Post: #1
Title: اعمال شعرية جاهزة وملحنة ومموسقة هدية لفرقة الهيلا هوب (عناية طارق ابو خصل)
Author: اساسي
Date: 05-17-2007, 10:56 AM
يقول العلامه محمد علي بتاع نسرين :-
في مرافي سكون حمير اللبن
اشتقت ليك يا حمام الدار
في زمن الودار
واكتشفتك ضهب نار الزمن
يا عرس المصايب للمحن
ونتشيت بخفة الجكس البوار
كل الكلاب رقص في سلك الكهربا العريان
وينهم ناس زمان؟
يا دقسة الريد العوير
في زقاقات حلتنا والخور الكبير
كل المشاعر جرت مننا في فزع
يا حلة ملاح القرع
بقينا زي قرد ساكيه شافع بنبلتو
ينطط من فرع لي فرع
خايف حجر الهوى الشرفان يغدرو
انخفض صوت الغنا
والفنان ختم حفلتو
وما لحقناك يا زمن الضهب
وما لحقنا حتى العشا
يا زمن الخفوت والوشوشا
وين القبيل خطفوا القليب
وينهم ناس رشا؟
اختلط الامر علي بالمسا
في زمن الشواطين والوسوسا
كل الكوابيس شاركت
وفي الحفلة جات باركت
لابسه جرايد مهلهلة من زمن اخبارها انتهت
وانا في الطريق انتهيت
اشتريت رطل اسكريم
من ناس نعيم
نمت وبعدين اتعشيت
ويا ريتني ما كنت جيت
دا شنو
والله بالجد
ــــــــــــــــ
القصيدة دي لا يصلح معها اي لحن او موسيقي يا تقولها كدا يا تنسى الموضوع
|
Post: #2
Title: Re: اعمال شعرية جاهزة وملحنة ومموسقة هدية لفرقة الهيلا هوب (عناية طارق ابو خصل)
Author: اساسي
Date: 05-17-2007, 10:59 AM
Parent: #1
هذه قصيدة غشاني عباس بالمساء للجهبص محمد عز الدين :-
في ظل تخاريف الحقائق والوطاويط السواد
انبطح شوق الغنا الهابط على عناجريب الغسيل
وكتبت عنك سكة الوهم الرحيل
يا لوري هوستن جر فينا نور طويل
وين ناس خليل؟
واستهبل الاحساس علي
والليل لبس لون السواد لي جزمتو
واتخذنا الشوق زبادي
وبدينا نبحث عن شوايب في كشاتين النوادي
وبي هناك لقيت جدي عرس ليك هنادي
قمت انتعلت الريد رغيف
وجاتني نسرين شايلة في شنط الحديد الذكريات
جاتني زي ديك عدة الحافلة المطارد بالعكاكيز والهواجس
وجوني بيتين من شعر
واحد اجار والتاني فسحة فيها نيمة
نيمة من زمن الاذاعة على الهوى
وياهوى سرحت ليك شعري اتكوى
وكواني ليك شوق البنفسج للزبرجد
وعتبرتك مستحيل
ورحلت ام بده السبيل
وسمعتي مني شعر جميل
يا علة الزول العليل
يا قصيرة يا طول الفتيل
وجوني منك شبشبين عبر الهوى
ضربوا بغداد ياعرب
وشباشبك الشول البيض
جوني عابرين الحدود
يا خروف جلد القدود
اتمكيج الضب بالدلال
حتى الضبابين في غناك اتحنكشت
كل البنات اتشلخت
غشاني عباس بالعشا
وجيت لقيت كل الدكاكين قفلت
دا شنو
والله بالجد
ـــــــــــــــــــــــــــــــــ
قصة الموسيقي والالحان دي حقو تنسوها مننا.. اتصرفوا بطريقتكم
|
Post: #3
Title: Re: اعمال شعرية جاهزة وملحنة ومموسقة هدية لفرقة الهيلا هوب (عناية طارق ابو خصل)
Author: اساسي
Date: 05-17-2007, 11:05 AM
Parent: #2
كما قال الشاعر بدرالدين الشهير بعزبونا
مريت على بتاع اللبن شفقان
ونفيسة جارتنا جابت ولدين
واحد شرد والتاني اغترب في الصين
عبده اندفس في صف الرغيف شلوت
عباس زعل وباع العتوت
في سوق السمك
كتاكيت تبشر في عرس الاسد
وكدايس تخمخم في الودك
طشط الغسيل جاط في الحبل
مروان في الامتحان اتقطعت بيه السبل
بخراتو نامن في العسل
غسلن غسيل كل الحلل
في زمن تراشق البسكويت
عيون البوتجاز دمعن
وصوت بكاهن للفريق سمعن
كل الجرايد في السوق افلسن
حميده حلق شعر عبد اللطيف
زرع في صلعتو شتلات قطن
لكن ما طرحن طاقية وعمم
وسوسن عرست تمساح سمين
من زمن فيضانات الدمازين
جعفر اغترب في تشاد
مشى وزي ما مشى عاد
لكن امونه بالصبر اتسلحت
في زمن الجفاف اتكحلت
لواري يوسف في الزلط وحلت
وكلاب الحلة اشترت صعوط
سفن لما بالغن في الشرود
وحرامي سرق ناس عبد الودود
جلكوز معلق في الوريد
محمود يوزع في البريد
سيد الركشة جنب بالطرف
وصاعقة كوت هدوم شرف
الجداد اعلن تمرد بالبلد
ما في بيض يا ولد
كلم ابوك ينوم خفيف
وفي المنام يقرض رغيف
يا كستر اللبن الظريف
تعبت من كتر الحكي
مشيت لسيدنا الفكي
قال مالك بتشتكي
اداني مستكة قال احشيها سندوتش
ياروعة الزمن الفرش
دلوكة مسخنة بالفحم
سكر مجلبط باللحم
حسين مفرطق بالشحم
علويه هاجت وفترت
زعلانة قامت كشرت
ود الحسين ركب القطر
ورقصوا البنات بالشتر
والفار بهناك انتحر
والله بالجد
ـــــــــــــــــ
زي ما قلنا فوق بالنسبة للاداء الجماهيري
|
Post: #5
Title: Re: اعمال شعرية جاهزة وملحنة ومموسقة هدية لفرقة الهيلا هوب (عناية طارق ابو خصل)
Author: فيصل نوبي
Date: 05-17-2007, 11:21 AM
Parent: #3
قصائدك دي دايره ليها جرار عشان ينقضها ليك
قال قصائد قال
انقضك 
|
Post: #8
Title: Re: اعمال شعرية جاهزة وملحنة ومموسقة هدية لفرقة الهيلا هوب (عناية طارق ابو خصل)
Author: اساسي
Date: 05-18-2007, 02:03 PM
Parent: #5
Quote: قصائدك دي دايره ليها جرار عشان ينقضها ليك
قال قصائد قال
انقضك |
اها يا الغراب قمت ؟
|
Post: #6
Title: Re: اعمال شعرية جاهزة وملحنة ومموسقة هدية لفرقة الهيلا هوب (عناية طارق ابو خصل)
Author: فيصل نوبي
Date: 05-17-2007, 11:21 AM
Parent: #3
انت بديت مشروع الرضاعة في المكتب
|
Post: #4
Title: Re: اعمال شعرية جاهزة وملحنة ومموسقة هدية لفرقة الهيلا هوب (عناية طارق ابو خصل)
Author: Ahmed Mohammed Osman
Date: 05-17-2007, 11:09 AM
Parent: #1
يا اساسي
خليت التقدمية والاستنارة؟؟؟؟
|
Post: #7
Title: Re: اعمال شعرية جاهزة وملحنة ومموسقة هدية لفرقة الهيلا هوب (عناية طارق ابو خصل)
Author: Gafar Bashir
Date: 05-17-2007, 11:51 AM
Parent: #4
والله يا اساسي انا رايي فيك من زمان انك شاعر .. لكن مابقدر اصرح بيها عشان عارفك ممكن تخزلني (نكاية) ... هسي الواحد اتشجع مدام جات منك ... لكن بيني وبينك ارخي قصة التلحين والموسقة دي هسة عشان ما تضطر لي بوست اعتذار
--------
يانوبي يا خي الراجل شغال في السعودية وحسب علمي انوما دكتور فما تحرجو
|
Post: #9
Title: Re: اعمال شعرية جاهزة وملحنة ومموسقة هدية لفرقة الهيلا هوب (عناية طارق ابو خصل)
Author: اساسي
Date: 05-18-2007, 02:04 PM
Parent: #4
| Quote: خليت التقدمية والاستنارة؟؟؟؟ |
لا يا صديقي
دي الشراكة الذكية ما سمعت بيها 
|
Post: #10
Title: Re: اعمال شعرية جاهزة وملحنة ومموسقة هدية لفرقة الهيلا هوب (عناية طارق ابو خصل)
Author: اساسي
Date: 05-18-2007, 02:07 PM
Parent: #9
Quote: والله يا اساسي انا رايي فيك من زمان انك شاعر .. لكن مابقدر اصرح بيها عشان عارفك ممكن تخزلني (نكاية) ... هسي الواحد اتشجع مدام جات منك ... لكن بيني وبينك ارخي قصة التلحين والموسقة دي هسة عشان ما تضطر لي بوست اعتذار
--------
|
تعرف اول ما دخلت البوست دا ولقيت ردك قبل ما اقراهو جاني ليك احساس النكابة قلت اشوف ابو امنة دا كاتب شنو عشان ما ابرد بطنو
لكن لقيتك مكسر لي تلج بالجملة وعشان انا اصلا زول بحب الاطراء وبتكسر في الشكر حاقول ليك القصايد دي ولا واحدة ما كاتبها انا
بل شعرائها هم المقدمة باسمائهم
| Quote: يانوبي يا خي الراجل شغال في السعودية وحسب علمي انوما دكتور فما تحرجو |
نوبي دا ما مؤاخذ يا ابو امنة في زمة الواعي
|
|