وهل يسئ ام درمان غير (سفيه أو عميل أو حاقد) ؟؟؟

Post: #1
Title: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-26-2007, 04:16 PM

حكمتى المفضله :-
"من لا ينتمى الى أم درمان أو لا يحترم اهلها، فعلية تكملة نصف سودانيته"
ولا شئ عنصرى!!!
_________________________________

*"أم درمان بقعة الأصالة والتراث والتاريخ"

هذا عنوان كتاب للمؤرخ الأمدرماني بروفسير (أحمد إبراهيم دياب) تناول فيه أم درمان تناول كامل بدء من التسمية ومرورا بأحيائها وصولا لشخصياتها.

التسمية:
"أم درمان" هذة الكتابة الصحيحة للكلمة وليس الشائع "أمدرمان".

أم درمان كموقع قديم أسمها أمتداد من حضارة الشهيناب، أما كأسم فالأسم نوبي عنجي علوي نسبة لمملكة علوة وعاصمتهم سوبا وقد كان أسم درمان Derman منتشر بينهم.
وقد كانت هناك سيدة من نوبية علوية تسكن في المشرع التجاري أو الموردة ولديها أبن يدعى درمان فكان الذين يفيدون للتجارة في هذة المنطقة يطلقون عليها أسم أم درمان أي والدة درمان تأدبا وتقديرا لها، وقد كانت أم درمان في تلك الفترة سوق صغير وملتقى لسكان غرب النيل الذين يأتون لبيع وتبادل بضائعهم مع سكان شواطئ النيل.

وجاءت دولة الفونج ''مملكة سنار'' على أنقاض مملكة علوة وأصبحت أم درمان سوقا تجاريا تمر به القوافل القادمة من سنار في طريقها لدنقلا شمالا لتلتقي بدرب الأربعين وكانت تأتي بشارع الشنقيطي حاليا شارع دنقلا سابقا وهو إمتداد لشارع الأربعين والذي يمتد ليصل للفتيحاب ويستمر جنوبا حتى سنار وأستمرت أم درمان طوال الفترة الفونجية ملتقى تجاريا.

ويروي التونسي محمد بن عمر في كتابه ''تشحيذ الأذهان في سيرة بلاد العرب والسودان'' صفحة 379: '' أن السلطان تيراب بعد أنتصاره على العبدلاب نزل في أم درمان وأخذ يستعد للزحف على سنار فوجد النيل في طريقه وعرضه 600 متر ولم يكن لديه من المراكب والمعدات اللازمة لأجتياز النيل فبقى هناك أشهر يدبر الوسائل لأجتيازه فلم يفلح وبقي في أم درمان حتى مرض فحملوه وعادوا به لدارفور إلا أنه مات في الطريق ''

وقد كانت كل من أم درمان والخرطوم قرى موجودة ومعروفة لدى أهل السودان قبل دخول الجيش التركي - المصري، ولكن أم درمان الفكرة والتاريخ ولدت مع المهدي والمهدية؛ فبدلا من مرسى وسوق وموردة وورش لصناعة المراكب .. قامت أم درمان البقعة المباركة التي أقامها الأمام المهدي والتي أنصهرت فيها القبائل والأجناس السودانية لتخلق الهوية والقومية والأصالة السودانية.
__________________________________

*كل اناء بما فيه ينضح !!

Post: #2
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-26-2007, 04:43 PM
Parent: #1

الأحياء:

تكون في أم درمان ستة وثلاثين حي بالأضافة إلى القرى التي أصبحت مدن في الوقت الحاضر بعد أنضمامها لمدينة أم درمان مثل مدينة الفتيحاب وأم بدة وود البخيت والسرحة والحتانة وكرري، وأنضمت لأم درمان حديثا مدن أقيمت مؤخرا مثل: النيل، الثورة، المهدية

أحياء أم درمان العريقة

الأحياء التي حملت أسماء قادة وأمراء وعلماء من المهدية
ودنوباوي
أبوكدوك
أب روف
أبوعنجة
ود أرو
ود البنا
ود البصير
الشيخ دفع الله
الشيخ قريب الله
السيد المكي
الكاشف
__________

*الأحياء التي حملت أسماء قبائل:-
السواراب
الرباطاب
العمراب
الهاشماب
الفتيحاب
العرب
الركابية
المغاربة
الخنادقة
تقلي .. الأستبالية حاليا
______________

*الأحياء التي حملت أسماء مؤسسات مهدية:-
الملازمين
بيت المال
بيت الأمانة
الأمراء
العرضة
__________

*الأحياء التي حملت أسماء عامة:-
الهجرة
العباسية
الموردة
الشجرة .. شجرة أدم
الدباغة
المقابر
الكباجاب .. الكبه وجاب
حي ريد
بانت
المسالمة

Post: #11
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Nader Abu Kadouk
Date: 04-27-2007, 05:35 AM
Parent: #2

الصولات
حي الضباط

Post: #91
Title: Re: وهل يسئ ام درمان غير (سفيه أو عميل أو حاقد) ؟؟؟
Author: محمد المختار الزيادى
Date: 05-21-2007, 03:55 AM
Parent: #2

ويعد فريقي المريخ والمورده من اعرق فرق المدينه والاول يتربع علي غالب قلوب اهل ام درمان والسودان قاطبه حيث شرفها وشرف السودان قاطبه بما يسمونه المحمولات جوا او الكاسات المجوقلة التحيه لها وهي المدينه التي صهرت اهل السودان جميعا كما هو معلوم وكما ذكر صاحب المقال ,مدينه تحمل عبق الماضي شهدت ميلاد حبوباتنا وجدودنا اما نحن لم نولد فيها ولكن نحمل لها كل الود والتقدير,بوست جميل يعيبه العنوان والهجوم غير المبرر تحياتي ودام الود مخو

Post: #3
Title: Re: وهل يسئ ام درمان غير (سفيه أو عميل أو حاقد) ؟؟؟
Author: ismeil abbas
Date: 04-26-2007, 05:28 PM
Parent: #1

ألأخ/تاج السر

السلام عليكم ورحمة الله

مع وطنيتك الواضحة وحبك لأم درمان العريقة..................هلالابى إنت كده كامل ألأهلية.......................لك منى التحية.........ومن يسىء لأم درمان ستلحقه اللعنة.

.........إسماعيل محمد أحمد عباس....................أم درمان................

Post: #4
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-26-2007, 08:48 PM
Parent: #3

شكرا أسماعيل عباس
كتبت:-
Quote: ومن يسىء لأم درمان ستلحقه اللعنة

Post: #5
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 04-27-2007, 01:21 AM
Parent: #4

استاذنا الفاضل تاج السر ...

تحيه امدرمانيه خاصه .....

Post: #6
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 04-27-2007, 01:24 AM
Parent: #5

وكل من يسيء الي امدرمان فانه كافر نعمه ....

Post: #7
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 04-27-2007, 01:28 AM
Parent: #6

الناس البتسيء لي امدرمان ... اكيد لم يستطيعوا استخراج جنسيه من مكتب الجنسيه في امدرمان ....

Post: #8
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 04-27-2007, 01:39 AM
Parent: #7

وللاخوه السياح الذين لم يحظوا بزيارة امدرمان بعد .... فهذا استاد امدرمان الرياضي العريق ......

Post: #9
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-27-2007, 05:28 AM
Parent: #8

يا سلام يا ابو سمره
صور بدون تعليق تحتاج ترجمتها الى عشرات الكتب.
ام درمان يسئ اليها أصحاب الذوات المجروحه والتااريخ القبيح الحمقى الحاقدين والحاسدين الذين يسعون لتشويه كل جميل ورفعة شان كل قبيح، واليك اعنى يا جاره!!

Post: #10
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Nader Abu Kadouk
Date: 04-27-2007, 05:29 AM
Parent: #8

هناك قصه اخري لا أعرف مدي صحتها
يقال كان هناك إمرأه لديها إبن يدعي عبدالرحمن وكانت تقولها ادرمان لعجميتها وتحرفت الي ان صارت ام درمان

ودابكدوك

Post: #12
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-27-2007, 05:47 AM
Parent: #10

معاني أسماء أحياء أم درمان

- حي الملازمين
سمي لسكن ملازمي المهدي به

- حي الأمراء
لسكن أبناء الخليفة عبدالله به

- حي العباسية وحي تقلي
سميت نسبة للعباسية وتقلي بجبال النوبة

- حي ود أرو
وقد سكنه المحس وأرو كلمة محسية تعني بحر العلم

- حي المسالمة
للتسالم الذي يعم بين سكانه فمن النادر أن تعلم المسلم من المسيحي من اليهودي

- حي ود نوباوي
نسبة للناظر ود نوباوي ناظر بني جرار

- حي زريبة الكاشف
نسبة للكاشف وهو من أتراك الخرطوم فرحله المهدي إلى هذا المكان مع أسرته وأبناء عمومته

- حي أب روف
مسمى على قبيلة أب روف ونظارة المسلمية

- حي ودالبصير
نظارة قبيلة الحلاويين

- حي أب كدوك
سكنه الأمير أب كدوك

- حي الموردة
لأنها المكان الذي كان يورد منه الماء

- حي العرب
وهو الحي الذي جمع الجعليين
_________________

أتت كل قبائل السودان ووجدت لها مكان بأم درمان حيث أمتزجت وتمازجت وتزاوجت وأنصهرت وتصاهرت وأصبحت أم درمان هي السودان، من السودان وللسودان.

وقد عبر الشاعر عن ذلك قائلا :

أنا أم درمان أنا السودان
تمثل في ربوعي
أنا أبن الشمال سكنتو قلبي
على أبن الجنوب ضميت ضلوعي

وقال الشاعر (عبدالله محمد زين):-

أنا أم درمان أنا السودان ..
أنا الطابية المقابلة النيل
أنا الدرة البزين بلدي ..
وأنا القبة البضوي الليل

Post: #13
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-27-2007, 06:07 AM
Parent: #10

نادر ود ابو كدوك
الناس الملوك
سلام للجامعه الأهليه .. التراب الكتير داك شالو ولا لسه ؟؟
حتى التراب فى شوق نشمو!!
___________

روايتك يا نادر غير مستغربه وفعلا بعض قبائل السودان تنطق أسم عبدالرحمن
على نحو مقارب لما ذكرت .. المهم فى الأمر التقدير والتحية لتك المرأة التى اهدتنا اعظم مدينه .. فيها المحبه والتسامح والتواضع وعزة النفس .. وبرضو (حقنا ما بنخلى)، لا بهمنا قانون لا بتهمنا شريعه .. وكان رهيفه (التنقد)!!

كمسارى البص يا نادر فى ام درمان:
تلقى زول امى ما متعلم و"جلف" لكن كان وقعت ليهو فى الواطه وقلت ليهو آسف ما عندى حق المشوار ما ممكن يرجع ليك تانى وما بحرجك .. لكن لو بقيت عنتر وقلت ليهو رجاله ما بدفع، يقد ليك عينك لو كنت اجعص جعيص!!

Post: #14
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Nader Abu Kadouk
Date: 04-27-2007, 06:17 AM
Parent: #13

والله يا تاج السر إنت امدرماني اصيل
التحيه لتلك البفعه الشامخه

ود ابكدوك

Post: #15
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-27-2007, 06:21 AM
Parent: #13

ذكر بروفسير دياب في كتابه أن صديق له غريب الديار قد عاشر السودانيين في بلده وأحبهم فجاء هذا الصديق للسودان لندوة علمية وقد كانا معا يتجولان في سوق أم درمان، فسأل الصديق البروف قائلا: -
______________

لماذا يحب أهل أم درمان مدينتهم بهذا الشكل المزعج من الحب؟ فعندما تسأل أحدهم من أي البلاد أنت؟
يرد عليك قائلا: سوداني من أم درمان وليس سوداني فقط !!
فقلت له والكلام هنا بلسان البروف: قال شاعرنا الشعبي:-
يا حليل أم در وحليل ناسا
وكيف أنساها وأتناسا

- إن أم درمان قامت على أساس قومي بحت، فجمعت القبائل السودانية قاطبة وسميت الأحياء بأسماء قبائلها وزعمائها وشخصيات منها وهم الذين جاءوا مع فرسانهم مع المهدي، فهي مدينة شبابها فرسان وكبارها شهامة وقادة، ونسائهم حكمة وأصالة، ومن ثم قامت العلاقة بين أهل احيائها على الرجولة والشجاعة والكرم والنخوة والحكمة، فجاء آباؤنا نتيجة لهذا الألتقاء والصفاء والنقاء>

فقال الضيف:-
ولكن بماذا أنفرد أهل أم درمان دون سكان بقية المدن السودانية والسودان عامة؟
فرد البروف قائلا:-
- إننا أهل أم درمان ولا نقول سكانها نختلف عن الأخرين لأن السودان تمثل فينا وأنصهر بنا كل السودان غربه وشرقه، شماله وجنوبه، ونحن أهل أم درمان .. أم درمان هي السودان بالنسبة لنا .. فهو أملنا وأصلنا وأصالتنا وقوميتنا وهويتنا ولسنا وافديين أو عابري سبيل ولك أمثلة على أن أم درمان هي بقعة الأصالة والهوية والقومية السودانية، هذة الأمثلة منذ دخول كتشنر قائد الجيش المصري - البريطاني.

- قامت أول ثورة أو تمرد من الفرق السودانية التابعة للجيش المصري في عام 1900 ضد القيادة البريطانية في أم درمان وهم الذين تم فصلهم وأسسوا حي الضباط بأم درمان.
انشأ أول معهد علمي - ديني في عام 1912 بجهد أهل أم درمان وهو جهد شعبي تمثل في جامع أم درمان الكبير في حين أقامت حكومة السودان جامع الخرطوم، وأقامت مصر جامع فاروق في مكان جامع أرباب العقائد في الأربعينيات، وقد تحول معهد أم درمان العلمي إلى جامعة أم درمان الأسلامية في عام 1965.

- أول تنظيم سياسي ضد الأستعمار البريطاني قام بأم درمان وهو جمعية الأتحاد السوداني التي تحولت إلى جمعية اللواء الأبيض بقيادة عبيد حاج الأمين من الهاشماب، وبابكر قباني من ود أرو وغيرهم من شباب أم درمان.

- ثورة 1924 قامت في أم درمان وبقيادة أولاد أم درمان وهم علي عبداللطيف، الله جابو وألماظ وغيرهم من أبناء الموردة.

- أول مدرسة أهلية نشأت في أم درمان في عام 1929 وتبرع بقيامها وبنائها تجار أم درمان أنذاك وهي مدرسة أم درمان الأهلية والتي منها سار التعليم الأهلي إلى أن وصل لجامعة الأحفاد وجامعة أم درمان الأهلية.

- نادي الخريجيين الذي كان الشرارة للحركة الوطنية والفكرية أقيم في أم درمان وعلى أيدي أبنائها الخريجيين وقد تبرع بالدار الشريف يوسف الهندي.

- أول ملجأ ومعهد للأيتام أقيم في أم درمان وهو معهد القرش الصناعي في عام 1934 وقد كان التبرع لأنشائه عبارة عن قرش واحد وكان على رأس تدشينه أنذاك عبدالفتاح المغربي.

- مدارس الأحفاد التي أقامها الشيخ بابكر بدري برفاعة كفصل واحد للبنات وحاربها الأهالي هناك .. أنتقل بها إلى أم درمان حيث وجدت الصدر المفتوح والدعم والأمن والأمان وأنشأت كأول مدرسة أهلية للبنات ومن بعده جاءت مدارس المليك للشيخ أبوبكر المليك، بيت الأمانة للأستاذ عبيد عبدالنور، والدوش وسوميت والعيدروس والأقباط والأنجيلية وست فلة والتقدم.

- مؤتمر الخريجيين رائد الحركة الوطنية ولد وترعرع وعملق في حضن أم درمان الدافئ ومنه خرجت الأحزاب السياسية الوطنية ولم ينشأ أو يقوم أي حزب سياسي خارج مدينة أم درمان.

- أول دار للرياضة قامت في أم درمان وقامت أول الأندية الرياضية السودانية في أم درمان فالهلال والمريخ والموردة هم أندية أم درمانية خرجت من رحم الفرق الأم المسالمة والموردة.

- أول جامعة أهلية تكونت في أم درمان في عام 1964 وهي كلية الأحفاد التي تحولت إلى جامعة وهي أول جامعة للبنات في أفريقيا والوطن العربي قاطبة، وجاءت بعدها جامعة أم درمان الأهلية ليواصل أهل أم درمان عطاؤهم للسودان.

-أول مكتبة وطنية عامة تكونت في أم درمان.
_________________________

*فهل يسيئ اليك يا "ام درمان"، غير سفيه أو (جريح) أو حاقد أو حاسد؟؟

Post: #55
Title: Re: وهل يسئ ام درمان غير (سفيه أو عميل أو حاقد) ؟؟؟
Author: محمد عكاشة
Date: 05-04-2007, 04:57 PM
Parent: #6

الاخ تاج السر
تحياتى..
نيافة الانبا صرابامـون..غـزال المسالمة..ناس امـدرمان..عـيد سـعيد!!
ام درمان ..
مدينة جامعة مانعة ذات خصوصية..العاصمة الوطنية التى ضمت اهل السودان جميعا دون تمييز..
تحكى حال الوحدة والانصهار الاجتماعى والتمازج الثقافى فى بوتقة هى (ام درمان) الوارفة الظلال.. شديدة التحنان لكل العابرين بها..
دون تعصب..
لاهلها سمت ومذاق وألق مبين..تجدهم فى النائبات واذا مارق الحال..
حى المسالمة الذى يتوسطها هانئا قرير العين كان ملهما لشعراء الغناء الاصيل..(لى فى المسالمة غزال..نافر بغنى عليهو) ثم (ظبية المسالمة) تسبى قلوب الذين لا يتطربهم البنان المخضب..ثم تسمو بهم فى فضاءات فسيحة من الامنيات وهالة الجمال ولذة الوصال..
فى مقامه..
احتفل نيافة الانبا صرابامون اسقف امدرمان باعياد القيامة المجيدة فى يوم بهيج امه اهل ام درمان بلا استثناء..وقدم التهانى فيه رموز السياسة ومشايخ الصوفية ورؤساء البعثات الدبلوماسية المعتمدين بالخرطوم والصبايا الجميلات..
فى الطائرة متوجها صوب اديس ابابا التقيت شابااثيوبيا وجيهاجلس الى جوارى..فى كامل اناقته..تعرف الى فى حوار موحى..ظننته مغنيا.. من هيئته..ثم اخبرنى بعدهاانه قسيس فى جنوب افريقيا وقد جاء الى الخرطوم فى مهمة كنسية وهاله شكل التسامح والتعايش بين المسلمين والمسيحيين فى السودان خصوصا امدرمان..كان حديثا عميقا وحى المسالمة يتصدر الحوار ..
الانبا صرابامون بلطافته وحضوره فى احتفاله بالعيد كان سعيداومسرورا بحضور ناس امدرمان وبضيوفه.. حى المسالمة بتقديره رمزا لمعنى الوحدة بين الناس دون تمييز عرقى او دينى..
هذه امدرمان العريقة..
وهذا حديث يستثير اشجان صديقنا تاج السر حسن..
تحية ندية الى الاخوة الاقباط..عيدا سعيدا..

Post: #16
Title: Re: وهل يسئ ام درمان غير (سفيه أو عميل أو حاقد) ؟؟؟
Author: serenader
Date: 04-27-2007, 06:36 AM
Parent: #1

تحياتي أستاذ تاج السر
شكراً لانتصافك لأمنا أم درمان..فما كل منتم إليها بمنتصف لها
قيل عن أم درمان كثيراً.. قدحاً أو مدحاً.. لكن ما رأيت فيما يشيع على فضاء الانترنت من ينصفها حقها أو ما يلم شتات المتوافر عنها..
لذا عزمت منذ مدة على عمل موقع يجمع سائر ما هو متوافر عن أم درمان من معارف على اختلافها.. ولدي الآن ثلاثة دومينات..
فهل أطمع في كريم تعاونك معي؟ سأبدأ باستئذانك في نقل ما نشرته أنت هنا، منسوباً إليك بالطبع، ونشره في الموقع..
ما قولك؟

Post: #17
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-27-2007, 07:10 AM
Parent: #16

الأخ / سرندر
لك الود كله.
طبعا اذنك معاك .. لكن كما ترى فهذه الماده منسوبه اساسا للمؤرخ الأم درماني بروفسير (أحمد إبراهيم دياب) وماخوذه من كتابه :-
"أم درمان بقعة الأصالة والتراث والتاريخ" فيجب أن ينسب الفضل الى اهله مباشرة!!
اما اذا اردت ان تنسب لى شيئا فيمكن أن تأخذه بعد أن اخلص من استعراض ما جاء فى ذلك الكتاب، ويمكن قبل ذلك أن تنقل قصيده اعتز بها كثيرا كتبتها فى احدى مناسبات " عيد الأم " حينما توزع الأحساس بين احساسى بالأم الكبيره "ام درمان" والأم الخاصة "امنه" اطال الله عمرها، التى ارهقتها بغربة متواصله وطويله حتى لو اقمت لفترة من الزمن داخل السودان!
_______________

"يا امنا"
يا أمنا ...
يا (أم) در - أمان
يا (ستنا)،
ياجارية فى جوه الخلايا ودمنا
غيرك منو، البفرح، قبل نفرح،
وكت ننجح
غـيـرك منــو الـدمعاتــو تجــرى
تسابق الريح والمطر
لما نرجــع من سفــر
ولمن يواجهنا الخطر
يا حليلك (ات)، غيرك منو
الشايل همــومنا وكت نهم
لـو فـى الخيال، أو فـى حلم
ياسامقة ذى شجر النخيل ،
ثابت ومغروس من زمان
أحساسى بيك (أمونه) ،
يا أم (الحنان)
يتسامى، أسرح بى بعيد ..
فوق التعابير والشعر
عاجز، مكتفنى الحرف ...
ولو موية "البحر العريض" تصبح حبر
كلمــاتى فيك ما تســاوى يـوم ،
قـومتك فجــر
ذى البتتحدى النجوم ...
وبعد الصلاة ، وبركة دعاك
ماعـــــرفتى نـــوم ،
وشاى (اللبن)، نايم
على (منقد) فحــــم ...
أصحى (أت)، وقوم( ياسجم)
(الشاى، اللقيمات، المدرسه، كراس الرسم)
(أميه) ياست الأمم و(منورة)
مهمومه بى تحصيل علم
حلمـانه بـى حـال العيـال
يوم بكره، أبقوا بنات، رجال
مهمومه ماليها العشـم
يا حليلك (أت) والدنيا عيد
والدمعة نازلة على الوحيد
وكبروا الصغار، وحتى (السجم)
أصبح بعيد ...
فنان يداعب فى الوتر
رحال .. ومفتون بالسفر
أصبح غريب ، طول العمر
(لا ضاق حنان ، لا جاب خبر)
خلاك للهم والفقر ...
لا الشوق يجيبو
لا ريد أعيدو أرجعو
من يوم أياديك ودعو،
وماشاف دموعك بدعو
خلاك هناك، يا ستنا ..
يا (أم ) در، براك
(أمونه)، وحدك ...
قلبك، عليهو جناك .. دم
- نازف -
وجناك ، تقول حجرا أصم
قليبو ناشف، وماهو عارف
بكرة( بتخدر بلادو) ،
والخير يعم ....
والدايرو كلو تشوفو عينو
لكن محال القالو أم
لكن محال القالو أم
_______________

تاج السر حسين

Post: #18
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-27-2007, 04:22 PM
Parent: #17

اقدم بقعة في امدرمان هي الفتحياب والاقدم منها هي مناطق الجموعية الحاليا وعموما الجموعية كانو يسكنون البحر اي بجوار البحر ولهذه سميت ببحر ابيض وبعدها تكونت المناطق مثل جزيرة الزنارخه وهي بجوار الفتيحاب حاليا من عند القيعة ومن بعدها منطقة الموردة وهي ميناء وكانت جميع المراكب ترسي فيها ولهذا سميت الموردة.
ومنطقة كرري والسروراب هي امتداد لنظارت الجموعية، و المهدي رحمه الله درس علي يد الشيخ قرشي ودالزين الجموعي وهو من ذرية الشيخ الطيب ود البشير والشيخ الطيب وهو جميعابي جموعي وهذه المناطق صرف مناطق جموعية وكان يطلقون على سكان الريف الجنوبي من الجموعية باهل الركاب وسكان الريف الشمالي باهل الكتاب اي الفراسة للريف الجنوبي والعلم لاهل الريف الشمالي.
وحي العرب اسسه الجموعية و كان جموعية السروراب ياتون لبيع الخضار وجموعية الغرب مناطق فتاشة وباروكة يجلبون الحطب وكانو يتمركزون في منطقة حي العرب حاليا وكانت مجموعة رواكيب يبيعون وبعدها يعودن الى مناطقهم وبعد تكرار الرحول والمبيت بنواء واسسوا حي العرب ودخلو عليهم قبائل الحسانية والفراجين وبعد المهدية دخلت باقي القبائل.

والشيخ دفع الله الغرقان هو من تلاميذ الشيخ العبيد ود بدر يعني هو من قبيلة المسلمية وكان زمنو في عهد الاستعمار البريطاني يعني بانه ليس من علماء المهدي والشيخ قريب الله هومن ذرية الشيخ الطيب ود البشير وكان زمنو في عهد الاستعمار كذلك وهو ايضآ ليس من علما ء المهدية وكلا الشيخيين احياءهم من بعض الاحياء المسماة من قبل المهديه !!

وحي البناء هو حي اولاد الشاعر ودالبناء وزمنو معروف للجميع وبالنسبة لمنطقة امبدة سميت باسم امبدة على اسم الامير امبدة وهو من احد امراء المهدية وكان يعسكر بقواته في هذه المنطقة .

Post: #19
Title: Re: وهل يسئ ام درمان غير (سفيه أو عميل أو حاقد) ؟؟؟
Author: محمد عادل
Date: 04-28-2007, 08:13 AM
Parent: #18

اسمك عجيب يامدر ورسمك حلاتو كتر
خلى الاخم ويصر دا البجهل امدرمان

Post: #20
Title: Re: وهل يسئ ام درمان غير (سفيه أو عميل أو حاقد) ؟؟؟
Author: وليد محمد المبارك
Date: 04-28-2007, 09:43 AM
Parent: #19

فوق

Post: #21
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 04-28-2007, 11:08 AM
Parent: #20

وبرضو فوق .....

Post: #22
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-28-2007, 03:01 PM
Parent: #19

ابننا محمد عادل
مرحب بى وليد ام در السودانى الأصيل الحر.

Post: #23
Title: Re: وهل يسئ ام درمان غير (سفيه أو عميل أو حاقد) ؟؟؟
Author: علوبه
Date: 04-28-2007, 07:26 PM
Parent: #1

الحمدلله سودانى امدرمانى جعلى و هلالبى

شاعرناقال امدرمان تدخلها بى حمار يتقلب حصان

يا اخوي تاج السر كتير سريتنا بى سيرة امدرمان

شوف الزول كان ما عاشر ناس امدرمان الزمان ماتعاتبوه

الكلام كتير والنضم حلو فى امدرمان بس مرات بنخاف الحسد والعين

تحياتى يامجدد ياواعى

Post: #30
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-29-2007, 05:12 AM
Parent: #23

يا علوبه
Quote: شوف الزول كان ما عاشر ناس امدرمان الزمان ماتعاتبوه

عظمة أم درمان يا علوبه أنت جعلى، لكن دون شك تختلف عن اى جعلى آخر فى أى مكان آخر.
وكان ما زين ما شين !!
وأم درمان فيها الجعلى والشايقى والدنقلاوى والنوباوى والدينكاوى ... الخ، فتكون من هذا النسيج جنس أسمه (قبيلة ناس أم درمان).
لو كنت من ناس أم درمان ومشيت تتزوج ما فى زول بيسالك ويقول ليك قبيلتك شنو؟
أو انت من وين؟؟

Post: #24
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Deng
Date: 04-28-2007, 09:03 PM
Parent: #1

تاج السر

أمدرمان بلد الضبان.

دينق.

Post: #25
Title: Re: وهل يسئ ام درمان غير (سفيه أو عميل أو حاقد) ؟؟؟
Author: وليد محمد المبارك
Date: 04-28-2007, 10:27 PM
Parent: #24

عشان كده كنت حاتل في اوزون

Post: #26
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 04-29-2007, 00:18 AM
Parent: #24

Post: #31
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-29-2007, 05:17 AM
Parent: #24

يا دينق
كتبت:-
Quote: أمدرمان بلد الضبان.

نعم يا دينق أم درمان فيها " الضبان" لكن ما برك فى اولاد ام درمان، عارف ناسو!!
زى "قهوة ود الفكى" كان قعدت وصفقت ما فى زول بجيب لى شاى لأنه الجرسون بيعرف انك ما من "ناس أم درمان"!!

Post: #27
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Deng
Date: 04-29-2007, 00:19 AM
Parent: #1

Quote: عشان كده كنت حاتل في اوزون

وليد ح أكون "حاتل" وين في حدائق الموردة يعني؟

دينق.

Post: #28
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 04-29-2007, 00:25 AM
Parent: #27

هنا منتجعات المورده ......

Post: #29
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-29-2007, 05:04 AM
Parent: #28

الحبيب وليد
فوق .. فوق " هلالنا" فوق .. وبرضو .. مريخنا فوق .. وعشان سممير ما يزعل برضو" المورده" فوق.

Post: #32
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-29-2007, 05:23 AM
Parent: #29

الحبيب سمير
الله يديك العافيه .. نقلك بيذكرنى نقل المرحوم " طه حمدتو" للمباريات عبر الأذاعه، كان تلفزيون قبل ما يظهر التلفزيون .. وصورك دائما معبره .. بس ما يقوم عليك جنك وتردد " حاسم .. حسم يا ابو القاسم " فى دى نحنا ما معاك رغم اننا عارفنك بتقولها (مكاواة) ساكت، فالأم درمانى لا يصلح الا لعمل يشرف ناس أم درمان!!

Post: #33
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-29-2007, 06:01 AM
Parent: #32

الأخ الأكبر شوقى بدرى .. أحد اروع الكتاب على منابر الحوار السودانية ومن لا يعرفه فهو من اصلاء أم درمان وهو أحد "فتوات" أم درمان حينما كانت "الفتونة" رجولة وشهامه وكرم.
وهو اول من ذكر على هذا المنبر علاقة الدم التى تربطنى بالشهيد " عبدالخالق محجوب" من جهتين وأعتز بتلك العلاقه فيكفى عبدالخالق ما أدلى به من قول وهو فى طريقه الى حبل المشنقه، حينما ساله احد جلاديه مستفزا .. انت تتحدث عن الشعب كثيرا فماذا قدمت لشعبك؟
فاجابه (الخاتى عودو الشق) بكل ثبات : قدمت له قليل من الوعى!!
_____________

ولى صلة على نحو ما بالمفكر "منصور خالد" من خلال اسرة " الصاوى" ولى صلة على قدر ما بالأنقاذى "أحمد على الأمام" وتربطنا علاقة نسب بالزعيم" أسماعيل الأزهرى" ومن حيث المنطقه فالسيد "الصادق المهدى" هو ابن دنقلا وجدودنا جاءوا الى أم درمان مناصرين الأمام المهدى، وهذا "النميرى" منطقتهم " ودنميرى" هى اقرب منطقة لأهلنا فى دنقلا!!
رغم كل هذا لم يحدث أن ذهبت وادليت بصوتى لأى رجل من الرجال ينتمى لأى حزب من الأحزاب ولم اشارك فى استفتاء معلومة نتيجته بأكثر من 99%، ولم أشعر بان رجلا يستحق الأحترام والتقدير غير الشهيد " محمود محمد طه" الذى ظلمه الكثيرون وشوه حقيقته الحقد والحسد، لم ينل منى ذلك التقدير سواه رغم عدم وجود اى صلة تربطنى به من اى ناحية، والسبب فى كل ذلك هى "ام درمان" واهلها وثقافتها التى جعلتنا لا نميل الا للحق وحده!!
وقبل أن اختم هذا الفصل كى أستعرض مقتطفات من كتاب " حكاوى أم درمان" للمؤرخ الأم درمانى والعاشق لها ولكل السودان " شوقى بدرى" ، والشئ بالشئ يذكر.

فقد كان لى عم معروف كأحد "فتوات" أم درمان الكرماء " كاتال فى الخلاء وعقبا كريم فى البيت" .. هو من اسس " نادى حى العرب" كان طويلا فارع الطول قوى الجسم توفى عن 104 سنه رحمه الله، فى خلاف عادى شتمه احدهم، فضربه بعصاة ضربة واحده اسكتت لسانه فاشتكاه الرجل وأحضروه للقاضى، وحينما راى القاضى طوله وحجمه ساله:-
لماذا ضربت الرجل بعصاة وكان بامكانك أن تضربه بيدك؟
فرد عليه عمى:-
كنت داير أأ دب ابو لسانا .. "زفر" .. دون أن اؤذيه!!
فأستغرب القاضى:-
وقال له كيف لا تريد أن تؤذيه فتضربه بعصاة ولا تضربه بيدك؟
فرد على القاضى:-
طلاق تلاته يا حضرة القاضى لو ضربتو بى يدى، كان قدر يجى يقيف قدامك بعد شهر ما اكون أسماعين!!
ضحك القاضى مستغربا:- وساله من وين انت؟
قال له من ام درمان - حى العرب.
فخفف القاضى حكمه وغرمه غرامة بسيطة مستعجبا فى هذا الرجل الذى خشى ان يضرب خصمه بعصاة، بدلا من يده حتى لا يؤذيه!!
"دى أم درمان)!!

Post: #34
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-29-2007, 06:06 AM
Parent: #33

مقتطفات من كتاب عاشق أم درمان وأحد المؤرخين لها " شوقى بدرى".
___________________________________

كتب " شوقى بدرى" :-

دار الرياضة فى أم درمان هى أول دار للرياضه عرفتها المدينه شيدها الخليفه فى المهديه وعرفت ببيت الأمانه وكان الخليفه يحتفظ فيها بالمعدات الحربيه حتى تكون فى متناول يده.
وبالقرب منها كان هنالك مبنى مستدير بأرتفاع 7 أمتار للأحتفاظ بالأعلام وطبول الحرب الا أن هذا المبنى قد أزيل.
فى سنة 1935 - 1936 صار المبنى استادا لكرة القدم، الا انها شهدت نشاطات قوميه وأجتماعيه كثيره ومن أكبر الأحداث القوميه التى شهدت تخريج الدفعه العاشرة من الكلية الحربيه سنة 1958 والدفعه تكونت من 60 ضابطا وهذا عدد ضخم بالمقارنه مع الدفع السابقه مثل دفعة النائب الأةل لرئيس الجمهوريه الأسبق محمد الباقر أحمد المكونه من 7 ضباط فقط.
أول الدفعه العاشرة كان بابكر عبدالمجيد على طه وعندما تسلم السيف أستل والده الذى كان يجلس فى الجانب الغربى من الأستاد سيفه وكبر عدة مرات.
العم عبدالمجيد على طه من أسرة طه صاحب (العمارة) بلدة بالقرب من الحصاحيصا، وهو أول سودانى يصل الى رتبة الميجر فى عهد الأستعمار.
من تلك الدفعه أيضا فاروق حمدنالله، بابكر النور، محمد محجوب عثمان ، همرور الذى صار طيارا لنميرى، وخليل الذى تزوج من شقيقة بابكر عبدالمجيد.
والفريق فابيان فاما لالونج ومعه بيتر وهما الوحيدين من جنوب الوطن وخالد حسن عباس، ومحمد ميرغنى قامبرا، الفاتح عابدون، مصطفى محمود، الذى صار حاكما لكردفان، الفاتح المقبول وحريكه وأخرون.

Post: #35
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-29-2007, 06:10 AM
Parent: #34

وكتب " شوقى بدرى:-

الأتحاد النسائى أقام عدة حفلات ومناسبات فى دار الرياضة بأم درمان، حتى الفرق الكبرى كالهلال والمريخ كانت تشارك فى هذه المناسبات. والقصد منها لاالدعم المالى للمنظمات، وكنا نرى النساء يملأن الدار، وهذه المباريات عادة ما كانت تتم بطريقة (الستوت) وهى 6 لاعبين ضد 6 لاعبين بدلا عن 11 لاعبا والمباراة من شوطين وكل شوط عبارة عن عشرين دقيقه، مما يترك المجال لنشاطات أخرى، مثل موسيقى الجيش، يتقدمها القائد مرتديا جلد النمر وهو يحرك عصاه بطريقة سحريه فى يده.
________

كرة الشراب كانت هى اللبنة الأولى للعبة كرة القدم (الدافورى) واستطيع أن اقول انه كانت هنالك مئات المباريات فى كرة الدافورى كل مساء فى أم درمان، بعض الصبية كانوا بارعين جدا فى هذه العبه وكأنهم حواة فى السيطرة على كرة الشراب أحدهم عبدالفتاح شقيق طلب الا انه اشتهر كلاعب كرة، (سلطه) فى الفسحه الواقعه أمام القلعه، (محمد مكى) الركابيه، (قاقارين) الذى لا يحتاج الى تعريف فى العرضه، (بسطامى) فى العباسيه تحت.

Post: #36
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-29-2007, 08:40 AM
Parent: #35

وكتب " شوقى" :-
_________________

للمرشدات دار جميلة جدا بالقرب من دار الأذاعة السودانيه الحاليه وكانت لهن نشاطات رائعه.
والمرشدات تنظيم مواز للكشافه بزيهن الأبيض الجميل ومنديل وكاب عال، حيث درجن على تقديم المسرحيات فى الأمسيات، فتحية ةتحية زروق كانتا من المرشدات المميزات، تحية اول سودانيه تحظى بشهرة كممثله وأظن ان تنظيم المرشدات قد ساعد موهبتها كثيرا.
نشاط الكشافه كان كثيفا واشترك فيه كثير من صبيان وشباب أم درمان ولقد اشتركت الكشافه السودانيه فى كل المؤتمرات العالميه، كما كانوا يستقبلون زوارا من خارج الوطن.
الأخ ابراهيم فرج الله شقيق الكوتش النعيم فرج اله كان كشافا لعشرات السنين.

Post: #37
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-29-2007, 09:12 AM
Parent: #36

وكتب "شوقى بدرى" فى كتابه " حكاوى أم درمان" :-
___________________

هنالك شخصية عظيمه ارتبطت بدار الرياضة ولم تجد التعظيم الذى تستحقه، انه الأخ طلب الذى كان لعشرات السنين يهرع بالحقيبه وبامكانياته المحدوده ليسعف المصابين من اللاعبين فى دار الرياضه ويخفف الامهم وفى بعض الأحيان كان يقدم خدماته فى الليق والآن عندما ارى الدكاترة والأخصائيين والنقالات الألكترونيه التلا تسير بالعجلات وكأنها غرة عمليات كامله أحس باكبار وأحترام للفارس طلب.
وطلب هذا لاعب قديم لعب للوطن مع ود الجراح وأخرين فى الميادين التى صارت نادى العمال بأم درمان فيما بعد ثم انتقلوا بنشاطهم الى ميدان الكرة الواقع غرب جنينىة السيد الهادى وهذا الميدان عرف بالبحيره ثم صار يقام فيه احتفال المولد النبوى.
فى هذا الميدان تألق كثير من اللاعبين أحدهم الستاذ خالد ابو الروس الذى كان يلعب حارس للمرمى ومدرسا فى مدرسة شيخ الشبلى، المجاورة لمنزل عبدالله خليل، غريم الأستاذ خالد ابو الروس كان الهداف عمار (الجزمجى) المشهور بمنديله الذى اعتاد ربطه على راسه وكما عرفت من محمد محجوب أن عمار كان يحضر الى المدرسه لكى يهدد الأستاذ بأنه سيسجل عليه عدة اصابات ثم يتبادل مع الأستاذ ابو الروس الكلمات الجارحه والتهديد.
اول شهيد لكرة القدم فى السودان هو اللاعب عوض الله ، الذى ضربته كرة قويه فى صدره فقضى نحبه، وهنالك يافطه فى دار الرياضة أم درمان تشير لتلك الحادثه.

فريق استاك الذى صار اسمه التحرير فيما بعد كان بعبعا يخيف المريخ ويهزمه ويخسر امام الفرق الأخرى، اما فريق الشاطئ فقد كان يخيف الهلال وعندما انهزم الشاطئ وتأكد نزوله للدرجة الثانيه كانت جماهير الهلال الأكثر سعادة وهتفوا (الى الليق يا عواليق)، فريق الشاطئ ارتبط باسم الرياضى الكبير طه حمدتو الذى كان يذيع الكرة فى الراديو ولا يزال الناس فى ام درمان يقولون عندما يتوقف أحدهم عن الكلام ويبأ آخر وعندما ينصرفون لحضور شخص " وألان اترك المايكروفون الى زميلى أبارو".
هذا ما كان يردده طه حمدتو قبل تسليم المايكرفون.

Post: #38
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 04-29-2007, 02:20 PM
Parent: #37

الرائع استاذنا تاج السر ... حدثنا وحدثهم عن ام درمان الام والاخت والحبيبة ... وما تنسي شعراء الكلمة ... واهل الفن ... والعلم والتعليم ... واولياء الله الصالحين .. قبة الشيخ حمد النيل ... وقبة ولي الله العظيمي في الموردة ... وقبة الامام المهدي ... و خاصة الموردة وفريق الموردة ..

تخريمة ... الامام المهدي عندما انعم عليه الله بام درمان ... عاش واندفن في ام درمان .. ....وحتي الآن عنقريب الامام موجود في بيت الخليفة في امدرمان .

قال الشاعر ...

أنا ام درمان

أنا السودان

أنا الدره البزين بلدي

أنا البرعاك سلام وأمان
وأنا البفداك يا ولدي
أنا ام درمان لسان حالك
أريتك تدري بي حالي
أنا القدرت أحوالك
وحبك بدري أوحي لي
أقوم بأعظم الأدوار
وأكون الساحة للثوار
وأبقى البقعة للأحرار
وأمثل عزة السودان.
هذا مع تحياتي وشكري

ونسمع خليل فرح يقول:

اذكر بقعة ام درمان وانشر في ربوعنا امان

ذكر يا شبابي زمان، دارنا ودار ابونا زمان

وفيها زمان جدودنا كمان
ما ننساك خلقه ضحان، جنه وحور حماك أمان
بطرى الأسسوك زمان، كانو نحاف جسوم ما سمان
كانوا يحلحلو الغرمان يساهروا يتفقدوا الصرمان
في السودان فتيح معروف، ولسه ابعنجة خوره سروف
ودنوباوي زول معروف، باقي وديك مشارع ابروف
كانوا جبال تقال ومكان، نزلوا اتربعوا الأركان
خلوا البقعة كل مكان، آهلة ورازة بالسكان
ليه يا كعبة العربان، غاضبة وفيك عريسك بان
قبال نسأل الركبان، حبك من حدودك بان

Post: #39
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Deng
Date: 04-29-2007, 02:33 PM
Parent: #1

Quote: نعم يا دينق أم درمان فيها " الضبان" لكن ما برك فى اولاد ام درمان، عارف ناسو!!
زى "قهوة ود الفكى" كان قعدت وصفقت ما فى زول بجيب لى شاى لأنه الجرسون بيعرف انك ما من "ناس أم درمان"!!

تاج السر.

يعني لازم تكون من "أمدرمان" علشان تشرب شاي ولا شنوا؟
شوف يا تاج السر. باله ما تعمل لينا إزعاج بي أمدرمان دي.
أمدرمان دي برضه جابت لينا ناس زي الصادق المهدي,نميري وأبو القاسم محمد إبراهيم والقائمة طويلة جدا.

دينق.

Post: #40
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 04-29-2007, 02:40 PM
Parent: #39

حبيبنا دينق ...

يا اخي اقعد واتعلم تاريخ ام درمان التاريخ ... وام درمان الكلمة ...وام درمان النغم ... وام درمان اولياء الله الصالحين ...

تخريمة .. كدي كلمنا عن تاريخ الطابية في ام درمان او وعن تاريخ بوابة عبد القيوم ... وان لم تستطيع اجلس واتعلم من طبيب الكلمة استاذنا تاج السر ....

Post: #41
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-30-2007, 06:06 AM
Parent: #40

يا دينق
الشاى بقدمو لكل الناس ، لكن جرسون القهوة فى " ام درمان" ما بقدمو لى زول " بصفق" لأنه ده عيب فى ثقافة أهل أم درمان ، فالجرسون يمكن أن يحاضرك عن شعر " المتنبئ " !!
فى ذلك الزمن الجميل.
_______________________

من اروع ما جاء فى كتاب " شوقى بدرى " عن ناس " ام درمان" وأخلاقياتهم وسلوكهم:-

لاعب الكرة المشهور عصمت معنى كان مهذبا ويمثل ابناء ام درمان فى ذلك الوقت وفى ايام دكتاتورية عبود شاهد مرة الوسيله وزميا آخر له من زعماء الحزب الشيوعى، والأثنان كان مطلوب القبض عليهم فنادى الوسيله قائلا (اركبوا الحته دى ما مضمونه وأوصلهما الى وجهتهما)، عصمت كان وقتها ضابط بوليس.

Post: #42
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 04-30-2007, 07:32 AM
Parent: #41

وكتب " شوقى بدرى" فى كتابه حكاوى أم درمان : -
___________________________

الأخ ( ....) من المورده كان قويا يحب الحياة فى شبابه، أستيقظ فى الليل لكى يجد لصا " لايصا" فى الحوش فقال له:-
" تعال هنا شيل البنطلون ده فيو 3 جنيه شيل 2 وخلى 1 وأقفل الباب بعد ما تطلع".
وبينما كان الأخ ( ....) نفسه وسط مجموعه من اولاد المورده فى كازينو الريفيرا فى قعدة أنس وعشاء، قال لهم الجرسون : الحساب مدفوع واشار لشخص فى الطربيزه المجاوره لم يتعرف عليه أحد فسالوه " بتعرفنا"؟ فرد قائلا : " لا ، لكن بعرف ده"، وأشار للأخ الذى ساله " بتعرفنى من وين"؟
فقال : "مش قلت لى شيل 2 جنيه وخلى جنيه"؟ فصرخ با على صوته " الحرامى" ؟
فقل الحرامى بصوت خافت " فى لزوم للفضائح"؟
___________

انها أم درمان !! فاذا كان " الحرامى" بهذه الدرجة من الشهامة والوفاء ، فهل يسئ اليها غير مجروح فى ذاته أو مريض نفسى او معقد ؟؟

Post: #43
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-01-2007, 10:48 AM
Parent: #42

على موقعى " ناس أم درمــــان" كتب أحد الأخوان كلاما جميلا عن " أم درمان" انقله الى هنا كى تعم الفائده، ويتواصل التوثيق.
_________________________________

أم درمان بوابة التاريخ ... حكاية ناس وسيرة أحداث

(لا أحب الخروج من مدينتي وبيتي خوفا من أن تعكر بشاعة العالم مزاجي).

محمد الماغوط

ثراء ام درمان بمبدعيها عظيم في شتي المجالات والأكثر تميزا من حيث الإنتاج وتأثيره الأدبي والوجداني وهناك أيضا مبدعين من نوع خاص في ضروب الإبداع الأخرى من هؤلاء إ بن ام درمان المتميز رائد القصة القصيرة في السودان عثمان على نور الذي ولد في ام درمان عام 1923 وأصدر أول مجلة للقصة القصيرة في السودان .

التقيت الأستاذ عثمان نور في رحاب صحيفة صوت الأمة في منتصف الثمانينات حيث عملنا معا في إدارة التحرير وقد انتقل الأستاذ المرحوم عثمان علي نور إلي صحيفة الأمة مع الأستاذ سيد احمد خليفة الذي تولي إدارتها في تلك الفترة حيث كان عثمان نور يعمل في مكتب صحيفة المدينة السعودية في الخرطوم جوار سينما كوليزيوم مع الأستاذ سيد احمد خليفة وعمل الأستاذ نور في الأمة كسكرتير للتحرير حتى قيام انقلاب الإنقاذ في عام 89 19 وهو من الشخصيات المتفردة في النقاء الإنساني والإبداع المهني فقد كان عاشقا للموسيقي وعالم بروائع السيمفونيات العالمية ومن الشخصيات القليلة جدا من السودانيين الذين يمتلكون مكتبة موسيقية نادرة لأشهر الموسيقيين العالميين كما كان عثمان نور من عشاق مصر أدبا وفنا وثقافة ووفيا لعلاقاته الإنسانية والأخوية تعلوا دائما وجهه ابتسامة هادئة تعيد الطمأنينة لكل من يقابلها كما كان شاب الوجدان غزير المعرفة قليل الكلام لا تكاد تسمع صوته من فرط تهذيبه وهو من المبدعين السودانيين الذين سيكتب عنهم كثيرا جدا.

يقول البروفيسور على المك رحمه الله فى إضاءة نشرتها المجلة السودانية حول سيرة عثمان نور "لم يكن عثمان علي نور مهموماً بالنشر لنفسه ، بقدر ما كان مهموماً بجنس القصة القصيرة ومستقبلها في السودان ، وإتاحة أكبر قدر ممكن من فرص النشر للمبدعين الآخرين في جنس القصة القصيرة . ويقول عنه د / مختار عجوبة : (إذا كان ( موبسان ) يعد أباً للقصة القصيرة الفرنسية ، و( جوجول ) أباً للقصة القصيرة الروسية ، و ( محمود تيمور ) أباً للقصة القصيرة المصرية أو العربية ، فإن ( عثمان علي نور ) يعتبر وبحق اباً للقصة القصيرة السودانية ، لا في مجال الإبداع الفني ، ولكن في مجال النشاط العملي ، أما بإصدار مجموعات من قصصه وأما بإتاحة الفرصة لغيره ليجدوا مجالاً لنشر أعمالهم .
ومن المجموعات القصصية لعثمان نور ( غادة القرية ) ، ( البيت المسكون ) ، ( الوجه الآخر للمدينة ) أصدرها في الفترة من 1953 م – 1961 م . ويضيف بروفيسور علي المك أن لعثمان علي نور الفضل في كتابة القصة القصيرة في السودان بصورة جادة وتفرغ تامين ، إذ لم يجرب قلمه فناً آخر من فنون الأدب وهو أوّل من نشر مجموعة قصصية قصيرة هي ( غادة القرية ) ويضع د/ مختار عجوبة عثمان علي نور بين رواد الرومانسية والذين تغلب الإتجاه الواقعي على كتاباتهم منذ أوائل الخمسينات ( وكتاب الرومانسية في هذه المرحلة كانوا أقرب إلى وجدان الشعب ، وكانوا أساساً من الطبقات الشعبية لذلك جاء وصفهم للحب للتنفير منه وأوصافهم لا تنبع من واقع البيئة السودانية ، وهذا جانب من الشكل الذي تأثروا به وأخذوه عن القصة في المرحلة السابقة ، أو أخذوه عن طريق ( دار الخيالة ) وما كانت تعرضه من أفلام وما كانوا يقرأونه. وفي نقد نشرته المجلة السودانية لأعمال عثمان نور القصصية يقول النقاد إن الاستاذ عثمان علي نور قد أسهم بصورة كبيرة في تشكيل الإتجاه الرومانسي للقصة القصيرة في السودان ، ولم يكن الرومانسيين السودانيين كرصفائهم العرب ، ميالين للعزلة ومناجاة الطبيعة ، هرباً من واقع عجزوا عن تغييره ، فبقدرما عبرت القصة القصيرة حينها عن الرومانسية إلا أنها حملت من الواقعية من أدوات تعبير فني ما حملت ، للتعبير عن الشعب وآماله وتطلعاته . تستلهمه وتعبر عنه ، فكان في إتجاهه الرومانسي يجهد نفسه في إحكام الحبكة القصصية القائمة على التعمية والمفاجأات حتى يبدو الافتعال ظاهراً في أعماله القصصية ، وخاصة في مجموعتيه ( البيت المسكون ) و ( الحب الكبير ) وعندما تخلص من هذا الأسلوب أصبحت قصصه مجرد حكايات سردية طويلة ، كما أنه يختار موضوعات طرقت من قبل ولا يضيف إليها جديداً من ناحية المعالجة كما في القصص التي نشرها على صفحات مجلة القصة التي كان يصدرها ويرأس تحريرها ( الحقيبة ) ، ( حكاية ضائعة ) ( كسوة العيد ) ، ( النار المقدسة ) ، ( أخي أحمد ) ، ( الدنيا بخير ) ويتسم أسلوبها بعاطفية فضفاضة ، كما أن الوعظ شكل سمة أساسية من سمات قصص الرومانسيين ، فلم تعبر قصصهم عن تجارب حب صادقة في السودان ، بل أتت غامضة ومبهمة ، ويلاحظ ذلك على ( غادة القرية ) ، ويتساءل د / مختار عجوبة هنا بأنه لا يدري ( لماذا كان الكتاب في هذه الفترة يطالبون المومسات بالوفاء وعدم الخيانة ، وإذا خانت الواحدة منهن بطل القصة انقلبوا عليها يلومونها ومن هنا يعممون أحكامهم على المرأة بصورة عامة سواء كانت شريفة أم مومساً ، ليس هناك سوى تعليل واحد هو أن حرمان هؤلاء الكتاب من أي علاقة بالمرأة خارج هذا النطاق هو الذي جعلهم يرفعون من مستوى المومسات الأخلاقي فالمدن السودانية كانت إلى وقت قريب ( مجتمعات مغلقة ولا سبيل للاختلاط فيها بين الجنسين إلا في دور البغاء والقاريء العالم بقصص عثمان علي نور يتفق أن عثمان علي نور أكتشف منذ وقت مبكر تقنية متقدمة على زمنه في السودان القطع المشهدي ، وتوظيف المفارقة ، وهذه الاستنتاجات لدكتور عجوبة ، شيدت أساساً على مماثلة القصة للواقع ، بينما القصة تعبر عن واقع افتراضي ينهض في الخيال بالتالي ليس ثمة جدوى من مقارنتها بالواقع لاكتشاف مدى مطابقتها له ، لأنه لا يتعين عليها بالضرورة مطابقة الواقع إن قيمة النص الأدبي تقوم في علاقة هذا النص بمراجعه التي يحيل عليها .

بسطت امدرمان كمدينة قيم التسامح والتوادد بين أهلها ومن عاشرهم وهي قيم أصيلة في سلوك السودانيين أينما وجدوا أو حلو اوقد جسد حي "المسالمة " الذي يقع قرب سوق امدرمان تسامح السودانيين وتواصلهم دون تمييز بسبب العرق أو الدين أو المذهب وهي قيمة أرستها المهدية وجعلت من حي المسالمة عنوانا لها

وقد عكس هذا الحي نماذج للاندماج والتواصل الإنساني الذي جسدته حياة الناس في حي المسالمة من خلال أبنائه الذين صعدوا في سلم المجتمع الأمد رماني ومثلوا السودان كأروع ما يكون التمثيل في مجالات العمل الدبلوماسي.

تناول السفير جمال محمد إبراهيم في مقال له بجريدة الصحافة العدد رقم 4462 بتاريخ 2005-11-08 بعنوان ماريو أنطوان: بكائية على دبلوماسي من المسالمة جوانب من حياة التسامح في ام درمان تناول فيها ام درمان وأحيائها العريقة مشيرا إلي دورها ككيان جامع للاثنيات المتنوعة، ومصهرة للألسن المتعددة، وأورد هنا فقرات صغيرة من مقال السفر جمال ابراهيم تقدم على طريقة الفلاش باك صورة الحياة في أحد أحياء أم درمان المميزة ( وهو حي المسالمة حي تتلاقي العقائد المتألقة ،حيث تزدهر السحنات في تدرجها المدهش، بين بياض وسواد، وسمرة، ثم سمرة داكنة صرفة. يقبلون اللون الاسود، فيقولون عنه تحبباً أخضر) وهو السواد الصريح، تلك هى ام درمان تجمع كل ذلك في كنفها. يحبها الاديب الراحل علي المك،ويغاضبها الشاعر الاكاديمي محمد الواثق، لكن كلاهما يحبانها حباً، يأخذ لونه، مما في الانفس من تجاريب تصقل، ومعاناة تنعش، ومصادمة تُهلك. ام درمان تحتضن حياً رئيساً فيها، اسمه ( حي المسالمة). الاسم يوحي لك بالكثير، إذ الكلمة هى الى كلمة المسامحة اقرب، معنى ومبنى حي (المسالمة)، ليس بعيداً عن سوقها، ولم يكن حياً مهمشاً (المسالمة) هم المسيحيون وبينهم الاقباط الذين كانوا في السودان منذ الحكم التركي في اربعينات القرن التاسع عشر، وربما قبل ذلك. ابقتهم دولة المهدية لتعمق نظرتها في التسامح حيث تكون قيمته اسمى،وبقائه في الوجدان ادعى. بعد المهدية ، نشأ الحي على هدى تسامح فطري، لا قسر فيه، برغم سنوات العسر في دولة المهدية، فتجاور المسيحي مع المسلم، في سكنه، وفي تجارته وفي ملاهيه، فيهم اسر مسيحية، من الشام، واسر اخرى، من اقباط مصر، وآخرون من اصول ارمنية.. وليس بعيداً عن حي المسالمة، تقيم اسر من اصقاع الهند البعيدة، ليس في ام درمان وحدها، بل هم في الخرطوم وفي الخرطوم بحري، الضلعين الآخرين للعاصمة المثلثة الخرطوم الكبرى.

جاء الجميع بتقاليدهم المميزة، ولكن ايضاً، بكنيسهم ومعابدهم. وكلهم الآن، سودانيون، أباً عن جد في حي المسالمة، تنظر حولك الآن، ترى الكنيسة تقاسم المسجد، شارعاً واحداً، ويخرج الناس لصلاة عيد الفطر او عيد الاضحى او عيد الميلاد المجيد، او رأس السنة، فيهم مسيحيون وفيهم مسلمون، بملابس زاهية، وببشر العيد يلوح في الوجه. تختلط في تشكيل فسيفسائي رائع، حتى اسماء ساكني الحي آل جورج).. ( آل زكي).. (آل عبد السيد).. (آل اسكندريان) (آل اندراوس) وغيرهم يستوقفك مثلاً اسم سوداني له وقع شامي «معلوف»، وهم اسرة كبيرة لكنهم تفرقوا الآن بعيداً لاسباب شتى يستوقفك ايضاً اسم لمسيحي مشرقي جورج مشرقي، صاحب المحل التجاري الشهير في ناصية السوق قريباً من مسجد ام درمان العتيق.

والذي توفاه الله بعد ان تجاوز عمره الثمانين عاماً، ويعتبر من كبار اعيان مدينة ام درمان بل هو سادن من سدنة تقاليدها السمحة المرعية. شارك في تشييعه عند وفاته جميع اهل المدينة، شيبهم وشبابهم، وكاد السوق في وسط ام درمان ان يغلق ابوابه جميعها حداداً عليه . ويتحدث السفير جمال عن صديقه ماريو إبن المسالمة في هذا الحي ولد ماريو ونشأ في مدينة أم درمان قد تستوقفك أسماء اسر مسيحية كثيرة، راسخة المقام في امدرمان، يتداخلون مع جيرانهم، ويقاسمونهم كافة اسباب الحياة، هم في الافراح، مثلما هم في الاتراح، منهم اسرةاوتو انطوان) وهى اسرة مميزة وعريقة في المسالمة، جاء منها ماريو، اسرة جليلة بعضهم رجال اعمال في سوق المدينة، كما بينهم مثقفون، تبوأوا مناصب في الدولة. الراحل جورج انطوان، يقرب لماريو، كان قد تدرج في السلك الدبلوماسي السوداني، ووصل فيه الى مرتبة الوزير المفوض، وهى تعادل منصب نائب سفير. ذلك رجل سوداني اصيل، تحفظ له وزارة الخارجية سهماً في نشاطها الدبلوماسي في الستينات والسبعينات، من القرن الذي مضى، يرحمه الله. من أسرة أنطوان انحدر المستشار ماريو اوتو انطون الذي تلقي تعليمه في جامعة الخرطوم في سنوات السبعينات من أبناء حي المسالمة، دبلوماسي سوداني عمل في الخارجية وفي السفارة السودانية في الصين ويشيد السفير جمال محمد ابراهيم بالخلق والقيم التي حملها الدبلوماسي ماريو طوال سني خدمته في وزارة الخارجية كواحد من أبناء السودان الذين أنجبتهم أمدرمان وعاشوا فيها كرمز من رموز التسامح الذي تتفرد به المدينة .

Post: #44
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 05-02-2007, 01:12 AM
Parent: #43

الأخ الأكبر شوقى بدرى .. أحد اروع الكتاب على منابر الحوار السودانية ومن لا يعرفه فهو من اصلاء أم درمان وهو أحد "فتوات" أم درمان حينما كانت "الفتونة" رجولة وشهامه وكرم.

يا حليل ايام الاخ الاكبر شوقي ... والمرحوم الدوس ...وخور الموردة ....

Post: #45
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-02-2007, 05:40 AM
Parent: #44

شكرا يا سمير ..
_________________

وواصل الأخ الأم درمانى فى سرد خواطره فكتب:-

بعثرة فى اوراق الشاعر السوداني الراحل
عبدالرحمن محجوب عبد الله السيد الاقرع

المقدمة :

النظر فى اوراق الاخرين بغرض الاطلاع على حياتهم امرا فى غاية الصعوبة خاصة اذا كان المطلع على اوراقه يدخل فى عداد الاموات زولا بعيد ما بتلحق وحياة الشعراء دائما مليئة بالاسرار و المواقف الجديرة بالبحث والتنقيب لمحاولة الاطلاع على شىء مما كانوا يعانونه ومعاناة الشاعر عذابات بعضها يخصه والبعض الاخر يخص كل من لهم علاقة به وبمحيطه والبعض اللانهائى هو العالم وانفعاله بكل موقف انسانى وكل حدث يمر به حملت اوراقى واقلامى واتجهت صوب الثورة الحارة العاشرة لكى اواجه اصعب واحزن مهمة فى حياتى الصحفية وهى التوثيق لميت حى ما لمسته من احزان تخللت ابيات الشاعر كان كافيا بالنسبة لى لمعرفة كيفية حياته واليك عزيزى القارىء جزءا من ما لمسته لاطلاعك وتقييمك واعتقد بأننا لن نختلف ابدا فى ان شاعرنا كان موهبة حقيقية جديرة بالظهور والانتشار لما قامت بتأليفه من كلمات رقيقة قمة المعايشة والمشاركة المرئية والمسموعة:

فى ذلك اليوم جاهدت نفسى وحملتها قسرا على التماسك وعدم البكاء حفاظا على رباطة جأشى وحماية لنفسى من التشتت والحزن الذى يمنع الانسان التركيز والتفهم ويجعله يشعر بالفناء والتلاشى والصمت البارد غير انى عزيزى القارىء لما خلوت الى نفسى ونبشت نفس الاوراق مرة اخرى لاعدادها من جديد ورأيت كيف ان المرق قد انكسر واتشتت الرصاص وبعد ان وقفت على حقيقة الشخصية ومدى رهافتها وشاعريتها بكيت وسألت نفسى هذا السؤال المر : لماذا لا نعرف قيمة مبدعينا ولا نكتب عنهم الا بعد ان يكونوا قد رحلوا عنا بعيدا ؟ ويصبح الوصول اليهم امرا مستحيلا لا يتم الا بعد ان نحمل فى الالة الحدباء على اعناق اقربائنا وحينها لاصحف ولاصحافة الا من اتى الله بقلب سليم

تتعلق احيانا بعض الارقام ببعض الاسرار ولا يعلم كنهها الا الله ولشاعرنا عبد الرحمن مع الرقم 29 مصادفة غريبة والله اعلم فهو قدولد يوم29 وكتب اجمل قصائده يوم 29 وتوفى يوم 29

الصورة الاولى :

بيت سودانى ككل البيوت السودانية يتسع بنفس ام حنون واخوة متحابين ، وجدت الجميع فى انتظارى : شقيق المرحوم الاستاذ احمدمحجوب عبد الله الاقرع ووالدته امدرمانية السحنات ذات البشاشة السودانية الحقة واخته عفاف وابنة اخته اسراء وهى مكمن اسراره وحافظ قصائده وقد رددت العديد من القصائد التى امنها لها خالها امام ناظرى بصورة القائية جميلة مما اعطانى بعدا لكيفية العلاقة بينهما ولما سألت عرفت بانه كان يتناقش معها فى قصائده ويؤمنها لها واكد لهم اكثر من مرة بأنه يشعر بأن اسراء ابنته هو وليست ابنة اخته .

حضرت وبعد ان حييتهم جميعا جلست مطرقة وصامتة لجو الحزن الشديد الذى لاحظت بأنه كان يخيم على الحضور فتمنيت للفقيد الرحمة والمغفرة وبدأت حديثى معهم بين لحظة واخرى احاول تركيز الاسئلة على امه التى كتب لها قصيدة امى بت احمد وهو بغرفة العناية المكثفة بمستشفى الشعب التعليمى /الخرطوم هذه الابيات جزءا من القصيدة :

امى يا ست الولف

يا جوهرة قلبى الصدى

بتزكرك وكتين يفيض خط اليراع

وحتى المداد يابى ويجف

داير اجيك لكنى ما قادر

بفكر فى الطريق يمكن يطول او يوم يقيف

بتذكرك من يوم خطاى فاتت طريق بيتنا الوليف

وداير عفوك والسكة ما معروفة وين

وتانى الوصال يبقالنا كيف؟

وقالوا السفر يا والدة ابدا ما خفيف

ويبقى العمر محدود كمان يا يمة جد

لو كان شفاى اصبح منال برجع بجيك

وان كان طريقى صبح كتر

يا والدة دايرك تعفى لى واخوانى زيى شدر الخريف

احب امه التى كانت سبب وجوده وطلب رضائها لكى يموت مرتاح البال ، واحبته بدورها فكانت المربية والملهمة والام لرجل اسمه عبد الرحمن محجوب عبد الله السيد الاقرع

ولد بحى ود البنا بامدرمان عام 29/12/1954

ودرس الروضة هناك بذات الحى .كان نبيها وزكيا كما وانه كان غلباوى جدا وقد اظهر ميلا مبكرا منذ صغره للرياضة والغناء درس الابتدائية والوسطى ثم تم توزيعه لمدرسة الجيلى الثانوية ثم مدرسة امدرمان الاهلية الثانوية و مثل منطقة امدرمان فىحراسة المرمى لدورة المناطق ( امدرمان- بحرى- الخرطوم ) وعمره خمسة عشرة عاما ثم لعب لفريق الجوهرة برابطة المهدية ثم رابطة امتداد ناصر برى بفريق الهدف وقد كان محبا لاصدقائه فى المدرسة وفى شلة الكورة وكانوا يجتمعون لديه قبل الذهاب للعب وبعد العودة منه للانس والاتفاق ومن اشهر ابناء دفعته الاستاز الفنان حسين على جبريل ( حسين شندى) فى المرحلة المتوسطة بقندتو و كان من اعز اصدقائه ومن ابناء دفعته ايضا الاستاذ حسين خوجلى وعصمت محمد بادى ( جيفارا) الدكتور هاشم عجيب والاستاذ محمود التاج حميدان .

· وكانت له علاقة قوية بالشعر والفن والغناء فقد احى الكثير من الحفلات مع االاستاذ الفنان ( احمد عبد الله البنا ) الفرجونىوالامين البنا والجقر حيث كان يضرب على الرق وكورسا وكان الفرجونى لا يخرج للحفل الا ويكون معه عبد الرحمن وكانت العلاقة بينهم قوية ومتينة كاصدقاء بالاضافة الى انهم اقارب فالشاعر وابناء البنا اولاد خالات .

اهم ما يميز الشاعر عبد الرحمن الاقرع هو طيبة قلبه الشديدة وحبه للاخرين لدرجة انه ان اغضب احدا وكان هذا نادرا ما يحدث يأتى ويحاول ارضاء من اغضب باى صورة من الصورة كما وانه كان يصفح عن من اساء اليه وينسى بسرعة ويتحسس احزان الاخرين ................................................

ساد صمت وحشرجة صوت وعبرات ثم بكى الجميع بدموع غزيرة حتى اننى اضطررت للاعتذار عن فتحى لحزنهم مرة اخرى بينما خرج شقيقه احمد والدموع تملا عيونه الى الفناء وكانه يبحث عن اخيه فى جدران المنزل او يمضى باحزانه بعيدا عنا داخل الغرفة .

وكأنى به يريد ان يقول فى سيرة عبد الرحمن ، الكلام بكمل

يازاهى يا سمح الوصف نحنا القلوبنا اليك تهف

يا راقى يا سمح الخصال

جافيتنى ليه والحب حلال

وليه انت ليك صعب الوصال

وانت الجمال عندك وقف

يا راقى يا سيد العفاف

والله من عينيك بخاف

حبك سكن ملك الشغاف

ومن لحظ عينيك برتجف

· الصورة الثانية : لوفاة الوالد تحمل المسئولية مع الوالدة وشقيقه الاكبر عبد الله محجوب الاقرع لذلك لم يستطيع اكمال تعليمه فتوقف حتى اكمال المرحلة الثانوية ثم عمل بشركة البدرين للنقل المحدودة ببحرى كمحاسب وذلك منذ العام 75 وحتى العام 83

كتب اولى قصائده فى رثاء ثلاثة شبان من العائلة وكان ذلك عام 1970 واسماه دمعة ثم كتب الثانية عام1972 واسماها الانتفاضة وكانت بمناسبة بناء وتسوير مدرسة قندتو المتوسطة ثم كتب دمعته الثانية فى نفس العام حزنا لوفاة الوالد وبعدها انهمر الفيض غزيرا وتواصلت الكتابةو احب شاعرنا امدرمان المدينة العميقة بكل ما يحمل هذا الحب من معنى وكتب فيها قصائد جميلة غير انه لما دعى للانضمام لرابطة ابناء امدرمان والمشاركة فى منتدياتها لم يذهب مما يفسر لنا بأن الشاعر ما كان يحب الاضواء ... على الرغم من انه دائما مع اهل الفن والشعر والغناء والمسرح . لماذا ما كان شاعرنا يحب الاضواء ؟؟ هذا ما عجزت عن ايجاد اجابة له الا التفسير الوحيد الذى ي}كد بأن هنالك شيئا ما فى حياة الشاعر كان يجره جرا الى الوراء واعتقد بأنه احساس داخلى لفراغ فى مساحة ما بداخل نفسه كانت بحاجة الى الدفع والتشجيع وشد الازر فى هذه النقطة خاصة . حكى لى شقيقه احمد بأنه فى يوم من الايام قال له : (انا لا ا يشعر بالامان الا اذا كنت بداخل امدرمان ففيها اشعر كأننى بداخل بيتى ) ولعل هذا ما يفسر لنا كرهه للاغتراب والابتعاد عن الوطن حيث قطع غربته لما كان يعمل بالمملكة العربية السعودية بشركة المدينة الدنمركية للالبان كمندوبا للمبيعات ولكن حبه للسودان ولامدرمان خاصة جعله يقطع اغترابه ويعود سعيدا بهذه الارض الحمراء التى كتب فيها العديد من قصائده :

انا امدرمان انا العزه

انا السودان انا العازه

انا الزلزال انا الهزة

انا التنوين وانا الهمزة

انا الجواى كم معنى

والف سؤال عن العزة

انا امدرمان وانا اللمه

انا الدوبيت وانا الهمة

انا الترياق وانا اللقمة

انا الكلمات وانا التعليم

انا التنظيم وانا القمة

انا الفرسان انا الاخوان

انا الجيران وانا الامة

انا الهيبة وانا القدلة

انا القرجة انا السروال وانا العمة

Post: #46
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-02-2007, 11:25 PM
Parent: #45

نواصل الأبحار مع ما سطره هذا الأخ الأم درمانى.
_______________

الصورة الثالثة :

فى فترة شبابه وقبل زواجه عاش العديد من قصص الحب ككل الشباب فى سنه كان يبحث عن امرأة خاصة بخصوصيته وبرهافة شاعريته ولبحثه عن مرأة تستطيع ان تملا جوانب حياته وتعطيه الهدوء والسكينة والبيت المبدع لكى يبدع اكثر ما كان من حب واصبح ووجد هذه المرأة واختارها قلبه ولكن ما كل ما يتمناه المرء يدركه واتت الرياح بما لا تشتهيه سفنه وانتهى كل ما كان بينهما من حب و بقى الاحترام و انحصر كل الماضى فى بضع كلمات فى قصيدة اعتبرها هو ماض غير ان الحزن دائما طويل السكنى لدى الشعراء خاصة اذا نجم هذا الحزن عن حبا صادقا وعفيفا فكتب قصيدة ( قلبى لى غيرك وهبتو ).
:
ليه بتسأل عن وفايا

وانت سر الريد كشفتو

وليه بتحكى عن البنيتو

وانت بى ايديك هدمتو

واصلو ما راعيت وفايا

وحبى ليك يوم ما حفظتو

ليه نسيت كلمات رجاى

ودمعى ليك انا كم زرفتو

ليه تخادعنى وتواصل

وحبى ليك انا ما كتمتو

وليه تمثلو لى حنانك

وكل حنانى ا ليك وهبتو

انت ما حاولت تعرف

دربى من دربك رسمتو

ليه بتسال يا حياتى

وقلبى انت قبيل صدمتو؟

كان هذا الماضى واجهة اخرى نستطيع ان نقرأها لتعطينا اشاراتا وصورا مقروءة والصور يا عزيزى القارىء رسالة مفتوحة تستطيع قراءتها وتحليلها وتفسير مضمونها.

Post: #48
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-03-2007, 08:31 AM
Parent: #46

أستراحة:-
كلمة " سفيه" التى ذكرتها فى هذا العنوان ربما لم يتوقف عندها الكثيرون، ولا يعرف معناها الحقيقى الا أهل أم درمان الأصليين، وهى " ام الشتائم" ولا توجد شتيمه فى عرف اهل أم درمان القدامى أكبر منها، ولا تطلق الا على رجل ميئوس منه، ويظهر عليه القبح فى جميع تصرفاته، كضاب، منافق، معقد، مجروح الذات، يأكل من جميع الموائد، عميل، منبطح، حاقد، بيد انه يبعثر فلوسه أن كانت له فلوس يمين وشمال فى زواج وطلاق، لذلك فالسفيه يحجر على امواله بالقانون، ولا يستشار فى امور يستشار فيها الكبار!!
فهل يسئ الى ام درمان غير " سفيه أو حاقد أو عميل"؟؟

Post: #50
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 05-03-2007, 05:09 PM
Parent: #48

ليه بتسأل عن وفايا

وانت سر الريد كشفتو

وليه بتحكى عن البنيتو

وانت بى ايديك هدمتو

واصلو ما راعيت وفايا

وحبى ليك يوم ما حفظتو

ليه نسيت كلمات رجاى

ودمعى ليك انا كم زرفتو

ليه تخادعنى وتواصل

وحبى ليك انا ما كتمتو

وليه تمثلو لى حنانك

وكل حنانى ا ليك وهبتو

انت ما حاولت تعرف

دربى من دربك رسمتو

ليه بتسال يا حياتى

وقلبى انت قبيل صدمتو؟

Post: #51
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 05-03-2007, 05:15 PM
Parent: #50

بلاجات الفتيحاب .....

Post: #52
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 05-03-2007, 05:24 PM
Parent: #51

ولي اخوانا السواح .... الما شافو امدرمان ....

Post: #53
Title: Re: وهل يسئ ام درمان غير (سفيه أو عميل أو حاقد) ؟؟؟
Author: هلال زاهر الساداتي
Date: 05-04-2007, 02:17 PM
Parent: #52

الاخ تاج السر حسن
التحية والود
لك الشكر علي ردك البليغ لمن اراد او يريدون النيل من امدرمان فهم كناطح صخرة ليوهنها فأوهي قرنه الوعل او الثور , ولتسمح لي بأيراد بعض ما كتبت عن امدرمان في مقال لي بجريدة الخرطوم عندما كانت في القاهرة فقد كتبت ( وفوق ذلك كله اهل امدرمان في تحضرهم ورقتهم وانسانيتهم اناس سمت بهم فضائلهم فلا احقاد ولا ضغائن , فهم يطلبون العفو من بعضهم البعض في الاعياد , وليس بهم شح ولا بخل , يقتسمون الزاد والملاح مع بعضهم البعض , اصحاب نجدة وشجاعة يخرجون الي الشارع مسرعين عند سماع امرأة تصيح ( ورو رووك ) , حفظة شرف وعرض يعتبر كل واحد منهم بنات الحلة اخواته ونساء الحلة خالاته ورجال الحلة اعمامه .
ففي الحي الذي ولدت فيه ونشأت واسكنه حاليا وهو فريق ريد بالموردة ضم في داخله من قبائل السودان الدينكا والجعليين والفور والمحس والنوبة والشايقية والنوير والرباطاب والدناقلة , وامتزجوا وانصهروا في بوتقة واحدة خرج منها قبيلة واحدة في تراحمهم وتوادهم , ولا احد يشعر بالتعالي او الدونية نحو الآخر , وكأنهم ابناء رحم واحدة , وهذه هي امدرمان . فأمدرمان كالمصفاة جمعت شمائل كل السودانيين من عرب وزنج ونوبة ونيليين ونفت منها جميع الشوائب وخرج من المصفاة مزيج صاف رائق طيب . لم نكن بحاجة الي قانون وشرطة نظام عام كالذي حدث ويحدث في زمن الجبهة الأغبر , فقد كنا ونحن شبان بعد انتهاء ( اللعبة ) وهي حفلة الغناء في الأعراس التي يغني فيها احمد المصطفي او الكاشف واضرابهم من المطربين وتلك عادة ماتنفض في منتصف الليل او بعده بقليل , كنا نصطحب بنات الحلة الي بيوتهن ونقرع الباب ويفتح لنا والد الفتاة ويدخل ابنته مع الدعاء لنا , ولم يساور بال احدنا العيب , فكيف تأتي العيب مع اختك ؟
ولقد قدمت كتابي ( امدرمانيات - حكايات عن امدرمان وقصص قصيرة اخري ) بهذه الكلمات :
( امدرمان اشبه بمائدة عامرة بشهي الطعام وبكل ما تشتهيه الانفس , فأن اردت الادب وجدته , وان اردت الشعر عثرت عليه , وان ابتغيت الوطنية والسياسة امتلأ الفكر والوجدان بها , وان تطلعت الي الرياضة طلت عليك منها , وان اردت الغناء والموسيقي طربت من الحانها الشجية وكلماتها العذبة , وان تشوقت نفسك الي روحانية الصوفية وجدت بغيتك فيها , انها امدرمان الأم الرؤوم التي ضمت الي صدرها الحنون ابناء السودان جميعهم وافاضت عليهم من حنانها ورعايتها , فما بخلت ولا ضنت , ولا قصرت ولا تخلت , انها انشودة في فم الزمان , وهدية مهداة من الرحمن .
ابناؤها من خير خلق البرية الذين وطئت اقدامهم اديم الارض وانتشروا في ارجاء السودان رسلا للعلم والتحضر عندما كان التهميش مفروضا علي سوداننا الحبيب . ولهذا ولغير هذا احببناها , ونقش حبها في قلوبنا ولن تنمحي ذكراها وذكرياتها مهما نأينا ومهما ابهجتنا وسرتنا ربوع مدن الغربة . وتجدني اردد ابيات ايليا ابو ماضي التي يقول فيها :
زعموا سلوتك ليتهم نسبوا الي الممكنا
فالمرء قد ينسي المسئ المفتري والمحسنا
لكنه مهما سلا هيهات يسلو الموطنا
ولآولئك الشانئين اعمياء البصر والبصيرة والذين علي بصرهم وقلوبهم غشاوة نقول لهم مثلنا الشعبي ( الما بتلحقو جدعو ) , وموتوا بغيظكم .

Post: #54
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-04-2007, 03:49 PM
Parent: #53

هلال زاهر الساداتى
ماذا اقول بعد قولك هذا عن أم درمان ؟؟
كتبت:-
Quote: ولآولئك الشانئين اعمياء البصر والبصيرة والذين علي بصرهم وقلوبهم غشاوة نقول لهم مثلنا الشعبي ( الما بتلحقو جدعو ) , وموتوا بغيظكم .

المورده بتلعب ، وأنت هلال !!
ومن يسئ الى ام درمان يا هلال غير سفيه ومجروح فى ذاته ؟؟

Post: #56
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-04-2007, 05:15 PM
Parent: #54

الأخ الصديق والروائى المبدع محمد عكاشه.
نشتاق اليك كثيرا ونذكرك بالخير كله، لما لا وانت نموذج لأبن أم درمان والسوادن الشفيف العفيف.
كنت حاضرا معنا بالأمس نتجاذب اطراف الحديث مع الأخ الزين، وكنت حاضرا اليوم وبينا وفد صحفى لجريدة كبيره ربما وصلنا معهم لأتفاق عملى مشترك، ولقد ذكرتك من ضمن الصحفيين والأعلاميين الذين كانوا بمصر ونتمنى أن يعودوا كى يساهموا معنا فى هم تسمو فوقه الصغائر، الا وهو عكس الثقافة السودانيه والأم درمانيه لأهل مصر.

Post: #60
Title: Re: وهل يسئ ام درمان غير (سفيه أو عميل أو حاقد) ؟؟؟
Author: ahmed babikir
Date: 05-04-2007, 06:17 PM
Parent: #56

ريحتونا يااولادنا ..اولاد ام درمان..
تاج السر والله ما قصرته (يقصر الملح) في حق امدرمان الوالده الرؤوم..
انا من ودارو وقباني... وقد اشرت من قبل لبابكر قباني وهو جدي لابي
تربيت معه في بيت واحد هو ومحمود الفضلي وقد كانوا يستانسون ببعضهم البعض بعد ان عجزو عن الخروج..
وايضا جدي لامي هو الاستاذ علي حامد ..الصحفي..
ساحاول ان ااتي ببعض من قصصهم ..

Post: #57
Title: Re: وهل يسئ ام درمان غير (سفيه أو عميل أو حاقد) ؟؟؟
Author: munswor almophtah
Date: 05-04-2007, 05:38 PM
Parent: #54

علي يد الشيخ قرشي ودالزين الجموعي وهو من ذرية الشيخ الطيب ود البشير والشيخ الطيب وهو جميعابي جموعي وهذه المناطق صرف مناطق جموعية وكان يطلقون على سكان الريف الجنوبي

الشيخ القرشى ودالزين ليس بجموعى وهوحلاوينى كما ود حبوبه وبادى محمد الطيب وهو تلميذ سمانيه جموعيه قصده المهدى للعلم بعد خلافه مع الأستاذ محمد شريف نورالدائم فرفض أن يضيف لعلم أساتذته علما للمهدى الذى فاض بحر علمه من جهد السمانيه فالجموعى هو الأستاذ محمد شريف أستاذ المهدى وجد محمد الواثق يوسف مصطفى الشايقابى السرورابى الشهينابى سليل أهل الكتاب والركاب الذى غنى لسرحته أم درمان كما تغنى التجانى يوسف بشير لمعهده العلمى وليس الواثق بسفيه كما جرى على لسانك تعميما رامزا للتحديد لأنه كتب عن أم درمان تحتضر وكتب إبن عمه الدكتور محمد السمانى الشيخ الحفيان حفيد الشيخ عبدالمحمود نورالدائم الشيخ الطيب البشير والجموعى الأصل أمدرمان الحياه ردا لما كتبه الواثق وكانت ومازالت روائع منتدى الفلاسفه وبرداته التى تبرد شوق الجوف إلى الجزل وأم درمان تحتضر من أروع وأبدع ما كتب فى الشعر السودانى لا يساويه إلا ما كتبه عمه وخاله محمد سعيد العباسى إبن الأستاذ محمد شريف نورالدائم الجموعى القح فيا عزيزى تاج السر إن النار من مستصغر الشرر وأهل أم درمان أدرى بدواهيها ودهاتها وردهاتها

منصور عبدالله

Post: #58
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-04-2007, 05:53 PM
Parent: #57

الأخ الكريم/ منصور
تحية وأحترام
أشكرك على مرورك واشكرك أكثر على التصحيح الذى ادليت به ودون شك تصحيح أنسان عارف وواثق من معلوماته.
اما من جانب آخر فنحن لا نقبل اى شتيمة أو اساءة لأم رمان تحت اى ظرف أو مبرر، وحتى لو كتب تلك الشتيمه شاعر فى قامة ابو الطيب المتنبئ !!
فى حقيقة الأمر ان اس مشاكل السودان فى الوقت الحاضر افتقار الناس وعدم المامهم على قدر كاف بثقافة ام درمان من حيث التسامح الدينى والتكافل الأجتماعى والبساطه والشهامة والأخلاق الفاضله.
أم درمان التى اعرفها لا يوجد فيها رجل يتنكر لفعله زين أو شين !!
اهل ام درمان لا يمكن أن ينحازوا أو يقفوا الى جانب عدو معتد باطش مغتصب متجبر مثلما فعلت السيدة/ تراجى، بدعوتها المهترئه ومبرراتها التى قدمتها لخلق علاقه مع اسرائيل شعبا وحكومة!!
ثقافة ام درمان لا تسمح بأن يتدخل الغرباء لحل مشكلة الوطن، فالحل .. فى الحل !!

Post: #59
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-04-2007, 06:05 PM
Parent: #58

خير أستراحة نتوقف فيها ريثما نواصل الأبحار فى هذه المدينة الطيبة الغنيه بكلما هو جميل، ان نلقى السمع لأوبريت كتبه أبن أم درمان الشاعر رائد السهل الممتنع " الفاتح حمدتو" وهو من ابناء بيت المال ومن اسرة المذيع المعروف " طه حمدتو" رحمه الله، والرجل شاعر ورجل أعمال ورياضى معروف، وقد شارك بالأداء فى ذلك الأوبريت أبن أم درمان الفنان " نادر خضر" قريب زميلنا " سمير ابراهيم" فالتحية لهم جميعا.
__________________________

Quote: عشقنا ترابا يا سودان
زرعنا أمامنا في الأركان
رسمنا حروفا بالألوان
و كنا وكانت أم درمان
عزيزة و غالية يا أم درمان

شعار شلناهو جيل عن جيل
شعار ما بقبل التأويل
سلام ممزوج بموية النيل
بنور قرآنا و الإنجيل
كتبنا فصولو في أم درمان

بديتي الوحدة بالأرحام
و كنتي منارة الإسلام
قبايل نحن عشنا كرام
مع الأقباط هنود و شوام
قسمنا اللقمة في أم درمان

و نهر النيل سعيد لاقاك
وكان يا أم در بدايتو معاك
نتوه في الدنيا ما بننساك
و نرجع تاني ليك نرعاك
نصون العشرة يا أم درمان

شتات الفرقة طعمو مسيخ
أريت لو يرجع التاريخ
تقيد نيرانا قبة و شيخ
هلالنا يعانق المريخ
نقول للدنيا دي أم درمان

تكون جلستنا جنب النيل
تدق النوبة حمد النيل
نشيل ألواحنا للترتيل
و نمشي هناك نقيم الليل
نضوق العافية في أم درمان

حضنتي خليل وود بطران
وفيكي كرومة عاش فنان
طربتي مع الأمين برهان
و صوتك عم كل مكان
إذاعة تقول هنا أم درمان

سلام للرقدو في البكري
أمان في شرفي من بدري
تروم ارواحنا ما بندري
و ريدتك في العضام تسري
محبة شديدة يا أم درمان

سلام يا أم در عظيمة الشان
سلام يا أم در أرض شجعان
سلام يا أم در كرم حيشان
سلام يا أم در عشا الضيفان
سلام يحميكي يا أم درمان
سلام ينجيكي يا أم درمان
سلام يا درة السودان

Post: #61
Title: Re: وهل يسئ ام درمان غير (سفيه أو عميل أو حاقد) ؟؟؟
Author: essam&amal
Date: 05-04-2007, 08:25 PM
Parent: #1

الحمد لله
سودانيه وام درمانية وجعلية
وهلالالالالالالالالالالالالالالالالالالالالابية

والله يا تاج ما خليت لينا حاجة نقولها
وانت ود عمى ولا شنو ؟؟؟؟؟
متابعيييين
بالله عليك اكتب لسه كمان وكمان
يا ام درمانى يا اصيل
لك التحايا
ولى عودة
ام وضاح

Post: #62
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-04-2007, 08:59 PM
Parent: #61

ست الكل أم وضاح
أعجزتى العجم والفصاح
معاك لحدى سودانيه وهلالابيه
اما نص جعلى ونص دنقلا وى
ده الحسين ود تاج السر
اهلو بروقو المويه
والبهبشم
الرد بظهر حاضر
زى اقوان "كلاتشى"
أصلها ما بتضرب فى العارضه!!

Post: #63
Title: Re: وهل يسئ ام درمان غير (سفيه أو عميل أو حاقد) ؟؟؟
Author: essam&amal
Date: 05-04-2007, 09:31 PM
Parent: #1

لحدى هنا كويسين
كان وريتك جدودى تجوا تزوروا فوقنا ساكت
اخير اسكت

عاوز الهلال يدى المريخ كم ؟؟
عشرة كويسة
اتفقنا
ام وضاح

Post: #64
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-04-2007, 09:35 PM
Parent: #63

كان كده يا ام وضاح تكونى قريبة الحسين
الكوره محسومه بى قونين واحد منهم بحرزو
لاعب أعسر !!

Post: #65
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 05-05-2007, 00:55 AM
Parent: #64

سوق أم درمان ترجمة حقيقية للأصالة في السودان

شعاره مقاومة العصرنة

أم درمان (السودان): شذى مصطفى

تاريخه يعود الى حوالي قرنين، وجغرافيته تبدأ من مبنى البوستة أو البريد العتيق شمالا، وينتهي بحي المسالمة العريق جنوبا وشارع كرري شرقا وشارع الشنقيطي غربا، هو نموذج مصغر لمدينة أم درمان التاريخية، التي تعتبر العاصمة القومية للسودان، التي تعيش بها الأعراق والديانات المختلفة، اليهودية والمسيحية والإسلامية والبوذية. ففي هذا السوق الكبير كانت محلات التجار الهنود تجاور محلات الأقباط، الذين جاؤوا من صعيد مصر ويتخصصون في المنسوجات والمفروشات، تجاور محلات اليمنيين أو «اليمانية»، الذين يشتهرون بتخصصهم فى مجال البقالات، ولا يزال موقع محل العدني شهيرا ودليلا للأجانب والسياح رغم زواله عن الوجود! كما هناك شارع يعرف بسوق اليهود، الذي ما زال يحمل اسمه رغم مغادرة أصحابه للبلاد في السبعينات.

Post: #66
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 05-05-2007, 01:07 AM
Parent: #65

حي المسالمة ..... سموها المسالمة .. لان ام درمان اول مدينة عرفت السلام ... وتعايش في هذا الحي المسلمين والاقباط ... فاصبحت المسالمة رمزا للتعايش السلمي والسلام والامان ...

أم بدة ... مقسمة الي ثلاثه فروع ... وهي ام بدة السبيل ... وام بدة الردمية ... وام مبدة الجميعاب ...

وبانت ... مقسمه الي بانت شرق وبانت غرب ... وحكي لنا اجدادنا ان تسمية بانت ... جاءت بعد فيضان سنة سته عندما هاجر المزارعين من منطقة المقرن ... وعبروا النهر .. وبدأ العمار ... فاطلق عليهم ((الرجال بانت ))))

Post: #67
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-05-2007, 08:06 AM
Parent: #66

أن شاء الله يا سمير يا اخى يوم شكرك ما يجى!!
لقد اثريت هذا البوست بصورك المعبره الناطقه بكلما هو جميل.

Post: #68
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-05-2007, 08:18 AM
Parent: #67

سوف اواصل الأبحار مع ما سطره الأخ الأم درمانى فى منبرى " ناس أم درمان" عن "ام درمان" وهو يكتب بنيك نيم " كمال سينا" رحمه الله هو احد ظرفاء ام درمان فى الزمن الجميل، ولا اعرف عن ذلك الأخ أكثر من ذلك الأسم، وتمنيت لو عرفنى بنفسه أكثر فهو ذخيره أم درمانيه حية، لا اعنى مثل الذخيره التى استخدمت فى حى المهندسين وراح ضحيتها عدد من ابناء السودان!!
وانما هو ذخيرة " حية" تبث الحب والجمال.

Post: #69
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-05-2007, 09:53 AM
Parent: #68

التحية والتقدير لأحمد بابكر من ثلالة " آل قبانى" احد اسر أم درمان المعروفه.
اواصل الأبحار مع أبن أم درمان المسمى نفسه " كمال سينا" ومع بعثرته فى اوراق الشاعر السوداني الراحل: "عبدالرحمن محجوب عبد الله السيد الاقرع"
________________________________

الصورة الرابعة :

عاد " عبدالرحمن " من المملكة العربية السعودية وفتح صفحة جديدة فى حياته وتزوج واستانف حياته بصورة طبيعية هناك حيث عمل بشركة المدينة الدنماركية للالبان كمندوب للمبيعات ولما كره البعد عن الوطن واستشرى بداخله لهب الشوق لام درمان عاد اليها مرة اخرى وقرر الا يفارقها بدا.
Quote: قالو ا ليك عن ريدتى ليك وزادو ليك فى القول شوية

وانت عارف كم هويتك وما فى غيرك فى عينيا

ليه رضيت عنى الوشاية وليه نسيت ريدك اليى

جابو ليك كلمات وشاية وهدموا البيناتنا كلوا

قالوا ليك عنى العوازل انى ريدك ما بجلوا

انت صدقت الوشاية وقلت ريدك ما محلو

كان تفكر تلتقينى وتعرف الموضوع اقلو

كانت عرفت هواك عندى واصلى ريدك ما بملو

وانت حبك منو زاتى وبيه افراح عمرى كلو

الملام ما بيجيب حبايب والعتاب ما بداوى اصلو

وما بعاتبك وما بلومك والبيزرع برعى شتلو

كان يكتب كتابة من يفتقد شيئا عزيزا فيسعى للبحث عنه فى كل مكان ولايهدأ له بال حتى يجده فقال :
Quote: طفت كل الدنيا شانك شان اجيك

ما لقيت سكة عيونك او دروب تهدينى ليك

وقلبى شايل جرحو دامى وباكى حالو دوام عليك

كنت وين يا نور ظلامو يا مناهو المشتهيك

كنت فاقد ضى عيونك وصرت هاجر للغرام
والحنين الكان ملكنى سابنى اصبح لى هيام

الا يوم ما بنتى انتى وفى عينيك بان الكلام

هف قلبى القايلو ودر ومن جديد هزه الغرام

وفى عيونك شفت صدق الدنيا كلو

وكان يتساءل عما جناه وما ذنبه فى هذه الدنيا سوى انه ذو قلب كبير فقال :

Quote: خاصمنى حبى قسى

واصبح قليبى كسير

اهمل هواى نسى

وعاندنى حظى كتير

بالله ايه ذنبى

ماعرفت غيرك حب

يا الكنت منى ولى

ارجع تعال بالريد

احزانى فاضت بى

بالله ايه ذنبى

كان شاعرنا مرهفا للغاية وحساسا للغاية وكتوما للغاية وهميما للغاية وتخيل صديقى القارىء رجلا بهذه الابعاد يحمل هموم الاخرين دون ان ينبس فمه ببنت شفة ليتحدث عن همومه هو وهل ينسى احدنا همومه ؟ بالتأكيد الاجابة لا ولكن تكبت وشاعرنا ما كان يشتكى ابدا حتى وهو فى احلك الظروف النفسية كما وان قصائده تصور معاناته الشديدة من شيىء ما دون ان يقوم بتوضيحه حتى لاخيه وصديقه احمد وقد كان شديد الالتصاق باسرته واخوانه شديد التحمل والصبر وذو مسئولية وهمة فكتب لهم فى جواب ارسله وساعى البريد مؤكدا لهم حبه لهم :

Quote: مانى ناسى

ومانى قاسى

ومانى نكار للجميل

مانى جاهل

كلى همة

ومانى تعاب حين اشيل

ومن زمان شيال قواسى

ومن قبيل حمال اواسى

ومن ابوى هداى دليل

حانى لى لقياكم انتو

ديمه فى خطواتى بنتو

وجوا فى احشاى سكنتو

وديمة دمعاتى بتسيل

كان مشاركا وذو انفعال بكل القضايا القومية والوطنية وقد كتب فى هذا المجال:-
Quote: يا ويل اسرائيل من غضب الاسود الزائرين

البائعون الروح للمولى العلى معاهدون

الباحثون عن الشهادة فى القتال مجاهدون

صبرا فلسطين الحبيبة ابشرى انا اليك قادمون

ودرجة انفعاله بالجو المحيط به وصلت مراحل قصوى حيث انه يمكن ان يكتب قصيدة مجاراة فى نفس اللحظة حين سماعه لقصيدة تمس وترا حساسا فى قلبه حيث جارى الكثير من القصائد اخترت منها مجاراته للاستاذ سيف الدين الدسوقى بقصيدة "الوصية" فقال فيها :
Quote: رسلت ليك زيى ما وعدتك وانت ما فكرت فيا

وراجى منك لو تجينى رسالة واحدة تكون هدية

والوعد انا ما نسيتو وما نسيت ابدا وصية

الرسايل منى عدت وفيها احساسات ندية

عندى ليك مليون رسالة وكل رسايلى عميقة حية

كان الشاعر معجبا باغانى البنات ويستمع اليها ويدافع عنها براى واضح وصريح وهو اغنية البنات تشرح ما يجيش بدواخلهن وتصور المجتمع فى ظرف معين اجتماعيا كان ام ثقافيا ام اقتصاديا ام قلبيا وهن يقلن جلابية بيضة مكوية يا حبيبى بسحروك ليا حيث يتجلى فيها مدح الحبيب وهذه عاطفة لا ضرر فيها كما وهنالك نموذجا اخرا من النماذج الجميلة حيث قلن :
Quote: يا الماشى لى باريس

جيب لى معاك عريس

شرطا يكون لبيس

من هيئة التدريس

وهذا نموذج يمدح الذين هم فى سلك التدريس ويصف ما كانوا عليه فى حقبة من الزمن والنماذج كثيرة.

لم يتوقف دوره فى الوقوف معهن فقط ولكن حاول الاسهام فى مسيرتهن بكتابته للعديد من القصائد لهن حيث وجدنا قصيدة "العفيف " التى كتب عليها اسم الفنانة ندى القلعة ولم نعلم هل اعطاها لها ام كان ينوى اعطائها لها ويقول فى جزءا منها :

Quote: سموك بالحسن وانت الاسم حقيتو

ومن وجهك عفيف وباب العفاف سديتو

يا اب قلبا نضيف

جالس فى الثرى ودايما معلى مقامك

وشوف قمر السما زين نجومو امامك

وتنشرح القلوب وكتين تردو سلامك

وما جواك زيف

عطاى بالرضا وشيال هموم الناس

ما فزعوك ابيت يا اللكروب كناس

داويت العليل وفرجت هم الحاس

زيى مطر الخريف

كتب هذه القصيدة فى صديقه العزيز "حسن صالح: الذى كانت بينهما علاقة حميمة وصداقة حقة حيث لازمه بالمستشفى حتى لحظاته الاخيرة .

ايضا:

وجدنا فى اوراقه التى كان يضعها فى حقيبته الخاصة العديد من الاغنيات وعليها اسماء فنانين وفنانات وعليها ارقام تليفوناتهم وللاسف لشهرتهم الشديدة وانشغالهم الشديد لم نتمكن من الأتصال بالكثيرين منهم حيث وجدنا اسم الفنان وليد زاكى الدين والفنان عبد المنعم الخالدى والفنان محمد وردى والملحن سوناتا والاستاذ اميقو كما كتب قصيدة سماها "نداء الحبان" واهداها للاستاذ محمد وردى والفنان عاصم البنا الذى اكمل له قصيدة الاستاذ الشاعر السر احمد قدور ( ساعى البريد ) والفنانة سمية حسن والفنانة سميرة دنيا واخرين كما القصائد التى جهزت لكل فنان كتب عليها اسم الفنان وعلى كل من يرغب فيهم فى استلام ما يخصه من كلمات الاتصال بأسرة الشاعر لاستلام ما ترك له من امانة شعرية .
من خلال تصفحى لاوراق المرحوم لاحظت بأنه كان منظما جدا ويكتب كل شىء بصورة واضحة كالذى يعلم بأنه مسافر سفرا طويلا او على موعد مع القدر حتى العام والشهر والتوقيع كان يكتبهم اسفل القصيدة .

احب شعراء الحقيبة وتمعنها لدرجة انه كان يقف اذا كان ماشيا وسمع احد الفنانين يغنى.

كان شاعرنا يقدر كل عمل جيد وجميل وكل كلمة هادفة وصادقة وقد ربطته صداقات بالعديد من الشعراء والكتاب وكان دائم الذهاب للاستاذ التجانى الحاج موسى بمكتبه حيث كان يشجعه الاستاذ التجانى على كتابة الشعر ويستمعان لاشعار بعضهما البعض ويقومان بتصحيح اشعار الاخرين لان مكتب الاستاذ التجانى الحاج موسى دائما كالمنتدى الشعرى المستمر واستطاع الشاعر ان يرمى فيه بكل عذاباته من خلال كتاباته التى كان يرددها والجو الشاعرى الذى كان يلقاه :
Quote: زيدى صدك عذبينى

اصلو ريدك لى مهالك

ديمة زايد لى انينى

انت ريدك كان مناى

وكل افراحى وحنينى

تارى قلبك انت قاسى

ومانع الافراح تجينى

ولو شقاى بديك سعادة

زيدى ما يهمك انينى

امشى فتشى لى سعادتك

انسى حبى وكل شجونى

وانسى انى هويتك انتى

الكان هواك مصدر فنونى

وقلبى غافر ليك صدودك

وشلت صورتك من عيونى

وشيلى صورتك من عيونى

كتب الشاعر العديد من الاوبريتات والملاحم والجلالات التى قام بتلحينها وتوزيعها محمد الحسن عجاج وادتها فرقة ومجموعة عجاج الموسيقية فى الاحتفالات الرسمية وكان كل همه ان تقوم الدولة بتوثيق عمل الحلم الاكبر ذلك العمل الوطنى الضخم الذى اشتركا فى كتابة اشعاره هو والاستاذ التجانى الحاج موسى .

دار عبد الرحمن فى فلك من الشعر والشعراء والكتابة وقام بعرض كتاباته فى ديوان للحفظ اسماه قمر السما على عمه شاعر العيون الاستاذ: عبد الله النجيب الذى كتب له فى الورقة الاخيرة من الديوان معبرا عن دهشته من المستوى الرفيع الذى يكتب به عبد الرحمن وتمنى له التوفيق ودعاه لكى يطل به عبر الاجهزة الثقافية كما وان الاستاذ مصطفى سند شقيق قد شجعه لذات الامر وطالبه بالاشتراك فى المسابقات الثقافية التى تقام فى البلد و قد اشترك معه ابن عمته الاستاذ والشاعر المرهف مهدى محمد سعيد الذى كان يشجعه ويدفعه لنشر كتاباته وقد عملا معا فى العديد من لجان تصحيح المسابقات الشعرية اهمها مسابقة الجامعة الاهلية الشعرية حيث كان باللجنة المرحوم والاستاذ مهدى محمد سعيد والاستاذ التجانى الحاج موسى.

Post: #70
Title: Re: وهل يسئ ام درمان غير (سفيه أو عميل أو حاقد) ؟؟؟
Author: ahmed babikir
Date: 05-05-2007, 10:11 AM
Parent: #69

الاستاذ تاج السر هنالك كتاب (رحيل النوار) للدكتور محمد عثمان الجعلي وفيه وصف جميل للمدينه
وبداياتها وبعض ملامحها الثقافيه والاجتماعيه والرياضيه من خلال قصص اهلها في تناغم لغوي عجيب
ارجوا ان كان بين ايديكم هذا الكتاب ان لا تبخلو علينا بصفحه صفحتين..

Post: #71
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-05-2007, 05:54 PM
Parent: #70

الحبيب أحمد بابكر
كتبت:-
Quote: الاستاذ تاج السر هنالك كتاب (رحيل النوار) للدكتور محمد عثمان الجعلي وفيه وصف جميل للمدينه وبداياتها وبعض ملامحها الثقافيه والاجتماعيه والرياضيه من خلال قصص اهلها في تناغم لغوي عجيب ارجوا ان كان بين ايديكم هذا الكتاب ان لا تبخلو علينا بصفحه صفحتين..

أعيد مداخلتك تقديرا لرجل كتب كلمة حب ووفاء لأم درمان، ويؤسفنى ان مكتبتى لا يوجد بها كتاب مثل الذى ذكرته، ودون شك سوف اسعى للحصول عليه.
ولك كل الشكر.

Post: #72
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-06-2007, 08:48 AM
Parent: #71

نتواصل مع هذا الأبحار وهذا الجمال فى جميع الجوانب الذى خص به الله أم درمان.

Post: #73
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 05-06-2007, 11:35 AM
Parent: #67

اخو الاخوان استاذنا تاج السر ... تسلم يا غالي .... والقومه ليك والتحيه والتقدير وانت تعطر سماء العالم الاسفيري بهذه المواضيع المفيده ....

Post: #74
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Mutwali Malik
Date: 05-07-2007, 10:28 AM
Parent: #73

الاستاذ تاج السر
لك التحية علي هذا الموضوع القيم وامدرمان لن نوفيها حقها فهي كل السودان
ماالذي يجعل من امدرمان عظيمة بهذا الشكل اقول وبكل صراحة هو انسان هذه البقعة الطاهرة وكما قال سينا الجنة ذاتها لو مافيها امدرمان ماعايزينها سنكتب عنها وسنؤرخ لها وسوف نحكي للاجيال القادمة عن عظمتها سنحكي عن الهادي الضلالي - كمال سينا - شوقي بدري قريبي - ودنفاش - العم بشري شرفي - خالد ابوالروس - محمد بشير عتيق - ال زاهر السادات - والعباسية والموردة والسكي والسمك والصير ووووو
والماعندو مدينة يخش معانا امدرمان هي السودان وكفي
قدلة يامولاي حافي حالق بالطريق الشاقيهو الترام

Post: #75
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-07-2007, 02:22 PM
Parent: #74

يا ود مالك سلام "حنين" أم درمانى، "حنين" بكسر الحاء والوقوف مسافه فى الياء!!
شوقى بدرى .. قريبك هو اخونا الكبير رغم انكم رباطاب ونحن دناقله، والحاجه أمينه رحمها الله مننا أو نحن منها وتربطنا كثير من الصلات العميقه بكل هذه الأسرة العظيمه، وشوقى هو أحد أكبر العاشقين لأم درمان، مثلما كان والده رحمه الله من اخلص الوطنيين لبلده ولأصدقائه وانتم اهل أم درمان الأصليين ويكفى ما قام به جدكم بابكر بدرى من مجهود جبار ومقدر فى تعليم المرأة فى زمن كان فيه خروج المرأة للشارع عورة!!
ودعنا نتواصل ونحكى عن " أم درمان" ملخص السودان.

Post: #76
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-09-2007, 09:03 AM
Parent: #75

وأهل أم درمان والسودان كله يترقبون لقاء الهلال والمريخ يوم الجمعه القادم كملمح ام درمانى له طعمه ونكهته، مثل مذاق ونكهة "قهوة" ناس ود الفكى وباسطة "بين" نحاول أن نذكر لاعبين افذاذ لعبوا لأندية ام درمانيه مثل "الهلال" و"المريخ" و"الموردة" وغيرهم من الأندية الصغيره.

Post: #77
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Zeinab
Date: 05-09-2007, 12:35 PM
Parent: #1

في القلعه
العيون النوركن بجهره
غير جمالكن مين السهره
يا بدور(القلعه) وجوهره

ودنوباوي
في النسايم شاكي
لي (ودنوباوي) تروح
بي لطف تغشاكي
يا شريكه الروح

المورده
واقول حبيب عمل عزول
خلاني للاذي والردي
ما عندي مانع حتي لو
ضيعني ساكن (المورده)

المسالمه
يا ظبي (المسالمه) السارح عقلي غايب
سالب نوم عيوني وسايب قلبي ذايب

حي العرب
تلقي الدنيا باسمه والايام
والايام طرب هنا في (حي العرب)

معليش بحبها ومشتاقة ليها

زينب الشفيع

Post: #78
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-09-2007, 02:04 PM
Parent: #77

يا سلام يا زينب
القومه ليك ذكرتينا أم درمان و"الصبحيات" وأغانى الحقيبه.
هذه اضافة جيده للبوست دون شك لها طعمها وتميزها.

Post: #79
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-10-2007, 09:42 AM
Parent: #78

دون شك أن اقاليم السودان المختلفه أثرت الملاعب السودانيه بلاعبين افذاذ لهم بصمتهم على كرة القدم السودانيه وان كان اغلبهم لم يعرف على نطاق واسع ويكتسب مجدا وشهرة الا بعد انضمامه لأحد قطبى كرة القدم الأم درمانيه " الهلال والمريخ"، او بعد أن لعبوا امام احد الناديين وقدموا عطاء ملحوظا، وكثيرا ما ظهر لاعب ولمع وتحول الى نجم لمجرد انه احرز هدفا فى شباك أحد الناديين الأم درمانيين العملاقين.
ويكفى أم درمان فخرا انها انجبت " الأمير" صديق منزول والمعلم "برعى أحمد البشير" ، والأسطورة " جكسا" والفنان "الدحيش" والمبدع " كمال عبدالوهاب.
وعدد من اللاعبين العمالقه فى محتلف الدرجات، ومن عجب ان بعض الذين لم يلعبوا الا فى الدرجة الثالثه يفوق مستواهم كثيرا من لعبوا فى الدرجة الأولى بل من لعبوا للمنتخب القومى نفسه !!
اضافة الى من لعبوا للهلال والمريخ ، فهناك "ترنه" فى المورده ، و"ختم" وعمر عثمان ، وعمر التوم ، والمحينه وودالزيبر ، وأحمد سالم وبشير عباس ... الخ.

Post: #80
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-16-2007, 10:24 AM
Parent: #79

وذكر شوقى بدرى فى كتابه "حكاوى أم درمان".
قديما كان الدكاتره موضع احترام واجلال فى أم درمان .. ولهذا كان يقال "الدكاتره ولادة الهنا" .. على بدرى هو اول دكتور سودانى .. وأول وزير لوزارة الصحه .. وبعد تقاعده كان يعمل متبرعا فى مدارس الأحفاد .. وكان يقابل غضب الطلاب وأستخفافهم بعلمه بالأبتسامه، ويرضخ لطلباتهم فى الذهاب الى المستشفى لكى يعالجهم الساعدون الطبيون والممرضون.
من نوادر العم "على بدرى" أن ابنته انيسه نادته لأن ابنها المهدى كان مريضا فما أن وضع يده على جبهته وأحس بالحمى الشديده حتى نفض يده قائلا :-
الولد ده عيان نادو ليهو دكتور" .. د. على البدرى كان قد نسى أنه دكتور.

وكتب "شوقى بدرى":-
خالد عبدالكريم أبن العم عبدالكريم العجلاتى الشمهور فى السوق كان فى عمرى وكان هوة فى طريقه الى المدرسه يمر بحينا وكنت اتحرش به وأخيه ، ولما ضاق بى قام بطعنى وانا فى الحادية عشرة من عمرى وحين ذهبنا للمستشفى طالبونا باورنيك تمانيه الذى يستخرجه البوليس، للحوادث وعندما رجعت بعد الخياطة والضمادات لم تزد والدتى أن قالت "ود الناس ده بتكون انت خاتى عليه".

وأصاف "شوقى بدرى" فى كتابه حكاوى أم درمان:-
حل الخلافات عن طريق الشرطه كان محرما نسبة لعشائرية أم درمان القديمه، فالعرف عن طريق الناس الكبار كان يحل المشاكل والمنازعات .. فقط الأغراب والأجانب هم الذين كانوا يذهبون الى البوليس.

الضابط ظعوط صديق الضابط نديم كان محبوبا .. مات متأثرا بجراح غائره نتيجة طعنه ومكث فى المستشفى فترة وبالرغم من الحاح الشرطه والأهل رفض أن يفصح عن اسم الشخص الذى طعنه ومأت ماسوفا على شبابه.

Post: #81
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-17-2007, 01:43 PM
Parent: #80

من اروع الفقرات التى جاءت فى كتاب "شوقى بدرى" حكاوى أم درمان، هذه الفقرة:-
Quote: الشاعر المسيحى "صالح بطرس" الف أجمل القصائد بمناسبة العام الهجرى كما الف قصيدة عصماء يحث فيها المسلمين على اكمال بناء جامع أم درمان العتيق الذى تأخر بناؤه.

هذا المشهد لا يحدث فى اى مكان آخر فى العالم سوى أم درمان بلد "التسامح" التى كتب شاعرها:-
"حى المسالمه وسلمها"

Post: #82
Title: Re: وهل يسئ ام درمان غير (سفيه أو عميل أو حاقد) ؟؟؟
Author: أيمن حسين فراج
Date: 05-17-2007, 08:15 PM
Parent: #81

هذا البوست جميل جدا يا تاج

شكرا لك

ايمن حسين
الموردة

Post: #84
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-17-2007, 11:37 PM
Parent: #82

أيمن حسين فراج
ود أم در، وود المورده
الشوق مطر ايها الرجل الذى افتقدته القاهره وكسبته ام درمان برجوعه الى أرض الحنان.
اشكرك على مرورك وتعليقك الجميل.

Post: #83
Title: Re: وهل يسئ ام درمان غير (سفيه أو عميل أو حاقد) ؟؟؟
Author: omergoda
Date: 05-17-2007, 10:28 PM
Parent: #1

فوق
فوق
علشان عين امدرمان - حنين ودنوباوى - السوراب - تاج السر حسن الرهيب جدا

Post: #85
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-18-2007, 12:52 PM
Parent: #83

عمر جوده
أشعر بريحة أم درمان العبقه واضحه فى كلمات وحروفك القليله فى العدد الكبيره فى الحجم.
لك مودتى.

Post: #86
Title: Re: وهل يسئ ام درمان غير (سفيه أو عميل أو حاقد) ؟؟؟
Author: omergoda
Date: 05-18-2007, 09:04 PM
Parent: #1

الحبيب ود امدرمان تاج السر لك التحيه ايها الاخ الشامخ بعد اذنك مداخله عن امدرمان كانت أم درمان أول أمرها قرية، ثم أخذت في النمو والازياد بعد أن عسكر محمد أحمد المهدي الزعيم السوداني في قرية أبي سعد. ولما سقطت الخرطوم في يد أنصار المهدي في 26يناير 1885م رجع المهدي برجاله إلى أم درمان التي أصبحت منذ ذلك الوقت عاصمة الثورة المهدية.

بعد وفاة المهدي في يونيو 1885م تولى الخليفة عبدالله الحُكم في البلاد، وظلت أم درمان عاصمة الحكم، فبنى فيها منزلاً له،كما أقام ضريحًا للمهدي، وبنى فيها شارع العرضة للاحتفال باستعراض الجيش في المناسبات. وظلت أم درمان عاصمة للبلاد حتى نهاية حكم الثورة المهدية.

نقل الحكم الإنجليزي المصري العاصمة من أم درمان إلى الخرطوم، وأقام المصالح الحكومية هناك، ولكن غالبية السكان ظلوا في أم درمان، وكانوا يذهبون إلى أعمالهم ثم يعودون بعد منتصف النهار. ولذلك سُميت بالعاصمة القومية.

شهدت أم درمان كثيرًا من الأحداث التي أدت إلى استقلال السودان فيما بعد وإلى الحركات الوطنية. وكان يسكنها كثير من رجال الحركة الوطنية، منهم الرئيس إسماعيل الأزهري. وفي أم درمان أقيم أول نادٍ للخريجين في السودان في دارٍ وهبها الشريف يوسف الهندي لرواد الحركة الوطنية. وكان ذلك النادي مركزًا للحركة الأدبية والسياسية والوطنية في البلاد.

وفي أم درمان أنشئت أولى المدارس الأهلية على اختلاف مراحلها، وبها أول جامعة أهلية للبنات بالإضافة إلى جامعة أم درمان الإسلامية والجامعة الأهلية وجامعة السودان المفتوحة وجامعة شرق النيل وجامعة الأزهري وعدد من الجامعات الاخرى.

وفي كثير من كتب التاريخ تنسب إلى أم درمان الواقعة الأخيرة بين اللورد كتشنر والجيش السوداني فيُطلق عليها معركة أم درمان إذ إن أرض المعركة تبعد أميالاً قليلة من هذه المدينة في جبال كرري.

Post: #87
Title: Re: وهل يسئ ام درمان غير (سفيه أو عميل أو حاقد) ؟؟؟
Author: omergoda
Date: 05-18-2007, 09:13 PM
Parent: #1

ومن الناحية التجارية فإن أم درمان تعج بالأسواق المليئة بالسلع المختلفة التي ترسل إلى غرب السودان(من الاسواق بام درمان : سوق ام درمان الكبير - السوق الشعبى ام درمان - سوق ليبيا - مجموعة من الاسواق المغلقة ).وبها مجموعة من المصارف التجارية والفنادق والمتحف " متحف بيت الخليفة؛ وهو البيت الذى كان يقطن به الخليفة عبد الله التعايشى كما كان ؛ وبه اثار قديمة تعود لعهد المهدية منذ بداية الثورة المهدية" ومجموعة آثار مثل بوابة عبد القيوم "وهي عبارة عن بوابة لدخول أم درمان".

Post: #88
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-19-2007, 00:24 AM
Parent: #87

الشكر لك الحبيب جوده.
فى هذه الجزئيه اود أن استعرض كلمات وحروف لشعراء ام درمانيين.
_________________________

غالبية شعراء الحقيبة من اهل امدرمان "العبادي، ابو صلاح، البنا، عبيد عبد الرحمن، سيد عبد العزيز، عتيق، عبد الرحمن الريح .. الخ".
دون شك لا يذكر شعراء أم درمان الا وذكر ابو صلاح فى مقدمتهم فهو اشعر شعراء الحقيبه، وولد "صالح عبدالسيد" المعروف بابى صلاح فى حى المورده عام 1890 م وقد اقام لبعض الوقت بحى الهجره بأم در مان وأنتقل الى الخرطوم بحرى حيث التحق هناك بمدرسة الأمريكان الأبتدائيه لكنه لم يستطع اكمال دراسته فعمل "صبى" نجار بمصلحة الوابورات ، ثم عمل نجارا وترك العمل بالنجاره ليعمل فى الأعمال الحره، وتزوج "ابو صلاح" مرتين وأنجب عدد من الأبناء، وانتقل ابو صلاح الى بارئه فى عام 1963 رحمه الله.
كتب ابو صلاح:-
Quote: يا القمرى المضلل بى ورق الاراك

روح لحبيبى وقول لى متين أراك

يا لفى قوس حواجبك ناصب لى شراك

بيعك فى المحاسن والأرواح شراك

وكتب:-
Quote: ليك جوز عين نعسان وكاحل

وخصراً يميل وصدر راحل

ولي وجدي اللي جسمي ناحل

بحر الشوق ما ليهو ساحل

وكتب:-
Quote: طرفه ليه نعسان وأنا طرفي ليه يصحا لو

ويتلو آية الحب الفي الخديد لايحا لو

جمالو كل ما يزيد جسمي يزيد إنحالو

أما قلبي الضاع خلي اليروح في حالو

Post: #89
Title: Re: وهل يسئ ام درمان غير (سفيه أو عميل أو حاقد) ؟؟؟
Author: omergoda
Date: 05-19-2007, 09:35 PM
Parent: #1

اتحفنا تاج ام در هل من مزيد؟

Post: #90
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-21-2007, 00:57 AM
Parent: #89

شكرا عمر جوده على المتابعه وأثراء هذا البوست.

________________________________________

جاء الدور الآن على شاعرنا " سيد عبد العزيز " الذى ولد بحى العرب بأمدرمان عام 1900م وهو حى معروف بالشعراء والفنانين والأدباء اذكر منهم عبيد عبد الرحمن وعبد الرحمن الريح وأحمد عبد الرحيم العمرى، وسيف الدسوقى والمرحوم التاج مصطفى ... الخ.
كتب سيد عبدالعزيز الشعر وهو لا زال صغير فى السن وعمل لفترة من الزمن فى بيع المواشى، ثم تعلم الميكانيكا واللغة الأنجليزيه.
توفى الى رحمة مولاه فى عام 1976.

من أشهر اغنيات سيد عبدالعزيز، أغنية :-
"قائد الإسطول"
مناسبة الأغنية :
أعجب سيد عبد العزيز بإحدى بنات أسرة دينيه وسياسيه معروفه في حي الأمراء وتقدم لخطبتها لكن طلبه رُفض وكانت الحجة انه (شاعر) وبغنى الخ ..

كانت البنت بتدرس في كلية المعلمات في أمدرمان (جوار سجن أمدرمان) وكان يذهب الى هناك كل يوم لينظر اليها عند خروجها ثم يعود، وكعادة الطلاب يخرجون من المدارس فى شكل مجموعات كل مجموعة تذهب من ناحية، وفى يوم من الايام خرجت هى بمفردها من غير المجموعة التى تعود ان يراها معهم، ولكن بعد لحظات خرج خلفها البقية، واصبحت هى فى المقدمة والجميع من خلفها .. وشاعر نا سيد عبد العزيز لاحظ المشهد وصورو في أجمل لوحة فقال :
Quote: يا قائد الإسطول
تخضع لك الفرسان
يا ذو الفخار والطول
أرحم بني الإنسان

واصل فى القصيدة وقال:

مين لي سماك يطول
مابطولك اللمسان
معناك شرحو يطول
والله يا إنسان
أصدق كفاك مطول
يا ذو الحسن واحسان
أنا عقلي بيك مشغول
والناس عقول ولسان

ثم قال :-

يا الفي سماك مفصول
تتشاف عيان بيان
ما عرفنا ليك وصول
وما دنيت أحيان

إلي أن قال أخيرا:-
يعلم الديان
مثلت فينا فصول

Post: #92
Title: Re: وهل يسئ ام درمان غير (سفيه أو عميل أو حاقد) ؟؟؟
Author: wesamm
Date: 05-21-2007, 05:00 AM
Parent: #90

Quote: ودنوباوي
في النسايم شاكي
لي (ودنوباوي) تروح
بي لطف تغشاكي
يا شريكه الروح

التحية لي بت الشفايعة
من ناس ودنوباوي الرايعة

Post: #93
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-22-2007, 11:11 PM
Parent: #92

أم در والطوابى فى صدرك وسام
دينك كم علينا منك والدينا

شكرا لك يا وسام
والتحية للشوافعه وأهل ودنوباوى
والدكتور عبدالمنعم الشفيع.

Post: #94
Title: Re: وهل يسئ ام درمان غير (سفيه أو عميل أو حاقد) ؟؟؟
Author: حسن النور محمد
Date: 05-23-2007, 12:58 PM
Parent: #1

الاخ تاج السر حسن
تحياتى ليك ولامدرمان
هى ام المدن ودرة البلدان لايملك ان يسىء لها احد الا ان احدهم حدثتة نفسة بذلك وهو معزور.منذ شهر نسهر وصديقى حجوج على زكريات صبانا فى امدر ستلحق بركب التعليقات والزكريات قريبا وستفيد كتاباتكم فى انعاش زاكرتنا الخربة. شكرا ليك.

Post: #98
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-24-2007, 04:31 PM
Parent: #94

الأخ العزيز/ حسن النور
من يسئ الى أم درمان دون شك يسئ لنفسه، لأنه لا بد أن يكون مقطوع من شجره فكل القبائل موجوده فى أم درمان ومن كان ينتمى الى أى قبيلة سودانيه فدون شك له جذور فى ام درمان حتى من بعد سحيق.
لك الشكر.

Post: #95
Title: Re: وهل يسئ ام درمان غير (سفيه أو عميل أو حاقد) ؟؟؟
Author: omergoda
Date: 05-23-2007, 09:42 PM
Parent: #1

انا امـدرمـان
اكرر لك حبى وتقديرى الاخ الكريم تاج السر

فوق

كلمات الشاعر: عبدالمنعم عبد الحي

انا امدرمان تأمل في نجوعى
انا السودان تمثل في ربوعى
انا ابن الشمال سكنته قلبى
علي ابن الجنوب ضميت ضلوعى
انا امدرمان سلوا النيلين عنى
وعن عزمات فتاي عند التجنى
فخير بنيك ياسودان منى
سلو الحادي سلوا الشادي المغنى
انا امدرمان اذا ما قلت اعنى
فما نيل المطالب بالتمنى
تجيش النفس بالآمال لكن ولكن هذه لم لا تدعنى
انا امدرمان مضي امسي بنحسى
غدا وفتاى يحطم قيد حبسى
واهمس والفضاء يعلن همسى
واهتف والوري يعرف حسى
واخرج للملأ في ثوب عرسى
وابسم بعدما قد طال عبسى
فيا سودان اذ ما النفس هانت
اقدم للفداء روحي بنفسى

Post: #96
Title: Re: وهل يسئ ام درمان غير (سفيه أو عميل أو حاقد) ؟؟؟
Author: wesamm
Date: 05-24-2007, 04:13 AM
Parent: #95

ومساهمة من المبدع ود فريق السوق نادر السوداني

Quote: حليل زمناً قضيناة تهل ألقمرة فية حليل
بنتلمة الصقار وكبار وتحلي ألقعدة جنب ألنيل
نعدي ألترعة وألسهلة نلاقي ألنيل قصادنا عديل
نلقي ألموية منفضة وكل رمالة تبر أصيل
تهب ألنسمة من صندل
تفوت وتعدي فوق لنخيل
خرير جدول جمال منظر
يدقدق في خيالنا ويشيل
نبدي ندوبي نتسامر
بتحلا ألغنوة عز ألليل
وصوت طنبورنة يترنم
مع ألتم تم ونحنا نشيل
تقوم ألمهرة في رزانة
وزي ألبانة تبقي تميل
تشيلنا ألنشوة ونبشر
يفيض إحساسنا زي ألنيل
حليلك يمة حليل زمان
حليل ألخليل وحليل سرور
حليل العيد في أمدورأمان
في كل مكان نلقي ألسرور
بعتة سلام معطور حنان
شالو ألنسيم عابر بحور
في بعادك جار يمة ألزمن
مرت سنين تشبة دهور......................كلمات نادر السوداني

حليل ألعيد في أمدورأمان في كل مكان نلقي ألسرور

Post: #97
Title: Re: وهل يسئ ام درمان غير (سفيه أو عميل أو حاقد) ؟؟؟
Author: عواطف ادريس اسماعيل
Date: 05-24-2007, 04:54 AM
Parent: #96

أخونا الحبيب تاج السر !!!

أمدرمانيون حتى النخاع ,,,

بالله تأمل في هذا الكلام !!

أنا أمدرمان تأمل في ربوعي ,,,

أنا إبن الشمال سلمتو قلبي ,,,

على إبن الجنوب ضميت ضلوعي ,,,

أي تجانس وتماهي وإنسجام بين هؤلاء البشر الأصيلين الطيبين الودودين ,,, شكرا ياود أمدرمان ياساسها

وتاج راسها.

Post: #99
Title: Re: وهل يسئ ام درمان غير (سفيه أو عميل أو حاقد) ؟؟؟
Author: omergoda
Date: 05-24-2007, 08:05 PM
Parent: #1

الحركة الأدبية:
اشتهرت مدينة امدرمان منذ نشأتها بالصالونات والمنتديات الأدبية نذكر منها على سبيل المثال جمعية الاتحاد السوداني «1919م - 1920م» ومن مؤسسيها «محي الدين جمال أبوسيف، إبراهيم بدري، توفيق صالح، خليل فرح، عبيد حاج الأمين، العمرابي» ولقد جمعت هذه الجمعية بين الهدفين السياسي والأدبي، كما قدمت الجمعية الشاعر المتفرد خليل فرح وخرجت من صالون جمعية الاتحاد الأغاني الخالدة «عزه في هواك، ونحن ونحن الشرف البازخ، فلق الصباح، ماهو عارف قدمو المفارق» ورائعة عبيد عبد النور «يا ام ضفائر قودي الرسن»، ومن الصالونات والجمعيات التي اشتهرت في امدرمان «جمعية ابوروف، جمعية الهاشماب، مجلس الشيخ الطيب السراج «ندوة لسان العرب»، ندوة التجاني عامر، ندوة ملكة الدار محمد عبدالله، صالون فوز، صالون بت الخبير، ندوة إشراقة الأدبية.
وانجبت امدرمان معاوية نور ، التجاني يوسف بشير، فرَّاج الطيب، وكثير من العبقريات المبكرة، وكتب هاشم صديق ملحمته الشهيرة ولم يتجاوز العشرين من عمره:
لما الليل الظالم طول
وفجر الثورة من عينا اتحول
قلنا نعيد الماضي الأول
ماضي جدودنا الهزموا الباغي
وهدوا قلاع الظلم الطاغي
وطني انحنا سيوف امجادك
ونحن مواكب تفدي ترابك
ولسع الشارع يشهد لينا
في يوم الغضبة حصاد ماضينا
وكانت المقاهي أيضاً منتديات ادبية وسياسية كقهوة يوسف الفكي، وقهوة جورج مشرقي.
ولهذه المنتديات والجمعيات والمقاهي اعظم الأثر سياسياً ضد المستعمر، واجتماعياً في تنمية الذوق والحس الوطني، وقدمت امدرمان للبلاد اميز مفكريها من اليساريين واليمنيين كالاستاذ عبدالخالق محجوب، احمد سليمان، الشيخ يس عمر الإمام، إبراهيم احمد عمر، السيد الصادق المهدي والدكتور منصور خالد وغيرهم لا يتسع المجال لذكرهم من الذين وضعوا بصمات واضحة في تاريخ هذه البلاد من العلماء والقضاة والأطباء والمهندسين وغيرهم من المهنيين.

Post: #100
Title: Re: وهل يسئ ام درمان غير (سفيه أو عميل أو حاقد) ؟؟؟
Author: omergoda
Date: 05-24-2007, 08:10 PM
Parent: #1

الصحافة:
وصدرت اول ما صدرت الصحف برعاية واهتمام ابناء أمدرمان «استاذ حسين شريف، عرفات محمد عبدالله، احمد يوسف هاشم، يوسف مصطفى، التني، فوراوي، علي حامد» هؤلاء الرَّواد وآخرون لولاهم ما عرف الناس القيم والمبادئ الصحفية الرفيعة، وكانت صحيفة النيل، حضارة السودان الجديد، النهضة، الرأي العام، الصراحة، صوت السودان، الأيام، مجلة الفجر، أسست غالبيتها بأقلام سودانية أمدرمانية.

Post: #101
Title: Re: وهل يسئ ام درمان غير (سفيه أو عميل أو حاقد) ؟؟؟
Author: omergoda
Date: 05-24-2007, 08:21 PM
Parent: #1

ولا يخالجني شك في ان اكثر النكات ذات الطابع الاجتماعي والسياسي صدرت من ظرفاء امدرمان امثال الهادي نصر الدين، وكمال «سينا» الله يرحمه

Post: #102
Title: Re: وهل يسئ ام درمان غير (سفيه أو عميل أو حاقد) ؟؟؟
Author: omergoda
Date: 05-24-2007, 08:25 PM
Parent: #1

الرياضة :
ويكفي ان اندية القمة الهلال والمريخ والموردة بلاعبيها ومدربيها ومؤسسيها من خيرة وأميز أبناء أمدرمان «حمدنا الله احمد، حاج زروق، شاخور، هاشم ضيف الله، عوض أبوزيد، أولاد التوم، الجرك».

Post: #103
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-26-2007, 06:20 PM
Parent: #102

الحبيب عمر جودة
شكرا على انزال هذه القصيدة البالغة الروعه لعبدالمنعم عبدالحى والتى يؤديها العملاق أحمد المصطفى ، رحمهما الله.
_______________________

بخصوص الهلال والمريخ توأمين ونديدين اعطياء أم درمان نكهة خاصة، و لدى الكثير عنهما سوف أتطرق اليه فى حينه، حتى ذلك الوقت هذه احصائيه يجب تسجيلها لأنتصارات الهلال الكبيره على نديده المريخ:-
انتصارات الهلال الكبيرة على المريخ كالآتي:

1954 فاز الهلال 5/1 .

-----------------------------------------------------

. 1955 فاز الهلال 4/2 .

-----------------------------------------------------

. 1956 فاز الهلال 4/2 .

----------------------------------------------------

. 1956 فاز الهلال 6/2 .

---------------------------------------------------

. 1957 فاز الهلال 4/2 .

-------------------------------------------------=

. 1956 فاز الهلال 6/1 .

--------------------------------------------------

. 1959 فاز الهلال 4/1 .

-------------------------------------------------

. 1959 فاز الهلال 4/1 .

-------------------------------------------------

. 1973 فاز الهلال 4/2 .

-------------------------------------------------

. 1988 فاز الهلال 4/2 .

------------------------------------------------

. 1996 فاز الهلال 4/1

Post: #104
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-26-2007, 06:25 PM
Parent: #103

شكر لك ايها العزيز وسام
على انزال مساهمة نادر ود فريق السوق ، وهو فريقنا الذى يعد جزء من "حى العرب" ودون شك "نادر" ود حلتنا ولو كان من جيلنا لسمع بأذنيه صوت الجزارين فى سوق أم درمان وهم يصيحون "اللحم الكيلو بريال .. بريال" .. هذا عند الصباح اما بعد العصر فالسعر يتحول الى 7 قروش للكيلو !!

Post: #105
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-26-2007, 06:33 PM
Parent: #104

عواطف بت أدريس .. هكذا نقولها فى أم درمان .. الزوله المنجضه الكتابه نجاض شديد .. قلنا الزوله دى كتابه كده ومالكه ناصية الحرف بائن عليها من اهلنا الشايقيه رغم اننا دناقله مليون % لكن شفتى محنة أم درمان خلتنا نقول حتى "الشايقيه" اهلنا.. لكن طلع تقديرنا "فشنك" الشايقيه اولادك ما انت .. تجى تطلعى أم درمانيه، طيب ما ده السبب الجنن عبدالقادر ذاتو .. انت من مدينه تأسست فيها اول مكتبه وهى المكتبة المركزيه وكانت فيها ندوة معروفه بأسم الندوه الأدبيه وصاحبها المرحوم عبدالله حامد الأمين.
تسلمى ايتها المرأة التى يوزن عقلها بلد بى حالها.

Post: #106
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-27-2007, 00:39 AM
Parent: #105

نتحدث الآن عن الشاعر عبيد عبدالرحمن 1908 – 1986م
ولد عبيد عبدالرحمن بحي العرب بأمدرمان ذلك الحي الموسوم بالفن والغناء والطرب .
تلقى تعليمه في المرحلة الأولية ولكن ظروفه حالت دون مواصلة تعليمه فعمل مع والده لبعض حين وظل يكثر من الإطلاع على كتب التراث فيهضمها بقريحته المتوقدة وذهنه اللماح وقد برع في قول الشعر صغيراً تماماً مثل صديق عمره سيد عبدالعزيز وقد نشأ في ذات الحي العريق فتوطدت بينهما صداقة خالدة على مر الأيام الى أخر العمر وجمعت بينهما صداقة الشاعر الأديب خالد أدم (إبن الخياط) فراحوا يتعاطون الادب.
وعبيد عبدالرحمن صاحب مدرسة في الشعر الرصين .. ولقد سبق معاصريه بالأخيلة المدهشة والصياغة المحكمة والكلمات الرقيقة المهذبة.
________________________

كتب "عبيد عبد الرحمن" الأغنية التى يغنيها "الكاشف":-
انا يا طير
Quote: أنا يا طير .. أنا ياطير بشوفك
فرحان وبتغني وحبيبك معاك
وحبيبي غاب عني
أنا ياطير موله محزون لأني
وحيد حبيبي غايب
آه يا طير وتاني علي مصايب
من أدهى الغرايب لي أجمل حبايب
صدوا وبعدوا مني
أنا ياطير حبيبي للآلام تركني
وبدلل عليّ وبالهجران هلكني
زعلان مني صدّ وبرايو إستبد
إتناسى المودة وإعتاد التجني
ياريت كنت زيك لو يجدي التمني
حبيبي يكون معاي
وفي الأشجار نقيل وبالأغصان نميل
بخفة جناحك وحرية سراحك
في الأفنان نغني

Post: #107
Title: Re: وهل يسئ ام درمان غير (سفيه أو عميل أو حاقد) ؟؟؟
Author: SAMIR IBRAHIM
Date: 05-27-2007, 11:09 PM
Parent: #106

السودان .... ام درمان ... الخرطوم ....
من نمولي لي حلفاء ....

وتسلم يا التاج علي هذه البوست الرائع ....

Post: #108
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-27-2007, 11:53 PM
Parent: #107

شكرا سمير
وهل يسئ الى أم درمان غير سفيه أوجريح أومريض ومعقد أو خائن؟؟

Post: #109
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-28-2007, 04:02 AM
Parent: #108

ومن شعراء الحقيبه البارزين "خليل فرح"، الذى كتب عن أم درمان أروع قصائده.

خليل فـــرح .. ولد بقرية دبروسة منطقة حلفا من أب محسي من جهة عبري ونال جزء من تعليمه في خلوة الشيخ أحمد هاشم بجزيرة صاى ،ثم انتقل إلى الكتاب (الأولية) بدنقلا وجاء
بعدها إلى العاصمة حيث التحق بكلية غردون القديمة ونال إجازة الهندسة الميكانيكية وعمل بمصلحة البوستة والتلغراف .
توفي عام 1932 بمستشفي النهر بالخرطوم بعد معاناة مع المرض ودفن بمقابر أحمد شرفي
بأمدرمان.. وهذه احدي قصائد "خليل فرح" رحمه الله.
________________________

Quote: "ماهو عارف"

ماهو عارف قدمه المفارق

يا محط أمــــــــالي السلام

في سموم الصيف لاح له بارق

لم يزل يرتاد المشارق

كان مع الأحباب نجمة شارق

ماله والأفلاك في الظلام

يا دهر أهوالك تسارق

منها كم كم شابت مفارق

ما علينا الفات كله فارق

رقنا وله نعيد الملام

من حطامك أنا غصني وارق

في شن أبقيت للطوارق

غير قليبا في همومه غارق

ولسانا برده الكلام

ويح قلبي الما انفك خافق

فارق أم درمان باكي شافق

يا أم قبايل ما فيك منافق

سقي أرضك صوب الغمام

يا بلادي كم فيك حاذق

غير الهك ما أم رازق

من شعاره دخول المأزق

يتفاني وشرفك تمام

مسرح الغزلان في الحدايق

والشوارع الغر والمضايق

قول لي كيف أمسيت دمت رايق

دام بهاك مشمول بالنـــــظام

من علايل ابروف للـــمزالق

قدله يا مولاي حــــافي حالق

بالطريق الشــــــــــاقه الترام

مايئسنا الخـــــير عوده سايق

الحي يعود ان أتي دونه عايق

إلي يوم اللـــــقاء وأنت رايق

السلام يا وطنــــــــي السلام

Post: #110
Title: Re: وهل يسئ ام درمان غير (سفيه أو عميل أو حاقد) ؟؟؟
Author: AmroKamal
Date: 05-31-2007, 00:35 AM
Parent: #109

أم درمان ....

مدينة تعبر الزمان ...
تغير مفهوم السكان وتركيبتهم..

مسقط الرأس بالنسبة لى ولكثير ممن أمتدجت جذورهم خارج السودان.....

لا يجرؤ كثيرون على البوح بذلك لمفهوم القبلية المترسخة فى عمق كل منا

ولكن يكفى امدرمان انها حضنت آلاف الأسر ومنها إمتدت وصارت أما فعلاً.....

لكل من يسالنى أصارحه مفتخرأ ...[اننى من أمدرمان، وان جدى الثالث مولود بها!!!!!

وان بيوتنا تقابل النيل على ضفة خور أبوعنجة ...ولا تزال كما هى منذ أمد بعيد....وأن درع الصدر الذى ببيت الخليفة لجدى حسن خليل والذى جاهد مع المهدية.....

وأن أول بيت بالطوب الأحمر لجدى خالد أحمد مصطفى عين أعيان أم درمان .....ولا يزال أثره باقيا.

وجدى مصطفى حسن خليل أشهر ترزى بلدى بسوق الموردة...

درس بها أجدادى الخلوة والكتاب ووالدى تلقى بها تعليمه الأولى..ودارت عجلة الزمن .. وعدت إليها طالبا جامعيا بجامعتها الأهلية ، والتى ذادت من معرفتى ومحبتى لها...

ثم يقولون هل هى مطبوعة أم مصنوعة؟؟؟؟؟؟؟ إنها أم درمان وكفى.....

إنها مهد الحضارة وبداية الإنسانية أول ما وطأت قدماها هذه الديار... جميعنا يعلم أن الإنسان الأول فى السودان أكتشف بام درمان وسنجة....

الا يكفى ذلك لأن تكون أمدرمان مسقط الرأس؟؟؟؟؟

وكم أفخر بذلك.............

Post: #111
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-31-2007, 01:52 AM
Parent: #110

شكرا عمرو
وهل يسئ الى أم درمان غير عميل أو سفيه أو حاقد أو مريض ميئوس من علاجه؟؟
نواصل ..

Post: #113
Title: Re: وهل يسئ ام درمان غير (سفيه أو عميل أو حاقد) ؟؟؟
Author: سامى عبد الوهاب مكى
Date: 05-31-2007, 08:15 AM
Parent: #1

اكلمك أنا عن السر السفيه والهادي نصر الدين مفترضاً حسن النية في السؤال.

السر السفية أحد شخصيات امدرمان التي لا تستحق الاتجار باسمه هكذا..شخص محبوب من الجميع له شعبيه طاغية بين اهل امدرمان واصلاء امدرمان تقديراً لظرافته وبديهته الحاضرة وهو بالمناسبة (مقرم) جداً و(مفتح) كعادة كل منتمي لامدرمان...هو الان كبير في السن يجد الاحتفاء من الجميع.

قبل فترة مشيت لابوي في السوق لقيت السر قاعد ابوي قال لي سوق عمك بنك البركة عندو قروش يصرفا..قلت ليه اوعى ينشلوك..ضحك وقال لي عاين لي أنا بمشي كيف وبقي يمشي وفي كل خطوة يضرب جيب بي يد...وقال لي عمك مقرم ماتخاف..

ألهادي نصر الدين أحد اشهر ظرفاء امدرمان يتمتع بكل الصفات الجميلة واولها حرصة على التواجد مع الجميع وبطريقة يحسد عليها يعرف الجميع ويميز اهل امدرمان ويمكن ان يخبرك إبن من أنت حتى لو رأك اول مرة..عن نفسي قابلني بعد فترة طويلة جداً فلم يتردد في ان يخبرني باسمي وحتى حين حاولت مراوغتة واقناعة بانه مخطئ واني طارق(اخي الاكبر) ضحك وقال لا طارق طيب ما زيك...يعني ببساطة السر السفيه لمن يعرف اهل امدرمان ما شتيمة!!

فارجوا أن اكون قد افدتك بالمعلومة.

الاخ تاج السر ارجوا أن تواصل فامدرمان تستحق أن يوثق لها لاسيما أنها تتعرض لهجمة شرسة بلا مبرر.

وتذكر (إذا كان البشر يسكنون المدن فنحن تسكننا مدينة)

في غاية الامتنان للبوست.

قبضتك تمدح المريخ مرتيــــــــــــن في البوست دا.

Post: #114
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 05-31-2007, 09:52 AM
Parent: #113

شكرا أخى سامى عبدالوهاب
على حديثك الشافى الكافى عن شخصيتين أم درمانيتين لهما مكانه خاصة فى قلب كل أم درمانى أصيل.
يا سامى
نحن هنا فى مقام توثيق أمين ودقيق لا مجرد ردود ومماحكات مع صحفيين لا علاقة لهم بأم درمان أو المريخ وسوف نستعرض جوانب كثيره تعجبك عن المريخ ، فمهما يكن فأن المريخ جزء اصيل من النسيج الأم درمانى وله نكهته الخاصة حتى لو كان فرعا لنا كما نقول فى مواقع أخرى!!
ودائما اقول اذا لم يكن الهلال والمريخ بهذه العظمه لكونهما من "أم درمان" فلماذا لا يذهب الأرباب أو الوالى باموالهما الكثيره لتأسيس هلال ومريخ فى مدينة أخرى وبامكانهما أن يحضرا 22 لاعبا محترفا من أى دولة فى العالم؟؟
اذا نكهة الهلال والمريخ أتت من انهما ينتميان الى " ام درمان"، لا لأنهما يضمان لاعبين ممتازين.

Post: #115
Title: Re: وهل يسئ ام درمان غير (سفيه أو عميل أو حاقد) ؟؟؟
Author: AmroKamal
Date: 05-31-2007, 01:28 PM
Parent: #114

Quote: ألهادي نصر الدين أحد اشهر ظرفاء امدرمان يتمتع بكل الصفات الجميلة واولها حرصة على التواجد مع الجميع وبطريقة يحسد عليها يعرف الجميع ويميز اهل امدرمان ويمكن ان يخبرك إبن من أنت حتى لو رأك اول مرة..عن نفسي قابلني بعد فترة طويلة جداً فلم يتردد في ان يخبرني باسمي وحتى حين حاولت مراوغتة واقناعة بانه مخطئ واني طارق(اخي الاكبر) ضحك وقال لا طارق طيب ما زيك...

ليس ذلك فحسب..... الهادى تجده فى أحمد شرفى أول من يصل....لا تفوته دافنه، حتى روئ عنه لو ما لقيتونى فى الدافنه معناها انا الميت.....

كما تجده فى بيوت البكاء اول الخيمة والناس بيشيلوا معاه الفاتحة قبل أهل الميت أحيانا...

وفى الافراح هو أول من يلجأ إليه للسؤال عن أهل الطرف الثانى،،، والله ما وراكم لمن يقوم ... ما بدسها لا شاردة لا واردة ما بفوتها

ودى عادة الكبار ما بيدسوا الحقيقة والوحيد الذى يثق به قدماء امدرمان .. او هكذا اعتقد

الهادى فى عزاء والدته وقف فى المقابر فوق بوكس عشان يشيل فيها الفتحة

الهادى شخصية معروفة حتى عندنا فى الخرطوم.. بل للذين لا ينتمون لام درمان بصلة...فقد وصل صيته واسمه قبل صورته

وكنت كذلك حتى إعتدت رؤيته حين كبرت

Post: #116
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-01-2007, 00:42 AM
Parent: #115

نأتى الآن للحديث عن الشاعر الكبير "محمد بشير عتيق" رحمه الله.
ولد محمد بشير عتيق في حي أبي روف في عام 1909م و كان والده يعمل معلما معلماً للغة العربية وعلوم القرآن الكريم.
من اغنياته الشهيره:-
"ناعس الأجفان" و" حلمك يا جميل" و"اذكريني يا حمامة" و" ليلة سمر"و"هل تدري يا نعسان" و"ليلة ساهرة" و" حارم وصلي مالك" و"الأمان" و"الأوصفوك" التى ننزلها فى هذا المكان.
Quote: الأوصفوك بالبدر أو بالزهر هم ماأنصفوك
كيف يجهلوك وعلى الجمال العادي راحو يمثلوك
لو بادلوك عين الحقيقة وبالبصيرة تأملوك
بالنار أو بالنور أو بقدر ماصاغ الخيال ماعادلوك

كوكب منزه في علوك
سحرك غريب شخصك بعيد....
ولو كان قريب انوارو ضاربة بدون سلوك
يبرق سناك في غيهب الليل الحلوك
أغرب شمايل زاملوك وهم أكملوك
أدبك هبة
وفيك موهبة
حسن الظبا و طبع الملوك

Post: #117
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-01-2007, 10:39 AM
Parent: #116

شكرا بكرى
نواصل بعد سحب التشويش عن هذا البوست فى سياحة حول مدينة أم درمان نتناول فيها الشعر والشعراء والرياضيين والظرفاء وكل من يمت لأم درمان بصلة حتى لو لم يكن من أهلها.
فمن يحترم أهل أن درمان هو أم درمانى بالميلاد لا التجنس!!

Post: #118
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-02-2007, 01:14 AM
Parent: #117

نتحدث فى هذه السانحة عن الشاعر "عمر البنا".
ولد الشاعر عمر البنا في أم درمان عام 1900 وبدا كتابة الشعر منذ أن كان عمره ست عشر ستة وواصل فى كتابة الشعر حتى منتصف الثمانينات، كان والده محمد عمر البنا شاعرا معروفا فى المهدية .

ولعمر البنا شقيق هو شاعر معروف كذلك اسمه "عبد الله البنا" بل يعد من أشعر شعراء السودان ودرس في كل غوردون .

من اغنيات عمر البنا المشهورة "أغنية زدني في هجراني" وغني عمر البنا كثيرا لمحبوبته أم درمان مثل اغنيته:-
Quote: "إمتي أرجع لأ مدر واعودا
أشوف نعيم دنيتي وسعودا"

وأسرة الشاعر عرفت بالسياسيين والأدباء والشعراء والفنانين والمطربين نساء ورجال.
ومن اغنياته المشهوره جدا نقدم:-

Quote: أنا صادق فى حبّك

أنا صادق في حبك لو قلبي
يتصل بي قلبك هذا مقصودي
أنا أقصد ودك وأنت تحرمني
النظر في خدك لأذاي تميل
ديمة باذل جهدك مع علمك بهواك
منذ أيام مهدك انت مريودي
أمتى تنجز وعدك وعني يذهب نحسي
ولي يطلع سعدك يا حبيب غثني
ما بطيق نار بعدك وأنت عارفني
ما بعيش من بعدك انتهى وجودي
الشباب في عصرك جملة معترفين
لجمالك وحسنك يا مهدّل يا مفدّل
يا المهفهف خصرك الكواكب والحور
قاصرين عن قدرك كيف أنا هجودي
أمتى يفرج سجنك وأشوف صورتي
في مراية وجنك تنجلي عيوني
بي تغزُل حسنك أكوي عزالي
بالتقرب منك وفيك أرى سعودي
قال لي لازم صبرك من وصالي قريب
الدخول في قبرك من زمن يا عشوق
لي قاهر أمرك والعفاف يمنع قلبي
ليك يتحرك والجفا شهودي
قلت له بحق ربك أسلي كل أهلي
لو حظيت بي قربك حظي لو ساعد
ثانية بس أظفر بك بعد ذلك أموت
ما في شك بفخر بك أنت مريودي

Post: #119
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-02-2007, 06:20 PM
Parent: #118

الشاعر ابراهيم العبادى :
من مواليد مدينة امدرمان 1894 .. الشاعر ابراهيم العبادي من المع شعراء الدوبيت في السودان ولقب بأمير شعراء الشعر الغنائي والعبادي أحد الشعراء الذين قام على أكتافهم مسرح الشعر القومي السوداني وقد كتب مسرحية المك نمر التي قدمها المسرح القومي في أول مواسمه الثقافية بعد افتتاحه وهو من مواليد عصر المهدية شارك مع صديقه الفنان محمد احمد سرور في تأسيس حقيبة الفن من أشهر أغنياته:
Quote: جدي العزاز الجيدو قزاز
ياعزاز أنا نومي خزاز

ومن أغنياته أيضا "برضي ليك المولي الموالي " و"متي مزاري" وهي من الأغنيات التي قام بتلحينها وأدائها المطرب محمد احمد سرور وكتب العبادي أكثر الأغنيات صيتا حتي يومنا هذا "عازة الفراق بي طال وسال سيل الدمع هطال" التى نقدمها فى هذا الوست.
وغني له سرور أيضا الأغنية التى يؤديها الآن الفنان على ابراهيم اللحو "ياسائق الفيات قوم بينا خد سندة بالدرب التحت قصاد ربوع هندّ".
Quote:
"عازه"
عازه الفراق بي طال
يا عازه الفراق بي طال
وسال سيل الدمع هطال
طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال
أرض آمالي في امحال
ومن الهم بقيت في أوحال
وبعدك عزه ساء الحال
منامي وصبري أضحى محال
حليل الناسا وناسا
طريت أم در حليل ناسا
وكيف أنساها وأتناسا
ومفتون بي ظبي كناسا
ولع جوفي جمري الحي
وما بتطفيه آه وأحي
فيا زينة ربوع الحي
لي دياركم يعود الحي

Post: #120
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-03-2007, 07:25 PM
Parent: #119

عبدالرحمن الريح:
أحد شعراء الأغنية السودانية الكبار بل أن البعض يعتبره الجسر الذي انتقلت به القصيدة الغنائية من عصر الحقيبة الى العصر الحديث. فهو أكثر أبناء جيله تجديداً في أساليب كتابة الأغنية وفوق هذا وذاك فانه في طليعة الشعراء الملحنين ولعله الوحيد الذي قدم لحنا للفنان الخالد كرومة وتغنى به وذلك عندما لحن أغنية صديقه وابن جيله محمد بشير عتيق:
Quote: في رونق الصبح البديع
قوم يا حمام اسمعنا أنغام الربيع

وعبدالرحمن الملحن ليس أكثر قدرة على استخدام أصوات المطربين الذين يلحن لهم فحسب ولكنه الأكثر قدرة على وضع الكلمات المناسبة لجمهور المطرب الذي يلحن له. فهو عندما يكتب للمطربين الشعبيين يختار أسلوبا في كتابة الأغاني يناسب جمهور المطرب مثل (يا جميل يا مدلل) لعوض الجاك و(توبة يا أحباب) لمحمد أحمد عوض واذا كتب للمطربين الشباب اختار لهم من الكلمات ما يناسب جهودهم مثل (بسمة الأيام) لابراهيم عوض و(كان بدري عليك) لعمر أحمد و(في شاطئ الغرام) لأحمد الجابري و(في القطار) لصالح سعد.
وقد ظل عبدالرحمن الريح لأكثر من اربعين عام يكتب لأمير العود الراحل الفنان حسن عطية الأغنيات التي تناسب جمهوره من طبقة المتعلمين الذين يلتفون حوله في جلسات الصالون ولأن حسن عطية اشتهر منذ البداية بأنه مطرب الصالون وليس مطرب الحفلات الجماهيرية، فان عبدالرحمن الريح قدم له مجموعة من الأغنيات التي تناسب مجموعة الصالون ولم تدم الصلة بينهما الا لهذا السبب. وللصلة بين حسن عطية وعبدالرحمن الريح قصة حدثت في بداية الأربعينات وهي قصة اللقاء الأول بين الشاعر عبدالرحمن الريح والفنان حسن عطية، فقد تعود الفنان حسن عطية أن يتغني بأغنية الشاعر عبدالرحمن الريح (أنا سهران يا ليل) من تلحين عوض شمبات وفي صالون الأديب السياسي الراحل محمد أحمد محجوب استمعت مجموعة من أبناء الخرطوم الى الأغنية من حسن عطية وسألوه عن شاعرها وعندما أخبرهم عنه طلبوا منه أن يدعوه للسهر معهم. وجاء عبدالرحمن الريح بدعوة من الفنان حسن عطية واكتشف عالماً جديداً من أجواء الغناء. غناء للاستماع فقط لا يصاحبه رقص ولا ضجيج. وتابع حسن عطية وهو يختار من الأغنيات ما يتناسب مع مستوى الحاضرين. وبعد أيام قليلة كان عبدالرحمن الريح قد انتهى من كتابة وتلحين أغنية جديدة تناسب روح الصالون وأسلوب حسن عطية الغنائي وهي أغنية (أنت نور) ثم أردفها ب(يا ماري عند الأصيل) والثالثة (لو أنت نسيت) لتستمر رحلة الابداع بين الشاعر عبدالرحمن الريح والفنان حسن عطية وهي رحلة أنتجت العديد من الروائع.

Quote: أقول أنت نور
كلمات ولحن عبدالرحمن الريح
غناء: حسن عطية
•••••••••
أقول أنت نور
ولا أقول زهور
ولا أقول نسيم
فواح بالعطور
•••••••••
أقول أنت نور
من أفق الوجود
ولا أقول زهور
من روض الخلود
ولا أقول نسيم من عطر الورود
أراك في الحقيقة
مع**** دقيقة
ومحاسنك رقيقة
كأنك حديقة ومفاتنك زهور
•••••••••
أقول أنت نور
من أفق الجمال
ولا أقول زهور
من روض الخيال
ولا أقول نسيم
السحر الحلال
أقول انت ايه
محيرني ليه
أحب أسألك
أشوفك تتيه
أخاف أخجلك
لأنك نبيه وكلك شعور
•••••••••
فليك حق تكون
تحب العلوم وتهوى الفنون
وديع كالرضيع
بعيد عن ظنون
وما في الفؤاد يبين في العيون
لأن الوجوه
تكاد أن تفوه بما في الصدور

منقول.

Post: #121
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-03-2007, 07:52 PM
Parent: #120

ومن الفنانين ابناء أم درمان.
أبراهيم عوض:-
واحد من جيل العمالقة في السودان في مجال الغناء ففي الخمسينات كان عدد مطربي الصف الأول لا يتجاوز العشرة وكان إبراهيم عوض يحتل مكانه وسطهم بجدارة ولا زال حتى الآن.

وحرصه الدائم علي التجديد في كل شئ حتى الألحان بإدخال الآلات الحديثة المتطورة علي الأوركسترا السوداني وفي هذا المجال يمكن أن نقول بان إبراهيم عوض يعتبر أول من ادخل آلة البنقز علي يد الموسيقي خميس جوهر الذي درس في القاهرة وكان ذلك عام 1954 عندما قدم إبراهيم عوض أغنية حبيبي جنني وأغنية أبيت الناس وغيرها من الأغنيات الخفيفة.

كما ادخل إبراهيم عوض ولأول مرة آلة الأكورديون علي يد الموسيقار عبد اللطيف خضر المعروف بود الحاوي والذي شاركه مشواره الفني في منتصف الخمسينات وحتى نهاية الستينات وتجدر الإشارة هنا بهذه المناسبة أن إبراهيم عوض كثيرا ما هوجم علي صفحات الصحف السودانية وقالوا وقتها انه حول الأغنية السودانية إلى أغنيات جاز لكنه لم يتأثر بما كتب ومضي في طريق التجديد بتشجيع من جمهوره المتزايد .

والفنان إبراهيم عوض من مواليد امدرمان عام 1933 حي العرب ونشا في أسرة متوسطة الحال وكان والده يتمني أن يراه صاحب ورشة كبيرة وكثيرا ما كان يحدثه عن مستقبل الصناعة في البلد إلا انه أحس داخله برفضه لهذه الرغبة حيث كان يعيش مع أحلام المجد والشهرة وقد خدمته الظروف عندما ألحقه والده للعمل في ورشة الأسطي ناصر بشير وتعلم علي يديه مهنة البرادة وكان لهذا الرجل فضل كبير في تغيير مجري حياته فكان يترك علية حرية الحضور والانصراف من الورشة في الوقت الذي يناسبه وخلال تلك الفترة كان يداوم علي الاستماع لأغنيات الفنانين احمد المصطفي وحسن عطية والكاشف من خلال الإذاعة وكثيرا ما كان يهرب من العمل ويسرع إلى اقرب راديو للاستماع حفظ بعض الأغنيات واصبح يرددها في مكان عمله بين ضجيج الماكينات وكثيرا ما يعلو صوته كلما علا الضجيج وهكذا تدربت حنجرته علي الأداء القوي مع المرونة في ثقة ويسر.

وعندما أحس بان الغناء ينبع في ذاته قرر الاشتغال بالفن وبتشجيع من المحيطين به بداء بشراء عود بمبلغ 75 قرشا وأخفاه في منزله من أن يراه والده كما تعرف علي شاب من نفس الحي يدعي علي سالم علمه أصول العزف علي العود وكان يصحبه في كثير من الحفلات الساهرة وكون ثنائيا ناجحا لعدة سنوات استفاد خلالها من خبرة زميله أتيحت له لأول مرة فرصة الغناء في الإذاعة ويرجع ذلك إلى الشاعر الكبير عبدالرحمن الريح الذي كتب له ثلاثة أغنيات مرة واحدة وكانت من تلحينه أيضا وبهذه الأغنيات وقف إبراهيم عوض أمام اللجنة عام 1951 ولجنة الامتحان كانت برئاسة مراقب الإذاعة آنذاك الأستاذ متولي عيد أما الأغنيات فكانت هيجتني الذكري ـ أسرار العيون ـ علمتني الحب ونجح نجاحا باهرا
تعاون مع الشاعر الطاهر إبراهيم في أغنيات كثيرة منها عزيز دنيانا ـ غصبا عني ـ حبيبي جنني التي تمثل نقطة تحول وانطلاق حقيقي في مشواره الفني.

ومن الملحنين الموسيقار برعي محمد دفع الله الذي وضع له لحنا لأشهر أغنياته يا جمال دنيانا
والموسيقار عبداللطيف خضر في أغنيات المصير ـ ويا زمن ـ غاية الآمال
والفنان إبراهيم عوض نشر الأغنية السودانية حيث قام بأكثر من زيارة إلى خارج السودان
وشارك في فيلم بعنوان إسماعيل يس طرزان وذلك بأغنية اظهر وبان عليك الأمان كما شارك الفنانة المصرية سعاد مكاوي في أداء أغنية موج البحر من كلمات الشاعر فتحي قورة وتلحين الموسيقار عبدالحميد توفيق زكي
وزار أيضا ألمانيا وتشكوسلوفاكيا وأوفدته الدولة لأكثر من دولة ومنها الصين وغيرها

هذا هو الفنان إبراهيم عوض صاحب المدرسة المستقلة والصوت المميز الذي استطاع أن يثبت أقدامه في الساحة الفنية في مجال الغناء وان يتغلب علي الكثير من الصعاب في بداية مشواره الفني حتى تربع عن جدارة واستحقاق ونال إعجاب وتقدير جمهوره العريض واستطاع أن يضيف للمكتبة الغنائية عشرات الأغاني التي عاشت ولا زالت بيننا حتى الآن
وأغنية المصير لازالت تلهم الجميع إعجابا يزداد كلما استمعنا إليها وهي من كلمات الشاعر سيف الدين الدسوقي والحان عبداللطيف خضر:-
Quote: ليه بنهرب من مصيرنا
ونقضي أيامنا في عذاب
ليه تقول لي انتهينا
ونحن في عز الشباب

منقول

Post: #122
Title: Re: وهل يسئ ام درمان غير (سفيه أو عميل أو حاقد) ؟؟؟
Author: عمار يس النور
Date: 06-03-2007, 09:50 PM
Parent: #121

الأستاذ الكبير المحترم تاج السر

تحية لك و لضيوفك ضيوف أمدرمان المرحابة.

أقدم لك نبذة عن جدي الأستاذ المرحوم النور إبراهيم شاعر أمدرمان و مؤسس أحد منابرها الادبية (مجموعة الكتيبة).
ولد جدي في مدينة الدويم و إنتقل إلى أمدرمان في ثلاثينيات القرن الماضي في حي العرب ثم لاحقا في الأربعينيات إلى الملازمين حيث بيت الأسرة ما زال هناك. عمل جدي في بخت الرضا و أمدرمان حيث أسس مجموعة الكتيبة الادبية و التي كانت تضم عدد من أدباء أمدرمان في ذلك الوقت و قد إختاروه اميرا عليها كما انه من مؤسسي مدرسة أمدرمان الأهلية المتوسطة و أول مدير سوداني للأهلية الثانوية حيث لا يزال بها نهرا دراسيا بإسمه (نور).

إتسم شعراء الكتيبة بما يعرف بشعر الأخوانيات فكانوا يكتبون الهجاء البرئ في ما بينهم و قد حضرت حلقة في تلفزيون السودان قبل سنتين تكلم فيها د. محمد الامين (المتجهجه الأموي) عن فكرة قيام مجموعة حلمنتيش في عام 1972 حيث افاد انهم إستضافو الاستاذ النور إبراهيم و مجموعته في ندوة أدبية في جامعة الخرطوم ذاك العام و انها وجدت نجاحا كبيرا مما دفعهم إلى تأسيس مجموعتهم حلمنتيش.
غير ان شعراء الكتيبة كانوا يكتبون باللغة الفصيحة و جلهم من الرعيل الاول من المعلمين حيث ان جدي الاستاذ المرحوم النور إبراهيم تخرج من كلية غردون و ذهب إلى لندن في بعثة دراسية عام 1948 و عاصر الدكتور عبد الله الطيب و له قصيدة في ديوانه بمناسبة زواج المرحوم العلامة البروفيسير عبد الله الطيب.

أرفق لكم مقدمة بقلم الأستاذ منير صالح عبد القادر لديوان جدي النور إبراهيم وهو بعنوان "الكتيبة"

وهذه أيضا

و هنالك بقية

لك تحياتي

عمار يس النور إبراهيم

عاشق بخت الرضا

Post: #123
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-03-2007, 11:48 PM
Parent: #122

العزيز/ عمار يس النور
تحية وأحترام
أن كنت جد فخور بهذا البوست الذى جعلنى أسترسل عشقا وطربا متحدثا عن مدينتى التى ولدت وترعرت فيها وولد فيها ابى وقدم اليها جدى الأعجمى مهاجرا من دنقلا مناصرا للأمام المهدى وأستشهد شقيقه فى جبال كررى، وجعلتنا أم درمان فصحاء ديمقراطيين محائدين احرارا .. منا من واصل الأنتماء الى طائفة الأنصار .. ومنا من اتجه نحو طائفة الختمية مثل الوالد رحمه الله .. ومنا من ذهب نحو اقصى اليسار ومنا من لم يجد نفسه فى هذا أو ذاك من الأحزاب أو الطرق .. فان فخرى وسعادتى تزداد بأن ياتى لى هذا البوست بذكرى أحد الأساتذة الأجلاء الذين سميت انهر وفصول مدرسة أم درمان الأهليه باسمائهم ومن بينهم جدك الأستاذ النور، وأذكر من بين تلك الأنهر التى سميت على أحد الأساتذة الأفاضل نهر أسمه "الهادى" .. وانا أحد الذين تخرجوا من تلك المدرسة حيث بدأت دراستى بنهر اسمه "أحمد حسن" .. ولو توقفت سنين تعليمى فى أم درمان الأهليه لما احتجت أن ازيدها شيئا، ففيها أساتذة علماء نجباء أجلاء مثل المرحوم "كرف" و "دو شين" وفيها استاذ اللغة الأنجليزية "شداد" وفيها الشاعر النور عثمان أبكر وفيها فطاحلة فى الرياضيات وفى باقى العلوم الأخرى.
أشكرك على مرورك وتسجيل خواطر قيمة اضافت لهذا البوست الكثير.

Post: #124
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-10-2007, 04:05 AM
Parent: #123

*ومن الفنانين المعروفين فى أم درمان التاج مصطفى الذى كان يمثل نسيجاً لوحده.
ولد التاج مصطفى رحمه الله في عام 1931م واثرى ساحات الفنون بوسيم الغناء وعطر سماواتنا بطرب شنف الآذان، وكانت الاغنية التي قدمت التاج للاذاعة السودانية هي (فتاة النيل) من كلمات الراحل اسماعيل خورشيد، وقبل ذلك كان قد امتع واسعد بروائع الانغام من اغنيات الحقيبة لاسيما اغنيات (كرومة)، واستمر التاج ينسج خيوط الابداع الى ان تعرف على الشاعر عبد الرحمن الريح الذي قدم له اغنيات زاهيات، بدأت بأغنية (حياتي فداك) واستمرت مع (ممكون وصابر) و(ارضيت ضميري) و(اشراقة) و(حيران في الحب) و(رسالة حب).

وقد لاقت كل هذه الاعمال هوىً وقبولاً منقطع النظير لدى الجمهور لكن (الملهمة) التي نسجها عبد الرحمن الريح بروحه ووجدانه وقدمها التاج مصطفى في حفل غنائي بحدائق الاذاعة القديمة عام 1948م احدثت ثورة في عالم الاغنية السودانية ونقلتها من حيز الحقيبة الضيق الى آفاق ارحب وتعتبر (الملهمة) من الدرر الغوالي في سفر الاغنية السودانية وبعد ان شكل عبد الرحمن الريح مع التاج مصطفى ثنائية بديعة حدث خلاف عارض بينهما وإثر هذا الخلاف انتقل عبد الرحمن الريح للتعاون مع فنانين آخرين مثل الفاتح حاج سعد ورمضان حسن وابراهيم عوض وصالح سعد واحمد الجابري وبدوره اتجه التاج ايضا الى شعراء آخرين مثل حسين بازرعة واسماعيل حسن ومحمد بشير عتيق، وفي جانب الاغنيات الفصيحة غنى التاج عدة اغنيات منها (النائم المسحور) للأخطل الصغير و(نداء) و(ليتني انساك) و(لا تخفف ما فعلت بك الاشواق) .. وقد نجحت هذه الاغنيات فنيا واعتبرت فتحا جديدا في عالم التلحين السوداني وامتلأت بالموسيقى الراقية، المعبرة الجميلة واللزمات الموسيقية الطويلة واستطاع من خلالها ان يبرز موهبته وبراعته في التلحين وخاصة في توظيف الموسيقى وكان يحلو لزملائه العازفين تسميتها بسيمفونيات التاج بدل اغنيات التاج وفيها احتفظ بمذاقه الخاص واستقلال شخصيته الفنية في الاداء ورغم ذلك لم تنجح هذه الاغنيات جماهيريا.

*معلوم ان البيئة لها تأثيرها اللامحدود في حياة أي فنان وقد نشأ الفنان التاج مصطفى في بيئة تعج بالمبدعين وهي الاجواء الحالمة بحي العرب الذي يحلو للكثير من اهل ام درمان بتسميته حي المبدعين وكان يضم اطيافا من المبدعين المميزين امثال سيد عبد العزيز وعبد الرحمن الريح وعبيد عبد الرحمن ويوسف حسب الله ومحمود التنقاري وسيف الدسوقي والطاهر ابراهيم وعبد الله محمد زين ومحمد يوسف موسى، ومن المطربين ميرغني المأمون واحمد حسن جمعة وعلي ابو الجود وعلي ابراهيم والجابري وحسين ابو عرب وابراهيم عوض.

من اروع ما غنى "التاج مصطفى" :-

Quote: يانسيم ارجوك روح لها وحييها
وبالغرام البي والشجون احكيها
بي ادب يانسيم واحترام ناجيها
لعل بالتزكار عطفها يعود ليها
ان تصادف وكانت نايمة لا تصحيها
وكن كثوب عن عفة وبي حنان غطيها
ان ابت او صدت دعها تتبع تيها
وهي جاهلة وديعة رقيقة راقية نبيهة
لا تحاول احذر يا نسيم توذيها
فهي بضة ندية ..الحرير يدميها
كن ملا كا طاهر يا نسيم لوليها
كن اديبا واحذر ان تمس خديها
روحي بينك وبينها وانت ماك داريها
ووجدي خلفك حارس وقلبي بين كفيها

Post: #126
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Osman Musa
Date: 06-10-2007, 04:26 AM
Parent: #124

أنشاءالله تعيش يا أخى تاج السر
يا اصيل
لك اكاليل الورد ....
نتابع ... ولنا عوده انشاءالله

Post: #127
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-10-2007, 09:53 AM
Parent: #126

لك الشكر أخى عثمان موسى
ونتواصل مع هذه المدينه الأم ، التى تسكننا قبل أن نسكنها.

Post: #125
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Atif Makkawi
Date: 06-10-2007, 04:18 AM
Parent: #1

الأخ تاج السر سلام
هذا مجهود جبار منك فحتي
ان استفدت من عدة مصادر لهذه المادة
لماذا لا تفكر في جمع هذه المادة
بين دفتي كتاب واحد مع الاشارة
الي المصادر كحواشي

Post: #129
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-11-2007, 00:07 AM
Parent: #125

العزيز عاطف مكاوى
تحية طيبة
رؤيتك مقدرة وايجابيه ونرجو أن ننفذها.

Post: #128
Title: Re: وهل يسئ ام درمان غير (سفيه أو عميل أو حاقد) ؟؟؟
Author: omergoda
Date: 06-10-2007, 08:02 PM
Parent: #1

نكرر لك احترامنا وتقديرنا عزيزنا تاج ام در

منتدى ابناء امدرمان

Post: #130
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-11-2007, 00:11 AM
Parent: #128

العزيز / عمر جوده
كتب:-
Quote: نكرر لك احترامنا وتقديرنا عزيزنا تاج ام در

منتدى ابناء امدرمان

بل التحية والتقدير لكم انتم أهل ام درمان الأجلاء الأوفياء الكرماء.
والله من مشيتكم نعرفكم، وكان واحد من ناس ام درمان جا مارى وسط مليون تلقى القلب فره!!

Post: #131
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Kamal Karrar
Date: 06-11-2007, 06:10 AM
Parent: #1

الأخ/ تاج السر

بكل محبة أسجل إعتراضي على هذا البوست..

بحرى مالها.. فهي عندي أجمل.. وأحلى وأنبل

ولكن دأب الأمدرمانيون على التعنصر.. بأن أم درمان هي

كما يقول المصريون عن مصر إنها أم الدنيا..

ومن ناحية مكانية كم يفصل أم درمان مسافات عن باقي

العاصمة المثلثة حتى تتفرد أمدرمان بما يسبغ عليها ويخلع عليها من صفات لم تخلع على مكة

تذكر أخي أنا أختلف معاك بكل محبة.. وبحري طراوة

Post: #132
Title: Re: وهل يسئ ام درمان غير (سفيه أو عميل أو حاقد) ؟؟؟
Author: تاج السر حسن
Date: 06-13-2007, 02:48 AM
Parent: #131

شكرا كمال كرار
تختلف معنا بمحبة
ولنا فى بحرى أحبه

يا كمال يا أخوى
بدل ما أشرح ليك أمشى اٍسال ناس فريق كوبر من بحرى والأمتداد فى الخرطوم قول ليهم لمن تكون عندكم مباراة ضد بعض ليه بتختارو دار الرياضة بأم درمان بدلا عن دار الرياضة بحرى أو استاد الخرطوم ؟؟
الأجابه على السؤال ده ممكن تعكس لى شئ من سبب تميز أم درمات وتفردها.
ولو ما كفاك أرجع وراجع نفسك واسال ليه المرحوم أحمد المصطفى وهو خرطومى ومن العيلفون، شنو الخلاهو يغنى أجمل ما كتب عن أم درمان، والقصيدة مذكوره هنا ولا داعى لتكرارها؟!!
أم درمان ببساطة بتمثل (ملخص) السودان وبوتقته الجامعه لكل اجناسه وقبائله وطوائفه وأحزابه ورياضيه وفنانينه ... الخ.

Post: #133
Title: Re: وهل يسئ ام درمان غير (سفيه أو عميل أو حاقد) ؟؟؟
Author: Kamal Karrar
Date: 06-13-2007, 05:56 AM
Parent: #1

أخي تاج السر

كثر خيرك على الرد...

برضو أم درمان عزيزة علينا..

وفيها لينا أحبة.. ومنها أم العيال..

وفيها الجد من الأم عليه رحمة الله ,, وكافة الخالات والخيلان

يعني معزتها خاصة.. لكن برضو بحري طراوة..

بحري أبوداؤود أظنه غني أغنية الحقيبة.. أمتى ارجع لأم در وأعودها..

ولا شنو يا تاج السر...

يعني بحري مسقط رأسنا وموطن الوالد وأهله..

عشان كده ما تزعلوا مننا..