Post: #1
Title: يا دكتورة بيان...ألزمي حدودك..!!!
Author: mamkouna
Date: 05-04-2007, 10:46 AM
متذكرة يا بيان كلامك دا...؟؟!!!
Quote: يا ممكونة
امبارح القريبة
صاحبنا حكى قال
في زول كدا معروف
قاعد في جلسة معاه ناس وزوجته قاعدة جابو سيرة زول
قاليهم والله الزول دا مرتي دي تفهم هو ما يفهم...
اها اسع دحين اسحبي الترشيح دا
لانه في السودان الراجل الضاافر مرتو هو البفوز
يقولو افو هو مرتو ما قادر عليها يجي يقدر يبقى رئيس..
اها عشان الممكون يفوز ويظهر يصورة الضافر,,
يقوليهم الكلام دا بسيط جدا على بالطلاق ممكونة دي تفهمو.. |
المصدر:-
فخامة الرئيس...معاليٌ الوزير...زوجيٌ العزيز..!!
|
Post: #2
Title: Re: يا دكتورة بيان...ألزمي حدودك..!!!
Author: mamkouna
Date: 05-04-2007, 10:49 AM
Parent: #1
تصدقي يا دكتورة..
أنا و إنتي قايلين المُشكلة محلٌية..
أتاريها...
....
.....
قلوبال..!!!
|
Post: #3
Title: Re: يا دكتورة بيان...ألزمي حدودك..!!!
Author: mamkouna
Date: 05-04-2007, 10:51 AM
Parent: #2
دكتورة بيان..
و كل الممكونات الصابرات..
Know Your Limits
و ...ألزموا حدودكن..!!!
http://www.glumbert.com/media/women
|
Post: #4
Title: Re: يا دكتورة بيان...ألزمي حدودك..!!!
Author: bayan
Date: 05-04-2007, 11:00 AM
Parent: #2
ما دا الخلانا يا ستي
نؤمن بالمتافزيقية والكلام الذي يحسب عند الماديين حجا
الضكور منحدرين من حتة واحدة
ابونا آدم السواها فيهم رقدت..
ما سمعتي بالاشاعة الطالعة الايام دي عفيت من الجندريات
لقن الخبر اللكيد
قالو والله يكفينا شر قالو
انه الاصل هو الانتاية والاتخلقت اول هي الانتاية
ولكن قيل انه قيل لانتاية تقرضي على كدة..
واوهمو الضكر انه هو الاصل
محافطة على "الايقو" بتاعو*1...
لكن يا ممكونة ما وقفتي قلبي
قلت حتى اي تو يا بروتس!
كدي النشيل نفس ونجيك..
* لاستزادة مراجعة كتاب الكهف الجندري في حكاوي الانتاية والضكر لبيان..
|
Post: #6
Title: Re: يا دكتورة بيان...ألزمي حدودك..!!!
Author: bayan
Date: 05-04-2007, 11:10 AM
Parent: #4
تعرفي انا حادعم الممكون للاخر عشان يفوز
عشان اجي ازوركم في القصر الجمهوري
نفسي اشوفو من جوة واعرف
الضكور ديل بتقارضو ويتحارب فوق كم,,,
اول لقاء عام للممكون مع الجماهير التى يعلكها دولاب نار
لازم يجي لابس جلابية مواصفاتها كالاتي
بيضاء وفيها صعوت نازي في منطقة الجيب..
وشايل معاه عكاز
اها انتى تتحنني وتلبسي سمح
وتمثلي الجميلة خالية الذهن..
اها الممكون يجي يخطب
يستخدم لغة مفوهة
وكل مرة يلكدك بالعكاز
الكلام دا مرتي دي تفهمو..
ولو فتحتي خشمك يقول
المرة خشمها بس للاكل ما لحاجة تانية
وعلى اللطلاق مرتي
تفتحو ساكت لغير الاكل
الا العكاز دا ياباها..
بكدا يضمن كل الذين في ذلك المهرجان حيدوه صوتو..
ويقولو عفيت منه شوفتو مادب مرتو كيف
دا ياهو البقدر يحكم السودان..
|
Post: #7
Title: Re: يا دكتورة بيان...ألزمي حدودك..!!!
Author: bayan
Date: 05-04-2007, 11:10 AM
Parent: #4
تعرفي انا حادعم الممكون للاخر عشان يفوز
عشان اجي ازوركم في القصر الجمهوري
نفسي اشوفو من جوة واعرف
الضكور ديل بتقارضو ويتحارب فوق كم,,,
اول لقاء عام للممكون مع الجماهير التى يعلكها دولاب نار
لازم يجي لابس جلابية مواصفاتها كالاتي
بيضاء وفيها صعوت نازي في منطقة الجيب..
وشايل معاه عكاز
اها انتى تتحنني وتلبسي سمح
وتمثلي الجميلة خالية الذهن..
اها الممكون يجي يخطب
يستخدم لغة مفوهة
وكل مرة يلكدك بالعكاز
الكلام دا مرتي دي تفهمو..
ولو فتحتي خشمك يقول
المرة خشمها بس للاكل ما لحاجة تانية
وعلى اللطلاق مرتي
تفتحو ساكت لغير الاكل
الا العكاز دا ياباها..
بكدا يضمن كل الذين في ذلك المهرجان حيدوه صوتو..
ويقولو عفيت منه شوفتو مادب مرتو كيف
دا ياهو البقدر يحكم السودان..
|
Post: #5
Title: Re: يا دكتورة بيان...ألزمي حدودك..!!!
Author: abubakr
Date: 05-04-2007, 11:07 AM
Parent: #1
| Quote: Re: يا دكتورة بيان...ألزمي حدودك..!!! (Re: mamkouna) |
الحمدلله طلع ما بخرع ( يخوف بلغة الاعراب) ؟؟
الواحد حكاية "الحدود" مخوفاهو بشان كدة ما فكر الا في الخوف ؟
بالمناسبة ما في مصطلح بالعربي ساهل لل Gender الموضوع مهم ويمس حيلتنا يوميا ولازم يكون له اسم باللغة البنتكلم بيها ( اسف تتكلم بيها الغالبية انا رطان )
|
Post: #9
Title: Re: يا دكتورة بيان...ألزمي حدودك..!!!
Author: bayan
Date: 05-04-2007, 11:15 AM
Parent: #5
ابو بكر يا صديق
الجندر مقابله النوع بالعربية..
ولكن كلمة جندر الانجليزية كمصطلح
تعني الثلاثة انواع الرجل والمرأة و الرجل المحبوس في جسد امرأة
والامرأة المحبوسة في جسد رجل..
دارت نقاشات جميلة جدا هنا حول المطصلح وتحاميله الغربية.ز
بحاول اجيبها ليك..
دا كلام مبتسر اسع ينط زول يخرمج البوست دا في مداخلات
ما عندها معنى..
مودتي
|
Post: #8
Title: Re: يا دكتورة بيان...ألزمي حدودك..!!!
Author: abubakr
Date: 05-04-2007, 11:15 AM
Parent: #1
| Quote: عشان اجي ازوركم في القصر الجمهوري |
يعني ما في القصر الجديد اب عشرة مليون دولار هدية من الصينيين واللا دة حيكون قصر الوليدات ؟
انا عايز المراة رئيسة للبلاد مش من قصر ومكان محدد لكن من كل البيوت والمدارس وكل الاماكن .. دة هو الحل الوحيد لمعضلة بلدنا ...
|
Post: #13
Title: Re: يا دكتورة بيان...ألزمي حدودك..!!!
Author: Muna Khugali
Date: 05-04-2007, 12:46 PM
Parent: #8
أنا ذاتي شفت العنوان وقلبي قرب يقيف..
قلت خلاص الموجه بدت واتنين كبار هايبدو القيم game..
لكن الحمد لله جات سليمه..
ولو علي الرجال والتزام الزوجات بالحدود هين..فاثوره اندلعت..ما من دلع!
طيب كيف بأمر بني آدم مذكر عاقل..بني آدم مؤنث عاقل بالألتزام بما يراه هو وحده الذي يجب
أن يتبع؟
توزيع الأدوار و"المسئوليات" علي أساس الجندر...
.....
.........
............
سي يو
|
Post: #15
Title: Re: يا دكتورة بيان...ألزمي حدودك..!!!
Author: bayan
Date: 05-04-2007, 01:29 PM
Parent: #13
| Quote: ولو علي الرجال والتزام الزوجات بالحدود هين..فاثوره اندلعت..ما من دلع |
!
تعرفي لما الثورة تندلع ...الله يكون في عون الجماعة...
Quote: أنا ذاتي شفت العنوان وقلبي قرب يقيف..
قلت خلاص الموجه بدت واتنين كبار هايبدو القيم game.. |
عندي واحد صديق كدا قالي عمل رسم بياني للهيجات ضدي في المنبر
اكتشف انها بتكون بين فبراير و ابريل
بعداك بين شهر 8 و 12.
اسع حقت ممكونة جات على السليم لانه مايو دخل
الفات جا بمارجنال يوم حيث كان اول مايو
وطوالى مشى الكوشة محل سيدو..
مودتي ليك...
لازم تجينا تردحي جندريا هنا..
|
Post: #11
Title: Re: يا دكتورة بيان...ألزمي حدودك..!!!
Author: abubakr
Date: 05-04-2007, 11:32 AM
Parent: #1
Quote: عفواً ايها الجندر فقد اختلط الحابل بالنابل
ودا مهم جدا
شمار حااااااااااااااااار ماهو رأي الجندرية وجماعة الجندر
ودا برضو
الانتاية والضكر...مدارسة غير جندرية فى مسائل جندرية |
نجاة
شكرا كثيرا للاشارة الي الروابط اعلاه فالمحتوي ممتاز و زادتني معرفة .. في خضم ملاسنات كثيرة تفوت علينا مواضيع واسهامات ممتازة مثل هذه .. ارجو ان يتواصل الحوار هنا في نفس النسق معززا للفهم المتقدم الذي في تلك الروابط
|
Post: #12
Title: Re: يا دكتورة بيان...ألزمي حدودك..!!!
Author: bayan
Date: 05-04-2007, 11:45 AM
Parent: #11
| Quote: شكرا كثيرا للاشارة الي الروابط اعلاه فالمحتوي ممتاز و زادتني معرفة .. في خضم ملاسنات كثيرة تفوت علينا مواضيع واسهامات ممتازة مثل هذه .. ارجو ان يتواصل الحوار هنا في نفس النسق معززا للفهم المتقدم الذي في تلك الروابط |
تعرف يا اخي كانت الحوارات حقيقة جميلة
ومفيدة ومحرضة على القراءة..
كان لما يتكتب موضوع الناس ترجع للمراجع وتكتب
كان البورد معلم..
ولكن الان مع هرجلة الفراغ صارت الحوارات غير مفيدة..
ارجع للارشيف
تجد حوارات يشترك فيها كل الناس باختلاف افكارهم
دون محاكمات او بلطجة كما هو حادث الان..
|
Post: #14
Title: Re: يا دكتورة بيان...ألزمي حدودك..!!!
Author: jini
Date: 05-04-2007, 01:22 PM
Parent: #12
| Quote: Sure God created man before woman. But then you always make a rough draft before the final masterpiece. |
واهداء الى جندريات البورد
بيان وممكونة ومنى
جنى
|
Post: #16
Title: Re: يا دكتورة بيان...ألزمي حدودك..!!!
Author: abubakr
Date: 05-04-2007, 01:32 PM
Parent: #1
وممكن ان يعود كذلك بالاكثار من المفيد و تجاوز السئ حتي ولو كان فيه ما يشير الينا ليجرنا اليه.. هذا منتدي عام ولا يختلف في ذلك عن كل المنتديات العامة بكل اللغات.. ساحة واسعة ان زرعنا فيها شوكا ينمو وان زرعناه عنبا كذلك ينمو فللتشابك الايدي لنزرع كثيرا من العنب فيكثر ويذوق الجميع حلاوته فيكثر زارعوه وللنزع الاشواك لا نزيدها وهنا التحدي ...
|
Post: #19
Title: Re: يا دكتورة بيان...ألزمي حدودك..!!!
Author: bayan
Date: 05-04-2007, 01:53 PM
Parent: #16
| Quote: وممكن ان يعود كذلك بالاكثار من المفيد و تجاوز السئ حتي ولو كان فيه ما يشير الينا ليجرنا اليه.. هذا منتدي عام ولا يختلف في ذلك عن كل المنتديات العامة بكل اللغات.. ساحة واسعة ان زرعنا فيها شوكا ينمو وان زرعناه عنبا كذلك ينمو فللتشابك الايدي لنزرع كثيرا من العنب فيكثر ويذوق الجميع حلاوته فيكثر زارعوه وللنزع الاشواك لا نزيدها وهنا التحدي ... |
شكرا ليك يا ابو بكر
وربنا يخلينا عن حسن الظن.. امشى اتجول في البورد ستجد انني
توقفت عن الرد على ناس معينين...
العافية درجات..
|
Post: #17
Title: Re: يا دكتورة بيان...ألزمي حدودك..!!!
Author: abubakr
Date: 05-04-2007, 01:41 PM
Parent: #1
Quote: توزيع الأدوار و"المسئوليات" علي أساس الجندر...
..... |
اها يامني
ما توزعي الادوار بشان نشوف ديموقراطية كيف ؟
|
Post: #18
Title: Re: يا دكتورة بيان...ألزمي حدودك..!!!
Author: bayan
Date: 05-04-2007, 01:49 PM
Parent: #17
Sure God| Quote: created man before woman. But then you always make a rough draft before the final masterpiece. |
جني يا صديق بالتواتر
نحنا قافلين على الشمارات الجديدة.. حقت اننا الاصل
اي رشاوي ما بنقبلها... تاني دقيس بكلام ذي دا مافي
الثورة انطلقت.....
نحنا الاصل وخلاص...
معزة
|
Post: #20
Title: Re: يا دكتورة بيان...ألزمي حدودك..!!!
Author: jini
Date: 05-04-2007, 03:03 PM
Parent: #18
| Quote: الثورة انطلقت..... |
الله يقدركم!
نحن اصلنا بتبكينا الريشة!
عارفة الثورات دواها
الطلقات!
طلقة طلقة طلقة الليل نعدو!
الطلقات دى بينونة كبرى موش بمبان!
ودى ومعزتى
جنى
|
Post: #21
Title: Re: يا دكتورة بيان...ألزمي حدودك..!!!
Author: Elawad Eltayeb
Date: 05-04-2007, 03:16 PM
Parent: #18
Quote: الضكور ديل بتقارضو ويتحارب فوق كم,,,
|
واحد صاحبي قال: (أي مشكلة في الدنيا سببها إمرأة أو قروش)
وأنا إكتشفت إنو أي مشكلة في القروش سببها... إمرأة!
لكن الدنيا بدون مشاكل ما عندها أي طعم.
|
Post: #22
Title: Re: يا دكتورة بيان...ألزمي حدودك..!!!
Author: bayan
Date: 05-04-2007, 03:32 PM
Parent: #21
| Quote: وأنا إكتشفت إنو أي مشكلة في القروش سببها... إمرأة! |
والله بس ضكور مجحفين لا غير...
حسب القروش الموفرينها ليكم وشوفو القروش البتصرفوها علينا
موش قالو في واحد عرس مدبرة المنزل عشان ما يدفع ليها..
اها ما ياهو ديل نحنا ذاتنا مدبرات المنزل الملح..
| Quote: لكن الدنيا بدون مشاكل ما عندها أي طعم. |
لما تزيد بتكون مالحة شديد..
ومودتي
|
Post: #37
Title: Re: يا دكتورة بيان...ألزمي حدودك..!!!
Author: محمد المختار الزيادى
Date: 05-06-2007, 07:25 AM
Parent: #18
شكله زي دي سمحه وانحنا ناسا الموضوع جميل ويجب ان يتواصل ويتم تناوله بموضوعيه اكثر قرأت كثير عن موضوع الجندر دا ولكن دائما ما تستوقفني نقطات فاصله في تاريخ البشرية والنساء خصوصا وهي ماقاله حبيبنا وسيدنا محمد (ص)في حق المرأة نعم تعاني المرأة في مثل مجتمعاتنا سميها كيفما شئت العالم الثالث اسلامية الخ..وكذلك في الغرب وامتهانها يختلف من شكل لاخر ومن طريقة لاخري والصراع مستمر علي المستوي الجدلي والتناقضات اذن علينا ان نأخذ من كل طرف ما هو منسجم ونتخطي ما هو متناقض لنصل لملئ كثير من النصوص التي فرغت من جوهرها ومحتواها حتي في مجتمعاتنا الاسلامية والاخذ والرد في موضوع الجندر يصطدم دائما بين رؤي اليمين المتزمت والعلمانين والاثنين لا يمثلا رأي واغلبية مجتمعاتنا اذن هناك صوت وسطي جهور عليه ان يبادر وبقوة وهو يمثل الغالبية الساحقة في كل هذه المجتمعات ليخرج بالمرأة من فكي غلو الفكر والتطرف والانحلال والاباحية.. قلتي لي الثورة بدت يا دكتوره بيان اها واحده من بنات افكاري سمعت بيان ثورتكم الاول وقالت والله العظيم حنك حنكين من ادم لحواء وماهي الا ثواني وتقع حواء صريعه من كلمات ادم الانيقه والمذدانه بكميات من الادميه تكفي لصهر اقوي سبيكه من الحديد ومعادن اخري لاقبل لنا بها ولا توجد الا عند الامريكان المهم قلتا ليها الحل شنو يا بت افكارنا والثورة دي هتافاتها تقد الارض قالت لي والكلام لبتنا ستظل حواء حواء بالقها الذي لا يتناهي وقهرها الانثوي وادم ادم بحنكه واندياحته اللغوية الجبارة وستظل الاحاسيس هي الاحاسيس والمشاعر هي المشاعر اها لما لقيتك الونسه حلوه مع بت افكارنا دي قلتا ليها اها الثورة دي الحاصل عليها شنو قالت انسي انسي ماتشوف الشعارات دي تقوم ثورة وتنطفي اخري وادم ادم وحواء حواء
|
Post: #23
Title: Re: يا دكتورة بيان...ألزمي حدودك..!!!
Author: الطيب بشير
Date: 05-04-2007, 03:34 PM
Parent: #1
ممكونة "المجنونة"!!
يعني هسع مافي شكلة؟
زمان يا بيان كان عندنا دفعتنا في الإبتدائي لمن المشكلة تبرد بيسأل:
يا جماعة دايرين تتشاكلوا ولا نمشي أهلنا؟؟
هسع دي what the hek is going on over here?
|
Post: #24
Title: Re: يا دكتورة بيان...ألزمي حدودك..!!!
Author: abubakr
Date: 05-04-2007, 03:47 PM
Parent: #1
| Quote: يعني هسع مافي شكلة؟ |
يااخي انت مش رجل امن من الزمن الجميل مالك داير تتعادي ببتاعيين البومبان وامن الكلام والمجتمع والصحافة والحبس الاحتياطي ؟
|
Post: #25
Title: Re: يا دكتورة بيان...ألزمي حدودك..!!!
Author: mamkouna
Date: 05-04-2007, 03:59 PM
Parent: #1
بيان..
كتبت البوست دا و مشيت عملت كم مشوار..
جيت لقيت عدد زواره 467 !!!
صدقي..
آمنت بيك.. !!!
|
Post: #26
Title: Re: يا دكتورة بيان...ألزمي حدودك..!!!
Author: bayan
Date: 05-04-2007, 04:11 PM
Parent: #25
الطيب نسالك دا كلام الطيب بشير ولا جنابو..
لانه الجناوبيات ديل جنهم شكل,,
ما تمشي بيتك تعال اتجندر هنا..
الشكلة حتدور حتدور..
|
Post: #27
Title: Re: يا دكتورة بيان...ألزمي حدودك..!!!
Author: mamkouna
Date: 05-04-2007, 04:11 PM
Parent: #25
| Quote: بالمناسبة ما في مصطلح بالعربي ساهل لل Gender الموضوع مهم ويمس حيلتنا يوميا ولازم يكون له اسم باللغة البنتكلم بيها ( اسف تتكلم بيها الغالبية انا رطان ) |
باشمهندس أبوبكر..
شرٌفت البوست و نوٌرته..عارف ليه؟
لأنك من الرجال القلائل البيحترمو المرأة و عقلها ..دون زيف أو تمثيل.
عارف ليه برضو؟
لأنك نوبي..
و تنحدر من حضارة تحترم المرأة قولاً و فعلاً..
حضارة كانت كما درسنا في الأنثروبولوجي...أمومية..أو matrilineal ..يعني السطوة و النفوذ فيها للأم و المرأة بصفة عامة..
إنت أكيد عارف إنو حتى اليوم ما زال الحلفاويين بينادوا بعضهم بإسم أمهاتهم..
محمد حميدة
جلال نفيسة
ياسر فريدة
ضياء سامية!
و صاحبنا ....
أسامة فتحية .
بالنسبة لسؤالك عن الجندر..أحوٌلك للبوست التالي و هو من أحبٌ بوستاتي إليٌ..
(( مُش فيهو my love story )) ??!!!!
جندر فكلام فموعد فزواج
|
Post: #28
Title: Re: يا دكتورة بيان...ألزمي حدودك..!!!
Author: mamkouna
Date: 05-04-2007, 04:33 PM
Parent: #27
Quote: قالو والله يكفينا شر قالو
انه الاصل هو الانتاية والاتخلقت اول هي الانتاية
ولكن قيل انه قيل لانتاية تقرضي على كدة..
واوهمو الضكر انه هو الاصل
محافطة على "الايقو" بتاعو |
محافظةً على الإيغو بتاعو
+
تسخيرها ل خدمته!!!
|
Post: #30
Title: Re: يا دكتورة بيان...ألزمي حدودك..!!!
Author: Nasser Mousa
Date: 05-04-2007, 04:54 PM
Parent: #27
الاخت / mamkouna
السلام عليكم ورحمة الله وبركاته
Quote: لأنك نوبي..
و تنحدر من حضارة تحترم المرأة قولاً و فعلاً..
حضارة كانت كما درسنا في الأنثروبولوجي...أمومية..أو matrilineal ..يعني السطوة و النفوذ فيها للأم و المرأة بصفة عامة..
إنت أكيد عارف إنو حتى اليوم ما زال الحلفاويين بينادوا بعضهم بإسم أمهاتهم.. |
الكلام الفوق ده هل صحيح
يعني قصدك النوبيين ضحايا المراة
من غير زعل فقط مجرد سؤال
ودي واحترامي
ناصر موسى
|
Post: #32
Title: Re: يا دكتورة بيان...ألزمي حدودك..!!!
Author: بشير جبريل علي
Date: 05-04-2007, 08:06 PM
Parent: #25
Quote: كتبت البوست دا و مشيت عملت كم مشوار..
|
إنتي شغالة تكاسية يا ممكنونة ..
ــــــــــــــــــــــــــــــــــ
تصدق .. يا إبني 000 الطيب بشير أنا ذاتي أصبت بإحباط لمن لقيت مافي شكلة حقيقية
تحياتي وتقديري لكم جميعا..
بشير
|
Post: #34
Title: Re: يا دكتورة بيان...ألزمي حدودك..!!!
Author: bayan
Date: 05-05-2007, 05:46 AM
Parent: #25
امال ايه؟
اسع بوست الكودي اتسحب عامل 1300 نقرة في يوم عشان اسمي فيه
وبوستو التاني ما وصل 600 في اربعة يوم..
انا تاني حاجر اسمي دا..
|
Post: #29
Title: Re: يا دكتورة بيان...ألزمي حدودك..!!!
Author: abubakr
Date: 05-04-2007, 04:36 PM
Parent: #1
| Quote: حضارة كانت كما درسنا في الأنثروبولوجي...أمومية..أو matrilineal ..يعني السطوة و النفوذ فيها للأم و المرأة بصفة عامة.. |
شكرا عزيزتي ممكونة ..ما زال للمراة موضعا مقدرا وسط النوبيين ..ما زال النداء باسم الام امر شائعا وفيه كثير من التكريم والحميمة ..فمن يناديني بامي يعني انني قريب من قلبه وذو خصوصية لدبه .. ما زالت امهاتنا محور قيادة اسرنا .. قرارت رجال النوبة لا تمر دون ان تختم بموافقة المراة ...وبالتالي فالرجل النوبي-وفق تجربتي- شريك لزوجته دون سطوة واستعلاء ..وبقدر ما استفادت النوبة قديما من ذلك الا ان النوبة فقدت كثير من اراضيها عندما تزوج غير النوبيين نوبيات وبالتاالي ورثو منهن الارض( فالتوريث في النظام الامومي يورث المراة ) ولكن وفق قراءاتي كان الزوج الغير نوبي يقابله شرط فيه كثير من التحدي او الصعوبة وهو ان يتحدث بالنوبية ( يرطن) وهكذا بقيت الرطانة رغم اختلاط وتزاوج مع اجناس اخري ( اتراك - البان- صرب- بوسنة- مجراب -عرب - افارقة (تكاريين/فولانية)-قبائل سودانية اخري..
ولذا موقفي هو الذي ولدت عليه وعايشته حيث الانثي شريكتنا في اللعب ورعي الاغنام وفي الافراح والاتراح والمدرسة والسياسة والمظاهرات وووو...وعند الزواج شريكة في كل شئ وحتي ولو كانت زوجتي غير نوبية لكان موقفي هو ذاته فانا لم اعرف و اتعود علي شئ غير ذلك ...
|
Post: #31
Title: Re: يا دكتورة بيان...ألزمي حدودك..!!!
Author: abubakr
Date: 05-04-2007, 06:18 PM
Parent: #1
Quote: الكلام الفوق ده هل صحيح
يعني قصدك النوبيين ضحايا المراة
من غير زعل فقط مجرد سؤال |
وليه الزعل ...
اذا كنت انت ضحية امك واخواتك وكل نساء اسرتك واحبائك وزوجتك وبناتك -ان كنت متزوجا والا في المستقبل انشاء الله- فنحن -النوبيون - كذلك ...ان تكون ضحية خير وجمال حق فهي ضحية بهية
لك مودتي
الرطان ابوبكر
|
Post: #33
Title: Re: يا دكتورة بيان...ألزمي حدودك..!!!
Author: خالد علي محجوب المنسي
Date: 05-04-2007, 09:20 PM
Parent: #31
الأخت الفاضلة/ الممكونة وصابرة ومتصبرّه ومصبرّه المعاها
لك التحية والمودة
والله قريت العنوان ودخلت وقلت الليلة تجزي لي شعر بيان دي ... وجبتا معاي الشامبو عشان أبل ليك راسها وانت تمعطي ليها
بس خاب املي الجيت شاليو
المهم بركة الجات علي كده ومافي ندامة
وتحياتي الشديدة لبيان
خالد محجوب
|
Post: #35
Title: Re: يا دكتورة بيان...ألزمي حدودك..!!!
Author: mamkouna
Date: 05-05-2007, 11:29 AM
Parent: #1
Quote: طيب كيف يأمر بني آدم مذكر عاقل..بني آدم مؤنث عاقل بالألتزام بما يراه هو وحده الذي يجب
أن يتبع؟ |
العزيزة منى خوجلي...
سؤالك دا هو (( المحك )) و أعتقد إنو الإجابة عليهو سهلة جداً جداً
و هي:
هذا البني آدم المذكر العاقل لا يرى أن من يأمره أو يُخضعه أو يُسيطر عليه هو..
بني آدم مؤنث عاقل!!!
as simple as that ..!!!
أهدي ليك بالمناسبة دي مقولة من تأليفي ..وصلت ليها بعد تجارب شخصية و دراسات إكاديمية و بحوث جندرية....
بتقول..
من يُحجِم المرأة...يخاف أن تفُوقَه حجماً...!!
|
Post: #36
Title: Re: يا دكتورة بيان...ألزمي حدودك..!!!
Author: bayan
Date: 05-06-2007, 05:01 AM
Parent: #35
| Quote: من يُحجِم المرأة...يخاف أن تفُوقَه حجماً...!! |
عشان كدا من اللول المرأة العندها حجم كبير تشوف ليها حجم كبير
عشان اصلو ما يفتكر انها حتفوتو ويخاف على رويحتو..
|
Post: #38
Title: Re: يا دكتورة بيان...ألزمي حدودك..!!!
Author: محمد حسن العمدة
Date: 05-06-2007, 10:46 AM
Parent: #36
| Quote: تعرفي لما الثورة تندلع ...الله يكون في عون الجماعة... |
غايتو يا ممكونة دقستينا ساي ياخ
قلنا نشوف الدواس حق الاناتي ده كيف
الدواس رحمة والموت عند الله
|
Post: #39
Title: Re: يا دكتورة بيان...ألزمي حدودك..!!!
Author: عبدالمنعم خيرالله
Date: 05-06-2007, 01:31 PM
Parent: #38
والله يا دكتورة بيان محل ماا قبل
الاقيكى ,اها ده فى البورت كده ,ولمن نخلص
الموضوع اياهو (اها كيكيف نسوى زى ما بيقولوا اهلنا الكردافة)
ده ما حيكون حصار من كل الاتجاهات والواحد لو دايير يتنفس ساكت
فى البورت من الاناتى زى ما بيسوى دكتور واحد اخونا كده(زوجتى قاتلة
وزوجتى شنو كده ما بعرفو)يجى يلاقيكى وش (بكسر الواو)
|
|