منايا كان يا ليل حبيبي يكون معايا يسهر معاي يا ليل معاي حتي الصباح يسمع غنايا وأشكيلو كل أملي الكبير وأشواقي كل حبي ومنايا لكن يا ليل راح الحبيب خلاني أتوجع بــرايا رغم الألم رغم الجراح الفي حشاك في حشايا دايرك يا ليل تسمع غناي وتغني لي في أجمل رواية قول للحبيب الغالي دايما ذكرتوا في دربي وخطايا قولوا يعود يشفي الجراح الساكنة في جوه الحنايا
Post: #2 Title: Re: ...تعــــــال يا ليل ...(الملك) Author: خالد الطيب أحمد Date: 05-23-2007, 10:54 PM Parent: #1
Post: #3 Title: Re: ...تعــــــال يا ليل ...(الملك) Author: خالد الطيب أحمد Date: 05-23-2007, 11:15 PM Parent: #2
Post: #4 Title: Re: ...تعــــــال يا ليل ...(الملك) Author: سفيان بشير نابرى Date: 05-24-2007, 07:47 AM Parent: #1
يا ريتو يعرف تقديرو عندك لو كان بحبك وداير يعاهدك ما كان جفاك وكتر في صدك واتناسي ريدك وخلاك لوحدك
Post: #5 Title: Re: ...تعــــــال يا ليل ...(الملك) Author: خالد الطيب أحمد Date: 05-24-2007, 05:32 PM Parent: #4
عزيزي سفيان:
ستار يا ليل..لمن تجن وأحمل همومي.. أتوسدك وأعيش براي..براي وألوك ضناي .. شوقي الشديد.. الشايلو في ضو النهار.. أبثوا ليك آهات طوال.. تشد رحال..ترحل بعيد.. فوق للنجوم..الممعنة ترجع صدي يهتف يقول: ستـار يا ليل.. ياليل..
ستار ياليل لمن تضم .. كل القلوب العاشقة تحمل ضناها ولوعتا تمسح دموع .. وتضم ضلوع.. علي القلوب الواجفة والكان قبيل في الجوف خفا.. بنقال إليك ونقول عليك.. ستـار يا ليل
ستار ياليل ياليل ,,ياليل ستار ياليل..
لما الصباح يشرق صباح وطيورو في الأغصان ترف
لما الصباح يشرق صباح لما الدموع في العين تجف
أهضم مناي وألوك ضناي وأظهر سعيد أظهر سعيد وأروح أعيد كل الشريط من أولو .. في سري في قلبي الكبير وأهتف براي ..براي براي عز الصباح..عز الصباح
ستار يا ليل ..ياليل ياليل..ياليل..يا يا
أضغط هنا :
Post: #6 Title: Re: ...تعــــــال يا ليل ...(الملك) Author: خالد الطيب أحمد Date: 05-24-2007, 07:44 PM Parent: #5
Post: #7 Title: Re: ...تعــــــال يا ليل ...(الملك) Author: خالد الطيب أحمد Date: 05-24-2007, 08:02 PM Parent: #6
Post: #8 Title: Re: ...تعــــــال يا ليل ...(الملك) Author: عبدالكريم الامين احمد Date: 05-24-2007, 08:13 PM Parent: #7
يا سلام يا خالد شرحبيل مرة واحدة كده اذن انه الخلود والفن والرقي..
Post: #9 Title: Re: ...تعــــــال يا ليل ...(الملك) Author: خالد الطيب أحمد Date: 05-24-2007, 08:54 PM Parent: #8
كريم ...مساء الخير
نحن لسنا مع شرحبيل ..نحن هنا مع ليله فقط ..
وحقا كما قلت فهو الخلود والفن والرقي..
ويا صديقي لك
الليل الهاديء..جزء من سحر ليل شرحبيل
الليل الهاديء ..يذكرني
حبيبي الغايب ..من بدري
خلاني وحيد..نصيبي نحيب آه سهدي وبعدك ..جنني ـ ـ ـ ـ ـ ـ ـ ـ ـ ـ ـ
متين يا ربي ألقاهو.. يسعد لي قلبي..بلقياهو لوفات لي يومين.. تبقالي سنين.. آه..سهدي وبعدك..جنني ـ ـ ـ ـ ـ ـ ـ ـ ـ ـ ــ
وحشتني عيونك يا حبيبي همسك ولمسك.. يا طبيبي إنت هناك وروحي معـــاك آه سهدي وبعدك..جنني
ــ ـ ـ ـ ـ ـ ـ ـ ـ ــ
::::::
ليلة هادئة وأحلام سعيدة..
Post: #10 Title: Re: ...تعــــــال يا ليل ...(الملك) Author: خالد الطيب أحمد Date: 05-26-2007, 00:16 AM
Post: #11 Title: Re: ...تعــــــال يا ليل ...(الملك) Author: الملك Date: 05-26-2007, 00:23 AM Parent: #1
Quote:
منايا كان يا ليل حبيبي يكون معايا يسهر معاي يا ليل معاي حتي الصباح يسمع غنايا وأشكيلو كل أملي الكبير وأشواقي كل حبي ومنايا لكن يا ليل راح الحبيب خلاني أتوجع بــرايا
Post: #12 Title: Re: ...تعــــــال يا ليل ...(الملك) Author: خالد الطيب أحمد Date: 05-26-2007, 01:22 AM Parent: #11
وكل مساءاتك طيبة كمان يا الملك..
بكل ما فيها من
أمل..
وسكون..
وجع..
وشجون..
وشوق..مجنون ..
Post: #13 Title: Re: ...تعــــــال يا ليل ...(الملك) Author: Tragie Mustafa Date: 05-26-2007, 01:36 AM Parent: #12
يا سلام يا خالد
كمان بتحب معاي شرحبيل ؟؟؟؟
تسلم وتسلم البطن الجابتك لينا.
Post: #14 Title: Re: ...تعــــــال يا ليل ...(الملك) Author: مكي ابراهيم مكي Date: 05-26-2007, 02:13 AM Parent: #13
خالد يارائع لك الود اهازيجك المسائيه الرنانه شكلت درع مميز لكل المر الفقري المعشش في دواخلنا ويا مسكون بالابداع لك منى السلام مكي
Post: #19 Title: Re: ...تعــــــال يا ليل ...(الملك) Author: خالد الطيب أحمد Date: 05-26-2007, 07:23 PM Parent: #14
الجميل مكي>>
يا صديقي ..هناك من يعيب علينا هذه الأهازيج الجميلة وتلك الليالي الساحرة التي نحلم بها!
Quote: اهازيجك المسائيه الرنانه شكلت درع مميز لكل المر الفقري المعشش في دواخلنا ويا مسكون بالابداع لك منى السلام مكي
وهذه دوحة محبي هذا السحر والجمال..و مترعو الحب
إفتكرنا الدنيا حلوة والأزاهر ليهو غنوة والسعادة عليها غنوة صفقت ليها المحنة المحنة.. المحنة..
كنا زاهين بالمشاعر والأمل عايش معانا بكرة نفرح بي غرامنا ونهني في عزو هوانا يا ربي سلوي والمعاها في حدائقنا المزانه جارت الايام علينا وفرقت بينا المهانة حالفة يتبدد سعدنا إلا ذكري تكون عزانا تكون عزانا.. تكون عزانا..
الحنان من قلبي داب والغرام بقي لي رحاب والطفولة العشت فيها وأحلي أيام الشباب .....جايرين عليها بدلوها بقت سراب حرم عليهو يسيب غرامي ونحنا راضين بالصعاب جابت الحب بالمظنة والكنون دايما عذاب دايما عذاب .. دايما عذاب..
أصلو هم عاوزين مظاهر وعابو أحلامو ومناي قالوا أصلو الحب مساخر وتاني لا يشوفوك معاي الحنان البينا ظاهر حتي في كلمات غناك وقلبي كان ليك ديمة ساهر عمروا ما بيعشق سواك حكموا ليهو يسيب غرامي وهم ما عارفين هواي عارفين هوايا.. عارفين هوايا..
إفتكرنا الدنيا حلوة والأزاهر ليه جنة والسعادة عليها غنوة صفقت ليها المحنة المحنة.. المحنة..
(إفتكرنا الدنيا حلوة)
كن بخير ومساءاتك بألف خير
Post: #15 Title: Re: ...تعــــــال يا ليل ...(الملك) Author: خالد الطيب أحمد Date: 05-26-2007, 03:45 AM Parent: #13
تراجي..
تحياتي
Quote: يا سلام يا خالد
كمان بتحب معاي شرحبيل ؟؟؟؟
تسلم وتسلم البطن الجابتك لينا.
وتسلمي إنتي كمان..
و يا تراجي كل البيسمع شرحبيل بيحبوا..
وأكثر ما يميز الموسيقار شرحبيل من غيره بالنسبة لي هو خطه المتفرد في مسيرة الموسيقي والأغنية السودانية عامة و موسيقي الجــاز علي وجه الخصوص.. لذا فقد إستحق لقب (ملك الجـاز) بجدارة وإنفراد.. ولقدإستطاع أن يفك شفرة هذه الموسيقي الساحرة لكي تتناغم وتنسجم مع ألحاننا وكلماتنا..
تواجد شرحبيل يا تراجي في (مونت كارلو) و(لندن) وووسائل الإعلام الأجنبية يوضح خطه المحبب للجميع -الغير سودانيين- ..كما ويمكن أن يكون ذلك مؤشر جيد للمهتمين والموسيقيين علي وجه الخصوص بتطوير الأغنية السودانية ونقلها إلي العالمية ونفي هذا الغياب العالمي التام بصورة نهائية ..
وأود هنا أن أهديك أحد أغاني شرحبيل الخــالدة:
(حرام يا قلبي)
ولك خالص التحية..
Post: #16 Title: Re: ...تعــــــال يا ليل ...(الملك) Author: Tragie Mustafa Date: 05-26-2007, 06:53 AM Parent: #15
عارف يا خالد استمتعت جدا باغنية تعال يا قلبي ريحي
شكرا لك كثيرا فقد اعدت لي مرحله مسروقه من عمري....
Quote: و يا تراجي كل البيسمع شرحبيل بيحبوا..
وأكثر ما يميز الموسيقار شرحبيل من غيره بالنسبة لي هو خطه المتفرد في مسيرة الموسيقي والأغنية السودانية عامة و موسيقي الجــاز علي وجه الخصوص.. لذا فقد إستحق لقب (ملك الجـاز) بجدارة وإنفراد.. ولقدإستطاع أن يفك شفرة هذه الموسيقي الساحرة لكي تتناغم وتنسجم مع ألحاننا وكلماتنا..
هو ملك الجاز وملك قلوب الصبايا ايضا.
اذكر في مراهقتنا كان معشوقنا وفتى احلامنا....له الود بقدر ما اسعدنا.
ياريت يا خالد لو عندك ليه الليل الهاديء.
Post: #17 Title: Re: ...تعــــــال يا ليل ...(الملك) Author: Mustafa Mahmoud Date: 05-26-2007, 08:12 AM Parent: #16
خالد الطيب أحمد
. just to remind you about your deeds
تاريخ التسجيل: 13-03-2007 مجموع المشاركات: 1550 Re: Sayed Khaleefa - 3ala eljamal taghar mina (Re: Mustafa Mahmoud)
تاااااااااااني
Post: #18 Title: Re: ...تعــــــال يا ليل ...(الملك) Author: Mustafa Mahmoud Date: 05-26-2007, 08:54 AM Parent: #17
خالد الطيب أحمد
.
تاريخ التسجيل: 13-03-2007 مجموع المشاركات: 1550 Re: Sayed Khaleefa - 3ala eljamal taghar mina (Re: Mustafa Mahmoud)
بعد نزار قباني ما إتملل في قبرو
شكلك حتوقف سيرفر يوتيوب ده بعد كم يوم
Post: #21 Title: Re: ...تعــــــال يا ليل ...(الملك) Author: خالد الطيب أحمد Date: 05-26-2007, 07:36 PM Parent: #18
دكتور مصطفي ..
ونحن هنا في محراب الليل والجمال والشجن ..أهديك
مع التحية
Post: #20 Title: Re: ...تعــــــال يا ليل ...(الملك) Author: خالد الطيب أحمد Date: 05-26-2007, 07:32 PM Parent: #16
