أما آن الاوان لقيام الحركة الشعبية لتحرير شمال السودان

الاخوة اعضاء المنتدى السوداني

قد يستغرب الكثيرين لهذا العنوان الفج ولكنها الحقيقة فالي متي سينتظر اهل شمال السودان في تحمل اتجاهات الايديولجيات المختلفة التي تتناحر على حكم السودان.

سينال سكان الجنوب حقوقهم كاملة وسينال اهلنا في الغرب حقوقهم كاملة وكذلك الشرق وستجبرنا الايديولجيات الحاكمة على دفع كل فواتير صراعاتها وفي النهاية سيكون الشمال خرابا .

متى سيستيقظ اهل الشمال ويتحدوا في تنظيم يجمعهم وحتى لو اضطرنا الامر ان يكون لهذا التنظيم جناحه العسكري.

ارجو ان لا يفهم من هذا انني ادعو الي تجزأة السودان لا بل سيكون في ذلك الحل الامثل لوحدة السودان عندما تجلس القوى التي تمثل شمال السودان مع القوى التي تمثل شرق السودان مع القوى التي تمثل غرب السودان مع القوى التي تمثل جنوب السودان عندها ستكون الوحدة الحقيقية

هل هناك من يشاركني الرأي والدعوة

مع تحياتي
ابوهالة

الاخوة بالمنتدي الفكري

تحية طيبة مباركة

لعل المتابع للصحف السودانية خلال الاسبوع الماضي قد يكون قد اطلع على اثارة هذا الموضوع بالصحف السودانية بنفس العنوان والموضوع وباسم الاستاذ الطيب مصطفي وزير الدولة للثقافة والاعلام دون الاشارة الي اقتباس الموضوع من منتدانا العامر ودون الاشارة الي كاتب المقال وطرح الموضوع كفكرة مقدمة من الاستاذ الطيب مصطفي وناقش الموضوع يوم امس في بابه الاستاذ البوني

ارجو من الاخوة المشاركين في المنتدي وكذلك القائمين على هذا المنتدي التصدي لهذه القرصنة الفكرية ولكم شكري وتقديري

ابوهالة


السودان وادمدني

abuhalla,

no need for northern movement. there is SPLM (Sudanese Poeple Libetration Movement)?!!

الاستاذ الاخ ابو هاله

نعم خطوة وفكرة بناءة جدا جدا جدا ,
وسؤالي هو متي يستيقظ الشمال لكي يقرر مصيره ?
موضوعا غاية في الاهمية ولي عودة معك

دقنه البجاوي

لقد استفزني مقال الطيب مصطفى لاننا بصراحة سبب مشكلة السودان فمنذ استقلاله ونحن الشماليون نحكم البلاد وكل الوظائف الهامة والوزارات الكبيرة تحت قبضتنا

والآن لان الجنوبيين طالبوا بـ 40 في المائة نطالب بالانفصال
يعني لازم نحكم البلاد كلها او نـفـرتـقــك الشغلانة

يا أخوانا نصبر على الجنوبيين والمهمشين شوية زي ما هم صبروا عليناونحن نعوس في البلد 50 سنة

الاخوة سنتمنتال زول واحد دقنه

اشكركم على مشاركتكم الطيبة والكريمة لقد طرحت هذه الفكرة للنقاش والمشاركة ولكن مايجري الان في السودان عبر الصحف السيارة هو مناقشة هذه الفكرة باعتبار ان من طرحها هو الاستاذ الطيب مصطفي وقد نشر فكرته ودعوته لقيام الحركة الشعبية لتحرير شمال السودان يوم 16 ديسمبر على اربعة صحف رئيسية علما بان الفكرة امامكم الان وقد طرحتها على المنتدى في الخامس من اكتوبر2002 والسرقة واضحة واطلب من الاخوة المشاركين في البوست استنكار هذا التصرف واتخاذ ما يمكن اتخاذه لوقف هذه القرصنة بغض النظر على الاتفاق او عدمه على الفكرة



مع تحياتي

ابوهالة

أما آن الاوان لقيام الحركه الشعبية لتحرير شمال السودان/بقلم الاستاذ الطيب مصطفى
تشابه فى العناوين فقط المقال غير منقول كما يبدو لى ولك

مرحب يا أبو هالة
إذا انت اتكلمت عن الموضوع يوم منذ الخامس من أكتوبر 2002 فأنا سبق وأن أثرت جزءا من النقاط التي تعضد من الإنفصال منذ 28 أغسطس 2002 وأرجو أن ترجع للموضوع على الرابط أدناه ويهمني رأيك جدا وأرجو إخباري على الإميل بالرد وذلك لقلة دخولي المتوقعة للإنترنت في الفترة المقبلة وعذرا للعناء الذي سأسببه لك مقدما

الرابط

وجهة نظر انفصالية !!!

يعني كل همكم هو السبق الصحفي

يا اخوانا قضيتنا اكبر من حكاية من اول من طرح الفكرة
لقد هلك اهل بيزنطة ولا زال السؤال قائما : هل الدجاجة قبل البيضة ام البيضة قبل الدجاجة

كدي نسأل نفسنا بصراحة هل نحن ديمقراطيون ام ان المسألة لا تعدو ان تكون شعارات زي شعارات الجبهة قبل ما تكون انقاذ

لقد حكمنا نحن الشماليون ولازلنا نحكم السودان فلماذا نصرخ الآن اذا جاء قرنق او ادروب او ابكر؟

القضية هي هل الوطن للجميع؟

ونرضى بأن ينال غيرنا مثلماننال
ام نفرتق الشغلانة اذا المهمشين والجنوبيين دايرين يشاركوننا فيها

أبوهالة عن إذنك

يازول واحد أنا معاك مية المية

ولكم الشكر أحبائى

لو سمحت يا زول واحد وبدون زعل
انت أدروب وأبكر ديل لاميهم مع قرنق ليه

وريني الشي البيجمعهم مع قرنق شنو

بس أوع تقول لي من المناطق المهمشة

لأنو السودان كلو مهمش

وأنا ما من الشمالية

لكن أطلع من الخرطوم دي مسافة 100 كيلو وتعال قول لي شفت شنو

!!!!

الأخ عبدالله ابو هالة

لك التحية سيدى على الطرح الجاد

واقول لك ان سرق احدهم موضوعك او كتب بما يشبهه فانه مدعاة للسرور لان ذلك يعنى ان فكرتك قد وجدت من يسلط عليها الضوء ولا بد من الاعتراف ان قراء الصحف اكتر من قراء الانترنيت او موقعنا هذا واكثر تفاعلا لانهم يتداولون الموضوع فى مجالسهم الخاصة ولذا سيدى لا تغضب ولا تبتئس ابدا فانت تسهى لنشر فكرة وهاهى تنتشر وقد تحقق لك ما اردت كمرحلة اولى ..

شمال السودان حقيقة لا يعرف ماساته الا من عاش فيه فهو يعيش فى حالة مزرية جدا وان كان الحكام من الشمال منذ الاستقلال ولكنهم لم يقدموا للشمال اى شىء البتة وهذا يعرفه اهل الشمال فقط ..

اذن الدعوة للاهتمام بالريف السودانى كله واجبة وليت الحكام ومع تباشير البترول والاستثمارات المهولة ان يلتفتوا لكل اقاليم البلاد ويعطوها حقها من التنمية ..

شمال السودان حقيقة لا يعرف ماساته الا من عاش فيه فهو يعيش فى حالة مزرية جدا وان كان الحكام من الشمال منذ الاستقلال ولكنهم لم يقدموا للشمال اى شىء البتة وهذا يعرفه اهل الشمال فقط ..


النص اعلاه منقول من مداخلة الاخ قرشو

معذرة لعدم معرفتي باستعمال الالوان وغيرها

المهم اذا كنا لا نستطيع ان نخدم قرانا ومدننا ونعجز عن خدمة المهمشين والجنوبيين مع ان السلطة كلها بيدنا فلماذا نصر على الانفصال اذا رغب غيرنا في مشاركتنا في هذا العجز المستديم

ولا اقول ليكم احسن نجيب الانجليز يحكمونا تاني


الناس الكبار وصونا على البلد