Post: #1
Title: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-05-2007, 05:23 PM
أثارت مقالتان للأخ خالد بحر رجةً في المنبر لتناولهما موضوع الخلاوى و ما يحدث فيها .. و قد دعم خالد بحر مزاعمه بصور اعتبر بعض الأعضاء أنها غير كافية لبعض شك قد يتسرب إليها بحسبان أنها غير كاملة ..
الأخو ادي إسماعيل تقدم بمقترح أعتقد انه بناء و موضوعي صاغه كالآتي :
Quote: من هذا المنبر دعوة لتحري الحقيقة : أدعوك أخي خالد و أنا أقيم بالخرطوم أن نقوم معا ( و أقترح أن يرافقنا أخونا و عضو المنبر الواثق الصادق) بزيارة هذه الخلوة محل الحدث و الوقوف على حالة الطفل حسن أبكر و انا أشهدك و أشهد الله ( إن كنت صادقا فيما ذكرت ) أن أقاضي هذه الخلوة و كل القائمين عليها و أتفرغ لمتابعة هذه المسألة حتى يتبين ....
|
و حيث أنني غير مقيم في الخرطوم أرجو أن يرفع الطلب لبورداب الخرطوم للتأكد من الأمر أملاً في التوصل لموقف مفيد..
و في انتظار المتطوعين ..
|
Post: #2
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ناذر محمد الخليفة
Date: 05-05-2007, 05:34 PM
Parent: #1
!!!!!
| Quote: و في انتظار المتطوعين .. |
متطوعين في السخانة دي ؟!!!
إنت يا الواصق ما قالولك أب فرار حايم ؟؟!!
|
Post: #3
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الطيب بشير
Date: 05-05-2007, 05:35 PM
Parent: #1
يا واثق كلامك سمح
النيابة قبل ما تصدر أمر قبض بتأمر الشرطة بــ(التحرّي المبدئي)
هسع بحرالدين دة مفروض يجيب صور كاملة و يوضح انو الموضوع بيتحق
و بعد داك يتم تكوين لجنة
لكن كذبة مهند مأمون لا تزال تسوّد وجه المنبر و التاريخ
و هاهو مفتري آخر تحت مبرر (في البدء كانت الكلمة) يهذي با لا يسمع
عاوزين بحر يقدّم صورة، واحدة كاملة، و بعد داك الناس تواصل
أنا بمشي من ميامي دي للخلاوي دي
الموضوع ما عابر ساي
|
Post: #4
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-05-2007, 05:45 PM
Parent: #3
حبيبنا الطيب عشان الحكاية ما تطول بس نقرض الموضوع من لغاليغو ...
الأخ وادي إسماعيل متطوع نشوف معاهو نفرين تاني من الثقات يمشوا مع خالد بحر دا الحجل بالرجل أو إذا اعتذر يمشوا براهم ..
و خليهم بالمرة يعملوا لينا مقابلة مع شيخ الخلوة دا..
معقولة يكون (صايم ديمه) و مربط الشفع بالجنازير؟؟
Quote: متطوعين في السخانة دي ؟!!!
إنت يا الواصق ما قالولك أب فرار حايم ؟؟!! |
و الله يا ناذر أنا أصلاً قافل عليك عشان تاريخك الحافل و كده..
تطعموا و اذهبوا يرحمكم الله
|
Post: #5
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ناذر محمد الخليفة
Date: 05-05-2007, 06:00 PM
Parent: #1
الواثق إنت هندي ولا شنو !!
درجة الحرارة 67 درجة برة الشارع !! البيوديني خلوة في السخانة دي شنو وعشان شنو ؟!!
|
Post: #6
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-05-2007, 06:21 PM
Parent: #5
و الله يا ناذر جرستك عينة..
إنت تصميم أوربي؟؟؟
خلاص أمشوا بعد الصبح..
لازم نشوف آخر الحكاية دي.
|
Post: #7
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ناذر محمد الخليفة
Date: 05-05-2007, 06:30 PM
Parent: #6
يا زول والله من قدام الكيبورد دا ما ماشي أي حتة !!
تمشي عشان شنو ؟!! الحكاية ما ظاهرة و ما دايرا ليها درس عصر !
إنت ما فهمت النظرية ولا شنو ؟!!
أقرا الأرشيف كتير يا الواثق ..
|
Post: #8
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-05-2007, 06:30 PM
Parent: #6
كلمات التشكيك التالية صادرة من البصاص و لابد من قطع الشك باليقين:
Quote: هل لنا بصورة كامله لهذا الطفل المضطهد
حسب زعمك لانه لا يوجد مسوع اخراج تصويري يجعلك تاتي
بالوجه مرة والقدمين في المرة الاخرى
اخشى ان لون بشرة هذا الطفل في تلك الصورة
تختلف عن لون بشرة تلك القدم المكبله
وايضاً لايوجد ما يشير الى ان هذا تم بتلك الخلاوي
|
و مساندة تراجي لخالد تحتاج لتمحيص ، قالت :
خالد خليل بحر الذي نعرفه لا يكذب
فالتبحثوا عن مسوف آخرى لتبرير المأساة.
كسرة : يا ناذر أفهمني و أقرض الحكاية دي عشان نرتاح
|
Post: #9
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الطيب بشير
Date: 05-05-2007, 06:36 PM
Parent: #8
طبعآ يا الحبيب الواثق الشيخ دفع الله الصايم انتقل عليه الرحمة قبل زمن
لكن خليفته، رجل متعلم و فاضل..صاحبة و ممكن يساعدنا بي صورة تلفزيونية و ممكن يعرض الأمر في الشاشة هو الزميل العزيز شكر الله خلف الله، و أنا أستطيع، كأخ قريب، أن أطلبه من هنا بدخول اللجنة..أمشوا التلفزيون يا ناس اللجنة و أسألوا من شكر الله ..ان شاء الله يمشي معاكم..
أنا الموضوع دة أصول ما بخليهو يا واثق
كلامك صاح..لغاليغو..لغلوغاتو
|
Post: #10
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ناذر محمد الخليفة
Date: 05-05-2007, 06:37 PM
Parent: #1
|
Post: #11
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: القلب النابض
Date: 05-05-2007, 06:44 PM
Parent: #10
ناذر
متكلين عليك يا زول ..
ومعاك تبلدينا
بلاش تملص .. يلا يا شباب
شوف وين تبلدينا
|
Post: #13
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-05-2007, 06:46 PM
Parent: #10
عليك نور يا الطيب...
عشان المنبر دا ما يكون سمبلا ساي..
أي اتهامات زي دي نجيب آخرها طوالي ..
و لأنو الموضوع بالجد لو طلع صاح يكون ظاهرة خطيرة شديد تستوجب العقاب..
برضو يا ناذر تقول لي نمشي لي شنو؟؟
هاك كلام بت الأحفاد دا ..
Quote: كما ارجو ارجو من بورداب السودان وخاصه ممن يقيمون بالقرب من هذه الخلوى
ان يذهبوا ليستطلعوا حقيقه مايجرى فيها وتقديم شكوى للأداره والسلطات ان كان الامر صحيحا |
و تراجي أيضاً طالبت بالتحقيق :
Quote: يا هالد انا اعتقد ان تذهب لمقابلة هذا الشيخ وخذ معك احمد امين وبلغوا بعض الصحفين
لو وافق وراق ليذهب معكم وتحدثوا للشيخ,وتحدثوا للطفل ايضا.... |
عشان كده يا جماعه يدكم معانا
|
Post: #12
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: معروف حمدين
Date: 05-05-2007, 06:44 PM
Parent: #1
Quote: يا زول والله من قدام الكيبورد دا ما ماشي أي حتة !!
تمشي عشان شنو ؟!! الحكاية ما ظاهرة و ما دايرا ليها درس عصر !
إنت ما فهمت النظرية ولا شنو ؟!!
أقرا الأرشيف كتير يا الواثق .. |
ناذر خليفة
ياخي مت من الضحك .. وجرستكـ عينة يا فردة
مين ناذر تحريات !!!
|
Post: #14
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-05-2007, 07:04 PM
Parent: #12
Quote: ناذر
متكلين عليك يا زول ..
ومعاك تبلدينا
|
|
Post: #15
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: نصار
Date: 05-05-2007, 09:30 PM
Parent: #1
Quote: يا زول والله من قدام الكيبورد دا ما ماشي أي حتة !!
|
يا ناذر اهو جنابو الطيب قال الخليفة زول متعلم
من كيبوردك دا دول الوبكام و المايك و جيب الاكيدة
يمكن تمدح ليهو كمان بصوتك السمح دا
|
Post: #16
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ناذر محمد الخليفة
Date: 05-05-2007, 09:39 PM
Parent: #1
القلب النابض ...
Quote:
ناذر
متكلين عليك يا زول ..
ومعاك تبلدينا
بلاش تملص .. يلا يا شباب
شوف وين تبلدينا |
إنتي هندية ولا شنو !!!!
بقول ليك في السخانة دي لو نزل الوحي ما بطلع من بيتنا تقولي لي تملص وبطيخ !!
خلي تبلدينا يمشي أكان راجل !!
إذهب يا تبلدينا وقاتل ... أنا ها هنا منتظر !!
|
Post: #17
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ناذر محمد الخليفة
Date: 05-05-2007, 09:43 PM
Parent: #1
يا معروف !!
| Quote: مين ناذر تحريات !!! |
ناذر تحريات شغلو من شهر عشرة ولي قدام ....
لكن في مايو دا لو عملو فيهو عرسي ما أمشي !!
إنتو الله ما ليكم ولا شنو ؟!!!
بلا خلاوي بلا بطيخ معاكم قاعدين لي في أوروبا ومشغلين الدفايات وبس فالحين لي في : بوردااااااااااب الخرطوم !! بورداااااااااا ب الخرطوم !! غايتو دلعكم عينة !!
|
Post: #19
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ناذر محمد الخليفة
Date: 05-05-2007, 09:55 PM
Parent: #1
نصار ...
Quote: يا ناذر اهو جنابو الطيب قال الخليفة زول متعلم
|
يا زول جاهل لمن متجاهل !!
إنتو ما سمعتو بي أب فرار يا اخوانا !!!!
دي والله مؤامرة لإغتيالي عدييييييييييل كدة بي ألة صلبة وحادة (فرار) !!
خالد خليل بحر مبروك عليك ... كسبت البوست .. وإنشالله بكرة تجينا الامم المتحدة وال UN ال WHO والـ WWF تحرر معتقلي الخلاوي ديل كلهم لحدي أخر (مربوط) بالجنازير فيهم !!
بس أنا من قدام كيبوردي دا ما قايم ولا متر !!
وأعلى ما في خيلي ركبتو !!
في زول معترض ؟!!
بورداااااااااااااب الخرتووووووووووم !!! بورداب الخرتوووووووووووم !!!!
فالحين لي للترطيبة دي قدام الدفايات !!
|
Post: #21
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ناذر محمد الخليفة
Date: 05-05-2007, 10:31 PM
Parent: #1
!!!!!!
| Quote: ناذر : درجة الحرارة عملت كم؟؟ |
بعد مداخلتك دي عملت 96 عديييل كدة !!!!
|
Post: #22
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: Mohamad Shamseldin
Date: 05-05-2007, 10:52 PM
Parent: #21
من هوالشيخ دفع الله الصائم ديمه صاحب الخلاوى موضع الاتهام
من شيوخ القادرية العركية . فجده الفقيه دفع الله أمه بنت الشيخ يوسف أبى شرا
أخذالطريق عن الشيخ عبدالباقى بن الشيخ حمد النيل.
أسس مسيده با م درمان منذ عام 1946م , أى عندما كان طالباً بالمعهد العلمى بأم درمان
اشتهر ببناء المساجد
كانت له شياخة او ما يسم بخلافة المساجد و قد بنى بين 400 الى 700 مسجد فى السودان
يمكن مراجعة 335 مسجدا بهذا الرابط
http://www.alsaim.net/masageed_details.htm
توفى العام 1992
خليفته ابنه الشيخ احمد عبدالباقى
داخلية طلاب الخلوة
 الطلبة يتدارسون مع شيخهم
نعشم فى ان تذهب مجموعة للخلاوى مع الاخ ود اسماعيل لانقاذ الطفل حسن ابكر
الموضوع و ما فيه ان فى كلام خالد هجوم على الصوفية
و ان خالد عمم هجومه و لم يخصص و ضخم الموضوع
قد تكون هناك تجاوزات فى خلوة معينة و لكن هل هذا هو النهج العام
اغلبية المشاركين المدافعين عن خالد يعتقدون ان خريج الخلاوى معناه ان يصبح الشيخ امام مسجد و فقط ولا يعلمون شيئا عن المدارس التكميلية و لا يدرون ان هناك اشخاص يحفظون ثم بعد ذلك يدرسون فى التعليم النظامى او اثناء دراستهم للتعليم الحكومى يحفظون
و هنا اذكر ان جارنا خريج طب الخرطوم فى السبعينات و هو الان دكتور هو و اخيه و هما من خريجى هذه الخلاوى
|
Post: #23
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ود محجوب
Date: 05-05-2007, 10:54 PM
Parent: #21
Quote:
Quote: ناذر : درجة الحرارة عملت كم؟؟
بعد مداخلتك دي عملت 96 عديييل كدة !!!! |
يا خسارة يا ناذر أنا قايلك جعلى جد جد طلعت جعلى من منازلهم.
الأخ الواثق الحكاية واضحة
هل يعقل ان يجنزر طفل فى خلوة لمدة شهر عشان شرد؟؟؟
اذا كان المتحدث مجنونا فليكن المستمع عاقلا
مررنا بمعظم خلاوى القران ولم نرى جنزيرا واحدا للطلاب والوسائل التى تتخذها الخلاوى فى العقاب معروفة الفلقة وغيرها ومعظم وسائل العقاب القديمة اندثرت.
وشايف جماعة السودان الجديد دخلوا بثقلهم لتجيير الكذبة لصالحهم
يا جماعة والله بقيتوا مسخرة.
لو عاوزين اولاد الهامش ما يدخلوا خلاوى . فهم اهلكم وعشيرتكم كما تزعمون أكتبوا ليهم خليهم يطلعوا أولادهم من الخلاوى. شوفوا يردوا عليكم كيف.
ناس لا تخجل ولا تستحى.
|
Post: #24
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: القلب النابض
Date: 05-05-2007, 11:46 PM
Parent: #23
| Quote: الخرطوم !! غايتو دلعكم عينة !! |
بورداب الخرطووووم بورداب الخرتوم
يازول عملية اغتيال شنو دي عمليه انقاذ رهائن ...
قول خير ولو بالليل
عربية مكيفة كيف ؟
Quote: لو عاوزين اولاد الهامش ما يدخلوا خلاوى . فهم اهلكم وعشيرتكم كما تزعمون أكتبوا ليهم خليهم يطلعوا أولادهم من الخلاوى. شوفوا يردوا عليكم كيف.
ناس لا تخجل ولا تستحى. |
بالواضح يا ود محجوب محي الدين ابكر قال لا هو ولا الثوار مسؤولين من الجماعة ديل .. وما دايرين شيوخنا يواصلوا خيرهم .. ديل هم الناس الذين تبنو خط السودان الجديد " وتبدو معالمه على غفلة منهم " الخط الذي يقوده خالد وزمرته الى الشكوى لامريكا والمنظمات الدولية .. يريدون ان يشكو الشيوخ الذين خرجوا ..كل رموز السودان ... منذ الامام المهدي .. وحتى محسن خالد ..
طرقتم باباً لن نسمح لكم بولوجه بنية مبيتة ..
للإصلاح .. لا للهوى ..
فلتظل مالخلاوى منارات على درب بلادي
|
Post: #25
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: القلب النابض
Date: 05-06-2007, 02:32 AM
Parent: #24
فووووق
|
Post: #26
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-06-2007, 09:25 AM
Parent: #25
تاني فوق لحدما ناذر يوافق
|
Post: #27
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-06-2007, 09:30 AM
Parent: #26
أخي خالد ذهبت لقراءة ما حواه الرابط الذي وضعته فلقيت عبد الماجد قد زرعه بالألغام ..
عليه سأرد عليك هنا..
ليس تشكيكاً في أحد .. التحقيق لإحقاق الحق و إبطال الباطل..
أشكرك..
كسرة : خالد بحر دا ذاتو أنا ما بعرفو
|
Post: #28
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ناذر محمد الخليفة
Date: 05-06-2007, 09:59 AM
Parent: #1
!!!!!!!
| Quote: تاني فوق لحدما ناذر يوافق |
تلقاها عند الغافل !!!
|
Post: #29
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-06-2007, 10:36 AM
Parent: #28
| Quote: تلقاها عند الغافل !!! |
و الله يا ناذر من بدلت صورتك و صريت وشك خلاص فقدنا الأمل
|
Post: #30
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: محمد فرح
Date: 05-06-2007, 10:56 AM
Parent: #29
أستاذ الواثق
لك التحيه
أرسل لي الزميل محمد إسماعيل رساله قبل قليل عباره عن دعوه للذهاب للخلاوي والتحقق من مزاعم الزميل خالد ..
ستتحرك اللجنه بإذن الله الساعه الرابعه عصراً
ومن يرغب التحرك عليه الإتصال بالزميل محمد إسماعيل بأسرع فرصه فالمتبقى فقط 3 ساعات على الموعد .. وسأحاول أن أكون مع المجموعه إذا كتب لي التوفيق رغم وجود إرتباطات أخرى ..
والله الموفق
|
Post: #31
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-06-2007, 11:08 AM
Parent: #30
و الله يا محمد فرح خبر كويس..
بس أهم حاجة تعملوا لينا مقابلة مع شيخ الخلوة دا..
راحت عليك ياناذر
|
Post: #32
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: Ahmed Mohammed Osman
Date: 05-06-2007, 11:29 AM
Parent: #1
يا خوانا الخلاوي البنعرفا دي ولا واحدة تاني؟؟؟؟
معظم السودانين دخلو الخلوة
اي نعم كان في جلد بي السوط
لكن جنازير دي ما سمعنا بيها
زامن اتذكر انو الشارع كلو بيادب الطفل
بتاع الدكان لو غلطت بكفتك
زول قاطع في الشارع ساي وانت بتلعب واتشاكلت يمسكم الاتنين ويكفت
الاستاذ في المدرسة ابوك يجي يقول ليهو اخد اللحم وادينا العظم
جيرانكم بجلدو جلد صاح
اها دا المجتمع والبيئة السودانية القمنا عليها
تجي هسي يا خالد بحر تقول ارهاب؟؟؟
لكن دا مش هو زاتو خالد بحر القال داير يرسموهو عريان؟؟ وله واحد تاني؟؟
|
Post: #33
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: معتز القريش
Date: 05-06-2007, 11:43 AM
Parent: #32
Quote: أستاذ الواثق
لك التحيه
أرسل لي الزميل محمد إسماعيل رساله قبل قليل عباره عن دعوه للذهاب للخلاوي والتحقق من مزاعم الزميل خالد ..
ستتحرك اللجنه بإذن الله الساعه الرابعه عصراً
ومن يرغب التحرك عليه الإتصال بالزميل محمد إسماعيل بأسرع فرصه فالمتبقى فقط 3 ساعات على الموعد .. وسأحاول أن أكون مع المجموعه إذا كتب لي التوفيق رغم وجود إرتباطات أخرى ..
والله الموفق |
الليلــــــــــــــــــــــة
كان الكلام طلع كضب الجماعة ديل ح يمشو وين
محمد فرح أرجوك تاخدو معاكم كاميرا
لازم لازم لازم
الله يخدر ضرعاتكم
عنكبة : ناذر الخليفة دا طرفي من صحبتك
بس فالح في مشي الخيران
شرطت عيني يا جرسة
|
Post: #34
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: محمد فرح
Date: 05-06-2007, 11:49 AM
Parent: #33
معتز القرييييييييييش
على الطلاق كان بعرف أزغرت كان زغردت ليك ياحبيب
حمداً لله ألف على السلامه
مؤونة عامين من الود
|
Post: #36
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: معتز القريش
Date: 05-06-2007, 12:07 PM
Parent: #34
Quote: معتز القرييييييييييش
على الطلاق كان بعرف أزغرت كان زغردت ليك ياحبيب
حمداً لله ألف على السلامه
مؤونة عامين من الود |
محمد فرح يا حبيب
مؤونتك مرجوعة وزغرودتك مرفوضة وقهوتك مي مشروبة
إلى حين أن تأتي لنا بالخبر اليقين
أنا مافي شئ في الدنيا بتور نفسي قدر الكضب (خصوصا الكضب اليساري
في الله وناس الله)
سألتك بالذي خلقك وخلق السموات السبع والأراضين السبع تمشي مع الجماعة
وتجيب الصور وتسجل مقابلة مع الشيخ ومع تلاميذ الخلوة
والله والله ما اتمنيت أكون في السودان قدر الليلة دي
|
Post: #35
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: Wathig Makki
Date: 05-06-2007, 12:02 PM
Parent: #1
| Quote: لكن دا مش هو زاتو خالد بحر القال داير يرسموهو عريان؟؟ وله واحد تاني؟؟ |
ومرة شايل ليه جيتار
وأول واحد انضم لي جمعية تراجي الوهمية
وقال وردي فنان أي كلام
و
و
و
-----
بالله لو شوفو ليكم حاجة مفيدة وما تضيعو زنكم
|
Post: #37
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-06-2007, 02:26 PM
Parent: #35
النتيجة شنو يا محمد فرح و فريقه؟؟؟
|
Post: #38
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: Tragie Mustafa
Date: 05-06-2007, 02:55 PM
Parent: #37
الاخ الواثق
ماهو نعريف الثقات عندك؟؟؟؟
لاتقل لي حسب تعريف الشرع,لانك هنا لا تتبعه
انت تتبع تعاريف كومي وكومك.
| Quote: الأخ وادي إسماعيل متطوع نشوف معاهو نفرين تاني من الثقات |
|
Post: #40
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-06-2007, 02:59 PM
Parent: #38
الأخت تراجي ..
أنا أصلاً ما عندي كوم..
بلاش إسقاطات..
|
Post: #39
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: القلب النابض
Date: 05-06-2007, 02:56 PM
Parent: #1
في...الانتظار
|
Post: #42
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: Tragie Mustafa
Date: 05-06-2007, 03:00 PM
Parent: #39
الواثق مكي
| Quote: وأول واحد انضم لي جمعية تراجي الوهمية |
انت كتأكد انها وهميه؟؟؟يبقى قلقان بيها مالك؟؟؟؟؟
هي ليست وهميه لانها علاقه بذاكرتك لليوم.
ويكفي ان هالد بحر بشجاعته المعهوده اعلن رايه وهو في داهل هرطوم القمع و الظلم و القتل و السحل
التحيه للبطل خالد بحر.
|
Post: #41
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: امير مصطفى احمد
Date: 05-06-2007, 03:00 PM
Parent: #1
يا بورداب الخرتوووووووووووووووووم
الحكاية شنو ؟ الزول دا مربط قدر دا ؟؟؟؟
|
Post: #43
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-06-2007, 03:39 PM
Parent: #41
و الله يا أمير شفقونا عديل ...
لكن نصبر تاني شويه
|
Post: #44
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: معتز القريش
Date: 05-06-2007, 03:55 PM
Parent: #43
Quote: الاخ الواثق
ماهو نعريف الثقات عندك؟؟؟؟
لاتقل لي حسب تعريف الشرع,لانك هنا لا تتبعه
انت تتبع تعاريف كومي وكومك.
|
من هسي قمنا للخرخرة
منتظرين ومن هنا ما قايمين
يلا يا محمد فرح
نشوف اليسار والهامش دا بمشي وين
|
Post: #45
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-06-2007, 05:10 PM
Parent: #44
| Quote: منتظرين ومن هنا ما قايمين |
|
Post: #46
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: Mohamad Shamseldin
Date: 05-06-2007, 05:17 PM
Parent: #45
Quote: [Quote: منتظرين ومن هنا ما قايمين
|
بما ان الانتظار طال
يبدو انو الزول الجنزر الشافع مسك الجماعة ديل جنزرهم ذاتهم
ما فى زول فى الخرطوم يفقدهم ..!!!
عرفتها يا ناذر ...الله مرقك منها
|
Post: #47
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-06-2007, 05:26 PM
Parent: #46
Quote: يبدو انو الزول الجنزر الشافع مسك الجماعة ديل جنزرهم ذاتهم
|
|
Post: #48
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: معتز القريش
Date: 05-06-2007, 07:09 PM
Parent: #47
منتظرين ومن هنا ما قايمين
|
Post: #49
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ناذر محمد الخليفة
Date: 05-06-2007, 09:02 PM
Parent: #1
محمد شمس الدين ...
| Quote: عرفتها يا ناذر ...الله مرقك منها |
أخوك حريييييييييييف ونجييض !!
أمال إيه !!!!
|
Post: #50
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: معتز القريش
Date: 05-06-2007, 09:22 PM
Parent: #49
خواف وجبان بس
كدي امش اتر الناس ديل
|
Post: #51
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: ناذر محمد الخليفة
Date: 05-06-2007, 09:29 PM
Parent: #50
كية في تراجي دي ما ماشي !!
يا ابوي هو غرامنا هجر ومشقة ؟!!
|
Post: #52
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: معتز القريش
Date: 05-06-2007, 10:32 PM
Parent: #51
Quote: كية في تراجي دي ما ماشي !!
يا ابوي هو غرامنا هجر ومشقة ؟!! |
والله يا ناذر
انت انسان غريب وعجيب
|
Post: #53
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-07-2007, 08:36 AM
Parent: #52
نشكر الأخوة المتطوعين...
ود إسماعيل..
محمد فرح...
و خالد بحر ظااااااتو..
و بحسب رواية محمد فرح فسيقوم خالد بتوضيح الحقائق في بوست منفصل...
و نحن في الانتظار...
|
Post: #54
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: الواثق الصادق
Date: 05-07-2007, 03:38 PM
Parent: #53
للأسف الشديد شاب إخراج الحقائق نوع البطولات الزائفة لذلك أقول هنا كما قلت هناك :
لماذا لا يعتذر خالد بحر و قد اتهم الخلوة بانتهاك حقوق الإنسان دون تثبت؟؟؟؟؟
و السؤال هل تحقق بحر من إدارة الخلوة و الطفل و رفاقه قبل أن يسطر البوست في المنبر؟؟؟؟
و هل فعلاً الآن حصحص الحق طبقاً لرواية خالد بحر أم اتضح أن إدارة الخلوة غير مدانة بالمرة؟؟؟
و هل فعلاً تبين أن الحالة دليل على انتهاك حقوق الإنسان في الخلاوى السودانية كما يقول؟؟؟
خالد بحر لم ينقل صورة الطفل مكتفياً و طالباً التوضيح و لكنه أكمل الحكاية من عنده ليخرج لنا كامل السيناريو الذي دفعنا للمطالبة بالتقصي حتى لا يطلق الكلام على عواهنه و يكون المنبر (سمبلا)..
و لقد تحيرت في أنه لم يتحدث أحد عن القصة التي ساقها بحر في البداية مدعمة بصور مبتورة لا توضح كامل الحقيقة...
يا بحر هلا اعتذرت عن اتهام الخلوة المعنية بانتهاك حقوق الإنسان؟؟؟
هلا اعتذرت لشيخ الخلوة الذي رميته بما رميته دون تثبت؟؟؟
شفت كيف التحقق مفيد؟؟
و لو أنك فعلته أول مرة لأغنيتنا عن كل هذا...
الخلاصة : ما ساقه خالد بحر من توضيح هنا يناقض ما رواه من حكاية هناك في بوسته الأول و الثاني لذا فإن ادعاء البطولات الوهمية ليس في محله و إن كان يشكر على تسليطه الضوء على الحكاية من أصلها و لكن ذلك لا يعفيه عن مسئولية القذف و التشهير التي مارسها ضد هذه الخلوة...
و صدق محمد فرح إذ قال :
| Quote: الأخ خالد أخذ الأمر بصوره شخصيه ووضع هذا العنوان للبوست بصوره تجعل من الأمر مجرد صراع شخصي الأمر الذي قد يخرجنا من القضيه محل النقاش ويجعلنا ندور في فلك صراعات شخصيه غير مجديه ... |
و هذه هي الانتهازية و العنتريات التي ما قتلت ذبابة..
لا أريد صرف الموضوع لردود شخصية و مطاولات ..
و لكنني أؤكد أن خالد بحر ثبت صدقه في وجود الطفل مقيداً و ثبت كذبه في اتهامه للخلوة بانتهاك حقوق الإنسان و لا داعي لطمس الحقائق.
و لكن برضو شكراً لخالد بحر أن فتح الموضوع رغم ما شاب ذلك من إثارة و حقائق مغلوطة
ثم شكراً له للذهاب مع الإخوة بشجاعة
و شكرا لمحمد إسماعيل الذي اقترح التحقيق و تطوع
شكراً لمحمد فرح الذي نال شرف إماطة اللثام
..
|
Post: #55
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: bint_alahfad
Date: 05-08-2007, 11:10 AM
Parent: #54
روايه الاخ الكريم ود اسماعيل الذهب ذهب مع الاخوه لتحرى الحقائق وتبرع بتكلفه مصاريف الطفل المدرسيه حتى الجامعه, جزاه الله كل خير
-------------------------
بخصوص قصة الطفل حسن أبكر التي أثيرت في هذا المنبر من قبل الأخ خالد بحر ، أود أن أوضح الحقائق التالية و ذلك بعد أن قمت بزيارة للخلوة برفقة الأخ خالد :
أولا : الصورة المأخوذة للطفل حسن أبكر صورة حقيقية ، ليست مفبركة و ليس ممنتجة و قد وجدناه بالفعل في نفس المكان و بنفس وضعية الصورة (مقيد الأرجل) في ساحة الخلوة .
ثانيا : الأخ خالد لم يتحرى الحقيقة فيما ذكر ، و ذلك لأنه لم يلتقي القائمين على أمر هذه الخلوة من مشايخ و مدرسين و غيرهم ، و روايته عن أسباب تقييد الطفل مقدوحة .
ثالثا : قمنا بالتحدث مباشرة مع الشيخ الرفاعي و هو رجل متعلم و مهذب جدا و أحد حملة القرآن الكريم – حفظهم الله – و القائم على أمر هذه الخلوة و نفى نفبا قاطعا أن يكون تقييد الطفل قد قرر من قبل إدارة الخلوة ، بل بطلب و إصرار من أهل الطفل الذين هم ولي أمره (والده) و بإقرار من والدته الذين أصرا على تقييده –بل و أحضروا القيد بأنفسهم ....
رابعا : رغم تحفظهم -أهل الخلوة- على مبدأ التقييد إلا أنه و حسب كلام الشيخ الرفاعي وارد في منهج أهل الصوفية الذي إستدل بتقييد الفرزدق بن علي إبن أبي طالب لنفسه حتى يحفظ القرآن و كذلك إرسال الشيخ أزرق طيبة لولده عبدالباقي للشيخ الطيب ليقيده حتى يحفظ القرآن و غيرها ...
خامسا : نفى الشيخ الرفاعي بشدة أنهم في الخلوة يتبنون منهج التقييد أو ينتهجونه - بل و عارضه بشدة – إلا أنهم يتضطرون إليه بناء على رغبة أولياء أمر الطلاب ، أو للتأديب نتيجة لشذوذ من قبل الطالب (وحتى هذه لا تتم إلا بقبول ولي أمر الطالب و موافقته كليا) و كان ذلك في حالات نادرة جدا كما ذكر الشيخ .
سادسا : قابلت بالأمس والد الطفل –الذي هو ولي أمره- و أقر أن التقييد جاء بناء على طلبه بل و إصراره على ذلك ، و أنه قام بذلك لأن إبنه –كما ذكر- كان غير حريصا على الدراسة في المدرسة و لم يكن منتظما فيها بل كان كثير الغياب ، و لم يبدي أي رغبة في مواصلة تعليمه ، فكان خيار الخلوة هو الأنسب (حسب وجهة نظره) و لما لم ينتظم إبنه في الخلوة أيضا و صار كثير التغيب منها ، و ضبط أكثر من مرة و هو يتجول في الأسواق : لذا كان التقييد الأسلوب الأنجع في تأديب الطفل و ترشيده (حسب وجهة نظره)
سابعا : بيئة الخلوة و الجو العام فيها جو روحاني جميل جدا ، وهي في تقديري من الخلاوي المميزة و التي تخرج منها عدد كبير جدا من المشايخ و حملة القرآن الذين تزين صورهم جدران مكتبة الخلوة ، و قد شهدنا بعد صلاة المغرب إصطفاف الطلاب في حلقات منظمة و منتظمة و هم يرددون آيات الله و حولهم مشايخهم يقومون بدورهم في تصحيحهم و مراجعة ما يحفظونه و تلقينهم اللوح تلو اللوح و الآية تلو الآية ..
أخيرا : أخي خالد : أنت مطالب بالإعتذار لأهل هذه الخلوة فيما كتبت عنهم قبل أن تتحرى ، و قد وقفت بنفسك على معدن هؤلاء الرجال القائمين عليها –حفظهم الله و جعل ما يقومون به في موازينهم – و شهدت بنفسك المجهود الذي يقومون به في رعاية طلابهم و الإشراف عليهم و إطعامهم و وووو ....
الخلاوي القرآنية المفترى عليها ... خلوة الشيخ دفع الله نموذجا
فى امان الله
لا اله الا الله
|
Post: #56
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: Tabaldina
Date: 05-08-2007, 12:32 PM
Parent: #1
..
.
رغم الغياب ..
وعدم الالمام بتفاصيل الموضوع
ولكن على ما يبدو
قطعت جهيزة قول كل خطيب
( اللينك من الاخت بت الاحفاد وتحقيق خالد)
وشكرا لثقة الاخت القلب النابض ..
________________
نادر جرستك عينة .. ياخى العربات المكيفة دى
اتعملت لمنو لما لسخانة السودان ..
|
Post: #57
Title: Re: يا بورداب الخرطوم: مطلوب لجنة للتحقيق في مزاعم خالد بحر بشأن الخلاوي
Author: خالد علي محجوب المنسي
Date: 05-08-2007, 03:36 PM
Parent: #56
الفاضلة/ بنت الأحفاد
بعد السلام عليك
جزاك الله كل خير ... ونرجو من الأخوة عدم التسرع في الحكم قبل التروي والتأكد ملابسات الخبر
ولك التحية والاحترام بنت الاحفاد
خالد محجوب
|
|