افريكانا

عدت قبل امس من قاهرة المعز وهذه اول زيارة لي للقاهرة وبعد زيارة كل معالم المدينة المعروفة سألت صديقي الذي كان يرافقني وهو فلسطيني الجنسية ولكن مقيم بالقاهرة منذ زمن بعيد اين يوجد السودانييون هنا واين اماكن تجمعهم فكان اول ما اخبرني به ان هنالك صالة ديسكو في شارع الهرم تعرف بي افريكانا وايضا معروفة بانها تخص السودانيين دفعني حب الاستطلاع لمعرفة تلك الصالة فطلبت منه ان نذهب اليهاوذهبنا الى هناك تعالوا بقى نشوف على راي اخوانا المصريين.
- المافي شنو كل شي في
- عايز تفسد اخلاقك روح افريكانا.
- انواع من اللبس انا ماشفتها لا في القاهرة ولا الافلام الاجنبية.
- ترويج للدعارة من قبل السودانيات بشكل اذهل المصريين.
- طبعا الخمور والحشيش ده شي عادي جدا لو علقت عليه تبقى انت متخلف.
- ابحث عن كل ماهو شاذ تجده بالداخل.
- كل الموجودين سودانيات وسودانيين مع قليل من الجنسيات الاجنبية.
- السرقة والنشل بطرق عصرية جدا يعني النصيحة قبل الدخول اعمل حساب فلوسك وتلفونك.
- النصب والاحتيال شي مبالغ فيه.
وبما انني اول مرة ازور القاهرة ذهلت مما رأيت عن السودانيين طبعا دي فئة منهم وليس كلهم ولكن للاسف السمعة شملت السودان باعتبار انتمائهم ودي بقت زي الجيش الشر يعم والخير يخص شي مؤسف ومخجل جدا ان نصبح شاذين حتى في السلوك السيء انا حينما دخلت افتكرت انني في احد احيا نيويورك كما يصورها اهلها ويمكن انهم لايفعلون ما يفله السودانيين بالقاهرة.

Quote: - المافي شنو كل شي في - عايز تفسد اخلاقك روح افريكانا. - انواع من اللبس انا ماشفتها لا في القاهرة ولا الافلام الاجنبية. - ترويج للدعارة من قبل السودانيات بشكل اذهل المصريين. - طبعا الخمور والحشيش ده شي عادي جدا لو علقت عليه تبقى انت متخلف. - ابحث عن كل ماهو شاذ تجده بالداخل. - كل الموجودين سودانيات وسودانيين مع قليل من الجنسيات الاجنبية. - السرقة والنشل بطرق عصرية جدا يعني النصيحة قبل الدخول اعمل حساب فلوسك وتلفونك. - النصب والاحتيال شي مبالغ فيه.

الأخ العزيز حافظ اولاً حمداً لله علي سلامتك , الحقيقة شد إنتباهي العنوان ولكن عند دخولي لهذا البوست

وجدت فيهو العجب العجاب , سبق لي الدراسة في مصر العربية قبل فترة من الزمن والأمور ربما تطورت

شديد لكن كنت اذكر ان الطلبة يرهنو جوازات سفرهم عند بتاع البار من أجل زجاجة كحول ( براندي )

وقد عايشت تجارب كثيرة من هذا النوع لكن زي كلامك الفوق دا يطرشني !!!

الاخ هاشم
شكرا كتير على مرورك بالبوست احب ان اوضح ان الكلام ده ليهو ثلاثة ايام احتمال الزمن تغير وانا كتبت الكلام ده لاني فعلا مستغرب الحاجات دي لانها ما بتشبهنا ولكن في هذا الزمان الواحد بقى يتوقع كل شي ونسال الله السلامة ومرة تانية باشكرك على المداخلة

تاني تمشي أفريكانا يا منقه ؟..

كان تمشي تزور الأولياء الصالحين وتجي مارق مصر دي ما قالوا بلد الأولياء ..
فعلاً هناك ظواهر غريبة من قبل السودانيين لا تشبهنا حقيقة وبقت معروفة للأجناس الأخرى وزي ما وصف ليك صاحبك الفلسطيني ..
في زيارتي الأخيرة للقاهرة سمعت عن صالة أفريكانا وشفتها في الحقيقة ولكن لم أدخلها وعن الأشياء التي تحدث فيها وكويس إنك انت مشيت وشفت بي عينك وحكمت بي نفسك ..
نتنى أن تختفي مثل هذه الظواهر وأن لا نسيء لبلدنا ونحافظ على أعرفانا وتقاليدنا ..
الموضوع دا فعلاً محتاج لبحث ومناقشة ..

حمد لله على السلامة مجدداً ..

ودعمتي كيف حالك وماك طيب
والله ياخوي ماقصرت زرت الحسين والسيدة زينب والسيدة نفيسة وكله بس حب الاستطلاع لمعرفة السودانيين عسى ان الاقي شي مشرف ولكن النتيجة كانت مخزية وطبعا الكلام ده شوف عيني لا سمعتوا ولا جابوا لي.
لك التحية والتقدير وسلامي للاخ تمبس

الأخ العشا سلامات ,

يا زول إنت الوداك هناك شنو !! دي إسمها شلاقة ليس إلا!! المرة الجاية كلمنا عشان نوريك يا العشا بلبن!!!!!!!! داير تمشى محل فى القاهرة ما تلقى فيهو سودانيين!!!!!!! صعبة دى يا صاحبى !! أخوك أفريكانا ده قراهو من الباب و دق الياي و الخيار الثانى كان مينا هاوس و لقيت ليك قرايبى كتاااااااار م معاهم قريباتى كمان لكن الصراحة ناس حلوين و فى حالهم و عايشين احلامهم مع كل شعوب الأرض حتى بنى صهيون!!! بعدين يا ود العشا القاهرة دى محل ما تدقس بكيلو ليك يعنى القصة ما محتاجة أفريكانا إلا إذا كنت تقصد أن ظلم ذوى القربى ذو طعم مختلف فذاك شأن آخر يا صديقى!

الحاجة التانية أولاد بمبا ديل أسوأشعوب الأرض بمسألة الأجناس و السحنات يعنى أى أفريكانو إحتمال يكون سودانو و فى إعتقادى إنو إخوتهم فى جنوب الوادى و عمقهم الإستراتيجى ساعدوهم فى الموضوع دا شوية!!! و صعبو عليهم فهم قصة أنو الأحمر و الأخدر و الأصفر و الأبيض و البمبى و الأسود ديل كلهم جايين من أم ضرمان والخرطوم السودان و المعرفة حسب الحاجة كما تقول النظرية NEED TO KNOW ( فلا حاجة بهم للإجتهاد ووجع الدماغ.

أفريكانا مكان كل الأخوة الأفارقة و فيما يبدو أن السودانيين الآن هم الجنسية الأكثر وجودا فى القاهرة حاليا فلذلك نلاحظ كثرة وجودهم فى ذاك المكان !! أفركانا هو الأسوأ بلا منازع و هو المكان الخطأ إذا كنت ترغب فى سهره مقبولة مع ناس تحترم وجودها أينما كانوا.


بعدين يا العشا أخوى دليلك فى القاهرة فلسطينى دى بالغت فيها!


إحترامى ومودتى و إجازة سعيدة في مدينة العجائب المرة القادمة.

أيمن

الحبيب حافظ
تصدق وتؤمن بالله انا لى حوالى اربعة سنين هنا فى القاهرة
وسمعت بهذا المكان القذر الى الان لم اذاهب الية ولااتمنى ان اذهب الية
سمعت كثير القصص عن هذا المكان سمعتى ملايين الحكاوى عن الذى يجرى فية
وعن الاشكال التى تاتى الى هذا مكانة
رواد هذا المكان هم السودانين المقيمين هنا مقدمى اللجوء السياسى اى مايعرف لدى السودانيين
بتاعين اليو ان ومعظمهم هكذا
واحزن عندما ارى بنات جلدتى بهذة المناظر هنا ياحبيب
نسال الله ان يحفظ السودان والسودانين

الاخ/محمد عادل
كلامك حقيقي 100% وتجد داخل افريكانا كل شئ سئ وقبيح يخطر علي بالك

الاخ العزيز محمد
شكرا كتير على المداخلة وانت ياولدي ود البلد وعارف كل شي فيهاولكن انا عشان اول مرة ازورها شلاقة مني ودتني هناك طبعا انا كنت فاكر اني ماشي مكان محترم والاقي فيهو سودانيين اولاد بلدي زي مابعرفهم بطباعهم وعاداتهم المعروفة لكن بيني وبينك لقيت ناس تانية جنسياتهم سودانية ولكن افعالهم غير ومابتشبهنا ولا بنعرفها.

الاخ العزيز ايمن لك تحيلتي
يمكن عشان دي اول مرة ازور القاهرة تفاجاءت ولكن الشي الادهشني اكثر تصرفات السودانيين لانها اشياء مابتشبهنا ولم نتعود عليها في بلدنا ولا في البلاد الاخرى الموجودة بها جاليات سودانية والغريب في الموضوع انو اسم المحل افريكانا يعني افريقيا بكل جنسياتها ولكن مشهور بالسودانيين وكل البلد تعرف ذلك وبما انه الاسواء بلا منازع اصبح كمان منسوب للسودانيين.

لك كل الود والاحترام مرة تانية

Quote: حينما دخلت افتكرت انني في احد احيا نيويورك

Quote: ولكن الشي الادهشني اكثر تصرفات السودانيين لانها اشياء مابتشبهنا

السلام عليكم ورحمة الله تعالي وبركاته ...

والله يصلح الحال .... وحال اخوانا في جميع بقاع الارض مشارقها ومغاربها ...

والله يا اولاد اخوي ...افريكانا دي صوره مصغره للكان حاصل زماااااان في السودان ... في يوم من الايام كانت الرزيلة والدعاره علنا وكان ليها بيوت معينة ... حتي اختلط الحابل بالنابل ... وكان العسكري راكب ليهو حصان كانوا بيسموه السواري .... لمن يمر خلف السينما الوطنية او الاميرية امدرمان .. او الخرطوم جنوب ... كان بيلقي صفوف من البشر واقفه لممارسة الدعاره ... وكان يمحطهم بالسوط ...

ما تستغرب يا ود اخوي .. واللهم بارك لينا وطول لينا في عمر جعفر النميري الذي قام بنظافة الاحياء واعلن الحرب علي الدعاره والخمور ...

عمنا سمير
كيف حالك شرفتنا بمرورك الجميل
انت عارف الزمن نحن كنا وليدات ساي يعني ماحضرناه ولكن الحاصل ده وفي الايام دي
فيهو نوع من المبالغة الحاجات دي موجودة في كل مكان لكن ناسنا قاعدين يشذوا
وبعدين في مصر الاشياء دي موجودة بكثرة لكن نحنا حقناغير يعني ممكن تلقى اماكن
كثيرة زي دي في مصر نحنا مكان واحد ومصر كلها عارفاهو حتى الاجانب مع الاسم المفروض
يخص افريقيا كلها وبعدين يقولوا ليك روح شوف السودانيين بيعملوا شنو في افريكانا.

لك التحية والود والتقدير