كشف الحال في اسداء النصح لطلال

كتبت في لحظة تجلي كعادتي

Quote: بقية المداخلات ما اثارت اهتمامي للرد عليها

وتسائل طلال

Quote: والله يا أساسي وجهتني لحاجة مهمة ، وهي عدم الرد حتى النهاية .. أنا بكون فرحان بكل الناس ، خصوصا طبعاً إنو الحكايه بيكون فيها إشادة وتطيب خاطر ، وإنت عارف إبن آدم بيحتاج الحاجات دي وبحبها وأنا كذلك .. لكن مرات البوست بيطول والموضوع بيكون إتسهك ! وما بعرف أقول شنو وبيغلبني الكلام والرد ، مع إنو بكون شاعر بتقدير شديد لكل زول .. يا ربي الناس الما رديت عليهم بيكون عارفين كلامي ده ولا زعلوا مني ؟ ياخي والله أنا الآن في أمراً ضيق ..

طبعا انحنا ناس بنحب الاطراء زي عيونا .. الاطراء بالنسبة لينا كسودانين زي الهواء البنتنفسه بنموت في اي زول يقول لينا كلمة حلوة ما عارف الكلام دا نابع من ايماننا المطلق بالكلمة الطيبة جواز سفر ..
الاطراء احيانا يصعب الرد عليه جدا بل لا اكون قد جافيت الحق اذا قلت ان الرد علي الاطراء هو من اصعب الكتابات بل حتي مساحة الرد دائما ما لا تكون ضيقة جدا بحيث لا تتجاوز بعض الشكر او ابداء الخجل .
كما انه بعض المداخلات تكون في صميم حديثك الذي فتحت به البوست وامتداد له هذه المداخلات ايضا لا يوجد لها ردود اكثر من شكرا للاضافة او شكرا للمرور فكيف ارد علي شخص يقول ما قلته؟ ...المداخلات التي تنبع من فكر مختلف او راي معاكس هي ما تستفز النفس وتشحن الحفيظة للرد عليها بل تكاد تكون ملح البوستات ..الحوار لا بد له من طرفان ليكملاه طرفان لهما اكثر من راي واحد لتكون له اسباب الامتداد الي افاق اخري اما اذا كان هناك رايا واحد والجميع يؤمن عليه فهذا الامر ليس حوارا باي شكل من الاشكال .
كما وان بوستات الادب والشعر والثقافة عامة لا توجب التعقيب الكثير .. وبما انك مثلي ( او زي زيك ) من ادباء المكان فعليك بالجمع والطرح عند الردود علي الاستحسان ورمي الطعمية وكسير التلج .. فيكفي جمع المداخلات في مداخلة واحدة ورص الاسماء وشوت ردا موحدا للجميع وكان الله يحب المكسرين والمكسرات تلجا.
نصحي لك يا طلة من واقع تجربتي المريرة السوداء في هذا المنبر ان تشير صراحة للاخرين انه لا تملك كلمات كافية للتعبير عن امتنانك او الشكر وهم بالتاكيد سيفهموا . بعض الاحيان بعض البوستات التي تكتبها وتطول مدة اقامتها في الواجهة وتكون فقدت نكهتها الاولي واصبحت لك بمثابة ( حمام ميت) هذه البوستات انكرها حطب واعمل فيها رايح منها وانتظر المداخلات لتتجمع وتجمع مثل ماء النقع وشتها بمداخلة واحدة تكون حسن الختام والبيجي يرد بعد داك يبقي دا زول دمه تقيل ويتحمل مسؤلية تقله دمه .

شــــــكراً
المعلومة وصلت

طبعا انت ود ناس ومهذب وما بتقدر تقول لي زول يدخل بوستك زي كلامي دا Re: المعارضة واسباب الفناء وورثة السراب (البوست الذي حزف مرتين ) الحقيقة دي مرحلة ممكن تصل ليها يوما ما اذا ما دأبت علي العمل بالنصيحة اعلاه ومثل هذا الكلام اقوله عادي وانا لا اقصد شيئا جارحا سوي التعبير عن حالتي النفسية اثناء المدخلة بتجرد ونكران ذات ولا يمنع ان اعود مثلا لنفس الشخص في بوستات اخري وبمزاج اخر احاوره ولا يكون في نفسه شيئا

وشوف مثلا زي وليد دا في البوست مثار التساؤل تداخل معي اكثر من طاشر مرة او يزيد ولكن لم اري هناك داعي للالتفات لمداخلاته لانها لم تكن بمستوي البوست وان التفت لها لكن شكل البوست تغيرا جدا هذا لم يمنع الاخ وليد ان يداخلني في بوستات اخري واداخله دون ان يحس احدنا الحرج
لمن كنت شاعر تقدمي - زي طلال عفيفي والفاضلابي وريل والن...س الفاكنها فينا ديل

Quote: لانها لم تكن بمستوي البوست

عاين ليه حا يطنش مداخلتي دي كيف ..

وانا ولا حا اتحرج ولا حاجة

ما كان العشم .

شكراً يا أساسي على الإهتمام والنصيحة ،
كلامك يا أديبنا بيستحق التأمل طبعاً ..

بجيك تاني ..

كويس ؟

غريبة تصور

اساسي والاعزاء ...
امريين اردت مشاركتكم فيهما :
1- لا يعني عدم وجود مداخلات لموضوع معين ان الموضوع او كاتبه لا يهم القارئ .. بالعكس مواضيع كثيرة لا تستوجب المداخلة بسبب قيمتهاالعالية وموضوعية كاتبها اوان ما كتب بديع او مكتمل لا يستوجب اضافة ..
2-هنالك ما يربو عن 60% من المسجليين يقراؤون فقط ويستمتعون بذلك وهنالك اضعاف كل المسجليين ولا يملكو عضوية تقرء ولذا فالقراءة هي السائدة او النسبة الاكبر وليس المداخلات كتابة...

قصدت من هذا ان لا يكون الرد كتابة شاغلا لكتابنا و لمبدعينا انما الاستمرار في الكتابة دون ان ينشغلو بمسالة الرد علي كل متداخل الا اذا استوجبت المداخلة ردا ضروريا ...

Quote: كشف الحال في اسداء النصح لطلال

دى زي : كتاب الأغاني لأبو الفرج السوداني



أساسي الأيام دى عجاجك فوق

أرقد عافية

الاديب الوريف اساسى،

شكرا على النصائح المخملية