Post: #1
Title: المبدع علاء الدين ابراهيم يكون مجموعة موسيقية من الكنديين بفانكوفر
Author: Yasir Bastawi
Date: 04-21-2007, 04:25 PM
http://profile.myspace.com/index.cfm?fuseaction=user.vi...e&friendID=133111147
المبدع علاء الدين ابراهيم يكون مجموعة موسيقية من الكنديين بفانكوفر,
اسم المجموعة
سوداندا
Sudanda Music Show: General Info
Member Since 26/11/2006
Band Members Alaaeldin on Lead Vocals and Oud, Earle doing Guitar and Vox, Tommy on the E and Upright B, Andrew playing Drums, Jane on Accordian and back up V, Steve on Rik and Doumbek.
|
Post: #2
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: الفاتح يسن
Date: 04-21-2007, 04:55 PM
Parent: #1
الاخ ياسر بسطاوي شكرا التحايا للمبدع علاء ومجموعته وباسم الجالية السودانية بسانت كاثرين نقدم دعوة للمجموعة لتقديم عرض بمناسبة يوم السودان منتصف مايو وندعو كل مبدعي الوطن بجميع المقاطعات للمشاركة ولك كل الود
|
Post: #3
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Yasir Bastawi
Date: 04-21-2007, 05:56 PM
Parent: #2
تسلم يا الفاتح
والله عرض جميل وفي وقتو لان المجموعة بتفتش على دعم للانتشار وتسجيل السي دي الاول.......
وحسب علمي في مايو هم ح يكونو في سياتل للمشاركة في احدي المهرجانات.... وارجو من الشباب بأمريكا يقدمو ليهم الدعم اللائق........
و يا الفاتح راسلني عشان نرتب.........
وسلام لكل سانت كاثرين
|
Post: #4
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: عمر فالكاو
Date: 04-21-2007, 09:18 PM
Parent: #3
الرفيق بسطاوي
التحية لك وللزميل الجميل علاءالدين ابراهيم ودى اخبار سعيدة جدا طولنا ما سمعنا اخبار عنكم ونتمنى ان تتواصل من الان وتحياتى لكل الناس الجمال ولى قدام
|
Post: #6
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Yasir Bastawi
Date: 04-22-2007, 06:49 AM
Parent: #4
سلام وكل الشوق ليك يا فالكاو.........
الشوق مدة ما سمعنا من بعض فعلا... دي واحدة من (بركات) الديكتاتوريات ..... شتات .. وضياع.
بس بيكم نتقوى.
وسلامي
|
Post: #5
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: سلمى الشيخ سلامة
Date: 04-21-2007, 09:29 PM
Parent: #1
يا ياسر يابسطاوى يا علاء يا ابراهيم ازيكما ولكما اندى السلام والليلة دى كنا فى سيرتكم مع ايمن تابر وعزة جعفر ،ما تجوا نعمل مسارب الضى تانى ، تحياتى
|
Post: #7
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Yasir Bastawi
Date: 04-22-2007, 06:57 AM
Parent: #5
طيب يارائعة ياست الكل,,,,,,
تصوري فعلا القلوب شواهد..........
علاء الدين صباح السبت 21,4 كان بقول لي انو محتاج للأصوات المبدعة عازة وسالي؟؟؟
يعني مزنوق ليهم جدا...
مش بقول ليك.. القلوب شواهد؟؟
و مزيد من الشوق ليكم:
سلمي.. ايمن.. عزوز و سالي
... وبرضو تقولو الشوووووق؟
|
Post: #8
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Aymen Tabir
Date: 04-22-2007, 07:18 AM
Parent: #7
بسطاوي
ياصديقي ورفيقي من زمااااااااااااان
سبقتني
نفس الفكره ونفس اللهفه لزول بستاهل كل زوايا الضو
البيناتنا ..
يانسمه ..
عايز اخلق من حاجه ...
وزمن الدندنات عز الليل
46 والبلكونه وعلاء والعود
مصر ومسارب الضي
وتجربه تنحت صخر الروح
شان ينضح فرحه ..
نفس اشوف علاء مشرور زي غيمه ترش الدنيا غنا وابداع
لانه مبدع
وفنان
وصوت متميز
وحس عالي
وتواضع يربك كل الفيك ..
قاسم امين
وواحلالي
والكورالات
وياسلااااااااااااااام على السلام
وعشره مقاطع "الهرتنافي مسارب الضي"
علاء .. مشتاقنك
وراجين نتلمى
سلام يا ياسر وياداب بدا الحكي
وراجع
|
Post: #9
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Aymen Tabir
Date: 04-22-2007, 07:22 AM
Parent: #8
علاء الدين إبراهيم ومجموعة المبدعين الكندين ـ فانكوفر
|
Post: #10
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Aymen Tabir
Date: 04-22-2007, 07:33 AM
Parent: #9
About Sudanda Music Show
Sudanda was formed in 2004 around the vocals and oud playing of Alaaeldin Abdalla, whose repertoire comprises both ancient traditional songs from Darfour and new compositions for large and small ensembles. The combination of voice, oud, guitar, accordion, bass, and drums adds an unusual timbre to the traditional sound of Sudanese music, and accentuates the lyrical quality of Abdalla's singing.
Alaaeldin's compositions reflect his strong personal and political commitment to his Sudanese heritage and peace for Sudan. Based on traditional North East African rhythms like the "mardoum", the music combines the variety of influences its players draw from.
|
Post: #16
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Yasir Bastawi
Date: 04-23-2007, 01:58 AM
Parent: #10
سلامات يا اخينا..... زي ما بيقول المناضل الانسان د. حموده فتح الرحمن
أهو يا ايمن واحد من السودانيين المهاجرين يشق طريق صعب في هذه الغربة......
والله حاجة تزيدنا شرف علي شرف أهل السودان الافاضل
والاشواق ليك
|
Post: #11
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Yassir Hamid
Date: 04-22-2007, 07:45 AM
Parent: #1
العزيز ياسر بسطاوي
الاعزاء المتداخلون
لكم الود والتحايا العطرة
ولعلاء الدين الكثير من التحايا بعد هذه المدة الطويلة
اسلج صدرنا تكوين المجموعة
نرغب في السماع
لماذا لا تتحفونا ببعض من إبداعكم
نتوقع في أن تنزل العديد من النماذج في هذا البوست
ولتتوقفوا عن وجع قلوبنا
حبنا ومودتنا للجميع
ياسر حامد خليفة
|
Post: #13
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Yassir Hamid
Date: 04-22-2007, 08:03 AM
Parent: #1
حبيبنا أيمن السر
كديدنكم منذ نعومة أظافرك كنت سباق
شكراً صديقي الحميم على هذا الربط
ولك خالص ودي
ياسر حامد
|
Post: #17
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Yasir Bastawi
Date: 04-23-2007, 02:12 AM
Parent: #13
الشوق السلبة الطالت قاصده البير
الشوق الشجرة اليبست دايرة الموية
الشوق للاخو والخية....
خلى بصيرة الدنيا عمية
.... وبرضو تقولو الشووووووق؟؟؟؟؟؟
رسالتك يا ياسر من نيجيريا للشلة:
زهير هاشم
شهاب ابو القاسم
خالد عبد الله
نصر الدين ابو النور
نادر بسطاوي
وائل محجوب
علاء الدين ابراهيم
وشخصي.....
واقرت الشلةانها عمل ادبي رفيع, وهي كذلك فعلا
وبالحلفايا تم التلحين
مابيني وعلاء الدين
والان هي من اعمال سوداندا الاساسية....
اها يا ياسر شن قولك؟؟؟؟
وبرضو تقول الشوق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #14
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: سلمى الشيخ سلامة
Date: 04-22-2007, 12:59 PM
Parent: #1
ياسر حامد مادايرة احرف البوست لكن اشتاقكم جميعا
|
Post: #15
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: محمد مكى محمد
Date: 04-22-2007, 02:05 PM
Parent: #1
ياسر سلامات
وينك يا راجل...
سلامنا الحار ليك ول علاء...حاول تنزل لينا نماذج للاعمال عشان نستمتع معاكم..
محمد مكى
|
Post: #18
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Yasir Bastawi
Date: 04-23-2007, 04:18 AM
Parent: #15
محمد المكي الفنان
ما تقول لي حسة ما عندك علاقة بالغنا؟؟؟؟؟؟؟
ياااااااااا سيدي والله شوووووووقنا ليك لاحدودي
وزي ما قلت لي ايمن أهو واحد مننا وفينا تقدم للامام
ونتكلم لي قدام.....
اتصل بي............
اتصل.
وسلامات كتيييييييييرة يا زول يا زين
|
Post: #19
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Yassir Hamid
Date: 04-23-2007, 05:16 AM
Parent: #1
سلمى
أو كما يحلو لنا سبله وجكه
ياشباب عن أزنكم أحرف البوست وأقول
أزيييييييييييييييك ومشتاقيييييييييين
ولا زال البحث جاري
درابنا هنا ما بنفع ..
تعالي نتفلق بيهو في ايميل
فكاكة واتقشاع
ذي شتات السني
واللبيب .. يدي الجنبو رغيفة لأنو أكيد...
ودائم حضورك فينا
لك الود
ياسر بسطاوي العزيز
تسيير زيادة يبحث عنك وعن علاءالدين
وبسلم سلام سلام
ياسر حامد
|
Post: #20
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Aymen Tabir
Date: 04-23-2007, 11:29 PM
Parent: #19
|
Post: #21
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Yasir Bastawi
Date: 04-24-2007, 04:22 AM
Parent: #20
شنو ياسر حامد
زي الشوق ما هو الشوق
|
Post: #22
Title: Re: المبدع علاء الدين ابراهيم يكون مجموعة موسيقية من الكنديين بفانكوفر
Author: Yassir Hamid
Date: 04-24-2007, 05:52 AM
Parent: #1
العزيز ياسر بسطاوي
تلمع الشوق وأشرق بأبداعكم أنت وعلاء
ولو تصدق أنا أول مرة أسمع الشوق تتغني هنا...
دهشت .. وانتابتني ها السكت وصعد بشرى الفاضل
لم أتخيل أن يتم الإنجاز بهذه الروعة
أحلم أن أستمع للعمل كاملاً ..
فهل يمكنكم ذلك..
يا حبذا لو وصلني بالبريد
وعنواني:
P.O. Box 250
Asian & African Dept
Ministry of Foreign Affairs
Doha
State of Qatar
والنص كاملا أدناه أهداء للمتداخلين
الشــوق
الشوق ....
السلبة الطالت قاصدة البير
الشوق ...
الشجرة اليبست راجية الموية
الشوق ...
للأخو والخية
خلي بصيرة الدنيا عمية
الشوق ...
البير الوارفة
الجمع غشاها
والتعب الناجم
من طول الرحلة السالفة
خلى بواكير الصبح الناعسة
... جنب البير
الدلو ينشال ..
الموية تسقي
الشفعة والنسوان ..
والناشل ..
وباقي العربان
البير المسحت كل التعب الفات
الروت العطش
السقت الشجرة اليابسة
صارت حلة
رواكيب السعف أتنسجت
ضرعات الغنم إنحلبت
والشرب الموية .. خاف الشوق للبير
صنقر حدها
الغاشي والجاي لو داق عذوبة الموية النادية
لا شك حيصنقر جنب البير ...
البير الروت الغائب
هسة الشوق حداه يقاند
مستني العودة
يقلد الدلو النازل
يرشرش جلدو
يصب العرق النازل جنبو
***
الشوق ...
للسيف الباتر
الهندي أصالتو والسمحة صفاتو
****
الشوق ...
للأبن الرائع مازن
الشوق ..
للوردة النبعت جوه
شبت جوه
وآآآهـ .. الترك الميسور حدا ميسون
****
الشوق ...
ذي شوق القمري لي رحلة صيف
للعش الساكن فوق النخلة
الرامية ضليلا فوق النيل
الجادعة الوتد الماسك عودا
جنب الموية الرايحة البير
****
الشوق ...
الشعبة الشايلة العقل الساهر
واللوحة الديمة مشاغل
البلد ...
الأهل ...
الحلة ...
الناس ...
العيش النازف دم
الطعم العلقم
العسكر .. جم
بواكير الحزن أنفجت
والضحكة الركبت فوقا الآهة
حتى صداه انطم
حيطاناً حجبت وجه الشمس الشارقة
وحيطاناً حجبت وجه الشمس الغربة
حيطاناً قبلي
وحيطاناً بحري
وفي النص...... !!!
****
برضو الشوق
خلا الزول لهفة حرقة
وحنة رجعة
وشائل لسه معاهو الهم
جواهو الهم
****
الشوق ..
الخلى نتعت القلب النابضة
تسوي
.. البم يابا
.. البم يمه
.. البم يابا
.. البم يمه
وحتى الشفه الباتر
أكان جلت عينها وقطعت يد الواحد
لا شك الدم النازف
عليهو خطوط
.. البلد
.. الأهل
.. الحلة
.. الناس
الشوق حداي يا ناس
الشوق جواي يا ناس
شوقي اشتاق لي شوقكم
من كترت الضهب الفوقو
باب البيت الأيد طارياهو
شاهي العصرية
ضل الشتوية
نق الشلة..
عزف الشلة ..
هم الشلة
أهلي الشلة
السكنوا معايا
الشربوا معاي الهم الفات
وتركوا الباقي
للهمات الجايات
****
الشوق ..
للمرقه وسهر الليل
****
الشوق ..
الخلى جويف الزول محروق
العبرة صباحو والدمعة مساءو
الشوق للبير البلد
الرصت طينتي الساس
والوقفت لي حد انتم العود
ليها ..
وليكم ..
من لهبة شوقي
مليون سلام..
***
وبرضو تقولوا الشوق
الكانون الواقد لهبو
نفخ الكير الدائم تعبو
اللهبة تشقشق حولين الجو
مساكها الجمرة حداه
جاراها الجمرة وراها
حفيف الكير التعب الجمرة
خلى الأصل يمسك الثمرة
والموية لو طالت الجمرة
بتطفي اللهبة
من حزن الجمرة عليها
تتفرطق يجي ألفين حته
الشوق ليكم
ذي الشوق التعب الجمرة
****
الشوق
عزق الروح عزوقة
جاب المدفون .. عاليها
خلا الورقة ملاذ
والريشة ..
وبي فهم البندر
القلم استاذ
قلبي هناك
قلبي حداكم
جنب النيمة البرة
وجوه الأوضة مخدة
عقلي هناك في الناس الماسكة السكة
... وممسوكة
الدفعوا ضريبة الفهم الصالح
في زمن الحكم الطالح
قلبي معاهم
عقلي معاهم
وبرضوا تقول الشوق !!!
النوم الفارق جفن الواحد
شارد
البال الرايق
شارد
والحزن القابع شب اليوم
يا حليلو البلد البقي ناسات
الصفى الفكرة الرائعة
ويبس ضرع البقرة اليانعة
يا حليلو البلد الراح
أفك الدقن اللسة
بتحدد شكل القعدة
وشكل اللمة
وحرفنة السرقة
غابات الخرسانة الواقفة
كيمان .. كميان
كمية البنز الضارعة ..
كيمان .. كيمان
شكل العمة
السكروتا اللمعة
وجوع البلد الرائعة
أقصر سكة .. تغنى
الدواء
مافيش
الهوا
مافيش
بارك ربي في الكتر مالو
شذب دقنو
وفهم اللعبة وخم القفة
واللعنة معاكم
يالناس الجوع ..
يالبطن الخاوية
تسرق ..
نقطع
تنهب ..
نصلب
تسكر ..
نجلد
يا حليلو البال الرايق
وبرضو حداكم شوق
حداكم هم
غم الواحد
لكن ..
****
الشوق .. ياهو الشوق
أكان حدانا ولحداكم
الشوق أدراج .. أدراج
تفتح درجاً
البلد
الأهل
الحلة
الناس
تقفل درجاً
اليمة
اليابا
الولد
البت
الأخو
الأخت
الشوق
الشوق
الشوق
ياسر حامد خليفة
زاريا - نيجيريا
أغسطس 1989م
|
|