Post: #1
Title: البرسيم يقلل الكوليسترول في الدم
Author: اسعد الريفى
Date: 04-10-2007, 09:47 AM
Quote: البرسيم يقلل الكوليسترول في الدم
محيط : كشفت بعض الدراسات التي اجريت على حيوانات التجارب ان أوراق البرسيم تسمح بتخفيض معدل الكولسترول في الدم وكذلك الأمر بالنسبة لترسب الصفائح الدموية على جدران الشرايين وهو السبب الذي يؤدي إلى حد كبير للإصابة بالأمراض القلبية والحوادث الوعائية الدماغية.
ورغم ان الدراسات على الحيوان تنطبق نوعا ما على الإنسان فان المجلة الطبية البريطانية (Lancet) ذكرت ان شخصاً كان يتناول البرسيم بكمية كبيرة وكان يعاني من ارتفاع الكوليسترول في الدم فوجد ان معدل الكوليسترول لديه قد تضاءل بشكل ملحوظ.
وقد برهنت بعض الدراسات إلى أن البرسيم يقاوم المواد السرطانية في الأمعاء ، وكشفت دراسة أخرى نشرت في معهد السرطان القومي أن البرسيم يحاصر المسرطنات في القولون ويسرع طردها من الجسم.
وطريقة تحضير جرعات البرسيم تتمثل في :
يؤخذ مقدار ملعقة صغيرة أو ملعقتين من أوراق البرسيم المجففة ثم توضع في فنجان كبير ويصب الماء المغلي عليه ثم يغطى ويترك المزيج ينقع لمدة عشرين دقيقة ثم يشرب ، مع الأخذ في الاعتبار أن ثلاثة فناجين تكفي في اليوم وذلك لمكافحة الكوليسترول ، ويجب عدم إعطاء البرسيم للأطفال دون سن الثانية.
جدير بالذكر أن البرسيم يستعمل كمهضم وكموسع للأوعية الدموية ، كما يستخدم في تخفيف ارتفاع سكر الدم. |
للفائدة
نقلا عن موقع محيط
http://www.moheet.com/
|
Post: #2
Title: Re: البرسيم يقلل الكوليسترول في الدم
Author: حيدر حسن ميرغني
Date: 04-10-2007, 09:54 AM
Parent: #1
عزيزينا اسعد
شكرا للنصيحة الطبية
يعني الجماعة ديل عاوزننا (نعلف) اخر الزمن
عرفنا ان الانسان حيوان اجتماعي
لكن ياكل برسيم دي غايتو عاوزة ليها شورة
اكلت نيم دي جاية من وين
|
Post: #3
Title: Re: البرسيم يقلل الكوليسترول في الدم
Author: اسعد الريفى
Date: 04-10-2007, 10:00 AM
Parent: #1
( اكلت نيم) يالله ليها علاقة بالزونيا !!لكن أنا عارف ان النيم طارد للحشرات ..
و ده حاليا ما مهم..
المهم موضوع البرسيم !!
غايتو انشالله البرسيم يكفى.. لانو أنا شخصيا حأجربوه !!
|
Post: #4
Title: Re: البرسيم يقلل الكوليسترول في الدم
Author: Dr. Ahmed Amin
Date: 04-10-2007, 10:18 AM
Parent: #3
أسعــــد
شكرا على ايراد هذه الدراسة الحديثة
شئ جميل
بس أوعى يسمع بياعين ومنتجي البرسيم بالموضوع ده
الأسعار حتطير
ويصبح أندر من عسل النحل
وتماسيح السودان مستنين الفرص ده
|
Post: #5
Title: Re: البرسيم يقلل الكوليسترول في الدم
Author: اسعد الريفى
Date: 04-10-2007, 10:50 AM
Parent: #1
تماسيح السودان ما منتظرين..
ديل بالعضل و بوضع اليد حيحتكروا البرسيم و يحجزوا ليهو اراضى ( و غالبا مشروع الجزيرة) و يصدروه ماليزيا و جزر القمر..
و نصبح برسيملاند!!
|
Post: #6
Title: Re: البرسيم يقلل الكوليسترول في الدم
Author: حمزاوي
Date: 04-10-2007, 11:16 AM
Parent: #1
أسعد أخوي
مسكاقمي
الكلام جميل والاكتشاف رهيب ومفيد بس بدل ( ينقع لمدة عشرين دقيقة ثم يشرب ) كان طوالي يأكل وهو أخضر عشان نرتاح من يأكل الخروف البرسيم ويسمن ونقوم نحن نذبحه ونأكل اللحم . الموضوع ذكرني بقصة واحد صاحبنا راتبه أربعمائة الف جنية زوجة وضعت والمشكلة الزوجة ما عندها لبن مشت جابت رضاعة ترضع الولد وتاخذ ثلاثمائة الف جنية في الشهر قام الراجل قال زيد ليها المية الباقي وخلينا نرضعها كلنا .
لك ودي
|
Post: #7
Title: Re: البرسيم يقلل الكوليسترول في الدم
Author: اسعد الريفى
Date: 04-11-2007, 06:33 AM
Parent: #1
صباحاتكم بخير
و مسكاقمى
و قود موننج
و قود مورجان
و ابا كابا
لكل المتداخلين..
بس ديرين زول يدينا ( تجربة ذاتية حول الموضوع)
|
Post: #8
Title: Re: البرسيم يقلل الكوليسترول في الدم
Author: اسعد الريفى
Date: 04-12-2007, 07:41 AM
Parent: #1
دايرين زول يدينا ( تجربة ذاتية حول الموضوع)
|
Post: #9
Title: Re: البرسيم يقلل الكوليسترول في الدم
Author: nazar hussien
Date: 04-12-2007, 07:46 AM
Parent: #8
غايتو يا اسعد كان عايز تجربة زول ماكل نيم _ممكن نديك بالكوم- لكن برسيم دي لسه جربناها.
|
Post: #10
Title: Re: البرسيم يقلل الكوليسترول في الدم
Author: اسعد الريفى
Date: 04-12-2007, 07:53 AM
Parent: #1
نزار سلامات
النيم ساهل .. و حتى الهوا ..
لكن الفضلت حكاية البرسيم دى ..
رغم انو اخواننا العرب عندهم حكاية ماكل تبن !! لكن برضو تفرق.. و لا شنو
|
Post: #11
Title: Re: البرسيم يقلل الكوليسترول في الدم
Author: محمود الدقم
Date: 04-12-2007, 09:47 PM
Parent: #1
نتمنى ان ياتي يوما وتجري دراسات مخبرية على القرض واللالاوب والقنقليس والعرديب، بالمناسبة اخي اسعد سمعت ان الكركدي يساعد في تخفيف مرض السكري، ودي معلومة مهمة برضوا، لك الشكر على الدراسة الجيدة.
|
Post: #12
Title: Re: البرسيم يقلل الكوليسترول في الدم
Author: Mustafa Mahmoud
Date: 04-12-2007, 09:48 PM
Parent: #11
كلنا بنحبك يا حمار
|
Post: #13
Title: Re: البرسيم يقلل الكوليسترول في الدم
Author: Mohamed Abdelmotalib Hassan
Date: 04-13-2007, 00:00 AM
Parent: #12
أسعد
أنا جربت الحكاية دي , لكن صحيت الصباح لقيت نفسي بهنق !!! بقن علي اتنين:
كلسترول وهنيق. حاااااااااااااااااوش.
وبقيت أغني : تواه أنا كل الحبوب جربتها .... لا وصلت ليك لا الرجعة تاني عرفتها.
محمد عبد المطلب
|
Post: #14
Title: Re: البرسيم يقلل الكوليسترول في الدم
Author: اسعد الريفى
Date: 04-13-2007, 09:21 AM
Parent: #1
اضافة بسيطة:
كان معانا زمان واحد فى كلية الزراعة كل يمشى المزرعة ووسط البرسيم كان بيقول.. بالله ياجماعة الجو ده يرد الروح !! ( و المزرعة كانت حقول ممتدة من البرسيم) بأنواعه..
و أعتقد أنه كان يتفاعل إيجابا مع البرسيم.. بس أحنا كنا ما جايبين خبر !
|
Post: #15
Title: Re: البرسيم يقلل الكوليسترول في الدم
Author: حيدر حسن ميرغني
Date: 04-13-2007, 09:41 AM
Parent: #14
Quote: لكن صحيت الصباح لقيت نفسي بهنق !!! بقن علي اتنين:
كلسترول وهنيق. حاااااااااااااااااوش. |
والله خوفي تكون كمَلت نجيلة هونولولو كلها
يقال ان رسام الكراكاتير الشهير عز الدين كان قد رسم في السبعينات من القرن الماضي لاعب كرة هلالي شهير (..) في وضع أشبه بحمار يأكل في نجيلة الاستاد .. اراد عز الدين بفنية عالية وصف اثر الهزيمة التي تكبدها الهلال من غريمه التقليدي المريخ.
ويقال ان ذلك الكراكتير (التعليفة) ادخله في مشاكل مع اللاعب الذي كان سلطان زمانه ولا يجروء احد على انتقاده
يعني الان لو رسمونا كلنا ونحن بـ(نعلف) مافي واحد بيزعل بعد الاكتشافات دي
|
|