Post: #1
Title: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-14-2002, 11:31 AM
Parent: #0
عشان ماتقولوا ابوحراز غشانا
ترا المصيبة دي رغم جمالها بتعضي
ودوها مرة مستوصف عند أهل العوض
والجماعة كانوا منبهرين بالعلم والجمال المتقطر اصيلاً وذهباً
اها بجوها بالصف
واحد طراش 00 واحد وجع ضهر 00 واحد منزول
واحد مرتو داقاهو وجسمو كلو مكعكع
اها بتدي الواحد الدواء
كان شراب او حبوب
وبتوريهو طريقة الوصفة
اها الراجل بجي تاني داخل وبسألها
اها يادكتورة
قلتي حبة بعد الفطور وحبة بعد الغداء وحبة بعد العشاء
تقول ليهو ايوة زي ماقلت ليك
يطلع ويجيها تاني
اها يادكتورة كان مالقيت عشاء في البيت أبلع الحبة وللا أخليها لحد الصباح
طبعاً الدكتورة بتضايق ومابتستحمل الأسئلة الكتيرة دي
بتقوم تقول ليهو تعال قريب هنا
اول مايجي بتديهو عضة في رقبتو
وبتقول ليهو
انا اديتك الحبوب عاوزني اجيب ليك العشاء برضو
انشاء الله تاكل السم
انقلع من قدامي
أها شغالة تعتعض وتخربش بالطريقة دي
أهل العوض العض كتر عليهم ومشوا اشتكوها لوزير الصحة
قام الوزير ارسل مفتش عشان يتحرى في الموضوع
المفتش جاء داخل عليها وعرفها بي نفسو
وماقال ليها الجماعة اشتكوا من عضك الكتير
لكن كان خايف زح كرسيهو بعيد منها
اها جوك ناس الملاريا داخلين
والفانسيدار والكلوركين ما يديك الدرب
اها تدي الواحد الدواء
بعد شوية يجيها راجع تاني
اقول : يا الدكتورة : كان بلعت حبتين مع بعض بتجيني حاجة
الدكتورة طولت بالها قدام المفتش
وبدأت تقول ليهم 00 لالالا 00 زي ماقلت ليك حبة واحدة
جاها واحد قال ليها : والله امس الناموس ماخلانا نمنا
قالت ليهو : ممكن تجيب ليك ناموسية مشبعة وبتنوم انشاء الله
دخل واحد تاني قال ليها : والله يادكتورة امس نسيت بلعت الحبة قبل الأكل 00 ابلع واحدة تاني بعد الأكل ؟؟
قالت ليهو خلاص 00 لكن افضل بعد الأكل
اها المفتش تضايق شديد من اسئلة الجماعة
وقام قال ليها
يادكتورة هووووووووي
عاوزة تعضي الناس ديل وللا اقوم اعضيهم ليك انا
|
Post: #2
Title: Re: ياجماعة هوووووووي 00 الدكتورة الكانت عاوزة عريس بتعضي
Author: Ahlalawad
Date: 12-14-2002, 11:42 AM
Parent: #1
خسارة لاكين
والله أنا حاري ليها عريس ... يجنن
|
Post: #3
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-14-2002, 11:56 AM
Parent: #2
تستاهل
بركة الخوفتك
من زمان مجنني بيها
اها بقيت تفتش ليها في عريس تاني
|
Post: #7
Title: Re: ياجماعة هوووووووي 00 الدكتورة الكانت عاوزة عريس بتعضي
Author: manubia
Date: 12-14-2002, 12:02 PM
Parent: #3
يا ابوحراز يا ابوحراز ياخي دي دكتورة ولا حبوبة،نقول( دل،بضم الدال)يعني ولا شنو
|
Post: #8
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-14-2002, 12:04 PM
Parent: #7
منوبيا
العض دا الا عند الحبوبات ياجماعة
انا لو كنت مكانها كان برضو حا أعضي
|
Post: #4
Title: Re: ياجماعة هوووووووي 00 الدكتورة الكانت عاوزة عريس بتعضي
Author: Ahlalawad
Date: 12-14-2002, 11:59 AM
Parent: #1
بس انت ما لاحظت كلمة يجنن
|
Post: #5
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-14-2002, 12:02 PM
Parent: #4
يجنن دي على وزن يعضي اكيد
كيف انت برضو بتعضي ؟؟
|
Post: #10
Title: Re: ياجماعة هوووووووي 00 الدكتورة الكانت عاوزة عريس بتعضي
Author: Al-Masafaa
Date: 12-14-2002, 12:11 PM
Parent: #4
يا ابحراز كل سنة و انت طيب
صدقني دكتورتك دي اكان ما فيها ان ما كان جليتها و فكيتها فينا عكس الهواء و كمان جابت ليها عضعضة اعمل حساب جضومك ديل ما يقرشوهن ليك و خفف الشروط عشان تكتر الزبائن خليك تفتيحة
|
Post: #6
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ود شاموق
Date: 12-14-2002, 12:02 PM
Parent: #1
جابت لها عض كمان ؟
هو بلا عض يالله ويا آمين
أبينااااااااااااااا
|
Post: #9
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-14-2002, 12:07 PM
Parent: #6
ودشاموق
يعني كنت مروس على الدكتورة وخوفتكم بي حكاية العضة دي
مشي حالك يا ود شاموق
خطيبتي بتعضي وبرضو انا متمسك بيها
|
Post: #11
Title: Re: ياجماعة هوووووووي 00 الدكتورة الكانت عاوزة عريس بتعضي
Author: قرشـــو
Date: 12-14-2002, 12:19 PM
Parent: #9
ابوحراز
ياخوى بتعضى بتعضى نحن رضيانين انت مالك حارق رزك
وكندا قررررررربت
خليها التعضى ياخى
|
Post: #12
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-14-2002, 12:26 PM
Parent: #11
قرشو
الله يجازيك
والله انت بي طريقتك دي أظن كان نبحت فيك مافي طريقة تخليها
قلت اشوف ليك طريقة اطفشكم بيها
جاريين كلكم وراها
المسافا
كل سنة وانت طيب
اها مع العضة دي كيف
برضو الشروط مش جميلة كدا؟
|
Post: #13
Title: Re: ياجماعة هوووووووي 00 الدكتورة الكانت عاوزة عريس بتعضي
Author: bint algazeira
Date: 12-14-2002, 12:40 PM
Parent: #12
ابو حراااز
جننت الدكتوره جن
اول مره شكرتها وماخليت ليها شئ جميل ماوصفتو بيها
هسي جيت تقول بتعضي
تكون بس اتغظت عشان الخطاب كترو عليها وعايز تطفشهم منها
قال تعضي قال
مالها مجنونه ولا مجنونه
|
Post: #14
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-14-2002, 04:26 PM
Parent: #13
تب الجزيرة هوووي
انتي براك مش قلتي لي هي بتعضي
نسيتي وللا شنو ؟؟؟
|
Post: #15
Title: Re: ياجماعة هوووووووي 00 الدكتورة الكانت عاوزة عريس بتعضي
Author: garjah
Date: 12-14-2002, 04:34 PM
Parent: #14
قال بتعضي قال
العضة الـ.................................قول امين
|
Post: #17
Title: Re: ياجماعة هوووووووي 00 الدكتورة الكانت عاوزة عريس بتعضي
Author: مهاجر
Date: 12-14-2002, 05:05 PM
Parent: #15
يا ابوحراز
دي تلويشة منك يا فردة وكفاية للفة الطويلة
هي بتعضي وعاوزة كندا وامريكا
ياخي شتت
دي ما دكتورة .......... دي خليها مرة تانية........
|
Post: #20
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-14-2002, 11:25 PM
Parent: #17
مهاجر
قال شتت قال
العض مرات كويس
بس امشي كندا
وبعداك يحصل خير
|
Post: #19
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-14-2002, 11:23 PM
Parent: #15
والله ياقرجة بي قرجتك ديتطفش الدكتورات كلهن منك
بعدين واحدة معانا في البورد
بتسأل من صورتك
قلت ليها والله أحسن ماتشوفيهو
كانت عاوزة تشوفك في صور بورداب جدة
|
Post: #16
Title: Re: ياجماعة هوووووووي 00 الدكتورة الكانت عاوزة عريس بتعضي
Author: الجعلي
Date: 12-14-2002, 05:05 PM
Parent: #1
الرائع ابوحراز
اسمع ياخوي النقول ليك
شفت دكتورتك دي كان بتعضي ،،، كان يتقرص ،،،، كان بتطقع
برضو دايرنها
وكلو علاجو في العضيض ،، القريص ،، الطقيع
كلو بنعرف ليهو
قال بتعضي قال
إنت بس وصف لينا الطريق والباقي بنخبروا
الجعلي
|
Post: #22
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-15-2002, 09:39 AM
Parent: #16
الجعلي
ياخوي انتي ناسي انك من بورداب جدة
وكمان رئيس اللمة
انت بعد كدا مفروض تشيل سبحتك وتحرس المسجد
سوق معاك قرجة واعمل ليهو سبحة برضو
والله انتو ماتنفعوا الا تشليح بعد كدا
|
Post: #18
Title: Re: ياجماعة هوووووووي 00 الدكتورة الكانت عاوزة عريس بتعضي
Author: almohndis
Date: 12-14-2002, 07:17 PM
Parent: #1
ياساتر
شنو ياابو حراز والله الا دى
يعنى داير تخلى جسمنا زى الساعه
ياخوى كدى نحكى ليك يوم الخميس كان عرس محمد
واحد صحابنا اهى يوم الاربعاء جاءت اخت العروس
دايره مليون جنيه حق العازفين اصل جد العروس فنان كبير
وحيغنى فى العرس مجامله يعنى كان موصلى حيجلمك فى عرسك اوعه
من حق عداد الجماعةهى يزول والعريس بعد البرمجه ما عند100 الف
تعرف حصلت الازمه الام تبكى والاخت يازول ربنا ستر
والعرس تمه لكن العريس حيلبدو ليه فى السمايه
|
Post: #23
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-15-2002, 09:45 AM
Parent: #18
almohndis
قلت لي العريس حايلبدوا ليهو في السماية
والله دا البخوف ذاتوووووو
تعرف أجمل حاجة الواحد لو اتزوج يجيبها معاهو هنا ويريح نفسو
لأن الولادة في السودان شغلة طويلة جدا
والسماية الناس بتتحكر ليها قبل أسبوع
بعدين في الزمن الماضي كان كلو شيء ساهل
الآن تعقدت الأمور
والسماية نفسها بقت زي حفلة العرس
والشيء البحيرني
الزمن دا اول ماتطلع من الفندق تلقاها بتطرش
يعني عندك فرصة بسيطة بعد الفندق مابتزيد ليها من 7 شهور بجيك متلب برة
|
Post: #21
Title: Re: ياجماعة هوووووووي 00 الدكتورة الكانت عاوزة عريس بتعضي
Author: Mutwakil Mahmoud
Date: 12-15-2002, 00:10 AM
Parent: #1
ابوحراز
أول شئ كل سنه وأنت وعروستك البتعضي طيبيين ومتكامليين
بالله ياأبوحراز انتو لسع عايشين في عصور الجاهليه والقرون الوسطي والله أحنا هنا في لوس أنجيليس مدينة الملائكة بالاسباني في جامعتناهنا اخترعوا حبوب ضد العض
Long Acting DS or XL يعني تديها حبه مابفرق قبل الفطور أو بعده بس كان حاولت ساكت تفتح خشمها ساكت فكينها يشبكوا ذي القلوبيه الزمان كنا بنقبض بيها بت أبرك
والعجب يأبوحراز كان عرفت أنها بتعضي قبل الخطوبه ممكن ترسل مع الشيله مع الريحه والدلكه والهدوم حاخه أخر أكتشاف طبي هنا مامتوفر في الاسواق لازم نكلم الرئيس بوش لانه من الاسلحه ا لمحظوره واقتنائها بطريق غير شرعي أو قانوني بموافقة مجلس الامن والامم المتحده ومجلس البورد برئاسة بكري أبو بكر وموافقة تماضر ضروري جدا والا حيرسلو ليك راجمات لاقبل لك بها
الدواء أسمه عشان أنت غالي علينا
MonoClonal antibodies Against Biting
غالي جدا وما يغلاش عليك بس أنت قول عاوزه وأصلوا أنا هنا في الطب ذي د. منور خالد بجيبه ليك بس ما تسأل كيف وسيبك من ناس بكري وقرشو وودشاموق وتماضر ديل كلهم اقفين في الصف اصلوا الحصل في السودان سبب سعر والطرفين بقوا يعضوا
في أنتظارك أوع تقول حأعرسها ليك شكرا حبيبنا
أخوك د.متوكل
|
Post: #24
Title: Re: ياجماعة هوووووووي 00 الدكتورة الكانت عاوزة عريس بتعضي
Author: EXORCIST7
Date: 12-15-2002, 10:20 AM
Parent: #21
أبوحراز
أنت ودكتورتك غير جادين ودى ما طريقة الواحدة تفتش بيها عريس هى تعضى لكن حا
تتبهدل فى حياتها وخليها بعد داااااك تعضى لسانها
أبوحراز
شوف ليك موضوع تانى وخليك من عرس الدكتورة
|
Post: #25
Title: Re: ياجماعة هوووووووي 00 الدكتورة الكانت عاوزة عريس بتعضي
Author: قرشـــو
Date: 12-15-2002, 10:32 AM
دكتور متوكل بالله رسل لينا جرعة من الدواء الجديد بتاعكم ده ياخى "عشان انت غالى علينا" اصلو الحكاية بينى وبينك محتاجة بعض الادوية الان ..
وطبعا ساكون الاول تملكا لذلك الدواء ويبقى ابوحراز راحت عليه
هااااى يكا
|
Post: #26
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-15-2002, 10:51 AM
Parent: #21
د متوكل
يعني العض ماعندكم
بعدين اسم الدواء دا غريب ليه
او اكون انا ترجمتو خطا
في ما معناه
الأجسام المضادة أحادية السلالة ضدّ العض
والله من دون بوست الدكتورة احسن تجي لينا منو
لكن اوقل ليك حاجة
خليهو بعد الواحد يتزوج
اصلو انا ناوي اعضيها كم عضة كدا قبل العرس
وبعدين انشاء الله يكون على شكل بخاخ
تعرف ليه
عشان في الفندق اديها رشة منو
|
Post: #27
Title: Re: ياجماعة هوووووووي 00 الدكتورة الكانت عاوزة عريس بتعضي
Author: انور عمر
Date: 12-15-2002, 10:57 AM
Parent: #1
الاخ ابو حراز
السلام عليكم ورحمة الله وبركاته
يا اخي الظاهر انك داير تخطب الدكتوره وشفت الخطاب كتروا على الدكتوره قلت احسن اطلع فيها عيب وقلت بتعضي لكن يا اخي دي شوف غيرها
|
Post: #28
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-15-2002, 11:59 AM
Parent: #27
EXORCIST7
قرشو
انور عمر
معليش برد عليكم بعدين
الليلة علي الميز
الله يسترنا مع العزابة
والمشكلة مايجوا ضيوف الا يوم الميز يكون علي
والله كرهت حياة العزابة دي بي شكل عجيب جدا
غايتو حياة أخير منها الخطوبة
|
Post: #29
Title: Re: ياجماعة هوووووووي 00 الدكتورة الكانت عاوزة عريس بتعضي
Author: peace builder
Date: 12-15-2002, 12:24 PM
Parent: #28
اخي ابو حراز
سلامات
دكتورتك دي يا خوي عندها جنون البشر ولا شنو؟
|
Post: #30
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-15-2002, 06:01 PM
Parent: #29
peace builder
جنون بشر
جنون بقر
جنون كتاكيت
المهم هي جميلة جدا وبتعضي
لكن الجماعة ارسلوا دواء لي حكاية العض دي
بعد كدا ماعندك مشكلة ممكن تتقدم
بس اوعا تكون من بورداب جدة او 6 ابريل
قال جنون بشر قال
|
Post: #31
Title: Re: ياجماعة هوووووووي 00 الدكتورة الكانت عاوزة عريس بتعضي
Author: Mutwakil Mahmoud
Date: 12-15-2002, 08:59 PM
Parent: #1
حراز
الله يجازيك ياملعون بخاخه دي ياهو السلاح العضووي لاوزن السلاح النووي والرئيس محظربيعه وما حيدينا ليه تقوم تورطني في الحصول عليه بالدس وبعدين نبقي في نسكوم وتفتيش ويجيبوا ناس قرشو وبكري وموصلي وPeace Builderويكسروا الPeace بتاعه ده في روسينا كلنا والله لامجلس خليج تعاوني ولا بورد ناس بكري ده ينفعنا أصلوا عرب ما بعرف قوه بتاع رومان والله الامريكان بطلعوا في جنس سلاح للناس البعضوا ديلSmart Laser Guided Missiles Against Biting SLGMAB جديد لنج من الورقه يفكوا من قاعدتهم هنا في كلورادو يجيك طاير ولو كنت في خامس مشيط وحكمة الله بيضرب الاسنان بس البتعضي دي ويخلي اللسان والفك لاتقدر تعضي ولاتقدر تاكل وتبقي مهردم وحالتك بالبلي اه نبقي علي جنس ده محاكم وتنكروا وتغالطوا والله دي ما صواريخ دي كلابات علي وزن طيارات خدرتنا وقلعت أسنانا وفاتت وأكتشفت أنها أسنان لبنيه لابتعضي ولا حاجه
عشان كده ياأبوحراز خلينا في الحبوب والكباسين دي
وأبعدنا من المشاكل الله يرضي عليك والا قرشو عاوز الحبوب الظاهر عليه متوك شديد
قرشو نحن جاهزين ياغالي
أخوكم د.متوكل
|
Post: #32
Title: Re: ياجماعة هوووووووي 00 الدكتورة الكانت عاوزة عريس بتعضي
Author: soma
Date: 12-15-2002, 09:36 PM
Parent: #1
اب حرازه
قالو الجن بداوه ..كعبه الاندرااااااااوه
تتجازا يا اب حرازا
|
Post: #33
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ABUHUSSEIN
Date: 12-15-2002, 09:40 PM
Parent: #32
التحايا للجميع
الأخت سوما و الله معاك حق الزول دا الأيام دي جاب ليهو حاجات كدا
غريبة جدا
شوفوهو مالو الزول دا يا جماعة الزول دا أخوكم و كدا
الله إشفيك يا أبو حراز
|
Post: #34
Title: Re: ياجماعة هوووووووي 00 الدكتورة الكانت عاوزة عريس بتعضي
Author: soma
Date: 12-15-2002, 09:43 PM
Parent: #1
لوووووووووووووول ابو حسين
وكل سنه وانت طيب ..ابو حراز ده داير ليه فكى ومكرب كمان المشكله كم حوار بقدروا يربطوه لوووول
|
Post: #35
Title: Re: ياجماعة هوووووووي 00 الدكتورة الكانت عاوزة عريس بتعضي
Author: Sudany Agouz
Date: 12-16-2002, 06:38 AM
Parent: #34
أبو حراز..
الواطا فللت ..
وانت لستاك قاعد
والقمرة طلقت ..
وانت لستاك قاعد
وجات سحابة وسحابتين
وغطن ضو القمرة..
قلت حسع دى أبوحراز .. حيفز يقوم..
لقيتك برضة قاعد ..
قلت ما أشوف .. النضمى مع ناس منو ..
قلت أهبش المتواجدين فى المنبر ..
ولقيت ..
أبو حراز
وأبو هيبة
وأبو عثمان
وأبو الزفت ..
..
حقيقة اندهشت ..
وقلت فى نفسى أبو الزفت ..
ألأبوات كلهم اجتمعوا فى اجتماع مغلق ..
كله .. عشان ما يناقشوا موضع الدكتورة اللى بتعضى ..
فعلا الموضوع داير ليهو بحث ....
..
فى الحقيقة ياأبو حراز.. الوناز
كلامك فيهو حكم ..
أها .. بعد ما يخلص الاجتماع ..
بالله عليك ورينا وصلتوا لوين فى موضوع الدكتورة اللى بتعضى ..
عشان امكن يكون عندى الدوا ..
..
أها أقوليك ..
تصبح على خير
عمك العجوز
أرنست
|
Post: #36
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-16-2002, 08:26 AM
Parent: #35
سوما
ابوحسين
سوداني عجوز
دكتور متوكل
التحايا لكم والشكر والتقدير على المشاركة
بعدين نحن الشباب أديناهم كروت حمراء
الجاب العجايز شنو
هوي يا عمو
امشي نوم بدري وشوف ليك سبحة ومسجد
انت فات فيك الفوات
قال اجتماع قال
هو نحن اكتر شيء خايفين من العجايز ديل عشان كدا قلنا بتعضي وبرضو لاحقننا
سوما وابوحسين
الله يجازيكم
طلعتوني مجنون
اها انشاء الله يبقى علينا جن الزول البعرفو
عندنا واحد في حلتنا مجنون
وكان مكتف قبل فترة
دا جنو ظريف جدا
انشاء الله يجيكم ويجينا زي الجن دا
دا اول ما الدنيا تظلم
بلفح ملايتو وبطفر بالحيشان
اها بلقى الناس نايمة ومغطغطة
الرجال نهائي مابتحاوم عليهم
بشوف النسوان راقدات وين
قبل العيد باسبوع دخل بيت جماعة اقربانا
اها المرة العجوز نايمات معاها بناتا
عندو هواية غريبة جدا
بفتح الملاية او البطانية
لو لقاها بت صغيرة بعاين فيها وبخلي وشها فاتح
اها اول مافتح لقى قريبتنا العجوز
قام غطاها تاني وقام جاري وأبى يكمل بقية الجماعة
|
Post: #37
Title: Re: ياجماعة هوووووووي 00 الدكتورة الكانت عاوزة عريس بتعضي
Author: shiry
Date: 12-17-2002, 07:04 AM
Parent: #36
سلام مربع
للناس الحلوين
اللي هنا
ابو حراز
وأنا اقول في بالي
ياربي شفتك وين
شفتك وين؟؟
شفتك وين؟؟
اسمع انت ياااك الزول
المفلكب اللي في حلة ناس سكينه
ولا انا بقيت طرشه
غايتو ولا انا في مكان الدكتورة
بعرسك موش عشان حاجة
بس عشان اقعدك جمب الباب
تشرح لي اهل عوض
خدمات مابعد كتابة الروشتة
وتتولي الاستفسارات نيابة عني
وعن وزارة الصحة
هذا ان لم تكن الصحة زالت
|
Post: #38
Title: Re: ياجماعة هوووووووي 00 الدكتورة الكانت عاوزة عريس بتعضي
Author: ابوحراز
Date: 12-17-2002, 08:19 AM
Parent: #37
شيري
موافقة يعني على الموضوع لو كنتي دكتورة
انا موافق وماعندي اي شروط
وليك علي أهل العوض اشرح ليهم كل حاجة بعد الروشة
ولو عاوزة الواحد اسقيهو ليك الدواء في العيادة
ماعندي مانع
بصنقع ليهو راسو وبفتح فيهو القزازة
|
Post: #39
Title: عروس وبس
Author: سونيل
Date: 01-02-2003, 09:34 PM
Parent: #1
يا اخوانا بتعضي بتسكلب طشاشا انشاء الله بت حقين عاجباهو وملع فيها نار انتو مالكم انشاء الله ربنا يتم ليهو ويشوف لينا معاهو انشاء الله كرتله
|
Post: #40
Title: Re: عروس وبس
Author: ابوحراز
Date: 01-04-2003, 06:55 AM
Parent: #39
سونيل
تاني رفعت بوست العروس البتعضي دي
نحن نسينا الموضوع
لكن بيني وبينك امشي عرس بي سرعة شايفك مسخن وواقف نار
طبعاً للأسف لسه ما اتزوجت رغم انو في ناس كتير تقدموا ليها
لكن كلهم ناس قريعتي راحت
ماوافقت عليهم وما كانوا مكملين للشروط
اها ورينا انت واقع من وين عشان نوصل ليها رسالتك
قال كرتلة قال
|
Post: #41
Title: Re: عروس وبس
Author: سونيل
Date: 01-13-2003, 10:46 PM
Parent: #40
يا اخ ابو حراز والله انا ما حاسدك ومش مولع دا اتحرقت خلاص والموضوع بجدبحتاج لاعادة نظر . وبعدين انا داير العرس بس خايف افتح خشمي البنات يجو يقيفو صف وان بصراحة شديدة مجامل للآخر وممكن بصراحة ارضيهم كلهم والنفوس كان اطايبت العقد بشيل مليون . كدى اسي انت ما طول علينا المشوار وورينا كيف نراسلها مباشرة بدل العازل البكسر الحظ دا والدخول من الباب احسن من النطيط بالحيط وحظنا خير في الكرتلة قال كتار قال
|
Post: #42
Title: Re: عروس وبس
Author: ابوحراز
Date: 01-14-2003, 06:46 AM
Parent: #41
والنفوس كان اطايبت العقد بشيل مليون .
قال مليون قال
اصلك انت دفار وللا قطر نيالا
يا اخوي سونيل انت كنت غاتس وين
والله حقك راح
الدكتورة انا ماوريتك وللا شنو
اتلحست زمان
يعني عرسوها
وجات من شهر العسل
والله حالياً مبسوطة وتضحك اليوم كلو
تعرف ليه
لأنو ربنا قسم ليها حسب نيتها
لقت عريس لقطة زي مابقولوا الجماعة
يعني كان انتظرت ناس سونيل وابوحراز وابوالقدح كان سفت التراب
قال سونيل قال
عندنا واحدة تاني لكن داية
|
|