Post: #1
Title: البنــاااااااااااااااااااااااااااااااااااااات
Author: singawi
Date: 10-11-2002, 12:43 PM
Parent: #0
عندي البنــااااااااااااااات
كل البنـــاااااااااااااااات
سكر نبااااااااااااااااااااااات
والله زيييييييييييييييييينة
لــــي حـدهـــنّ
مافيهن شييييييييييييييينة
طاعم كـلاااااااااااااااااامن
ناعم سـلاااااااااااااااااامن
سااحر قـواااااااااااااااامن
هيفاء و بديييييييييييييينة
لـــي حـدهــــنّ
ما فيهن شيييييييييييييينة
بعشق وروووووووووودن
نايـرة ف خدووووووودن
ومناي جوووووووووودن
بهمسات حنيييييييييييييينة
لـــي حـدهـــــنّ
ما فيهن شييييييييييييييينة
بمشن بشييييييييييييييشن
في قلبي عيييييييييييييشن
آسرنـي ديييييييييييييشن
ليهن رهييييييييييييييييينة
لــــي حـدهـــنّ
مافيهن شييييييييييييييينة
بعشـق جنوووووووونن
مرسـاي عيووووووونن
دنيـاي بدووووووووونن
قاسية و حزييييييييييييينة
لـــي حـدهـــــنّ
ما فيهن شييييييييييييييينة
|
Post: #2
Title: Re: البنــاااااااااااااااااااااااااااااااااااااات
Author: Tumadir
Date: 10-11-2002, 12:47 PM
Parent: #1
دى ديمقراطية مبالغ فيها
لكن هن ما حيرضن، لازم تحدد موقفك من هسة، داير ياتا؟
|
Post: #3
Title: Re: البنــاااااااااااااااااااااااااااااااااااااات
Author: singawi
Date: 10-11-2002, 01:05 PM
Parent: #1
البدورها لميت فيها يا تماضر
ولكن عشان خاطر عين
نكرم مليون عيييييين
تتخيلي عشان هي بت
حبيت البنات لي حدهن
ما فيهن شيييييييييييييييييينة
قصرت معاها أنا يا تماضر
|
Post: #5
Title: Re: البنــاااااااااااااااااااااااااااااااااااااات
Author: rummana
Date: 10-11-2002, 01:20 PM
Parent: #3
تخلينا أنا وبت قضيم نسلخ الرجاجيل كلهم وبعد داك حتى تقول لينا البنات بريدن سمحات كلهن؟
قصدك شنو يعني؟
|
Post: #4
Title: Re: البنــاااااااااااااااااااااااااااااااااااااات
Author: عصفورة الجنة
Date: 10-11-2002, 01:18 PM
Parent: #1
singawi
تحية ومحبة يبدو انه ياتماضر هو يريد زيييييييييييييييييينة الهيفاء وما بديييييييييييييينة الهمسات حنيييييييييييييينة قليبو ليهارهييييييييييييييييينة ودنياهو من غيرها قاسية و حزييييييييييييينة ربنا يجمعك مع زيييييييييييييييييييييييييييييية
ولكم الود
|
Post: #6
Title: Re: البنــاااااااااااااااااااااااااااااااااااااات
Author: singawi
Date: 10-11-2002, 02:46 PM
Parent: #1
رمانة
قصدي شريييف
حلال عليكن
أكتبن في الرجال زي ما عايزات
يستاهلو الما بعرفو قيمة نعمة الله
الورد كلما كان شوكه كارب
رحيتو بتزيد حلاوة
على الأقل الشوك بكسر روتين الحلاوة
وبي كدا بتزول الرتابة وتغيب الكآبة
ويبقن لي حدهن .. مافيهن شيييييييينة
|
Post: #7
Title: Re: البنــاااااااااااااااااااااااااااااااااااااات
Author: rummana
Date: 10-11-2002, 03:00 PM
Parent: #6
الله يديك العافية يا سنجاوي
قصدك شريف بس عايز تقول لي لو سمحت يا رمانة لسه في وقت تعملي فيه
edit
واحسن تعيدي التفكير وتمسحي الكلام وقولي آسفة ..مكرر
خاصة وانه اليوم الجمعة والناس كلها مشت حدائق ابريل ومنتزه المقرن والمنتدى شبه فاضي فلسه ما في حد قرا الكلام بتاعك ء
سنجاوي لو ما انت قلت الكلام الحلو منو يقوله؟
|
Post: #8
Title: Re: البنــاااااااااااااااااااااااااااااااااااااات
Author: sama7-au
Date: 10-11-2002, 03:27 PM
Parent: #1
سنجاوي
بختها البنية الخلت سنجة كلها تغني
غايتو الحب أعمي صحي
الله يجبر بخاطرك زي ما جبرت بخاطري وخاطر كل البنيات الفي الوجود
تحية ليك وابتسامات
سماح
واحد منهن
هههههي
|
Post: #9
Title: Re: البنــاااااااااااااااااااااااااااااااااااااات
Author: noha_g
Date: 10-11-2002, 07:55 PM
Parent: #1
singawi
قال
سيـــــــــــــــد السمـــــــــاح ساكن هنا
و عشقــــــــــــــــت كـــــــــل الحي أنـــا
تسلم يا سيدي
دحين إنت عشقت كل البنات بسبب حبيبتك دي
ربي يسعدك و يتم لك المنى
|
Post: #10
Title: Re: البنــاااااااااااااااااااااااااااااااااااااات
Author: 3asoola
Date: 10-12-2002, 00:58 AM
Parent: #9
tslllllmmmmmmmmmm ya zooooooooooooooog inta walahy tttbbb ma ga9rta ma3ana
|
Post: #11
Title: Re: البنــاااااااااااااااااااااااااااااااااااااات
Author: singawi
Date: 10-12-2002, 03:55 AM
Parent: #1
عصفور الجنة
لك الود
نقاش يا صاحبي
بس عمم الصورة
كلهن زييييييييينة
وبرضو قصدي شريييف
رمانة
شكراً يا ذووق
|
Post: #12
Title: البنــاااااااااااااااااااااااااااااااااااااات
Author: garjah
Date: 10-12-2002, 07:08 AM
Parent: #1
سنجاوي
ليك حق
عمل جميل
|
Post: #13
Title: Re: البنــاااااااااااااااااااااااااااااااااااااات
Author: Ahlalawad
Date: 10-12-2002, 09:21 AM
Parent: #1
سنجاوي
نضمك فعلا يبري ويداوي
طالع من جوف بيت الكلاوي
ولبنات حوا تحلو الغناوي
|
Post: #14
Title: Re: البنــاااااااااااااااااااااااااااااااااااااات
Author: singawi
Date: 10-12-2002, 07:21 PM
Parent: #1
سمـاااح
ازيك يا واحدة منهن
حباب تحياتك وابتسامات
وأرد الابتسامة بأحسن منها
وسلمي لي عليهن لي حدهن .. ما فيهن شييييييييينة
نهى
تسلمي من كل شر
دعواتك مريييييييحة .. آميييييين .. وإياك
لكن حكاية بعشقن كلهن دي .. انا ذاتي خوفتني
ما عشق عشق .. لكن رييدة ساااااااكت
والفرق شاسع بين الاتنين
يشبه الفرق بين العواصف والنسيم البنعنش
عسوووووووووولة
عشرقتي لي يا بت الناس
يقصر الملح كان أقصر أنا
تسلمن من كل بلاء
ياعطر أيامنا وليالينا
وعلى قول واحدين
الياسمين لكن وللعوازل الرماد
|
Post: #15
Title: Re: البنــاااااااااااااااااااااااااااااااااااااات
Author: noha_g
Date: 10-12-2002, 11:53 PM
Parent: #1
ما تخاف يا سنجاوي
العشق هنا الريدة على قول الاغنية ما قاصد بها العشق الواحد دا
لك التحية
|
Post: #16
Title: Re: البنــاااااااااااااااااااااااااااااااااااااات
Author: singawi
Date: 10-13-2002, 01:35 PM
Parent: #1
نهى
كدا اتفقنا
اصلي بخاف من الكتاحة
والباب البجيبها ما بقربو ولا بعرف دربو
شكرا للتوضيح .. بس كنت عارف قصدك
قلبك عارفو ابيض وكلك حسن نية
وما العشق إلا شدة الريييييدة ذاتها
عشان كدا جبت سيرة العواصف والنسائم
تحياتي
|
Post: #17
Title: Re: البنــاااااااااااااااااااااااااااااااااااااات
Author: sentimental
Date: 10-13-2002, 01:44 PM
Parent: #1
سنجاوى
احىىىى انا منهن ...
لا بقدر اسيبن
لا بقدر حنهن...
|
Post: #18
Title: Re: البنــاااااااااااااااااااااااااااااااااااااات
Author: singawi
Date: 10-13-2002, 04:54 PM
Parent: #1
قرجـة
يازول ما تجهجهني .. أنا جاي أرد على كلامك قبل التعديل
القاك قلبت هوبة وغنيت حاول يخفى نفسو وغير اتجاهوووووو
كدي خليني في الخيم البطاقشن دييـلك
ما دام لي حق وعمل جميل .. يعني ما فيهن شييييينة .. متفق عليه
نرجع للخيم .. وحات حمد النيل .. الخيم ديل فيهن واحدات
دمدمن كل شي وطلعن اخطر شيء .. العيوووون الفيها كلام
عيونن ياقرجة .. شكيتن على الرحمن الأنزل القرآن
بطعنن في الضلع القصار هنااااااااك
الله يلزمنا الصبر .. عليك الله ما تجيب سيرة الخيم ديل تاني
المرة دي انا انسترت .. الجاية ما أظن
|
Post: #19
Title: Re: البنــاااااااااااااااااااااااااااااااااااااات
Author: kabbashi
Date: 10-13-2002, 05:09 PM
Parent: #18
سنجاوي كلامك حلو: بس بسألك إنت متزوج؟
|
Post: #20
Title: البنــاااااااااااااااااااااااااااااااااااااات
Author: garjah
Date: 10-13-2002, 05:45 PM
Parent: #1
قلنا نغني ليك كان ترد
لانك في الاول مشيت فوقنا ساي
العتب على النظر الما بشوف الشنبات
|
Post: #21
Title: Re: البنــاااااااااااااااااااااااااااااااااااااات
Author: singawi
Date: 10-13-2002, 06:20 PM
Parent: #1
قرجة
يازول انت بي صحك
امشي فوقك كييييييف يالحبيب
إلا المسألة بالدور زي ما شايف
الشنبات تملأ العين لامن تدفق وحقك علينا
اصلو اخوك شغال مسارقة بجي ادي البورد طلة حرامي
وأكب الزوغة ولما اجي راجع تاني بكون مجهز ردودي على الطلة القبيل
عشان كدا قلت ليك جهجهتني لما لقيت الكلام ما ياهو
أهل العوض
حبابك يا سيد الخيمة
أظني وقعت ليك في جرح
لساني هو لسان حالك
اتوصى بالخيمة عايزنها نايرة وخلي نفسك طويييييييل
|
Post: #22
Title: Re: البنــاااااااااااااااااااااااااااااااااااااات
Author: bit-alkhaleel
Date: 10-17-2002, 00:06 AM
Parent: #1
ياسلام عليك
وهاك منــي
عاجبنــي ديســــن
ناعـــم حديســـن
خاتــــي اللكيــــنة
ماطــر غمامــن
وحنيــن سلامـــن
قريــة ومديــنة
بطرب لريــدن
وبنظم قصيـــدن
نغمات حنيـــنة
عاجبانــي شامــة
قوام وقامــــــة
والصيـــد شبيـــهن
ولك من صلحة كل الود
|
Post: #23
Title: Re: البنــاااااااااااااااااااااااااااااااااااااات
Author: bit-alkhaleel
Date: 10-17-2002, 01:17 AM
Parent: #1
إضافــة أخرى
الحـــالي ريــقن
ســالك طـــريقن
قاصـــد فريـــقن
والخلــقة زيـــنة
كل الأســامي
غايــتي ومــرامي
مالكــات زمـــامي
شــادية وشـــويدن
|
Post: #24
Title: Re: البنــاااااااااااااااااااااااااااااااااااااات
Author: yasiko
Date: 10-17-2002, 04:34 AM
Parent: #23
البنات مين ما بيريدن
ربي يراعهن يذيدن
فيهن السمحة ورزينة
وفيهن المفدوعة زينة
الا تومتي انا ما حنينية
وشمتت عزالنا فينا
صلاح بن البادية
****
البنية الفنجرية حلاوة نبق
البنية الغجرية ودايره دق
البطن منفوخة طبق طبق
يجيها الحول وحول بي زول
والزول غول
أ يا فقاسة ما معقول
أ يا قشارة ما معقول
عليك عرزينك المطمور تضربي الجملة بالميت قداحة فول
وعيشة تقول ضنيب ام سيسي عرضي وطول
جاز اللمبة في غلبة
حق الفطرة للطلبة
ركوب التكسي بالقلبة
حليل المنقة والعنبة
محمد بادي
|
Post: #25
Title: Re: البنــاااااااااااااااااااااااااااااااااااااات
Author: singawi
Date: 10-17-2002, 05:07 AM
Parent: #1
سنتمنتال
يازول كدي اتمعن في الاسم الاخترتو دا .. سنتمنتال
ما بتقدر تسيبن دي عرفناها وما عليها غبار
ما بتقدر على حنهن دي الحيرتني
أنا زي ما قلت فوق الورد كلما كان شوكه كارب
ريحتو بتكون أزكى وأكرب
وانت شكلك بتحب الريحة الكاااااربة
والعافية درجات .. كدي شوف درجة أخينا القائل
أليس الليل يجمع ام عمرو **** وإيانـا فـذاك لنـا تـدان
يعني كان هو في سنجة وهي في الأبيض
مادام الليل بغطيهم في لحظة واحدة يبقى تدان ونص وخمسة
الشرح دا ما ليك يا سنتى بس خفت جمع الليل دا يتوه واحدين عن المعنى المراد
كباشي
يعجبك السمح
كلامي حلو دا يدخل في سياسة بسمارك الخارجية
أما الجزء التاني من الكلام بدخلنا في سياسة بسمارك الداخلية
ويجيب سيرة الحصار .. والمناطق الآمنة
وتداعيات القرار رقم واحد الكتبو المأذون في ليلة بهيجة
وترتب عليه دخول ولدين زي العسل
لحلبة المصارعة
لك الود
|
Post: #26
Title: Re: البنــاااااااااااااااااااااااااااااااااااااات
Author: degna
Date: 10-17-2002, 05:43 AM
Parent: #25
تحياتي سنجاوي
كلام ابداع شديد , بنات حواء يستهلن اكثر من كده
كمان
دقنه البجاوي
|
Post: #27
Title: Re: البنــاااااااااااااااااااااااااااااااااااااات
Author: singawi
Date: 10-24-2002, 06:22 PM
Parent: #26
العزيزة بت الخليل
لك الود
حروفك روعة
ومعانيك قريبة وحبيبة
تعرفي مرات لما أقابل زي حروفك دي
باخد لي يوم يومين أفتش في الرد
مرات تعصيني الحروف
ومرات تلومني الظروف
شكراً للإضافة
فرحان بيك وبي أشعارك الرائعة في البورد
|
Post: #30
Title: Re: البنــاااااااااااااااااااااااااااااااااااااات
Author: singawi
Date: 11-01-2002, 10:18 PM
Parent: #26
دقنة البجاوي
حبابك عشرة بلا كشرة
معذرة على التأخير
ومشكور على المساندة
بنات حواء الله يحفظن ويبارك في أيامن
ويخلي ليهن كريم ديانا
ويبارك ليهن في فير أند لفلي و كلي
وتاني شنو .. آآي .. على قول شيخنا البرعي
ويجوك بالمطايب تلك
الشاف والمسوح والدلكة
هسة أنا قلت حاجة
دا كلام البرعي رضي الله عنه وأرضاه
|
Post: #28
Title: Re: البنــاااااااااااااااااااااااااااااااااااااات
Author: DR.NET
Date: 10-27-2002, 12:21 PM
Parent: #1
يازول والله واضح انك عزوبي
بعرف عدة اصحاب وقتهم كلو شعر غزل فب البنات
وبعد العرس انقلب الغزل الى هجاء
ا
|
Post: #29
Title: Re: البنــاااااااااااااااااااااااااااااااااااااات
Author: singawi
Date: 10-27-2002, 03:02 PM
Parent: #1
Yasiko
كانت أمنا عائشة رضي الله عنها تعجب بأبيات جميل التي تقول
يقولون جاهد ياجميل بغزوة *** وأي جهاد غيرهن أريـد
لكل حديث بينهن بشاشـة *** وكـل قتيل بينهن شهيـد
أها ياخوي أنا ناوي أسس حزب أخوان جميل
وأرشحك للصف الأول في الحزب القادم
وأقترح أن يكون شعارنا ... جهاد .. شهادة
ومسألة النصر دي نحن قنعانين منها
تحياتي
|
Post: #31
Title: Re: البنــاااااااااااااااااااااااااااااااااااااات
Author: brakat
Date: 11-02-2002, 10:16 AM
Parent: #1
ممتع ياسنجاوي ولي قدام
ونؤيدكم ونشد من أزركم في في حزب أخوان جميل بس من مقاعد المتفرجين
بركات
|
Post: #32
Title: Re: البنــاااااااااااااااااااااااااااااااااااااات
Author: sentimental
Date: 11-02-2002, 01:54 PM
Parent: #1
سنجاى
البنيات فىضرام الدلاليك تسترن فتنة وانبهارا
من عيون تلفت الكحل فيهن هنيهة ثم سارا
العذارى عيونهن الحبيبات نبات الظلال شف وحارا
رامته الخدود ينتظر الموسم حتىيشع نورا ونارا
|
Post: #33
Title: Re: البنــاااااااااااااااااااااااااااااااااااااات
Author: singawi
Date: 01-27-2003, 01:50 PM
Parent: #32
أحبابنا أهل الهوى
خطر ببالي أن أحفظ كل المواضيع التي شاركت بها في منتداكم العامر في سي دي ولا أعرف طريقة أحفظ بها كل مشاركاتكم فيها إلا برفع الموضوع للصحفة الأولى ومن ثم فتحه وحفظه .. لذا أرجو عدم الانزعاج من رفع كل مواضيعي القديمة وسأفعل ذلك على فترات
تحياتي
|
Post: #34
Title: Re: البنــاااااااااااااااااااااااااااااااااااااات
Author: الجندرية
Date: 01-27-2003, 06:32 PM
Parent: #33
سنجاوي اب كلاماً يداوي على راي دكتورة السارة الله يطراها بالخير
بالله الناس الحلوة دي مشت وين ؟
كنت داير اقول بدون زعل يعني
غايتو يالرجال
ينطبق عليكم المثل المصري
اسمع كلامك اصدقك
اشوف امورك استعجب
|
Post: #35
Title: Re: البنــاااااااااااااااااااااااااااااااااااااات
Author: singawi
Date: 01-28-2003, 01:45 PM
Parent: #1
الجندرية
لا عليك الله صدقي طوالي
قول وفعل
نحن الرجال حمالين الأسية
خلقنا لدلع الحريم ومرمطتهم
عليك الله راجعي التاريخ كله
تلقي الضحايا كلهم مننا
جميل وكثير وعمر والمحلق وسنجاوي
ولي حدهن .. ما فيهن شييييينة
|
Post: #36
Title: Re: البنــاااااااااااااااااااااااااااااااااااااات
Author: toona
Date: 01-29-2003, 00:35 AM
Parent: #1
العزيز سنجاوي
اسمح لي بهذه المداخلة
البنات ما كلهن
سمحات لذاذ لي حدهن
واسمع كلامي بقولوا ليك
وانا واحدة من ناس حلتن
مرات يغرقن البحر بلطافتن
مرات تحار من قلبتن !
بت حوا حنية ودلال
عند اللزوم هتلر أحن !
والديبلوماسي اخويا هو البعرف متين يرخي ويلين
متين يقيف في وشهن
ومتين يحل عن سكتن !
ومن طريف ما سمعته عن احد الإخوان الذين جاهدوا زمناً للفوز بمحبوبته الغالية ، وبعد زواجه بها كان تعليقه ( آه ، إنها مجرد امرأة أخرى ! ) ... وقيل في لغة الأعاجم :
Nobody is perfect until you fall in love with them والتحية لمن جعلتك مشرق الرؤيا إلى هذا الحد ! لقد سرقت إعجابي بالفعل !
واعتذار لجميع صويحباتي من الجنس اللطيف ، فهو ليس تحاملا ً بقدر ما هو .... مجرد وجهة نظر ! ( هل علمت سنجاوي ماذا أعني بالديبلوماسية ؟؟ )
عشتم
|
Post: #37
Title: Re: البنــاااااااااااااااااااااااااااااااااااااات
Author: singawi
Date: 01-30-2003, 03:07 AM
Parent: #1
العزيز الغالي
DR.NET
لك التحية والود
آسف جداً على الطناش
أصلو البوست دخل القراش وشبع نوم
وما أديتو طلة إلا لما فكرت في التوثيق
أخوك فارق عذاب العزوبية زمااااان
وما فيهن شينة دي وجهة نظر أصيلة
مبنية على ياعزولي هاك عيوني وياعيوني انتو أفتو
العزيز بركات
ألف مرحب بيك حبيبنا
نرحب بك في حزب أخوان جميل
ولا نرضى لك بمقاعد المتفرجين
مكانك بيننا .. بين أنة المجروح ولهفة المشتاق
أبقى لي قدام وأبقى قدر القول
|
Post: #38
Title: Re: البنــاااااااااااااااااااااااااااااااااااااات
Author: مهاجر
Date: 01-30-2003, 09:41 AM
Parent: #37
شوف البنات
وما تزعلن يا بنوتنا
|
Post: #39
Title: Re: البنــاااااااااااااااااااااااااااااااااااااات
Author: singawi
Date: 01-31-2003, 07:19 AM
Parent: #1
توووووووناااا
أنا فرحان
فرحان بييييييك
قرأت كلماتك فهتفت وجدتها وجدتها وجدتها
فارسة من فوارس وادي عبقر
حروفك لينة سلسة مسترسلة بعيدة كل البعد عن التكلف
خرجت أبحث عنك في الجوار فوجدتك متوجة في مملكتك
في بوست قررت بألا أعشق
فزادت فرحتي بك
اللـــــــه ... كأني أقرأ لنزار وقد عف لسانه
صدقيني .. لم أكن أقرأ كلماتك ولكن كنت أغنيها بصوت كاظم الساهر
هذا المستوى يؤهلك – ان جاز لي ان أُقيّـم – للصف الأول في قبيلة وادي عبقر وهو مقام يدخلك في تحد مع ذاتك ، والتحدي هو محاولة التقدم خطوة أخرى إلى الأمام .. أو التزام الصمت والسكون ان كان الخيار الآخر هو نصف خطوة إلى الوراء
تونا
بخصوص البناااااااات
حاولت أن أرد على مشاركتك شعراً
ولكني عجزت فشيطان شعري في إجازة إلى حين
ولا أرضى بالنظم ورص الكلمات
المهم .. ما بنختلف .. فيهن وفيهن ولكن
ما فيهن شييييييينة
مش دبلوماس برضو
تحياتي
|
|