بناتي ذوات الاثنين وعشرون، بلعوا المانع!

منيت نفسي بخميس يقارب خميس اخوانا البقولوا ( خميسك ولو تبيع قميصك) بعد يوم عمل كان بجد شاق . ومن المعروف انه دوام الخميس قصير ، نص كم ، لكن خميس اول امس بالذات كان كم طويل جدا خرجت من المكتب الساعة الخامسة مساء
اول ما وصلت لقيت جارنا في العمارة سلمت عليه قال لي كويس انك جيت لانو بناتك مودينهم المستشفى!!! بلعوا حبوب ،سالته كلهم قال لي التوأم ( عمرهم 22 شهر ) سنة وعشرة شهور الكومبيوتر جاط ، دخلت لقيت المدام لون وجهها ينبئ عن عظم النبأ، وهي بتلبس في البنات قالت لي البنات بلعوا تقريبا كورس كامل بتاع مانع حمل ( كونتراسيبتيفز ) بي سري قلت ياربي يكونوا عملوها وانا في المكتب ! ، المهم سريع للطوارئ ، وهاك يا غسيل معدة ، وقلت للممرضة عليك الله غسيل تمام ( عفريتة)
الدكتور بعد الغسيل والمكوة قال لي الحمدلله ممكن تمشوا لكن خليك مراقبهم ، رجعنا البيت اتصلت على شقيقتي اخصائية النساء والتوليد حكيت ليها الحاصل وسألتها المتوقع شنو ، قالت لي احتمال ينزلو دم ، قلت ليها كيف؟ قالت لي دورة عدييييل ‘ قلت ليها لكن ديل صغار الا سيكافا، قالت لي ما دورة كورة دورة نسوان
وبقيت افكر دورة؟! هسة البنات ديل اجيب ليهم بامبرز والا اولويز ولو اولويز عادي والا بالاجنحة
وبدل ما تكون سهرة مليئة بالطرب والادب صارت سهرة في عشرة جي وانا طول الليل افكر في اولويز
احسن ياتو بالاجنحة والا العادي؟!!!

انا كنت قايله بيتكم فيه صراصير بس ومبيداته…
في رأيي بقي بعد أختك ما أدتك الرأي الطبي ده..انك تحوش لتجهيز بناتك..
احتمال يجوك ويقولوا ليك ماعايزين لما نكبر ندخل مدرسه..عايزين نعرس بدري
ونجيب عيال نلعب معاهم..مش ممكن؟
عليك الله جد جد لوحصل القالتو أختك دي..هاتعمل شنو؟

بناتك ديل في منهن خوف

عزيزي د. محمد

الله يجازي محنك ...

Quote: وهاك يا غسيل معدة ، وقلت للممرضة عليك الله غسيل تمام ( عفريتة)

دي ممرضة ولا ( مجيد ) بتاع المغسلة ؟

Quote: الدكتور بعد الغسيل والمكوة قال لي الحمدلله ممكن تمشوا لكن خليك مراقبهم ، رجعنا البيت اتصلت على شقيقتي اخصائية النساء والتوليد حكيت ليها الحاصل وسألتها المتوقع شنو ، قالت لي احتمال ينزلو دم ، قلت ليها كيف؟ قالت لي دورة عدييييل ‘ قلت ليها لكن ديل صغار الا سيكافا، قالت لي ما دورة كورة دورة نسوان

ما تخاف يا دكتور ..
حصلتْ قبال كدة لبنت الجيران .. و بالفعل كان في نزف بسيط و توقف دون تدخل طبيب ..
بس خلوا بالكم أبعدوا الحاجات دي من متناول الأطفال.

أكيد التومة صاحبتي هي الوسوستْ للتومة التانية ..
كدي لما أقابلها يوم الخميس و أسألها.

Quote: وبقيت افكر دورة؟! هسة البنات ديل اجيب ليهم بامبرز والا اولويز ولو اولويز عادي والا بالاجنحة وبدل ما تكون سهرة مليئة بالطرب والادب صارت سهرة في عشرة جي وانا طول الليل افكر في اولويز احسن ياتو بالاجنحة والا العادي؟!!!

خليك أب ديموقراطي و أسعل التومات ... غايتو عندي إعتقاد بأن التومة صاحبتي طوالي حتقول عكس التومة التانية .. كان ديك قالت بي أجنحة .. هي حتقول عادي
و خليك عادي يا دكتور

ما يشوفو شر الحلوات ديل

والله يا ابو جهينة لو شفتهم بنزلوا في الخرطوم بتاع المعدة
ويكبسوهو ليك بالمحلول
وهاك يا شفط
ناقصهم بس تلميع القزاز
الحمدلله
زنقة وعدت
والف شكر ليك

0 انا شاكي في ود الجيران حماد عمره 36 شهر

-

آل صراصير آل

دي الحكاية وسعت اوي

منهم خوف؟

ده الخوف زاااااااااتو

سلامتهم يا دكتور.
فعلاً توجد حلوى للأطفال شبيهة في شكلها الدائري بحبوب منع الحمل.
ألف سلامة.

الاخ الكريم العوض

شكرا ليك كتير
ويارب كل اطفالنا ما يشوفو شر

لا حوله .. والله قلبي انقطع.. ياخ الاطفال ديل مشكله عديل كده.. هباشين وعايزين يستكشفوا اي شي.. الله يعينها زوجتك.. وحمدلله على سلامة البنات...
الخواجات بسموا السنتين الاوائل من عمر الطفل Horrible twos.. لانه بكون متعب جداً.. لكن بعد يتم سنتين الطفل بهدا شويه كده.. وببطل هبيش...

الله يخليهم ليك

د. محمد الحسن .. تحياتي
ياخي حمدا لله على السلامة .. والله ربك ستر .. تعرف قبل
شهور أخذت معي إبنتي ملاذ كان عمرها حوالي اربعة سنين
ونصف .. ذهبنا لمباركة زواج لعريس في قريتنا .. وهو
ليس شخصـاتقليديا كعموم ناسنا .. هو زول متفلهم وكل
شيء عندو بنظام وترتيب .. ورحب بنا وأجلسنا فـــــي
المكان المعد لمثلنا من الضيوف (أب وإبنه صغيــــرة
تتلفت بحثاعن أسباب الشغب) لم تجد شيئا ميسر فقـــد
أعد المكان بعناية ليس لها فيهامن سبيل للفوضى..
وفجأءة إلتفت ولم أجد إبنتي وناديت عليها بصوت عـل
مــــــلاذ .. مــــــلاذ .. وجاءت وشكلها غريب ..
حمرة حول أنفها وفمها فسألتها ده شنو يا بت.. فقالت
بصوت خفيض (روج) .. لا حول ولا قوة .. حدجتها بنظــرة
تعرف مغزاها .. وأخرجت منديل بجيبي وبدأت أدعك لها
بالماء وقرصتين تلاتة تذكرانها بخطورة الفعل فــــي
هذا المنزل الذي لا يحتمل الأطفال المنفلتين لا سيمـا
وساكنيه حديثي عهد بالزواج ولا يعلمان بعد ما يمكـن
أن يحدثه الأطفال من إزهاق للنظام العام .. كرهـــت
ملاذ اليوم الذي زارت فيه هذا البيت وبدأت تتملمــل
وأكتشفت أنا أن الدنيا بتمشي بسرعة لحد أن مــــلاذ
عرفت الروج واستعلمته في منزل سيقول أهله قليلي
الخبرة أننا لم ندربها على الإمتناع عن إستخــــدام
أشياء الآخرين .. ربنا يخلي التومات .. عرفنأ أنهـن
تسببن في قرار توفير حبوب منع الحمل .. كمان يستعملنهن
الله يحفظ التومات .. ويبعد عنهن كل مكروه ..

د. محمد

Quote: انا شاكي في ود الجيران حماد عمره 36 شهر

حاول جيبو معاك في الحفلة ...

Quote: [ رجعنا البيت اتصلت على شقيقتي اخصائية النساء والتوليد حكيت ليها الحاصل وسألتها المتوقع شنو ، قالت لي احتمال ينزلو دم ، قلت ليها كيف؟ قالت لي دورة عدييييل ‘ قلت ليها لكن ديل صغار الا سيكافا، قالت لي ما دورة كورة دورة نسوان]

علميا الكلام صحيح علاج تناول الادويه بجرع زائده للصغار غسيل ا لمعده و مع
كون تلك هي الحبوب المتناوله فقدياتي قطرات دم , و كلماكان الغسيل اسرع
يقل الخطر .

شكرا لك على المعلومه في قالب جميل .

و حلوه

الاخ الكريم شهاب الفاتح ( الرجل القبس)

اسعدني هذا المرور الجميل

بس الشي المحيرني يا توحة لحد هسة ما في زول افتاني في حيرتي

شكرا ليك كتير

الاخ محمد عبد الجليل

قلت لي روج

نحن يا حبيب بنقفز بالزانة

ربنا يحفظ اطفالنا جميعا

وشكر بالكوم ليك

الاخت الكريمة مريم بت الحسين

يسرني اننا التقينا في هذا البوست بعد غيبة طالت

الله يسلمك ويسلم كل اطفالنا
شكرا ليك كتير

العزيز د. محمد حسن..

ألف سلامة على التومات..

غايتو أنا كان عندي طفل، حاربطه الأربعة وعشرين ساعة.. بجد في أطفال ربنا بس يغطيهم

دمت

الاخت العزيزة رجاء

ربنا يديك اطفال مش طفل واحد

وليك علي كا تربطيهم لانه احلى مافي الاطفال ( واخطرها) محاولاتهم الجريئة لاستكشاف ما حولهم
عشان يا رجاء يجروك في الحلة حفيانة

لك مودتي وتشكرات كتيرة افندم

فاكر نفسي بربري لبلب ولساني طوييل لكن قصتك دي خلتني متبلم اعاين لصور بناتي لما كانن في اللفة ؟ كويس انو عمارتكم بعيدة من عمارتنا ..؟ ما انت حتي الزمن عكستو فوق حدر( كما يقول الاعراب هنا)....
دة كلام ...

الحبيب ابوبكر


قلت لي تحمد الله انو عمارتكم بعيدة مننا؟

شكلك خفت من حمادة ود الجيران

لك الشكر والتقدير ونسال الله ان يحفظ اطفالنا

يا دكتور

انا عندي تومات في نفس العمر يعني اعمل حسابي من اسي دي

والله شغب الاطفال حلو حلا

خلاص بقينا نرفع الحاجات

حلات التومات ربنا يخليهن...

شلاقة شديدة خلاص...

نحي فيهن روح المشاركة
انهن اكلنها سوا
لو كانو شقيقات ما تومات الغتاتة كنت حصت....


بالله قبلاتي لهن
والتحية للزوجة...

الاخت د. بيان

المشاركة القاتلة

طبعا التومات عاملين عصابة على الشقيقة الكبرى 5 سنوات
جابوا ليها الطفش

وانا بحاول بقدر الامكان اني اكون احسن من الامم المتحدة

يعني زي ناس نهرو زمااااااااااااان

تسلمي والف شكر ليك
تحياتك وصلت للمدام قاتلة الصراصير

عباس ( ريكس) وريكس تعني كنج -ملك)

تعمل حسابك شديد

وربنا يحفظهم ليك ويحفظكم ليهم

شكرا ليك كتير

الأخ / د.محمدحسن
سلام واحترام ،،،
سلامات للتومات وما يشوفوا شر
الأطفال يحبوا استكشاف الأشياء في هذه المرحلة
برضو انا عندي كريم عمره سنتين ونصف ربنا يخليهو يحب يستكشف اي حاجة
ربنا يحفظهم وما يشوفوا شر
تقبل تحياتي ،،،
أبو كريم

لعل المانع خيــــــــــر
اول عبارة تواردت لذهني قبل قراءة الموضوع
اٍسأل الله لهما الحفظ
ودوام الصحة
إن شاء يربو في عزكم وتتهنوا بيهم
قديماً في صغرنا ابتلع أخي الأصغر تعريفة
كان الناس ينعتونهابتعريفة نميري
فعندما أخذناه للطبيب بادره قائلا .. بلعت النميري ومرق ...
فضحك الطبيب ضحكاً عميقاً ..... وقال
يا ولد مالك عايز تجيب لينا بلاوي ...
ديل أخير بلعوا المانع
ولعل المانع خير من التعريفة ....

اخي عثمان

قلت لي تعريفة نميري

وهسة نحن في زمن دينار عمر

والف شكر ليك

ابو كريم
ربنا يحفظ جميع الاطفال وخلي ليك كريم وام كريم
واوع ولدك ده يستكشف ان بتتونس في النت

سجمك

الف شكر وتقدير ليك

يا د. حمدلله ع سلامة التومات والله يحفظهم ليك
ود الجيران دا لو شفت بحنك التومات من هسي
بس يبقن هن الشفتات ويلخموهو بي الشبة يبقي ما عارف ياتا فيهن الداير يحنكا

ود الجيران عمل فيها شفت
لكن انشاء الله الجوز اللوز ديل يطيروها ليه في راسه

نحن الحنك ده ما حقنا
لك مودتي
والف شكر ليك

الف حمداً لسلامة بناتك وما يشوفو شر إنشاء الله .

حكاية البامبرز دي جات باللون الأزرق الله يكضب الشينة .

الله يسلمك يا هاشم

البامبرز باللون الازرق والالويزبالاحمر

شكرا ليك

حمدلة على سلامة الكتكوتات الحلوات يا دكتور..
قدٌر و لطف...

الله يسلمك وكتر الف خيرك

شكري وتقديري

Quote: انا شاكي في ود الجيران حماد عمره 36 شهر

الكلام دا انا عملت ليهو كوبي عشان نعمل ليهو بيست لقيت ابو جهينة سبقني

الله يجازي شيطانك يا دكتور

موتني بالضحك..

لكن عايز اسعلك سوعال

انا عندي ولد اسع بقرا جامعة وعندنا صورة لمان كان زغير عمر 36 شهر
وبعد تشجيعنا له ولصفلة جميلة من قرايبنا لطبع قبلة في خدها الجميل الناير
فرضخت ابتة الخمسة والعشرين شهرا الذي اقبل عليها فاغرا فمه لطبع القبلة السكرى واليوم هذه الحسناء في كلية الطب جامعة الخرطوم فهل يا ترى ستقبل به مستقبلا رغم اننا نحتفظ بالصورة لصلة القرابة التي تجمعنا بهم.

اولا قبلة ابنك للطفلة قريبتكم تعتمد على نية القبلة ونية القبول
اما حاليا
خوفي ان تكون انت العندك النية في القبلة

دس الكلام ده المدام ما تقراه

سلامي وتشكراتي ليك يا زمراوي

تخريمة
زمراوي هل ليكم علاقة بي زمراوي ودنوباوي؟

و الله يادكتولا البوست دا كنت الف و اجى
و محيرنى و الغريبة قدر ماجى بى جمبو اكون جعان اقوم الهط حشوة بتاعت فول. الغريبة انو فى بوستات بتصيب بى التخمة. ههههههههه
ماعلينا الف حمد على السلامة

والله يا دكتور: بيني وبينك مرات بجيني احساس ممكن اكون خاين زي بتوعين الافلام مشى يخطب لولدو وعرسا.
لكن البت حاليا عينا في الولد والولد لسع ما فاتحني بحبو ليها
ومرات كدا بقول ليها يا دكتورة ايه رايك لو هددنا بنشر صورة البوسة وانتو صغار على الانترنت عشان تعرسي ولدي حتعملي شنو فقالت لي ما في داعي اصلو انا الواقعة فيهو
شوف ديقراطية الحب كيف..

والله الزمراوي بتاع الهجرة اصلو من منطقتنا ومن الناس الهاجرو بدري منذ بداية وصول ادريس ود الارباب المحسي الما كضاب وطبعا معروف ان اسم زمراوي غريب على اي منطقة في السودان الا في المنطقة النوبية وهي المنطقة الاساس لشيخ زمراوي الولي وقد تناثر العقد في ارجاء السودان قاطبة في امدرمان - مدني - رفاعة - سنار - الابيض.

الاخ الكريم زمراوي

قال تهديد في الانترنت

وقال ديموقراطية

دي يا حبيب ما ديموقراطية
دي ديموجرفية Demoravia
يا بتاع الفلفة المستترة Hidden lovelova

تشرفت بيك كتير وتسلم

لاخ الكريم ابوبكر

ده بوست فاتح للشهية

( مقبلات ) طرشي

اتي او عتي
او بول بقر

شكرا ليك كتير وربنا يسلمك من كل اذى

Dear Dr. Mohammed

your girls seem to like to be in "control" but starting to control their fertility at their age is rather unusual .There is a lesson there for older women but they need to do it one pill a day -I hope

Adil

الاخ عادل

قلت لي a pill a day
لا يا خوي نحن بنستعمل
كروسة في اليوم

وشكرا ليك
وما تشوف شر

لكل من تداخل معي او شاركني بشعوره الجميل
اطمنهم ان البنات والحمدلله بخير

معزتي وتقديري