اريد الإنضمام للمؤتمر الوطني ولكن

ما مقتنع بي:
محمد حامد جمعة
صلاح غريبة
ود الباوقة
محمد فرح
فكيف أكون عضو مؤتمر وطني مالي هدومو ويكون مستقطبني واحد من الناس الفوق ديل؟

لكن لو في زول تاني غيرهم ممكن آخد وأدي معاهو







جدعـــة:
________
أمريكيا روسيا قد دنا عزابها..
تهليل
تكبير

زيادة خير
____
سودان جديد ويااااااااااي

لكن ممكن الواحد يقبل إستقطاب فدوى الشريف..

معقولة!
سودانيز أون لاين فيها أكثر من 5000 عضو/ة- على حسب تعداد بكري-، ونصيب المؤتمر الوطني منها الأربعة الفوق ديل + فدوى؟

وليد 500
تصدق وتأمن بالله نسيتك عديل كده..






يا زول أنا أقبل إستقطابك، مع بعض التحسينات..





من ضمن التحسينات ترك الإنتباهة حتى إشعار آخر..

ياسر

الحاصل شنو ياحبيب


جاتك كاروشة تمكين وللا شنو

Quote: ياسر الحاصل شنو ياحبيب جاتك كاروشة تمكين وللا شنو

الحبيب حيد حسن

تمكين وتسمين
خطة جديدة 1-0-10
و الواحد ده قون وباك والعشرة هجوم
بس ما تسألني هاجمين وين






_____
كفاية غربة وبرد، لمتين!

الاخ ياسر
تحياتي
...... أها حاتعمل أيه لو فدوي أقنعتك بمقالة مكربة كدة وبكرة قمت "أكتشفت "أن كاتبها هو صلاح غريبة أو الطيب مصطفي!!!!!
جزاك الله خير وجعلها.في ميزان حسناتك وهي لله هي لله!!!!
......المحيرني أنو الجماعة نسو يأخذوا أستمارة المنشية حتي يتمكن
شيخ حسن من أعادة التسجيل !!!! أقنعوا كابتن الفريق السابق وتعالوا
نحن:" ملحوقيين" !!!!

الشقيق(حتى إشعار آخر) كمال عباس

Quote: ...... أها حاتعمل أيه لو فدوي أقنعتك بمقالة مكربة كدة وبكرة قمت "أكتشفت "أن كاتبها هو صلاح غريبة أو الطيب مصطفي!!!!!

كده والله تكون إتلومت فيني.. السرقة أنا ما مابيها.. وتراني بكرعيني ماشي عليها لكن شرطي معاها.. لا تسرق لي من صلاح غريبة ولا من ديوان الزكاة..
أقل من البترول والمالية ما بقبل.. ليه! أنا هين ولا لين..
otherwise ما أسهل نفض اليد من تحالف المؤتمر.. من زمن مجموعة الناصر ومروراً بمبارك الفاضل، أريك مشار.. موش الناس دي كلها إتخارجت.. منهم من رجع الغابة ومنهم من دخل السوق.. ولو الوضع ما عجبني، برجع للغربة والبرد..

Quote: جزاك الله خير وجعلها.في ميزان حسناتك وهي لله هي لله!!!!

هي لله نعم لكن صلو أخوان وأسرقو وإتحاسبو تجار




تحياتي يا شقيق

مرحب ياسر
رايك شنو في تجنيدة مكربة كده علي ايادي..
1-هجو الاقرع
2-الوجه التاني من (صحبك) معتز قريش..
.....
طبعا اخوك موقفو كالاتي..
ممكن ادير حوار مع وليد 500 لانو بكل صدق ورغم الاختلاف زول راقي جدا...
لكن صلاح غريبة ده لو داير يبقيني (هلالابي) ماداير

يا عبد الكريم ما بالغته لكن عايز تورط الراجل مع قريبه؟؟؟؟

Quote: مرحب ياسر رايك شنو في تجنيدة مكربة كده علي ايادي.. 1-هجو الاقرع 2-الوجه التاني من (صحبك) معتز قريش.. ..... طبعا اخوك موقفو كالاتي.. ممكن ادير حوار مع وليد 500 لانو بكل صدق ورغم الاختلاف زول راقي جدا... لكن صلاح غريبة ده لو داير يبقيني (هلالابي) ماداير

يا اخي لو في زول واحد بيسمع كلامه ياسر طيفور اللديح ده في المنبر ياهو هجو الاقرع

تقول ليه حاوره؟؟؟؟

وانت ما عارف حوار ياسر كله مكاواة؟؟؟؟
خليه يحاور ناس تراجي وآمنه ديل الغلابه الا هجو الاقرع ما بتجرأ عليه

الحكامه البلا فراسه

ام حازم سلام ، ابننا ياسر فى محل محمد ابنى تماما ، وحسب معرفتى لياسر اذا اقتنع بشىء فانه لا يجامل ، خلى اللخبطة ، عبدالكريم مقدور عليهو بعد دخول الجاليه خلوالطابق مستور. اسع انا قلت حاجة! بعدين عشان تعرفى ياسر ما قاعد يجامل حتى اهله راجعى البوست بتاعى لهشام هبانى عن سرقة بعض المعارضين لفلوسى.

ود عمي العزيز هجو الأقرع
أنا لو دخلت المؤتمر الوطني.. ح أطالب برئاسة لجنة السلام المسؤولة عن ملف رافضي أبوجا..
وأقول ليهم بس أدوني مليون دولار أجيبهم ليكم من خليل وعلي الحاج والسنوسي، وعيك..
أورد المليون في حسابي، وأطلع لي منو فرد الف أقسمو عليهم وأجيبم ليكم في طائرة أنتنوف بتاعت شحن..
_______
وطراجي دي بديها مية دولار والبقية خمسين خمسين.. لأنو طماعة ولعلاعة

الدكتورة طراجي مصطفي
تعرفي يا دكتورة أنا وإنت المؤتمر الوطني ح يفرح بينا شديد قولي لي ليه!
أولا إنتي رئيس منظمة الصداقة الإسرائيلية السودانية
وأنا رئيس حزب المكاواة الطفشك من دائرة الصحافة
المهم فكري في الموضوع ده.. لأنو لو مشينا ليهم ككتلة، ممكن يعملو لينا ملحق لنيفاشا النفشت ريش الشعب السوداني..
______
ملحوظة:
قبل ما تدخلي معانا في أي تحالفات.. يا أفصلي راشد الحاج، يا إشتري ليهو مريّلة.. عشان الكيزان ديل ما يحقرونا

حباب الفنجرى ياسر
المؤتمر دارك ومطرحك وكان ماجابك الود بتجيبك سيختنا(ابتسامة واسعة)

وبعدين كيف تنسانى انا انا بتنسى(نكبر ليك طوبتى)

بالمناسبة انت فى تصنيفى الخاص مؤتمر وطنى مع وقف التنفيذ

Quote: طبعا اخوك موقفو كالاتي.. ممكن ادير حوار مع وليد 500 لانو بكل صدق ورغم الاختلاف زول راقي جدا...

يعطيك العافية اخى وعزيزى عبد الكريم وان شاء الله نكون دائما عند
حسن ظنك ......اكيد محبتى

عيييك ياسر طيفور جنا وفقد المحنة ووليد 500 صنفه انه شبه منضم للمؤتمر، نصيحتنا لياسر وهو داخل الي هذا الباب ان ياخذ راي الخارجين امثال عبد الله محمد احمد، مبارك الفاضل، حسين سليمان ابو صالح وبقية القيادات التي دخلت وخرجت ولم يحس بها احد، اما الطاقة فوالله لو قالوا ليك احلم بيها حلم ما تحلم ما ادوها سلفا البيحارب ليه 20 سنة ولا مناوي الاتشردوا من اهله 2 مليون وانكتلوا 250 الف !!!!
صباح الخير يا سعادة الوزير

ياسر..

انت موش عندك الباسبورت الكندي ؟
أمشي طوالي..
وطالب بأي وزاره أو سفاره..
وخلي الحكومه الكنديه تقول زي البريطانيه..
"بالحكومه مجموعه من الوزراء حاملي الجنسيه الكنديه"
أمال يعني الوفاء للبلد اللمتنا من مصايبنا يكون كيف؟

بس مرتبك لازم يكون بالدولار ولا بالبترول..
واياك تقبل بالجنيه السوداني...بعد يومين بيغيره ويدوه اسم تاني ويتنيل علي عينه أكتر..
وأي كميه منه ما تفيد..

واخد بالك؟

اسمع كلام أختك وخليك ناصح..

الشقيقة الرائعة وفريده مني
أخباركم وإن شاء الله كلكم طيبين

Quote: انت موش عندك الباسبورت الكندي ؟ أمشي طوالي.. وطالب بأي وزاره أو سفاره.. وخلي الحكومه الكنديه تقول زي البريطانيه.. "بالحكومه مجموعه من الوزراء حاملي الجنسيه الكنديه" أمال يعني الوفاء للبلد اللمتنا من مصايبنا يكون كيف؟

الباسبورت يا مني بقى زيو وزي البطاقة التموينية، أكنت كلو سنة نص بالكتير بطفش بيهو حتة، هسي هو في رقبتو طافش ما عارفو ين..
ناس قطبي المهدي ديل كنديين من سنة حفرو البحر، زمان رجعو وأخدو حقهم وحقنا وحق الحكومة الكندية.. ما شايفا الكنديين بالرغم من الشكاوي الكتيرة حول إنتهاك قطبي لحقوق الإنسان، الكنديين عاملين أضان الحامل طرشا..

Quote: بس مرتبك لازم يكون بالدولار ولا بالبترول.. واياك تقبل بالجنيه السوداني...بعد يومين بيغيره ويدوه اسم تاني ويتنيل علي عينه أكتر.. وأي كميه منه ما تفيد..

أنا يا شقيقة مرتب ذاتو ما دايرو؛ عمولات بس comissions لأنو الكيزان ديل البيعملو ليهو layoff يوم 29 مرتبو يعوضو فيهو الله، لأنو الصرفية يوم 30

Quote: واخد بالك؟

من الخزنة بس
تحياتي يا شقيقة

محمد عمر الفكي

Quote: عيييك ياسر طيفور جنا وفقد المحنة ووليد 500 صنفه انه شبه منضم للمؤتمر، نصيحتنا لياسر وهو داخل الي هذا الباب ان ياخذ راي الخارجين امثال عبد الله محمد احمد، مبارك الفاضل، حسين سليمان ابو صالح وبقية القيادات التي دخلت وخرجت ولم يحس بها احد، اما الطاقة فوالله لو قالوا ليك احلم بيها حلم ما تحلم ما ادوها سلفا البيحارب ليه 20 سنة ولا مناوي الاتشردوا من اهله 2 مليون وانكتلوا 250 الف !!!! صباح الخير يا سعادة الوزير

تعرف يا ود العم أنا مطالبي ما كبيرة، لما ذكرت الطاقة والمالية ما داير أكون وزير ولا وكيل وزارة.. أنا داير أكون موظف بس، لكن قريب -جغرافياً- من الخزينة (الخزنة في عضمها)..
وعلي الأقل لو ما قدرت فتحتها، أعرف القاعد يشيل منها منو.. والبغمتوهو لي مع كل فتحة، بكفيني وببحبحني..
______
هسي عليك الله ده طلب كتير!

حباب الوليد 500

Quote: المؤتمر دارك ومطرحك وكان ماجابك الود بتجيبك سيختنا(ابتسامة واسعة)

يا وليد هوي أنا ما بتغشى، ولو بتغشى كان أسي أكون شهيد تعرسو لي في الدنيا.. وتقولو الشعيد ياسر حاضن ليهو حورية في الجنة.. وأنا أكون مسكين حاضن ضلعتي تحت الوااطة من دفنكم دفن الليل أب كراعاً برة

Quote: وبعدين كيف تنسانى انا انا بتنسى(نكبر ليك طوبتى)

تصدق يا وليد نستني ليك المعزة.. بإعتبار زول كويس وفيهو أمل..

Quote: بالمناسبة انت فى تصنيفى الخاص مؤتمر وطنى مع وقف التنفيذ

لكن إنتهيت مني.. تصدق الزمن ده كلو أنا حاسب نفسي مناضل كيبوردي.. تجي تطلعني مجاهد كيبوردي.. لكن ما فرقت كتير .. كلو لعلعة في لعلعة
_____
فحب لأخيك ما تحب لنفسك؛ عليك الله وريني محل السمينة داخل المؤتمر الوطني.. عشان أختف ختفتي وإتخارج قبال ما ناس وسام يعرفو الحاصل شنو

الصديق المخضرم كيكي

Quote: رايك شنو في تجنيدة مكربة كده علي ايادي.. 1-هجو الاقرع 2-الوجه التاني من (صحبك) معتز قريش..

لو هجو ومعتز مؤتمر وطني أنا ذاتي إستقطاب ما دايرو، بمشي ليهم أملأ الإستمارة براي.. الموت مع الجماعة عرس..

Quote: طبعا اخوك موقفو كالاتي.. ممكن ادير حوار مع وليد 500 لانو بكل صدق ورغم الاختلاف زول راقي جدا... لكن صلاح غريبة ده لو داير يبقيني (هلالابي) ماداير

أنا متفق معاك تماماً حول وليد.. ومتفق معاك حد الإنبلاج والإنبطاح حول غربية.. وأزيدك من الإتفاق وثيقة، لو غريبة بدخلني الجنة ظاتها، النار أفضل لي..
_______
لكن لو منعم صاحبي وصاحبك أكل راسي، ممكن أمشي معاهو المؤتمر الشعبي ذاتو.. سبب الكفاوي النحنا فيها دي..
تحياتي يا دشاش

Quote: مرحب ياسر رايك شنو في تجنيدة مكربة كده علي ايادي.. 1-هجو الاقرع 2-الوجه التاني من (صحبك) معتز قريش..

كي كي اللعين انت كان ما جبت سيرتي اصلك ما بترتاح ؟؟؟
هسة نهبشك تقول المحكمة .. رفعت الجلسة ... القاضي اعتذر ... يا بكري الروب .... يا عبد المنعم سليمان اطلع برة ... ابو ساندرا برئ ..... والبداءة نديييفة .... معتز القريش ظلامي ..... صباح احمد حولناها شاهد ملك .... والجرسة تقع ... ويا نفيسة ألحقيني من صاحبك دا ... يا عماد عبد الله ما تتكلم عربي .
وسحب البوست لا يعني رفع الجلسة والغاء المحاكمة وبراءة المتهمين بما فيهم القاضي

Quote: لو هجو ومعتز مؤتمر وطني أنا ذاتي إستقطاب ما دايرو، بمشي ليهم أملأ الإستمارة براي.. الموت مع الجماعة عرس..

ود عمي المابخيب ظني والله جعلي تب وأها النوريك الرجالة المتل رجالتك ـ أنا ما مؤتمر وطني لكن كان انت بقيت مؤتمر وطني أنا فق قفال ان شاء الله يودونا ورا لاهاي ذاتوووو .

القريش يا نديمي هووووي

Quote: ود عمي المابخيب ظني والله جعلي تب وأها النوريك الرجالة المتل رجالتك ـ أنا ما مؤتمر وطني لكن كان انت بقيت مؤتمر وطني أنا فق قفال ان شاء الله يودونا ورا لاهاي ذاتوووو .

أنا لي يومين خشمي معووج يكون بسببك، من مباراتك.. وأنا من دربي ده ماشي لي ود عوج الدرب أسامحو وآخد بركاتو، وأنا لاهاي معاك ما بمشي، لكن ليك علي أرسل ليك عمود بالـKLM كلو تلاتا، علي الأقل لو حرمت من الحرية، ما تُحرم من المفروك والكسرة.. لأنو قالوا: والعهدة على قول صديق أنو اكل السجن مسيخ زي أكل المستشفى..
______
كمان داير تمشي معاي لاهاي عشان سيف مساعد يقول ضرب عصفورين بي حجر..

غايتو اضحكتنى ياود عمى ومن قبيل
بحاول أتمن فيك وبقول ياربى الزى
ياسر دا رأسة بكون بى كم لأنو الناس
ديل عندهم الرأس الكشة مشة بى 30 ألف
بس ملىء الإستمارة بتاعت العضوية 0
غايتوا نحن ما بنفكك بأقل من 300مليون
ياشقيق 0
مع ودى
أظهر فى اللونق ويكند دا

عبدالله

ود عمي الخليفة عبد الله

Quote: غايتو اضحكتنى ياود عمى ومن قبيل بحاول أتمن فيك وبقول ياربى الزى ياسر دا رأسة بكون بى كم لأنو الناس ديل عندهم الرأس الكشة مشة بى 30 ألف بس ملىء الإستمارة بتاعت العضوية 0 غايتوا نحن ما بنفكك بأقل من 300مليون ياشقيق 0

يا عبد الله لكن خليك accurate، الـ 300 مليون دي دينار ولا جنيه، جنيه قديم ولا جديد.. عشان الواحد يضع خطة إستثمارية ناجحة للمبلغ ده.. يزكي منو كم، ويدي منو منو ويحندق منو.. في ناس يسمهم، لو المبلغ ده بقى 300 مليون دولار؛ والواحد ما يرجع للغربة والبرد ونضال الكيبورد وحوامت السوق ولقيط الجرجير.. وبراك عارف الناس الرجعت السودان بقروشها الدقت فيها حجر الدقش، كملوها وجونا راجعين بخفي حنين، ناهيك من قروش القمار الحا يدوني ليها ناس المؤتمر الوطني.. الموضوع داير management عشان مجرد ما أقع في ا ، الجماعة يقولوا: حق الحرام.. حق الحرام ده ذاتو ما دايرنو يروح ولا يقع..
______
هو جاء بي ساهل!
بيع زمم.. وبيع قضايا.. وبيع أصدقاء..

يا خي ما تشوف ليك حزب محترم.

بالمناسبة أنا تعريفي لي الحزب المحترم أن يكون

قد تكون قبل استلامه السلطة وليس بعدها.

أبواليسر
ختيت ليك إستمارة إشتراك للعضويه بيهناك
أملاها ورسلها لي في الإيميل
ماأوعدك إنو الجماعه يقبلوا منحك العضويه (عموماً حأحاول أتوسط ليك) ..

Quote: لكن ممكن الواحد يقبل إستقطاب فدوى الشريف

يا شقيق

فدوى عديل كدة ،، انت طماع اوى ،،، اقول ليك أحسن ليك طراجى

تخريمه :

الفاتحه ع البوست ،،،

Quote: أقنعوا كابتن الفريق السابق وتعالوا نحن:" ملحوقيين" !!!!

ياسر .. أمسك في كلام كمال عباس دا أحسن ليك ..

Quote: سئل أبو كراع السوداني عن سر كرهه للإنقاذ: بعدما اطرق مليا( ربما كان يجتر زكريات حوالي عقدين من عمر معاناة إنسان السودان) ثم قال لمحدثه دون أن يلتفت إليه كأنه لا يريد أن يرى وجهه الذي يملئه الحزن : ثم ردد السؤال (و كأنه لم يسمع من قبل): لماذا أنا اكره الإنقاذ....؟؟.......... قيل له نعم هو ما نسألك عنه. .....! اجاب بنبرة باكية.... أنا لا ابغض أيا من بني وطني..... لكني حزين: لمقتل 28 ضابط وهم صيام و.تشريد حوالي 10 ألف بمسمى الصالح العام (فترك ابناؤهم المدارس لأن أبائهم لا يستطيعون دفع رسوم الدراسة) . مقتل 700 ألف ونزوح 2 مليون وحرق 4 ألف قرية واغتصاب مئات من النساء والقاصرات بدارفور. و مقتل الملايين بالجنوب و جبال النوبة وانقسنا وآلاف بالشرق. ثم إني حزين على احتكار الوظائف لفئة من المواطنين. وعلى ما يصيب المال العام من صرف في القمم واليخوت والعمارات و القصور و السيارات الفارهة في الوقت الذي يموت أهلي بالشمالية من السرطانات والفشل الكلوي و في الشرق من السل الرئوي وفي دارفور اتخذ أهلي من المعسكرات وطنا - الأجنبي يداوي جراحهم ويطعمهم وفي الجزيرة يطلب من أبي أن يحصد 8 جولات قمح قبل أن يدفن البذرة في الأرض فان لم يحصد الجولات الثمانية ولم تكن لديه بقرة أو عربة كارو يبيعها لتسديد دين الحكومي مصيره السجن. لكن أكثر حزني على الشرخ الذي اجتاح وجداننا القومي وذلك بزرع القبلية وأخواتها أنا لا اكره بني وطني..... لكن قل لي لماذا أنت تحبهم....؟؟ حامد برقو 11\12\2006

العزيز ياسر طيفور

اما انا قد اقتنعت مثلك ... لكني افضل انتظار ابوكراع السوداني لننضم معا

العزيز حامد برقو

Quote: اما انا قد اقتنعت مثلك ... لكني افضل انتظار ابوكراع السوداني لننضم معا

يا حامد طالما إقتنعت، يا زول أحسن ليك تمشي معانا أنا وتراجي.. والخائن الله يخونو..
______
منك ماني خايف، لكن خايف من تالتنا

عبد الرحمن الحلاوي

Quote: ياسر .. أمسك في كلام كمال عباس دا أحسن ليك ..

لكن يا عبد الرحمن كمال عباس داير يوكلني وطنية
________
وأنا داير آكل طحنية.
شكراً للمرور يا باهي

الشقيق كمال مبارك

Quote: يا شقيق فدوى عديل كدة ،، انت طماع اوى ،،، اقول ليك أحسن ليك طراجى

طراجي يا زول أنا تاني في طرف توبها.. الزولة فالحة ونجيضة وبتعرف محل الكنجالات وين..
______
وكلنا دايرين نركب ليلى علوي -اللاندكروزر-

محمد فرح

Quote: أبواليسر ختيت ليك إستمارة إشتراك للعضويه بيهناك أملاها ورسلها لي في الإيميل ماأوعدك إنو الجماعه يقبلوا منحك العضويه (عموماً حأحاول أتوسط ليك) ..

أها ده ذاتو الخايفين منو يا محمد.. في كندا دي لما تمشي ليك لمكتب حكومة وتلقى المسؤول immigrant يعزبك عزاب قبورة، جيب كذا وكذا وكذا.. يطبق فيك البيروقراطية بالحرف، عكس لما تلقى ليك زول بلد واصل..أنا عشان كده إستقطابك ما دايرو
_________
رضينا بالهم، والهم ما راضي بينا..
تحياتي يا كوز مرتاح

أبو مهيار

Quote: يا خي ما تشوف ليك حزب محترم. بالمناسبة أنا تعريفي لي الحزب المحترم أن يكون قد تكون قبل استلامه السلطة وليس بعدها.

والله كلامكم عجبني بلحيل، لكن بيني وبينك زول داير ينضم للمؤتمر الوطني، الإحترام داير بيهو شنو.. والشعب السوداني الشابكننا بطل بطل ده، ما بيحترم إلا الزول العندو قروش.. وناس المؤتمر الوطني عندهم قروش..
______
شكراً للمرور والمغتضب و دقيق، يا أبو مهيار..

ود اعمي سلامات

انا طبعا افتكرت انك اصبت بحمي طلعت في راسك لكن الحمدللة جات سلامة وبعدين مؤتمر شنو البقبل عضويتك وانت لا تملك مقومات العضوية وطبعا مقومات العضويه انت عارفة براك وان بقت فيك حرم لاك ود عمنا ولا حاجة وحرم شندي دي تاني ماتعتبا تب ......................


بالمناسبة انت فى تصنيفى الخاص مؤتمر وطنى مع وقف التنفيذ

وكان الكلام الفوق ده صاح تبقي مصيبة نحنا وكت فارقناك كنت راجلا ضو وكلس
نحمداللة انها جات علي وقف التنفيذ لان التنفيذ كان حصل الرماد كال حماد وبقيت بدل ياسر طيفور

ياسر منئم سليمان

ولك الود اضعاف

بــدُر
والله الشوق أطنان أطنان
أخبارك وأخبار الأهل.. وكيف منفاك البعيد!

Quote: انا طبعا افتكرت انك اصبت بحمي طلعت في راسك لكن الحمدللة جات سلامة وبعدين مؤتمر شنو البقبل عضويتك وانت لا تملك مقومات العضوية وطبعا مقومات العضويه انت عارفة براك وان بقت فيك حرم لاك ود عمنا ولا حاجة وحرم شندي دي تاني ماتعتبا تب ......................

يا زول كلام التخدير الوطني ده تاني ما بقسم بفيني.. جيتك السودان الجاية، لو ما لقيتني ساكن المنشية، تعال لي في كافوري.. وليك علي الأتوس بتاعك، تغلقها كل يوم مجان من طرمبة القيادة العامة.. وبترولنا كان ما كفى الأهل حرام علي الجيران
_______
وعشان اطمنك، شندي ماني معتبها إلا لعرس شهيد، ولا فاتحة أهل.. يعني بالواضح كده إلا يحصل موت..

Quote: ما مقتنع بي: محمد حامد جمعة صلاح غريبة ود الباوقة محمد فرح فكيف أكون عضو مؤتمر وطني مالي هدومو ويكون مستقطبني واحد من الناس الفوق ديل؟ لكن لو في زول تاني غيرهم ممكن آخد وأدي معاهو

ياسر طيفور.

يمكن تقتنع بالدكتورة/ نجاة محمود الامين.

دينق.

Quote: اريد الإنضمام للمؤتمر الوطني ولكن

الأخ ياسر ولا لكن ولا يحزنون


عليك بنافع


المقولة السائرة بين المستقطبين

((القدم ليه نافع))

وما تنسى أخوك من صالح الدعاء.

الشقيق الشفيف ود محجوب

Quote: الأخ ياسر ولا لكن ولا يحزنون عليك بنافع المقولة السائرة بين المستقطبين ((القدم ليه نافع))

إنت والخليفة عبدالله واحد يتمن والتاني يوصف.. يا ناس أنتو قنعتو مني من قبل ما أوقع.. أكان ما لقيت الدايرو، زي ما بقولو: العرجاء لمراحا.. وأنا كان غيرت رأي من المؤتمر، بتكونو السبب إنت وعبد الله.. عشان ما نخلي الخلفاء يقلبو لينا الحزب قراية مولد... وخليكم عارفين وفاتحين أضانكم، أنا بصلي وراكم لكن ما تنتظروني بالفتة، لأن موائدي موائد المؤتمر الوطني..وشتان ما بين صلاة وموائد علي ومعاوية..

Quote: وما تنسى أخوك من صالح الدعاء.

الدعوات دي طالما مجان، أخوك ما بقصر، إلا يخلي الصلاة في عضما..
__________
تحياتي يا دكتور

الصديق جاز16

Quote: يمكن تقتنع بالدكتورة/ نجاة محمود الامين.

دكتورة بيان ذاتها أنا داير إستقطبها للمؤتمر الوطني..
_____
لكن بعد ما أوهط كرعيني..
ونجيكم راجعين البورد ده بخطة تطفيشية، نخلي ناس وسام ومنو ومنو ديل يحتمو بمنبر تراجي(السودان الجديد).. بس ادوها صنة..

ياسر طيفور سلامات يا Brother

القصة دى محتاجة مؤهلات و مهارات منها المكتسب بالفطرة و منها ما يجب تعلمه !! المكتسب دة يا اخوى صعب عليك عديل كدة و هذا ليس تقليلا من مقدراتك لكن الحق يقال لا يبدو عليك أنك ممن يمكنهم إكتساب هذه المهارات !! اما الشق الآخر من هذه المهارات وهى ما يجب تعلمه فهذه للأسف الشديد غير مكفولة بلنسبة لك لأنه الفيك إنعرفت و لا سبيل لتغيير الفكرة و حتى منافق أو مغفل نافع لن تجد فرصة لأن كل الأماكن مشغولة لكن كان واحد قوى جاااااااامد كدة عمل ليك عملية سنفرة و بوليش و ورنيش حريفة و فعالة كدة أحتمال تحصل معجزة و يمشو حالهم معاك لكن سيتاورك تاريخك القديم مرّة مرّة كدة يمكن لا قدام كدة يشاغلوك بيه فكن جاهزا و حظا سعيدا !

*يعنى يا طيفور حسن طحنية يطلع أحرف منك!!!! ما مكن يا صاحبى و لا يأس مع الحياة.

الأخ أيمن الطيب
الشغلانة يا أيمن ما دايرة أيتها مؤهلات.. المؤهل الوحيد هو أن تكون متصالح مع نفسك، بمعنى، لو في زول قال ليك يا حرامي، ما تزعل ولا تثور .. تكون متصالح مع الإسم ده.. حرامي! طالما بتسرق عينك يا تاجر.. تزعل ليه لو قالو ليك حارمي.. ولو قالو ليك إنتهازي.. تزعل ليه.. ما البتعمل فيهو ده هو قمة الإنتهازية.. زي ما قلت ليك يا أيمن أهم شيء تكون متصالح مع خياراتك.. وما تشوف الوطنية المتدفقة من كيبوردات اخوانا المعارضين ديل.. الناس دي لو ما خايفة يقولو عليها حرامية وإنتهازيين، المنبر ده ما كان فضل فيهو معارض.. وأنا داير امشي في السكة دي ديمقراطياً .. والبقول لي يا حرامي، زي القال لي "سلام عليكم".. إبتسم عادي في وشو وأردو ليهو الحرمنة بأفضل منها..
______
عليك الله يا ايمن في زول شغال سياسة مجاني غير الناس الحايمة في المنابر دي.. حقوق إنسان بتاعت أيه.. ديمقراطية ذاتها بتاعت إيه.. دولة قانون بتاعت إيه..
السياسيين الجد جد ما شغالين بالمعايير الفوق دي.. دي ثقافة غربية دخيلة علينا.. ونحن الجابنا الغرب شنو.. ما كان نكون قاعدين في السودان وما نمرق.. في أي ملف يلم فيك بوليس يمحطك بقاشو.. تاكلو في حنانك .. وبعد ما البوليس يفوت تطنطن.. وتواصل يومك عادي.. يعني شنو .. ما أي حاجة قضاء وقدر..

قلت لصاحبك:" ياسر كاتب بوست (اريد الإنضمام للمؤتمر الوطني)"
فقال لي:" حاجة من اتنين يا محموم يا سرقو باصووردو"

اريد الإنضمام للمؤتمر الوطني

Quote: اريد الإنضمام للمؤتمر الوطني

يا كوستاوي
أنا إفتكر أسباب إنضمامي قوية ومنطقية..
_____
وهي من باب التوزيع العادل للثروة

العزيزة لنا مهدي
كيفك وكيف أحوال الأسرة..
الشوق ثم الشوق.ز فرداً فرداً..

Quote: فقال لي:" حاجة من اتنين يا محموم يا سرقو باصووردو"

صاحبي المتعب عامل شنو؟؟
يكون معزبكم عزاب الله أكبر.. حا أضرب ليهو في اليومين ديل..
قولي ليهو: ياسر قال ليك: لاهو محموم لا باسووردو سرقوهو، لكن المرة الـwallet السرقوها..
______________
مرة يا لنا أنا وأمجد والوالدة، جايين من أبوظبي في طريقنا للعين.. ففي أبوظبي قدام باب السفارة، لاقونا بتين ظريفونات خلاص سلمو ليك علي أمجد بمعرفة كده.. أها أنا الشمار حارقني وداير إتشمشر مع امجد.. وما عندي صبر لامن نصل العين.. والوالدة معنا في العربية راكبا في المقعد الخلفي.. فسألت امجد بالإنقليزي" الحاجات الغريبة دي من وين".. أمجد بدل ما يلكزني بكراعو ولا يديني إشارة عشان إنطمة.. يقوم يلعلع لي بصوتو الما بيغباك داك.. قال لي: يا ياسر أمي دي مرة متعلمة وبتعرف إنقليزي أكتر مني ومنك.. أحرجني ليك إحراج مع الحاجة.. أها قبيل ما كان عندي صبر عشان أعرف الشمار بتاع الchكس.. هسي ما عندي صبر متين ننزل الوالدة عشان نتشاكل.. ولما سافرت ما إتذكرت أشاكلو..

وأخر يريد الانضمام للمؤتمر والسبب!!!!!!!!??
اريد الإنضمام للمؤتمر الوطني

Dear Yasir,x
Sorry, just out of your subject... Deng's response reminded me of a joke:x

Quote: رسب أحد الطلاب في مادة التعبير ، وهذا أمر غير اعتيادي أن يرسب طالب في مادة سهلة كالتعبير ، وعندما سُئل المدرس عن سبب رسوبه في المادة قال : والله يا اخوان الطالب ما يركز كل مره نعطيه يكتب عن موضوع يخرج عن الموضوع . قالوا اعطنا عينات من مواضيع التعبير التي كتبها ..فقال المدرس على سبيل المثال :اكتب موضوعاً عن فصل الربيع .. فصل الربيع من اجمل الفصول في السنة ، تكثر فيه المراعي الخضراء مما يتيح للجمل ان يشبع من تلك المراعي ، والجمل حيوان بري يصبر على الجوع والعطش اياما ، ويستطيع المشي على الرمل بكل سهولة ويسر. >ويربي البدو الجمل ، فهو سفينة الصحراء ، فينقل متاعهم ويساعدهم على الترحال من منطقة لاخرى ... والجمل حيوان اليف …. الخ.ويستمر الطالب في التغزل في الجمل ، وينسى الموضوع الرئيسي ..فقال المدرسون قد يكون قرب موضوع الربيع من الجمل وارتباطه بالرعي هو الذي جعل الطالب يخرج عن الموضوع ..فقال المدرس : لا خذو على سبيل المثال هذا الموضوع الذي طلبنا من الطالب ان يكتب عنه ..اكتب عن الصناعات والتقنية في اليابان .. تشتهر اليابان بالعديد من الصناعات ومنها السيارات ، لكن البدو في تنقلاتهم يعتمدون على الجمل ، والجمل حيوان بري يصبر على الجوع والعطش اياما ، ويستطيع المشي على الرمل بكل سهولة ويسر .ويربي البدو الجمل ، فهو سفينة الصحراء ، فينقل متاعهم ويساعدهم على الترحال من منطقة لاخرى .. والجمل حيوان اليف . قال المدرسون هل هناك موضوع آخر فقال المدرس كل موضوع يبدأ فيه لنصف سطر ينتهي بصفحات عن الجمل ..و هذا موضوع بعيد جدا عن الجمل ..اكتب موضوعا عن الحاسب الآلي وفوائده الحاسب الآلي جهاز مفيد يكثر في المدن ولا يوجد عند البدو لأن البدو لديهم ( الجمل ) والجمل حيوان بري يصبر على الجوع والعطش اياما ، ويستطيع المشي على الرمل بكل سهولة ويسر .ويربي البدو الجمل ، فهو سفينة الصحراء ، فينقل متاعهم ويساعدهم على الترحال من منطقة لاخرى .. والجمل حيوان اليف … تقدم الطالب بشكوى للوزير بعد ان طلب الوزير التحقيق في الموضوع فكتب الطالب في خطاب الشكوى : سعادة وزير التربية والتعليم ………السلام عليكم ورحمة الله وبركاته اقدم لمعاليكم تظلمي هذا وفيه اشتكي مدرس مادة التعبير لأني صبرت عليه صبر الجمل ، والجمل حيوان بري يصبر على الجوع والعطش اياما ، ويستطيع المشي على الرمل بكل سهولة ويسر .ويربي البدو الجمل ، فهو سفينة الصحراء ، فينقل متاعهم ويساعدهم على الترحال من منطقة لاخرى .. والجمل حيوان اليف ، وكما يعلم سعادتكم ان الجمل يستمد طاقته من سنامه الذي يخزن فيه الكثير من الشحوم ، اما عيني الجمل ففيها طبقة مزدوجة تحمي العينين من الرمااال والعواصف .. آمل من سعادتكم النظر في تظلمي هذا وظلم المدرس لي مثلما ظُلم الجمل في عصرنا هذا بأكل كبدته في الفطور في جميع الوزرات والدوائر الحكومية ..

Copied from: http://vb.6rbx.com/archive/index.php/t-37370.html

Deng wrote:x

Quote: ياسر طيفور. يمكن تقتنع بالدكتورة/ نجاة محمود الامين. دينق.

If you asked him to write about Miami he will say: It is a beautiful city and Dr. Bayan the Shaikha of darkness does not live there.x

أخى ياسر سلام شنو؟
( الجن اليركب قربو فى اضنيك )

ياسر صياد

حمانا الله و اياكم شر المصائب و أبتلاءات الزمان و نوائب الدهر.

غايتو بقيت بارع في الاستهداف.

العزيز ثروت
وين أيامك!
مشتاقين يا فردة..
أها جايين ولا نجيكم؟

Quote: حمانا الله و اياكم شر المصائب و أبتلاءات الزمان و نوائب الدهر.

يا ثروت ربُنا ذاتو قال: المال والبنون زينة الحياة الدنيا..
هسي دايرين المال، وبشدة.. لأنو كندا ذاتها بقت مناطق شدة..
والبنون ديل هينين.. ولا شنو؟
__________

Quote: غايتو بقيت بارع في الاستهداف.

إستغفر الله العظيم

ود الخالة
عثمان الضو ود ضو

Quote: أخى ياسر سلام شنو؟ ( الجن اليركب قربو فى اضنيك )

بعد سنة من الليلة ممكن تحلف طلاق بالتمانية أنو عندك ود خالتك في المؤتمر الوطني.. واصل .. وأخو أخوان.. ومكتبو فاتح في الشارع.. والشارع فاتح في قلبي..
______
نقول وداعاً لـ: سكِر وأنزل.. يا حليل هاشم بدر الدين يا عثمان .. إشتقنا للأيامات ديك .. والمطعم اليمني والحنيس..

العوض

Quote: Sorry, just out of your subject... Deng's response reminded me of a joke:x

يا زول آخد راحتك.. المطاردة في بوستات الناس أنا ذاتي قاعد أمارسها، في بعض الأحيان كهواية بدل ركوب الخيل..
آخد راحتك يا زميل.. ودينق صاحبي ده ليكم الكيبورد وخلونا الشاشة. من ليكم اللحم ولينا العضمم..
________
شفت أنا متصالح مع حاجاتي كيف!

Quote: بالمناسبة انت فى تصنيفى الخاص مؤتمر وطنى مع وقف التنفيذ

ياسر طيفور الظريف كيفك؟؟؟؟

"ما تقول كما بتغزل فيك و تجينى "حماتى" تراجى أسى و تكبعنى "!!!

بس مكاواتك ظريفة و مهذبة برضو

أها قلت لى داير تبقى مؤتمر وطنى ليه ؟؟ زهجت من الغربة و البرد و لا داير "تهبر" من "قسمة" الثروة و المرارة الشغالة كيمان كيمان من بطون أهلنا الغبش؟؟؟


غايتو أخير ليك تكونFree lancer موش إسمها كدة برضو؟؟ ،، عشان يا أخوى مؤتمر وطنى و لا شعبى كلو زاااااااائل و كل من ليها فان يا ود العم،،،

يعنى سيد رويحتك دى أخير من عبيد القروش

غايتو In case و لقيت ليك فرقة شوف لينا معاك بعدين قطعة واطة درجة أولى ،،موش تعمل نايم !!!

اخي ياسر طيفور
مبارك لك هذه الخطوة الموفقة ونحسب انها في ميزان حسناتك ان شاء الله , ونقدر جدا احتسابك لغربتك في سبيل الله
باذن الله يا اخانا ستكون من الصحابة الراكبين مواتر
ان درب الجهاد طويل يا اخي اصبر واحتسب الاجر عند الله تعالي وباذن الله ستصل الي ليلي علوى
وما هي الا مجاهدات في سبيل الله , ولتردد معنا يا اخي هي لله هي لله لا للسلطة ولا للجاه
اخوك في الله ان شاء الله اساسي رضي الله عنه

أخي في الدين و الوطن الأساسي، أساسي

Quote: مبارك لك هذه الخطوة الموفقة ونحسب انها في ميزان حسناتك ان شاء الله , ونقدر جدا احتسابك لغربتك في سبيل الله باذن الله يا اخانا ستكون من الصحابة الراكبين مواتر ان درب الجهاد طويل يا اخي اصبر واحتسب الاجر عند الله تعالي وباذن الله ستصل الي ليلي علوى وما هي الا مجاهدات في سبيل الله , ولتردد معنا يا اخي هي لله هي لله لا للسلطة ولا للجاه اخوك في الله ان شاء الله اساسي رضي الله عنه

بقيت ترضى الله عنك!
عندي إحساس كده إنك بقيت تقرأ لي سيف مساعد..
رضي الله عنك دي مشيناها ليك، لكن ما تجينا بكرة تقول رأيت الخليفة عمر في المنام.. لأنو لو قلت لي شفت عمر الفاروق حقنا ده، ما بصدقك..
تفتكر يا أساسي الناس ديل ممكن يدوني حاجة؟
ياخ محمد حامد جمعة ده عشانهم في المنبر إستحمل مالم يستحمله تراجي وبشاشا مجتمعين..متر مربع بعد سوق ليبيا ما عندو.. تفتكر انا حا يبدو معاي بسوزوكي، وكمان أحمر..
______
وإنت .. أمشي لي أهل أبوك الإتحاديين ديل.. لا بودوك جهاد، ولا بحملوك ما لا طاقة لك به.. ويومك التزهج منهم وتدور تمشي، بدوك حق المواصلات..

نوسة يا أنا
يا وجع قلبي الشمال
ولا يهمك غازلي وإتغزلي..
تراجي ما تشيلي همها زولة ديمقراطية في الحاجات دي.. وهي ذاتها خلت حاجة.. الزغاوي الذي أحببت والشايقي الذي أحببت.. لما المحبوب عليهم والمنتظرين بقو لينا في الحلق.. ما نقول ترا قبال ما نتمها يجونا بي روشتاتهم الوطنية..
لكن موضوعي ده شكلو مطرشق.. مافي زول من ناس المؤتمر الوطني هببو لي.. الزول الوحيد الرحب بي، وليد 500؛ ووليد لرقبتو متغرب..
يعني مؤتمر وطني فشنك..
لكن ليك علي يا نوسة، مجرد ما سنارتنا تقبض، حقك بجيك محل ما قاعدة..
_________
بالجد كده مشتاقين يا نوسة؛ وخلي حماتك دي التستحمى في بحيرة انتاريو

صباح الخير يا ود طيفور

Quote: نوسة يا أنا يا وجع قلبي الشمال ولا يهمك غازلي وإتغزلي

كويس "وقعت ليك فى جرح القصة دى ،ن آآ؟؟"
تسلم يا ود عمى

Quote: لكن موضوعي ده شكلو مطرشق.. مافي زول من ناس المؤتمر الوطني هببو لي

لكن يا ياسر ناس "مؤتمرك الوطنى" ديل لى روحهم دى دايرين اليهببو ليهم،، و لسة ما عرفوا القرعة بترسى على منو و بجيهو كام و "بيدبل" بي مرة منو؟؟؟

Quote: بالجد كده مشتاقين يا نوسة؛ وخلي حماتك دي التستحمى في بحيرة انتاريو

و انا كما ،، بس و الله و الله كلو و لا تراجى الحبيبة دى ياخى أختى و صديقتى،، دايرة "تنشف" من بردكم و صقيعكم العجيب دة؟؟؟؟

تحياتى و إنتو أخوة فى بلاد الله همكم واحد و وحدوا نضالكم و جهادكم لإعلاء كلمة الحق و العدل

فتكم بى خير

نوسة يا وريفة

Quote: لكن يا ياسر ناس "مؤتمرك الوطنى" ديل لى روحهم دى دايرين اليهببو ليهم،، و لسة ما عرفوا القرعة بترسى على منو و بجيهو كام و "بيدبل" بي مرة منو؟؟؟

والله يا نوسة جماعتي ناس المؤتمر الوطني ديل كل واحد لابد لي مرة التاني.. قبال ما تتم العدة، أخوهو يجي يدبلبها.. النسوانهم شينات هم الفي أمان.. غايتو نحن نسوانهم ديل ما عندنا معاهن شغلة.. لكن الفكة ثم الفكة ثم الفكة..

Quote: و انا كما ،، بس و الله و الله كلو و لا تراجى الحبيبة دى ياخى أختى و صديقتى،، دايرة "تنشف" من بردكم و صقيعكم العجيب دة؟؟؟؟ تحياتى و إنتو أخوة فى بلاد الله همكم واحد و وحدوا نضالكم و جهادكم لإعلاء كلمة الحق و العدل

تعرفي يا نوسة تراجي دي ما بتسمع كلامي.. كلميها ما تعصي أوامري، حبة عوجة ما بتجيها.. لكن تقولي شنو مع راسها الناشف ده..
_______
عندي مشروع صداقة مع تراجي وآمنة خالتها.. وبذا نكون قد أسدلنا ستار المشهد الخير من مسرحية "الولد وخالاتو"
وده كلو عشانك يا نوستي.. موش قالوا: عشان فرد عين أكرم ألف عين.. وعينك عزيزة علينا

آمنة مختار
لو قلت ليك مشتاق بتصدقيني؟
والله مشتاق ليك ولصديقي أبوبكر ادروب

Quote:

أقعدي أضحكي لي كده لامن تفوتي الطيارة..
_____
لكن ما منك، من وليد نص الألف -علي قولك- الداير يجيب لي كفوة

Quote: اريد الإنضمام للمؤتمر الوطني ولكن

الغالي أبو اليسر أنا أخشي أنك متعشي بيتزا

العزيز جداً محمد آدم
والله مشتاقين .. وتحياتنا للعيال..

Quote: الغالي أبو اليسر أنا أخشي أنك متعشي بيتزا

أنا لو ماكل لي hot dog ساكت، خليك من بيتزا، ما كان طريت ناس المؤتمر الوطني.. كلامنا ده كلام جوع ساكت..
_____
ما سمعت بالحاري ولا المتعشي.. أهو قاعدين.. وربنا لو قاسملنا سرقة مع ناس المؤتمر، ما بتفوتنا شبر..

ود طيفور فاكهة المنبر سلامات
الاهل بخير


ياخوي ماتنسانا انشاء اللة طرمبة ضغيرونة جمب طرمبة فاطمة

وان ما لقيت من الناس ديل حاجه تعال صاد


العرجاء لمراحا

Quote: أنا لي يومين خشمي معووج يكون بسببك، من مباراتك.. وأنا من دربي ده ماشي لي ود عوج الدرب أسامحو وآخد بركاتو، وأنا لاهاي معاك ما بمشي، لكن ليك علي أرسل ليك عمود بالـKLM كلو تلاتا، علي الأقل لو حرمت من الحرية، ما تُحرم من المفروك والكسرة.. لأنو قالوا: والعهدة على قول صديق أنو اكل السجن مسيخ زي أكل المستشفى.. ______ كمان داير تمشي معاي لاهاي عشان سيف مساعد يقول ضرب عصفورين بي حجر..

يا نديمي
شيخ سيف قال شافني جوة بيتي وأنا نايم
قلت ليه بيتي كم غرفة ـ عمل نايم

القريش يا كفوة

Quote: يا نديمي شيخ سيف قال شافني جوة بيتي وأنا نايم قلت ليه بيتي كم غرفة ـ عمل نايم

ليه إنت ساكن في مسجد النيلين؟
_____
ما عارف ليه يا معتز، إتذكرت الإسراء والمعراج.. الله يسترنا.. الزول ده لو طلع ولي جد جد.. نحن يا زول ما هقلنا.. وبي موية وكملت..

يا بدُر
رسل لي تلفونك في الماسنجر..





خلينا نبل الشوق

سلام يا ياسر صديقي الذي ذهب مع رياح الموتمر الوطني واغرانا ايضا بالذهاب..

بكلامك ده يازول انا ذاتي شكلي كده ح اركب سفينة الانقاذ
واخلي السفيتة لاتبالي بالرياح...
بس من حسي انا عائز قسم العواميد الصحفية وضرائب المغتربين وياريت لو ادوني
معاها مدير شئوون المنابر السودانية...والكلام ده كلو ادارة واحدة وميزانيها مفتوحة..
غير كده يفتح الله يازول

ياذى الأصبع الجعلى ...أتحدى ذاكرتك فى دى !!
قلت لى كيف؟...وزارة الطّاقة أو المالية؟؟..لا بالله !!
بينى بينك كده..مناورة ذكية، لربما تؤتى أكلها..ألم
تر كيف فعل دربك بمحّمد محمّد خير ؟!!إستراح فأراح.
أمّا أنت ياعزيزى..حرّم..كوزة واحدة حليوووونة وملحلحة
تجيبك up side down ...قال طاقة قال..أكل رز بى اللبن .
_____________________________
سلّم لى عليك وعلى حمد إسماعيل كتير بالله.

عبد الله الحبيب

Quote: ياذى الأصبع الجعلى...أتحدى ذاكرتك فى دى !! قلت لى كيف؟...وزارة الطّاقة أو المالية؟؟..لا بالله !! بينى بينك كده..مناورة ذكية، لربما تؤتى أكلها..ألم تر كيف فعل دربك بمحّمد محمّد خير ؟!!إستراح فأراح. أمّا أنت ياعزيزى..حرّم..كوزة واحدة حليوووونة وملحلحة تجيبك up side down ...قال طاقة قال..أكل رز بى اللبن .

والله لا خليت فيني ذاكرة ولا ROM ذاتو.. والله ربُنا ما قصر مع محمد محمد خير.. رابط كرفتتو ويتحام من مول لي مول ومن منبر لي منبر في دبي.. وموش كده بس، جواز دبلوماسي وجواز backup كندي، وعربية لوحتها حمراء.. هيئة دبلوماسية.. أنا لو رموني في سفارة تشاد ما عندي مشكلة، وخاصة يا عبدالله أنا بتكلم لاوندي.. لكن مشلكة الكيزان دائماً بيضعو الزول الغلط في المكان الغلط..
كوزة سمحة! هي بتكون فاضية لسياسة وإستقطاب.. الكيزان بعرسوها من بدري وبتكون قاعدة في بيتو زيها وزي أي لوحة أو أي قطعة أثاث ثمينة.. إنت فاكر "أخوات نسيبة" البمشن الجنوب يجاهدن ديل شنو؟؟؟ يشبهني ويشبهنك.. لو ما الخمارات اللابساتنهن ديل ممكن بدون شعور تقول ليها يا أخ لو سمحت أدينا سفة..
_________

Quote: سلّم لى عليك وعلى حمد إسماعيل كتير بالله.

حمد قال ليك: شكراً يا مُعجب

كيكي يا صديقي الفريد

Quote: سلام يا ياسر صديقي الذي ذهب مع رياح الموتمر الوطني واغرانا ايضا بالذهاب..

الليلة يا كيكي مشيت صلاة الجمعة من بدري.. وشبكت ليك الهنود والباكستان:جزاك الله خير.. جزاك الله خير.. جزاك الله خير.. تتخيل واحد عفصني في يدي، برضو قلت ليهو: جزاك الله خير.. لازم إتعود عليها.. لأنو كان عندي حساسية منها سبعتاشر سنة.. كانت بتقوم ريش أخلاقي زيها وزي الـ peanut butter..

Quote: بس من حسي انا عائز قسم العواميد الصحفية وضرائب المغتربين وياريت لو ادوني معاها مدير شئوون المنابر السودانية...والكلام ده كلو ادارة واحدة وميزانيها مفتوحة.. غير كده يفتح الله يازول

أديناك العواميد الصحفية، ولكن صحيفة "الرأي العام" دي ما عندك بيها شغلة؛ ضرائب المغتربين دي حلالك، لأنو أنا لي يوم الليلة شلن واحد ما دفعتو ليهو.. لأنو أنا خارج إدارتهم.. إدراة شئون المنابر دي ما بنصحك بيها.. يا زول مالك داير تجيب لي روحك الهواء، يعني عاجبك وضع بكري ده.. أي زول يقول ليك ظلمني..
______
بصراحة كده يا كيكي إنت عندك روح شريرة دكتاتورية وتسلطية، وإنتهازية كمان.. يعني انا أفضل منك.. أنا إنتهازي وبس.. لا داير أكون رئيس ولا مدير.. داير قروش بس يا كيكي.. وبالطريقة دي إنت لو إنضميت للمؤتمرين وطني وشعبي ما ح يدوك كل الحاجات دي..

Quote: ما عارف ليه يا معتز، إتذكرت الإسراء والمعراج.. الله يسترنا.. الزول ده لو طلع ولي جد جد.. نحن يا زول ما هقلنا.. وبي موية وكملت..

يا زول ارقد قفا ساي ـ شيخ شنو

كدي اعفص هنا

فيصل نوبي

الأخ عبد الله الحبيب

Quote: أمّا أنت ياعزيزى..حرّم..كوزة واحدة حليوووونة وملحلحة تجيبك up side down ...

أمانة فى زمتك كان فى واحدة حليوووونة كان بقت "كوزة"؟؟؟؟

لكن باقى لى ياسر دة ما "بيقع" بالهين!! موش يا ياسر ؟؟؟؟

Quote: إنت والخليفة عبدالله واحد يتمن والتاني يوصف.. يا ناس أنتو قنعتو مني من قبل ما أوقع.. أكان ما لقيت الدايرو، زي ما بقولو: العرجاء لمراحا.. وأنا كان غيرت رأي من المؤتمر، بتكونو السبب إنت وعبد الله.. عشان ما نخلي الخلفاء يقلبو لينا الحزب قراية مولد... وخليكم عارفين وفاتحين أضانكم، أنا بصلي وراكم لكن ما تنتظروني بالفتة، لأن موائدي موائد المؤتمر الوطني..وشتان ما بين صلاة وموائد علي ومعاوية..

أخى ياسر شايف الخليفة عبدو عارضك ب300 مليون بس ما حدد العملة

يأخى كيف نتخلى عنك؟؟ لكن الفكرة دى عندنا قلنا ولدنا ياسر يمشى قدامنا ويعرف لينا السوق كويس ونحن وراه.

وبعدين نحن عاوزين دعواتك بعد ما تصل مش بعد ما تصلى

what about the tribe of
insulters in the board


insulters are people who use rude language to insult other members in their own posts
for no other reason than just want to be rude

????????????????


Question to all Members

what do you think of this *

rude insult

do I ask members to condemn it *

or just let him insult honourable members *


*or do I come down to his level and insult him him personally*


thanks

dr mustafa



my message to the member bashasha

dear bashasha

you ignored my request for an an apology from you for unprovoked assault on my behalf

iam going to put it here for all to see



Bashasha


.

تاريخ التسجيل: 08-10-2003
مجموع المشاركات: 5160

Re: to my dear friend Yassir Tayfour 2 (Re: Mustafa Mahmoud)


يالك من منحط بمعني الكلمة او سافل.

قت لي زي السفيه ده، true sudanese؟

ياهو شبهك بالضبط.

فبالله احط كوز ولانوعك حايم يسمع في القصايد، عامل وطني!

هانت الزلابية فعل




all what i did to get insulted is i said to my friend yasir

you are a true sudanese


will ustaz bakri take action on this personal insult

will see
thanks

ياسر طيفور

تحياتي واحترامي

انت يا ود عمي شروط الانضمام لعضوية المؤتمر الوطني غير متوفرة فيك تب .
والشروط دي بتظهر من وانت في اللفة وانت يا اخو الاخوات ما فيك خصال الكيزان الانا بعرفها.

Quote: أمّا أنت ياعزيزى..حرّم..كوزة واحدة حليوووونة

كوزة و حليوووونة مفردتين صعب يتلموا

متدينة و حليوووونة .. يمكن :-)

الصديقة العزيزة هنادي
أخبارك!
ليك مدة ما بنتي

Quote: انت يا ود عمي شروط الانضمام لعضوية المؤتمر الوطني غير متوفرة فيك تب . والشروط دي بتظهر من وانت في اللفة وانت يا اخو الاخوات ما فيك خصال الكيزان الانا بعرفها.

هي بقت علي أنا يا هنادي! ما شايفا ناس التجمع القاعدين لينا وجع قلب داخل البرلمان ديل!.. عليك الله دي محصلة نضال 17 سنة؟.. للأسف يا هنادي يسقطون بإسم أحزابنا.. ويا ليتهم ذهبوا فرادى وتركوا لأحزابنا ما تبقى لها من إحترام..
_______
كوني بخير يا صديقة

الشقيق ود محجوب

Quote: أخى ياسر شايف الخليفة عبدو عارضك ب300 مليون بس ما حدد العملة

الخليفة عبدالله يا ود محدوب بحسب بالجنيه القديم.. عان كده قلت ليك الزول داير يتخارج مني.. لكن وين! أنا تاني في خطراتو.. إلا هو ذاتو يخلي الحزب..

Quote: يأخى كيف نتخلى عنك؟؟ لكن الفكرة دى عندنا قلنا ولدنا ياسر يمشى قدامنا ويعرف لينا السوق كويس ونحن وراه.

يا ود محجوب إنت وعبدالله غتاتة الختمية دي ما بتخلوها.. عندكم أبرسي كراع مع مولانا وكراع مع المؤتمر.. كاشف السوق المحلي و والعربي.. إنتو دايرنين تعملوني صارقيل في سنارة.. تلقوها عند الغافل..

Quote: وبعدين نحن عاوزين دعواتك بعد ما تصل مش بعد ما تصلى

اصل وين! أنا ياخليفة دعاء السفر ذاتو ما حافظو
________
تحياتي يا دكتور

Quote: لكن باقى لى ياسر دة ما "بيقع" بالهين!! موش يا ياسر ؟؟؟؟

يا نوسة أخوك كديس بس.. لو وقع بيقع علي كرعينو..

Quote: يا زول ارقد قفا ساي ـ شيخ شنو كدي اعفص هنا

يا قريش ما يخدعك الظاهر، الزول ده بكون ولي من اولياء الله الطالحين، ولكنه متخفي.. أي كادر سري..
_______
غايتو للضمان، أقرأ آية الكرسي قبال ما تعمل login..
you never know

أبو اليسر

كلمت ليك الجماعه

وقبلوك بس بي شرط تحلق شعرك ده



المقص من عندي كمان

صباح الخيرات يا ياسووووووووووووووري

Quote: "الولد وخالاتو"

يا أخوانا ما قلنا ليكم من زمااااااااااااااااان الداير "يخسر" ليهو مرة يجيب سيرة "عمرها" !!!!

و إنتى كدى تعال بى جاي أسى إنتى عمرك كام؟؟؟؟؟ لأنو "صورتك الخايف عليها" دى شكلك فيه صغيروووووووونى ، عشان كدة "مقرض عليها" موش كدة؟؟؟؟؟


تسلم و إنت أخو أخوات أكيد يا الجعلى الحار

محمد ود فرح

Quote: كلمت ليك الجماعه

ده كلام شنو يا محمد.. بدل ما تقول لي قبلناك، تقول لي كلمت ليك الجماعة.. يا زول كان كدي إنت ماك مالي هدومك ماك صاحب قرار..

Quote: وقبلوك بس بي شرط تحلق شعرك ده

الشعر هين يا محمد، بكرة بقوم.. لكن الأرواح القصوها دي تاني البقومها شنو يا محمد أخوي..
وجايب مقصك كمان.. دايرين تحلقوا لي ولا دايرين تجنحوني زي الحمامة.. يا ناس خافو الله..
___
تحياتي يا كوز يا ما مرتاح

لا تحزن يا صديقي، بشاشا لا يشتم..
وطالما شتمك بشاشا، إنت على جادة الطريق كن بخير يا صديقى

Quote: فكيف أكون عضو مؤتمر وطني مالي هدومو ويكون مستقطبني واحد من الناس الفوق ديل؟

معليش يا صاحبي شفتك هنا بتفتش على الأحترام؟ قلت أنورك..

تحياتي..

Quote: وجايب مقصك كمان.. دايرين تحلقوا لي ولا دايرين تجنحوني زي الحمامة.. يا ناس خافو الله..

ياخي احبك ياياسر ياخ طلعت روحنا من الضحك...
قلت لي الجماعة دايرين يجزوك...والله ما عندهم (حس استقبالي)
ياخ كان يخلوك تقضي ليك جمعة جمعتين وتلبع ليك مليون مليونين وكد داك يفكروا يضايروا ليك
شعرك..
بعدين يا ياسر انا ذاتي مع الحلاقة المدورة دي ..ادارة عواميد ما فيها (الراي العام) ده طرفي
من المعتمر الوطني ده

الشـقيـق ( لحـيـن اكتمال الصـفـقـة...)

ياسـر طيفور,

قال الحاردلو ولد أبو سن لشبل الاسـد,

وإت أكّــان كـبـر , جـنباً تقلـب البيعـة,

لكنك كبيرا على الدوام يا ياسـر وكل يقيني أن المؤتمر الوطني لن يستطيع دفـع (خـلـو عـقـل) فيك , حتى لو دفع لنا رؤوس المجلس الأربعيني

المهـم يا عزيزي , لو قسـمـت (قيمة ) انتقالك إلى أي مكان , فنصيبي, سيكفيني مؤونة العمـل بقية الحياة ,
إذن , على بركـة الله,

أحمـد الشايقي