Post: #1
Title: اجمل ما قيل في العيون
Author: ايهاب
Date: 08-27-2002, 05:19 PM
Parent: #0
ناس الحله يا رائعين
سلام
في رايكم ما هو اجمل ما قيل في العيون
|
Post: #2
Title: Re: اجمل ما قيل في العيون
Author: khal fatma
Date: 08-27-2002, 07:46 PM
Parent: #1
|
Post: #3
Title: Re: اجمل ما قيل في العيون
Author: ايهاب
Date: 08-28-2002, 00:11 AM
Parent: #2
هسي دي نفهم منها شنو يا خال فاطمه
لكن برضو مقبوله منك وما قصرتا
لك الود والتحايا يا ظريف بكون عندك لوز ما قادر تتكلم
هههههههههههههه
|
Post: #4
Title: Re: اجمل ما قيل في العيون
Author: فنجري
Date: 08-28-2002, 06:47 AM
Parent: #3
معظم الاغاني السودانية تتغني عزيزي ايهاب للعيون ..
و ساضرب ليك بعض النماذج الشايقية ...
من اغنية لليمني...
عينيك فيها علم الطب .....عينيك ..علمتني احب.
محمد جبارة
...عينيك ..يا اعز الناس...
المهم لو كنت فنان لما تغنيت الا للعيون ....و لو كنت شاعرا لكان كل شعري للعيون....
بس الملاحظ انت ما وريتنا رايك شنو...
|
Post: #5
Title: Re: اجمل ما قيل في العيون
Author: ALZOLZATOO
Date: 08-28-2002, 07:21 AM
Parent: #1
يازول اي كلام قالوهو في العيون سمح
يعني عيون الصيد الناعسات عيونن
وعيون المها بين الرصافة والجسر
والعيون التي في طرفها حور
والعيون متل الفناجين
وعينيه ماتبكي
وعيونك فيها شئ يحير
وعيون الريل عيونه
وادينا من الفي عيونك هههههه يكه
لكن عارف اخر حاجه قالوها في العيون شنو
واحد قال لي حبيبتو نور عيونك خلاني البس نضارة لحام هههههههههههههه يكه
زاتوووووووو
|
Post: #6
Title: Re: اجمل ما قيل في العيون
Author: ايهاب
Date: 08-28-2002, 08:42 AM
Parent: #5
عييييييييونك زي سحابه صيف
تجافي بلاد و تسقى بلاد
|
Post: #7
Title: Re: اجمل ما قيل في العيون
Author: ايهاب
Date: 08-28-2002, 08:45 AM
Parent: #5
مكرر
|
Post: #8
Title: Re: اجمل ما قيل في العيون
Author: قرشـــو
Date: 08-28-2002, 09:03 AM
Parent: #7
اخى الكريم
رغم ان هنالك كتاب فى القصائد التى تتغنى بالعيون
ولكن أعجبنى قول مغنينا محمد ميرغنى
اسمكى عليك عيونك ديل
يعاينن لى .. يتاوقن لى
زى شباك منور فى ظلام الليل
واعجبنى قول الجن
ان العيون التى فى طرفهاحور *** قتلننا وهن اضعف خلق الله انسانا
|
Post: #9
Title: Re: اجمل ما قيل في العيون
Author: غدى
Date: 08-28-2002, 09:07 AM
Parent: #8
عيــــونى
عيــونك
اسباب لوعتى
تحياتى
غدى
|
Post: #11
Title: Re: اجمل ما قيل في العيون
Author: مارد
Date: 08-28-2002, 09:13 AM
Parent: #8
العزيز ايهاب
أول حاجة نحن لازم نعرف هبرتك دى الحصل فيها شنو !؟ لأنه شايفك مما جيت نضمك بقى كُتُر ودقاق وشفيف ، لكن نضما سمح بالحيل!! الشاعر عبدالله النجيب وهوشاعر سودانى من الأقباط هو أكثر من نظم شعرا غنائيا فى العيون ، ولذا سمى بشاعر العيون ، ممكن أخونا سودانى عجوز يلقى المزيد من الإضافات على هذا الموضوع ، وأنا حأرجع ليك تانى عشان نشوف حكاية العيون دى .. يمكن أحسن من الكتابة فى السياسة !!؟ ولاّ شنو
|
Post: #10
Title: re
Author: boco
Date: 08-28-2002, 09:11 AM
Parent: #1
الاخ ايهاب
كنا انا والزول زاتوو
فى الشات روم بنخصص موضوع معين ونقعد
نذكر الاغانى التى غنت عنه
مثلا الليل ؛ الشعر ؛القوام
اها يوم كان الموضوع عن العيون
قمت فى النهايةلمن قرب يغلبنى قلت ليهو
عم حسبو يعاين لى
شتت قصبو يعاين لى
صاحبك قعد يخرخر شال كورتو ومشى
ولكن اعتقد اجمل ماقيل عن العيون هو
لها مقلة لو انها نظرت بها الى راهب قد صام لله وابتهل
لاصبح مفتونا معنى بحبها كأنه لم يصم لله يوما ولم يصل
مش المقلة ياها العيون برضو ولا انا غلطان ؟
وايضا
ويلاه ان نظرت وان هى اعرضت وقع السهام ونزعهن اليم
ولو سمعت اغنية ارحل لوردى ح تلقى فيها كلام عجيب
اها فتكم بعافية
***
رأيت الدنيا ترفع كل وغد وتخفض كل ذى نفس شريفة
كمثل البحر يغرق كل حى وتطفو فوق سطح البحر جيفة
|
Post: #12
Title: Re: اجمل ما قيل في العيون
Author: زينة
Date: 08-28-2002, 09:14 AM
Parent: #1
والله بالمناسبة دى احكى ليكم الطرفة دى
مرة كان بيغنى واحد اسمو : ايمن دقلة
بيقول عينيك لا
عينيك نعم
عينيك لا
عينيك نعم
عينيك من الخلاق نٍعم
قام ابويا قال لينا هو دا بيغنى ؟؟؟ والا بيقراء فى امتحان جغرافيا سنة رابعة
هاهاهاهاها
وان شاء الله تجيب دخل يا جماعة
اضحكوا عليكم الله
|
Post: #18
Title: Re: اجمل ما قيل في العيون
Author: manubia
Date: 08-28-2002, 01:19 PM
Parent: #12
ha ha ha looooooooool,ya zinah,ya zinah o 3ajbani,it waz so so so so funny,looooooool
|
Post: #13
Title: Re: اجمل ما قيل في العيون
Author: ALZOLZATOO
Date: 08-28-2002, 09:20 AM
Parent: #1
الزينة جات تتبسم وماشه علي تتقسم حلاوة خفة دم شالت عني الهم
ابوك في السلك لكن ههههههههههه يكه
بعدين يابوكو ياحليل الجات روووم كانت لامه والله البعيد وبوب وصابر وزيكو وانا وانت
زاتوووووووووو
|
Post: #14
Title: Re: اجمل ما قيل في العيون
Author: Rakoba
Date: 08-28-2002, 09:22 AM
Parent: #1
العين في هواك غارقة
متى رأيت نظرة البصير فى عيون عاشقة
متى استطعتُ أن أرى أبى
ولم تكت أصابع العقوق فى إعتسافه النبيل غارزه
يا وطنى سلمت لى
يا أرض ميعاديَ ويا محبتي
أنا إليك عائد
محمد المكي إبراهيم
----
التجاني حاج موسى
وحات عمرا قضيتو معاك ،
محال عن ريدك أرتد
وراجى العين تلاقى العين
وأحضن أيدك البضة
وأهى الأيام بتتعدى
ونتعاتب ونرجع تانى لابد
----
معزورين ، ولو عارفين حكايتى معاهو ،
تعزرونى لانو الما سقا الياسمين
ما بعرف غلاوة الند
ولا بعرف نداوة خد
ولا بعرف كلام العين .. ومعزورين
أريتكم مرة مرة شفتونى
وبينى وبينو بس خطوات
زى عابد وقف بيأدى فى صلوات ..
وزى والد همس لى جناهو بى دعوات
قولو على لو قايلين ..
معزورين ، وما عارفين
|
Post: #15
Title: Re: اجمل ما قيل في العيون
Author: بت قضيم
Date: 08-28-2002, 09:48 AM
Parent: #1
عيونك ديل عيون أهلي حنان ذي نغمة في مقطع
من أجمل ما قيل في العيون
اداء محمد الأمين ولا اذكر للأسف الشاعر
وأيضاً
عويناتك ترع لولي وبحار ياقوت
أو
عيونك كل ما اعيان تتوه عيني في وادي
يضيع مجدافي من ايديا
قبل ما اعدي بي غادي
والله لا اذكر كل المقطع لكنها اغنية جميلة تغنى بها الاستاذ الموصلي مع المبدعة امال النور
|
Post: #17
Title: Re: اجمل ما قيل في العيون
Author: بت امدر
Date: 08-28-2002, 10:43 AM
Parent: #15
دا جزو من اغنية سيد عبد العزيز
نظرة يا السمحة أم عجن
لو كان قليل تبرى الشجن
أعرف صفا الأيام أفيق
أنظر جمال تلك الوجن
ودا من اغنية كتبا التجاني الحاج موسي
عيونك مرة لو طلو ..
يزول كل الوجع وأرتاح...
وأغرد زى كنار صداح..
وتبقى الدنيا فى عينى ..
أزاهر وغيمة وردية ..
ودا صلاح حاج سعيد
عينيك مدن منسية فى كتب التواريخ والزمن
عينيك وطن مشدود على وتر التباريح والشجن
ممدود على حروف الكتابة
مكدود عنا ومكتول صبابة
وفيه حط النيل سكن
عينيك سفر مكتوب اعيش فى غربتو
واعشق عذابو وحرقتو وليلو الطويل
واتخيلك يا حلوة زى نسمة سحر
جيتى ومعاك حلمى المطول
يعني قدر ما الزول يحاول يتكلم عن العيون ويوصف التاثير بتاعا ما بقدر
|
Post: #16
Title: Re: اجمل ما قيل في العيون
Author: khal fatma
Date: 08-28-2002, 10:19 AM
Parent: #1
ياود ياهوبة
واللبيب بالغمزة يفهميافهيم
|
Post: #19
Title: Re: اجمل ما قيل في العيون
Author: dreams
Date: 08-28-2002, 02:30 PM
Parent: #16
حلوة عينيك زى صحابى .. عنيدة كيف .. تشبه شريحتين من شبابى
مصطفى سيد احمد
|
Post: #20
Title: Re: اجمل ما قيل في العيون
Author: EMU إيمو
Date: 08-28-2002, 02:36 PM
Parent: #19
ونبع العيون كما السلسبيل
فمدت يديها لغصن رداح
فنام على لمسة من يديها
وحار فؤادي كيف تنام غصون قيام
|
Post: #25
Title: Re: اجمل ما قيل في العيون
Author: ايهاب
Date: 08-29-2002, 01:13 AM
Parent: #20
down
|
Post: #36
Title: Re: اجمل ما قيل في العيون
Author: الليندي
Date: 08-30-2002, 02:19 AM
Parent: #20
العزيز ايهاب سبق السيف العزل كنت بفكر انزل موضوع بنفس العنوان ولكن كان لك قصب السبق ولذيذ توارد الخواطر الحصل بينا ده .
طبعاً الغناء والسوداني خصوصاً مليان بالعيون لكن من وجهةنظري أنو اكتر فنان سوداني غنى للعنوان هو الراحل المقيم في دواخلنا وغنى ليها بشكل يربط الحبيبة بالوطن والعيون عموماً هم مفتاح الانسان الممكن ترى منهم مايجيش بدواخله يعن لو هو فرحان بتعرفوا من عيونو ولو حزنان بتعرفوا برضو منهم ولو صادق أو كاذب يلا نجي لمصطفى سيد أحمد ومعاهو صلاح حاج سعيد
ففي أغنية حساب الزمن بقول
عينيك مدن مكتوبة في كتب التواريخ والزمن
عينيك وطن مشدود على وتر التباريح والشجن
طبعاً الأغنية مليانة كلام عن العيون وتاني برضو في اغنية سطوة محاسنك
عينيك وحاتك غربتي واهلي
وبلادي الفيها ضايع لي زمن
وبرضو في اغنية عدى فات
عدى فات زمن العيون الالفة والحضن الملاذ
وبرضو في اغنية المسافة
لي عيونك يا مدين الفرحة والحب والجسارة
طبعاً ده صلاح حلج سعيد نجي لمدني النخلى ومصطفي في اغنية علمي عيوني السفر
علمي عيوني السفر ده البسافر في عيونك سكتو بتبقى سلامة
ونجي لي اباذر الغفاري في اغية في عيونك
في عيونك ضجة الشوق والهواجس
ريحة الموج النحلم فوقو بجية النوارس
ونجي لنجاة عثمان في الزمن الفلاني
يا حبيبنا جوة عينيك عايشه ناس
طبعاً في كتير من اغاني مصطفى لكن اكتفى بهذا القدر واختم ليك بي بيتين شعر بس اسنح لي أني اشرحهم لاني بعتبر اجمل ما قيل في العيون والبيتين كتبهم الشاعر العراقي الكبير بدر شاكر السياب في قصيدة انشودة المطر وبقول فيهم
عيناك غابتا نخيل ساعة السحر
أو شرفتان راح ينأى عنهما القمر
طبعاً اجمل حاجة في العيون هي الرموش فبدر السياب في البيت الاول شبه الرموش الطويلة بغابتا النخيل وشبه شده سوادهما بساعة السحر وهي وقت انقضاء الليل وبزوغ الفجر وفي البيت الثاني شبه العينين بشرفتين ( شبابيك ) مظلمتين وهنا التشبية ايضاً لسواد العينين يضيئهما القمر بضوه حيناً ويذهب بعيد عنهما حيناً فيظلا سوداتان يعني هنا بياض العينان كالقمر .
معليش للاسترسال ولك حبي .
|
Post: #21
Title: Re: اجمل ما قيل في العيون
Author: Tumadir
Date: 08-28-2002, 02:38 PM
Parent: #19
عيناك غابتا نخيل ساعة السحر
عيناك شرفتان راح يناى عنهما القمر
|
Post: #22
Title: Re: اجمل ما قيل في العيون
Author: فاطمه
Date: 08-28-2002, 03:21 PM
Parent: #21
العزيز ايهاب
هناك الكثير من ماقيل عن العيون
يا عيون المها ياعيون
و العيون السود كاحلات يجرحنك ما سائلات .....ا
وعينى يا سبب الازى
وعيون الريل عيونه
وحياة عيون الصيد الغارو من عينيك
عينيك فيهم لى حنان
عيونه ريال ابو طاره
العزيز الزول زاتو
الله يطراك بالخير
ــــــــــــ
كلماتنا فى الحب تقتل حبنا ان الحروف تموت حين تقال
|
Post: #23
Title: Re: اجمل ما قيل في العيون
Author: sama7-au
Date: 08-28-2002, 05:12 PM
Parent: #1
سلامات يا ابو عيون كحلية
وتعطلت لغة الكلام
وخاطبت عيناى في لغة الهوى
عيناك
عيوني هم السبب في ازاي
السيوف الحاظك تشهرا
عيونك ديل عيون اهلي حنان زي نغمة في مقطع في مقطع
اعود
سماح
|
Post: #24
Title: Re: اجمل ما قيل في العيون
Author: khal fatma
Date: 08-28-2002, 06:23 PM
Parent: #1
تصحيييييييح
ان العيون التي في طرفها حور
قتلننا ثم لم يحين قتلانا
يصرعن ذا الب حتى لا حراك به
وهن اضعف خلق الله انسان
|
Post: #26
Title: Re: اجمل ما قيل في العيون
Author: ايهاب
Date: 08-29-2002, 01:17 AM
Parent: #24
اعزائي اشكركم بي حراره على المساهمات الجميله دي
العزيز فنجري
اخوك لو ما محتار ما كان نزل البوست دا
الاعزاء
قرشو
غدى
manubia
بت قضيم
دريمز
تماضر
فاطمه
شكرا على المساهمات الجميله
الشريف مارد
كلو منك حلو وكل الحكايه يا عزيزي انو المعنويات هسه احسن شويه وكدايا ريت تدينا من شعر عبدالله النجيب ونحن في الانتظار
العزيز بوكو
فعلا البيت القلتو غايه في الروعه
العزيزه زينه
شكرا على النكته
عزيزي الزول زاتووو
شكرا ليك زاتووووووووو
عزيزي راكوبه
ما هين والله
العزيز ايمو
كلام عجيب والله
العزيزه بت امدر
كلامك صاح 100% شكرا على المساهمه الجميله والتفصيل
العزيزه سماح
في انتظار العوده
الغالي خال فاطمه
مذاكر كويس يا لبيب انت اها انت اخترتا لينا شنو
شكرا لكم جميعا و لكم مني كل الود والتحيه واتمنى ما اكون نسيت زوول
و في انتظار المزيد
|
Post: #27
Title: Re: اجمل ما قيل في العيون
Author: البحيراوي
Date: 08-29-2002, 08:31 AM
Parent: #1
الإخوة الكرام لطالما الحديث عن العيون فلدي سؤال بذكر خمسة فوائد للعيون من غير النظر ؟
البحيراوي
|
Post: #28
Title: Re: اجمل ما قيل في العيون
Author: ايهاب
Date: 08-29-2002, 10:09 AM
Parent: #27
عزيزي البحيراوي
صباح الخير
غايتو حا ااحاولاجتهد ليك في الاجابه
1-البكاء
2-الزينه والمكياج والجمال
3-لو واحد اتشاكل معاك ممكن تطبزو في عينو يعني لو ما عندو عيون ماكان جا تقدر تطبزو ولا ما كدا هههههههههه
4-المغازله
5-الكلام
وازيدك واحده سادسه وهي العلاج
مووش الشاعر قال
بفتور عين مابها رمد وبها تداوى الاعين الرمد
لك الود والتحايا
|
Post: #29
Title: Re: اجمل ما قيل في العيون
Author: بت القبايل
Date: 08-29-2002, 10:18 AM
Parent: #1
وسيف ناظريك في الحالين بتار
تحياتي اخي
|
Post: #30
Title: Re: اجمل ما قيل في العيون
Author: ولياب
Date: 08-29-2002, 11:28 AM
Parent: #1
وعيناك إن أبدت إليك معايبا
قل !!! يا عين للناس أعين |
|
Post: #31
Title: Re: اجمل ما قيل في العيون
Author: ايهاب
Date: 08-29-2002, 03:13 PM
Parent: #30
عزيزتي بت القبايل
يا ريت تدينا الشطر الاول من البيت عشان نشوف الحالتين ديل شنو
شكرا على المشاركه
عزيزي ولياب
في انتظار المزيد
لكم كل الود
|
Post: #32
Title: Re: اجمل ما قيل في العيون
Author: khal fatma
Date: 08-29-2002, 03:20 PM
Parent: #1
رأى احد الشعراء غزالة فقال فيها
مشبها اياها بحبيبته
عيناك عيناها
وجيدك جيدها
لكن عظم الساق
منك رقيق
ونرا ان اول ماتذكره منها هو عيناها
|
Post: #33
Title: Re: اجمل ما قيل في العيون
Author: ايهاب
Date: 08-29-2002, 05:14 PM
Parent: #32
تسلم لي خال فاطمه
|
Post: #34
Title: Re: اجمل ما قيل في العيون
Author: cola
Date: 08-29-2002, 05:45 PM
Parent: #33
رايكم شنو فى عيون بتاع بقر
|
Post: #35
Title: Re: اجمل ما قيل في العيون
Author: البحيراوي
Date: 08-29-2002, 11:02 PM
Parent: #1
الأخ إيهاب مساء الخير
قال مرة المرحوم الشاعر الفذ عمنا محمد بشير عتيق في جلسة ثقافية أنة ذات مرة كان طريحاً بالمستشفي وبينما كان في السرير الأبيض كانت الدكتورة المناوبة ذات خلق وجمال أخاذ فأكثر من النظر لعيونها الواحة حتي إضطرت لوضع نظارة علي عينيها فما كان من عمنا محمد بشير عتيق إلا أن قال لها
السيف في غمدة لا تخشي بواترة
وسيف عينيك في الحالين بتّار
بالنسبة للسؤال فقد أصبت أخي إيهاب في معظم إحتمالاتك فالعيون
1- مصدر وحي وإلهام للشعراء
2- وسيلة للراحة النفسية من خلال تقاطر الدمع
3- وسيلة لكسب الرزق لأطباء العيون
4- وسيلة لكسب الرزق لمحلات البصريات والنظارات
5- إستخدامها وسيلة للكلام والتواصل أحياناً
البحيراوي
|
Post: #37
Title: Re: اجمل ما قيل في العيون
Author: ايهاب
Date: 08-30-2002, 11:36 AM
Parent: #35
العزيز الليندي
جميل توارد الخواطر والاجمل منه ماكتبت و امتعتنا به والعجيب انا ما جعلني افكر في هذا البوست هو مقطع عيونك زي سحابه صيف.... ولكن بصوت مصطفي سيد احمد ذلك الذي نعجز عن ايجاد اسم او لقب نوصف به ما يمثله في دواخلنا والذي اسهبت في تناول العيون في اغنياته في مساهمتك الممتعه و يا عزيزي البوست بوستك وادعوك للمساهمه في الردود و امتاعنا بالمزيد
لك كل الود و التحايا
العزيز كولا
انتا رايك شنو و بعدين حدد لينا ياتو بقر المجنون ولا العاقل
ههههههه
تحياتي
العزيز البحيراوي
شكرا على المعلومه الظريفه و في انتظار المزيد
كل الود
|
Post: #38
Title: Re: اجمل ما قيل في العيون
Author: ود الخليفه
Date: 08-30-2002, 07:22 PM
Parent: #1
عزيزي البحيراوي
المقاطع التي زكرتها من تاليف
ادريس جماع علي ما اعتقد
وليست للشاعر الكبير عتيق
عيون الغزال علموها البكا
والدموع هميلهوالمعاني والبكا
انت يا غزال ما اقسي قلبكا
وعليكم الله الحافظ الباقي يلحقني بيه
والاغنيه من روائع احمد المصطفي
|
Post: #39
Title: Re: اجمل ما قيل في العيون
Author: AlRa7mabi
Date: 08-31-2002, 05:43 AM
Parent: #1
إيهاب ... مالك عليّ
لو عايز تحس المعني الحقيقي .. – كن وحيداً – دع إضاءة الغرفة خافت%
|
Post: #40
Title: Re: اجمل ما قيل في العيون
Author: khal fatma
Date: 08-31-2002, 07:42 AM
Parent: #1
الاخ هوبة
بالجد اصبح لبوستك هذا طعم
كطعم الدمع لكثرة
مااثار على الشباب من مواجع
وقلب عليهم الحكايات القديمة
والشواكيش الارض جو
والسؤول كان عينان ناعستان وغمزتان
تج###### الاولى وتسحرك الاخرى
وفي الاخر يدوك بمبة
وتسلم يازول ياعسل
على هذا البوست
على البوست الدمعي
|
Post: #41
Title: Re: اجمل ما قيل في العيون
Author: sharnobi
Date: 08-31-2002, 07:46 AM
Parent: #1
ان العيون التى فى طرفها حول قتلننا ثم لم يحينا قتلانا
|
Post: #42
Title: Re: اجمل ما قيل في العيون
Author: cola
Date: 08-31-2002, 09:39 AM
Parent: #1
اخى ايهاب وجهة نظر الليندى اتحفنا ووفى فى وصف العيون
عيناك غابتا نخيل ساعة السحر
أو شرفتان راح ينأى عنهما القمر
ما الوصف ده هو زاتو عيون بتاع بقر كده انته دقق فى عيون بتاع بقر كيف هلو
|
Post: #44
Title: Re: اجمل ما قيل في العيون
Author: ايهاب
Date: 08-31-2002, 11:34 AM
Parent: #42
اخوي الرحمابي
باين عليهو الوضع متازم
انتا كدي شوف حال اخوي خال فاطمه دي بخفف عليك شويه لانو حالو باين عليها كربه و الشواكيش خلتو يطش من البوست دا و يكتب ردو في بوست تاني ههههههههه
خاي فاطمه العزيز والله كلك زوول وربنا يعدل حظك يا زووق
شرنوبي شكرا على المساهمه وفي انتظار المزيد
العزيز كولا
والله هلو هلو سدييييييييييييييييد
عشان خاطرك انتا
|
Post: #43
Title: Re: اجمل ما قيل في العيون
Author: brakat
Date: 08-31-2002, 11:18 AM
Parent: #1
شكراً أخي الكريم إيهاب على هذا الموضوع الشيق
وعندي تصحيح للأخ مارد حول شاعر العيون عبد الله النجيب متعه الله بالصحة والعافية فهو ليس من الأقباط
بركات
|
Post: #45
Title: Re: اجمل ما قيل في العيون
Author: khal fatma
Date: 08-31-2002, 09:21 PM
Parent: #1
على فكرة بالجد ياهوبة
عيني واجعاني شديد من كم ساعة
وكل ما توجعني اتذكر بوستك دة
وقلت فيها
اخخخخخ عينننننننني
|
Post: #46
Title: Re: اجمل ما قيل في العيون
Author: ايهاب
Date: 08-31-2002, 10:40 PM
Parent: #45
تسلم اخي بركات وشكرا على المعلومه بس يا ريت واحد غيكم يدينا من شعرو وكدا
عزيزي خال فاطمه يا زوول ما تعملني السبب انتا البكاء الكتير ليك شنو بطل خفه ياخي
هههههههههه
لكم مني كل الود والتحايا
|
Post: #47
Title: Re: اجمل ما قيل في العيون
Author: khal fatma
Date: 09-02-2002, 08:00 AM
Parent: #1
|
Post: #48
Title: Re: اجمل ما قيل في العيون
Author: waleed500
Date: 09-19-2002, 08:51 PM
Parent: #47
عينيك مدن منسية فى كتب التواريخ والزمن
عينيك وطن مشدود على وتر التباريح والشجن
ممدود على حروف الكتابة
مكدود عنا ومكتول صبابة
وفيه حط النيل سكن
عينيك سفر مكتوب اعيش فى غربتو
واعشق عذابو وحرقتو وليلو الطويل
واتخيلك يا حلوة زى نسمة سحر
جيتى ومعاك حلمى المطول
منتظر وعدو الجميل
عشقك زمان جواى رحل
وإتناه فى الأعماق أمل
ضمَّخ رؤاى إحساس نبيل
اذهل طيوف خاطرى القبيل
جاشت ملامح روعتو
ضج السكون فى وحشتو
والكان أمل فى عيونى لاح
ذوب مدارات فرحة الوهج النضير
والمزدهر بالإرتياح
فجأة انحصد قبضة رياح
وسكت الكلام يا حلوة فى القول المباح
وغاب الصباح بعدك رحل
والكان أمل فى غيم سماك
ايقنت إنو عدم بلاك
وإنك قدر
وإنو البيحلم بى علاك
بختار ظروف أحلاها مر
عينيك لو تصدق معاى الأمنية
عينيك لو أعرف ختام الاغنيه
بدء الكلام والمنتهى
والمستطاب والمشتهى
كل المباهج فى المواويل والغنى
والعاشقين قلبى وأنا
هزتنا فى عينيك تصاوير المنى
يا امنيات من كم سنة
يا اغنيات كل الأماسى المستحيلة وممكنة
يا المستحيل عينيك تهون
والمستحيل قلبِك يخون
ما الغدر ما طبع الوفا
والصدق ما شرط إنتفى
وانا حالى من بعدك كفى
وأنا حالى فى بعدك
كفاهو المغنى والحب والشجن
والوحشة والشوق للوطن
ما العمر قبلك ضاع سدىً
والعمر بعدك ايه يكون
لو يبقى بحساب الزمن
|
Post: #55
Title: Re: اجمل ما قيل في العيون
Author: ايهاب
Date: 09-19-2002, 11:41 PM
Parent: #47
ابدا ععديل يا خال فاطمه
شنو التالق دا
|
Post: #49
Title: Re: اجمل ما قيل في العيون
Author: soma
Date: 09-19-2002, 09:01 PM
Parent: #1
مرحبا ايهاب .. والله القالوا فى العيون كتير .. لكن اجمل شى الا نعمل تصويت ..
لكن ممكن اشارك معاك بى حاجه فى العيون وان شاء الله تعجبكم
وحات عينيك …
وحات عينيك يا انت ..
رموش الليل تضاريها ....
تجيب البسمه فى الواحات ..
وتفرش شوقها فى الساحات ..
وتمسح دمعه بى ايديها
وتحلم ديمه بى لحظات ...
فيها النيل يلاقيها ..
يسور ليها عشة طيب ..
يشيل من لونو يديها ..
وحات عينيك يا انت ..
عيونك ساحره بهرتنا ..
نشوف جواها سر الكون ..
مساحات ريد..
حنان جواها ضمتنا ..
نسافر فيها ما نرجع ..
ندندن غنوة عجبتنا ..
نعيش فى الدنيا بس اتنين ..
وعيونك لسه دنيتنا ..
عصافير شارده بتغرد ..
دوام افراح معزتنا ..
لما نكون مع العينين ..
نشوف الدنيا جنتنا ..
ولما تفوت ونتفارق...
بنلقى دموعنا سبقتنا
بنلقى دموعنا فاتتنا ..
بنلقى دموعنا فاتتنا ..
اسماء صديق الطيب الجنيد
مسقط عمان
مع تحياتى
|
Post: #51
Title: Re: اجمل ما قيل في العيون
Author: ودالجزيرة
Date: 09-19-2002, 10:23 PM
Parent: #49
الى كل الغيون الحلوة كما قا لالشعراء
اهديها لكم
ظلال عينيك تدعوني
فأســتـبق
نبض الأحاسيس في جنحيّ تحترق
يا دفقة من حنان الله
خضبها حبّ ,
وأشعل حسنها ألق
يا زهرة نبتت في حقل اوردتي
ريّا اللحون ,
يموسق سحرها عبق
يا مجمر العشق
يا احضان أسئلتي
يا نفحة الحب
انت القلب و الحدق
قلبي يناديك ان لفته داجية
وخيم الليل في أغواره الفرق
هل تسمعين صهيلا منه
ان نضحـت عيناه بالدمع ,
واستـشرى به قلق
هل تسمعين تباريحي وقد خنقت
من السهاد , يرمض جفني الأرق
وحدي مع الليل يشجيني فأترعه
من الحنين , وكأس الوحدة الغسق
بحار عينيك أمواج الهوى اشتعلت
ان رفّ جفن , تلاقى البحر و الشفق
أهواك.. عودي .!
فقد مات الحنين أسى
وليل بعدك تسهيد و مفترق
فلا الشفاه تلاقت في حرارتها
ولا الأضالع
عرّى شوقها نزق
|
Post: #64
Title: Re: اجمل ما قيل في العيون
Author: ايهاب
Date: 09-21-2002, 06:21 AM
Parent: #51
اخي العزيز ود الجزيره شكرا على الهديه
تسلم
|
Post: #63
Title: Re: اجمل ما قيل في العيون
Author: ايهاب
Date: 09-21-2002, 06:20 AM
Parent: #49
مكرر
|
Post: #66
Title: Re: اجمل ما قيل في العيون
Author: ايهاب
Date: 09-21-2002, 06:32 AM
Parent: #49
الاخت العزيزه اسماء
شكرا على المشاركه الجميله
مزيدا من الابداع
كل التحايا
|
Post: #50
Title: Re: اجمل ما قيل في العيون
Author: عصفورة الجنة
Date: 09-19-2002, 09:50 PM
Parent: #1
اخى ايهاب
اعتقد ان اجمل ماقيل هو قول الشاعر
السيف فى غمده لا يخشى بتاره
وسيف عينيك فى الحالين بتار
|
Post: #52
Title: Re: اجمل ما قيل في العيون
Author: moniem2002
Date: 09-19-2002, 10:45 PM
Parent: #50
اجمل ما قيل فى العيون
ما قاله الشاعر العراقى
بدر شاكر السياب
عيناك غابتا نخيل ساعة السحر
او شرفتان راح ينا عنهم القمر
فقد كانت هذه القصيدة فتح فى اللغة الشعرية
|
Post: #53
Title: Re: اجمل ما قيل في العيون
Author: 3asoola
Date: 09-19-2002, 10:49 PM
Parent: #50
salamaaaaat ya nas ya 3asal.....
عيونك نشوه المخمور... عيونك رنه الطمبور ... عيونك للحزانا سرور ... عيونك ديل مانغيمه ناى... وبيت دوباى... وبسمه طفل بعد مانعسو اللولاى...
|
Post: #54
Title: Re: اجمل ما قيل في العيون
Author: سمندلاوى
Date: 09-19-2002, 11:03 PM
Parent: #1
نحن رجال نذيب الحدبد , ولكن تذيبنا الاعين النجل
|
Post: #56
Title: Re: اجمل ما قيل في العيون
Author: رقم صفر
Date: 09-19-2002, 11:53 PM
Parent: #54
يقال ان اجمل العيون الافريقيه هي عيون الاثيوبيات ، هل هذا صحيح يا ايهاب
|
Post: #65
Title: Re: اجمل ما قيل في العيون
Author: ايهاب
Date: 09-21-2002, 06:25 AM
Parent: #56
الاعزاء
عصفوره الجنه
منعم
عسوله
سمندلاوي
شكرا على المشاركه
يديكم العافيه
كل الود وكل التحايا
|
Post: #67
Title: Re: اجمل ما قيل في العيون
Author: ايهاب
Date: 09-21-2002, 06:39 AM
Parent: #65
لوووووووووووووووووووووووووووول ييييكه@رقم صفر
والله حب الناس مذاهب يا رقم صفر
|
Post: #77
Title: Re: اجمل ما قيل في العيون
Author: البيجاوى
Date: 10-01-2002, 04:01 PM
Parent: #65
وانا اقول ما قالوه فى العيون
عيونى وعيونك 00000000اسباب لوعتى
انت المهم وانت الاهم 000وانت الحقيقه والوهم 000 حبك قصة دنيتى 000وانت بعذابى متهم
|
Post: #90
Title: Re: اجمل ما قيل في العيون
Author: ayooby
Date: 10-09-2002, 07:04 PM
Parent: #65
شنو يعنى يا ايهاب من ما جينا نحنا رحت قافل الباب... غايتو يا زول ما عندكم طريقة وانا لازم ادلو بدلوى حتى لو انط بالحيطة والزارعة الله فى حجر بتقوم
اول حاجة المشاركات كلها كانت جميلة وحلوة لكن مشاركة عسولة ما عسسسسسسسسسسل عديل ويشرق فى الحلق كمان وهذه مشاركتى... وبرأيى اجمل ما قيل فى العيون
1/ انا فى العيون ببنيلو دارين من موده ومن منى
2/عيونك زى سحابة صيف تجافى بلاد وتسقى بلاد
وزى فرحا بشيل منى الشقا ويزداد
وزى فرح البعيد العاد
وزى عيدا غشانى وفات وعادعم البلد اعيادبدون عينيكى بصبح زول بدون ذكرى وبدون ميــــــــــــــــــــــــــــــــــــــــــــــلاد
يا جماعة انشاءالله مشاركتى تكون عجبتكم
|
Post: #57
Title: Re: اجمل ما قيل في العيون
Author: Elmosley
Date: 09-20-2002, 03:13 AM
Parent: #1
في المسافه البين عيوني وبين عيونك
الفصول ياحلوه تاخد دورتا
الخريف يفرح شديد
والربيع يلبس جديد
ويتوالفو الصيف والشتا
ده سعد الدين
عيونك كلما اعاين
تتوه عيني في وادي
يضيع مجدافي من ايديي
قبل ما اعدي بي غادي
وده عزمي
العيون بتداري شوقا
من عيون الناس وتبكي
فاقده جنه وروض مجنه
فال هوانا عليها متكي
ودي زينب الحويرص
يامعين من عينيك يا ايه يافرضه
ليه للناس عطوفه ولينا معترضه
وده حسن الزبير
سهم طايش
فلت من قوس نواعس طار
لقي الاحساس بلا حراس
ركز رايتو ووقف راعش
متل رجعة صدي الاجراس
ترك مصيودو بين الناس
ينوح زي عندليب مجروح
ولا هو كتيل ولا عايش
وده الكتيابي
ياوطن لي ناس غلابه
يالعيونك للعشق
انهار وغابه
زي مرابع فيها بتئن الربابه
حلوه يوميات مجدده
حالمه مابتعرف رتابه
صامته زي حزني الي كاتمو معاي صبابه
واحبابك واحباب عينيك
حبابه تسقي ريقي الظامي بي قطرة سحابه
وده عبد العال السيد
الخ والغناء فنان من عصر الرشيد بين ظهرانيكم
|
Post: #58
Title: Re: اجمل ما قيل في العيون
Author: Al-Masafaa
Date: 09-20-2002, 07:11 AM
Parent: #57
عين الحسود بالعود
|
Post: #61
Title: Re: اجمل ما قيل في العيون
Author: Elmosley
Date: 09-21-2002, 00:37 AM
Parent: #58
قهرتهم بالقاهر والنبي الطاهر
يديك العافيه
|
Post: #68
Title: Re: اجمل ما قيل في العيون
Author: ايهاب
Date: 09-21-2002, 06:44 AM
Parent: #57
استاذنا الموصلي
شكراعلى الامتاع يا ابداع
شرفتا البوست ونورتو
|
Post: #71
Title: Re: اجمل ما قيل في العيون
Author: Elmosley
Date: 09-22-2002, 06:25 AM
Parent: #68
شكرا قلنا نسجل ليكم
زياره خفيفه نشرب القهوه بين تلك العيون اللائي قتلننا
|
Post: #59
Title: Re: اجمل ما قيل في العيون
Author: khal fatma
Date: 09-20-2002, 07:52 PM
Parent: #1
soma eyes
loooooooool
|
Post: #60
Title: Re: اجمل ما قيل في العيون
Author: rummana
Date: 09-20-2002, 09:00 PM
Parent: #59
ايهاب والاخوة
والله البوست ظريف ودمه خفيف ودي أول مرة ادخله
ما قريت كل المداخلات لكن بس حبيت أصحح معلومة صغيرة
يبدو أن الأخ مارد خلط ما بين المحامي المسيحي عبدالله نجيب وشاعر العيون المسلم 
وعبدالله نجيب المحامي حسب علمي ليس بشاعر
لكن شاعر العيون هو عبدالله نجيب آخر وفعلا عرف بلقب شاعر العيون
وحاولت اتذكر كلمات أغنية ابوعركي
حلوة عيونك ولم اتذكرها بوضوح وتحفظت من الخطا
...
عموما أذكر الجزء المتعلق بالقلب
قلبك طيب زي روح شمعة
يضوي دروبنا ويمسح دمعة
البتذكركها فيكم يذكرني
|
Post: #69
Title: Re: اجمل ما قيل في العيون
Author: ايهاب
Date: 09-21-2002, 06:47 AM
Parent: #60
شكرا يا رمانه
ابو عركي قال
حلوه عيونك فيهم روعه
|
Post: #106
Title: Re: اجمل ما قيل في العيون
Author: nasmah1981
Date: 12-28-2002, 05:56 AM
Parent: #60
|
Post: #62
Title: Re: اجمل ما قيل في العيون
Author: soma
Date: 09-21-2002, 05:18 AM
Parent: #1
الاستاذ الموصلى .. قلعتها من وين الكلمه دى ؟؟..
ما سمعك انور الجلاد.. .بيعجبو كلام الحبوبات ده .. وبرضو بدر الدين شنا زاتو ...
لك التحايا ممزوجه بى حنية اهلنا الزمااااااااااااااان
|
Post: #70
Title: Re: اجمل ما قيل في العيون
Author: يانكي
Date: 09-21-2002, 11:37 PM
Parent: #62
عزيزي ايهاب
كل ما قيل في العيون جميل
الذكروا الشباب والما ذكروا
والقالوا الشعراء وال حا يقولوا لسه
لكن اجمل ما قيل في العيون قالتها وبتقولا العيون ذاااااااته
ودمت
يانكي
|
Post: #76
Title: Re: اجمل ما قيل في العيون
Author: Elmosley
Date: 10-01-2002, 11:10 AM
Parent: #62
تسلمي ياشاعرتنا
الراقيه ونحن ناس الغنا بنكوس الكلام عاد
|
Post: #72
Title: Re: اجمل ما قيل في العيون
Author: مالك الحزين
Date: 09-22-2002, 07:18 AM
Parent: #1
طبعا كل زول وثقافته
..........
قالوا واحد شيوعي بيغازل حبيبته قال ليها:
عيناك نقابتا عمال في مظاهرة
............
بعدين انتو تعالوا هنا هي العيون دي للغزل بس؟؟؟؟؟؟؟؟
العيون بيشوفوا بيها برضو!!!
بعدين في نوعين من العيون؛
عيون بتتشاف.
وعيون بتشوف.
وزي ما قال واحد كده:
أحبها وكانت عمياء، فمنحها عينيه وحين أبصرت،.... تركته
وآخر،...
ظل يتجول في مدن عينيها حتى تاه فيها،، وعندما حوال الخروج، لم يستطع... لأنها نامت
وآخر،...
صنع لها منور عينيه حبلاً ارتقته إلى السماء، ومن هناك ، حتى لم تنظر إليه، حتى أحس بالتعب، وأغمض عينيه وعندها سقطت
لكن بررررررررررررررررررضو العيون دي حاجة مختلفة
وهي مكان مناسب جدا لحياة الإنسان
|
Post: #73
Title: Re: اجمل ما قيل في العيون
Author: ايهاب
Date: 09-22-2002, 09:17 AM
Parent: #72
ههههههههههههههههه
الان ادرك اخي مالك الحزين اماذا اعترض الاخوه على هذه التسميه
بعد ان اجتمعو بك في لقاء بورداب الخرطوم
لك كل التحايا
|
Post: #74
Title: Re: اجمل ما قيل في العيون
Author: بت قضيم
Date: 09-22-2002, 09:35 AM
Parent: #1
LoooooL@ مالك الحزين
لكن يا سيدي اختلف معك في ان العيون ما بتشوف..البشوف القلب
من أجمل ما قرأت عن العيون من كم يوم
اعشق فيك كل شئ
إلا العيون
ففي عشقك حياة وفي عيناك قتلي
أو حاجة ذي كده
|
Post: #75
Title: Re: اجمل ما قيل في العيون
Author: ايهاب
Date: 10-01-2002, 11:05 AM
Parent: #74
عينيها براقين
شايلين خريف و شتا
و صابين علينا حنين
|
Post: #78
Title: Re: اجمل ما قيل في العيون
Author: du3ash
Date: 10-01-2002, 09:06 PM
Parent: #1
يا شباب معظم الشعراء الكتبوا عن العيون شبهوها بالسيوف والرماح و حاجات عنيفة كده لكن اجمل ما في العيون نظرتها الحنونة ورحم الله بشار بن برد اذ قال
يا ليلة تزداد نكرا
من حب من احببت بكرا
حوراء ان نظرت اليك
سقتك بالعينين خمرا
|
Post: #79
Title: Re: اجمل ما قيل في العيون
Author: du3ash
Date: 10-01-2002, 09:10 PM
Parent: #1
ويحضرني قول اليمني منشدا على الطمبور:
عينيك منية للمحتاج
عينيك للسجين افراج
|
Post: #80
Title: Re: اجمل ما قيل في العيون
Author: الارباب
Date: 10-01-2002, 10:17 PM
Parent: #1
ايها العزيز ايهاب ما قيل فى العيون كثير لذكره هنا ولو لاحظتااغانينا السودانية كل الاحيان
|
Post: #81
Title: Re: اجمل ما قيل في العيون
Author: khal fatma
Date: 10-07-2002, 09:42 AM
Parent: #80
يا هوبة
هو في ايه العيون دي
خلص الكلام فوقا ولا شنو
|
Post: #82
Title: Re: اجمل ما قيل في العيون
Author: ايهاب
Date: 10-07-2002, 10:58 AM
Parent: #81
لا طبعا يا عزيزي خال فاطمه لكن الظاهر الناس دي غلبم خلاص اليقولو بقو يعاينو ساي هههههههههههههه
|
Post: #83
Title: Re: اجمل ما قيل في العيون
Author: رقم صفر
Date: 10-07-2002, 11:34 AM
Parent: #82
ايهاب
قالت لي
تلك التي لم اراها في حياتي ابدا
وانا اتكلم معها تلفونيا
ان عيوني جميله
قلت لها ما اجمل عينيك
واتممت جملتي قائلا
لاتندهشي ، فصدقك الذي اعلمه
يجعل عينيك تفيضا جمالا
دمت
|
Post: #84
Title: Re: اجمل ما قيل في العيون
Author: bamseka
Date: 10-07-2002, 03:40 PM
Parent: #83
عيون المها بين الرصافة والجسر.. جلبن الهوى من حيث ادري ولا ادري
لعلي ابن الجهم.. ولغيره. عن العيون
ان العيون التي في طرفها حور.. قتلننا ثم لن يحين قتلانا
يصرعن ذا اللب حتى لا حراك به.. وهن اضعف خلق الله انسانا
|
Post: #85
Title: Re: اجمل ما قيل في العيون
Author: ايهاب
Date: 10-08-2002, 05:49 PM
Parent: #84
كلام عجيب عزيزي رقم صفر
يديك العافيه
شكرا عزيزي بامسيكا
|
Post: #86
Title: Re: اجمل ما قيل في العيون
Author: Halema2
Date: 10-09-2002, 09:18 AM
Parent: #85
......
If you say my eyes are beautiful...yes because..they looking at youuuuuuuuuuuuu.....
|
Post: #87
Title: Re: اجمل ما قيل في العيون
Author: ebrahim_ali
Date: 10-09-2002, 10:17 AM
Parent: #86
ايهاب الحبوب لك التحية وما زالت لغة العيون تمطر هذا البورد بالجديد والمزيد
ومساهمتي انا بسيطة جدا بالمقارنة مع فضاحلة العيون فانا بحب العيون الفي طرفها كحل وذي ما بقولو الجماعة عيون رصاصات
|
Post: #88
Title: Re: اجمل ما قيل في العيون
Author: ايهاب
Date: 10-09-2002, 10:35 AM
Parent: #87
halema2
nice one wallhe
الغالي ابراهيم علي
وين انتا يا راجل من ديك وعيك
يا بتاع الرصاص انتا
كل الود والتحايا
|
Post: #89
Title: Re: اجمل ما قيل في العيون
Author: koky
Date: 10-09-2002, 03:11 PM
Parent: #1
عينان لا تمسهما النار عين بكت من خشية الله و عين بأتت تحرس في سبيل الله
|
Post: #91
Title: Re: اجمل ما قيل في العيون
Author: khal fatma
Date: 10-09-2002, 10:14 PM
Parent: #1
كل الاوطان وهم
ى بس عينيك تحلى وطن
|
Post: #92
Title: Re: اجمل ما قيل في العيون
Author: عيون أمدر
Date: 10-09-2002, 10:59 PM
Parent: #1
السلام عليكم
جهد المقل
حرقتني شديد فتشتها ومالقيت زول كتبها
الأسود النشوان زورق من الألحان
فوق البحار البيض سابح بلا ربان
والبقية تأتي
|
Post: #93
Title: Re: اجمل ما قيل في العيون
Author: عيون أمدر
Date: 10-10-2002, 00:55 AM
Parent: #1
عيون الصيد الناعسات عيونن عيون الريل حاكن عيوني
---------------------
العيون النوركن بجهره غير جمالكن مين السهرها
--------------------------------
ياموطن الثلج هل غيري يزاحمني **** وهل فراش الهوى ماعاد منفردا
مالون عينيك إني لست أذكره **** كأنني بعد لم أعرفهما أبدا
إني لأبحث في عينيك عن قدري **** وعن وجودي ولكن لا أرى أحدا
-------------------------------------
إن التي عذبتني في محبتها كل العذاب **** فما أبقت و لا تركت
عاتيتها فبكت فأستعبرت جزعا عيني *** فلما رأتني باكيا ضحكت
فعدت أضحك مسرورا بضحكتها مني *** فلما رأتني ضاحكا سكتت
تهوى خلافي كما حثت براكبها *** يوم قلوص فلما حثها بركت
|
Post: #96
Title: Re: اجمل ما قيل في العيون
Author: ايهاب
Date: 10-11-2002, 11:28 AM
Parent: #93
الغالين كوكي خال فاطمه و عيون امدر
تسلمو على المشاركات الجميله
كل الود وكل التحايا
ايهاب
|
Post: #94
Title: Re: اجمل ما قيل في العيون
Author: salam
Date: 10-10-2002, 03:33 AM
Parent: #1
سلام يا ايهاب
الكلام عن العيون كتير
و نزار قباني قال 000
عيناك وحدهما شريعتي
و مراكبي و صديقتا اسفاري 000
ان كان لي وطن
فوجهك موطني
او كان لي دار
فحبك داري000
و قال ايضا
ذات العينين السوداوين
ذات العينينالصاحيتين الممطرتين
لا اطلب من ربي الا شيئين
ان يحفظ هاتين العينين
و يزيد بايامي يومين
كي اكتب شعرا
في هاتين اللؤلؤتين
و تسلم
salam
|
Post: #95
Title: Re: اجمل ما قيل في العيون
Author: ايهاب
Date: 10-11-2002, 11:28 AM
Parent: #94
تسلمي يا سلام
شكرا علي مساهمتك ومرحب بيك
وزي ما قال بلير في البوست بتعاك
العيون فيهم كلام
تحياتي
ايهاب
|
Post: #97
Title: Re: اجمل ما قيل في العيون
Author: khal fatma
Date: 10-12-2002, 08:53 PM
Parent: #1
ايهاب
|
Post: #98
Title: Re: اجمل ما قيل في العيون
Author: bit-alkhaleel
Date: 10-17-2002, 03:44 PM
Parent: #1
عيــويناتك تــرع لولــي وبحــار ياقوت
مســاحات ريـــد حزاينية
بغازل فيـــها مأساتي
وفي شرف الوصول ليها بـموت وأكســر شـــراعاتي
يا عيون إنت لون الليــل
والعيــون النوركن بجهـــرا
وياما وياما
شيتـــا كتيــــر خلــي ساكت
|
Post: #99
Title: Re: اجمل ما قيل في العيون
Author: khal fatma
Date: 10-18-2002, 12:55 PM
Parent: #1
ودي بتذكرك منو يافردة
|
Post: #100
Title: Re: اجمل ما قيل في العيون
Author: khal fatma
Date: 10-18-2002, 12:55 PM
Parent: #1
ودي بتذكرك منو يافردة
|
Post: #101
Title: Re: اجمل ما قيل في العيون
Author: ايهاب
Date: 10-18-2002, 01:11 PM
Parent: #100
هههههههههههههههه
دي جبتها من وين يا حبه
تسلم عزيزي بس ما تنسى الوعد
مازلت في الانتظار
تحياتي
|
Post: #102
Title: Re: اجمل ما قيل في العيون
Author: khal fatma
Date: 10-18-2002, 01:18 PM
Parent: #1
ولا يهمك
|
Post: #103
Title: Re: اجمل ما قيل في العيون
Author: khal fatma
Date: 12-26-2002, 11:59 PM
Parent: #1
والعين تعلم من عيني محدثها
ان كان من شيعتها او من اعاديها
|
Post: #104
Title: Re: اجمل ما قيل في العيون
Author: ايهاب
Date: 12-27-2002, 01:31 PM
Parent: #103
thanks
خال فاطمه
|
Post: #105
Title: Re: اجمل ما قيل في العيون
Author: ابويوسف
Date: 12-27-2002, 08:01 PM
Parent: #1
الاحباب
سلام وتحيه معتقه
كل ما قيل في العيون لا يمكن حصره وكل ما قيل ابداع
واجمل شي قيل في العيون في تقديري رائعه ود الامين
ياريتني لو اقدر اسافر في بريق لحظك وما ارجع
الشعر السلس
لا يحتاج
الي شرح
فهو يدخل
الوجدان
بدون اذن
عاش ابو الامين
وعاش السودان حرا
ونحن نبقى
|
Post: #107
Title: Re: اجمل ما قيل في العيون
Author: nasmah1981
Date: 12-28-2002, 05:59 AM
Parent: #105
وقال جميل بثينة
لها مقلة كحلاء نجلاء خلقة
كأن أباها الظبي أو أمها مها
|
Post: #108
Title: Re: اجمل ما قيل في العيون
Author: nasmah1981
Date: 12-28-2002, 06:45 AM
Parent: #107
وقال جرير
إن العيون التى فى طرفها حــور
قتــلننا ثم لم يحيين قتلانــا
يصرعن ذا اللُّب حتى لا حراك به
وهن أضعف خلق الله أركـانا
أركانا يا بامسيكا...ما إنسانا
:
|
Post: #109
Title: اجمل ما قيل في العيون
Author: albagir altahir
Date: 12-28-2002, 08:03 AM
Parent: #1
الاخ فنجرى هي تدري من هو شاعر عينيك فيها علم الطب وعينيك علكتني احب شاعرها هو الشاعر الكبير عبد المنعم ابو نيران من ابناء منطقة ارقي محافظة الدبة وارقي منطقة معروفة بشعرائها وفنانيها ومنهم صديق احمد وعبد الرحيم وقصتها انه كان يشتكي من وجع في عينية وذهب لعيادة عيون للكشف ومن حسن الحظ كانت الاخصائي من الجنس اللطيف اللطيف بنت كما قال لم يري مثلها من قبل وجهها كاقمر في لية تمامه فبعد ان سالته مماذا يشتكي في عينية وقربت اليه وجهها كي تري ما في عينية اغمض هو عينية لانه قال لم استطيع رويتها
فدار بينهما الحوارالتالي
افتح عينيك
يفتحهم
تدني منه يغمضهم
افتح عينيك يفتحهم
تدني منه يغمضهم
في النهاية سالته انت مابك
فقال لها عينيك
مالها عيونى
فكانت مولد القصيدة
عينيك يا اعز الناس
عينك فيها اخطر ماس
عينيك فيها علم الطب
عينيك عمتني احب
من حننة شرب
والشوق زادني ليها حماس
قاصدن عيني
خلني ابكي مني ولي
بقيت بين الممات والحي
وصبح جته غير احساس
حاقة جوة الجوف عينيك فيها احد سيوف
ما بتعرف الخوف
وحاساها الرموش حراس
منية للمحتاج
للسجين افراج
سمحة غير مكياج
وفيها بشوف
|
Post: #110
Title: Re: اجمل ما قيل في العيون
Author: nazar hussien
Date: 12-28-2002, 09:27 AM
Parent: #109
العزيز ايهاب
من مدة طويلة وانا اقرأ ايهاب وكنت شاكي هل هو ايهاب الدفعة
الا ان تاكدت اخيرا انك انت انت ذلك الايهاب الرائع الشاطر جدا
بالمناسبة يبدو اننا جيران غربة
لم اتمكن من قراءة كل البوست من اولو
ومع ذلك اليك ما قاله محمد المكي ابراهيم
لانك ما اختاره الله لي
من جميع العيون الجميلة
لما رأى انني بالعيون الجميلة
اجتاز باب السماء
لانك كل العيون التي عذبتني
وكل الشفاه التي اخذت من شبابي
وكل النساء اللواتي بكيت بابوابهن
وده سيد عبد العزيز
مرة اذا نظرتو ونظرو اليك رناه
قلبك ينشرحلو وترتاح لي لقاه
دون تشعر تحبو وتلهج في ثناه
مرة تقول كبدري ومرة تقول كزهري
مرة تسمي شعري ومرة تعمي سحري
تقلب فيه اسما وبرضوتشوفو اسمي
كل وصف تراه اقل من مستواه
مترفع عظيم عالي بعيدمداه
ملأ العين جمالو الزاهي رشح نداه
يتلألأ والكواكب تتناثر حداه
فيه الحسن اودع ما ملكت يداه
مفرح وشوفتو تفرح
يتلقاك باسم كالزهر المنسق
تشوف في مقلتيه حياه ودلال وتيهو
واللحظ البجرح والوجد المبرح
في زمن المواسم
انا من دون اصرح
لي قلب اصطفاه
وهسة هناك معاه
م
ابدا وطبعا لا شفناه شفناه
ده كلو عشان حاول يخفي نفسو
بلاي شوف العيون هنا سوت فيه شنو؟؟؟؟
والي ان تنلاقي
يا ايهاب
|
Post: #111
Title: Re: اجمل ما قيل في العيون
Author: Ahlalawad
Date: 12-28-2002, 09:46 AM
Parent: #1
شنو لعيون
شنو اللي ينن المينون
موب العيون؟
في عين تذبح ذبح عادي
وعين تذبح ذبح سادي
وكلو ذباح وكلو رماح
تبي تسلم من الذبحين ، لا تفتح عين
عبد الرحمن رفيع - البحرين
|
Post: #112
Title: Re: اجمل ما قيل في العيون
Author: nazar hussien
Date: 12-28-2002, 10:40 AM
Parent: #111
يا اهل العوض
شنوهو الينن المينون
موب لعيون
وهكذا تنطنق موبلعيون
والله لكن احييك ده تحدي عديل كده
هاك دي سعودية
خذوا النهار وقضبوني يد الليل
ما دام ليلي ساكن وسط عينه
المترف اللي لاعني بالمظاليم
اطبق جفوني بين عيني وعينه
|
Post: #113
Title: Re: اجمل ما قيل في العيون
Author: ايهاب
Date: 01-05-2003, 08:50 PM
Parent: #112
الاعزاء
ابو يوسف
نسمه
الباقر
اهل العوض
شكرا على المشاركات الجميله
العزيز نزار حسين
عذرا لردي المتاخر
بس والله غبتا مده من البورد
شكرا عزيزي و يا ريت تزكرني بيك اكتر عشان اخوك راسو بقى كعب شديد
الكبر حصل والله
ههههههه
سعيد والله و في شوق لردك
|
Post: #114
Title: Re: اجمل ما قيل في العيون
Author: solara
Date: 01-05-2003, 09:14 PM
Parent: #1
العزيز ايهاب
قريت مره في مقاله انو الرجل يعشق المراه من العيون...
وان المراه تعشق الرجل من رائحته....غريب صح
خلينا في الرجال.........انا ما عندي كلام جميل اكتر من الاتقال في العيون......
لكن العيون ليها سحر غريب كده.......واول نظره بتكون للعيون ليه العيون ما تعرف؟؟؟؟؟؟؟؟
و تحياتي
Solara...
|
Post: #115
Title: Re: اجمل ما قيل في العيون
Author: nazar hussien
Date: 01-06-2003, 07:33 AM
Parent: #114
يا ايهاب يا اخي كبر شنو انا غايتو طلعت
هنا اصغر مغترب
الناس القبلي كلهم ليهم تاشرات
وعشرينات
وتلاتينات
في الغربة
وبالتاكيد انت قبلك ناس جعفر عباس وابو الباشا ومرتضي راسخ
ومعظم ناس الشرطة والجيش وامكن من الدفعة القبلينا صلاح عبدالله
غايتو ديل البتذكرهم هسي
|
Post: #118
Title: Re: اجمل ما قيل في العيون
Author: ايهاب
Date: 01-06-2003, 08:30 AM
Parent: #115
العزيز نزار
والله انا هسه تهتا زياده موش قلتا ليك الكبر حصل
رايك شنو تكتب لي في المسنجر او تتصل علي
5815244
تحياتي وودي
|
Post: #117
Title: Re: اجمل ما قيل في العيون
Author: ايهاب
Date: 01-06-2003, 08:24 AM
Parent: #114
العزيزه سولارا
موش وردي غنى العيون فيهم كلام
يمكن عشان الكلام دا
شكرا عزيزتي و تحياتي
|
Post: #116
Title: Re: اجمل ما قيل في العيون
Author: Ahlalawad
Date: 01-06-2003, 07:54 AM
Parent: #1
عيناك غابتا نخيل ساعة السحر
أو شرفتان راح ينأى عنهما القمر
السياب
|
Post: #119
Title: Re: اجمل ما قيل في العيون
Author: ايهاب
Date: 01-06-2003, 08:33 AM
Parent: #116
العزيز اهل العوض
شكرا عزيزي معظم الناس اتفقو على هذا البيت
تحياتي
|
Post: #120
Title: Re: اجمل ما قيل في العيون
Author: omdurmani
Date: 01-06-2003, 08:52 AM
Parent: #1
اخي ايهاب
السلام عليك
هذا ما كتبته في بوست قديم....اعتبره انا اجمل ما قيل في العيون...لانى عشت التحربه...وهى اول ابيات شعر اكتبها في حياتى ...
(1999)
.........
لا ادعي الشعر او الشاعرية ، ولكن كثرت قراءة الشعر في موسم من عمري ،جعلتنى اتجرأ لإنتاج بعض المحاولات ،هي الاولي لي، ولكن حبي لكتابة النثر تغلبنى ،فأبدأ شعرا يأخذ جل وقتي ثم يسترسل قلمي نثرا فلا اوقفه .....
اعذرونى اذا كانت بعض اشعاري أو ما اظنه شعرا يسئ لحرفة الانسان الانسان ثم ما رأي اهل الشعر بأن كثرت قراءةالشعر تنتج شاعرا ...
هىرواية حقيقية ليست من مخيلتى بل هي إحساس تلكم اللحظات ... عندما رايتها وهي تجلس علي بنش داخل جامعة الخرطوم، حانت التفاتة مني لاراها تغلق عيناها، لادري ماذا اعترانى لحظتها وفي ذلك اليوم فكتبت التالي:
تركت اثر في قلبي نظرة ****** منهااصابت موقعى
اسرتنى فما اجمله من اسر**** قيوده لحاظ حسناء ورمش
احيت في خلايا ولذة ***** قلدتنى اياها برمقة
....... رايتها تجلس علي بنش في احد اروقة جامعة الخرطوم جذبتني اليها عينيها ...آآه من نافذة عينيها وهي تغلق ، تغلق علي بحر عميق قادر علي إغراق الف الف سفينة محتارة في الشط اين يكون... وعندها لا اشعر إلا وانا مقيد واسير وما اجمله من اسر ، أن تاسرك حسناء بلحظها ورمشها وفرعها ، قيود تحيط القلب وتحكم القيد حوله تعتصره فتحس الم رقيق دافي جميل ولذة هي من عجائب الله.
وحين جن ليل ذلك اليوم ، ولا ادري كيفما اتفقا علي ، وأي عقد يربط بين ليل و وجد قلب و كلاهما يتجاسرا علي ، يحطمانى، كيف بهذاالعقد ان يتفق علي ماليس له به علاقة ملكية؟ وانا ما انا الذى لم يملكنى قلبي من قبل ، فالاقاوم هذا العقد ، و الاحارب هذاالبيع ، و عندها تتطواطأ عيناي فتغمضان ، بايقاع بطئ و رتم دافئ ، فارفع الراية البيضاء ، و استسلم... انام.....
انتهي..........
وأتسأل هل الحب كامل ام ناقص ، بمعنى هل احببت تلك الفتاة اما احببت تلك الحالة والا اقول عيناها بل حركة
رموش عيناها وهي تغلق.....
ولنا عودة
|
Post: #121
Title: Re: اجمل ما قيل في العيون
Author: khal fatma
Date: 01-06-2003, 09:07 AM
Parent: #1
سهم اصاب وراميه بذي سلم
من بالعراق
لقد ابعدت مرماك
اكيد دي في العيون ولو مافي في العيون في العيون
|
Post: #122
Title: Re: اجمل ما قيل في العيون
Author: nazar hussien
Date: 01-06-2003, 09:23 AM
Parent: #121
ايهاب
ما اسمعك تاني تقول الكبر حصل
طيب العينتنا ده يقول شنو يفرش ليهو تبروقه
عزيزي فرصة طيبة جدا علي التواصل وشرف المعرفة
|
Post: #123
Title: Re: اجمل ما قيل في العيون
Author: ايهاب
Date: 01-06-2003, 09:26 AM
Parent: #121
شكرا عزيزي امدرماني
دا اكيد اعجاب بي عيون الزوله دي
ما حب و كدا
مساهمتك جميله و نثرك جميل
في انتظار المزيد
العزيز خال فاطمه
مع اني ما فهمتا حاجه لكن عشان خاطرك في العيون
ههههههههههههههه
تحياتي
العزيز نزار
شكرا على الاتصال و اسفين للخسائر هههههههههه
مردوده انشاء الله و فرصه اكتر من سعيده
|
|