فخامة الرئيس...معاليٌ الوزير...زوجيٌ العزيز..!!

من أجل حياة زوجية أساسها الصدق و الصراحة..
و من أجل حياة عائلية أفضل...
أُرشح زوجي الممكون...للإنتخابات الرئاسية القادمة!!!

قولوا لي..ليه؟؟!!!

في إيطاليا...غازل رئيس الوزراء سيلفيو برلوسكوني و على شاشات التلفزيون سيدتين بقوله للأولى. “لو لم أكن متزوجاً لتزوجتك حالاً، ثم تمادى فهمس إلى الثانية: “معك اذهب إلى أي مكان حتى لو كان جزيرة قاحلة”...
هذا الغزل العلني اعتبرته السيدة فيرونيكا برلوسكوني مساساً مباشراً بكرامتها، فقررت الاحتجاج بطريقة أشبه بالإنذار عندما طالبت زوجها بالاعتذار علنياً عبر وسائل الإعلام عسى ان يكون في ذلك رد لبعض من كرامتها، و قالت في رسالة بثتها عبر وسائل الإعلام “أنا امرأة في الخمسين من عمري ومتزوجة من رجل في السبعين. لذا فإن الاحترام المتبادل يعد أساسياً لمن هم في مثل سننا، كما ان كرامتي كامرأة يجب ان تكون نموذجاً يحتذي لأطفالي..”،
وفضل برلوسكوني تلبية مطلبها على تحمل أعباء فضيحة عائلية وأخلاقية كانت ستؤثر حتما في رهاناته السياسية . لذا قرر الاعتذار كما أرادت، بل انه اختار نشر رسالته عبر صحيفة “الجمهورية” اليومية المقربة من يسار الوسط، وبدأ رسالته بالقول:
“عزيزتي فيرونيكا، ها هي اعتذاراتي”، ثم استرسل مبرراً زلاته: “إن أيامي مرهقة كما تعلمين، العمل والسياسة والمشاكل والتنقلات، إنها حياة تحت ضغط مستمر..”. ثم يخلص إلى القول: “لكن كرامتك لا علاقة لها بكل ذلك، لأنها ثروة قيمة احتفظ بها في صميم فؤادي حتى عندما تلفظ شفتاي ثناء هو اقرب إلى الثرثرة. لكن صدقيني لم اعرض أبدا الزواج على امرأة غيرك. أرجوك إذن أن تقبلي اعتذاري وان تعتبري هذه الرسالة العلنية شهادة على تواضع كبريائي أمام غضبك وتعبيراً عن حبي لكي..”.

و في فرنسا ...ترسم الخطب السياسية وتعليقات كل مرشح... خطوط أوضح لملامح رئيس فرنسا القادم ولكن الحياة العائلية للمرشح قد تلعب دوراً أكبر. فقد إنتبه المرشح 'نيكولا ساركوزي' لأهمية الحياة العائلية للوصول الي السلطة و أيقن ان الفرنسيين لن يفتحوا باب الاليزيه لشخص بمفرده فبادر بعمل كل اللازم حتي تعود زوجته سيسليا اليه بعد ان كانت قد هجرته وذهبت لآخر ...!!!
وفي نفس الوقت نفي انه علي علاقة بصحفية تعمل في جريدة الفيجارو. وكل ذلك ليحتفظ بصورة رب الاسرة والزوج التي يمكن ان تخدم المرشح الذي يدعي انه مرشح 'الشرفاء'.

و في بريطانيا..و قبل إعادة إنتخابه....ظهر توني بلير و هو يحكي عن حبه ل زوجته شيري و الذي إختار أن يكون بجانبها خلال وضعها ل طفلها الأخير مبتدعاً ما سُمى ب (( إجازة وضع )) للزوج.
حكي تونى أنه و في كل عيد زواج لهم...يقوم بإعطاءها ورقة مطوية..ويكتب عليها "توني يحب شيري" مع رسم رجل وامرأة عجوزين... مع العديد من القُبل"...!!!

وفي أمريكا تلعب زوجات الرؤساء، ورؤساء الحكومات، والسياسيين، دوراً واضحاً ومؤثرا في رسم السياسات الداخلية والخارجية لبلادهن، ولم تعد زوجة السياسي تلك المرأة التي تقف الى جوار زوجها في المناسبات الاجتماعية والعامة، فقد تعدى دورها الاهتمام بمظهره وترتيب مواعيده وتنظيم جدول أعماله، إلى مشاركته قوانين اللعبة السياسية برمتها، عبر قيادة المجتمع في قطاعات موازية ومكملة في الوقت نفسه لقيادته، بل لعلها باتت تنافسه على السلطة والقيادة وسحب الأضواء والشغف بالممارسة السياسية.

وقد وضع د. روبرت واتسون... الأستاذ في جامعة فلوريدا اتلانتك قائمة فيها عشر وظائف لزوجة الرئيس الأمريكي :

أولاً: زوجة ينظر إليها الأميركيون نظرة احترام لأنها، حقيقة، «الأولى».
ثانياً: أُم يجب أن تهتم كثيرا بتربية أطفالها ليكونوا قدوة لأطفال الآخرين.
ثالثاً : ناشطة اجتماعية، خاصة في مجالات مثل التعليم والعلاج.
رابعاً: نجمة لامعة تتابعها كاميرات التلفزيون، وتتابع أزياءها وتصرفاتها.
خامساً: مضيفة تتسلط عليها الأضواء عند زيارة رئيس او ملك لمعرفة ماذا ستقدم لهم من مطبخها.
سادساً: دبلوماسية، خاصة عندما تصحب زوجها في زيارات لدول أجنبية.
سابعاً: مديرة للبيت الأبيض، من الناحيتين: الخاصة والرسمية.
ثامناً: نشطة في المجال الحزبي لزيادة التأييد والأصوات لزوجها.
تاسعاً: مستشارة لزوجها، ولكن بطريقة خاصة (مستشارة مخدة).
عاشراً: تحمل تراث زوجها بعد وفاته، وتصبح رمزاً له حتى تتوفى هي.

ففي مقابلة تلفزيونية..حاولت أوبرا وينفري خلالها تلميع السيناتور الأسود باراك أوباما الذي يستعد لخوض الإنتخابات الأمريكية ليصبح- إذا حالفه الحظ - أول رئيس أمريكي أسود.
صبٌ باراك إوباما جلٌ إهتمامه – أثناء المقابلة التلفزيونية- على طفلتيه و زوجته ميشيل أوباما التى كان جلياً أنها ستكون السبب الأساسي في عدم دخوله البيت الأبيض ..(( و تعالوا قولوا ممكونة قالت ))!!
.فقد شكت طوال الحلقة من عدم تفرغه لبناته..و نسيانه للكثير من طلباتهن..و نسيانه لأعياد ميلادهن و إهماله ل عيد زواجهما...و من سفره و ترحاله..و...و حاول هو جاهداً أن يحثها على ذكر أي صفة عائلية جيدة عنه..ففشل..و كان واضحاً و جلياً عدم إنسجامهم.و بدا جلياً أن أوباما قد يحتاج ل كسب ثقة زوجته أولاً قبل أن يكسب ثقة منتخبيه.

لكل ما تقدم ذكره.. يهتم المرشحون ..بعكس صورة عائلية تكاد تكون مثالية..لكي يحظوا بأكبر قدر من الناخبين.
فيتعمدوا الظهور عبر وسائل الإعلام المختلفة..و هم يقٌبلون جبين زوجاتهم...و ينظروا إليهن بمنتهى الوله و الشغف...و يبالغوا في وصف حياتهم الأسرية الهادئة....و كيفية اهتمامهم بأطفالهم و زوجاتهم.
و لا يعني هذا أنهم يتملقون زوجاتهم...فمن يتملق سرعان ما سينكشف و ....تكون فضيحتو ب جلاجل ..!

لذلك كله..
أرجووووكم...
صوٌتوا...ل زوجنا الممكون !!!!

Quote: أرجوك إذن أن تقبلي اعتذاري وان تعتبري هذه الرسالة العلنية شهادة على تواضع كبريائي أمام غضبك وتعبيراً عن حبي لكي..”.

عالم ما تجي الا بالقوة... !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
غير السيدة بتاعتك الاولي دي..
ما شفتي هيلاري علمت شنو في كلينتون بعد فضيحتو مع مونيكا..خلتو يبكي ويتمخط.. دموعو عشرة عشرة..
عفيت منهن النجاض.. اريتهن كان بنات عمي لزم ..عديييييييييييل كده وكمان جاراتي الحيطة بالحيطة.

العزيزة ممكونة
الكلام ده في الدول المتقدمة... بس


عندنا... عينك ما تشوف إلاّ النور.


يعني لو زوجك الممكون فكر في السُلْطَة.. موضوعكم حيكون سَلَطة.

عشان كده بدل تكوني زوجة رئيس، نحن نرشحك إنتي زاتك تكوني رئيسة (طبعاً بعد موافقة زوجك الممكون).

Quote: فقد شكت طوال الحلقة من عدم تفرغه لبناته..و نسيانه للكثير من طلباتهن..و نسيانه لأعياد ميلادهن و إهماله ل عيد زواجهما...و من سفره و ترحاله..و...و حاول هو جاهداً أن يحثها على ذكر أي صفة عائلية جيدة عنه..ففشل..و كان واضحاً و جلياً عدم إنسجامهم.و بدا جلياً أن أوباما قد يحتاج ل كسب ثقة زوجته أولاً قبل أن يكسب ثقة منتخبيه.

سلام يا ممكنونه
بوست حلو رفرشنق بعد مصارعتنا لساس المسوس
لووول دي زوجه كارثه . بيكون جضمها بعد نهايه الحلقه

Quote: أولاً: زوجة ينظر إليها الأميركيون نظرة احترام لأنها، حقيقة، «الأولى». ثانياً: أُم يجب أن تهتم كثيرا بتربية أطفالها ليكونوا قدوة لأطفال الآخرين. ثالثاً : ناشطة اجتماعية، خاصة في مجالات مثل التعليم والعلاج. رابعاً: نجمة لامعة تتابعها كاميرات التلفزيون، وتتابع أزياءها وتصرفاتها. خامساً: مضيفة تتسلط عليها الأضواء عند زيارة رئيس او ملك لمعرفة ماذا ستقدم لهم من مطبخها. سادساً: دبلوماسية، خاصة عندما تصحب زوجها في زيارات لدول أجنبية. سابعاً: مديرة للبيت الأبيض، من الناحيتين: الخاصة والرسمية. ثامناً: نشطة في المجال الحزبي لزيادة التأييد والأصوات لزوجها. تاسعاً: مستشارة لزوجها، ولكن بطريقة خاصة (مستشارة مخدة). عاشراً: تحمل تراث زوجها بعد وفاته، وتصبح رمزاً له حتى تتوفى هي.

the only woman could be like that is only
yes only
is the first woman
and the mother of nation
mama rabica nyandeng D. mabior

May god bless her and all of our nation

Amen

حليمة...

فيرونيكا برلوسكوني...ممثلة سابقة رائعة الجمال..إختارت سيلفيو..و معه إختارت أن تكون في الظل..بعد أن كانت تتبعها فلاشات المصورين حيثما حلٌت..
غزله العلني...أصابها بإحباط السنين التى قضتها في ظله...و أصابها في مقتل الجمال و الفتنة التى بدأت تزوي...و طعن إنوثتها التى سكبتها على فراش الزوجية...فما هان عليها أن تُعلن هزيمتها...و تلعق جراحها وحيدة..
فنالت منه...بالذكاء و الدهاء و الحِكمة!
عفيت منها.. !!!

veronica berlusconi و زوجها الغبيان
اسه في ذمتكـ يا ممكونة .. دي زوجة يغازلو غيرها ؟



"If I weren't already married, I would marry you right now," he reportedly told one.
And another: "With you I would go anywhere."
"These are statements I consider damaging to my dignity," wrote Veronica Berlusconi, 50,
who has been with Berlusconi for 27 years. She said his remarks could not be
"reduced to jokes."
"To my husband and to the public man, I therefore ask for a public apology,
not having received one privately."



"Your dignity does not matter: I will guard it like a precious material
in my heart even when thoughtless jokes come out of my mouth," he wrote.
"But marriage proposals, no, believe me, I have never made one to anyone.

"Forgive me, however, I beg of you, and take this public testimony of private
pride that submits to your anger as an act of love. One among many
. A huge kiss. Silvio."

mamkouna
سلامات
شكرا على البوست اللذيذ
و انا على استعداد كامل ان ارشح زوجك الممكون .....بس بشرط
تدينا ادله على اخلاصه العائلى ...وانه زوج و اب مخلص...
يعنى...
1- بيتزكر عيد زواجكم , اعياد ميلادالاولاد و عيد ميلادك؟
2-لما تكونوا قاعدين تتفرجوا فى التلفزيون ...قاعد يخليك تشيلى الرموت كنترول؟؟
3- بيحب يحوم معاك فى السوق؟
4-بيديك -مرات- هداياء (من غير مناسبة)؟
5-بيساعد فى اعمال البيت ..غسيل عده ....ترتيب البيت ؟؟؟
6- اذا لم يعرف المكان اللى ماشى ليه ..ممكن يوقف العربيه و يسال عن الوصف ؟؟

اها ...قلتى شنو ؟؟؟

الاخت / ممكونه

شكرا على هذا البوست الجميل والخفيف على النفس .. استمتعت به كثيرا ... بس عندى سؤال يحتاج لاجابةوهواذا كان للرئيس زوجتين ... واختلفتا فى شئ يهم الرئبس او الدولة لايهما يسمع او يستجيب ... الاولى ام الثاتية ؟

موضوع جديته في انه تلخيص لدور المراة في الحياة كشرييك اساسي في الحياة العامة وليس تجميليا ..
فرغم ان وضعها في كثير من انحاء العالم يتحسن الا ان الوضع لدينا مازال في اوله ويحتاج الي جهد كبير من الرجال-دون حساسية - لانهم الذين تسببو اساسا في حجب دور المراة بصورة متكافئة في الحياة العامة مع احترام وتفهم كامل لخصوصيتها الفيسيلوجية ...الاصرار علي تسيير الحياة العامة بشرييك واحد -او غلبة له-اضر بمجتمعاتنا كثيرا فصارت مجتمعات معاقة...حياة خاصة وعامة خلقت لشريكيين لا يستقييم ان تكون متوازية مزدهرة بتحكم شريك واحد في جملة اركانها ...هذه قناعة شخصية وليس تحيزا والمهم ان يقتنع الرجال ..

وبخصوص زوجات الرجال المهميين اتذكر خصاما بين بطل كمال الاجسام النمساوي والممثل لاحقا والامريكي فيما بعد شوازنقر حاكم احد اهم الولايات الامريكية وما زالت لكنة لغته الام واضحة في خطابة وزوجته "ماريا شرايفر" سليلة اعرق الاسر السياسة الحاكمة في امريكا "كنيدي" فالحاكم جمهوري والزوجة بحكم الحال والوراثة ديمقراطية .. قبيل الانتخابات شاهدت لهما لقاء "وبرضو مع وينفري والتي هي صديقة للاسرة كما قالت " فكانت الزوجة سندا حقيقيا للمرشح الجمهوري (زوجها) حين تطرقت الي اهتمامه بها وباطفالهم وكيف يصر علي ان يلتزم اطفالهم باخلاقيات ومثل ويعيشو كاطفال جيرانهم وووووووو.... ونجح المرشح وصار حاكما ..فانشغل عنها كثيرا وفي لقاء اخر كانت تشتكي بتحفظ ولكن وصلت الحالة بهما الي خصام وهجر مؤقت حينما معط الحاكم شعر الديمقراطيين وكان ذلك في انتخابات الدور الثاني فلم يراع ان زوجته التي تقف معه دائما ديمقراطية ..! ورغم ما حدث فهي ما زالت تجمل وجه زوجها بنشاطات مكثفة في المجالات الانسانية ومؤتمرات المراة وما يهم اطفال كاليفورنيا و لقاءات مع شخصيات روحية كالدالاي لاما ..
حاولت ان اتصور الوضع لو كانت هي الزوجة المرشحة وهو الزوج السند ؟؟ هل كان سيتجاوز جمهوريته و يقف مع زوجته الديمقراطية دون تحفظ كما فعلت ؟؟؟

Quote: فخامة الرئيس...معاليٌ الوزير...زوجيٌ العزيز

انشالله تبقي انتي الرئيس أو رئيسة الوزراء زي ( بي نظير) والممكون يبقى (آصف يزدري).
حاتلقي الدايراهو كُلُّو.

قال فخامه قال.

Quote: 4-بيديك -مرات- هداياء (من غير مناسبة)؟

إياكم و الهدايا – التي تبدو – بدون مناسبة .. و توجسوا منها!!

قلت ليك أسمعي كلامي وفكري في الرئاسه انت ذاتك ، يمكن تعيدي لينا أمجاد الكنداكه.

Quote: لووول دي زوجه كارثه . بيكون جضمها بعد نهايه الحلقه

بالعكس يا دومة ... أكيد الجضيم كان حاصل قبل بداية الحلقة .. بزمن!

ممكونة

موضوع جميل

Quote: من أجل حياة زوجية أساسها الصدق و الصراحة.. و من أجل حياة عائلية أفضل... أُرشح زوجي الممكون...للإنتخابات الرئاسية القادمة!!!

بس الرئاسة دي وين؟

كان رئاسة جمهورية السودان الترابه في خشمك

أخير منها الزول يبقى مواطن عااااااااااااااادي

ممكونة

Quote: لذلك كله.. أرجووووكم... صوٌتوا...ل زوجنا الممكون

أنا غايتو إلى الآن ما شفت لي مسئول سوداني مع زوجتو في مناسبات عامة إلا فيما ندر ( الرئيس و إحدى زوجاته ) ..
الوزراء و وكلائهم و الولاة ..
و البيكون مع زوجتو .. كأنو ما زوجتو .. لا بعاين .. لا بيبتسم .. ( تقولي لي قبلة في الجبين ) ..
السوداني عموماً تلقيهو في السوق سابق زوجتو بمية خطوة .. و مرة مرة يتلفت يعاين ليها و يديها إشارة معناها ( أمشي قوام ) ..

غايتو لو الممكون بيلتزم بشروطك ديك .. أنا و كل من يعز علينا حنصوت ليهو

اختنا العزيزة ممكونة

اولا اشكرك على ازاحتنا من هموم السياسه بنفحة جميلة نحو

الطرف الاخر والمدام واحترام الاخر.

انا مع اخونا ابو جهينه فى قوله:-


(غايتو لو الممكون بيلتزم بشروطك ديك .. أنا و كل من يعز علينا حنصوت ليهو)


المهم يدينا الضمان بعد ما يكون الرئيس ما يعمل زى برلوسكونى وكلنتون


اها الان اصبحنا اثنين والبعزوا علينا كتار يعنى زوجك حيفوز لا محالة.


تحياتـــــــــــــى


ســــــــــــــــيد

Quote: عشان كده بدل تكوني زوجة رئيس، نحن نرشحك إنتي زاتك تكوني رئيسة (طبعاً بعد موافقة زوجك الممكون).

العوض الطيب..
شكراً على ثقتك في مُرشحتكم الرئاسية القادمة..
أنا بس منتظرة هيلاري كلينتون تفوز...و أشوف بيل كلينتون ح يعمل شنو..
ح يمشي وراها؟
ح يدعمها ؟
ح يشد من أزرها ؟
أم...
ح يتفرغ للمتدربات؟

حتى بعد داك أترشح..
بدل ما أستعجل...و أتشرشح !!!

Quote: دي زوجه كارثه . بيكون جضمها بعد نهايه الحلقه

الحبيبة..دوما..
بالعكس يا دوما..دي زوجة رفضت الإهتمام و التملق و النفاق القدام الإعلام..و كانت صادقة مع نفسها و مع من حولها...
لو أدرك هذا الباراك أهمية دورها..لإختلفت طريقته معها و مع بناتها..لكن it was too late ...ما في القلب..في القلب.
سيكون لسان حال منتخبيه..و حتى معارضيه..
كيف أعطي صوتي..لمن فشل في إسعاد زوجة..و طفلتين..!!؟؟

Quote: the only woman could be like that is only yes only is the first woman and the mother of nation mama rabica nyandeng D. mabior May god bless her and all of our nation Amen

Dear Albino
I can't agree more. Rebecca is one of the greatest women in Sudan's history.
click here to read what i previously wrote about her....

يا لحزنك النبيل..يا ريبيكا

العزيزة ممكونة

Quote: عشان كده بدل تكوني زوجة رئيس، نحن نرشحك إنتي زاتك تكوني رئيسة (طبعاً بعد موافقة زوجك الممكون).

أنا شخصياً من أنصار الكوت أعلاه، بس حتكون في مشكلة ما عارف أسميها دبلوماسية والا عندها إسم تاني ...

في الحالة دي الممكون حيكون شنو؟ ((السيد الأول))؟؟؟؟؟ لأنو راجل فخامة الرئيسة دي حتكون زي (راجل المرا)

يا ممكونة
امبارح القريبة
صاحبنا حكى قال
في زول كدا معروف
قاعد في جلسة معاه ناس وزوجته قاعدة جابو سيرة زول
قاليهم والله الزول دا مرتي دي تفهم هو ما يفهم...

اها اسع دحين اسحبي الترشيح دا
لانه في السودان الراجل الضاافر مرتو هو البفوز
يقولو افو هو مرتو ما قادر عليها يجي يقدر يبقى رئيس..
اها عشان الممكون يفوز ويظهر يصورة الضافر,,
يقوليهم الكلام دا بسيط جدا على بالطلاق ممكونة دي تفهمو..

مودتي ليك وللممكون والمكيمين

سمارت انا..
سلامات
عايزة اقوليك حليت موضوع الريموت اشتريت لي واحد..

خدر..
شكراً على مشاركتك..
لكن عندي سؤال..

صورتك دي قبل الإنتخابات..و لا..بعديها..؟؟!!!

Quote: mamkouna سلامات شكرا على البوست اللذيذ و انا على استعداد كامل ان ارشح زوجك الممكون .....بس بشرط تدينا ادله على اخلاصه العائلى ...وانه زوج و اب مخلص... يعنى... 1- بيتزكر عيد زواجكم , اعياد ميلادالاولاد و عيد ميلادك؟ 2-لما تكونوا قاعدين تتفرجوا فى التلفزيون ...قاعد يخليك تشيلى الرموت كنترول؟؟ 3- بيحب يحوم معاك فى السوق؟ 4-بيديك -مرات- هداياء (من غير مناسبة)؟ 5-بيساعد فى اعمال البيت ..غسيل عده ....ترتيب البيت ؟؟؟ 6- اذا لم يعرف المكان اللى ماشى ليه ..ممكن يوقف العربيه و يسال عن الوصف ؟؟ اها ...قلتى شنو ؟؟؟

سمارت..إنتَ
أخاف أجاوب على أي من الأسئلة الفاتت دي..
الراجل يسقط في الإنتخابات..!!!!
لكن بصراحة و جد جد..
السؤال رقم ستة..جد حيٌرني..
عمري دا كلو قايلاها مشكلة شخصية...
أتاريها..جلوبال..!!!

Quote: الاخت / ممكونه شكرا على هذا البوست الجميل والخفيف على النفس .. استمتعت به كثيرا ... بس عندى سؤال يحتاج لاجابةوهواذا كان للرئيس زوجتين ... واختلفتا فى شئ يهم الرئبس او الدولة لايهما يسمع او يستجيب ... الاولى ام الثاتية ؟

دكتور أحمد القرشي..
نوٌر البوست...و حروف البوست..

بالنسبة لسؤالك العجيب..
الإجابة الأولى هي:
يُقسِم الوزارات إلى كومين..
كل واحدة مسئولة عن كوم..
على أن لا تتدخل أي واحدة في كوم الأخرى..
و يتم توزيع الأكوام بالقرعة.

الإجابة الثانية هي :
في الحالات الطارئة..
عليه أن يستمع إلى رأيهما معاً ثم يعمل..
يا إيدي..شيليني..
خُتيني..وديني ...
لي بيت الله العاجبني.

مُش لازم يعدل..؟؟!!!

ممكونة الحنونة !!!

سامحيني على التأخير أصلي كنت عاملة حملة إنتخابية عشان المحروس زوجك العزيز يفوز قالو المنافسين

كتار لكن بيني وبينك هو فايز فايز عشان واحد إنت نصفه الآخر لا يمكن يفشل ,, وبعدين يعني إنت حتكوني

السيدة الأولى وتقومي تعتزلي المنبر والحياة العامة ولو عايزين نشوفك لازم بموعد مسبق وحرس وتفتيش

شنط وترك موبايلات في الباب ؟؟ لا يا ممكونة خليكي مواطنة عادية كدة أحسن لينا ولا شنو ياستنا الأولى

والأخيرة ,, يا اخواني أن في علم ولا عم بحلم ؟

Quote: الاصرار علي تسيير الحياة العامة بشرييك واحد -او غلبة له-اضر بمجتمعاتنا كثيرا فصارت مجتمعات معاقة...حياة خاصة وعامة خلقت لشريكيين لا يستقييم ان تكون متوازية مزدهرة بتحكم شريك واحد في جملة اركانها ...هذه قناعة شخصية وليس تحيزا والمهم ان يقتنع الرجال

الأخ العزيز..أبو بكر..
تعجبني دايماً أفكارك و آراءك الجندرية الحُرة و التى إن دلٌت على شيء فقد دلٌت على سعة أُفقك و إكتمال ثقتك ب نفسك..
فأنا أؤمن - تماماً- بأن من يحاول تحجيم المرأة..يخاف أن تفوقه حجماً !

إحترامي و أشواقي و فائق مودتي العميقة لك.
--------------------------
عشان رأيك المقتبس أعلاه..
تمٌ تعيينك المستشار الخاص لرئيسة الجمهورية!

Quote: تمٌ تعيينك المستشار الخاص لرئيسة الجمهورية!

شكرا ممكونة وانا احترم ارائك ومداخلاتك الواعية كثيرا ومعجب بتنوع معارفك وانسانية خطابك ... وظيفة مستشار لرئس جمهورية ( في زمن المجتمع اياه) زي مساعد الياي في العربية يعني المستشار ما ممكن يترقي ويبقي رئيس جمهورية ومساعد الياي ياهو مساعد ياي حتي بعد يودو العربية الاسكراب يارد ...ولكن طالما بقت " رئيسة جمهورية" نقبل ممتنيين .. حد لاقي يبقي مستشار كنداكة ؟ ....

مودتي

ابوبكر

Quote: قلت ليك أسمعي كلامي وفكري في الرئاسه انت ذاتك ، يمكن تعيدي لينا أمجاد الكنداكه.

مرتضى..
صرٌُحت هيلاري كلينتون..بأنها لمن تغضب من زوجها - و كان حينها رئيس أقوى دولة في العالم -
كانت لا تسمح له بالنوم في غرفته...فينام - المسكين - على أريكة في غرفة الإستقبال!!!

قبل ما تقول لي... ما دا الخلاهو يطارد المتدربات..!!
أقول ليك : سوٌت كدا و هي سيدة أولى..
فماذا تتوقع منها لمن تبقى الرئيسة؟؟؟

حكمة العدد:
في داخل كل زوجة...كنداكة !!!

Quote: أقول ليك : سوٌت كدا و هي سيدة أولى.. فماذا تتوقع منها لمن تبقى الرئيسة؟؟؟

عزيزتي ممكونة

"كل نفس بما كسبت رهينة " وهو بدع .. يقول ماشي الشغل وجوا البيت وعلي خطوات منها سوي بلاوي مع مونيكا ...خليها تختو في قفص جنب باب البيت دة ذاتو بعدما تبقي رئسة ... الكنداكة اماني ريناس زعلت لاهانة الرومان للاسرة الرابعةوالعشرون الفرعونية والتي شاركت المملكة النوبية الديانة فمشت مئات الاميال تقود الجيش مع اولادها لحدما وصلت قصر ابريم وهزمت البيزنطة وخلت قائدهم يسجد ليها

Quote: ...The "Candake 'candace': "The Nubian Woman who got the Roman Emperor to his KNEES!" "Marching at the head of her army, Amanirenas reached the strategic city of Qasr Ibrim, south of the Egyptian city of Aswan. There she confronted the Roman general Petronius, who told her that Emperor Augustus was willing to lay aside the arms if Amanirenas would negotiate a settlement with him. The Candake agree. She sent her ambassadors to the Greek Island of Samos to meet with the representatives of Rome. The Roman historian Strabo records the results of the meeting with these words: The meroitic Ambassadors obtained everything for which they asked. ANd the Roman Emperor even remitted the taxes that he had levied on the region abubakr sidahmed http://thenubian.net

.


اها يا راييل ( رجال كما يقول الاعراب ) الشغلة ما هي هينة فديرو بالكم زين !!!"

Quote: إياكم و الهدايا – التي تبدو – بدون مناسبة .. و توجسوا منها!!

شظايا:-

خُذوا الحكمةَ من أفواهِ...المتخصصين...!!!

إنعام عبد الحفيظ..
نوٌرتي البوست..
في إنتظار صوتك..
عشان ديل ..!!

Quote: و البيكون مع زوجتو .. كأنو ما زوجتو .. لا بعاين .. لا بيبتسم .. ( تقولي لي قبلة في الجبين ) .. السوداني عموماً تلقيهو في السوق سابق زوجتو بمية خطوة .. و مرة مرة يتلفت يعاين ليها و يديها إشارة معناها ( أمشي قوام ) .. غايتو لو الممكون بيلتزم بشروطك ديك .. أنا و كل من يعز علينا حنصوت ليهو

أستاذنا الكبير جلال نفيسة..أبو جهينة..
محمد منير قال..(( لو بطٌلنا نحلم..نموت ))..
خلينا نحلم إنو كل بسمة ..وكل قُبلة...و كل حركة و سكَنَة..
بتساوي كذا من الأصوات الإنتخابية...
و نحن راضين ب قسمتنا!!!

Quote: اها الان اصبحنا اثنين والبعزوا علينا كتار يعنى زوجك حيفوز لا محالة.

شكراً على صوتك الثمين يا سيد محمد أحمد سيدنا..
و ليك عليٌ أول ما أبقى السيدة الأولى..
بجازف ليك وزارة..
و لا بالعدم..
سفارة!!!

الفايتنها بالصبر .. أختى الصديقة ممكونه

وأنا بدورى أرشح حرمنا المصون لرئاسة أى بلد أو منظمة أو مؤسسه ..

عسى ولعل ننال من الإهتمام والقدح القدر الذى نستاهل ..

الشوام عندهم مثل بقولوا فيه ( إنت كريم وأنا بستاهل ) ..

نبحث عن الصفة الأولى فى الحكومات لأن الثانية موجوده فينا ولله الحمد..

إنت ياممكونه بتجيبى الأفكار دى من وين .. بالطريقة دى بنبيت الليله فى الشارع ..

مودتى والشوق

عزيز

Quote: في الحالة دي الممكون حيكون شنو؟ ((السيد الأول))؟؟؟؟؟ لأنو راجل فخامة الرئيسة دي حتكون زي (راجل المرا)

أبو العزائم أبو الريش..
في الحالة دي سيحمل الممكون لقب..
(( السيد الأفضل ))
و لا..يا ربي..أحسن يكون
(( السيد الأفضل..و الحلو حلا )) ؟!!

Quote: لانه في السودان الراجل الضاافر مرتو هو البفوز يقولو افو هو مرتو ما قادر عليها يجي يقدر يبقى رئيس.. اها عشان الممكون يفوز ويظهر يصورة الضافر,, يقوليهم الكلام دا بسيط جدا على بالطلاق ممكونة دي تفهمو..

تعرفي يا بيان..إنتي أثرتي نقطة مهمة جداً جداً
و هي حكاية الراجل قوي الشخصية و قوي الشكيمة..الضافر مرتو..!
و عندي هنا قصة حقيقية..

سيدة كبيرة في السن بيسألوا فيها عن ولدها و بتها الإتزوجوا حديثاً..
قالت ليهم بتي ما شاء الله عليها..راجلها مدلعها و ما مخليها محتاجة ل حاجة..الكلمة كلمتها..و الشورة..شورتها...و بتي ما شاء الله..عقلها يوزن بلد!
لكن..
ولدي الله يكون في عونو..مرتو قادرة و قليلة أدب..عقلها صغير و فارغة..دايرة و دايرة و دايرة..محشورة في كل صغيرة و كبيرة .. باين عليهو ما قادر يضفرها!!!!

أها دحين يا بيان يا ختي..
الضافر منو..و المضفور منو؟؟!!

Quote: وبعدين يعني إنت حتكوني السيدة الأولى وتقومي تعتزلي المنبر والحياة العامة ولو عايزين نشوفك لازم بموعد مسبق وحرس وتفتيش شنط وترك موبايلات في الباب ؟؟

ما تشيلي هم يا عطوفة..
إنتي بالذات تدخلي من غير إستئذان...
مُش إنتي وزيرة الثقافة و الإعلام ؟؟!!

Quote: وظيفة مستشار لرئس جمهورية ( في زمن المجتمع اياه) زي مساعد الياي في العربية يعني المستشار ما ممكن يترقي ويبقي رئيس جمهورية ومساعد الياي ياهو مساعد ياي حتي بعد يودو العربية الاسكراب يارد ...ولكن طالما بقت " رئيسة جمهورية" نقبل ممتنيين .. حد لاقي يبقي مستشار كنداكة ؟

باشمهندسنا أبو بكر..
تبرَى إنتَ من مساعد الياي.
و عشان ما تزعل و لا تفقد الأمل..
ح يتم تعيينك النائب الأول لرئيسة الجمهورية..
و إحتمال لو ممكوني إلتزم بكل معاني الأسرة الجميلة من صراحة و وضوح..و تفاني و إلتزام عائلي..
أتنحى ليك عن السُلطة!
و لو سألتني..ليه؟؟
ح أقول ليك..
حياتي من غير ممكوني..سَلَطَة ؟؟!!!

الرئيسة ممكونة

اوعك تفكري تتنحي عن السلطة وحتي السلطة لجنس الرجال .. انتي ما سمعتي " يامؤمن الرجال يا مؤمن المية في الغربال".. الكلام دة ما اتقال ساكت دي نتيجة تجربة طويلة ومريرة .... اها الدرب فتحتو ولاء برئاسة الاتحاد العتيد وانا متظر رائاستك الكبيرة واخونا ممكون يتشرف "بزوج الرئيسة" ..وبعدين مش عيب بلد الكنداكات ما تكون الرئاسة ليهن ويستولي عليها "سي سيد" جورا ...مافي جنس راجل يكون في الدرجات الاولي ولا وزير دولة ولا وكيل ولا مدير عام ولا قائد شرطة ولا جيش ...دييل يوم ما يقعدو في كرسي الرئاسة بينسوا شريكاتم وتلقي الواحد علي طول نسي بت عمو المستحملاهو سنيين و اتزوج تانية نص عمرو او بقي يشمشم زي زولك الايطالي او يسوي الشينة زي كلينتون ...اساليني انا من جنسهم وعارفهم اي واحد منهم نمرود يرتاح شوية وتلقاهو احر بصبصة ورسائل غرام وكلام حلو ووعود "عراقيب" ...؟؟ كونك الرئيسة شغليهم خدمة الزامية حتي العمرو فوق التسعيين .ما يضوقو الراحة ...الراحة دي الخلتم يتنمردوا ويفتكرو انهم نمرة واحد ...ويحلفو ساكت وكمان اي واحد يجيب "علي الطلاق" في خشمو ساكت اقطعي ليهو لساني بشان يشتغل بانتوميم بس ...
تسقط دول "سي سيد "؟؟
وانا حياتي من غيرها طبيخ اورديحي ( دي بس شوفي ليكي واحدة مصرية او عاشت في مصر بشان تعرفيها لو لسه ما عارفاها )

انا برشحك انتي ممكونة شخصيا

اصلوا من الاستقلال جاء ما ادونا فرصة

نجربك اكان تتحلحل مشاكلنا

وممكون بضيفوا عضو في W H O

منظمة الازواج الحكماء لانو قادر يقعد وهو ممكون

لا جاب ليك مثني ولا رباع

وعاشت ممكونة سيدة الممكونات وصابرات و مثابرات

شكراً على ترشيحك و صوتك يا سودانية 2000
أحسن ليك وزارة الصحة....
ولا..

الدفاع..!!!

Quote: الفايتنها بالصبر .. أختى الصديقة ممكونه وأنا بدورى أرشح حرمنا المصون لرئاسة أى بلد أو منظمة أو مؤسسه .. عسى ولعل ننال من الإهتمام والقدح القدر الذى نستاهل .. الشوام عندهم مثل بقولوا فيه ( إنت كريم وأنا بستاهل ) .. نبحث عن الصفة الأولى فى الحكومات لأن الثانية موجوده فينا ولله الحمد.. إنت ياممكونه بتجيبى الأفكار دى من وين .. بالطريقة دى بنبيت الليله فى الشارع .. مودتى والشوق عزيز

عزيز دنيانا..أبو رزين..السمح و الزين..
من الصباح بفتش في البوست الإنت بتاوق فيهو من الباب على هامش معرض السيدة الفُضلى حرمكم قبل كم سنة...عشان أجعله شعار حملتي...تحت عنوان (( وراء كل عظيمة..عزيز ))!!
http://sudaniyat.net/forum/viewtopic.php?t=2508&postday...ostorder=asc&start=0

تسلم يا موسيقارنا على دعمك المعنوي..
و من حسي أديناك...وزارة الشباب و الرياضة!!!

* التعديل لإضافة لنك البوست إياه!!
و نشر شعار الحملة الإنتخابية!!!

كتبت قبل شهر من اليوم:

Quote: و في فرنسا ...ترسم الخطب السياسية وتعليقات كل مرشح... خطوط أوضح لملامح رئيس فرنسا القادم ولكن الحياة العائلية للمرشح قد تلعب دوراً أكبر. فقد إنتبه المرشح 'نيكولا ساركوزي' لأهمية الحياة العائلية للوصول الي السلطة و أيقن ان الفرنسيين لن يفتحوا باب الاليزيه لشخص بمفرده فبادر بعمل كل اللازم حتي تعود زوجته سيسليا اليه بعد ان كانت قد هجرته وذهبت لآخر ...!!! وفي نفس الوقت نفي انه علي علاقة بصحفية تعمل في جريدة الفيجارو. وكل ذلك ليحتفظ بصورة رب الاسرة والزوج التي يمكن ان تخدم المرشح الذي يدعي انه مرشح 'الشرفاء'.

التحية للرئيس الفرنسي الجديد نيكولا ساركوزي ..

اللي عرف يلعبها صاح!!!
http://news.bbc.co.uk/hi/arabic/world_news/newsid_6627000/6627611.stm