Post: #1
Title: في السودان الانسان يساوي (15 دولار)....!!
Author: Tragie Mustafa
Date: 04-19-2007, 09:14 PM
هل تعلمون ذلك ام فاكرين انتو اغلى من كده؟؟؟؟
|
Post: #4
Title: Re: في السودان الانسان يساوي (15 دولار)....!!
Author: Tragie Mustafa
Date: 04-19-2007, 09:17 PM
Parent: #2
عرفتوا الحكومه المصريه متفسحه في اللاجئين ليه؟؟؟؟
لانها بتقرأ عندنا مثل هذه الاخبار
لذا تعرف قيمة المواطنين عند حكومتهم
Quote: لقي سائق ركشة «مجهول الهوية» مصرعه إثر اصطدامه بعربة لوري تحمل غازاً كانت تسير في الاتجاه الآخر مما أدى لوفاته في الحال وذلك بعد مطاردة مع شرطي مرور يستقل (موترسايكل) ــ حسب افادات شهود الحادث بالصحافة مربع «37»ـ قرب المسجد. وقال شهود عيان ان سائق الركشة وهو طالب من ابناء الجزيرة و يعمل سائق ركشة في فترات العطلات المدرسية لكنهم لايعرفون موقع او اسم قريته بالتحديد. من جهة أخرى أكد شهود العيان ان مثل هذه المطاردات تتم يوميا خاصة في الفترات الصباحية مما يعرض ابناءهم الصغار لخطورة حقيقية خاصة وانهم في العطلة الصيفية المدرسية ويلعبون امام المنازل وفي الشوارع والازقة والفسحات والركشات تأتي بسرعة يصعب التحكم فيها امام تجمعات الاطفال ويطلبون من السلطات حماية اطفالهم بمنع هذه المطاردات داخل الأحياء السكنية. وفي مشرحة الخرطوم سلمت الجثة من قبل اهل الصحافة مربع «37» ودون كمجهول الهوية وبالتالي لم يتم تشريحه نسبة لعدم معرفة عنوان ذويه ..! |
شفتوا البؤس و الهوان!!
|
Post: #3
Title: Re: في السودان الانسان يساوي (15 دولار)....!!
Author: Tabaldina
Date: 04-19-2007, 09:17 PM
Parent: #1
.. . اها وراس المهاجر بكم!! والمواطن بكم فى كندا !!؟
_______________________
انت قاعدة تقرى جريدة الدار ولا حاجة !!؟
|
Post: #5
Title: Re: في السودان الانسان يساوي (15 دولار)....!!
Author: Tragie Mustafa
Date: 04-19-2007, 09:19 PM
Parent: #3
Quote: الاستاذة تراجى ربنا يغفر ليهو ويرحمو ان شرطة المرور ياستاذة تراجى تفعل العجب حتى مدير عام قوات الشرطة صرح بان الفساد بلغ مرحلة خيالية فى ادارة المرور خاصة من الجبايات وهذة المطاردة ومقتل سائق الركشة عشان 30الف جنية اى اقل من 15دولار |
ما ارخص دمائنا على هذه الحكومه!!
|
Post: #6
Title: Re: في السودان الانسان يساوي (15 دولار)....!!
Author: Tragie Mustafa
Date: 04-19-2007, 09:24 PM
Parent: #5
يا تبلدينا
تعال احكي لك
في مهاجر سوري اسمه ماهر عرر
رحلته السلطات الامريكيه لبلده الام سوريا بتهمة الارهاب
تم تعذيبه قرابة ال 7 اشهر هناك....
رجع معزز مكرم واعتذرت له الحكومه الكنديه عن تقصيرها في حمايته
وقاضى الحكومه الكنديه لاجل ما تلقاه من تعذيب ملايين الدولارات....وكسب القضيه شفت الفرق!!
اما اذا مات فده كان فيلم ثاني!!
|
Post: #7
Title: Re: في السودان الانسان يساوي (15 دولار)....!!
Author: غباشي
Date: 04-19-2007, 11:40 PM
Parent: #1
Quote: في السودان الانسان يساوي (15 دولار)....!! |
العزيزة تراجي ما تستغربي لو قلت ليك انو في أغلب الأوقات ما بيسوى حاجة و ممكن البني آدم (يموت وهم) ساكت ....., ده غير الناس البتموت في اليوم ألف مرة عشان لقمة العيش و المرمطة البتمرمطا عشان حق العيش و اللبن و المدارس و ايجار البيت ... و.... و..... , و الله ياتراجي انا عشت تجارب كتيرة و كنت قريب من الجانب الحقيقي للإنسان السوداني البسييييط و كيف انو الواحد فيهم لمن تديهو (حق المواصلات) بيطير من الفرح .. ناهيك انو يفقد حياتو عشان 15 دولار !!! الله يكون في عون اهلنا في السودان
|
Post: #8
Title: Re: في السودان الانسان يساوي (15 دولار)....!!
Author: Tragie Mustafa
Date: 04-20-2007, 12:28 PM
Parent: #7
الاخ الحبيب غباشي اعلم يا اخي ان البؤس فاق الوصف لكن ما يثقبني حزنا...ان السلطه التي هي يفترض في خدمة الشعب وحماية الشعب ممكن ان تقتل لاجل مبلغ تافه قدر كده....
Quote: العزيزة تراجي ما تستغربي لو قلت ليك انو في أغلب الأوقات ما بيسوى حاجة و ممكن البني آدم (يموت وهم) ساكت ....., ده غير الناس البتموت في اليوم ألف مرة عشان لقمة العيش و المرمطة البتمرمطا عشان حق العيش و اللبن و المدارس و ايجار البيت ... و.... و..... , و الله ياتراجي انا عشت تجارب كتيرة و كنت قريب من الجانب الحقيقي للإنسان السوداني البسييييط و كيف انو الواحد فيهم لمن تديهو (حق المواصلات) بيطير من الفرح .. ناهيك انو يفقد حياتو عشان 15 دولار !!! الله يكون في عون اهلنا في السودان |
يبدو انه فعلا لا نملك الا ان ندعوا لهم ان يلطف بهم الله.... لاحول ولاقوة الا بالله....
|
Post: #9
Title: Re: في السودان الانسان يساوي (15 دولار)....!!
Author: Tragie Mustafa
Date: 04-20-2007, 02:32 PM
Parent: #8
.
|
Post: #10
Title: Re: في السودان الانسان يساوي (15 دولار)....!!
Author: صديق الموج
Date: 04-20-2007, 02:46 PM
Parent: #1
QUOTE]في السودان الانسان يساوي (15 دولار)....!! |
Quote: ما ارخص دمائنا على هذه الحكومه!! |
تراجى كيفك...ونوعى ونوعك ده سعره 56 سنت فقط قيمة طلقة بس!!
|