس الذين يقرأون ما يكتب في هذا المنبر ، دون
أن تكون لهم القدرة على أو المداخلة أو التعليق ، فقط لأنهم غير أعضاء ،
وبالتالي لا يملكون صلاحية الدخول وإبداء الرأي . هذا هو المقصود بكلمة القراء هنا ،

وللعلم ، وكمثال فقط فأنا كنت أحد القراء في هذا المنبر لأكثر من خمس سنوات تقريباً ، ولم
أكن بالطبع أملك خاصية الدخول للتعليق أو إبداء الرأي ، لأنني وقتها لم أكن عضواً .
وكنت أحياناً اصادف كتابات جميلة وهادفة ، وأحيانا أتكدر بقراءة بعض التعليقات
الجارحة أوالمسيئة والتي تصدر من بعض الأعضاء من هنا أو هناك . فكنت (أزعل)
وانفعل ، دون أن أملك المقدرة على التعليق أو المداخلة . وكثيراً ما أجد العكس ،
حيث التعليقات المهذبة أو الكلمات الطيبة .. الخ .

مع مودتي ،



( ليمو )

شكرا ليمو

وكما اوضحت اعلاه انا هنا لست صحفيا محترفا او هاوي انا هنا اكتب لنفسي فقط وليس للاخرين

Quote: والحلفوت ووسام

المرهاض بريمة



يا أساسي أنا برضو بعتذر للحلفوت بريمة

والله يا اساسي انت تنفع صحفي رياضي .. اصلا مبدأ الصحافة الرياضية السودانية قائم على الاساءة وبدون أعتذار كمان ...



ولا رايك شنو ؟

والله يا علاء حيمورة سؤالك دا مفخخ

عموما لا احب الصحافة الرياضية ولا اقراها الا نادرا

Quote: أمثال شيخ الأنداية دينق والحلفوت ووسام يستحقوا إعتذار!!

قصدك الهلفوت!!!!!

You but all in one leache.you have to get that alone

ما أكثر الإعتذارات في هذا المكان ..
المهم يا أساسي أن تتوّج إعتذارك بالتوقّف عن المهاترات..

ورجاء أن تكتب.. وبس..
بعيدا عن السياسة والمشاكل..

لديك كيبورد يستحق الدبل كليك (على قول خليل)..
فلا تخنقه وتطلّع روحه بيدك...

Quote: وكما اوضحت اعلاه انا هنا لست صحفيا محترفا او هاوي انا هنا اكتب لنفسي فقط وليس للاخرين

بالمناسبة.. طالما تكتب في منبر عام.. (هاوي أم محترف).. فأنت تخاطب القرّاء وأعضاء المنبر (ما تغش نفسك)..

لك التحيّة أخي الكريم..