Post: #1
Title: استمع...المرحوم على المك يرثى المرحوم عبد العزيز محمد داؤود
Author: Adil Osman
Date: 06-17-2003, 08:49 AM
Parent: #0
تحياتى اخوتى و اخواتى
هنالك ناس رحلوا عن دنيانا و لكن اعمالهم و ابداعاتهم سوف تعيش الى الأبد و من هؤلاء البروفيسور على المك و الأستاذ عبد العزيز داؤود
فى الوصلة التالية تسجيل صوتى نادر نقلته من موقع الفنان ابو داؤود على الأنترنيت و الشكر فى هذا المقام لصاحب فكرة الموقع فهو مساهمة كبيرة فى حفظ ثقافاتنا و تراثاتنا السودانية
http://www.abudawoud.com/marthia
|
Post: #2
Title: Re: استمع...المرحوم على المك يرثى المرحوم عبد العزيز محمد داؤود
Author: Agab Alfaya
Date: 06-17-2003, 10:27 AM
Parent: #1
الاخ عادل وين انت شفقتنا عليك
شكرا ليك علي اهدائنا هذا التسجيل النادر
ورحم الله التوامين
وعلي المك طبعامن الاصوات العجيبة
|
Post: #4
Title: Re: استمع...المرحوم على المك يرثى المرحوم عبد العزيز محمد داؤود
Author: Adil Osman
Date: 06-17-2003, 10:58 AM
Parent: #2
تحياتى يا عبد المنعم
و شكرآ لسؤالك عنى
لقد كنت مشغولآ الفترة الماضية و لا زلت
و لكننى أتابع المنتدى حين يتوفر الوقت
لا على المك و لا ابو داؤود يمكن تعويضهما و لكن هكذا هى الحياة كتاب مفتوح على الموت
القابع فى احشائها و على الحزن المضفور مع سعف افراحها
علينا أن نحفظ ذكراهما بأن نتمثّل سيرة حياتهما كيف جعلاها مفيدة لمن حولهم رغم الظروف المعاكسة
|
Post: #3
Title: Re: استمع...المرحوم على المك يرثى المرحوم عبد العزيز محمد داؤود
Author: Yasir Elsharif
Date: 06-17-2003, 10:53 AM
Parent: #1
شكرا يا عادل
لدي تسجيل نادر موجود في شريط فيديو سجل عام 1986 للدكتور الراحل علي المك في مناسبة الذكرى الأولى لمقتل الأستاذ محمود محمد طه.. وقد كانت أول مرة لي استمع له وأراه على الطبيعة..
أرجو أن تتاح لي الفرصة في إذاعة تلك الكلمة الرصينة في يوم من الأيام..
رحم الله علي المك ورحم الله عبد العزيز محمد داوود.. وأذكر أنني قمت بمحاولة في علاج الأستاذ عبد العزيز محمد داوود في رحلته إلى الأبيض مع النميري، ولكن لم يلبث ان وافاه الأجل بعد أن وصل إلى الخرطوم وزادت عليه العلة..
شكرا على الوصلة كلها ..
ياسر
|
Post: #5
Title: Re: استمع...المرحوم على المك يرثى المرحوم عبد العزيز محمد داؤود
Author: tmbis
Date: 06-17-2003, 11:10 AM
Parent: #3
سلامات
يا عادل عثمان
من فترة طويلة وانا بفتش في اي مدخل في المواقع السودانية ل اي عمل للراحل علي المك صوتيا ،،وما عارف انو ممكن يكون قريب كده
علي العموم انا بعتبر العمل ده مقصود بيهو انا أو بي طريقة تانية ممكن تديني البوست ده ؟؟؟بي الناس الفيهو ديل
وبالمناسبة املك شريط نادر من مكتبة الاذاعة السودانية من برنامج الراحل علي المك
من اركان الدنيا ومليان جدا بالاعمال الادبية البتستحق الدهشة
شريط الكاسيت محتاج لي معالجة بسيطه
اول ما انجزه ..بنزل المادة هنا ده
ممكن تعتبره هدية متواضعه ...بترضي ؟؟؟
الله يرحم الثنائي ابوداؤؤد وعلي المك
وشكرا يا عادل
بالمناسبة حاولته احفظه علي الجهاز ما قدرته الحاصل شنو ؟؟؟
|
Post: #6
Title: Re: استمع...المرحوم على المك يرثى المرحوم عبد العزيز محمد داؤود
Author: DKEEN
Date: 06-17-2003, 12:28 PM
Parent: #1
ست شعرات بيضاوات ظهرن في راسها مثل الوباء
قلت اداعبها
انظري مليئا فقد يكن تسعا
غضبت وحملت معها الورد والكستناء واشجار الرمان
*****
من مقتنيات علي المك رحمه الله
ياخي ما تزيدنا
يا طيب
|
Post: #7
Title: Re: استمع...المرحوم على المك يرثى المرحوم عبد العزيز محمد داؤود
Author: haneena
Date: 06-17-2003, 12:42 PM
Parent: #6
الأخ عادل
سلام
شكرآ علي صوت علي المك الرخيم و المتميز
اللة يديك العافية
حنينة
|
Post: #8
Title: Re: استمع...المرحوم على المك يرثى المرحوم عبد العزيز محمد داؤود
Author: Adil Osman
Date: 06-18-2003, 01:47 PM
Parent: #7
ياسر الشريف تحياتى
ــــــــــــــــ
يا ريت لو تمكنت من انزال كلام المرحوم على المك عن شهيد الفكر و الحرية الأستاذ محمود محمد طه و هاك هذه الفقرة من مرثية ابو داؤود التى كتبها على المك و نشرتها جامعة الخرطوم عام 1989
" ... جلست أنظر اليه ، لم اكن اعلم انى اشهد طرفآ من ساعاته الأخيرات ، و هو جالس امامى ، صدره يعلو سريعآ و يهبط سريعآ ، اردت ان اقول له اننى لم اكن مقتنعآ بسفره للأبيض ، لأنه كان مريضآ بحمى وبيلة ، عرفت حدتها حين جعلت يدى على جبينه ، اصرت عايدة عبد العزيز ألا اترك اباها يسافر للأبيض ، كانت قلقة ليلتئذ و قد زايلها مرح معهود فى اسرة ربها و اتسم بالمرح ، حدثتنى ماجدة عبد العزيز مرّة ان والدها قال لها نكتة يبدو انه الفها فى حينه ، قال: يا ماجدة سمعتى بالجدادة الأستضافوها فى الاذاعة؟ قالت ماجدة لأ ، قال : اكمل ليك قصة الجدادة دخلت الاستديو ، و بعدين كالعادة شكرت الاذاعة على اتاحة الفرصة ، و اتكلمت عن مزارع الدواجن ، و الاوبئة ، و حياة الجداد فى البيوت ايام زمان ، و اتكلمت كويس ، و بعدين المذيع كالعادة قال ليها تحبى تسمعى اغنية شنو؟ الجدادة ما اتلفتت قالت احب استمع لاغنية : فى الليلة ديك!! "
تمبس
ــــــــ
البوست هولك فأنت بعض من روح أمدرمان المدينة التى كانت من تراب
دكين
ــــــ
شكرآ ياخى و يبدو ان مكتبتك فيها بعض كتابات على المك ، انزل لنا منها ما تيسّر
حنينة
ـــــــ
شكرآ على استماعك للبروف ، و يا بختك سوف تسعدين بلقاء الاستاذة تماضر فى قلب عاصمة الضباب و الصيف المراوغ ، شوفى الجو قلب كيفن
|
Post: #9
Title: Re: استمع...المرحوم على المك يرثى المرحوم عبد العزيز محمد داؤود
Author: Agab Alfaya
Date: 08-30-2003, 05:29 AM
Parent: #1
up
|
Post: #10
Title: Re: استمع...المرحوم على المك يرثى المرحوم عبد العزيز محمد داؤود
Author: بلدى يا حبوب
Date: 08-31-2003, 07:17 PM
Parent: #1
عادل
تشكر يا امير
التسجيل رائع اما الموقع فأعتبره هدية للبورداب
تحاتى
|
|