Post: #1
Title: مكنة لحام المنبر
Author: Mohamed Abdelmotalib Hassan
Date: 04-08-2007, 06:53 AM
يا شبيبة
في الحلة لمن يكون في واحد عندو مكنة لحام , تلاجات الحلة كلها تتجهجه,
في المنبر ده ما ممكن واحد يكتب ليهو عشرة بوستات في ساعة ويملي الحتة
كلام مكرر , وناس ترد علي بوستات بطريقة محيرة !!!!! , يعني البوست يكون عن
السكر في الهملايا يجي عضو يرد : غنماية ناس اشرقة طقشت الباغة , بوست
تاني يتفتح عن انفجار مخزن سلاح في الخرطوم يجي واحد يرد : كلب ناس
النو قال هو , مش كده وبس , يقوم يجيب كمية من الاقتباسات الما ليها لازمة
أي واحد متخيل انو الوحيد الما قاعد يعمل كده , هسة انت يا البتقرا
في الموضوع ده.... آي انت , تتلفت مالك؟؟ الكلام ده ليك انت ...ولي أنا زاتي.
غرزة وطبزة : التسوي مكنة اللحام في المنبر يلقاهو.... بكري في حنان السيرفر
ولو كان السيرفر رجلا لقال الروووب ( أكتر من كده يا ظالم؟؟؟)
غرزة وطبزة كلاكيت تاني مرة : كلما أتسعت الرؤيا ضاقت العبارة والعكس بالعكس
محمد عبد المطلب
|
Post: #2
Title: Re: مكنة لحام المنبر
Author: Mohamed Abdelmotalib Hassan
Date: 04-08-2007, 09:32 PM
Parent: #1
يا أخوانا عندي سؤال :
المنبر ده بقفل الساعة كم ؟؟؟ وساعة الزروة بتاعتو متين ( الترافيك وكده ) ؟؟؟؟
ولا بابو تونتي فور سفن؟؟
|
Post: #3
Title: Re: مكنة لحام المنبر
Author: هبة عبد الله عبد الرحمن
Date: 04-08-2007, 11:30 PM
Parent: #2
أخي محمد والله كلامك يفيض حكمة
شوف دي:
(((وهنالك أعضاء يرفعون بوستاتهم للمرة المليون وليس هنالك مشارك لهم فى الحوار....
فأنت ترى علامات (...........؟؟؟؟؟ الى أعلى)فى بوست معين أكثر من مرة...
ونحن نتسأل...إن عجز العضو شخصيا عن إضافة راى فى بوسته ولم يشاركه أحد فى النقاش....
فلماذا يرفع البوست المعنى؟؟؟)))
هذه حكمة وردت بمداخلة "اسامة خلف الله مصطفى" في بوست بكري ابوبكر يوم العطل الفني. الحكاية دي ذكرتني قصة كدة حصلت في جامع بحري الكبير: مرة الامام ما جاء قام المأموم شاف اكبر المصلين سنا ولحية واكثرهم وقارا فقدمه للصلاة الراجل طلع عقلو ما كويس ولعب بالمصلين لعب المهم الجماعة جاطوا في المأموم انه كيف يقدِّم من طرف ساي فقام المأموم بكرة جاء اذن واقام وامّ الناس فقاموا المصلين جاطوا ليك فيه تااااني وقالوا ليه الحكاية شنو؟ جوكر؟ مؤذن وامام ومأموم؟ قام رمى ليهم الميكرفون وقال ليهم شوفوا زول يصلي بيكم تاني.
أها هنا في المنبر دة في ناس جواكر بيكتبوا البوست ويعملو مؤذن وامام ومأموم.
مداخلتي دي في محلها ولا كلب ناس النو؟؟؟؟
يا خي نسيت انا جاية هنا مخصوص لاورد لك من شكري اجزله ما شايفني بقى عندي باس ويرد وطبعا الفضل لله ثم من بعده لك ولحيدر ولبكري ابوبكر!
|
Post: #5
Title: Re: مكنة لحام المنبر
Author: Mohamed Abdelmotalib Hassan
Date: 04-08-2007, 11:48 PM
Parent: #3
هبة شخصيا
والله مبروك , كونتي نفسك وعملتي ليك باسوورد مع الرجال,
كده كويس ؟؟ ذكرتيني نكته : الامام مسطول , طلع المنبر
وقال اسمعو يا أخوانا: انا ما حآخد من زمنكم كتير: عارفين قصة
سيدنا نوح ؟؟ المصلين كلهم قالو : آآآآي , قال ليهم خالص قومو الي الصلاة,
بعد انتهي من الصلاة وقف وقال ليهم: اسمعو: عارفين قصة سيدنا ابراهيم؟؟؟
قالو : آآآآي , قال ليهم خلاص الجمعة الجاية ما تجو !!!!!
لا شكر علي واجب سيدتي , في الانتظار.
المهم ما علينا , خلونا في المهم : القصص مكررة ونفس الناس يكررو نفس
الاسطوانة, فيا حبايبنا كل القصص دي عارفنها , شوفو ليكم موضوع فيهو فايدة
غرزة وطبزة : منبر ما منبرك جر فيهو شوك وسيرفر ما سيرفرك غطس حنان حجرو
محمد عبد المطلب
|
Post: #4
Title: Re: مكنة لحام المنبر
Author: ناذر محمد الخليفة
Date: 04-08-2007, 11:41 PM
Parent: #1
!!!!!!
| Quote: ولا بابو تونتي فور سفن؟؟ |
دي بتعادل كم بالعربي الدارجي !!!
|
Post: #6
Title: Re: مكنة لحام المنبر
Author: Moawia Mohammed
Date: 04-09-2007, 01:58 PM
Parent: #1
| Quote: المنبر ده بقفل الساعة كم |
المنبر زي الدكان دا اليوم كلو مدور
|
Post: #7
Title: Re: مكنة لحام المنبر
Author: Fadl Karrar
Date: 04-09-2007, 02:11 PM
Parent: #6
الجديد شديد
كسرة
كلما إتسعت الرؤية ضاقت العبارة
|
Post: #8
Title: Re: مكنة لحام المنبر
Author: Mohamed Abdelmotalib Hassan
Date: 04-09-2007, 07:17 PM
Parent: #7
ناذر
| Quote: دي بتعادل كم بالعربي الدارجي !!! |
ده علي حسب الحتة الانت فيها , واحد صحبي كوري قالي انو عمرو لمن يكون في كوريا بكون
عشرين ولما يجي امريكا ببقي تسعتاشر , السبب انهم بحسبو الفترة بتاعة الحمل , (حنك معقول !!).
معاوية: والواقف قدام الباب ولابس أحمر ورافع يدو ده ما تقولي ده بكري سيد الدكان؟
|
|
