Post: #1
Title: الخلاصة الطلعت بيها بعد عضوية اسبوع
Author: هبة عبد الله عبد الرحمن
Date: 04-16-2007, 07:30 AM
Parent: #0
|
Post: #4
Title: Re: الخلاصة الطلعت بيها بعد عضوية اسبوع
Author: bayan
Date: 04-16-2007, 07:49 AM
Parent: #2
طولي بالك يا هبة
واستحملي الجاي اصعب...
مودتي..
|
Post: #3
Title: Re: الخلاصة الطلعت بيها بعد عضوية اسبوع
Author: Hussein Mallasi
Date: 04-16-2007, 07:47 AM
Parent: #1
| Quote: وللآن ما لاقاني زول بيكتب بنية خالصة، |
انا - غايتو - شايفك كتبتي البوست دا بنية خالصة!!
|
Post: #5
Title: Re: الخلاصة الطلعت بيها بعد عضوية اسبوع
Author: Mohamed Abdelmotalib Hassan
Date: 04-16-2007, 07:53 AM
Parent: #1
يا هبة
انتي ما فهمتي اللعبة؟؟؟ قبل ما تخشي هنا كان مفروض أول حاجة تعمل ليك بودي قارد , وتشوفي ليك شلة كاربة كده عشان يوفرو ليك
اسناد سريع وقت الزنقة , بعدين دي عالم تخاف ما تختشيش , يعني مفروض كان عليك أول حاجة تضبحي ليك كم كديسة وترمي في وش
واحد من أفراد العصابة ( ويا حبذا لو كان الزعيم بتاعه) , بعدين انتي دقستي !!! قولي كيف ؟؟؟ يعني البوست بتاعك ده كلامو
كبير علي ناس هنا , يعني ما حتفهمو , يعني كان تفتحي ليك بوست بتاع شمار حااااار كده ومدقوق , كنت حتشوفي علي الطبيعة المقولة بتاعة : الرشاقة يا اشراقة. والقرقرة.
ما علينا: في كلمة كده واقفة لي في حلقي ما عايز أقولها عشان الخور ما يحمد بوستك الرهيب ده .... ( عليك الله يا ناذر تعال قول الكلمة دي بدالي عشان انت قالو ساكن هناك ..... ومتعوووووووووووده دايمن).
غرزة وطبزة: فوق الحلة دي انا تاني ما بجي ( يا ناذر لو سمحت الاغنية دي بالله" معليش طلباتي كترت عارف" , خليها تكون شغالة أول ما تفتح البوست)
|
Post: #6
Title: Re: الخلاصة الطلعت بيها بعد عضوية اسبوع
Author: Hussein Mallasi
Date: 04-16-2007, 08:05 AM
Parent: #5
Quote: يعني البوست بتاعك ده كلامو
كبير علي ناس هنا , يعني ما حتفهمو |
وكت انت فهمتو ياخوي ما اظن في زول تاني ما يفهمو!
|
Post: #7
Title: Re: الخلاصة الطلعت بيها بعد عضوية اسبوع
Author: bayan
Date: 04-16-2007, 08:06 AM
Parent: #5
يا هبة بقترح تشوفي ليك وداعية
ممتازة.. تديها عنوان البوست
وتقولي ليها تشوفو بيصل وين لانه مرات
الزول بفتح بوست يفتكرو سمح يلا العكاكيز تجيك..
ينسوك البوست ذاتو شنو؟
شوفي ذي دا
قلت نشارك الناس فيه.ز يشوفو على بقول شنو وبيقدم نصائح
للشباب المسلم في الغرب..
فجأة بقى موضوع تاني خالص..
راجعي الرابط عشان تآمني
من خطف الاسلام وحاجات تانية
|
Post: #10
Title: Re: الخلاصة الطلعت بيها بعد عضوية اسبوع
Author: نوسة
Date: 04-16-2007, 08:17 AM
Parent: #7
سلامات يا هبة
و البورد منور بيك حقيقى ،، معليش أول حاجة أنا ما قريت ليك أى حاجة قبل كدة لأنى كنت مسافرة و أهم شئ الزول لمن يمشى إجازة يبعد من البورد لأنو بيوتر و يضيع للزول فرحة الHoliday  ،،
أها شفتى إنتى أسى ما إحتجت لى أكتر من إسبوع عشان "تنقشى" الحاصل بى جاى دة ،، و دة ياهو سودانا المصغر بكل إحباطاتو و إسقاطاتو ،، و برضو فيهو الناس الجميلين زيك و زى بيان ،ن و اللستة طويلة والله ،، بس أسى ما دايرة أقول لأنك براكى بتكونى عرفتي الناس من كتاباتا ،،
و ربنا يلهمك الصبر
و البوستات ما بتمشى الخور براها إلا زول يمشى "يفتن" لى بكرى
|
Post: #8
Title: Re: الخلاصة الطلعت بيها بعد عضوية اسبوع
Author: tmbis
Date: 04-16-2007, 08:13 AM
Parent: #1
| Quote: يا القراء نصيحتي ليكم الما لقى عضوية البورد دة اصلو لا يتأسف ولا يسعى ليها لانه فيهو عِبر ما بتعرفوها الا من جوة والعندو حبة صحة أولى بيها نفسه وأولاده. |
.. والله يا دكتورة كنت من الناس الكتبت علشان تشوفك هنا ده ليك عضوية كاملة الأهلية ..
لكن بعد كلامك التحتو خطين ده .. حقو ترجعي لي كلامي..
ياخي الواحد لما يشوف ليهو عضو جديد .. بيقوم يلاحظ ليهو بي فهم محدد أنو العضو الجديد ده جاي وخبرتو وتركيزو عالي خالص وبقدر يخلق نوع من التغيير في نظام الحوارات الشغالة .. ويسهم بقدر الأمكان في استمرارية البورد بي نفس القيمة العالية الفهيو .. طبعا حسب مكانو الأكاديمي أو الفني أو السياسي .. إلخ ..| Quote: حبة صحة أولى بيها نفسه وأولاده |
.. وجه نظر جميلة يا دكتورة .. لو كل واحد فينا بيحكم بالطريقة دي على أي تجربة جديدة عليهو بيمر بيها ويقعد فيها اسبوع بس ومهما كانت صعوبته .. الظاهر لي ما كان الدنيا دي مشت ..
بي صراحة..؟!
رايك شنو تطبقي الباص وورد بتاعك ده اسبوع زي اسبوعك ده . وتختيهو في الدرج لحدي ما تنسيهو .. وتجي تحاولي تدخلي يقوم يرفض يدخلك .. ياربي ح تجقلبي وتقولي ما قادره ادخل .. والا ح تقولي .. زي الكديسة مع اللبن .. هو زاتو ( عفــن ).
|
Post: #16
Title: Re: الخلاصة الطلعت بيها بعد عضوية اسبوع
Author: Gafar Bashir
Date: 04-16-2007, 08:46 AM
Parent: #8
شوفي يا دكتورة
في اتنين في البورد ده
واحد اسمو تمبس
وواحد اسمو محمد سليمان
ما صل اتفقت معاهم في حياتي.... وهم من الد خصومي في البورد وخارج البورد... بنتناقش ودائما مختلفين ...
لكن لاول مرة في حياتي(والفضل يرجع ليك) اتفق مع عبارات خاصة بي تمبس ...
ومحمد سليمان من حقو يكتب في اي مكان ... طالما ما اتجاوز حدود الاحترام للاخرين ...ودي اسمها ديموقراطية
مافي انسان ف الدنيا ممكن يقدر يقيم الاف الاعضاء في المنتدي في مدة اسبوع .... وبالنسبة ليك انت مش قيمتيهم بس ... لكن حتي دخلتي في نواياهم وعرفتي منو بكتب بي نية خالصة ومنو بكتب بي نية ما خالصة ...
بالنسبة لي غلطة ... معترف بيها انو اتداخل مع شخص ... اول مرة يكتب ... وبرغم انو كنت حذر جدا منها ... لكن انشالله ما حاتتكرر ...اضافة لي انو دي اخر مداخلة لي معاك ... لانو مافضي لي حراس النوايا ..عندنا من النوع ده كتيرين جدا .. لكن عندنا حاجات اهم منهم ..
وتكرار لنصيحة تمبس .... شيلي الباسوورد ختيهو في الدرج ... وكفي الله المؤمنين شر القتال ...
بعدين حضرنا حصص ومحاضرات في حياتنا بما يكفي ..
تحياتي واحترامي
-----
متمني اعرف منو القدم ليك الدعوة
|
Post: #20
Title: Re: الخلاصة الطلعت بيها بعد عضوية اسبوع
Author: tmbis
Date: 04-16-2007, 09:26 AM
Parent: #16
Quote: في اتنين في البورد ده
واحد اسمو تمبس
وواحد اسمو محمد سليمان |
..| Quote: ما صل اتفقت معاهم في حياتي.... وهم من الد خصومي في البورد وخارج البورد... بنتناقش ودائما مختلفين ...لكن لاول مرة في حياتي(والفضل يرجع ليك) اتفق مع عبارات خاصة بي تمبس ... |
..
ههه ههــه.. والله الواحد بقى حاجة خطيرة جدا ( ومفــكر ) عظيم طالما أنو ( أرسطــو ) البورد بي جلالة قدرو اتفق معاهــو ..
تعرف يا جعفــر حقو امشي اضبح عديل الليلة ..
لكن يادكتـورة خليني اسحب كلامي الكتبتو قبيل .. يعني بعد إذنك .. طالما جعفر ارسطو معانا بي هنــا .. مش قلت ليك تختي الباص وورد في الدرج علشان تنسيهو ؟؟
لالالا .. ما تعملي كدا ويازولة كل كلامك الفوقاني ده صاح
فنجرية ساكت كدا مني
اهــا .. ياجعفــر خليت ليك محمد E سليمان .. إن شاء الله يضوي ليك
|
Post: #9
Title: Re: الخلاصة الطلعت بيها بعد عضوية اسبوع
Author: abuguta
Date: 04-16-2007, 08:16 AM
Parent: #1
هبة الله
مرحب بيييييك كعضوة جديدة
سوال برى زى براتك فى بوستك...
انت مين العمل ليك عضوية..
لان شروط العضوية غير متوفرة فييك..
غير متصفحة جيدة لبورد والا كنت جيتى متخرجة..يس بتعرفى الخور ..معنى كدا متابعة
..اين عمى متصفح له سنتين ولسع لم ينال العضوية بعرف كل اعضاء البورد وشكلاتهم وتخصصاتهم..والحردان والرضيان والسليم منهم والمرضان...
اسى انا حارس البورد دا 10 ساعات يوميا ...مدة بكالريوس..4 سنوات تقريبا
ما بدخل الا بوستات معينة...او بوسات غريبة عشان كدا جيت داخل فى بوست دا..
لانى عارفهم عاوزين يقولو شنو..وعارف اراهم من اسم العضو..بعرف منهجو
حتى لو عاوز يحكى نكة لازم تكون تتوافق مع فكره...
عموما مرحب بيك..وما تغلبى نفيك كتير..شوفى مواضيع عواطف
ولنا ورجاء ومنى خوجلى ومن لف لفهم .وعمللى حسابك من بوستات ..المناضلات البشقن هامات الرجال..
ولقدام
|
Post: #12
Title: Re: الخلاصة الطلعت بيها بعد عضوية اسبوع
Author: Mohamed Abdelmotalib Hassan
Date: 04-16-2007, 08:25 AM
Parent: #9
مالاصي كتب :
| Quote: وكت انت فهمتو ياخوي ما اظن في زول تاني ما يفهمو! |
الدلاها ده مالو ؟؟؟ لا لون لا طعم لا ريحة , في زول جاب سيرة مويةالوضو هسا؟؟ ( طيرة ومبارية السيرة) علي اذنك يا ست العبارة
الأخرس.
بعدين تعال : انت اسمك ملاصي ؟؟ ولا مالاسي ؟ ولا ملاسي ؟ ولا شنو ؟؟؟؟ امش اتملص بعيد من هنا يا شاطر( يا روح امك)..... بلا قرف معاك !!! ناقصنك نحن ؟؟ الناس في شنو؟؟ والدلاها في شنو؟؟ بعدين ما قلت لي : شغال شنوانت ؟؟ وفارش وين ؟؟ امشي شوف ليك صحن فول واتخمد نوم !!! مالك ومال القراية ام دق ؟؟؟
|
Post: #11
Title: Re: الخلاصة الطلعت بيها بعد عضوية اسبوع
Author: Ashraf el-Halabi
Date: 04-16-2007, 08:21 AM
Parent: #1
| Quote: أول شي في زول اسمو محمد E سليمان |
ألف ألف مبروك يا هبة
طالما بوستاتك جابت الأستاذ يبقى إنتي كاتبة جيدة
لأنو الأستاذ نهائي ما بيضيع وقته مع كاتب نص كم
(للتأكد راجعي الأرشيف)
بختك
|
Post: #13
Title: Re: الخلاصة الطلعت بيها بعد عضوية اسبوع
Author: حسن الجيلى سعيد
Date: 04-16-2007, 08:30 AM
Parent: #1
هبه أختنا,
ياخى انت استسلاميه ( يا ايها الذين آمنوا اصبروا وصابروا و رابطوا )
وبعدين البوديك تناقشى محمد E سليمان شنو , ناذر من او يوم حذرك من الناس البتناقش كتير....
اصبرى واحتسبيها عند ربنا ,سودانيزاونلاين دى مدرسة كبيرة الاستفادة لسع ورا
|
Post: #14
Title: Re: الخلاصة الطلعت بيها بعد عضوية اسبوع
Author: محمد فرح
Date: 04-16-2007, 08:38 AM
Parent: #13
أستاذه هبه
(هوه إنتي لسه شفتي حاجه)
التقيل وراء
|
Post: #15
Title: Re: الخلاصة الطلعت بيها بعد عضوية اسبوع
Author: عمر الفاروق
Date: 04-16-2007, 08:38 AM
Parent: #1
البوست ده فعلاً كاتباهو مرا ..
والله بس ناقصاهو جملة :
أجي يا اخواني ..
|
Post: #18
Title: Re: الخلاصة الطلعت بيها بعد عضوية اسبوع
Author: يازولyazoalيازول
Date: 04-16-2007, 09:01 AM
Parent: #15
وكمان يا عمر جملة:
تحيات لصاحبة البوست وأقول ليك (شيلى الصبر)
|
Post: #17
Title: Re: الخلاصة الطلعت بيها بعد عضوية اسبوع
Author: نعيم على حماد
Date: 04-16-2007, 08:58 AM
Parent: #1
يا هبة سلامات
في المنبر دا في ناس حيروا بكري ظااااااااااتو ( على طريقة هشام هباني الله يطراه بالخير .. اليومين دي غائب)، لذلك افضل وسيلة لتجنب الطلقات الطائشة هي عمل ساتر (على الطريقة العسكرية) بمجرد التفكير في كتابة بوست، ولا اقول ليك كوني بعيدة من مركز النيران واكتفي بالمناوشات والكر والفر في بوستات ( الداقسين) .
سلام ...
|
Post: #22
Title: Re: الخلاصة الطلعت بيها بعد عضوية اسبوع
Author: هبة عبد الله عبد الرحمن
Date: 04-16-2007, 09:30 AM
Parent: #17
جميع المتداخلين فوق بلا استثناء.
بعد التحية وعذرا اذ سأشمل في الرد
يا اخوانا هي شروط نيل العضوية دي شنو؟ إني كان لازم اكون عارفة عنوان الخور؟ ولا عارفة الاعضاء كلهم العيان والشديد؟ ولا اقعد عشرة ساعات يوميا قدام الكمبيوتر؟ انا بصراحة كان على بالي حاجات تانية غير كدة!
وبعدين حرام اقول انطباعاتي بعد اسبوع؟ منو القال انو الحياة بتقيف بقول انطباعاتي الطلعت بيها واواصل هل من مانع؟
بعدين انا متين قلت تقييمي دة تصنيف لكل الاعضاء؟ انا قلت في ناس …. وفي ناس يعني دي عينات قابلتني وممكن يكون في غيرها في مانع في كدة؟
وذكرت في النية الخالصة الاستثناء (الا من رحم ربي) شفتوها ولا لأ؟
وبعدين قبل كل شي الكتبتو دة انطباعاتي انا انتو عاوزين تحجروا على الناس تفكيرها؟!
جعفر انشاء الله ما حينقصني أي شي لو ما تداخلت معاي ما عندك مشكلة الله معاك!
|
Post: #19
Title: Re: الخلاصة الطلعت بيها بعد عضوية اسبوع
Author: abubakr
Date: 04-16-2007, 09:13 AM
Parent: #1
عزيزتي هبة...
هذا منبر عام ... ساحة عامة ... هايدبارك لدرجة ما وحديقة من الحدائق العامة التي يقضي فيها الناس اوقاتهم للترويح او هروبا من خنقة بيوتهم او لمقابلة الاصدقاء او للتسكع او للتامل او للاستماع والقراءة ...ليست هناك مؤهلات معينة مفصلة كالتي تتطلبها الاعمال او الدراسة سوي الرغبة في دخول الساحة والالتزام بضوابط بسيطة حددها صاحب او المسئول عن الساحة ...
انتي التي تقررين ما تريدين وما تقرائيين وما تكتبيين ...حرية انت تحددي ابعادها...وهذه محمدة لشخص ياتي من بلاد تتوالي فيها سلطات لاتسمح بحرية تعبير ... وفي نفس الوقت لها محاذيرها حيث ان هنالك من يري فيما ترينه انت او غيرك ساحة " حرية موجبة امرا غير ذلك (شيئاسالبا) : فوضي -"عشوائية- منظر - استعداء - استعلاء -..الخ ... ما يهم ان تبحثي عن الذي يرووق لك دون ان تفرضيه عنوة علي احد .. فحتي الخير في زماننا لا يمكن ان نفرضه علي احد ...الاكثار من الخير يساعد في انتشاره او غلبته او تعادله مع الشر الكثير ولكن فرضه عنوة يضر به ...
الاكثار من انسانية في خطابنا مهم .. ان نختلف لا غبار عليه وما خلقنا لنتفق علي كل شئ..اختلافاتنا يجب ان يكون ناتجها انسانيا لا موتا ودمارا وسبا وشتما واساءة ...
حسن النية امر واجب ولكن بعقل وبصيرة .. سوء النية مذمة ولا خير فيها ...
احترام للاخر جد ضروري لنتعايش تحت ظروف حياة شاقة وعالم ينتفض ضجرا فيشعل نار حروب لا تنته ...
تمتعي بالخير الكثير الموجود في هذا المنبر .. هنالك مداخالات مفيدة كثيرة وبشر خيريين كثيرين .. خذي ما ترينه خير لك ولمن تحبينه دون مساس بحق الاخريين في اختيار ما يناسبهم ..
هذه "دنيا" فيه الخير والشر ولذا هي دنيا وليست "عليا" خيرة فقط...
لك مودتي
ابوبكر
|
Post: #21
Title: Re: الخلاصة الطلعت بيها بعد عضوية اسبوع
Author: Nadia Elsir
Date: 04-16-2007, 09:28 AM
Parent: #19
| Quote: يا القراء نصيحتي ليكم الما لقى عضوية البورد دة اصلو لا يتأسف ولا يسعى ليها لانه فيهو عِبر ما بتعرفوها الا من جوة والعندو حبة صحة أولى بيها نفسه وأولاده. |
| Quote: عليكم الله يا جماعة لمن تجوا تكتبوا شي اخلصوا النية واقصدوا بيه وجه الله وبس، |
يا هبة فى ذمتك و عافيتك لما كتبتى كلامك الفوق داك كان بنية خالصة !
كلماتك تحمل المنبر بشاعة و سوء بمن فيه بلا استثناء مما جعلت من نفسك ناصحة و هادية لغير الاعضاء بعدم جدوى و نفع العضوية بل و تحذري و تنذرى من مغبة طلبها او السعى لها عجبا !!! !
تانى حلفتك انت فى الاول نيتك صادقة و خالصة خلينا نحنا و الساكين العضوية البتسحق و تمحق الصحة دى!
نادية السر
|
Post: #23
Title: Re: الخلاصة الطلعت بيها بعد عضوية اسبوع
Author: هشام آدم
Date: 04-16-2007, 09:46 AM
Parent: #21
________________________
العزيزة : هبه عبد الرحمن
وما خفي كان أعظم يا هبه .. أرجو أن تطّلعي على هذا البوست
سودانيزأونلاين ... كعبة لها أكثر من إله
مع ملاحظة أن الآلهات تغيّرت الآن
لك الود والتحية
|
Post: #24
Title: Re: الخلاصة الطلعت بيها بعد عضوية اسبوع
Author: Tabaldina
Date: 04-16-2007, 09:58 AM
Parent: #21
..
.
| Quote: عالم حاقدة بشكل لا بيجاملوا ولا بيخلوا غيرهم يجامل! |
ديل ما حاقدين لا سياسة التطبيل ما مجدية ..
Quote: كلماتك تحمل المنبر بشاعة و سوء بمن فيه بلا استثناء مما جعلت من نفسك ناصحة
وهادية لغير الاعضاء بعدم جدوى و نفع العضوية بل و تحذري و تنذرى من مغبة طلبها او السعى لها عجبا !!! ! |
عارفة يا نادية كلام النصيحة دا .. ما بتقبلو كل زول
_______________________
منتظرين ناس المجاملات يجوا داخلين..
|
Post: #25
Title: Re: الخلاصة الطلعت بيها بعد عضوية اسبوع
Author: Nadia Elsir
Date: 04-16-2007, 10:20 AM
Parent: #24
Quote: البوست ده فعلاً كاتباهو مرا ..
والله بس ناقصاهو جملة :
أجي يا اخواني .. |
اها شفتى عينة كلامك حق بياض النية و ما عارفة حكاية المنبر ضار بالصحة و ننصحك بالامتناع عنه و اولادك فى انتظارك جاب لينا الكلام على صمة خشمنا !
نادية السر
|
Post: #26
Title: Re: الخلاصة الطلعت بيها بعد عضوية اسبوع
Author: ismeil abbas
Date: 04-16-2007, 12:09 PM
Parent: #1
ألأخت/هبة
السلام عليكم
وأهلا بيك......ويا مراحب.........
الناس أنماط مختلفة.فيها الصالح وفيها الطالح والمنبر ده عالم مصغر لهذه الحياة.......
وزى ماقلتى ألأن البوست بتاعك ده دحلوا إتناقروا فيهوا...........
عمومآ إنتى شخصية رشيدة ودخلتى المنبر وأخذتى العضوية ولكى أن تميزى وتكونى هادئة بعض الشىء ولا داعى أن تكونى حامية من أول إسبوع.
أستمعى لنصائح من هم قبلك وأنا ما بعيد عنك فى العضوية.........
لكن لازم تكونى ذكية وغير حمقية تستعملى ذكائك ألأجنماعى فى تردى على من وتتركى من وتقرأى لمن..
هنا فى ناس رائعيين بمعنى الكلمة ..ولا أريد أن أذكر ليك أسماءهم وأكون مصنف....عليكى أن تكتشفيهم بنفسك.....
والله معاك.......
إسماعيل محمد أحمد عباس.............
|
Post: #33
Title: Re: الخلاصة الطلعت بيها بعد عضوية اسبوع
Author: Elawad Eltayeb
Date: 04-16-2007, 04:54 PM
Parent: #26
| Quote: هنا فى ناس رائعيين بمعنى الكلمة ..ولا أريد أن أذكر ليك أسماءهم وأكون مصنف....عليكى أن تكتشفيهم بنفسك..... |
مرحب بيك أختي هبه، نورتي البورد بمحبتك الدافقة للخير.
ومرحب بأخي إسماعيل عباس، الذي صدقك القول.
البورد زي البحر لازم تغطسي كويس عشان تلقي الدرر،
وأوعك من البوستات المسطحة.
في النهاية حيكون عندك أصحاب متميزين في الحق والحقيقة حتى لو لم تقابليهم.
(أنزل من السماء ماء فسالت أودية بقدرها فاحتمل السيل زبدا رابيا ومما يوقدون عليه في النار ابتغاء حلية أو متاع زبد مثله كذلك يضرب الله الحق والباطل فأما الزبد فيذهب جفاء وأما ما ينفع الناس فيمكث في الأرض كذلك يضرب الله الأمثال). (الرعد آية17).
صدق الله العظيم
أخوكم،،،
عوض الله أحمد الطيب
|
Post: #27
Title: Re: الخلاصة الطلعت بيها بعد عضوية اسبوع
Author: omar ali
Date: 04-16-2007, 12:24 PM
Parent: #1
Quote:
أول شي في زول اسمو محمد E سليمان دة
بقى البورد كلو كوم وهو كوم براه. |
عليك نور..اهو دا بينطبق عليه المثل القائل:
"كان شالوه ما بينشال وكان خلوه سكن الدار"
|
Post: #28
Title: Re: الخلاصة الطلعت بيها بعد عضوية اسبوع
Author: عبدالكريم الامين احمد
Date: 04-16-2007, 01:46 PM
Parent: #27
الاخت هبة سلام..
وكنا قبل مدة قليلة قد طالبنا ثم رحبنا بقدومك عشما في نقلة نوعية تضيف للجهد المعرفي شيئا يمكن
ان يفيدنا ويفيد القراء ويدعم دور هذا المنبر ...
من حقك تماما ابداء ملاحظاتك في امر المنبر في اسبوع او يوم من نيل عضويتك..ولكن ياتي القصور
في اختزال تقييم التجربة واطلاق الاحكام استنادا علي ذلك..
هذا المنبر العمل علي صفحاته والكتابة فيها تحتاج الي صبر طويل وقوة تحمل للكثير من الصدمات
والمنعرجات التي قد تطال حتي ادق التفاصيل الشخصية.
ويحتاج ايضا الي جهد وابراز (المواهب) وتعلم فن التعلم والاصغاء وليس هو ابدا رحلة ذات رفاهية في
منتجع سياحي..
بل يمكن لك ان تصبرين وتجتهدين وتسكبوا معينك وتدلي بدلوك .بكل الاحاسيس الانسانية من فرح وزعل
وجدية ومرح....
الطريق شاق وطويل ويحتاج الي نفس طويل
الرجاء لا تضعي الجميع في سلة واحدة فهنالك اروع الرائعين في هذا المنبر وان اختلفنا معهم في
كل الاشياء...
حتي ذلك الحين تعلمي ان تكوني (قارئة ثم كاتبة)في هذا المنبر وهذا الامر يحتاج الي جهد وصبر
وتقدير جهد الاخريين والاهتمام به دون ضجر..
والف سلام..
|
Post: #29
Title: Re: الخلاصة الطلعت بيها بعد عضوية اسبوع
Author: Waly Eldin Elfakey
Date: 04-16-2007, 02:04 PM
Parent: #28
الاستاذة هبة اولا مرحبا بك
في هذا البورد ... و اتمني لك اقامة طيبة
جذبني مثل الكثيرين عنوان البوست
وهذا في حد ذاته احدي النجاحات
...
و لكن ساءني فيه سرعة و قسوة تقييمك للكثير
مما هو حادث في البورد...
اعتقد ان بعض التروي يكسبك الكثير
و التسرع يجعلك تخسرين و كذلك يجعلنا نحن المتطلعين
للاضافات النوعية ايضا يجعلنا نخسر....
قولي واحد في هذا الرابط....
اعتذار إلى الأخت الأستاذة هبة عبد الله عبد الرحمن
|
Post: #30
Title: Re: الخلاصة الطلعت بيها بعد عضوية اسبوع
Author: محمد علي ياسين
Date: 04-16-2007, 02:23 PM
Parent: #1
هنا فى ناس رائعيين بمعنى الكلمة ..
ولا أريد أن أذكر ليك أسماءهم وأكون مصنف....
عليكى أن تكتشفيهم بنفسك.....
والله معاك.......
(إسماعيل )
أتفق معك يا أخ اسماعيل
وللدكتورة العتبي حتى ترضى عن المنبر
وسلام
محمد علي
|
Post: #31
Title: Re: الخلاصة الطلعت بيها بعد عضوية اسبوع
Author: kamalabas
Date: 04-16-2007, 03:41 PM
Parent: #1
مرحبا بك يا هبة.......
طولي نفسك وأستحملي شوية
مش معقول...بوست ترحيب وبوست مساهمة وبوست وداع!
الناس في المنبر تتفاوت في التعامل والتناول..والحدة"وطولة "البال
....ولكن مرات شكلات أول مرة بتتحول لتعارف وربما صداقة
كمال عباس
|
Post: #32
Title: Re: الخلاصة الطلعت بيها بعد عضوية اسبوع
Author: شهاب الفاتح عثمان
Date: 04-16-2007, 04:22 PM
Parent: #31
مرحبا بالتقييم ..
ونحو مزيد من الخبره .
فليكتب كل منا ما يشاء فهذه احدى قطرات سماء البوست .
و كل وعاء بمافيه ينضح .
مرحبا بالتقييم ..
|
Post: #34
Title: Re: الخلاصة الطلعت بيها بعد عضوية اسبوع
Author: ابوبكر الامين يوسف
Date: 04-16-2007, 04:54 PM
Parent: #32
ده اجمل بوست لاقانى قريب ...
وياتمبس وجعفر بشير انا بضحك لى يومين
وبفكر اعمل لى بوست خاص بيكم
والردود على نفس النهج
والنشوف لى واحد فيكم مايجى
|
Post: #36
Title: Re: الخلاصة الطلعت بيها بعد عضوية اسبوع
Author: بشير دفع الله
Date: 04-16-2007, 06:45 PM
Parent: #34
الأخت هبه
تحياتى وترحيبى متبادل .. لأنى لسه لنج ..
المنبر يا هبه هو فعلا سودان مصغر .. بل يزيد كتير فى إنو فى المنبر .. يمكنك التواصل مع الكل بغض النظر عن نوعية ذاك الكل .. وأفتكر إنها ميزة هامة ومفيدة جدا..
ثانيا .. ما تنسى إنو نحن ليه فى مرحلة preliminary members والظاهر مطلوب مننا نروق شوية ..
|
Post: #37
Title: Re: الخلاصة الطلعت بيها بعد عضوية اسبوع
Author: بشير دفع الله
Date: 04-16-2007, 06:46 PM
Parent: #34
الأخت هبه
تحياتى وترحيبى متبادل .. لأنى لسه لنج ..
المنبر يا هبه هو فعلا سودان مصغر .. بل يزيد كتير فى إنو فى المنبر .. يمكنك التواصل مع الكل بغض النظر عن نوعية ذاك الكل .. وأفتكر إنها ميزة هامة ومفيدة جدا..
ثانيا .. ما تنسى إنو نحن ليه فى مرحلة preliminary members والظاهر مطلوب مننا نروق شوية ..
|
Post: #35
Title: Re: الخلاصة الطلعت بيها بعد عضوية اسبوع
Author: lana mahdi
Date: 04-16-2007, 06:34 PM
Parent: #1
| Quote: الخلاصة الطلعت بيها بعد عضوية اسبوع |
| Quote: Quote: يا القراء نصيحتي ليكم الما لقى عضوية البورد دة اصلو لا يتأسف ولا يسعى ليها لانه فيهو عِبر ما بتعرفوها الا من جوة والعندو حبة صحة أولى بيها نفسه وأولاده. |
الحبيبة هبة
مساء الخير
حسب متابعتي لرحلة انضمامك للبورد فأنت قارئة لصيقة بأحوال البورد وعارفة مجريات الأمور فيه و كنت مشاركة عبر الإيميل قبل أن تنالي الباصوورد فالجديد شنو؟
الخلاصة الطلعتي بيها دي ما خلاصة عضوية أسبوع
|
|