Post: #5 Title: Re: واحة القامة الأستاذ محمد الأمين Author: isam ali Date: 04-06-2007, 06:24 PM Parent: #4
سلام للجميع وكلام الاستاذ الباقر دة كلام صح واظنوا الموضوع مش بس الابتعاد عن مشاكل قانونية واخلاقية وانما تشجيع المنبر وصاحبو فى تقديم مساهمة وموقف ايجابى تجاه قضية مهمة هى باختصار قضية الحقوق وما افضل ان نكون ناس حقانيين
Post: #6 Title: Re: واحة القامة الأستاذ محمد الأمين Author: نها محسن أبورأس Date: 04-06-2007, 08:37 PM Parent: #5
الفن السوداني الأصيل ليس حكرا علي منتدي معين بل هو ملك لكل سوداني أصيل وغيور علي إرثه.وما هي إلا محاولة لإنقاذ هذا الإرث من أن يبقي طي النسيان.فهلمو بنا لأنقاذ هذا الإبداع
Post: #7 Title: Re: واحة القامة الأستاذ محمد الأمين Author: Ahmed Hamza Date: 04-08-2007, 07:52 AM Parent: #1
Quote: ربنا يخليه ويحفظه لينا
اللهم امين
Post: #8 Title: Re: واحة القامة الأستاذ محمد الأمين Author: celecon Date: 04-08-2007, 08:02 AM Parent: #1
شكرا يا نها ... الحقينا عليك الله اللينكات ما شغالة ... شوفى لينا موقع تانى وارفعى الملفات ..
ويديك العافية ...
Post: #9 Title: Re: واحة القامة الأستاذ محمد الأمين Author: Sahar Abdelrahman Date: 04-08-2007, 12:09 PM Parent: #8
العزيزة نها...مرحب بيك...
محمد الأمين فنان وموسيقي متميز...صوته ينقلني لعوالم من الدهشة
تربطني علاقة حميمة بكل أغانيه....تمنياتي له بالصحة والعافية...
معزتي
سحر
Post: #10 Title: Re: واحة القامة الأستاذ محمد الأمين Author: Elmuez Date: 04-08-2007, 01:00 PM Parent: #1
كلام ناس الباقر عثمان و عصام علي ده كويس يا نها!..
شكرا على البوست الجميل على كل, و وكت بقت دحين دي مساهمة مني أرجو أن نستمتع بيها كمجموعة محبة للأستاذ الجليل
و خلو بالكم من صولو سعد الطيب (الأورغ) في مطلع الأغنية:
Post: #11 Title: Re: واحة القامة الأستاذ محمد الأمين Author: ahmed babikir Date: 04-10-2007, 00:59 AM Parent: #10
يالباقر موسي تحية طيبه كلام عجيب جدا .... طيب لو الموضوع كده وحقوق طباعه والي اخره لمادا لا تقترح ما اوردته في بوست منفصل؟ ولمادا لم تقترح مثل هده الاقراحات في بوستات اخري... فحسب علمي هنالك ملايين من بوستات الاغاني في هدا المنبر و قد تم ايصالها من خلال لينكات او من خلال انزال مباشر...!!
الاخت نهي نرجوا منك العودة لهدا البوست ومواصلة مشوار الاغاني التي بداءت فيه ومنتظرين (همس الشوق)..
Post: #12 Title: Re: واحة القامة الأستاذ محمد الأمين Author: Elbagir Osman Date: 04-10-2007, 06:11 AM Parent: #1
نها والمتداخلين
رغم أن الإعمال المنشورة في هذا البوست
أو أي بوست آخر
هي ملكية خاصة لأصحابها (المغني والشاعر ++)
إلا أنني لم أدع إلى وقف تداولها
وإنما دعوت لصيغة توفيقية
تمكن من التداول
وفي نفس الوقت تعبر عن أحساسنا وأحترامنا
لحق من أنتج هذا العمل الجميل
وذلك مثلا بإنشاء صندوق تابع للمنبر
نودع فيه مبالغ حسب ذوقنا ومقدرتنا
ومن ثم يحولهابكري للفنانين - والشعراء-
حسب مرات الـ hits أو الـ download
وهذا ممكن
الباقر موسى
Post: #13 Title: Re: واحة القامة الأستاذ محمد الأمين Author: ahmed babikir Date: 04-10-2007, 08:57 AM Parent: #12
Quote: ومن ثم يحولهابكري للفنانين - والشعراء-
حسب مرات الـ hits أو الـ download
يا سيدي الباقر ياخي قول ليك حاجة تخش الراس.. او ساعدنا بي سكاتك ... يا اخي افتح بوست بالموضوع حقك ده انحنا عندنا ضغط وما بنستحمل اي كلام ما عندو معني في مليون بوست للكلام الفارغ امشي ساهم فيهم البوست ده واحه للفنان محمد الامين عندك مساهمه قدمه ماعندك اسمع وبس! شايف انو في انتهاك للحقوق اخطر الادارة تطلع منشور بعدم نشر اي ماده مسجله لاي فنان او اعمل اضعف الايمان ما تخش بوستات الاغاني ونكون من الشاكرين!!
يا نهي عليك الله بعد الكلام ده والضغط الارتفع ده ساعدينا (بهمس الشوق ) يمكن الواحد ما يحتاج لي حبوب!!
Post: #14 Title: Re: واحة القامة الأستاذ محمد الأمين Author: Moawia Mohammed Date: 04-10-2007, 02:10 PM Parent: #1
بورداب دنفر الأعزاء د. نها حجازي استمتعوا ولا تبالوا أنشروا الفرح بقدر ما استطعتم
Post: #15 Title: Re: واحة القامة الأستاذ محمد الأمين Author: Dr.Saeed Zakarya Saeed Date: 04-10-2007, 06:07 PM Parent: #14
الابداع ليس مخصوص في جنس معين فلكل جنس ابداع معين في مجال معين ومن انواع الابداع عند الجنس السوداني هو الاستاذ محمد الامين حمد النيل الازيرق
Post: #16 Title: Re: واحة القامة الأستاذ محمد الأمين Author: Elbagir Osman Date: 04-10-2007, 06:24 PM Parent: #1
دا إنعدام حساسية غريب
لتدوال مادة لا تملكها
وأصحابها موجودون
لكم كان محقا هاشم صديق في رفع القضايا
على من تداولوا قصائدة بدون إذنه
تصور أن يتداول أشخاص ممتلكاتك بدون أذنك
ويعزموا الآخرين
شئ غريب فعلا
أكيد سوف أفتح بوست آخر أدعو فيه الجميع
لمراعاة حقوق الملكية الفكرية
في هذا البورد
وهي أمر قانوني
الباقر موسى
Post: #17 Title: Re: واحة القامة الأستاذ محمد الأمين Author: ahmed babikir Date: 04-10-2007, 11:47 PM Parent: #16
اذا خاطبهم الجاهلون قالوا سلاما ...
سلاما!!!
Post: #18 Title: Re: واحة القامة الأستاذ محمد الأمين Author: نها محسن أبورأس Date: 04-11-2007, 09:27 AM Parent: #1
أستاذنا الكريم الباقر ,زملائي الكرام بالطبع لا يحق لنا تداول أعمال أغاني كانت أو نصوص دون أن نعطي هؤلاءالعمالقة كامل حقهم مادياٌ كان أو معنويا ,واناشد جميع الاعضاء بإنشاء هذا الصندوق ولتكن أول مبادرة سودانية في هذا المجال لكن وحتي ذلك الحين فلننعم بهذه الروائع ونسمو في سماء الروعة والجمال ويكفينا فخرا اننا ننتمي لوطن ينضح بالإبداع.
الباشكاتب محمد الأمين من الفنانين الذين وضعوا بصمة كبيرة في خارطة الفن السوداني .. أغنياته تشكل الوجدان وتطرب القلوب متعه الله بالصحة والعافية .. وودالأمين يستاهل أن يكتب عنه ويستاهل أن يكرم أجمل تكريم وهذا بمثابة تكريم وإحتفاء له .. شكراً جميلاً نهى ونتمنى أن تواصلي في هذا البوست ..
تقديري ..
Post: #21 Title: Re: واحة القامة الأستاذ محمد الأمين Author: نها محسن أبورأس Date: 04-27-2007, 05:10 AM Parent: #20
الأخ الكريم معتصم أشكرك كتير علي الترحيب وربنا يديك العافية. محمد الأمين كنز من كنوز وطننا الغالي الزاخر بالمبدعين ويسعدني كثيرا أن أكون من أشد معجبيه وعشاقه وأسعد أكثر عندما يشاركني الأصدقاء في هذا العشق . أعدكم بالمواصلة في هذا البوست
Post: #22 Title: Re: واحة القامة الأستاذ محمد الأمين Author: جلال ناصر Date: 04-27-2007, 11:08 AM Parent: #1
نحيك ونحى عبرك الاستاذ ود اللمين وود اللمين يستحق واحه ودوله وهو الذى يهدينا هذا الجمال كل يوم وود اللمين كنز من كنوز الابداع السودانى وعليك الله كترى من ابداعه ومعاك نخلى الواحه كل يوم فوق ونحن مثلك نحب ود اللمين
جلال ناصر
Post: #23 Title: Re: واحة القامة الأستاذ محمد الأمين Author: نها محسن أبورأس Date: 04-27-2007, 11:08 PM Parent: #22
الأخ جلال أشكرك كتير علي التعليق و ربنا يديك العافية وانشاءالله نجعل البوست واحة برتاح فيها كل عاشق للأســتاذ محمد الأمين
Post: #24 Title: Re: واحة القامة الأستاذ محمد الأمين Author: hero Date: 04-28-2007, 08:07 AM Parent: #23
... .. . نها والعابرون مدارات الشجن الجمبل .. غناءه شدو للروح وتجاوزا للرتيب من الغناء والمستهلك شكرا لكل هذا الجمال ...
Post: #25 Title: Re: واحة القامة الأستاذ محمد الأمين Author: منصوري Date: 04-28-2007, 01:56 PM Parent: #1
جميل يا نهى.. هذه الإبداعات من المبدع محمد الأمين شكراً .......... معليش يا نهى... مرة مرة أن تكون في إبداعات في اللغة وكلام حولها ..نغير وترة الساسة والسياسة مرات.. ونغير وترة الصخب.. والمواضيع ...ويكون البورد مائدة متنوعة ........ عشان كدة ...... معليش با نهى ......... أنا ما شفت زول بيغلط في كتابة إسمو ................. إنت كتبت نهى... هكذا( نها),,, وياريت لو كان في متن الموضوع..كان ممكن يتصحح.. لكن في عنوانك الأساسي للدخول للمنبر.. ودا خطأ دائم. إلا كان يصححو بكري... ........... حكاية الأسماء دي نحن زمان انتهينا من غلطا من الصاح فيها من ثالثة إبتدائي.. علمنا ليها معلم مدرسة تخرج من الوسطى بس.. ولامعهد تربية ولا غيرو.. وكل المعلمين في زمنو كدة.. من اليوم داك وراسخة القاعدة في راسنا ما اتفرتكت.. وحكايات ساهلة ومبسطة ولاتحتاج تحفظ كتاب النحوالواضح ولا كتاب البلاغة ولاغيرو وهي:- تحول الإسم لى مضارعو.. وتشوفو.. كان طلع واو يبقى ألف لى فوق وكان طلع ياء معرجة يبقى تكتبوا لى تحت.. وقس على ذلك أشياء كثيرة.. مثال اسمك الآن.. نهى.. ينهو.. ينهي... واضح انو مافي حاجة اسمها ينهو..ينهي هى الصاح لذلك جاء بالياء لتحت... معناه نهى... ....... وما أظنك تعرفي الياء المعرجة بتشديد الراء.. دي يا زول درس زمان زمن الزمن السمح أو درس خلوة.. والحين برزت حاجات في الياء المعرجة هي من زمان.. بس ظهرت على السطح في الكتابة الآن.. نقطتين تحت الياء المعرجة.. نحن السودانيين ماقاعدين نهتم بيها كتير.. لكن هي موجودة واصبح عندها حرف ومكان على الكي بورد.. نهى.اصلها الف منقلبة الى ياء.. ماعندها نقطتين أما الياء الحقيقية عندها نقطتين من تحت زي علي.. بس نحنا السودانيين ما قاعدين نعمل النقطتين ديل.. لكن في لغة الكتب مهم تتعمل.. مثلاً بكري.عندها نقطتين لأن اصلها ياء وليس الف.. أما نهى ما عندها عشان هي ألف منقلبة الي ياء..ما تقومي تاني تغيرها الي تحت وتقومي تعملي ليها نقطتين... نهى... قال شاعرهم( وعند المنتهى شد الرحال) وقال أعز من قائل(أَفَلَمْ يَهْدِ لَهُمْ كَمْ أَهْلَكْنَا قَبْلَهُم مِّنَ الْقُرُونِ يَمْشُونَ فِي مَسَاكِنِهِمْ إِنَّ فِي ذَلِكَ لَآيَاتٍ لِّأُولِي النُّهَى ) أقبلي مني دي..
Post: #26 Title: Re: واحة القامة الأستاذ محمد الأمين Author: نها محسن أبورأس Date: 04-29-2007, 08:04 AM Parent: #25
هيرو مشكور كتير علي المرور وانشاءالله نواصل في البوست ده
Post: #27 Title: Re: واحة القامة الأستاذ محمد الأمين Author: نها محسن أبورأس Date: 04-29-2007, 08:12 AM Parent: #25
الاستاذ الكريم المنصوري أشكرك كتير علي التعليق والله يديك العافية أما بخصوص إسمي فانت كلامك صح مية في المية (نهي)وليست (نها).وانا عارفة انو كدة لكن معليش بس حصل خطأ غير مقصود من عند الباشمهندس بكري ابوبكر وانا عاذراهو بسبب مشاغلو الكتيرة فتم تسجيلي في المنبر بهذا الإسم لكن ما مشكلة طالما أنا عارفة إسمي وطالما هناك أساتذة ضليعين في اللغة العربية مثلكم فحتما سيكتشفو هذا الخطأ المطبعي الغير مقصود. أشكرك مرة أخري
Post: #28 Title: Re: واحة القامة الأستاذ محمد الأمين Author: منصوري Date: 04-29-2007, 08:29 AM Parent: #1
أنا ذاتي قلتا كدة يا دكتورة يمكن يكون خطأ مطبعي.. والقصد ليس محدد وإنما أن يفهم الناس بصورة عامة. وحتى أنا ذاتي أفهم ومقصود بالفهم.. لأنو تجديد المعرفة فهم.. .......... المهم خلينا في أصل البوست الراقي وروائع ود الأمين الفنان العملاق
لك التحايا صديق منصوري
Post: #29 Title: Re: واحة القامة الأستاذ محمد الأمين Author: نها محسن أبورأس Date: 04-29-2007, 08:47 AM Parent: #28
لك التحايا أستاذ صديق وشكرا كتير علي التنوير وانشاءالله حنواصل في البوست وياريت تشرفنا وتنورنا فيه دايما
Post: #31 Title: Re: واحة القامة الأستاذ محمد الأمين Author: Moawia Mohammed Date: 05-05-2007, 01:33 PM Parent: #1
فوق
Post: #32 Title: Re: واحة القامة الأستاذ محمد الأمين Author: نها محسن أبورأس Date: 05-06-2007, 02:23 AM Parent: #31
الأستاذ معاوية مشكور كتييير علي المرور ونحن في إنتظار الباقة المتفردة من أغنيات الرائع أبو داؤود