أُغنيــــــات الإبتهــــــاج ...

أرتــــاح ....
مـن وجــل العشــق الســاكن
هــدب العــين
مــسكونـــك ...
خــاضع ليــك بالريــــد
محــــسوبك ...
حــــقِك إنتِ وبـــس
ما..... غيرك يقـــدر
يــروض حرف الســين للشــين
راجــــيك جـــواى
راجيـــك جوايا
خــلية شـــوق
تتفجر
أو تتأطر
أو تتشـــجر
أو تتكـسر فيك
أو فيــــــــــــــــــنى
تخدّر فيـــــك البهجـــــه
وتـــــــــــــكبر
تكـــــــــبر
لى جـزئين
من ... منــــك... ولىّ
كان تسـرى على الأحـلام أنســام
بتودى سـبيل اللقيـا تأشـر نحـوك
يا....
ما ممــــــــــكن
أصـــــــــــــلا ...!!
كيفِنْ أتـــــــــوق أرجـاك فى ذاتـى
وبقّدر أعـيشك فينى
وشكراً جداً
يا....
ما عـارف ليـك شبيـه
أنا شـاركتِك روحى هديـتكِ
حافظى على الإحـساس
أمــــــــــــْنتِك روحــك
وذاتى وكـل ما أشـعر
إنـى بِقـــــــــــيتِك
أخـــــــــــــــــــاف..
ينتــــــــــــــبهو معاى الناس
يا...........
مين.... ســــــــميتِك
إســـــمى.... وفـرحى
وهمـى...
أســـــــــــــاساً
أنتِ عبيـر العنبـــــــــــر
وأكتـــــــــــــر ...
من ما كان
فى حيّز الكـــون
مــــــــجنون...

مين.... ســــــــميتِك
إســـــمى.... وفـرحى
وهمـى...
أســـــــــــــاساً
أنتِ عبيـر العنبـــــــــــر
وأكتـــــــــــــر ...
من ما كان
فى حيّز الكـــون
مــــــــجنون...


أستاذ عبدالله شكرا لهذا النص الجميل

ياسلام علي الابداع

واصل

اهديكِ عقديني المعاك
او باقة من كل ما ينضب عبير
سدنياناتي سوامق شامخات
لا الريح تثنيها
ولا يجدي البكاء
لا الحزن يمتهن الفرح والامنيات

العزيزة نهال الطيب

اليك رزاز البحر وعبق القرنفل اغنيات

كل الود

ما بين توارد لحظة
في الزمن الشجي
وكل التلاوين تنكشح في اللوحة
تبدأ وتنهي
وارجاكِ في عصب الكلام
غنوة مزامير
والشموس تصحى وتفرهدبالنضار

عواطف

شاكرلك جيتك واتمناك دوام

ســجم الكــلام المُــحتدم
فى الذاكــره ما لاقــى المروق
ما تـروق عشــان يصــفى البحــر
من عَـكرَه
تمْــرُق فــكره
تفــتل فى الحـبال للسـارى
خــار حــيل التعـب
قبــال يداهمــنى المِعــفّر خوفى
من الريــح
يهــضلم ليلـى مُســتنيكِ
طـولّتى المسافات فى الغيـاب
ما تحــرمينى الصـوت وقــع
نقــر النقـاقير هـرْدبيــس
صـوت العصــافير للرقيص
والبهجــه لى رب الســما
ألقــاك مُمْــكنه فى المُحــال
فى المـستحيل ...
زى قــمره تخــجل من خـيوط الضو
حالــفه وجازمه
لازم تنــتحر فى السَــهلَه
فى نــص الحنــين
فى الــواطَـه
عِـترت فى مشــيها ... وبسْــملت
بى دهــشه حَـدرت عــينا
كَــبت باقـى شــوقا عليك
شـهَقـت ...
مع قطعــة نَفـس
أبـداك من حِــتة لِقــيتِك فـينـى
حــيْا على الفــجُر
هـليتــى من أيْـة مـدار ...؟
صـليت معـاك
مـالِك وِقــفتى مع المـلايكه هناك
عشـان عـارفانى
( ما بقـدر أهبّـش )
مســألة هــاك لو بتقــدر
جــيب معاك الخَـمره
من القــمره
لو ســكرت حـواسك
إنتــبه مســتنياك فى ذاتـى
خــوفى عليــك
خــايفـاك تخْطــفك
أسْمِعــنى صــوتك بالقـليل
من مافى غــنى معــايا
غنــى معايـا يا عيـن ســىّ دقُـر
يا سـلسـبيل المـعنى
فاتـح عيـنى لــيك
فى لحــظه داهمــنى الفــتَر
فى غــفلة الزمـن البِعـيد ترتــيبى
فى هجــرة تفاصيــل المــطر
الطـقس لابس حاجه ما معروفه
إمْــكن جِبة من بلــور
إمْــكن دا التلــج
بى هنــاك تبخــتر
فى الغيـوم الداقـشه نار الجمــره
ما كل الكواكــب حالمـه
بالسـهر اليفــتح عــينا
نـفـسْ الحـال أنـا
ما الغيــم يخالف إنتفاضات التوقع
منـهزم مِنك تعالى معـاى
نحــدد إتســاعات الخـيال للرؤيــه
نخــتار أىْ لــون للزهــره
تصبــح بكره .. هســه الآن
وقُبـال أتـوهِـم
ودْران مَشـربك فيكِ
عـاجبنى الـوَدر
مادام ..بيشــرحنى وتفيض الأســئله
وقـبل الأخـير
قــال لى : منو القـال ....
إنــى مُتـعنى القــدر
جيــتك حافى
بس... على فِــكره
مشــتاقك شــديد
بالفــطره قُمـت لقيت عيونك
بـؤره تجــهر بالطشـاش
بجــلالة الأشــواق ....
(بحـــبك ...منتـهى الإفـــراط )

إحســاسى بيك فاض من هواك
إتنســمك زفرة هــواء
وأنــا وإنت فى غيــم الســحاب
لــو فى الخيال
نتلاقى زى مطــر الرزاز
ننزّل ســوا
ننســاب خــرير
مابين عتامير الأرض
أو نفّتــرض
نحنا الكســينا الدنيا
باللـــــون الخضار
أبقى الرحـيق
تكبر علاقة الزهــره
بى سرب الفراشات بإعتزاز
أفتــح مــدى الأفق البعــيد
لــو يســرق الطيف إبتســامتك
نظرتك وقفة قوامك
خلسـه فى غياب النظــر
يمــزج اللون يرسمــك
حــوريه تسطع إنبهــار
إحســاسى بيك
زي إرتباط النجمه
والليل المعـسْعـس
والقمر خجلان يباهيك الظهـور
ماهلْ كان راجيك تهِـلْى مكانو
ياكل الحضــور
كان ناوى حجِـك
وكنت ناويك أعتمــر
كان يوسوس
يعتزل معنى الغياب
ينســاب يفـِرّش حزمتو
ويرتاح على الأســى
لما يتوســد رصيد من فكه
ما بلغ النصاب
كان إنتظارك يكفى ليك
راجيك وقاصدك بالعتاب
يوم ينجرف شوقى المعسّم بالألم
أو .. ينحرف رسم الكتابه من القلم
لو شفتى كم الشوق عليك
لحظه يــواردنى الندى
وحالاً يصالحنى الســهر
أتعشمك أحلم أشوفك
بين أصُـولك فى العيون
ياكامنه فىالافق البعيد
راجيك بين غيم السكون
راجيك فىالموج الغريق
مابين اكون أو لا أكون

إنحياز ..؟؟

إدّلي..
كلفّت القمر ينزل معاك
مستني شمسك..
لما يتهاوي المغيب..
منحاً جميلاً ..
عندما يزهو الربيع مُتّجلي..
والندي يعتلي ثغر الصباح ..إتدّلي..
شاخت اُمسيات الليل شخير
يا ملكه هشيتي النحل..
في السكه تاورني الغبار..
تاوقني حُلمك..
إنبهار الشوق طمح ريحة الكمأ..
ياسوده..!!
يا تتدّلي يا خليني أصعد ليك سما..
ما النسمه تختصر التوقع..
لما يستبرق سحاب الغيم هما..
كيفن.. تعداك السؤال..؟
محتاج تجادلني الشكوك..!!
جيت أستخيرك..
شُري ضيمك في هواي..
أصلي محتاجك توجع وأستشيرك..
عن محطات الجدل
تكرار طيوفك..
سر غموضك..
وإنسلاخ الضو خزق طرف العمر..
كسبان رهانك بالحضور.. الإشتهاك
لمحتي للضل شبّهِك..
صهينتي..
ما تناديني .. لو غرق البحر..
غريّتِي ليه..؟؟
كشمتي عارفك إستفزاك الِضحك..
قرقرتي فكرة تلحك روحي وتجيك..
سوده ..ومميزه ..بانحياز...!!
كيفن..تغالطي الإرتباك..؟؟
أنا جيت أبادلك إستراق الشوف جموح..
أهديك ما أملك فداك
أهديك عقديني المعاك
أو باقةٌ.. من كل ما ينضب عبير..
سندياناتي سوامق شامخات
لا الريح تثنيها..
ولا يجدي البكاء..
لا الحزنُ يمتهن الفرح..والأُمنيات
( يا سوده هل لك إشتهاء..؟؟)
الفيزياءُ تفاعلت سراً..
يرتجع البصر ..
كان سوده تتلون..
يا بنيه لما الليل سجعّ..
شوفي النجوم في المويه
في شطك ودِع..واقع
إذا أحصوه ما تعدا..
وشكلك فيني عالم تاني..
منتظرك خطاوي تكرفس المُدّه..
أنا منك ..وريدك كل شراينك ..أريدك
أنا منك..
قليبك كيف يصادر مني ..
ما سويتي بي إيدك..؟
هرجلة الكلام ..
والليل يطشش..إحتمالات الكسوف
والضلام.. كومة عويش الخوف..
فِكّي عضامي.. ودري فيني
حاجات تعرفا العرافه جارتنا..
رتقتّي الفضل..
الشروخ بعد المسافه
غنيتي طار مني النعاس..
جلجلتي ..
آآآه منك بريدك يا مجندل بالأرق يا مُحتمل
غيرتي زمن الصوت صدي..
شريتي دمع الريده..
غنيتك نشيدك..
شن..تستني.. إتلافيّنِي
آآآه منك..
ما تعايني المرق بالسرقه الشوف
إلي مرسي هبوب الريح..
مراكبيه.. وبحر..
والقصه في ترحال قنيص اللحظه..
غيمه ... ومستحيل..
جيتك أصابق إنتظاري الجاي
من عمر لمسافه وسكتك
ما تفسري الليل.. الضلمه العتمه..
كبسولة نعاس مخزونه..
في ضهر الصبح إشراق..؟؟
إحتمال أمسح دموع القمره
بي منديل عقاب الليل..
خيوطك ناسيه تسليط التوهج فيك..
ما تتدلي ..حلفتك صباحك وين..
ولونك فيكِ ممتميز .. وآآآه منك..وأنا منك..

Quote: كان ناوى حجِـك وكنت ناويك أعتمــر

إنتا مامعقول!

كنتُ اراوغ تقلبي على الصبر منتظراً قدومك عافية
ولكنك اتيتِ بما يفيض رحابةً كالمزنِ يحتلب المطر
ياثاقبه .. هكذا أحسستُ بابتهاجي بهذا القدر المامعقول
حينما الجمني الصمت .. كنتِ الغِناء

الخنساء

قد لا اتصور حدودي من الزهو فعلاً