بحري ...اقيس محاسنك بمن؟؟

وحشة حرى اصابتني اليوم
وجعلتني اترك نوم الضحى الذي دائما ما يكون موعده الجمعة الجميلة
لاكتب عن تلك المدينة التي غلبني الشوق لها
فبحري سكنها الجمال منذ ميلادها ولا زالت غضة شابة
فام درمان شاخت وقتلها شعراءها حبا ووحشة
ورغم احتضان بحري لعدد كبير من الشعراء ونجوم المجتمع والفنانين الا انها لم تلق حظها من الشعر والحب الذي تستحق
فكانما اهلها يستحون مدحها مفسحين المجال لتك المدينة الخربة امدرمان لتاخذ ما تستحق وما لاتستحق من المدح والثناء
لا ازال اذكر حدائق البلدية وكيف كنا نقضي فيها ايام الاعياد بطولها وعرضها
وكم تدردقنا في نجيلة حديقة عبود الجميلة ايام الصبا الباكر وبعد ان اعيدت للحياة في الاونة الاخيرة
وكم كانت نشطة تلك الدار البسيطة مركز شباب بحري
وكم كانت الامسيات رائعة وجميلة في نادي الاتحاد البحراوي
ونادي التحرير في بعضها
ونادي العمال العتيق
وفي جمعة ظننت ان العاصمة تنتفض ولكني اكتشفت انها حفلة يحيها ابن بحري والصبابي جمال فرفور في كازينو النيل الازرق
يومها مشيت خلف الشباب حتى الكازينو وقرات في اعينهم انهم اكفاء وليسوا صيعا
وعشت معهم الانفعال بالحدث لحظة بلحظة ولم اخذ كثير من الوقت حتى اندمج معهم فلقد فعلت بنا الغربة غربة متصلة حتى ونحن نشاهد الاحداث في الوطن
هذا الجمال والنظام الذي اشتهرت به بحري تستحقه فهي مدينة العمل والزراع ومدينة الصناعة
انجبت المدينة من الشعراء الكثير
فابناء صالح عبد السيد يعيشون بها
ومن الفنانين
عبد العزيز داؤود....خضر بشير......صلاح بن البادية .....ثنائي العاصمة ...وقبلهم عوض وابراهيم شمبات....ومجذوب انسة....خوجلي عثمان....
ومن نجوم المجتمع الدكتور عوض دكام
ومن نجوم الكوميديا الفاضل سعيد
انها مدينة يغلبني الشوق لها كل يوم ...فهل من لقاء قريب يا بحري
يطفئ بعض ما يحترق فينا من حشى

...ومن نجوم الفن من سكنها وهو في بدايته الفنية امثال عماداحمد الطيب،محمود عبدالعزيز،المرحوم عبد العظيم حركة،والكثير الكثيرو في مجال الكرة عندك الثعلب كدوس نادر منصور،والكثير الكثير من مبدعي ونجوم المجتمع،السياسة،الفن وال،لله درك يا قرجة فقد صحيت فينا تلك الزكريات الجميلة ،وكاني اراك جالسا في حدائق البلدية تسامر الاحباب ،ليتها تعود تلك الايام الخوالي

العزيز
مانوبيـــأ

لا ادري لبحري طعم خاص
فاقت به المدن
لقد سافرنا وراينا المدن
ولكن لم نجد ما يشبهها
نعم انه الانسان
انسان بحري موجود بها هي فقط

من اللاعبين
شيخ ادريس كباشي
عبده الشيخ
عماد خوجلي
الصديق العزيز عزالدين الصبابي

العزيز قرجة
لك التحية
اؤيدك الراي في ان بحر لم تحظ بالاهتمام الكافي و لكني اعتب عليك ان تصف امدرمان بالخراب....ليس ذنبها ان امتدح الكل روعتها وجمالها .....و لا تلقي اللوم عليها فانها اولا و اخيرا امدر....امدر الحنينه
ولك كل التحايا

زورو اخوي
لك التحية
ارجع لكتابات ابناءها
امدرمان تحتضر

وهي المدينة الوحيدة الممكن تكون ماشي في شارع تلقى نفسك جوى بيت

صدقني مكانها محفوظ في التاريخ
ولكن من ناحية التنظيم بحري اكثر نظاما

عزيزي قرجة
لك التحية
اذا اعتمدت علي رواية امدرمان تحتضر وحدها كمرجعية لخراب امدر....فاجدك خاطيء جدا...حيث ان امدرمان تحتضر ما كانت الا خوفا علي مدينة احتضنت معظم تاريخ السودان الحديث....وصهرته في بوتقه ابناءها....بوتقة ابناء السودان الواحد0....فهي كراوية تفخر بتاريخ امدرمان و اصلها....اما اذا تكلمنا علي تخطيطها...فلا اجد فرقا كبيرا بينها و بين بحري فما زالت في احياء بحري مناطق لم يتم تخطيطها بعد و اقرب مثال .....التخطيط الذي ما زال جاريا في مناطق الدروشاب و الكدرو....اما كلامك عن انك فجاة تلقي نفسك جوه بيت ....ده شي مقصود و الهدف منه الحنيه الزايدة لي ناس امدر....مافي بيوت بفصلها باب عن بعضها ...اعتقد ان المسالة مسالة ثقافية و اجتماعية في المقام الاول .....واقرب مثل منزل السيد عبد الرحمن المهدي...حيث لم يتم تركيب باب له حتي الان
ولك التحية

هوي يا زورو،بحري دي مدفون فيها سيدي علي الميرغني،و الشيوخ خوجلي و حمد ود ابمريوم،تقول لي شنو

مرحبا

أغمض جفنيي لأحلم بأني أحلق في سمائها فوق السحاب الابيض

واعود بحلمي هذا لى حيث وجودي واتمنى ان احقق ما بقلبي

على الواقع

فعلا بحري ليها طعم خاص

ومن اللاعبين

نجم الدين حسن

عصام سليم (أبو الجاز)ز

سلام يا قرجه
تعرف انا لي هسه ما شفتا بحري مع انو عندي فيها اصحاب كتيرين و اهل كمان
بتزكر زمان كلو ما اقول امشيها القى ليك المواصلات ان و جدت لازم الزول يشيل عكاز اقوم اغير رايي
اها رايك شنو تعزمني هسه

الاعزاء
منوبيا
بت الاحفاد
زورو
ايهاب

بحري كتلتنا بحبها
ومن الشعراء
ابو امنة حامد

يازورو
لا تزعل فانت تحب امدرمان كما نحن احببنا بحري
وكله عشق
وكل يعشق ليلاه بطريقته في الحب

وفى الاجزخانة عند الملتقى
LOOOl
ذكرى حلوة حامت جواى هسى....
شكرا ليك قرجة وانت تلكز بعصاتك ذكريات وذكريات

تحياتى
ودعزة

ود عازة الحبيب
لو وصلت الاجزخانة في الملتقى
معناها يالحبيب وصلتنا
بس اتكل العجلة في الحيطة وتلقانا راجينك

أخي قرجة
اشكرك على موضوعك الرائع الذي جعل عيوني تترقرق بالدموع من شدة الشوق لبحري ولربوع بحري .
انها أيام جميلة ورجعتنا لذكرياتنا الجميلة في شوارع بحري
شارع المعونة والملتقي عند الاجزخانة واشواق كابلي
شارع البوستة حيث نسلكه يوميا في طريق الذهاب والعودة
شارع المدارس
مدرسة بحري الحكومية
سعد قشرة
السوق
والمزاد ، شعبية ، هجرة ، شمبات الأراضي ، حلفايا ،كوبر، الختمية ، الدروشاب ... الخ
ميدان المولد
... الخ
والكثير الكثير من الأماكن

وليت حظي يسعدني طوفة في ربووووووع بحرررررررري
مع الاعتذار لود الأمين وناس مدني

ومن الفنانين عبد الكريم الكابلي ، محمود عبد العزيز ، هشام درماس ... الخ
وناس الكورة فايز نصر الدين ، عبد الشيخ ، هشام الطيب حارس الهلال سابقاً وغيرهم الكثير ممن لا تحضرني الذاكرة لذكرهم .

يا سلام يا اسير الغرام

خلي الدمع يتدفق
لا تحبسه

فانها بحري
تستحق منا اكثر من ذلك

الاخ قرجه

فى شمبات حليل مجلسنا
الحياء والعفاف حارسنا

كما أن قصيدة يا مداعب القصن الرطيب
كتبت فى احدى حدائق شمبات وقصتها معروفه
فى يوم شم النسيم وتلكم القبطية الفائقة الجمال
وفتنت الشاعر بها

حياك الله وحيا بحرى تلك المدينه التى تجيد علينا بدفء الشمس كل يوما صباحا

مليون تحية لجنائن البلدية
وبحرى بالليل هنية وبحرى فيها المرغنية
وبحرى بالليل سعادة وبحرى فيها الذوادة
وناس بحرى حنان فرقنا زمان
بحـــــــرى مرتع صباى ونغمة غناى وبتجرى فى دمائى
ليكم الود من بت بحـــــــرى
توسكا

الأخ قرجة

لك الود والتحية
لقد حاولت وفشلت، أن أتجاوز هذه الذكرى التي وضعتها هنا، فهي تجعل الألم يقتلني. لله درك يا رجل، لماذا تحرك ساكنا، حتى الأمس القريب كنت أظن أن أيام الغربة أهلكته ونالت منه. بحري الجميلة لكن يبدو أن المارد لا يضعف، حتى وان تناسوه، لأنه سوف يبقى مارد.ما بقى الدهر.

شبيك ابوى لبيك
نحن اولادك ديك

ماتنسو عمر النور وصلاح دفع الله كوره
النور الجيلاني وايوب فارس واسماء حمزه فن
عز الدين هلالي وعبد الوهاب هلاوي ومحمد سوركتي شعر

الاعزاء
الموصلي
السنجك
توسكا
عزيز

زيدو النم
انها بحري

بحري
ليك وحشة

بوستك فى السلك
حقيقى زكرتنا بى ايام جميلة وحقيقى بوستك جبرنى ارد ولى طرفة عن صديق لى وهى واقعية انه معروف دائما بكون واقف متكل على عمود التلفون
يوم كله فهل تصدقو انه العمود ده لما وقع كان متكل فيه الكلام ده فى شارع المدارس المهم كان له صديق فى دول الخليج ارسل ليه شنطة ملابس مع واحد ماشى السودان وقال لييه الشنطة ده تمشى تديها لى واحد تلقاه واقف متكل على عمود تلفون ووصف ليه شكله وفعلا صاحبنا وصل السودان واخد ليه تاكسى مشى بحرى ولقاء صاحبنا واقف متكل على العمود وسلم عليه وقال ليه ده من فلان طبعا صاحبنا اتوهم وقال ليه عرفتنى كيف قال ليه من الوصف وصاحبك بعد ما طبق الشنطة قال ليه لما ترجع للزول ده قول ليه انعل ابو البعرفك لووووووووووووووووووووووول
صدقونى واقعية ده بحرى ياخوانه بى ظرافتها وظرافة ناسها وترابطها

الحبيب كولا

السينمات
حلفايا
الوطنية
الصافية

وبرنامج اللياقات في هافانا
حيث الباسطة والحليب

ميدان عقرب

لكل من له احباب ببحري

? الله يجازيك يا قرجة ... مالك مبكينا في اول يوم بالسنة

العزيز
بلبيلا

اشكرك ان اول كلمات خطاها قلمك في المنبر كانت في هذا البوست

فمرحبا بك بين اهلك واخوانك

الحبيب قرجة
تحياتى لك ولكل اهل بحرى الجميلة بحلول العام الجديد، وربنا يجعلها دوما ارض الخير والابداع

لك التحية

السنجك الجميل

وكل سنة وانت بكل خير

وربنا يحفظك لاولادك

شخصيات بحري البارزة

المرحوم الفكي عبدالرحمن

اخونا قرجة
لو قلت امدر اصالة وعز واهل
وقالوا العز اهل
برضو بحري يعني الواحد ما عاوز يتذكر ايام الكورة في الهند وتشجيع الروابط
لكن عندي خدمة بسيطة منكم يا ناس بحري
عندي صديقي منذ ايام حنتوب لم اسمع عنه شيئا اسموا ياسر بخاري
اعتقد من الختمية

?تقصد ياسر الطيب بخاري

اخي والله لا اذكر اسم والدوا لاننا تعودنا بس مناداته بياسر بخاري
لكن هو رجل لونوا اصفر ضعيف البنية الكلام دا كان سنة 1987
وبعدها لم نلتقي انا ذهبت الي الهند ومنها الي دولة اخري
ممكن تتاكد لي منو وقول في واحد زميلك اسموا عباس فداسي تعرفوا
ولك خالص شكري

ما اعتقد يا مهاجر انك تبث عن ياسر الذي اعنيه فهو شاب داكن البشرة ويبلغ من العمر حوالي 25 عاما.


مع خالص تحياتي

ya Mohajer ,, you can contact Yasir bukhary on +249 11 725 500

احييك يا قرجة
وكل عام و انت اكثر وفاء و بصحة الف عافية
تحدثت عن النظام و المبدعين و الهدؤ
و اثرت في بحري
كل حياتي كانت في هذه المدينة اتدري ما هو اكثر شي عذبني في طفولتي في بحري
هو القطر بتاع 6:30 او سبعة كان باخرني من الطابور و السنة كلها مجلودة بسببو
و بحرع العزبة و بيوت الحكومة
و سجن كوبر
و الدبابات القافلة الشارع
الانقلابات
ذكريات بعضها يؤلم
و بعضها يضحك
شارع المدارس
حلة خوجلي
و الزوغة من الصبابي و بحري الجديدة عشان الكورة و دوري المدارس
الاملاك الختمية بحري الحكومية
شارع الكوبري
نظامها دا كان مشكلة لانو الزوغة صعبة ولو في كشة بتتقبض بتتقبض
ياااااه شكرا رجعتنا اياااااااااااااااااام

شكرا لك اخي علي هذه الخدمة
وسوف اقوم بالاتصال به
وشكرا يا قرجة علي هذه الفرصة

الاعزاء
بلبيلا
مهاجر

ارجو ان تتمكنا من الوصول للطيب بخاري وتعود صداقات قديمة من جديد

الاخت عزة

يبدو انك بحراوية اصيلة
وذكرتي اكثر مناطق بحري نشاطا

هل حضرت بص الكندا
وبص الكندا به مقاعد متقابلة طويلة
وكانت تعمل في خط شمبات
وكانت بطيئة المشي
ولكن لا بد من الوصول وان طال السفر

وموقف تكاسي الهيلمان جوار الجامع الكبير
ويعمل بها اعمام كبار في السن
وهي تعمل بين مرسى شمبات والجامع الكبير

ولا ادري لماذا تذكرت سوق البرسيم في الطرف الجنوبي الشرقي من ميدان عقرب

وميدان المولد القديم حيث مستشفى احمد قاسم الحالي
حيث كنا نلتقي في ليلة المولد بكل من درس معنا في اي مرحلة من المراحل الدراسية

قرجة

رغم أنى لم أحمد كلامك عن أم درمان
مصدر الخير والجمال والطيبة

الا انى أذكر بحرى بالخير فلى فيها أحباب وأصدقاء
فقد زاملت يوما فى العمل أخى وحبيبى عبد القادر أشولى وكان لاعبا ماهرا فى الأمير وشقيقه كمال لاعب الأملاك الخطير وكانوا يسكنون فى المزاد وكان نسيبهم الفنان محمد ميرغنى يحي ليالينا بأحلى الطرب

شفتك وإبتهجت وين يا غالى انت
نحن الزمن سبانا
وانت زى ما إنت

وكانوا يحبون بحرى حبا جما
حتى أحببناها معهم

وكل أخى قرجة يغنى على ليلاه

فأترك ليلانا دون من أو أذى هداك الله

الزول الجميل يازول يازول

يعني خدمت في جامعة الخرطوم قبل اغترابك

مافي كلام امدرمان اصيلة واهلها عرفوا بالاصالة

لكنها المدينة الوحيدة البتكون ماشي في الشارع لتجد نفسك فجاة جوة بيت
وبحري فاقتها تنظيما

وحتى نضالا
فالهاشماب سدنة مايو
وودنوباوي نظمت اكبر تكريم لجعفر نميري قريبا من نسفه في الانتفاضة
وهذا ما افسد تاريخها النضالي الطويل
بينما ظلت بحري متمترسة لا تجامل