Post: #1
Title: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 03:37 PM
Parent: #0
الاسم : أمنية معتز القريش
العمر :
الهواية : استهبال الوالد
الخبرة : تعرف من أين تأكل الفتاة كتف أبوها
الشكل : أنظر الصورة
الشروط : تحمل كافة المصاريف من الآن وحتى يوم القيامة
التسليم : بعد اكمال السن القانونية ـ خوفا من ناس حقوق المرأة
سبب الإعلان : اتصلت من السودان تطلب مبلغ 200 ألف عشان تشتري لبسة واحدة
لحضور عرس جيران اولاد عم بنات خالة أمها .
إبن حلال يفتح الباب
|
Post: #2
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: صديق الموج
Date: 05-06-2007, 03:50 PM
Parent: #1
Quote: سبب الإعلان : اتصلت من السودان تطلب مبلغ 200 ألف عشان تشتري لبسة واحدة
لحضور عرس جيران اولاد عم بنات خالة أمها |
.
والله من ناحية البت عسل قهى عسلين لكن ابوها جبار ما بتناسب،،،
وبعدين دى ما قرابة شديدة خلاس ..على كدة امنية تطلع بت اخلاق صليب
ابو الجاب ام العروس بالله فى قرابة اكتر من كده،،،،
|
Post: #4
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: عبدالكريم الامين احمد
Date: 05-06-2007, 03:56 PM
Parent: #2
والله بنية ندوريييي
الا ابو هرررررامي
|
Post: #12
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 06:01 PM
Parent: #4
Quote: والله بنية ندوريييي
الا ابو هرررررامي |
كي كي اللعين
ناس الكنابي برة
كدي شوف البنت دي شكلها شكل كنابي
دي بت مرطبة لمن غلط ذاتووو
والله عمرها ما سمعت بكمبو الري
ولا كمبو الضهرة
|
Post: #11
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 05:53 PM
Parent: #2
Quote: والله من ناحية البت عسل قهى عسلين لكن ابوها جبار ما بتناسب،،،
وبعدين دى ما قرابة شديدة خلاس ..على كدة امنية تطلع بت اخلاق صليب
ابو الجاب ام العروس بالله فى قرابة اكتر من كده،،،، |
صديق الموج
أنا خليت ليك سوميتا جيت لاحقني هنا
بس ما تشوفو ليكم طرف جكسوية تجو جارين
انت بالذات أنا عندي معاك غيرة وتار
وسوميتا دي يا أنا يا أنا
ونشوف الحشاش يملا شبكتو
يازول فرتق ما عندنا بنات للعرس ذاتو
ولا ابوها بخيل ولا ابوها كريم
|
Post: #3
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: علوبه
Date: 05-06-2007, 03:53 PM
Parent: #1
اول حاجة : ربنا يحفظها ليك ويغطيها من عين الناس (ديل) !
تانى اول حاجة : اسمع دى واحد عنده بت سمحة سماحة بتى وبتك الفوق دى
جاهو عريس شين (شناة بدرالدين شناة) بنرسل ليهو تحياتنا
الراجل عاين ليهو مسافة كده !!! وقال ليهو مش بتى دى بعرسها براى
تالت اول حاجة : انت شاورت امها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #5
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: بدر الدين الأمير
Date: 05-06-2007, 03:59 PM
Parent: #3
معتز
دى امنية القلت ليها اتحجبى
قالت ليك انا كان مفلوقة مابربط راسى
دى ما محتاجة منك لتسويق دى سوقا حار
|
Post: #7
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: عبدالمنعم الرزوقي
Date: 05-06-2007, 04:08 PM
Parent: #5
ياود القريش والله بالغت عديل كدة
ياخي دى كلها مية دولار بتعمل ليك شنو
يعني خسارة فيها ودى بتك
ياخي نحن الغريب بقول ليك جيب مية دولار ذى ما بي قول ليك جيب ( سفة )
اها اولي بيها منو عليك الله
|
Post: #16
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 06:39 PM
Parent: #7
Quote: ياود القريش والله بالغت عديل كدة
ياخي دى كلها مية دولار بتعمل ليك شنو
يعني خسارة فيها ودى بتك
ياخي نحن الغريب بقول ليك جيب مية دولار ذى ما بي قول ليك جيب ( سفة )
اها اولي بيها منو عليك الله |
يا أخوي المية دولار كان هينة عليكم
ما هينة على ابو تلاتة حريم
كدي شوف انت بتصرف كم في الشهر
واضرب في تلاتة
يا أخوي أنحنا السفة بتفرق معانا
هسة نهايتو عندك لينا عريس
ولا تتوكل على الله
|
Post: #15
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 06:23 PM
Parent: #5
Quote: معتز
دى امنية القلت ليها اتحجبى
قالت ليك انا كان مفلوقة مابربط راسى
دى ما محتاجة منك لتسويق دى سوقا حار |
ماهو السبب ذاتوو الخلانا نعلن عنها
يازول الزمن دا السترة واجبة
أها ما عندك عريس من وليداتك ديل
عشان نضمن مستقبلنا
على الأقل الوظيفة تثبت
عنكبة : والله انتو ما عندكم ضمان
يوم ما نوقف التلميع بنذهب مع الريح
|
Post: #6
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: nazar hussien
Date: 05-06-2007, 04:01 PM
Parent: #3
التعرس ركبيك...قول يامين...هسي دي بنية بجلبوها للعرس...
ما شاء الله...(نوعك دا نوع جدي حسين...حقو يشتكوك لأطفال بلا حدود)
|
Post: #8
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: sudania2000
Date: 05-06-2007, 04:12 PM
Parent: #6
معتز القريش صمت دهرا ونطق كفرا
انا عايزاها العسل دي و ما عندك بيها شغلة
و الدراسة واللبسة وكلو علينا بس انت اطلع منها
الله يكون في عونها أبوها ضلامي تقدمي ضلامي
انت من زمن الشيخ فرح ود تكتوك يا أخي
عرس شنو يا أخي حرام عليك
علي قول جارني جاهو عريس سجمان زي عيال الايام دي لبتو
والبت ممتازة وع قول ابوها بمية راجل
قال النبي فيك كان اخليها جنبي اعاين ليها كدي بديك ليها
شيل الصورة واقفل البوست دا
قوووووووووواااااااااااام
تخريمة : دي من المدام رقم كم 
|
Post: #17
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 06:44 PM
Parent: #8
سودانية 2000
طلبك ينظر ويفاد
| Quote: تخريمة : دي من المدام رقم كم |
رقم صفر
|
Post: #50
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: محمد المختار الزيادى
Date: 05-07-2007, 08:08 AM
Parent: #8
بالله يامعتز انت متعدد
|
Post: #51
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-07-2007, 04:33 PM
Parent: #50
| Quote: بالله يامعتز انت متعدد |
ومال !!!!!!1
عاوزني كل يوم آكل بطاطس
يا شيخ حرام عليك
|
Post: #9
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: Gazaloat
Date: 05-06-2007, 04:14 PM
Parent: #6
| Quote: حقو يشتكوك لأطفال بلا حدود |
لا يا نزار
اشتكيهو لاطفال الانتفاضة
ياخدو حق البنية و....حقنابالمرة.
منعم
|
Post: #18
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 06:52 PM
Parent: #9
Quote: لا يا نزار
اشتكيهو لاطفال الانتفاضة
ياخدو حق البنية و....حقنابالمرة.
منعم |
انتو بس جيبو العريس
واشتكونا لأي جهة
ان شاء الله لأطفال الهامش
|
Post: #21
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 07:12 PM
Parent: #6
Quote: التعرس ركبيك...قول يامين...هسي دي بنية بجلبوها للعرس...
ما شاء الله...(نوعك دا نوع جدي حسين...حقو يشتكوك لأطفال بلا حدود) |
نسوي شنو يا نزار حسين
الحمل تقل علينا ـ الله يلعن أبو طيارة العين
قلنا ننزل واحدة عشان نركب الرابعة
|
Post: #13
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 06:16 PM
Parent: #3
| Quote: اول حاجة : ربنا يحفظها ليك ويغطيها من عين الناس (ديل) ! |
آميين يارب ويحفظ ليك اولادك خصوصا لو فيهم واحد على وش عرس
Quote: تانى اول حاجة : اسمع دى واحد عنده بت سمحة سماحة بتى وبتك الفوق دى
جاهو عريس شين (شناة بدرالدين شناة) بنرسل ليهو تحياتنا
الراجل عاين ليهو مسافة كده !!! وقال ليهو مش بتى دى بعرسها براى |
والله أنا لو جاني ود بدر الدين يكون داك يالنسب
هو نحنا لاقين شركة وبي أم دبلو ووجاهة
بس ما يطلع بتاع جكس زي ابوه
| Quote: تالت اول حاجة : انت شاورت امها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
يا زول ما عيب عليك ـ نحنا ما عندنا مرة بشاوروها
هييييييييييييييييع أنا ابوك آآمحمد
|
Post: #10
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: doma
Date: 05-06-2007, 04:54 PM
Parent: #1
يا واحد الله ربي يغتيها ويحفظها حلاتها عسل والله رسل القروش فورا وكمان بالمطبوق
|
Post: #14
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: Emad Abdulla
Date: 05-06-2007, 06:18 PM
Parent: #10
Quote: والله بنية ندوريييي
الا ابو هرررررامي |
|
Post: #20
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 07:06 PM
Parent: #14
عماد عبد الله البضحكك قدر كدا شنو ؟
كدي جيب لينا واحد من الوليدات
حتى لو بصبغ شعرو ما عندنا مشكلة
هاك ملاسي دا
|
Post: #19
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 07:01 PM
Parent: #10
| Quote: يا واحد الله ربي يغتيها ويحفظها حلاتها عسل والله رسل القروش فورا وكمان بالمطبوق |
كلامك أوامر يا خالة
رجعتينا البورد
ونرسل القروش وبالمطبوق كمان وبرضو كراعنا فوق رقبتنا
|
Post: #22
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: Rama
Date: 05-06-2007, 07:16 PM
Parent: #19
البت اصلاها ضيفة ولمن يسوقوها الجِرسة بتقع
ربنا يحفظا ليك ويغطيها من العين
آآآآآآآآآآآآآآآآمين
|
Post: #23
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 07:40 PM
Parent: #22
Quote: البت اصلاها ضيفة ولمن يسوقوها الجِرسة بتقع
ربنا يحفظا ليك ويغطيها من العين
آآآآآآآآآآآآآآآآمين |
مافي جرسة بتقع ولا حاجة
بطلوا حركات وجيبو العريس
ربنا يحفظ وليداتكم كمان
آمييييييييييييييين
|
Post: #26
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: حواء سليمان ابراهيم
Date: 05-06-2007, 07:56 PM
Parent: #23
اخوووى قريش
الحمدلله على السلامة
والله البت الامورة دى تستاهل
ترسل ليهم مش مية دولار ياخى دى
حقها الف الفين ، الله يحفظها ليك ويغتيها
من عين الحسود ومن كل عين شافتها
وما صلت على النبى
أم الاولاد/حواء
|
Post: #27
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 08:04 PM
Parent: #26
دا الكلام المفيد
الفوق داااااك انشاء ساي
أها الوليد الفي الصورة دا
ان شاء الله ما يكون مرتبط
انتو بس قولو طلباتكم وانحنا حاضرين
بس قروش ما معانا ـ القروش عليكم
|
Post: #24
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: صديق الموج
Date: 05-06-2007, 07:51 PM
Parent: #1
Quote: صديق الموج
أنا خليت ليك سوميتا جيت لاحقني هنا
بس ما تشوفو ليكم طرف جكسوية تجو جارين
انت بالذات أنا عندي معاك غيرة وتار
وسوميتا دي يا أنا يا أنا
ونشوف الحشاش يملا شبكتو
يازول فرتق ما عندنا بنات للعرس ذاتو
ولا ابوها بخيل ولا ابوها كريم |
معتز العزيز....تحياتى
اول شىء موضوع سوميتا هى الحسمتو ما انا
يعنى هى الدايرانى انا وعشان ازيدك من الشعر بيت
البت قالت لو انا ما اتزوجتها حا تنتحر شوف ثقتى فى نفسى دى قدر شنو
ده يعنى ما كلام ماسنحرات شفت،يعنى
كان ما قرتو هى الف شمشار بودى الشمار وانت زاتك انا مسامحك اسالها
لكن ما تستغل تسالها دى وعيك فقط سؤال جواب.
هذا ماجاء من امر سوميتا..
اما بخصوص ابنتنا امنية فالولد الصغير هو الدايره وانا قلت
ليهو :مابها من عيب غير ان ابوها بخيل حتى ظلامى تجاوزناها
عامل دقنك الزى حقت ناس القاعده دى!!
وبعدين رسل العنوان مادام دايره تجيب ليها شكل و200 دولارها يكونن فى يدها
خلال اربعة وعشرين ساعة وبطل جرسة والسلام
على فكرة سوميتا قالت يسلموا عليك...لوووووووووووول
|
Post: #28
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 09:42 PM
Parent: #24
Quote: معتز العزيز....تحياتى
اول شىء موضوع سوميتا هى الحسمتو ما انا
يعنى هى الدايرانى انا وعشان ازيدك من الشعر بيت
البت قالت لو انا ما اتزوجتها حا تنتحر شوف ثقتى فى نفسى دى قدر شنو
ده يعنى ما كلام ماسنحرات شفت،يعنى
كان ما قرتو هى الف شمشار بودى الشمار وانت زاتك انا مسامحك اسالها
لكن ما تستغل تسالها دى وعيك فقط سؤال جواب.
هذا ماجاء من امر سوميتا.. |
هوووووووووي يا ود الموج
سوميتا دي دونها الرقاب
وبعدين أنا راجل لسة شباب
مش مكعكع زيّك كدا
أمشي شوف ليك صلاة على عقاب عمرك
وحسن عملك الموت ما معروف
Quote: اما بخصوص ابنتنا امنية فالولد الصغير هو الدايره وانا قلت
ليهو :مابها من عيب غير ان ابوها بخيل حتى ظلامى تجاوزناها
عامل دقنك الزى حقت ناس القاعده دى!!
وبعدين رسل العنوان مادام دايره تجيب ليها شكل و200 دولارها يكونن فى يدها
خلال اربعة وعشرين ساعة وبطل جرسة والسلام
على فكرة سوميتا قالت يسلموا عليك...لوووووووووووول |
يازول البت عاوزة تقرا ذاتا
ما العرس دا بطلناه خلاص
شيتا يلمك فينا عشان تجي تتحكحك جنب سوميتا
دا طرفنا منو
نحنا ولدك ما مابينو إلا أنا قلت للبت الولد دا
أبوه عينو طايرة
قالت لي : بري بري يا يابة ما عاوزاه
أها رايك شنو ؟؟؟
عالم غريبة يمرقوها بي الباب تجي بالشباك
|
Post: #25
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: ismeil abbas
Date: 05-06-2007, 07:56 PM
Parent: #1
ألأخ/معتز
السلام عليكم ورحمة الله وبركاته
ربنا يحفظها ليكم وإديها الصحة والعافية
المال والبنون زينة الحياة الدنيا...................
....إسماعيل محمد أحمد عباس..............أم درمان.
|
Post: #29
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 09:45 PM
Parent: #25
Quote: ألأخ/معتز
السلام عليكم ورحمة الله وبركاته
ربنا يحفظها ليكم وإديها الصحة والعافية
المال والبنون زينة الحياة الدنيا...................
....إسماعيل محمد أحمد عباس..............أم درمان. |
مساء الخير يا سمعة
وربنا يحفظ ليك وليداتك وكان ما عنك وليدات
ربنا يديك وليدات ويحفظم ليك
أها رأيك شنو ما حواليكم عرسان جاي ولا جاي
البت دي ما بتصبح للصباح
|
Post: #30
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتصم مصطفي الجبلابي
Date: 05-06-2007, 09:55 PM
Parent: #29
ولا تتخارجو من ابناءكم خشية إملاق
|
Post: #33
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 10:18 PM
Parent: #30
| Quote: ولا تتخارجو من ابناءكم خشية إملاق |
يا معتصم يا أخوي والله الموضوع كان إملاق بس هينة بنحلها
البت دي واقفة لي في عزيزتي أكتر من نسواني التلاتة
كدي عليك الله اقرأ قصة العطر التحت دي
|
Post: #31
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 10:08 PM
Parent: #29
عارفين البت دي ممحنة كدا
وحادراني في شنو ؟
عليكم الله خمنوا ـ بس عشان تعرفوا كمية العذاب
المستحملوا أنا من البت دي
واحد أخونا وزميلنا في الشغل اشترى ليه عطر جديد وعاجبو
قام ادانا منو بخيخة سغيرونة .
جيت داخل البيت ـ بالله البت شبت فيني زي السعرانة
اتريحت وين ـ اتريحت وين ـ قول بسرعة ـ ماتفكر
وأنا قعدت أحكي في القصة وهي ممحنة وحادراني متل الحدرة دي
بالله الذي التقول هي الوالداني ما أنا الوالدا
وأمها بهناك تتكشم زي نار القصب
وتبرطم (أنا قلت حاجة ـ أحمدك يا الله)
ارجوكم فكوني من الفتاة دي
|
Post: #39
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتصم مصطفي الجبلابي
Date: 05-06-2007, 11:55 PM
Parent: #31
تعرف يا معتز انا بتى لما بدت تتمحن وهى لم تتجاوز الثالثة كده
طوالى ما كضبته
وبوريك عملت شنو
|
Post: #49
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-07-2007, 07:48 AM
Parent: #39
Quote: تعرف يا معتز انا بتى لما بدت تتمحن وهى لم تتجاوز الثالثة كده
طوالى ما كضبته
وبوريك عملت شنو |
يا معتصم الجبلابي أنا ما راجيك يا أخوي
وريني عملت شنو ؟؟
أنا بلحيل مزنوق .
|
Post: #32
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتصم الطاهر
Date: 05-06-2007, 10:08 PM
Parent: #1
يا معتز
دى دايرة متين ألف لفستان لى عرس ما بخصكم
طيب لى عرس أبوها الرابع حتطلب كم؟
يفتح الله ولدنا واحد ...
|
Post: #34
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-06-2007, 10:23 PM
Parent: #32
Quote: يا معتز
دى دايرة متين ألف لفستان لى عرس ما بخصكم
طيب لى عرس أبوها الرابع حتطلب كم؟
يفتح الله ولدنا واحد ... |
ود الطاهر
أمانة ما اتلومت لوم
البت دي ما قدحكم !!!
الغربة غيرتكم وبدلتكم
زمان أبواتك ما بخلو زول يقرب من بناتم
قدحم بغتو براهم
منو العوض وعليهو العوض
الله الغني
وقسمتها موجودة
|
Post: #35
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: محمد عبدالرحمن
Date: 05-06-2007, 10:43 PM
Parent: #34
معتز ..
ماشاء الله عينه بارده ...ربنا يحفظها ليك ...
البت دى حلها (لبيد ) ان قبل ..تعرف لبيد
دا بحل مشكلتها وبضمن ليك استقرار وظيفى واحتمال
ترقى ..وانا مابفسر وانت ماتقصر ...
|
Post: #48
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-07-2007, 07:45 AM
Parent: #35
Quote: معتز ..
ماشاء الله عينه بارده ...ربنا يحفظها ليك ...
البت دى حلها (لبيد ) ان قبل ..تعرف لبيد
دا بحل مشكلتها وبضمن ليك استقرار وظيفى واحتمال
ترقى ..وانا مابفسر وانت ماتقصر ... |
محمد عبد الرحمن يا ود خالة مديري
والله أنا قبيل قلت الكلام دا
لكن شايف ود خالتك عامل اضان الحامل طرشا
وبيني وبينك أنا البوست دا قاصدو بيهو عديل كدا
غايتو كان البوست ما جاب خبر
بنشد الرحال علي ناس الكجور
عالم ما تجيش إلا بالرتينزات
|
Post: #36
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: صديق الموج
Date: 05-06-2007, 10:49 PM
Parent: #1
يا معتصم يا أخوي والله الموضوع كان إملاق بس هينة بنحلها
البت دي واقفة لي في عزيزتي أكتر من نسواني التلاتة
كدي عليك الله اقرأ قصة العطر التحت دي
يابا انت سوميتا تبره منك يا العراس
يا ذو القوة الثلاثية.....
هوى اطلع منها...بالله ما تجيب سيرة عروضنا فى المنبر
وبعدين بنيتك بى بخلك ده الله يمشيها ساكت
المهم سوميتا بتسلم عليك وقالت ليك يا عراس
|
Post: #38
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: صلاح الأحمر
Date: 05-06-2007, 11:40 PM
Parent: #36
الأخ لعزيز /معتز القريش
بوست زي القشطه ،وبنتك ماشاء الله قمر ربنا يغطيها
من العين. وياأرض احفظي ماعليك.وبعدين ياأخوي اصحابك ديل
مالن شايلين حسك..ظلامي..ظلامي..وماعارف شنو.ماهو انت آخر
حلاوه،وكمان امبارح شفناك في بوست ود الأمير منفتح علي
سنجة عشره.طيب الضلام ده جاك من وين؟
وبعدين ماقلت لي رأيك شنو في القردين بتاعني ديل،ينفعو
يبقو نسابتك والله يفتح الله؟
غايتو المأذون بنقدر ندفع ليهو حقو ،لاكين أي حاجه تانيه
من مهر وخلافو مما جميعو ،مامسعولين عنو.واسال أخوانا
الهنود يعني انحنا بنفهم أحسن منهم.وبعدين انت بتشتري
راجل للأموره بنتك ولازم تتحرك وطلع الريالات القطريه
الداسيها تحت اللحاف ياراجل ياجلده.
مع صادق مودتي وامنياتي للبنيه الحليوونه بالنجاح
والسعاده.اما الإتنين قرود الفوق ديل ، الكبير في يسار
الصوره رضا18 سنه ممتحن للجامعه.والتاني وديع14سنه
ممتحن للثانوي........أطيب تحياتي..أخوك ود اللحمر..
|
Post: #55
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 08:01 AM
Parent: #38
الغالي صلاح اللحمر
أولا قبل السلام والكلام نرجو الابتعاد عن التدليس في صور العريس
جايب لي صورة أطفال وتقول لي دا ممتحن الجامعة ودا ممتحن شنو ما عارف
يا زول هوي انت قايلنا فارات ولا شنو
طلبك مرفوض الى حين احضار المستندات الحقيقة والأصلية كمان
Quote: بوست زي القشطه ،وبنتك ماشاء الله قمر ربنا يغطيها
من العين. |
تسلم يا حبيب والله انت القشطة وقرودك اقشط منك
وبرضو ما زلنا نطالب بالمستندات الأصيلةQuote: وبعدين ياأخوي اصحابك ديل
مالن شايلين حسك..ظلامي..ظلامي..وماعارف شنو.ماهو انت آخر
حلاوه،وكمان امبارح شفناك في بوست ود الأمير منفتح علي
سنجة عشره.طيب الضلام ده جاك من وين؟ |
دا نوع من اغتيال الشخصية الذي يمارسه خصومي اللدودين
كي كي اللعين والموسيقار ود رملية وبعض الشيوعيين والشيوعيات
بركة الشفت بي عينكQuote: غايتو المأذون بنقدر ندفع ليهو حقو ،لاكين أي حاجه تانيه
من مهر وخلافو مما جميعو ،مامسعولين عنو. |
بعد كلامك دا كان جبت المستندات الأصلية ذاتو ما عندنا بنات للعرس
|
Post: #52
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-07-2007, 04:45 PM
Parent: #36
ود الموج يا عمو بشوفك طوّلت السالفة وهي قصيرة
| Quote: يابا انت سوميتا تبره منك يا العراس |
أوعدك ..
أوعدك شنو .... انت مالك
شوف يازول سوميتا دي التحلية وبعديها بنسد الباب
خلي شابكني يا عراس يا عراس
أمشي يا عجوز يا عجوز أها بس
| Quote: هوى اطلع منها...بالله ما تجيب سيرة عروضنا فى المنبر |
عالم غريبة والله أنا الناس البتلصقو زي السيلسيون ديل بفورو دمي
| Quote: وبعدين بنيتك بى بخلك ده الله يمشيها ساكت |
انا بنيتي بعرف أمشيها كيف
انت ناسي إنو أنا شغال في شركة دعاية واعلان
بس انت أمرق من البوست دا وتعال بكرة شوف كان تلقاها
| Quote: المهم سوميتا بتسلم عليك وقالت ليك يا عراس |
بالله شوف الأسامي دي كيف
سوميتا / ميزو (روعة وتموسق في اللحن)
سوميتا / صديق الموج (نشاز ونفار في اللحن)
|
Post: #37
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: Ahmed Hamza
Date: 05-06-2007, 11:39 PM
Parent: #1
ما شاء الله, ربنا يحفظها ويخليها ليك
|
Post: #40
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: ترهاقا
Date: 05-07-2007, 03:30 AM
Parent: #37
Quote: والله من ناحية البت عسل قهى عسلين لكن ابوها جبار ما بتناسب،،،
وبعدين دى ما قرابة شديدة خلاس ..على كدة امنية تطلع بت اخلاق صليب
ابو الجاب ام العروس بالله فى قرابة اكتر من كده،،،، |
صاحبى صديق الموج جاب خبرك
|
Post: #57
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 08:31 AM
Parent: #40
| Quote: صاحبى صديق الموج جاب خبرك |
انت ما عارف الحاصل ساي
انا جبت خبر قلبو المتكّل بالشِّعب
عشان كدا مكاجرني وفي الضلام يحدرني
|
Post: #41
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: bayan
Date: 05-07-2007, 03:32 AM
Parent: #37
معتز وين تتخارج....
كان في طريقة كان اختك عملتها..
انت اسع ما عندك طريقة وال 200 الف هينة
وعرسان الزمن دا رافعين شعار زوجوهن واعينوا عليهن
تبقى ليك في رقبة تاني
ايش حال لو يقى العريس ذي ولدي
كل اسبوع لازم تشتري سي دي بتاع قيم..
يبقن عليك الفساتين والسي ديهات..
ما تبقى عليك قصة الفيل يا ملك الزمان وحداني وبدورلو
فيلة...
بتك عندك اوعى تعرس ليها..
وربنا يزيد عليك الخير وتجيب لست البنوت وتجيب...
محبتي لكم جميعا..
|
Post: #42
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: Tragie Mustafa
Date: 05-07-2007, 04:25 AM
Parent: #41
معتز قريش
هلاص قلت الروب ما قلتو نوبه
وشغال مثني وثلاث ورباع في الطريق
خم وصر في التربيه
Quote: صديق الموج
أنا خليت ليك سوميتا جيت لاحقني هنا |
| Quote: وسوميتا دي يا أنا يا أنا |
سوميتا يا يابا تبرى وتستبرى من راجل النسوان الزيك اب عين طايره
سوميتا خطبناها في أيوا ما شفت صورها معنا؟؟؟
ويا معتز كل كوم وصوت سوميتا كوم ثاني
غايتو كان ما سمعت صوتها نصف عمرك ضائع.
|
Post: #59
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 08:40 AM
Parent: #41
Quote: معتز وين تتخارج....
كان في طريقة كان اختك عملتها..
انت اسع ما عندك طريقة وال 200 الف هينة
وعرسان الزمن دا رافعين شعار زوجوهن واعينوا عليهن
تبقى ليك في رقبة تاني
ايش حال لو يقى العريس ذي ولدي
كل اسبوع لازم تشتري سي دي بتاع قيم..
يبقن عليك الفساتين والسي ديهات..
ما تبقى عليك قصة الفيل يا ملك الزمان وحداني وبدورلو
فيلة...
بتك عندك اوعى تعرس ليها..
وربنا يزيد عليك الخير وتجيب لست البنوت وتجيب...
محبتي لكم جميعا.. |
يا بيان أنا بتي العريس بتلقا
وزي ما قال المثل الشهير
كلام الله ما بنابا إلا انتي الفيك اتعرفت
والقلتيها رقدت
عاملة فيها حريفة وبتزوغي بالدو
غايتو الكيزان ما عملو فينا خير
* بس لو سمحتو رجعو لي الميموري كارد
|
Post: #56
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 08:04 AM
Parent: #37
| Quote: ما شاء الله, ربنا يحفظها ويخليها ليك |
تسلم يا أحمد حمزة ـ
أها ما قلت لي العريس كيف
|
Post: #43
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: صديق الموج
Date: 05-07-2007, 06:03 AM
Parent: #1
Quote: ويا معتز كل كوم وصوت سوميتا كوم ثاني
غايتو كان ما سمعت صوتها نصف عمرك ضائع. |
تراجى بالغتى خليه فى الماسنجر الزول العراس ده
تانى ما بلقى التلفون فاضى لاحولا...
ما مشكلة نغير الرقم...
غلطان انا الخليتها تشاركم فى دارفور
شوفتينى ناقش كيف وكمان يوم عيد ميلادها
يلا موووووووت يا العراس
|
Post: #45
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: محمد البشرى الخضر
Date: 05-07-2007, 06:18 AM
Parent: #43
Quote: والله أنا لو جاني ود بدر الدين يكون داك يالنسب
هو نحنا لاقين شركة وبي أم دبلو ووجاهة
بس ما يطلع بتاع جكس زي ابوه |
يا عمك قول بسم الله
المقصود هو الاستاذ بدرالدين شنا نجم فرقة الاصدقاء و المقيم بعمان
جاري بس لمديرك العاجبك دا
بتاعة....
حمدا لله على السلامة
ما قلت ليك خلي الباب موارب
|
Post: #60
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 09:04 AM
Parent: #45
Quote: يا عمك قول بسم الله
المقصود هو الاستاذ بدرالدين شنا نجم فرقة الاصدقاء و المقيم بعمان
جاري بس لمديرك العاجبك دا
|
يا أخي انت قول بسم الله
والله عارفين
بس دايرين لينا سبب عشان نجيب سيرة البحر
عالم عجيبة وغريبة على قول عاصم
لا ترحم ولا تخلي رحمة الله تنزل
مديري دا عندو ولدين يا متخلف
|
Post: #61
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: محمد البشرى الخضر
Date: 05-08-2007, 09:21 AM
Parent: #60
انت ما تضايق
|
Post: #44
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: محي الدين الريس
Date: 05-07-2007, 06:17 AM
Parent: #1
نسيبي معتز
صبحك الله بألف خير
ها ها ناس أنا مكتول عند ناس القريش
ما شاء الله ربنا يحفظها وبعدين أديني رقم تلفون البيت عشان ألحس ليك راسها وأتم ليك الشغلة حب بس.
أما أبوها خالي بدر الأمير ما بيقصر
أها بالله عليك مش أنا حسب ونسب
وأهديك أغنية سيد الكارو.... (عرس شباب الزمن ده)
عنواني عند خالي الأمير
|
Post: #46
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: إسماعيل وراق
Date: 05-07-2007, 06:50 AM
Parent: #44
ود القريس
سلامة العودة.،
البنت دي أنا خطبتها لبكري إمام إبراهيم.. وشنطة العرس على الحساب.
|
Post: #47
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: nazar hussien
Date: 05-07-2007, 07:19 AM
Parent: #46
Quote: نسوي شنو يا نزار حسين
الحمل تقل علينا ـ الله يلعن أبو طيارة العين
قلنا ننزل واحدة عشان نركب الرابعة |
والله يسمعوك السماسرة يا معتز...علا ينشفو ريقك...وكل يوم يجيبو ليك دفار مصدّي
ترخيص خور برنقا...يا زول ما احسن تمسك ناسك عليك...
|
Post: #53
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: Emad Abdulla
Date: 05-07-2007, 06:25 PM
Parent: #47
يا ولدنا العاصي ..
أمسيت طيب إشا الله ..
أخونا عليهو رحمة الله و أستاذنا ( عمر عبدو ) مؤسس فرقة جاز الديوم ..
رحمة الله عليهو قال حكمة نجيضة بلغة أهلنا الفلاتة :
أو .. بيو .. أوكو .. الهمدو للهي ..
يا يُمه ست البيتي .. ياشاكا .
الله تخلي بنية .. باشاكا .
الله تجيبي وليدي .. باشاكا ..
هجه كولن كولن .
دحين ياخوي قول ( باشاكا ) ..
هسه أكان ما الولادة دي زاااااااتا غبيانة ..
بنية سميحة زي دي .. هدية و رضية , ما لقو ليها غيرك يبقى أبوها ؟؟؟
يا وليد هووووووي .. قول الهمدو للهي , إنا قوداكي أيكا .
و أعصر البنية عليك , يعصر دقنوسك المدردم ده رجيت ربي .
ألف رحمة عليك يا عمر عبدو ..
رسالتك راحت شمار في مرقة ساكت .
|
Post: #68
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 05:14 PM
Quote: يا ولدنا العاصي ..
أمسيت طيب إشا الله ..
أخونا عليهو رحمة الله و أستاذنا ( عمر عبدو ) مؤسس فرقة جاز الديوم ..
رحمة الله عليهو قال حكمة نجيضة بلغة أهلنا الفلاتة :
أو .. بيو .. أوكو .. الهمدو للهي ..
يا يُمه ست البيتي .. ياشاكا .
الله تخلي بنية .. باشاكا .
الله تجيبي وليدي .. باشاكا ..
هجه كولن كولن .
دحين ياخوي قول ( باشاكا ) ..
هسه أكان ما الولادة دي زاااااااتا غبيانة ..
بنية سميحة زي دي .. هدية و رضية , ما لقو ليها غيرك يبقى أبوها ؟؟؟
يا وليد هووووووي .. قول الهمدو للهي , إنا قوداكي أيكا .
و أعصر البنية عليك , يعصر دقنوسك المدردم ده رجيت ربي .
ألف رحمة عليك يا عمر عبدو ..
رسالتك راحت شمار في مرقة ساكت .
|
عماد عبد الله خلينا من القصص والحكاوي
الولد أخباره شنو .
خصوصا انو عرفنا قصة الشغل الجديد
والفلة المافي نصها حديد
يعني ورق اخدر وجديد
جيب الولد للمعاينة لو سمحت
بس تعرف المشكلة شنو ؟؟
الوليد سمح زي ابوه بتعب البت بالغيرة
بس بنستحمل من أجل الضحاكات
والكاش بقلل النقاش
|
Post: #66
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 03:23 PM
Parent: #46
Quote: ود القريس
سلامة العودة.،
البنت دي أنا خطبتها لبكري إمام إبراهيم.. وشنطة العرس على الحساب. |
ود وراق والله كلامك دا يخليني أكره الحسانية ليوم القيامة
يا زول بكري إمام شنو البديهو أمنية
أول حاجة الراجل دا عمها
تانيا قدر ابوها
ثالثا يادوب عمل اقامة وعاوز (يكوم) نفسو
رابعا عقابو وقبيلة أمو من أبو حبيرة
حيث لا ترِك الطيرة
وعقابو وقبيلة ابوهو من أم دكت
أم دودا بتنكت وأم جاهلا ما بتسكت
وتربيتو تربية شندي فوق ونادي الجهاد
والبت نظيفة وشرط وخرتومية ومواليد جدة وتربية الدوحة
ياخ بالغت والله ....
|
Post: #65
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 11:40 AM
Parent: #44
Quote: نسيبي معتز
صبحك الله بألف خير
ها ها ناس أنا مكتول عند ناس القريش
ما شاء الله ربنا يحفظها وبعدين أديني رقم تلفون البيت عشان ألحس ليك راسها وأتم ليك الشغلة حب بس.
أما أبوها خالي بدر الأمير ما بيقصر
أها بالله عليك مش أنا حسب ونسب
وأهديك أغنية سيد الكارو.... (عرس شباب الزمن ده)
عنواني عند خالي الأمير |
محي الدين الريس
يؤسفني بعد السؤال عنكم وعن اخلاقكم وسلوككم المنبري
وما اتضح لنا من عزمكم على الجكيس فقط بقولكم (اتم ليك الشغلة حب بس)
ومن خلال مداخلتكم أعلاه التي طلبتم فيها رقم هاتف المنزل
اتضح لنا تخلفكم وعيشكم في الماضي السحيق
لأنه في الزمن دا مافي تلفون بيت
في جوالات والذي منه لزوم الرسائل وكدا
اضافة الى الفرق الكبير في السن
اضافة الى معرفتكم وترويجكم للأغاني الهابطة
مثل أغنية (سيد الكارو) وما شاكلها
بناء على ما سبق نفيدكم بعدم كفاءتكم لنيل الحظوة
بالزواج من كريمتنا المذكورة أعلاه نظرا لأنها بت قبائل
وحسب ونسب وجمال وذات دين .
ويلا شتت لو سمحت ومافي داعي تجيب أهلك
قضي الأمر ومع السلامة
زنننننننننننننننننننن (موسيقى تصويرية)
|
Post: #54
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: Ahmed Alrayah
Date: 05-07-2007, 06:50 PM
Parent: #1
سلامات يا معتز ومرحب بيك بيناتنا من جديد،
هذه مواصفات مرشحنا لكم:
الاسم : طلال عمر عبد الرحيم (أخوي)
العمر : 20 سنة
الهواية : الكمبيوتر وكرة القدم
الخبرة : 18 سنة من المشاكسة مع أختي الأصغر منو، ويقدس الحياة الزوجية
الشكل : طويل أخدر قيافة
اللون السياسي: هلالابي/ما شيوعي [نقول مبروك؟]
بالنسبة للشرط، موافق من باب: ودي دايرة كلام؟
الاستلام: بعد 3 سنين من تخرجه من الجامعة.
___________________________
ربنـا يحفظ أمنية.
|
Post: #69
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 09:34 PM
Parent: #54
Quote: سلامات يا معتز ومرحب بيك بيناتنا من جديد،
هذه مواصفات مرشحنا لكم:
الاسم : طلال عمر عبد الرحيم (أخوي)
العمر : 20 سنة
الهواية : الكمبيوتر وكرة القدم
الخبرة : 18 سنة من المشاكسة مع أختي الأصغر منو، ويقدس الحياة الزوجية
الشكل : طويل أخدر قيافة
اللون السياسي: هلالابي/ما شيوعي [نقول مبروك؟]
بالنسبة للشرط، موافق من باب: ودي دايرة كلام؟
الاستلام: بعد 3 سنين من تخرجه من الجامعة.
___________________________
ربنـا يحفظ أمنية. |
ما دام الراجل ما شيوعي يا أحمد الريح
ودا أهم شئ موافقين مبدئيا
بس اصبر شوية نشوف باقي السوق
خوفا من الندامة
= مطلوب صورة فوتوغرافية
|
Post: #58
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: نصرالدين بابكر بدرى
Date: 05-08-2007, 08:35 AM
Parent: #1
أخوي معنز القريش
سلام عليكم
ياخي بعمل معاك إتفاق
بس عندي طلب
صورة بتي الي إتجليت في أخدها في حفلة محجوب شريف
ياخي الله يخليك عايز نسخة من الصور دي كلها
عشتن عظمة الحدث وإنك فنان في التصوير
تحياتي
ودالبدري
|
Post: #62
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 10:26 AM
Parent: #58
Quote: أخوي معنز القريش
سلام عليكم
ياخي بعمل معاك إتفاق
بس عندي طلب
صورة بتي الي إتجليت في أخدها في حفلة محجوب شريف
ياخي الله يخليك عايز نسخة من الصور دي كلها
عشتن عظمة الحدث وإنك فنان في التصوير
تحياتي
ودالبدري |
ود البدري
لا والله حركة حلوة وملعوبة ـ عاوز تضايق بتي في العرسان
عشان بتك حلوة وماشاء الله زي العسل
لا وكما أصغر من بتي
أكون بيلو لو أديك ليها هسة عشان تستعملا
في الحملة الزواجية المضادة بدعم من حرمكم المصون
أنا متأكد دي ما أفكارك دي أفكار أم العروسة عشان شافت العرسان
المتشاكلين في بتي بالكوم ديل ـ إن كيدهن عظيم
قال إيه قال اتجليت وفنان وشنو ما عارف
عنكبة : لعقد أي اتفاق يرجى الإتصال على الهاتف المبين في البروفايل
|
Post: #63
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: Ammir Mohamed
Date: 05-08-2007, 11:27 AM
Parent: #62
أنا حلفاوي (يعني جنيه دهب) تدفع كم ونحن جاهزين ولو ما عايز
سوف نزوجها عثمان الدكيم(ن)
أنت حر
ولا لو عندك صبر خليها لي ولدي آمن بعد 18 سنة كدة بنعرسها ليه (عمره سنة 3 شهور) وما تخاف ما بنقول بتك كبيرة.
ربنا يحفطها ليك ويخليها عشان تقشطك كدة وتفضي ليك جيبك من الضحاكات يا من يكنزون الذهب والفضة.
بالمناسبة هي بت ياتا فيهم الأولى ولا التانية ولا ....
العرض صالح لمدة اسبوع من تاريخه
|
Post: #64
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: مجدي عبدالرحيم فضل
Date: 05-08-2007, 11:34 AM
Parent: #63
ودالقريش ،،،
ده عريس جاهز بس الفرق بينو والعروس بيدخل بوست عواطف أبو خمسين ولا عشرين ماعارف
وبعدين ياأخي ما كانت 200جنية دي بسعر التعريفه الجديدة تدق ليها جرسه كده والله تلاقي
آلاف من العرسان يدقوا ليها الباب وتختاااار وتشرط مش فستان واحد يخليك تجقلب كده أمالا
عمال فيها أبوالتعدد مالك!
،،،أبوقصي،،،
|
Post: #67
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: محمد الطيب حسن
Date: 05-08-2007, 04:01 PM
Parent: #64
معتز القريش ياخي شنو الواحد يغيب من المنبر يجي يلقاك عامل دعايه من ورانا البت دي ماحجزناها وحتي اسالها هي يوم قلت ليها نوري ابوك قالت لي ابوي ده انساك منو مشغول بفتش في الرابعه ولو مامصدق اسال الراجل العجيب المعاي في الصوره دي (( الز مخلوق علي وجه الارض .مؤمن معتز القريش ))ابوالنسب
عنكبه زي مابتقول : عندي صوره تانيه انا والمدام بس ماداير انزله عشان مايسحرونا
|
Post: #72
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 09:53 PM
Parent: #67
ليه كدا يا محمد شا......
تدخل البيت وتتفق مع البت من ورانا
كمان أخوها بيساعدك
أتاري يوم لقيتا مع مؤمن يوسوسو
لما شفتهم عملوا فيها عاوزين يتصورو
أتاري الموضوع مرتب
نظرا لعدم شفافيتكم وغدركم لنا
نرفض طلبكم بشدة
*** محمد أنا مشتاق لمؤمن شديد وانت تعلم محبته عندي غير كل ناس الدنيا
وغير جميع إخوته وصورتو دي بترجعني لأيام لا أحب تذكرها مع أنها لا تغيب عني ابدا
لذلك ارجوك أن تسحبها . أرجوك
|
Post: #71
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 09:41 PM
Parent: #64
ابو قصي
بصراحة الولد شكلو شرط وحليو
ما شاء الله ربنا يحفظو
بس ابوه لسانو طويل وانحنا بناخد عيلة مش عريس بس
تانيا الولد صغير السن جدا
تالتا ممكن ننظر في الموضوع اذا أمكن ارسال كشف حساب البنك
الخاص بالوالد مع عدد الورثة .
يمكن يكونو كمية ـ بعدين بتنا تطلع بي قد القفة
|
Post: #70
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-08-2007, 09:37 PM
Parent: #63
Quote: أنا حلفاوي (يعني جنيه دهب) تدفع كم ونحن جاهزين ولو ما عايز
سوف نزوجها عثمان الدكيم(ن)
أنت حر
ولا لو عندك صبر خليها لي ولدي آمن بعد 18 سنة كدة بنعرسها ليه (عمره سنة 3 شهور) وما تخاف ما بنقول بتك كبيرة.
ربنا يحفطها ليك ويخليها عشان تقشطك كدة وتفضي ليك جيبك من الضحاكات يا من يكنزون الذهب والفضة.
بالمناسبة هي بت ياتا فيهم الأولى ولا التانية ولا ....
العرض صالح لمدة اسبوع من تاريخه |
العرض مرفوض تماما ولا تنطبق على العريس الشروط بدليل قولك (تدفع كم)
هو نحنا عرضناها هنا عشان الدفع دا
|
Post: #73
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: محمد حسن العمدة
Date: 05-09-2007, 00:14 AM
Parent: #70
معتز
حمد الله على السلامة
وولدك جاهز تب
اها قلت شنو
بعدين عارف ح تبقى اول عرسة منبرية
وح نسوي الحفلة بالمنبر
وح
وح
وح
وح
|
Post: #78
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-09-2007, 08:00 AM
Parent: #73
Quote: معتز
حمد الله على السلامة
وولدك جاهز تب
اها قلت شنو
بعدين عارف ح تبقى اول عرسة منبرية
وح نسوي الحفلة بالمنبر
وح
وح
وح
وح |
هسي الوحوحة دي لازمتا شنو
أكتب التفاصيل
يا ابني
عشان نقدر نقرر
|
Post: #74
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: سلمي النصري
Date: 05-09-2007, 04:19 AM
Parent: #1
سلام
حلاتا ربنا يحفظها
كدب في احمد حمزه (النصري) ده عنده عرسان ماشاءالله تعالي.
2 امريكان وواحد كندي ماشاءالله تعالي.
المصيبه واحد فيهم ما داير يعرس مروتي العسل ,الكبير يملصا في الوسطاني والوسطاني يملصا في الصغير والصغير حالته صعبه بس سيره مروه..., تجيب ليهوا العصبي...
ما عارفه السبب شنو ...غايته شفع اخر زمن..
انشوف بعد مروه يبقي عمرها 15 سنه الكبكبه الحتحصل...والصفوف الحتقيف..
سلام
|
Post: #75
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: إسماعيل وراق
Date: 05-09-2007, 06:02 AM
Parent: #74
ود القريش
تحياتي.،
| Quote: ود وراق والله كلامك دا يخليني أكره الحسانية ليوم القيامة |
شفت كيف.. براك عايز مشاكل مع هشام هباني.. هسي في زول جاب سيرة الحسانية ولا بحر كيوات ذاتو.
| Quote: يا زول بكري إمام شنو البديهو أمنية |
يا أخي صدقني الزول دا مناسب.. وأنا متابع مسيرته منذ طفولته.. الزول دا تفتيحة وشفت عديل كده.. دي مواصفات صارت معدومة في شباب الزمن الأغبر دا.
| Quote: أول حاجة الراجل دا عمها |
دي ما فيها شك.. عمها ونص وخمسة .. بس الشرع يجوز له الجوازة على قول أولاد بمبا
دي بالغت فيها.. أنا أجزم تاريخ ولادة الشاب دا إنت زول كبير وشغال في السماية بكل نشاط... قال قدر أبوها قال.. شفت الهروب كيف يا بكري.
| Quote: ثالثا يادوب عمل اقامة وعاوز (يكوم) نفسو |
طيب مالو.. دي البداية.. وبراك حتشوف النهاية.
| Quote: رابعا عقابو وقبيلة أمو من أبو حبيرة |
إنتما الأثنان راكبين في سرج واحد.. الذي جعل الخالة سيدة من أبو حبيرة وخلف الله القريش من حتة تانية منو.
Quote: حيث لا ترِك الطيرة
وعقابو وقبيلة ابوهو من أم دكت
أم دودا بتنكت وأم جاهلا ما بتسكت
وتربيتو تربية شندي فوق ونادي الجهاد |
أحلى مواصفات.. يا حليل الجهاد وناسو
| Quote: والبت نظيفة وشرط وخرتومية ومواليد جدة وتربية الدوحة |
يا أخي مالو.. البت لو طارت السماء حترجع لود عمها (ناس حقوق الجندر ما يقولوا الزول دا متخلف ورجعي كمان).
| Quote: ياخ بالغت والله .... |
يا أخي بالغ الزمن الذي فرق بين الناس..
بكري.. أمسك بيديك الأثنين وأصابعك العشرة وكنكش في العرض دا
|
Post: #76
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-09-2007, 06:41 AM
Parent: #75
ود وراق
يازول انت بتاع شبك بس
هسة الزول دا كان مسك في كلامك دا بي صحّو نعمل شنو
مع حاجة سيدة ـ تقول ابو ولدي ؟؟؟
نحنا يا حبيب ما عرضنا البنية في النت إلا بسبب الفلس
وكثرة المصاريف تقوم تجيب لينا واحد أفلس من الفلس
عايزين ناس عندهم ضحاكات
وبي لغة نا س خالد قدوني
وميرغني شنقر (كنجالات)
|
Post: #77
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: مجدي عبدالرحيم فضل
Date: 05-09-2007, 07:01 AM
Parent: #76
ود القريش ربنا يحفظهم لوالدينم يارب البت سوقه حر شديد عيني بارده!
وثانيا: صباااح كنجالاتك ودراهمك القطرية الظاهر نحنا البنخش علي طمع
من ناحية أبوالعريس جاري جري المتاعيس عشان يوفر لقصي حياة غير في جده
غير دي!!!
والورثة نورث من علم الأخلاق كماله ومن جفرافية السودان جمالوا ومن نااار
القران ما يؤهل إبننا للأقتران بكريمتكم المصونه أمنية وأمانينا لكم بالقبول
وتسجل حساب بنكي لوالد العريس لزوم عربون محبه في الله لله كده حبيب الكل معتز ،،
وخلونا في البال ونحنا في آخر الدور لصغر سن العرس وعدم بلوغه سن الأقتران بعد
تقبلوا شيك خالي الرصيد إلا من جميل الخصال والوصال مقدم صداق وكده ،،،أبوقصي،،،
|
Post: #84
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-09-2007, 06:33 PM
Parent: #77
Quote: ود القريش ربنا يحفظهم لوالدينم يارب البت سوقه حر شديد عيني بارده!
وثانيا: صباااح كنجالاتك ودراهمك القطرية الظاهر نحنا البنخش علي طمع
من ناحية أبوالعريس جاري جري المتاعيس عشان يوفر لقصي حياة غير في جده
غير دي!!!
والورثة نورث من علم الأخلاق كماله ومن جفرافية السودان جمالوا ومن نااار
القران ما يؤهل إبننا للأقتران بكريمتكم المصونه أمنية وأمانينا لكم بالقبول
وتسجل حساب بنكي لوالد العريس لزوم عربون محبه في الله لله كده حبيب الكل معتز ،،
وخلونا في البال ونحنا في آخر الدور لصغر سن العرس وعدم بلوغه سن الأقتران بعد
تقبلوا شيك خالي الرصيد إلا من جميل الخصال والوصال مقدم صداق وكده ،،،أبوقصي،،، |
ابو قصي القشطة
الآن نؤكد لكم عدم موافقتنا النهائية على ارتباط ابنكم بكريمتنا وذلك للأسباب التالية :-
بعد طولة اللسان اتضح لنا أن لسانكم حلو وبنقط عسل عديل كدا كما أنكم تجيدون الكلام المنمق وهذا الشئ بالتأكيد قد اثر على ابنكم المفضال ومن شابه اباه فما ظلم .
ونظرا لخفة عقل جكسويتنا وعدم تحملها للكلام الحلو والبنقط عسل فاننا نخاف عليها من ابنكم في استغلال هذا الضعف الأنثوي وجعلها خاتم في صباعه السبابة .
وهنا لايفوتنا أن نهنئ حرمكم المصون على هذا الزوج الرائع الرقيق اللسانو بنقط عسل ، كما لا يفوتنا أن نحذرها منه لأن نفس هذا اللسان الذي يتمتع به سعادتنا قد تسبب في اقناع عدد (3) عروسات ويحاول حاليا اقناع العروسة الرابعة .
فالحنك السنين سلاح ذو حدين ـ
ممكن يهنيك وممكن يعرس فيك .
|
Post: #80
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-09-2007, 08:12 AM
Parent: #74
Quote: سلام
حلاتا ربنا يحفظها
|
يحلن ايامك وأيام مرويتك وابو مرويتك
Quote: كدب في احمد حمزه (النصري) ده عنده عرسان ماشاءالله تعالي.
2 امريكان وواحد كندي ماشاءالله تعالي. |
لن نذل ولن نهان ولن نناسب الأمريكانQuote: المصيبه واحد فيهم ما داير يعرس مروتي العسل ,الكبير يملصا في الوسطاني والوسطاني يملصا في الصغير والصغير حالته صعبه بس سيره مروه..., تجيب ليهوا العصبي...
|
جيتك يا عبد المعين تعيني
لقيتك يا عبد المعين عاوز تنعان
شوفي يا ستي
خليك شجاعة زيي كدا
ونزلي بوسط واعرضي البنية
وصاحب النصيب بجي
خليك من الأمريكان المفترين ديل
الزمن دا الشاطر البقدر يوفر لبتو عريس
Quote: ما عارفه السبب شنو ...غايته شفع اخر زمن..
انشوف بعد مروه يبقي عمرها 15 سنه الكبكبه الحتحصل...والصفوف الحتقيف..
|
دا الكلام البوقف سوق البنات ذاتوووو
خليك نسيبة ذكية ومتعاونة
أوعدي الجميع ووزعي الابتسامات
خصوصا لأمات الوليدات
لامن سيد النصيب يجي
بعد داك أديهم في راسهم
واقعدي وصفي في عريس بتك
*** عنكبة : نرجو عدم نشر اعلانات مغلفة في هذا البوست
نحنا برضو بنفهما قبل ما تطير ذاتووو
|
Post: #79
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: عبد اللطيف بكري أحمد
Date: 05-09-2007, 08:01 AM
Parent: #1
Quote: ومال !!!!!!1
عاوزني كل يوم آكل بطاطس
يا شيخ حرام عليك |
معتز العزيز،،
البنية سوقها حار وماعايزة منك تعب ،، وبعدين
أنا أمس صحيتك من النوم يعني رايق ومروق وتشخر
نص النهار تفتح البوست تنوم تصحي تلقاه وصل الصحفة
التانية ،، يعني حكاية البت دي تاعباك دي إشاعة منك،،
الموضوع المهم:
وفعلا خلينا في المهم، وورينا بصراحة المنافع بعد البطاطس
دا الكلام الفيهو صمرة (ثمرة) : هسي بقيت تآكل شنو؟
أصلو بصراحة البطاطس طلع ...(جيب أضانك، الواثق قريب)،،
==
قوامك،،
|
Post: #81
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: يازولyazoalيازول
Date: 05-09-2007, 11:11 AM
Parent: #79
ما شاء الله تبارك الله
حاجزين يا معتز نحن عندنا الوليدات
|
Post: #82
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: غادة عبدالعزيز خالد
Date: 05-09-2007, 11:37 AM
Parent: #81
ما شاء الله عليها يا معتز
البنية جميلة بحق
.
.
عندي ولدين
خليك ظريف معاي
.
.
|
Post: #83
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: عواطف ادريس اسماعيل
Date: 05-09-2007, 12:00 PM
Parent: #82
أخي العزيز معتز قريش !!!
تحية ,,,
والله البت ما شاء الله حلوة وأمورة يعني أنا لو كنت زيها مش أنجض ناس البيت أنجض الحتة كلها وأخلي
اللي ما يشتري يتفرج !!! عموما البت محجوزة ومستعدين فوق الحجز نعمل تأمين كمان عندك ولدين في
استراليا و واحد في بريطانياأما بتاع أبوظبي دة ما بوصيكم بيه لأنه بنجض بلد بي حالها أها نجي نجيب
حق فتح الخشم وقولة خير ولا لا أصلو بعد شوية ما حيكون في حجز لزوك الإجازات الصيفية !!
|
Post: #88
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-09-2007, 09:21 PM
Parent: #83
Quote: ما شاء الله عليها يا معتز
البنية جميلة بحق
.
.
عندي ولدين
خليك ظريف معاي
.
. |
Quote: أخي العزيز معتز قريش !!!
تحية ,,,
والله البت ما شاء الله حلوة وأمورة يعني أنا لو كنت زيها مش أنجض ناس البيت أنجض الحتة كلها وأخلي
اللي ما يشتري يتفرج !!! عموما البت محجوزة ومستعدين فوق الحجز نعمل تأمين كمان عندك ولدين في
استراليا و واحد في بريطانياأما بتاع أبوظبي دة ما بوصيكم بيه لأنه بنجض بلد بي حالها أها نجي نجيب
حق فتح الخشم وقولة خير ولا لا أصلو بعد شوية ما حيكون في حجز لزوك الإجازات الصيفية !! |
أمممممممممك غادة خالد وعواطف ادريس يطلبون القرب منا
الآن فقط أصبت بالغرور
والتاجر طمع
ولن نوافق على اي طلب بعد الآن
ونشوف آخرا وين
دا الشغل ولا بلاش
|
Post: #87
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-09-2007, 09:01 PM
Parent: #81
Quote: ما شاء الله تبارك الله
حاجزين يا معتز نحن عندنا الوليدات
|
يا زول حاجزين كدا بس
وين العربون
وين مواصفات العريس
وين ارقام الحسابات البنكية
نقوم نوافق
نلقى الحكاية كلها قصص
ناكل نيم
أفصح يا هذا
|
Post: #85
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-09-2007, 08:24 PM
Parent: #79
Quote: معتز العزيز،،
البنية سوقها حار وماعايزة منك تعب ،، وبعدين
أنا أمس صحيتك من النوم يعني رايق ومروق وتشخر
نص النهار تفتح البوست تنوم تصحي تلقاه وصل الصحفة
التانية ،، يعني حكاية البت دي تاعباك دي إشاعة منك،،
|
يا زول والله صاحي شفت ليك ابو بنات بنوم
Quote: الموضوع المهم:
وفعلا خلينا في المهم، وورينا بصراحة المنافع بعد البطاطس
دا الكلام الفيهو صمرة (ثمرة) : هسي بقيت تآكل شنو؟
أصلو بصراحة البطاطس طلع ...(جيب أضانك، الواثق قريب)،،
==
قوامك،، |
المنافع كتيرة لا تعد ولا تحصى
بس ما بقدر اقولا ليك هنا
عشان البوست ما يمشي الخور
اتصل ولا جيب اضنك بقول ليك
عالم جبانات بشكل
ما تسال إلا لما البطاطس يطلع
ناس الواثق ديل ما تخاف منهم
ما سمعت المثل البقول
ما تاخد سيارة هندي ولا مرة مطوّع
|
Post: #86
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-09-2007, 08:40 PM
Parent: #85
|
Post: #89
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: سلمي النصري
Date: 05-09-2007, 10:18 PM
Parent: #1
سلام
مافهمت العنكبه...؟
سلام
|
Post: #90
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-09-2007, 10:25 PM
Parent: #89
Quote: سلام
مافهمت العنكبه...؟
سلام |
يعني ما تعلني عن بتك باللفة
|
Post: #91
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-10-2007, 04:27 AM
Parent: #90
فوق ومزيدا من العرسان
شهيتنا انفتحت
|
Post: #92
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-10-2007, 08:21 AM
Parent: #91
غايتو يا بنات الزمن دا بالغتن عديييييل كدا
شوفو البت دي
بس سمعتني بتكلم مع أمها بقول ليها عملت إعلان
عن أمنية في الانترنت عشان اجيب ليها عريس
وقلت ليها العرسان بالكوم من جميع الجنسيات
انتي يا البت قومي اربطي نصك وقال إيه
بتتعلم في الرقيص للعرس
شفتو العذاب الأنا فيهو
أها حالة زي دي ما أخير منها العرس
|
Post: #93
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-11-2007, 07:51 AM
Parent: #92
من ضمن أنواع النجاض
انو لازم أي فعالية في المدرسة تكون حضرتا مشاركة فيها ومتصدراها
يعني توصيل للمدرسة عصريات وجمع لزوم البروفات وياريت لو هي براها
كمان لازم اوصل الصاحبات الأبواتم ما بقدرو يجيبوهم لأي ظرف
بالإضافة للمصاريف للملابس والإكسسوارات والذي منو
يا أخوانا ما تحلينو منها البت دي
|
Post: #94
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: محمد المختار الزيادى
Date: 05-11-2007, 08:00 AM
Parent: #1
انت يا معتز بصراحه كده منجضاك البت العسل دي ولا ال200الف
|
Post: #95
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-11-2007, 08:30 AM
Parent: #94
والله يا محمد يا أخوي الاتنين معا
وطبعا لما يجينا المغفل العريس
والذي نحاول دردقته بكل الصور
بكون حل المشكلتين
|
Post: #96
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: هجو الأقرع
Date: 05-11-2007, 08:51 AM
Parent: #1
ود قريش سلام ، يا اخوى انت على كيفك ، البت دى من زمان انا شفت الصوره بتاعتها مع عمها اسماعيل ، والصوره موجوده طرفنا خاصة مع( الدباب ) مجاهد اذا اسماعيل ما كلمك دى ما مشكلة لان العم والد، العروسة بيتها فى شندى جاهز مع مزرعة فتحت خشم لزوم الترضيةليك لانو اسماعيل ما كلامك، اها قصرنا، الجعلى اضمن ليك من الحناكيش وبتاعين الراحات . قلت لعمها اسماعيل اهم شىء البت تكون عواسه واذاماتم تدريبها بعد سوف نرسلها الى نهر النيل لعمل الكورس اللازم، متين الف يرسلها لك (الدباب ) مجاهد مع اول باص كروة من دخان .
|
Post: #97
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-11-2007, 09:10 AM
Parent: #96
هجو الأقرع سلامات ـ كيف عاملين مع الدخان
| Quote: ود قريش سلام ، يا اخوى انت على كيفك ، البت دى من زمان انا شفت الصوره بتاعتها مع عمها اسماعيل ، والصوره موجوده طرفنا خاصة مع( الدباب ) مجاهد اذا اسماعيل ما كلمك دى ما مشكلة لان العم والد، |
يازول عمها اسماعيل ما كلمني ولا حاجة بالله ما تعملو لينا حركات الكيزان دي وعاوزين تلهفو الوطن وبنات الوطن الجميلات زي ما بعملو قادتكم . انتو قايلنها ارملة شهيد ولا شنو .
| Quote: العروسة بيتها فى شندى جاهز مع مزرعة فتحت خشم لزوم الترضيةليك لانو اسماعيل ما كلامك، اها قصرنا |
نستلم اول وبعدين نفكر لأنه بصراحة كدا وانت زول (أخو) عندنا عروض افضل بس جرادة في الكف ولا الف عصفور ع الشجرة
| Quote: الجعلى اضمن ليك من الحناكيش وبتاعين الراحات |
نوع من الممارسات العنصرية والقبلية والجهوية التي ترفضها الست تراجي
يا شماتت ابلة تراجي فيك .
| Quote: قلت لعمها اسماعيل اهم شىء البت تكون عواسه واذاماتم تدريبها بعد سوف نرسلها الى نهر النيل لعمل الكورس اللازم |
عواسة شنو يا زول انت الله ما ليك
ديل تربية شوكولاتة بالحليب كمان
أكان أمها ما بتعرف تعوس تعوس ليكم هي
عاوزين تكسرو ضهر البت
يا زول مزرعتكم مقطعة في راسكم دا
ما عندنا بنات للعرس
| Quote: متين الف يرسلها لك (الدباب ) مجاهد مع اول باص كروة من دخان . |
متين الف خلي الدباب يدفع بيهم قصد النيوهورايزن البقطع القلب داك
|
Post: #98
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: هجو الأقرع
Date: 05-11-2007, 10:46 AM
Parent: #97
ود قريش اها لو خفتو من الدباب عندنا (على ) لاعب اشبال نادى السد ، اها والله دى ما ترفضو إلا شقيه ، دى زى الكرت الاحمر يطلع مرة واحده وبس . ما عندى مشكلة ممكن تاكل معاه من الهوت دوج وكده.وهنا انت الذى يدفع لاعب ومشروع عنابى .
|
Post: #100
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-12-2007, 07:19 AM
Parent: #98
| Quote: ود قريش اها لو خفتو من الدباب عندنا (على ) لاعب اشبال نادى السد ، اها والله دى ما ترفضو إلا شقيه ، دى زى الكرت الاحمر يطلع مرة واحده وبس . ما عندى مشكلة ممكن تاكل معاه من الهوت دوج وكده.وهنا انت الذى يدفع لاعب ومشروع عنابى . |
يا هجو يا اخوي والله حننتني
خلاص ح نبحث الموضوع ونفيدكم بالرد
بس أنا خايف بتاع العنابي دا يعملا لينا كلها ماشي التمرين وجاي من التمرين والليلة مسافرين وين وبكرة مسافرين وين بعدين البنية هوت دوق ذاتو ما تلم فيهو
|
Post: #99
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: حسن الطيب يس
Date: 05-12-2007, 04:20 AM
Parent: #1
يا معتز
انا عندي واحد منجضني كمان
ممكن تقايض و كمان نديك فرق
و الصور بالجنب عامل الشيخ البرعي
|
Post: #101
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-12-2007, 08:03 AM
Parent: #99
ما شاء الله عيني باردة ربنا يحفظه ويخليه لوالديه
بس عرض المقايضة مرفوض جملة وتفصيلا ـ لماذا ؟؟
لأنه مهما كان فان نجاض البنت أحلا وأرق وألطف من نجاض الولد
عشان كدا يا أخوي وفر الفرق العاوز تدفعو لينا لصيانة ما يكسره
هذا النجاض من أثاث البيت والعدة والكتب المشرطة .
ربنا يغتي عليهو ويحفظو
|
Post: #114
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: عمر سعد
Date: 06-21-2007, 11:43 PM
Parent: #99
البت دي لسة ما جاها عريس
|
Post: #102
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: محمد ابوبكر عثمان
Date: 05-12-2007, 09:20 AM
Parent: #1
ربنا يحفظهم جميعا
|
Post: #103
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-12-2007, 10:01 AM
Parent: #102
آميييييييييين يا رب العالمين
إلا يا محمد يا أخوي ما شايفك ساهمت بأي شئ
لو انت ما عندك أولاد أخوانك ما عندهم
وبعدين انت ذاتك مالك ؟؟
ما أهو شايفك دكتور قدر الدنيا
الزوغة لزوما شنو ؟؟؟؟
|
Post: #104
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: محمد ابوبكر عثمان
Date: 05-12-2007, 12:41 PM
Parent: #103
والله يامعتز ياخوي لا انا عندي وليدات لا اخواني عندهم
بعدين مالك داير تعرس لي بدري كده
انا ياخوي لسه صغير وجاهل
تقبل ودي
|
Post: #105
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-12-2007, 03:55 PM
Parent: #104
Quote: والله يامعتز ياخوي لا انا عندي وليدات لا اخواني عندهم
بعدين مالك داير تعرس لي بدري كده
انا ياخوي لسه صغير وجاهل
تقبل ودي |
ما دام الجرسة وقعت
أها يا زول أنا عتقت
بس ان شاء الله بنات عمك يعتقنك
|
Post: #106
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: محمد ابوبكر عثمان
Date: 05-12-2007, 04:01 PM
Parent: #1
لا ماتخاف تب بخارج روحي
|
Post: #107
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-12-2007, 04:32 PM
Parent: #106
| Quote: لا ماتخاف تب بخارج روحي |
أمشي يا زول الله يعدل عليك
بس أوعك تجيني راجع ... سامع
تابوها مملحة
ترجعوا تكوسوها بالموية ما تلقوها
|
Post: #108
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-13-2007, 05:54 AM
Parent: #107
ما زلنا ننتظر المخلص من هذه البنت النجاضة
وما زلنا نستقبل الطلبات
|
Post: #109
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-14-2007, 08:50 AM
Parent: #108
ترقبوا قريبا
عندنا واحدة تانية كمان منجضانا
|
Post: #110
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-14-2007, 09:02 PM
Parent: #109
خليكم معانا وما تستعجلو جاييكم
|
Post: #111
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-16-2007, 09:06 PM
Parent: #110
مافي عرسان
البلد خلا كدا مالا
|
Post: #112
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: صديق الموج
Date: 05-17-2007, 11:19 AM
Parent: #1
Quote: مافي عرسان
البلد خلا كدا مالا |
يا شباب الحقونا بى عريس ما يقوم الزول الجبار ده يبدل
البنية العسل دى بى عدة والا ملايات،،،
|
Post: #113
Title: Re: يا عالم البت العسل دي نجضتني نجاض شوفوا ليها عريس وفكوها من رقبتي
Author: معتز القريش
Date: 05-17-2007, 11:31 AM
Parent: #112
Quote: يا شباب الحقونا بى عريس ما يقوم الزول الجبار ده يبدل
البنية العسل دى بى عدة والا ملايات،،، |
يجازي محنك والله ضحكتني لمن فكرت أعمل بي كلامك
|
|