الخالة دومــــــــــــــــــــــــــــــــة

عليك الله لو مارجعتي لينا
نحنا بدونك لا نسوى مثقال ذرة
وكان زعلك شكلنا والله نخليهو

أنا غايتو توبة
بس انتي ارجعي

***

دومة نحنا في انتظارك.....

مكانك شاغر..

Quote: دومة نحنا في انتظارك..... مكانك شاغر..

فعلا يا دكتورة مكانها شاغر وما في حد ممكن يشغله

خوخة الضروس.

قال خالة قال.

دينق.

Quote: خوخة الضروس. قال خالة قال. دينق.

مابين الخالة دومة والخــــال دينق
من الفراسخ آلاااااف
وصاحب العقل يمييز

دينق يا خال يا عزيز تعال في محل تاني
هنا ما مكانك

دومة لك الود والتقدير
ياسيدتى لابد لنا من ثقافة
قبول الآخر أي قبول بعضنا
بسجمنا ورمادنا و تطرفنا واعتدالنا وعنصريتنا وكيزينا
ولا نجهل فوق جهل الجاهلين ...ومن حقك ان تترفعى وتسمو
فوق الصغاير وان تقرفى من الكلام الفاضى وخمج لكن هذا فى
تقديرى لا يتم بالانسحاب او التوارى بل بالحضور المتحضر
وكل نفس بماكسبت رهينة ويقينى ان نفس دومة رهينة قيم جمالية
ومد انسانى عودى ايتها المشرئبة




تنهدات: قال: ليس السخاء فى ان تعطنى ما انا فى حاجة إليه أكثر منك
ولكن السخاء فى ان تعطنى ما انت فى حاجة إليه أكثر مي

up

اخونا الحبيب

بدر الدين يا امير


معتز دا طالقنو كدا ماتشوفو ليهو حل

سايبينو على حل شعرو ,


كت اووت :-

كلكم راع وكلكم مسئول عن رعيته , يامن شراله من حلاله علة

خضر يا طيب

ياسيدى قريبك ودالقريش بنتعامل معاهو من خلال
ولكم فى كل كبد رطب أجر

Quote: معتز دا طالقنو كدا ماتشوفو ليهو حل سايبينو على حل شعرو ,

هسة عليك الله مطلوق أنا
ولا مطلوق انت المرقتها في لندن
ولا مطلوق صاحبك ود الأمير دا
المارقا بعد يومين في لبنان

وكتبت الاستاذة دومة في أخر مداخلاتها
شكرا كمال عباس شكرا عاطف مكاوي وشكرا احمد طراوه
وكل سنه وانت طيبه يا دكتوره بيان اقبلي الاعتذار ودعينا نحتفل بعيد ميلادك
وعقبال تطفئ الشمعه الميه مع اجمل االمني
ووداعا كل الاحباء يسودانيزاونلاين فقد قررت اعتزال البوردات نهائيا
ولكم خالص حبي
Re: عليك الاعتذار يا عاطف مكاوي !!!!!!!!!!
كمال

Quote: وكتبت الاستاذة دومة في أخر مداخلاتها شكرا كمال عباس شكرا عاطف مكاوي وشكرا احمد طراوه وكل سنه وانت طيبه يا دكتوره بيان اقبلي الاعتذار ودعينا نحتفل بعيد ميلادك وعقبال تطفئ الشمعه الميه مع اجمل االمني ووداعا كل الاحباء يسودانيزاونلاين فقد قررت اعتزال البوردات نهائيا ولكم خالص حبي Re: عليك الاعتذار يا عاطف مكاوي !!!!!!!!!! كمال

شكرا كمال
فعلا لقد كنت ابحث عن هذه المداخلة ولكنني لم اتذكر البوست
ما زلنا في انتظار عودة الحكيمة العاقلة الخالة دومة

ما زلنا ننتظر عودة الخالة دومة

ابني العزيز معتز القريش تحيه طيبه
شاكره لسؤالك عني وصدقني انا زوله جلدي رهيف بالحيل وما بحب اكسر خاتر زول ولو اقتضي اني اقطع من لحمي وخاترك عندي بالدنيا لكين قد مكثت بينكم طويلا وكان حصاد التجربه انني لن افيد .
لذا قررت خالتك العجوز ام كلاما ما بجوز الانسحاب التام وامنياتي ليكم جميعا بكل التوفيق وللوطن المصيبته فيمن انجبهم بالخلاص . وكامل معزتي ليكم جميعا

Quote: دومة لك الود والتقدير ياسيدتى لابد لنا من ثقافة قبول الآخر أي قبول بعضنا بسجمنا ورمادنا و تطرفنا واعتدالنا وعنصريتنا وكيزينا ولا نجهل فوق جهل الجاهلين ...ومن حقك ان تترفعى وتسمو فوق الصغاير وان تقرفى من الكلام الفاضى وخمج لكن هذا فى تقديرى لا يتم بالانسحاب او التوارى بل بالحضور المتحضر وكل نفس بماكسبت رهينة ويقينى ان نفس دومة رهينة قيم جمالية ومد انسانى عودى ايتها المشرئبة

الابن الغالي بدر الدين الامير
شاكره لهذا الكلام الراقي
وصدقني لم يكن قراري لضيقي بالمختلف عني ولو كان هذا سببي .لما كانت دكتوره بيان هي اقرب الصديقات لي ونحن نختلف اختلافا جذريا .أنا لا اؤمن بوجود الحقيقه المطلقه ولااقيم رائ بانه الاصوب . وكان قرار التوقف عن المداخلات بالبورد نتيجه لتقييم فائدتها بنفسي واستخلصت انني غير مفيده . غير كدا وجدت انها خصما علي قراءات بلغات اخري مكتسبه واحجامي عنها سيضر بها كثيرا .

لكني بتابع كتاباتكم وانت بالذات احد الذين اثمن مشاركاتهم .
مع خالص الود

الأستاذة دومة
التحيات الزاكيات
لم يسبق أن تلاقينا في أرجاء هذا المنبر وبوستاته على الرغم من إعجابي الشديد بقلمك الجرئ وأسلوبك البسيط الواضح الغير متكلف في الحوار وطرح الرؤي. وما ذلك لشئ سوى أنني شحيح الكتابة والتداخل، فعذرا إن جاء الإطرا والإعجاب متأخرا.

Quote: انا زوله جلدي رهيف بالحيل وما بحب اكسر خاتر زول ولو اقتضي اني اقطع من لحمي وخاترك عندي بالدنيا لكين قد مكثت بينكم طويلا وكان حصاد التجربه انني لن افيد

حديثك هذا الملئ بالرهافة والحس ونكران الذات والتضحية من أجل الآخرين هو القول والفعل الذي يحتاجه هذا المنبر ويحتاجه كل السودان في هذه الآونة ليعود معافى كما كان، ولئن تضئ شمعة خير من أن تلعن الظلام، ولا أظنك من الذين يلعنون الظلام ويمكثون فيه دون محاولات الإضاءة والتنوير.
أن تصومي عن الكلام هنا ليس هو الحل، بل الحل في أن يتحدث أمثالك على الرغم من كل الإعتراضات التي تلاقيهم، فأصحاب الرسالات من أمثالك ما خلقوا إلا لهداية الناس وتبصيرهم أينما وجدوا.

عودي يحتاجك الجميع ويحتاجك السودان هنا قبل البورداب والقراء.

راجنك...

شكرا معتز القريش على هذه اللفتة.

الاستاذة دومة

Quote: تحياتي لكين قد مكثت بينكم طويلا وكان حصاد التجربه انني لن افيد .

Quote: دا كلام خطاء......فأنتي ركن ركين يحفظ للمنبر توازنه ....وفوق هذا فأنتي تجمعين أصالة وقيم ونبل شعبنا- و روح العصر والتجديد لاتذهبي

القارئ من يقيمك ونحن من نقيمك ..أنت من أبرز حملةشعل الضوء
.....محاورة بارعة ...مثقفة رصينة....تقفين دوما في وجه القبح
والعنصرية بكافة أشكالها وفي وجه التطرف
كمال

Quote: لقارئ من يقيمك ونحن من نقيمك ..أنت من أبرز حملةشعل الضوء .....محاورة بارعة ...مثقفة رصينة....تقفين دوما في وجه القبح والعنصرية بكافة أشكالها وفي وجه التطرف كمال

الابن العزيز كمال شاكر ه لتقديرك
شهادتك انت بالذات فيني مجروحه لاننا نحمل نفس الفكر والتوجه والاعتدال في الرؤيا
حقيقه كلما اقراءك انت او جني بعتبر نفسي موجوده بالبورد لاننا غالبا نمتلك نفس الرؤيا
طيب خليني اقول ح اخد فتره استجمام وبعود
شايلين هم البنحلم بيه يوماتي وطن معافي و ديمقراطي .
شكرا كمال
ولك خالص الموده

Quote: لأستاذة دومة التحيات الزاكيات لم يسبق أن تلاقينا في أرجاء هذا المنبر وبوستاته على الرغم من إعجابي الشديد بقلمك الجرئ وأسلوبك البسيط الواضح الغير متكلف في الحوار وطرح الرؤي. وما ذلك لشئ سوى أنني شحيح الكتابة والتداخل، فعذرا إن جاء الإطرا والإعجاب متأخرا.

الابن الغالي محمد نور احمد
فرحت بيك شديد ورجعت للبروفايل لانه حقيقي اول مره عيني تقع عليك وكان فرحي بيك غامر
مرحب بيك كثير يا زول التقليه بعصيده الدخن قبل تلاته ايام كنت بقول لي زول نفسي في عصيده دخن بي لبن لوووووول التقليه بريدها بالدامرقا البيضا متل البوبلين ولا اقول الدبلان .
السودان وشعبه افديه بالروح ويا ريتني لو بقيت 40 مليون كلون . لاني بحبه وبحب ترابه وانسانه في اي شبر منه في جباله في سهوله ووديانه وصحاريه وغاباته
بس لو عرفت الكراهيه المتفشيه دي الناس بتجيبها من وين ؟؟؟
خلاص عشان خاتركم الغالي باخد لي اجازه وارجع ليكم وللوطن البحلم بيه يوماتي وهمه ما فارقني ولو لحظه في كل اصقاع الدنيا .

الأخت العــزيزة دومــة
ســلام

Quote: خلاص عشان خاتركم الغالي باخد لي اجازه وارجع ليكم وللوطن البحلم بيه

وجودك مهم في هذا المنبر لحفظ التوازن وبسط الاحترام المتبادل واحترام الرأي الآخر ، وحتى لا تعلو كفة القبح التي ، للأسف ، تجتاح المنبر هذه الأيام.

تحياتي وفائق احترامي وصادق مودتي.

اخي العزيز جعفر اسماعيل
تشكر سيدي انا علي مرورك الكريم
ابقوا عشره علي الوطن واهله الطيبين .
ساعود حتما لو ربنا امد في العمر .
لك فائق الاحترام وكل التقدير

الخالة دومة (و لا أدري إن كانت سنك فعلا تسمح بأن أسميك خالة)
من ناحية فكرية قد نكون مختلفين تماما في مواقفنا لكن صراحة وجودك في البورد يعطيني إحساسا بالأمان فحكمتك و صدقك شئ يحتاجه مجتمعنا هنا. حدثني عنك الأخ محمد النور كبر كثيرا فازددت لك احتراما و تقديرا و في انتظار عودتك.

زاد الشوق علينا ,,, متين يا غالي تسمع !!

ترحم حال قلوبنا ,,, عشان خاطرنا ترجع !!

عطوفه الماكنتوش الفي رفوفها نورت الدار
وكتر لينا من زياراتك
يا السمحه بوستاتك
وورائعه دايما حكاياتك .
احتاج فتره من الراحه وعندي ناس ممتحين شهاده وعايزين نعلن حاله الطوارئ اها اختك راجيها مذاكره وشاي وقهوه وووقفه علي فرد رجل .

Quote: لخالة دومة (و لا أدري إن كانت سنك فعلا تسمح بأن أسميك خالة) من ناحية فكرية قد نكون مختلفين تماما في مواقفنا لكن صراحة وجودك في البورد يعطيني إحساسا بالأمان فحكمتك و صدقك شئ يحتاجه مجتمعنا هنا. حدثني عنك الأخ محمد النور كبر كثيرا فازددت لك احتراما و تقديرا و في انتظار عودتك.

لووووووووووووول الابن العزيز العوض ضحكتني والله اضحك الله سنك انا حبوبه شروق وشهد وسامر وامير بس نحن الحبوبات الفاتنات
ما تسمعوا كلام عمكم الفاروق بتاع المينوبوز والحذر من عكلتتنا
اتمنيت اتعرف علي فكرك يا العوض اتمني انك تضع لي بعض الروابط انامولعه بمعرفه اكبر قدر من انواع الفكر عشان نتفاكر حوله ويمكن نلقي ما يقرب بيينا ولو ما اتلقي تبقي الموده باقيه .
كبر احد ابنائي الاحباء اثمن فكره ومواقفه وكتاباته له مني عاطر التحايا وجميل الموده

الخالة العزيزة دومة
كل كلمات الدنيا لا تستطيع أن تعبر عن مدى فرحتى بقبولك العودة بعد اجازة وياريت ما تكون طويلة ، لا زلت اذكر احتجابك عن البورد يوم أن قررت أنا الاعتزال ولن أنساها ابدا ما حييت ـ انه شرف لا يدانيه شرف أن تقفي معي مثل ذلك الموقف وان لم يكن غريبا على امثالك ولا أذيع سرا ان قلت لك ان عيني قد دمعت في ذلك اليوم وجريت مهرولا الى الكمبيوتر واعلنت عودتي (وكراعي فوق رقبتي) .
الآن نسمح لك بالاجازة القصيرة والقصيرة جدا ولكن يظل تواصلك مع أخوانك ووليداتك في هذا البوست يوميا (هذا البوست فقط) وهنا أرفع قلمي ويكفيني أنني درعت في رقبتك هذه الثلة الرائعة من البورداب الذين يثمنون وجودك .

تحياتي واحترامي الذي لا تحده حدود ، وجبر الله خاطرك في كل امورك ونجح عيالك قادر يا كريم .

ابنك معتز القريش

صاحبي ود القريش

تعرف آآآ المسخوت أكان سويت لك شئ واحد كويس خلال الشهر الفات ده يكون مساهمتك في عودة حكيمة هذا المكان.

تعرفي يا خالة دومة أنا قرات مداخلتك بتاعت الاعتزال في بوست صديقي/كمال عباس وكان الوكت داك العلالة رابطة والمشاكل رصاصها يلعلع ساكت كدي في الفارغة والمليانة والحكاية مرقت من يد اجعص حكيم وصارت (Chaos) راسو عديل.

وصدقيني حينها احترمت قرارك إذ لم يكن هنالك وقت للاحتجاب انسب من تلك الايام الكوالح ... وانا زاتي توقفت ...بقيت اجي اتاوق وامرق بي عدلي...لكن ربك رب الخير اعاد البعض إلى صوابهم (ولا زال البعض سادر) وسادت ثقافة الاعتذارات ومسك اللحى ومعليش يا أخوانا ..اناغلطان وسامحوني وسامحناك وووو الخ..

الان يوجد جو من التسامح ما بطال يسمح للمتلك بالتواجد في المنبر لحفظ التوازن..فمرحبا بك وبقرار عودتك..

---
عُدل لإضافة كلمة ناقصة

Quote: صاحبي ود القريش تعرف آآآ المسخوت أكان سويت لك شئ واحد كويس خلال الشهر الفات ده يكون مساهمتك في عودة حكيمة هذا المكان.

ود اب حريرة ان شاء تشوف وليداتك بالحنة والضريرة

تعرف أنا من قبيل بفكر أعتزل وأنا في القمة ـ على قولتك بعد موافقة الحكيمة على العودة ما ظنيت اسوي لي حاجة كويسة قريب ـ
أها قلت اعتزل رايك شنو ؟؟؟

الخالة الحبيبة دومة

مودتي واحترامي يا خالة ،، ،


أنت من الاقلام الجميلة التي تنير لنا هذا المنبر ، إنت المتكأ الذي نلجاء إليه عندما تتراكم الهموم وتشتعل نيران الحقد والشتائم هناك نعود عندك لنجدك فيك ريح المسك وطيبة أهل الوطن وحنان الامهات وعبق الكلام وراحة الضمير ..

رحولك سيحول ساحتنا الخضراء إلى غبراء ويزيد مساحات الصحاري الجرباء ونفقد ظلك الوارف . هيا عودي يا خالة و :

لك في القلب محبــــــــة وفي الوجدان مودة ، ، ، ،

Quote: أها قلت اعتزل رايك شنو ؟؟؟

إنت ما تعتزل بل انعدل..

لأنو موازين الجمال الفي نفسك وروحك ، إذا احسنت استغلالها ، سترجح بكفة موازين ما سواها فيك..






فكن دائما جميلا

عماد محمود حبيب مامتك دومه
فرحت بيك كثير يا تاج راسي
ربنا يحفظك من كل شر
ليك حبي الاكيد .

ود اب حريره بي جلال قدره
حبابك حبابك ليك القومه والانحناءه والله تستاهل الضبيحه . مرحب بيك شرفتنا

خالتي العزيزة دوما(دوما)

الأخوان كتبوا وأفاضوا

ولكن!!

(يمين ما قلتوا فى الخالة كلام قدرها وكل القلتو فيها قليل وما قارب عشر عشرو)

حينما تكون المحبة ضاربة في الجذور تمتد وتمتد ، وكل الأجيال من زمنا الجميل
زمن مام ونجاة وبناديها وصلاح ضرار ويازول وأبوأمنة وتبلدينا وعاصم فقيري ورومانسي و... و الخ العقد الفريد حيث كان زمن سودان نت ، وصولنا لزمن سودانيزأون لاين ستكن لك المودة والمحبة وبإذن الله إلى ما شاء الله .

برضو كلامي ركيك وما بقدر أعبر

وكتبت الاخت الكبري
دومة

Quote: طيب خليني اقول ح اخد فتره استجمام وبعود

لك هذا بس ما طولي وطبعا كلنانمر بحالة أحباط والاحساس باللاجدوي والعبثية
مما يحدث "هنا" و"هناك" والاحساس بمحدودية قدرتنا في التغيير في وقت يتمدد فيه
القبح و يتسرمد الظلام ويسود العك والبؤس والتلاسن والاسفاف من من يفترض أن
يكونوا قدوة...نعم يغيب صراع الافكار والرؤي ويسود الشخصي ويتغلغل صراع
الثيران وتتطاول خشونة عنف اللغة وهنا يصيح من داخلنا صوت هل هذا الجو الصحي الذي يمكن أن نقدم من خلاله شئ?هل هذا الوسـط المعافي الذي يمكن
أن نختزل من خلاله السلبي ونطور الايجابي ونرسي لممارسة راقية في تداول الرأي
والرأي الاخر.......
أنه أحساس يمر ولكننا لانستسلم له أننا نطرده بالامل والتفاؤل
وبالاعتراف أن هذا أنعكاس لواقعنا وأنه قدرنا ومناط التحدي الذي يجب
يواجه بالحضور النابض لا الانكماش والتقوقع والانسحاب لبرج عاجل أو مجتمع
ملائكي متخيل أو ذاتي مثالي
علينا الصراع الدؤوب لأننا في منعطف خطير كل هذا القبح والتقيح
...... أحملي مبضعك يادومة وأرفعي شعلة التحدي أفرزوالامل والتغيير و" وتشي عين الظلام بالضوء"
كمال

هدية معتقة لحبوبة دومة


من الزمن السمح

June 2001

http://web.archive.org/web/20010630014909/www.sudanforu.../general/10934.shtml

دومة العزيزة..

أنا ما عارف المشكلة شنو...

لكن لازم ترجعي..لأنك أصيلة أصالة أهل بحري..

طبعا عارف نحن بحري ناس طيبين .. ورهيفيين

وفوق هذا وذاك.. واضحين...

أوع ناس أم درمان يزعلوا .. قادننا أم درمان ,,,أم درمان

بلا ترابها الأحمر...

المهم ترجعي.. لينا وليهم ولبحري

Quote: قادننا أم درمان ,,,أم درمان بلا ترابها الأحمر...

العين ما بتعلا على الحاجب





كرمبا
______________________
أم در أمان