صديقي الشيوعي المحترم (بكري علوم) يطلب العضوية يا باشمهندس بكري

عاصرته في جامعة الخرطوم .. أنا في الهندسة و هو في العلوم .. شاب مرتب هاديء و (نظيف) و متحدث لبق لا يلقي الحديث على عواهنه..حيث كان الكادر الأساسي للجبهة الديمقراطية في جامعة الخرطوم في فترة حساسة من تاريخها..

يصلي في المسجد .. و يحلف بالله .. و على خلق قويم..

لا يهاتر و لا (يشاتر) ..

هو الآن في السويد للماجستير.. كان من المداخلين الرئيسيين في قضية التحالف بجامعة الخرطوم كما في بوست خالد العبيد..

أعتقد أن عنده من الفكر و الثقافة و الأدب ما يشكل إضافةً مؤثرة لخط الحوار غير المتشنج في المنبر..
حيث كان طيلة حوارنا معه في منابر النقاش في الجامعة متحرياً للحجة و المنطق بعيداً عن الإسفاف..

أرجو أن يأذن له صاحب الحوش بالدخول عشان كل الحاجات الفوق دي و عشان اسمو (بكري)

سلام يا واثق وتحيات طيبة
لكن لقيتك بتعرف للتلج جد :-

Quote: و عشان اسمو (بكري)

أن بثني التذكية دي تثنية شديده
وياريت ياريت الراجل ده يجي هنا
اصلاً زماااانك كده كنت بسمع بكري ده
بيناقش بموضوعية ووضوح وعندو فهم للحاجات
البيناقش فيها وكمان لم يتكلم عن الاسلام السياسي
كان بيكون واضح وموضوعي خالص خالص ياريت يصل هنا.

سلام يابركي وتقدير
شكراً يالواثق.

أشكرك يا سفيان..

طبعاً المقام مقام تكسير تلج

شهادتك عن الرجل غير مجروحة..

كلامه عن الإسلام السياسي كنا نتلقاه بصدر رحب لأنه بعيد عن الإسفاف فلغة الحوار البناء كانت هي السائدة و أرجو أن يأتي هنا لنكمل حواراً قطعه تعاقب السنين و تباعد المسافات..

تحياتي لك و له و لبكري أبوبكر ظاااتو

i agree that we need bakry sedig here as one of the logical voices


athiny
f



fooooooooooooooog

الأخ الواثق سلام
هذا هو السودان الذى كان والذى نتمني عودته سريعا
السوداني أنصارى السنة يطلب عضوية لزميل دراسة شيوعي
لمجرد السطر أعلاه وما ذكرته عن أبوبكر أرجو من أبوبكر
الآخر أن يجد له موقعا ضمن الذين لهم حق الأستثناء
وشكرا أخي الواثق علي هذه الشهاده
التي قدمتها لوجه الله لا كما تقال هي لله زورا وبهتانا

Quote: صديقي الشيوعي المحترم (بكري علوم) يطلب العضوية يا باشمهندس بكري

الاخ الواثق
طالما انه صديقك لابد ان يكون محترم
لذلك اثنى بشدة طلب عضويه صديقك على امل ان يتواصل نقاشكم حول الاسلام السياسى ونستفيد

يللا يا بكري علوم وعشان بكري علوم...

شكرا الواثق..

وانا ببصم بي العشرة
لانو الزميل ده عمل لي فلايت !!

وين طلال عفيفي ؟
مودتي يا بكري علوم
نشوفك قريب هنا

ندعمك ياالواثق لاحترامك للرأى الاخر وافساح الطريق له ...
مرحبا به

مدام مُصرين ، ما في مانع


يا ريت يا بكري أبو بكر تديهو فرقه معنا
وشكراِ ليك يالواثق ..

الواثق ..تحياتى ...

ياخى ماممكن تأجلو شويه ..الزول دا مستلف باسوورد
قوم المنبر وقعدو ..خلينا نهدى اللعب ونبقى حبايب
بعداك حبابو ..ولا انت ماعايز تهدئة اللعب دا ؟...

على العموم مرحب بكرى ودعلوم اضافه ثرة لهذا المكان ..
وكتر خيرك على روحك (السمحه ) دى ..

سلااام ...

صديقنا الجميل الواثق

انا أكثر سعادة بتزكية طلب انضمام الزميل بكري الذي عرفته منذ فترة عبر الرسائل التي كان يرسلها

لي لنشرها في المنبر حول مختلف المواضيع

وحقيقة احسدك في تقديمه للمنبر بهذه الاخلاق العالية، تمنيت أن أكون في مكانك

الصديق ابوبكر سيكون اضافة جيدة للمنبر بإذن الله

اليك ماخطه في حق الراحل عمر كانديك:

Quote: يا قمر انا ما بطولك الي عمر كانديك في عليائه لو عرفتموهو عن قرب لعشقتونه داخلية الاصيل الغرفة 10 الطابق الارضي تشاركها مرتضي الدابي و عمر كانديك و كثير من خلق الله، يدخلون و يخرجون يتقاسمون نبقة الصبر الجميل، تلك الغرفة كانت اشبه بالمسيد ياتيه الزوار من كل حدب وصوب لان اهل الغرفة مرتضي و كانديك اغنياء بالاصدقاء و عدته ذات يوم بان اوفر لهم مرتبة من غرفتنا في زمن كانت اقصي اماني الطالب الجامعي مرتبة يضع عليها جسده المنهك حتي الصباح! و عندما جاءني وجدني انتظره محرجا اعتذربان احد الاصدقاء قد تجّود بها لشخص اخر، تبدلت ملامحه الي ابتسامة وضّاحة و عريضـــــــــه و قال لي ما مشكلة يا اخي موش حلت مشكلة لي زول تاني!! و الله انا ذاتي لم تكن عميقة في داخلي معاني الايثار الي هذا الحد كنا نلتقي في الجامعة و الداخلية في الامسيات نتحلق حول صحن الفتة المسائي! يعلمك عمر كانديك مزيدا من الاهتمام بالاخرين يتفقد جميع الاصدقاء سائلا يا ناس اتعشيتو؟؟ارحكم معانا نتعشا!! يسال سائل في قروش؟ يجيب كانديك يا زول بي قدر الفي كل زول ياخد الفيها النصيب و بعد العشاء دئما ما تدور حوارات المثاقفة و كنت اميل الي فتح نقاشات معه في اغلبها ذات طابع فني او ادبي بعيدا عن السياسة و تعقيداتها يبهرك الرجل بمعارفة العميقة بالفلسفة، الادب، الشعر قديمه و حديثه حتي شعر الهمباتة و مناحات الحاجة شغبة ام محمود في رثاءها لابنها المقتول استفزازها لا اخوه الذي لا يود ان ياتي بثاره، حدثني كانديك عن كل ذلك كانديك مثال للسياسي الامين الذي يرتبط بقضايا الجماهير دون من او اذي و قد ضرب مثالا عميقا في هذا الارتباط برئاستة للجنة السكن الطلابية في الجامعة في العام 2001 تلك اللجنة التي تشكلت بمقترح من الجبهه الديمقراطية او بالاحري هي كانت خط سياسي للجبهة الديمقراطية لمعالجة مشكلات السكن الطلابي و ازماته انتخب عمر كانديك كطالب مستقل لرئاسة تلك اللجنة و كانت الجبهة الديمقراطية تدعم هذه اللجنة بشكل مباشر و كسبت بذلك موقعا وسط الطلاب رغم ذلك ظل عمركانديك ناشطا في اللجنة مع بقية الزملاء رغم اختلافه مع برنامج الجبهة الديمقراطية و لم يكترث للذين يقولون له انك اصبحت مطية للشيوعيين كان يقول: لهم السكن قضيه طلابية و بغض النظر عن من يدعمها او يتبناها فانا ادعم القضية العادلة حتي و ان كان المكسب السياسي عائد للجبهة الديمقراطية فمن يتبني قضايا الناس بالضرورة يكسبهم هذه صورة السياسي الذي بفرق بين الصراعات الحزبية و قضايا الجماهير كم احزنني من قبل موت القائد جون قرنق و ذلك لا احساسي العميق بارتباط هذا الرجل بقضايا الناس و همه في مسح دموعهم و الامهم و قلت لا اصدقائي هذه البلاد غير محظوظة! و هاهو راجل اخر من الرجال المهمومين بقضايا الناس يرحل باكرا ليتاكد عندي ان الاقدار تستهدف هذا البلد حدثته ذات مرة عن عشقي و ارتباطي باغنيات الحقيبة و خاصة اغنية الشال منام عينيي و فؤادي جارحوا، ابتسم و قال لي يا اخي دي نزعة ماضوية منك ساي!! الحاضر و المستقبل هما الاجمل، قابلت قوله ذلك بضحكة كبيره لهذه اللفته و قلت له انا لا ارفض الحاضر و لا المستقبل لكن هذا الماضي قويا و جميلا في ذاته لذلك يشكل حضوره فينا حتي الان كانديك رحيلك يا صديقي شال منام العين و جرح الفؤاد بكري صديق محمد صالح- السويد

العزيز محمد عبدالرحمن
تحياتي
وين الحي بيك؟
قبل ايام كنت اتحدث مع العزيز السمؤال وهو بخير

اما بخصوص

Quote: الزول دا مستلف باسوورد

ابدا يا محمد لم اسلفه اي باسوورد
تتم المراسلة بيني وبين بكري عبر ايميلي
واقوم بنقل مداخلاته الى البوست بيدي !
مودتي

أشكر جميع المثنين و المداخلين ..

و يعلم الله أنني ما شهدت إلا بما علمت عن الأخ بكري..

في انتظار قبول سيد الحوش

سلام علي الجميع
الواثق كيفك؟
شنو الزول ده لسع يزازي بي بره؟؟
يابكري ادي بكري باسويرد
واتفرج يا سلااااااااااااااام

يا ريت يا بكري تقبل بكري يجي بينا..علشان التنوع والفائده في النقاش لنا جميعا..

تحياتي..

الاخ الواثق
تحية طيبة

Quote: طالما انه صديقك لابد ان يكون محترم لذلك اثنى بشدة طلب عضويه صديقك على امل ان يتواصل نقاشكم حول الاسلام السياسى ونستفيد

..... اثـنـي دخـولـه لـثلاثـة اســـباب:
1- اولآ لانـه شــيـوعـي،
2- ثانيـآ لانـه تقـدم بطـلبه فـي اليوم الاول مـن مـايو " عـيـد العـمال"،

ثالثـآلانـه..... بكـري وكـمان عــلـوم.

اللـه زد مـن البكـور والبكريات!!!!!.

فوووووق

الـف مرحـب بكـرى .....
انا لو كنت مكان صاحـب الموقع كان إشترط عليك
تجـيب جدو مـصطفى اولا ..او مصعـب عمر هنا كشرط
للنـظر فى طلبك -عليك الله مش كان احـسن من الخموم
العامل إزعاج فى المنبر ده -انا حاولـت استدرج محمد
مصطفى لى هنا عـن طريق اخوه لكـن الود يقى صيدلى
كبير وكـده ما عندو طـريقـه كمـا يظهر لى ...
ويـا زول مرحـــب شـديد و منتظـرين إسهاماتك
_________________________
يـا عـاطف مكاوى المشـهد اجمل من الوصفتو إنت فـوق
خصـوصا إذا عـرفت انو الواثق ده ذاتو جاء بتثـنيه من وائل طـه محى الدين
____________
شـكرا كثيرا يا واثـق

ومن هو وائل طه محي الدين؟
معذرة يا وائل لم يكن لي شرف التعرف عليك.

وائـل ده (زول كويس شـديد )و احـد رموز نضال الطلبه
عـضـو المنبر -و عضـو إتحاد طلاب جامعـة الخرطوم للدوره الرابعـه على
التوالى وسكرتيره الإعـلامـــى و احـــد الذين يتهمـهم الجـهله بالتأمـر
فى تشكيل لجـنة الإتحـاد الحـالى ,اتمنى ان اكون وريتك هو منـو..
-انت علقـت بانـه مشهد جميل ان يرشح واحـد انصار سنه آخر شيوعى
وانا قـصـد انبهك ان المشهـد اجمل إذا عرفت انو السلفى هـذا نفسه
رشحـه لعضوية المنبر احد اشــد خصوم السلفيين واليمين عموما فى جامعـة
الـخــرطـوم.
تحياتى يا عاطف......وفى إنتظارك يا بكرى صـديق.

Quote: يصلي في المسجد .. و يحلف بالله .. و على خلق قويم..

!!

شكرا ودالنعيم وحقيقةسيكون لي
عظيم الشرف بالتعرف علي شخص هذه صفاته.

اؤيد طلب الاخوة والاخوات اعلاه
احتراما لما كتبه بكري عن القمر عمر كانديك
ولاشياء اخرى كثيرة .

اثـنـي ..


..

Quote: أعتقد أن عنده من الفكر و الثقافة و الأدب ما يشكل إضافةً مؤثرة لخط الحوار غير المتشنج في المنبر..حيث كان طيلة حوارنا معه في منابر النقاش في الجامعة متحرياً للحجة و المنطق بعيداً عن الإسفاف

لكل ذلك نثنى .. الا يااخ الصادق الجنى ده قلت شيوعى
عليك الله في داعى لكلمة شيوعى دى في العنوان
وله اخونا بكرى ده ما بيدى العضوية الا للشياطين الحمر
وبث

و الله يا سيف بكري أداني العضوية و أنا أنصار سنة..

أنا كتبت إنو شيوعي لأنه كادر سياسي لابد من تعريف نسبته و حزبه ليس إلا..




يا باشمهندس نظرة

اثني وجود بكري.

+

+

+

يا بكـرى ابوبكـر ...
مـازلنا منتظـرين ...

يا الواثق شنـو الحـكايه
اصـلو ما لقيت آيه ولا حـديث تكتبوا فى طلبك ده
يمـكـن تصـيب مـوضع لين عـند بكـرى ..!
وين الحـاجـات الكتيره الكنت قـاعـد تقـولهـا فى الاركان ديك..?

we still waiting for you Bakri Abubakr....

+

+

+

+

ya bakry sedig inta alkuj da ma 7yfikak kol kolo


fooog