خم وصر يا Wasil Ali من دون وعى ايدت العقوبات الامريكية وانت اول المتضررين !!

كتب الزميل Wasil Ali فى اليوم المنصرم مؤيدا العقوبات الامريكية الجديدة على السودان

وفرد لها اكثر من بوست محتفلا بها كما اتت ردودة فى بعض الاحيان على الاعضاء ساخرة ومتهكمة

ومدافعة عنها وقد رددنا لة ولكل مناصرى العقوبات وقلنا ان العقوبات ستنال اهلنا وتفتك بهم

ولكن رفض واصل ومن معهة هذة الفكرة وبالصدفة وتماشيا مع هذة القرارات قررت الحكومة الامريكية

وقف تحويلات السودانيين المقيمين بها على لسان بريمة محمد ادم فى بوست

سبق صحفى: الحكومة الأمريكية توقف تحويلات السودانيين
Re: سبق صحفى: الحكومة الأمريكية توقف تحويلات السودانيين بالصدفة وجدت زميلنا فى هذا البوست

يتساءل فى قلق عن اى الشركات التى تم منعها فى التعامل مع تحويلات السودانيين وعجبى

كتبت الزميلة القلب النابض هذا المقطع فى بوست الشامتونالشامتــــــــــــــــون.....لكم في العراق عظة يا أولي الألباب .. ( المتضرر هو الشعب السوداني .)

وكان رد الزميل Wasil Ali هكذا (ياضنايا) رد مستهتر

وعندما كتب الزميل بريمة محمد ادم قرار وقف التحويلات اتى الزميل واصل على مهرولا

لانه يعرف صعوبة التحويلات فى امريكا متسائلا بهذا الرد ( عن اي طريق؟ ويسترن يونيون؟)

ومن هنا اقول لة اخ واصل ان ما هرولت لة وايدتة وفرحت لة اصابك انت اولا وهذا ما كنا

نخافة ومازلنا ..

تعليق بسيط اخ واصل اقول فية ان المساندة العمياء لاعداء الوطن لا تفيد

واقول ان اسلحة اعداء الوطن لا تفرق بينك انت من ساندتها وانا من عارضها

اتمنى الصلاح لى ولك و لعموم اهلنا الطيبين



هشام امين

(فكرة المقال جيدة)

وهناك تحسن طفيف جداً لا يكاد يذكر في الإملاء .

لكن بشكل عام لا تزال أخطاء الزميل هشام في الإملاء والأسلوب اللغوي شنيعة للغاية.

الزميل هشام

حاول كخطوة أولى أن تجد الفرق بين الهاء والتاء المربوطة .

مثال :

1/له وليس لة

2/ أيدته وليس أيدتة

3/ معه وليس معة

شكرا ازهرى لكن ماقلتا ليا

لغتك الانجليزية كيف ؟؟

وسؤال تانى

لقيت كلامك دة رايح فى المنبر ومضمونة

Quote: حسبنا الله ونعم الوكيل رغم أن الحكومة السودانية دخلت في مفاوضات مع الحركات المسلحة تحت رعاية الإتحاد الأفريقي ومراقبين من واشنطون وأوربا وتم توقيع إتفاق سلام مع حركة مناوي وقيام الإتحاد الأفريقي بالتهديد أن الإتفاق لن يتغير منه حرف واحد وتم تحذير من لم يوقعوا على الإتفاقية لكن في النهاية تتم مكافاءة الحركات الرافضة ومعاقبة الحكومة الموقعة. شئ عجيب مايكتبه الزملاء من اسطر تهلل لهذه العقوبات وتبارك قرار الطاغية المجرم جورج بوش . المتسبب الرئيس في مآسي أهلنا في دارفور هو الحركات الرافضة لإتفاقية السلام . والله الذي لا إله إلا هو إنني اعشق الحرية وآمل أن تكون بلادنا دولة مؤسسات تحترم حقوق الإنسان وتوفر للمواطن البسيط إحتياجاته الغذائية والتعليمية والصحية لكنني في الوقت ذاته أرجو أن تستمر حكومة الإنقاذ إن كان البديل أمثال هؤلاء المهللين للعقوبات على بلادهم. متاجرة بدماء الابرياء ومماطلة وإبتزاز لتحقيق المصالح الشخصية . ومن يهن يسهل الهوان عليه ** ما لجرح بميت إيلام أخزى الله كل معارض إن كان على شاكلتكم . معارضة إذا ضرب النعال بوجهها** صاح النعال بأي ذنب أضرب

وتعليقى علية يا ربى انتا ما مننا وزول اصيل طيب

مالك بتشاتر وتقول كلام خارم بارم ...

اوع تسمع كلام السفهاء والمغرر بهم حتى لا تصبح مثلهم

وشكرا للتوعية والتنوية ولرفع البوست مرة اخرة



هشام امين

الأخ / هشام

دة الفرق بينك و بين واصل لأنو هو ما عندوا مانع يتضرر هو شخصياً إذا كان ذلك يفيد محمد أحمد المسكين في السودان و أنا أقصد كل السودان بما فيها دارفور الإنتو شايلنها بره حساباتكم دي.

بعدين في ذمتك الضرر الأكبر في إنو واصل ما يقدر يرسل قروش لأهلو دايركت كدة من أمريكا و لا موت البسطاء الأبرياء العزل في دارفور؟؟؟؟ ياخ واصل دة يرسل لي قروشو دي هنا في السعودية و أنا أحولها ليهو السودان أها مشكلة واصل أنا حليتها حتى قبل ما يرد عليك يلا أنت حل لي مشكلة المواطن البسيط في دارفور؟؟


خالد

Quote: دة الفرق بينك و بين واصل لأنو هو ما عندوا مانع يتضرر هو شخصياً إذا كان ذلك يفيد محمد أحمد المسكين في السودان و أنا أقصد كل السودان بما فيها دارفور الإنتو شايلنها بره حساباتكم دي.

أخ خالد
مع الأسف الشديد لكن منطقك هذا اعوج بشده
هل ستحل هذه العقوبات مشكلة دارفور !!!!!!!!!؟؟؟؟؟؟؟؟؟؟؟
مواطن دارفور نفسه سيتضرر من هذه العقوبات
ياسيدي إستراتيجية أمريكا تجاه السودان تقوم على إضعاف السودان مهما كان نوع الحكومه التي تحكم السودان يميناً كانت أم يساراأ شلاقاً أم غرباً ...

عجبي على من يطبل لأمريكا وقراراتها ..
تفكروا ياأولو الألباب ...

Quote: ياسيدي إستراتيجية أمريكا تجاه السودان تقوم على إضعاف السودان مهما كان نوع الحكومه التي تحكم السودان يميناً كانت أم يساراأ شلاقاً أم غرباً ...

محمد تحياتى

ما اعلاة هو مربط الفرس ولكن من يعى ومن يسمع

اشكرك سيدى


هشام امين

Quote: الأخ / هشام دة الفرق بينك و بين واصل لأنو هو ما عندوا مانع يتضرر هو شخصياً إذا كان ذلك يفيد محمد أحمد المسكين في السودان و أنا أقصد كل السودان بما فيها دارفور الإنتو شايلنها بره حساباتكم دي. بعدين في ذمتك الضرر الأكبر في إنو واصل ما يقدر يرسل قروش لأهلو دايركت كدة من أمريكا و لا موت البسطاء الأبرياء العزل في دارفور؟؟؟؟ ياخ واصل دة يرسل لي قروشو دي هنا في السعودية و أنا أحولها ليهو السودان أها مشكلة واصل أنا حليتها حتى قبل ما يرد عليك يلا أنت حل لي مشكلة المواطن البسيط في دارفور؟؟ خالد

اخ خالد تحياتى

لا فرق بينى وبين واصل ولا ارضى بالضرر لة ولا ارضى بة لسواة وانا شخصيا بعيدا عن المهاترات

اعرف عمق مشكلتنا واتمنى ان نجد لها حلا اليوم قبل الغد ولكن ما تقوم بة الدول الاستعمارية

وتسعى الى ترسيخة فى عقولنا انها تعمل لمصلحتنا ارفضة جملة وتفصيلا فهى وكما تعلم تعمل

لمصلحتها فقط ويا اخ خالد العراق ليس ببعيد عن الاعين اولا ثانيا الكل يتشبث بامريكا

ورعايتها لحقوق الانسان ولم يرى ما حدث قبل يومين فقط ( طائرات نقل امريكية تفرغ حمولتها من

الاسلحة فى لبنان لمواجه فلسطينى نهر البارد ) هل هذة الاسلحة ستدغدغ الفلسطينين ام

ستقتلهم وهل قانونيا ان صح التعبير يجوز لاى دولة مد اى دولة فى حالة حرب بالسلاح؟

الاجابة ( لا ) وبعض قوانين الامم المتحدة فى حالة اقتتال فريقين يكون اول قرارها

الصادر منع تصدير السلاح لكليهما والامثلة كثير سيدى .

تلخيص سريع :

اذا ارادت امريكا مساعدة دارفور عليها التعامل مع القوة الافريقية الموجودة هناك وتلبية

احتياجاتها لا لارسال قوات اخرى بمعدات اخرى وميزانية اكبر والبيب بالاشارة يفهم

هشام امين

ياأخي شئ عجيب نحن السودانيين. امريكا تدفع المليارات لإطعام السودان دون انتظار مقابل ولايشكر احد من ادعياء الوطنية امريكا على ذلك ثم يتباكون على محمد احمد عندما يفرضوا عقوبات. منتهى النفاق!!

امريكا هي الدولة الأولى في تقديم الغذاء للشعب السوداني بلا منازع وهي من اتى بسلام الجنوب واتفاقية دارفور. وهي من يدفع للقوات الأفريقية في دارفور.


لايفعل ذلك الفعل الخير من يتآمر.

ولازلت مؤيدا للعقوبات.

ياهشام يعنى السودانية تغلبهم حيلة لتوصيل تحولاتهم للسودان ..؟السلام لاهل الصومال
وانت وطنيتك عوراء مالها ياخى لما الحكومة تمنع وصول الاغاثة الامريكية وغيرها لمتضررين سودانين فى معسكرات الهم والقهر فى دارفور لماذا لم تنبر مدافعا عن سد رمق هؤلاء المعذبين؟ بس اليوم عندما مست العقوبات الحكومة رايت انك تعبر عن وطنيتك؟
وبعدين تعال سفير السودان فى واشنطن مش قال بعضمة خشمو انو السودان لن يتضرر من العقوبات لانها قائمة اصلا منذ اكثر من عقد من الزمان؟( راجع فيديو واصل) وايضا مجذوب الخليفة ونافع والبشير كل هذه الزمرة الم يسفهوا هذه العقوبات وقالوا انها ليس لها اى تاثير اذا الجقلبة فى شنو؟؟؟؟؟؟؟؟؟؟؟؟؟