الحقوووووووو يا جماعه اب حراز سرق ماسنجرات الجكس

الظاهر انو الكلام ال قالوا اب حراز لى بكرى قبل يومين بالنسبه لتحويل ماسنجرات الجنس اللطيف حصل بعد قفل البورد مدة ال 36 ساعه فقدنا بعض البوستات قلنا ما مشكله ما عايزنها لكن لقينا كمان بعض الماسنجرات الجايه من الجكس برضو مفقوده يا جماعه الواحد ما صدق قربنا نتزوج وكله كلام حلوه يريح الواحد بعد شويه نلقى ناس اب حراز وبكرى خلو لينا الماسنجرات الجايه من الزول زاتو وديك الجن والصلحابى ويشيلو ما سنجرات الجكس ؟؟ ده شنو ده يا بكرى اوعك تكون عملتها وحولتها لى ابو حراز؟؟ المهم انا غايتو بتهم ابو حراز فى سرقة الماسنجرات عشان كده نرجوا من حكومة سودانيز اون لاين استخراج امر تفتيش لماسنجر ابو حراز حتى نتمكن من استرجاع الماسنجرات والا اجتمع بناس الشرقيه واشوف ليكم حل تانى انشاء الله الواحد يعمل ليه شلة حراميه ونقوم نسطو على الماسنجرات بتاعت الناس ليلا بعد ما ينومو عندنا واحد اسمه الزول زاتو خبره فى الحاجات دى يلهف ليكم الماسنجرات بى لسانو وخاصة ما سنجرات الجنس اللطيف عشان كده بالله فتشو لينا اب حراز قبل ما يزوق شايفو شارد للامارات والظاهر انو الناس كلها فقدت ما سنجراتها


بكاش

ههههههههههههههه
لكن انت فاكر اب حراز هين كده .. هو لو اصلو عملها ..بكون محتاط شديد ..ده ما بتغلبو حاجه ما شاء الله عليه زول فعلا ذكى.. لكن باين عليك اليومين دى لابد يا اب حراز.. وانا اقول ود بلدنا ده وين ؟ اكيد يكون زحمة عمل .. تراك يا خوى كاتل الجداده وخامى بيضها .. الله يهون يا بكاش ..

اب حراز هوىى يا خوى .. قالوا انا واخى على ابن عمى .. وانا وابن عمى على الغريب .. وعمره الدم ما ببقى موية مطره كمان .. عشان كده قوم دافع على روحك حتى اكان بالكضب ..ما فى داعى تفضحنا قدام الاجانب ..
قال غفير للجكس قال ؟؟ انا عارفاك بتسويها

الله معاكم

يا سومه انتى ما عارفه الزول ده مافاضى لينا حسع تلقى يقرا فيهم واحد واحد انتظرى بس خلى النيابه بتاعت البورد تصدر امر تفتيشها عشان يقبضوه بالثابته



بكاش

اتخيل شكلو معاى يا بكاش عليك الله
هههههههههههههههههههههه..
مبالغه وصفك ليه بقرا فى الاميلات السارقه هههههههههههه
تسلم بكاش
التحيه ليك اب حرازولى روحك المرحه
التحيه لكم جميعا

جننتوني
والله بكري دا لو يديك راسو مايديك ايميل
دا قافلها بي طبلة
بعدين انت تلف وتدور عاوز العنوان السألتني منو
لكن والله تذوق السم ودا ماتشوفوا
قال بكاش قال
انت قايل نحن في هداليا وهيا
هناك تتضرع ساكت
بعدين والله انا شايل النايحة ساكت
كتار الكاتلين الجدادة وخامين بيضها

سوما
بكتلك كان وقفتي مع بكاش دا
ماتصدقي اللعبة دي
والله ايميلي فاضي
برا الدعايات مافيهو شيء
امبارح واحدة تتكلم معاي كويس
مما جبنا سيرة العرس
أها قالت لي عامل راسك الماكن دا
العرس الجابو شنو نص الليل
قلت ليها و مال العرس متين وقت الفطور
ماكل الأعراس دي بالليل
مما نجي نحن الحكاية تخرب

قالت خامي البيض قالت

هههههههههههههههههههههههههههههههههههه
اها جانها جارى ..وووووووب علينا
برى يا يابا ..انا ما مع اى زول..
بقا فيها موت يا بكاش.. ياخوى ياروح ما بعدك روح.. داير يكتلنى ود بلدى..
اب حراز والله البورد بدونك مسيــــــــــخ..
لازم نستفزك عشان تجينا ناطى..
سلام يا رايعين
التحايا لكم جميعا

اها ياسومة نطيت
اتكلموا ساكت قولوا اللي يعجبكم
لكن زولك دا عاوز ليهو شمارات
لكن ماعندي ليهو
مرة كمان زعل مني
قال لي شنو عارفة
ندخل البورد نلقى الجكس اسأل منك
ندخل الشات روووم نلقاهم يسألوا منك
ياخي نسو ليك شنو
قلت ليهو امشي اشتكي لي شيوخ ناس اب حراز

يا اب حراز ما تعمل فيها الود برىء انا عارف اصلو الحرامى يدخل البورد بعد الساعه ثلاثه صباحا وانت كل يوم بتدخل بعد ثلاثه صباحا تقول زارع ليك حواشه وماشى تسرق ليها المويه عشان تسقيها انا ما ارتاح الا اعمل ليك امر تفتيش لايميلاتك وبعدين يا اخى ما ممكن تطلب من واحده تشوفها اول يوم طوالى الزواج خلى الحكايه شويه ما تخليك خفيف كم مره اكلمك المهم شيل الايميل الدايرو من الايميلات ورجع الباقى قال عطل فنى قال


سوما

بالله يخوفك بالقتل ماتسمعى كلامو ده لسع بيقرا فى ايميلات الناس المسروقه وبعدين حيبدا يراسلهم بى وراى



بكاش

بكاش

بكاش
والله انت ماعارف ساااااااكت
انا كنت امام الجامع في حلتنا
بعدين صاحي للوقت المتأخر دا عشان عاوز اصلي الصبح حاضر
طبعاً نحن هنا بنوم بدري
بعد الساعة 10 مساء
اها زي الساعة 2 كدا بجوع
بقوم باكل وهاك ياصحية
النومة بعد داك بتطير مني
اها عشان ما أزهج اقول ادخل البورد شوية

انت توأم يا ابو حراز تقوم اخر الليل للاكل ؟؟قالو التوأم يقومو اخر الليل يدقلبو كدايس انا خايف انو تمشى تفتش الاكل اخر الليل فى بيوت البدو ديل ويدوك طلقه فى جديماتك الكبار ديل وبعدين النايم ليها شنو الساعه عشره وارث انت؟؟تنوم زى الدجاج من بدرى




بكاش

أبوحراز يخرب بيتك
انت قاعد تفضحني في المكتب
كلما ادخل علي بوستاتك بضحك بصوت عالي .. اها الجماعة يقعدوا يتلفتوا ما فاكرين انو في واحد ظريف زيك كده ممكن يكون مدسوس في النت
والله يا ابوحراز انت تعمل ليك فرقة مسرحية مدنكلة وترجع السودان _ طبعا انا ما عايز اورطك عشان ترجع وتقابلك الكشة ويسفروك لى تحرير توريت _ لكن لو عملت فرقة مسرحية حتنافس دريد لحام وعادل امام .. بس كيف ترجع من توريت
بمناسبة توريت دي عندنا واحد لموا فيهو قبل اربعة خمسة سنين كده وتدريب اسبوعين وخموا للجنوب طوالي ، وكان زولا ماكن تب ، واحد اخونا قال غايتو الشفيع ده كان ما قبض ليهم جون قرنق تاني اصلو ما بيقبضو
وهسع انت كمان يا ابوحراز لو مشيت الجنوب اوعي ترجع من غير ما تجيب معاك قرنق

بكاش
الواحد البقوم نص الليل عشان ياكل
برضو احسن من الجماعة البقوموا نص الليل عشان يكتلوا الحفلات
تعرف عندنا واحد بتاع كيتة { الكيتة دي بتاعت الفلاتة طبعا
الفلاتي دا جننا جن وقت كنا صغار
مايبدأ يعزف الكيتة بتاعتو دي الا بعد الساعة 2 وانت ماشي
اها ننوم ونصحا ننوم ونصحا ننوم ونصحا
دا كلو عشان نحضرو
يوم زهجت ليك منو قلت والله الفلاتي دا كان أعملها فيهو
بس شلت معاي ليمونة
وبقيت أحلب ليك الليمونة قدامو
الفلاتي يتمطق والحس ليك لسانو
النصيبة دي ترا ابت تعزف معاهو نهائي
هي بتعتمد على اللسان دا أظنها
أخيرا زهج ليك منو وعامل فيها بتاع كتابة
جاني قال لي اسمع هووووووي
والله نحن نقلبوك موتر هسي دي
قلت ليهو انشاء الله تقلبني طيارة

عويس
تضحك مجان ساكت
تلقاك عامل للجماعة انت صاحب القصص دي
ياخوي وين مختفي ماشفناك من زمان
ماتقول لي بس مشيت تعرس وفكيتنا في الهواء
ليك علي كان مشيت توريت أجيب ليك الراجل معاي

الأخ بكاش


معاك مليون حق لأنو الزول قال نص الليل جاب للبت سيرة العرس


إكيد الآن بحاول فيهن كلهن لكن بيني و بينك ما منو خوف أكيد كلهن

حا إزجرنو ليك و حا إجي مطأطأ الراس و حا تلقى الجضوم

و قعن في الســـدر




يا بكاش هو زول إنوم الساعة عشرة و الساعة 2 صباحاُ إقوم إكابس

في الحـلل بعرس ؟؟؟؟؟؟؟؟؟




هو الجكس دا متخلف لي الدرجة دي ؟؟؟؟

ابوحراز

سلام يارايع

والله انا نحن قبيل شن قلنا ماقلنا الطير بياكلنا
ياخوي لو كان عملنا تعاون مشترك بين دول الجوار بس ابيت
اها يحلك الحل بله هسع كان اديتنا واحد كانت القصة مابتكبر كده وشمارك يضرب الحلة غايتو الله يكون في عونك لانو اكيد حيصل خطيبتك
اصلو ناس البورد ديل جنهم شمارات بجيبو قبلو الجزيرة هههههي يكة


قال معاهدم قال


(لوحتي لايحتملها الجدار )


النورس الحززززين

ابو حراز

قالوا كنت بتكتل العشاء فى الحفلات ولمن يجيك الدفتر لافى كنت بتزوغ صح الكلام ده؟ولمن الحفله تبدأ كنت تعمل نفسك تبع العريس او العروسه وتقوم تشيل العريس فوق كتفك وترقص بيه رغم انك ما بتعرفه الحركه دى خليتها ولا لسع؟؟



النورس

اعمل حسابك ده اسمو استلام مال مسروق والعقوبه اكبر من السارق نفسه عشان كده لو رسل ليك ماسنجر طاير كده رجعو ليه اكيد ما حيديك حاجه فيها خير وبعدين حيكون فيها تفتيش


ابو حسين

الراجل ده نوى على السطو على الماسنجرات قبل الحادث عشان كده انا اتهمته وقبل السطو طلب منى بعض الايميلات لكن انا رفضت عشان كده شكلو تكتكها مع بكرى وبكرى عمل لينا فيها انو فى عطل فى سودانيز اون لاين وخلى اخونا يسرق الماسنجرات

loooooooooooooooooooooooooooooooooolz@BAKASH
والله مبالغه .. عاد يا اب حراز ما فى صفه سمحه حافظه ليك بكاش
ههههههههههه والله مت بالضحك يا بكاش
يديك الف صحه

انتى عارفه يا سومه انا خايف انو ابو حراز يوم عرسو يقومو يلقوه مافى لانو اتعود على الحاجات دى حسع بعدين الا يكوه فى يده ويربطوه فى السرير لحد الصباح او يشوفو ليه فكى يكجرو والا يعمل ليه حجابات يعلقها فى رقبتو



بكاش

النورس الزعلان
بكاش
سومه
تاني منو الكتب فيكم 00 والله ماعارف لكن دا للكل

قال يربطوه في السرير قال
ياخوي يوم العرس انا براي بربط نفسي
هي كلها 20 يوم نعديها كلها حفلات وحدائق
غايتو حالف
أكل مافي نهائي في شهر العسل الا قريب المغرب
وكمان ازيدك من الشعر بيت ما حا أمشي أجيب الأكل أنا برسل ناس الفندق
تاني زيارات مافي
يعني الجماعة البتشمشمو ديل ما اشوف لي واحد حايم بالفندق
حدائق مافي نهائيا
هو الحدائق دي لي شنو ؟ مش للترفيه
ترفيه أكتر من الفندق دا ماعايزنو

النورس الحزين
والله خليك على كدة قال تآلف قال
شفت كان مت مابديك ايميل ولا اي حاجة من النوع دا
بس ممكن في واحدة من العمارات اتشاكلت معاها أمس
كان عاوز الإيميل ممكن أديك ليهو لكن شفتة جدا دي بتلبع عديل مرات

سومه
تضحكي كمان عشان بكاش قال يربطوني
كويس
بكلم ليك شيخ الجنيد
براك عارفاهو طبعاً
بكاش دا ماتشوفيه كدا دا عاوز حاجة مني
وانا رافض أديها ليهو
بعدين هو مغتاظ ماتشوفيهو كدا
قولي ليهو البنات بقولن ليك شنو في الشات عن ابوحراز

سمعنا يا اب حراز انو اخذت شاكوش من بتاعت التكل وبقيت تفتش اخر الليالى فى جكسويه جديده وكمان لمن اتكلمت معاها عن العرس قالت ليك باااى يا اخوى الحق نفسك اصلو القطر فاتك وكمان شويه تبقى زى جدك ال يقع قبل ما يوصل الجامع سته مرات





بكاش

بكاش
اول حاجة حكاية الشواكيش دي مامرت علي
واسمحو لي أن أكون جدي اليوم معاك
صدقني عندما كنت صغيرا
كنت اتمنى حكاية الشاكوش دي
لأنني سمعت أن اغلب المبدعين لم يكونوا كذلك الا بعد أن تعرضوا لهزات عاطفية ونفسية قوبة
كنت اود أن أكون مبدعاً حتى ولو تلطخ راسي بالكثير من هذه الشواكيش
واكثر مايحز في نفسي
انني ربما كنت سبباً في ايذاء الكثيرات ممن كن على علاقة معي دون أن ادرك كنه هذه العلاقة
وهناك حادثة قوية حدثت لي في احدى اجازاتي بالسودان
عندما سقطت فتاة ارضاً وحملت الى المستشفى في غيبوبة تامة
قالت ايه
انها بتحبني
سبحان الله 00 لكنها لم تقل لي مطلقا 00 فكيف لي ان اعرف
وكل مافعلته انني يومها لم انم فقد مكثت معها بالمستشفى حتى الصباح
خطيبتي التي تقولها ربما تعاني 00 ادرك ذلك جيدا
ولكن كما قال أحدهم ذات مرة
عندما يكون الحب كبيرا
والحبيبة قمراً
فلن يكون الحب حزمة قش تأكلها النيران

الرائع ابو حراز

والله قصه غريبه يعنى انت اديت واحده شاكوش قبل ما تديك شاكوش يا اخوى يا ريت كل البنات زى صحبتك دى انا لو منك اجكسها طوالى لانها بتحبك بالجد وبعدين انشاء الله خطيبتك حسع تكون زيها تحبك لمن تقع وتوديها الفندق طوالى بدل المستشفى وبعدين الناس المبدعين فى البورد ديل قصدك كلهم اخذو شواكيش؟؟


بكاش

دبايوا
ياخوي انشاء الله جمعت
اها مالقيت ليك ايميل تمشي بيهو حالك شوية
والله الواحد يشفق عليك
شكلك كدا مامتزوج
لكن الواحد غايتو بينصحك شوية
حاول استعجل على الموضوع دا
تعرف ليه
لأنو كل الناس الفي البورد المتزوجين تحس بيهم رايقين كدا
في ردودهم وفي بوستاتهم وفي تخاطبهم للآخر
لكن ناس كشة مشا ديل زيي وزيك يبدو العزوبية مسيطرة عليهو
الواحد شغلو كلو كتاحة ساااااااكت
ومرات اعا تشوف الواحد بهضرب ساكت
يعني يرد ليك على بوست ماتفهم منو اي حاجة


قال جكس قال
والله ماعارف ساكت انت 00 البشوف القبة يقول تحتها فكي

لكــــــــــن حـــــرامي بشهــــادة قــــال أمــــــام مسجد قـــــال (للـــــه يامحسنين)





عكسووو وراك وراك

ههههههههههههههههههه ضحكتنى

بعدين اتزوج كيف انت شيلت كل الايميلات ؟؟

رجعهم احسن ليك والا اتزوج ست النفر واخليك لافى زى المجنون




bakash

عكسو
ياخوي انت حايم وين
كلمتكم بعد ما شاكلتوني وقلت لي عامل فيها تقيل مابتتصل علينا
وقعت ليك في قرشو قرش حلقي عديل
بعدين واحدة بترد في الكمبيوتر لمن انت ماتكون موجود صوتها عجيب جدا
ماتكون دي نسيبتنا الفلبينية الجديدة


بكاش
الله يجازيك
ست النفر دي ماعاوز اي أحد يقترب منها
والله افطسك
قال ست النفر قال
هيا دي ماشفتوها

يا ابو حراز
فى الأخر طلعتا الجماعة كلهم شمار فى مرقة
نحن ما واقفين فى صف العيش دا
اي واحدة تقول ليها إيميليك شنو؟

تقول ليك
لا لا لا لا لا
اسع ابو حراز بجي اونلاين ؛؛؛ بديك ال بريد العادي
لمن لسان الزول زاتو(تورية) نشف من الطوابع

قال ست النفر قال
قول ست الإيميلاااااااااااااااااااااااااااااات

ما قلنا
اب حراز المحايتو بيبسي...........وحوارو جيكسي
وقلنا فيزا للامارات و البخرات بالاميلات و الفيزا كارد
وبعد ده كله..........سراق...
ما كان العشم....ههههههه
والله يا بكاش زنقتو في حته ضيقه......وكلو و لا الجنس اللطيف يا حرووووزه....

Solara...