Post: #1
Title: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: خالد الطيب أحمد
Date: 05-08-2007, 01:30 AM
Parent: #0
(1)
المكان : US الزمان : الساعة الثامنة مساء
رفعت (نضال) سماعة الهاتف : ألو.. أتاها صوت مألوف من الطرف الآخر : إزيك يا نضال..معاك عمك ABDELMAGID ABDELMAGID نضال: أهلا يا عمو ..كيفك؟ ABDELMAGID ABDELMAGID: أديني أبوكي سريييع لو موجود.. عندي معاهو موضوع خطيييير.. نضال بحاسية الصحفية(الشمارية): في شنو يا عمو ..إنشاء الله عافية؟ ABDELMAGID ABDELMAGID: لا لا..مافي عوجة تب... خلاص يا بتي إنكفت.. إنتهي حكومة الكيزان المجرمين الحرامية.. إنقلبت يانضال..
لحظتها -وبصورة لا شعورية- أطلقت نضال زغرودة فرح عالية جدا ربما سمعها كل سكان المنطقة .. ولم تشعر نضال سوي بوالدها هشام هباني وهو يقتلع منها السماعة.. فزغرودة نضال في تلك الساعة لا تعني لوالجها هشام سوي شيء واحد.. وواحد فقط .. حرية الشعب السوداني العظيم..
وبعد التبريكات سأل هشام هباني ABDELMAGID ABDELMAGID: الحاصل شنو بالضبط..التفاصيل..خلعتنا ظااااتو!!
ABDELMAGID ABDELMAGID: الموسيقي العسكرية شغالة ليها ربع ساعة في الراديو والتلفزيون..شكلهم يومهم تم خلاص أولاد الهرمة ..
ود هباني : ده أجمل خبر أسمعوا قبل عشرين سنةظاااتوا .. بغير ملابسي ونتلاقي كلنا هناك ..
ABDELMAGID ABDELMAGID: هناك وين؟؟
هشام هباني : في السفارة
وماهي إلا لحظات حتي وكان هشام بتاكسيه وABDELMAGID ABDELMAGID وكلا منهما في طريقه إلي السفارة..لم ينس هشام ان يأخذ معه بعض الأشياء الخاصة الي هناك..
وفي نفس اللحظة كان راشد الحاج ووسام ودينق ونادر السوداني وعبد الإله زمراوي وكوستاوي وكثيرون ايضا في طريقهم إلي هناك!!
ـــــــــــــــــــــــــــــــــــــــــــ
(2) المكان: UAE الزمان: نفس الزمن مع مراعاة فروق الوقت!
رن جرس هاتف ( لنا مهدي).. مدت يدها اليمني رافعة للسماعة بتثاقل دون أن تنهض من السرير وهي تقول: ألو الطرف الآخر : إزيك يا لنا .. معاك خالد عويس..معليش علي الإزعاج في الوقت ده! لنا: أهلا يا حبيب مافي مشكلة ..إنشاء الله خير.. خالد عويس : سمعت قبل شوية إنو في تحرك عسكري في الخرطوم.. تقريبا إنقلاب ..عندك خبر؟؟ حينها إنتفضت لنا من السرير ..وكأنها لم تكن غارقة قبل قليل في سابع نومة! وتساءلت بصورة غير مصدقة: بالجد يا حبيب..!!!
ثم أستدركت فرحة : وحااااااات الله دي دعوة الإمام الصادق في خطبتو الأخيرة.!
خالد: يعني ما عندك خبر عن أي حاجة زي دي ؟؟؟
لأنو ناس (العربية) طالبوني بي تفاصيل سريعة!وده اول تكليف لي معاهم زي ما عارفة.. والخطوط مقطوعة في كل السودان.. والراديو والتلفزيون شغالات موسيقي عسكرية من أكتر من ربع ساعة!
لنا بحسرة: والله ما عندي يا حبيب أي خبر ويادوب قمت من النوم.. لكن خليني أتصل بي ناس إقليم البحر الأحمر وشرق المتوسط لأنهم قريبييين من الوطن..
أو كمان بي إقليم المتوسط وشمال أفريقيا ..
خالد عويس: كويس..وأنا كمان حا أتصل بي الحبيب محمد عادل .. الحبيب ده أكيد بيكون عندو خبر.. لنا : كويس ..ولو عرفت حاجة أتصل بي..منتظراك
(إنتهت المكالمة)
.....
ـــــــــــــــــــــــــــــــــــــــ
(3) المكان : كندا الزمان: في نفس الدقيقة والثانية مع مراعاة فروق التوقيت.
تراجي مصطفي: آلو..أهلين بشاشا. بشاشا: ألف مبرووك يا تراجي..دولة الجلابة العروبية إنقرضت خلاص.. وثوار الهامش وقتهم جا.. لم تتمالك تراجي نفسها وهي تجهش بكاءا من شدة الفرح.. وغير مصدقة ان عهد الظلم والظلام قد إنتهي الآن.. ثم تمالكت نفسها بعد أن أخبرها بشاشا أنه سيحادثها في وقت آخر لأنه ذاهب الآن إلي السفارة.. وأجابته بأنها هي أيضا سوف تتصل بكل الشرفاء الذين لم يعلموا بعد وسيتحركون جميعا الآن.. إلي السفارة ..وأنتهي الإتصال..وتحركت تراجي..
ــــــــــــــــــــــــــــــــــــــــــــــــــــــ
(4) المكان : ماليزيا الزمان : نفس الزمان بيان: ألو ..مين معاي؟ فيصل نوبي: معاك فيصل نوبي..الحكومة إنقلبت يا دكتورة.. بيان ضاحكة: قر قر قر..دي إشاعة ساكت يا نوبي وشكلك بقيت تصدق الكلام البيكتبوهو مناضلين الكي بورد !! ديل ناس بتاعين بطولات وإدعاءات ساي.. فيصل بغضب: كيف إشاعة يا بيان والموسيقي العسكرية شغالة ليها ربع ساعة في الإذاعة وفي التلفزيون كمان! بيان بتعجب: بالجد يا نوبي!..موسيقي عسكرية..؟؟؟
فيصل بغضب: لا ..موسيقي كلاسيكية..! معقولة أنا ضارب ليك من الأمارات في الوقت ده وتجي تقولي لي إشاعة!! الحكومة إنكفت يا بيان.. ولحظتها.. سقطت السماعة من يد بيان..
وسقط معها قلبها كذلك..
أما في كل ماليزيا فكان هناك شخص سوداني وحيد , يرتدي نظارة طبية.. كان متحركافي تلك الساعة بسيارته نحو السفارة ويحمل معه كل غضب الدنيا.!
ـــــــــــــــــــــــــــــــــــــــــــــ المكان: قطـــر الزمان: نفس الزمن بالدقيقة والثانية لكن بتوقيت الدوحة!
أبو ساندرا: ألو..يا مرحب! الطرف الآخر: ألو معاك خالد العبيد.. أبو ساندرا: يا زول الحاصل شنو ضارب لي في الساعة دي ..ما تصبر للصباح!! خالد العبيد: ضارب ليك بي أجمل خبر,زمن الطبقة العاملة الثورية بدأ قبل شوية أبو ساندرا : إنتفاضة بالليل ده..!! أوع يكون زي خبر العرس يا خالد!! خالد العبيد: لا بالجد ..في إنقلاب عسكري وحيذيعوا البيان الأول بعد شوية أبو ساندرا: الف مبرووووك..وتلقي الشوارع كلها طلعت هسع.. والناس شمت نسيم أكتوبر وابريل خالد العبيد: يللا مع السلامة ..وعاوز أتصل بي ناس هولندا..ناس خضر.. أبوساندرا: أتصل بيهم وإنشاء الله يصدقوك..! وأنا هنا حا أتصل بكل الوطنيين كيكي, الأمير..ود رملية,و كمال, وووووو...ونطلع دلوقت
خالد العبيد: تطلعوا وين؟؟ أبو ساندرا: السفارة طبعا!
ــــــــــــــــــــــــــــــــــــــــــــــــــــــــ
نواصل ..طبعا..
|
Post: #2
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: طلال عفيفي
Date: 05-08-2007, 01:40 AM
Parent: #1
والله البوست ده لذيذ بشكل !!
Quote: أما في كل ماليزيا فكان هناك شخص سوداني وحيد , يرتدي نظارة طبية.. كان متحركافي تلك الساعة بسيارته نحو السفارة ويحمل معه كل غضب الدنيا.! |
الفقرة دي ضحكتني جداً ، ذكرتني أدهم صبري ، وفي مرحلة أخرى " شيفرة دافنشي " ..
واصل عليك الله يا خالد ..
|
Post: #3
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: bayan
Date: 05-08-2007, 01:48 AM
Parent: #2
البرمي قلبي شنو؟ ماشة ببعثة على حساب الحكومة ولا كنت في الدفاع الشعبي عشان يدوني شهادتي...لو انت نسيت محما ما ناسين والدليل عصام الكان عضام.. لو حصل كدا كنت حازغرد شديد لانه في فايلات حتتفتح وفي مناضلين حينكشفو... والامنجي يتعرف والمبعوث يتعرف والمشى الدفاع الشعبي بتعرف.. وتبقى فضيحة اكعب من سرقة الباسوردات...
استمر في سناريوهاتك..
|
Post: #14
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: خالد الطيب أحمد
Date: 05-08-2007, 08:40 PM
Parent: #3
بيان..
سلامات..
Quote: البرمي قلبي شنو؟ ماشة ببعثة على حساب الحكومة ولا كنت في الدفاع الشعبي عشان يدوني شهادتي...لو انت نسيت محما ما ناسين والدليل عصام الكان عضام.. لو حصل كدا كنت حازغرد شديد لانه في فايلات حتتفتح وفي مناضلين حينكشفو... والامنجي يتعرف والمبعوث يتعرف والمشى الدفاع الشعبي بتعرف.. وتبقى فضيحة اكعب من سرقة الباسوردات...
استمر في سناريوهاتك.. |
بتصدقي إنو في الدفاع الشعبي قبضوا علي بتهمة إني عاوز أحرق المعسكر!
وأتمني إنك تزغردي حقيقة مش كلام..وأتمني كلنا نعرف مين الأمنجي ومين المبعوث بي أموال الشعب ..ومين الكوز ..
والسيناريوهات حتستمر طبعا..
|
Post: #4
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: خالد الطيب أحمد
Date: 05-08-2007, 03:27 AM
Parent: #2
طلال ..سلامات
تشكر علي الطلة اللذيذة..
واكيد حنواصل..
لانو اخوك فرحان شديد من امبارح
.. ![](http://www.sudaneseonline.com/db/smilies/smile.gif)
|
Post: #5
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: محمد خليل إسماعيل
Date: 05-08-2007, 06:41 AM
Parent: #4
Quote: في إنقلاب عسكري وحيذيعوا البيان الأول بعد شوية |
تاني .... إنقلاب عسكري .... يعني ما إنتفاضة شعبية
بس أوعك يطلعو إسلاميين كمان
لا نو بقو إسلامين قيامتك قامت
ودا
Quote: لانو اخوك فرحان شديد من امبارح |
بطير ليك في راسك
أحلام اليقظة أحياناً بتودي في داهية
ابو شهد
|
Post: #16
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: خالد الطيب أحمد
Date: 05-08-2007, 11:17 PM
Parent: #5
Quote: تاني .... إنقلاب عسكري .... يعني ما إنتفاضة شعبية
بس أوعك يطلعو إسلاميين كمان
لا نو بقو إسلامين قيامتك قامت
ودا
Quote: لانو اخوك فرحان شديد من امبارح |
بطير ليك في راسك
أحلام اليقظة أحياناً بتودي في داهية
ابو شهد |
محمد خليل..سلامات
وشكلك سرحت بعييييييييييد
ومشيت للنهاية ..
لكن ..
نحنا يادووووووب في البداية..
وفي الموسيقي العسكرية لو ملاحظ..
الصبر يا محمد..
شاكر طلتك..
وشكلك حتجي راجع في النهاية بعد كلامك ده..
تسلم
|
Post: #6
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: samo
Date: 05-08-2007, 07:39 AM
Parent: #1
Quote: أحلام اليقظة أحياناً بتودي في داهية
|
محمد خليل ..
الزول دة بيحلم ...
ومافي قوة في الارض تقدر تمنعو من الحلم .. بغد سعيد
من حقو .......... صح ؟
ولا عندك راي تانى ؟
|
Post: #17
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: خالد الطيب أحمد
Date: 05-09-2007, 00:50 AM
Parent: #6
Quote: محمد خليل ..
الزول دة بيحلم ...
من حقو .......... صح ؟
ولا عندك راي تانى ؟ |
صديقي Samo
سلامات..
محمد خليل هو كمان سرح بخياله بعيدا ..
وأنا بقول ليهو: من حقك تسرح
زي ما أنا كمان من حقي أحلم..
Quote: ومافي قوة في الارض تقدر تمنعو من الحلم .. بغد سعيد |
يا samo وقفت كتير في عبارتك دي..
وأجمل حاجة مع إننا كلنا (بنحلم) في نومنا بحرية تامة ..
بنحلم بي كل حاجة..
بي العاوزنوا والمشتهنوا..
وبي البنكرهو وما دايرنوا..
بنحلم ونصحي منتشين جدا.. لما يكون الحلم رائع..
أو نمشي نشرب كباية موية من الزير ..
لما تكون احلامنا كوابيس..
وبين حلم الكابوس .. وحلم الفرحة..
ممكن نحكي كتير ..
وكويس إننا هنا بنحلم صاحيين!!
شاكر طلتك الجميلة..
وما أظن محمد خليل عندو رأي تاني..
وللا رأيك شنو يا محمد؟ ..
|
Post: #7
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: Hawari Nimir
Date: 05-08-2007, 07:43 AM
Parent: #1
العزيز...خالد الطيب أحمد ...سلامات و عوافي و علك طيب, ..بوست جميل و معبر و اتمني ان يكون واقعا معاشا...فقط؟؟ليس انقلابا عسكريا, ..فقد مللنا حكم العسكر,البغيض..امنياتنا بديموقراطية..و حكم عادل و تنمية متوازنة. ..تحفظ لكل فرد حقه و مستحقه.و دولة مؤسسات بمعني الكلمة ..اما عن الفقرة الرابعة..فدعني اهمس لك يا عزيزي..ليس فقط شخصا واحد ..سوف يخرج....بل هم كثر ....و كثر جدا...و انا اولهم ...........لك كل التحية
|
Post: #8
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: Kostawi
Date: 05-08-2007, 05:33 PM
Parent: #7
Alkaramba
|
Post: #10
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: وليد محمد المبارك
Date: 05-08-2007, 05:43 PM
Parent: #8
ودو الزول ده الضل
|
Post: #20
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: خالد الطيب أحمد
Date: 05-24-2007, 06:15 PM
Parent: #10
وليد : منو البيودي الضل للضل..غير الضل؟؟
ماعاوزوا..خلوني في الشمس أسحن لي!
|
Post: #19
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: خالد الطيب أحمد
Date: 05-24-2007, 06:13 PM
Parent: #8
الكرمبا ..سلامات وعوافي يا لبن يا صافي..
تسلم علي الطلة والمتابعة..
|
Post: #18
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: خالد الطيب أحمد
Date: 05-24-2007, 06:09 PM
Parent: #7
Quote: العزيز...خالد الطيب أحمد ...سلامات و عوافي و علك طيب, ..بوست جميل و معبر و اتمني ان يكون واقعا معاشا...فقط؟؟ليس انقلابا عسكريا, ..فقد مللنا حكم العسكر,البغيض.. |
الغالي Hawari Nimir
تحياتي وتقديري..
أما عن كونه إنقلابا عسكريا أم لا..
فصدقني لا أظن أنه سيأتي يوم في مستقبلنا سيكون أسوأ من الآن .. ولو تم عمل عسكري اليوم فسيتقبله الشعب وستفاعل معه بقوة فقط لجرائم هذه العصابة الشنيعة في حق هذا الشعب العظيم..
Quote: امنياتنا بديموقراطية..و حكم عادل و تنمية متوازنة. ..تحفظ لكل فرد حقه و مستحقه.و دولة مؤسسات بمعني الكلمة .. |
نتمني ذلك ونحلم به ليلا ونحمله معنا نهارا ..
Quote: اما عن الفقرة الرابعة..فدعني اهمس لك يا عزيزي..ليس فقط شخصا واحد ..سوف يخرج....بل هم كثر ....و كثر جدا...و انا اولهم ...........لك كل التحية |
ودي أجمل مافي البوست حتي الآن.. أننا كثر وفي كل مكان..
لك أصدق التحايا..وكن بالجوار
أما عن
|
Post: #9
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: عبد المنعم سليمان
Date: 05-08-2007, 05:37 PM
Parent: #1
ولية انحنا بره .. افرز ياااااخ
_____
انا غايتو بكون في القيادة
|
Post: #12
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: ريهان الريح الشاذلي
Date: 05-08-2007, 06:21 PM
Parent: #9
Quote: البرمي قلبي شنو؟ ماشة ببعثة على حساب الحكومة ولا كنت في الدفاع الشعبي عشان يدوني شهادتي...لو انت نسيت محما ما ناسين والدليل عصام الكان عضام.. لو حصل كدا كنت حازغرد شديد لانه في فايلات حتتفتح وفي مناضلين حينكشفو... والامنجي يتعرف والمبعوث يتعرف والمشى الدفاع الشعبي بتعرف.. وتبقى فضيحة اكعب من سرقة الباسوردات...
استمر في سناريوهاتك.. |
ههههههههههههههههه سؤال مسئول منك يا دكتورة...
Quote: انا غايتو بكون في القيادة |
شفت يا خالد الرجال طوالي بحجزو القيادة ويخلو لينا الاذاعة والتلفزيون...
شكرا علي الامنيات العظام وبالله المرة الجاية خليها انتفاضة بتكون اخطر
|
Post: #22
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: خالد الطيب أحمد
Date: 05-24-2007, 06:48 PM
Quote: شفت يا خالد الرجال طوالي بحجزو القيادة ويخلو لينا الاذاعة والتلفزيون...
شكرا علي الامنيات العظام وبالله المرة الجاية خليها انتفاضة بتكون اخطر |
الجسورة ريهان..
سلامات..
والله منعم صاحبي و عارفوا كويس مكانوا هناك محل النار..
وفي أقل تقدير ممكن يكون حارس بوابة (صالة المغادرة) في المطار..
لأنو الهاربين كتار كتااار!
والتلفزيون والإذاعة ما بتجيها عوجة طالما أنتن هناك في المقدمة ..
ونقول : تبت يدا حاكم سرق وتبت يدا دجال مرق..
وأشرف قاصدنا العرق..
تحياتي
|
Post: #21
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: خالد الطيب أحمد
Date: 05-24-2007, 06:29 PM
Parent: #9
Quote: ولية انحنا بره .. افرز ياااااخ
_____
انا غايتو بكون في القيادة |
صديقي عبد المنعم
أنا طلعتكم بره لأنو كل واحد حيكون في جهة ما..وشايفك براك إخترت القيادة ..
ــــــــــــــــــــــــــــــــــــــــــــــ
ساعدتني كتير في السيناريو (بعد) تحرك البورداب.. وبعد الحصول علي خط هاتف لاسلكي عبر الأقمار الصناعية!
الحتة الحيدخل بعدها بورداب الخرطوم
|
Post: #11
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: lana mahdi
Date: 05-08-2007, 06:09 PM
Parent: #1
Quote: المكان: UAE الزمان: نفس الزمن مع مراعاة فروق الوقت!
رن جرس هاتف ( لنا مهدي).. مدت يدها اليمني رافعة للسماعة بتثاقل دون أن تنهض من السرير وهي تقول: ألو الطرف الآخر : إزيك يا لنا .. معاك خالد عويس..معليش علي الإزعاج في الوقت ده! لنا: أهلا يا حبيب مافي مشكلة ..إنشاء الله خير.. خالد عويس : سمعت قبل شوية إنو في تحرك عسكري في الخرطوم.. تقريبا إنقلاب ..عندك خبر؟؟ حينها إنتفضت لنا من السرير ..وكأنها لم تكن غارقة قبل قليل في سابع نومة! وتساءلت بصورة غير مصدقة: بالجد يا حبيب..!!!
ثم أستدركت فرحة : وحااااااات الله دي دعوة الإمام الصادق في خطبتو الأخيرة.!
خالد: يعني ما عندك خبر عن أي حاجة زي دي ؟؟؟
لأنو ناس (العربية) طالبوني بي تفاصيل سريعة!وده اول تكليف لي معاهم زي ما عارفة.. والخطوط مقطوعة في كل السودان.. والراديو والتلفزيون شغالات موسيقي عسكرية من أكتر من ربع ساعة!
لنا بحسرة: والله ما عندي يا حبيب أي خبر ويادوب قمت من النوم.. لكن خليني أتصل بي ناس إقليم البحر الأحمر وشرق المتوسط لأنهم قريبييين من الوطن..
أو كمان بي إقليم المتوسط وشمال أفريقيا ..
خالد عويس: كويس..وأنا كمان حا أتصل بي الحبيب محمد عادل .. الحبيب ده أكيد بيكون عندو خبر.. لنا : كويس ..ولو عرفت حاجة أتصل بي..منتظراك
(إنتهت المكالمة)
.....
ـــــــــــــ |
أها بالجد لو انقلاب جابنا كقوى وطنية ما حأفرح بل بالعكس!! لأنو أصلاً سبب معارضتنا للكيزان إنهم انقلبوا على الشرعية و حكموا الوطن بواسطة انقلاب!فالغاية لا تبرر أبداً والوسيلة.. ولو انقلاب رجّع حزب الأمة القومي للحكم سأكون أول من أعارضه... راجعة أنوم تاني
|
Post: #13
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: Kostawi
Date: 05-08-2007, 08:39 PM
Parent: #11
النومة الأولى تعدت ال 18 عام
الله يستر من النومة التانية
|
Post: #23
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: خالد الطيب أحمد
Date: 05-24-2007, 06:59 PM
Parent: #11
الأميرة لنا ..سلامات
أختلف معاك يا لنا كما ولم نقل أن الغاية تبرر الوسيلة.. حيث أن الغاية ليست السلطة..لكن تخليص الشعب العظيم من أنياب وحوش يتعاملون مع الجميع بمنطق القوة وليس قوة المنطق.. (وتنازلاتهم البسيطة لا تعفيهم مما إرتكبوه من مجازر وإغتيالات) كما وأن ما أخذ بالقوة لا يسترد إلا بالقوة وهو حق .. والإنقلاب إذا ما حدث فله مليون مبرر خصوصا في هذا الظرف الحالك جدا جدا في تاريخ بلادنا لكننا نأمل ونتعشم في عمل شعبي (إنتفاضة), أو إنتخابات ..لكن ..
أما:
أقول ليك:
قوم يا حتيتة يلاا قوووم
قوم يا حتيتة وكفاية نوم!
|
Post: #24
Title: Re: سيناريوهات (إنقلاب بالداخل ) و تحرك كل البورداب.. ما عدا (بورداب الخرطوم)!!!
Author: عبدالكريم الامين احمد
Date: 05-24-2007, 08:35 PM
Parent: #23
بوست لذيذ يا خالد وبس ابو ساندرا ما يقوم (يدس) مننا الانقلاب وفي ناس كتار قلبهم حيتخلع وح تمسكهم ام هلا هلا.. ساكني دخان (هجو الاقرع).. ومعتز قريش احتمال يعمل بوستات اثارة علي شاكلة (شيوعي الدوحة يلبدون الانقلاب و الرئيس الجديد مصاب بهووس جنسي)
|
|