Post: #1
Title: البورد ده جاب لينا شحتافت الروح وخمة النفس
Author: abas
Date: 05-02-2007, 09:57 AM
من الصباح الواحد عاوز يشرب بيه شاي الصباح
اول ما يجي داخل المكتب يلاقيه قافل
روحك تتشحتف ونفسك يتخمي
الشاي زاتو يطير ليك من راسك
تقعد تهرج بس
الشغل تركيز مافي
غايتو الله يكون في عونا ماعك يا برود
ده حالي انا انتو حالكم كيف
|
Post: #2
Title: Re: البورد ده جاب لينا شحتافت الروح وخمة النفس
Author: Randa Hatim
Date: 05-02-2007, 10:00 AM
Parent: #1
مع شحتافت الروح وخمة النفس فى هفهافه كمان !!!!
|
Post: #4
Title: Re: البورد ده جاب لينا شحتافت الروح وخمة النفس
Author: abas
Date: 05-02-2007, 10:20 AM
Parent: #2
العزيزة رندا
تحياتي
مع شحتافت الروح وخمة النفس فى هفهافه كمان !!!!
لكن الهفهافه دي شنو بيني بينك
|
Post: #6
Title: Re: البورد ده جاب لينا شحتافت الروح وخمة النفس
Author: Randa Hatim
Date: 05-02-2007, 10:29 AM
Parent: #4
الهفهافه دى يا ود امى "على قول خالتى الله يطراها بالخير" بت عم الشحتافه
بس دى بيكون معاها زهج وحراق روح .. بعرفوها القطانه وبالذات ناس الحى الاول ..
خالتى دى يا عباس جبناها قطر هنا للعلاج وهى زوله لذيذه وتنفع ممثله قمنا وديناها لى المستشفى الدكتور اردنى "طبعا دا بى طلب خاص منها انو يكون اردنى لانو حسب فهمها الاردنيين شاطرين" المهم يا سيدى دخلناها للدكتور راجل طيبان سلم عليها "اهلين ياحاجه ما تشوفى شر خير ايش بك" قالت ليهو " والله يا جنا حشاى انا بضيق ضيق فى الدنيا دى تجينى قبضه شديده هنا "وعصرت منطقة معدتها بى ايدها" لمان يا ولدى روحى دى تتشحتف وتحرقنى وتجينى ليك جنس هفهافه فى الدنيا دى ... روحى دى تهفهف وجسمى يترقط زى القصبه ظنيت يا ولدى ان ما بصنقر فى بطن العنقريب اقع فى الواطه" طبعا الراجل كان فاتح خشمو وفى النهاية طلب نترجم ليه.......
|
Post: #7
Title: Re: البورد ده جاب لينا شحتافت الروح وخمة النفس
Author: abas
Date: 05-02-2007, 10:46 AM
Parent: #6
العزيزة رندا
والله خالتك حكايتها حكاية
الكويسه ما قالت ليه قعورد
|
Post: #3
Title: Re: البورد ده جاب لينا شحتافت الروح وخمة النفس
Author: Alshafea Ibrahim
Date: 05-02-2007, 10:16 AM
Parent: #1
وظاهرة بوستات الشتم والفضائح أنت لص وأنت سارق وأنت كوز وأنت جلابي وأنت غرابي وأنت وأنت - تصل مرحلة التلفظ بالفاظ لا تليق بعاقل البتة - وبعدين بوستات العذر - سبحان الله - الصفحة الأولى - ما تلقى فيها بوست تشرب بيهو الشاي
الله يكون في عون أخونا بكري ، وناس قريعتي راحت (البدون تصنيف ) الباحثين عن القلم والفكر الرصين في السياسة والاقتصاد والعلوم ، والفن وغيره
الشفيع
|
Post: #5
Title: Re: البورد ده جاب لينا شحتافت الروح وخمة النفس
Author: abas
Date: 05-02-2007, 10:24 AM
Parent: #3
الحبيب الشفيع
دي بالزات البتجيب خمة النفس
الشتائم والمشاكل
شكرا ليك وعلي شعورك النبيل
|
Post: #8
Title: Re: البورد ده جاب لينا شحتافت الروح وخمة النفس
Author: bayan
Date: 05-02-2007, 10:59 AM
Parent: #5
انا بيجيب لي النقطة..
اقول يا فتاح يا عليم يا رزاق يا كريم تسترنا
وجعلنا من بين اديهم سدا
يلا امشى بوست بوست
كع....
لازم يكون في زول فاتح لي بوست
موضوع جديد ولا موضوع ليه خرطومية سنة
بس مزاج كدا الا اعكنن على بيان دي
عشان رئيسي شاكلني ولا مرتي زعلانة مني ولا عقدي نهوه
ولا ولدي جا الطيش وكسر قزاز الجيران
ولا سكران عايز يفك سكرتو
ولا ادوه شاكوش
ولا مفلس
ولا زهجان
ولا ساكت كدا شر وآر
الله يستر دينق ما يدوه شاكوش وربنا يتمم على خير
يارب العالمين دينق الحسناء التى احب
ما تشروا لانه حيفتح لي الصفحة الاولى كلها..
لو انت بتشحتف نحنا بنتنقط..
|
Post: #9
Title: Re: البورد ده جاب لينا شحتافت الروح وخمة النفس
Author: abas
Date: 05-02-2007, 11:08 AM
Parent: #8
العزيزة الدكتور بيان
لازم يكون في زول فاتح لي بوست
موضوع جديد ولا موضوع ليه خرطومية سنة
بس مزاج كدا الا اعكنن على بيان دي
تسلمي انتي من البعكرو مزاجك يا رب
وربنا يبعدهم منك
ويبعدك من الشر
والنقطه دي ليها معاني نقطة العرس ولا نقطة البوليس
ولا نقطة الحرف ولا نقطة الناس الزهاجة
تسلمي يا ستي
|
|