Post: #1
Title: ود البدري هدية للكل ...خاصة للاعزاء دقنة و باكاش...
Author: فنجري
Date: 08-22-2002, 01:01 PM
Parent: #0
ود البدري صوت بجاوي نديان شجن ...و للاسف لا املك عنه معلومات كافية ..اتمني ان يكتب لنا عنه الاخوة البجاويين ...المهم رغم معرفتي القليلة باللغة التبداويت ولكن اجدني منفعلا جدا باغاني البجة نسبة لعذوبة الاصوات والالحان ...و متاكد من قوة الكلمات ..لان البجة عامة والهدندوة معروف عنهم سلاسة الحديث اضافة للبديهة الحاضرة .اتمني ان تنال اعجابكم ..
الفنجري
|
Post: #2
Title: Re: ود البدري هدية للكل ...خاصة للاعزاء دقنة و باكاش...
Author: BAKASH
Date: 08-22-2002, 01:16 PM
Parent: #1
الاخ الفاضل فنجرى
تحياتى واشواقى
اشكرك جدا اخى لهذه الهديه الغاليه التى اعتبرها احلى هديه لقيتها من اخ وجدته فى هذه القبيله البوردابيه وهذا يدل على اهتمامك النبيل واقول ليك والله مما جيت السعوديه ما سمعت لاغانى ود البدرى هذا الصوت الفريد فى اصوات البداوييت ومرحب بيك وانت تهتم بكل قبائل السودان دون فرز وهذا من معدنك اللاصيل ولو قلت نعلمك البداوييت والله نحن مستعدين
مره تانيه مشكور وايتانينا
اخوك باكاش
|
Post: #3
Title: Re: ود البدري هدية للكل ...خاصة للاعزاء دقنة و باكاش...
Author: degna
Date: 08-22-2002, 01:32 PM
Parent: #2
تحياتي اخي العزيز فنجري ,,
انها اجمل هدية تلقيتها علي الانترنت علي الاطلاق يااخ فنجري , انها من اجمل اغاني محمد البدري ذلك الفنان الكبير الذي طور الفن البجاوي وهو صوتا شادي من اصوات الشرق المتعددة ,,وام لغة التبداويت سنعلمها لك ونحن كلنا سعادة وفرح وستجد قريبا قاموسا للتبداوي وشكرا جزيلا مره اخري ,,,,
دقنه البجاوي
|
Post: #4
Title: Re: ود البدري هدية للكل ...خاصة للاعزاء دقنة و باكاش...
Author: فنجري
Date: 08-22-2002, 01:53 PM
Parent: #3
شكرا ولاد البجة الاصيليين ....باكاش و دقنة ...اولا اسف لانو الاغنية لم تشتغل كاملة ....لخطاء في الابلود وقد اعدت التنزيل ..نتمني ان يعكس المنبر كل فنون السودان الحلوة ...و نتمني منكم ان تعكسو لنا وجه الشرق الفتان ....من بورسودان مرورا بسنكات و جبيت و هيا ...تهميام و درديب مرورا باروما و درة الشرق كسلا ...ولاننسي طوكر و القاش ..لكم كل تحياتي ..
|
Post: #5
Title: Re: ود البدري هدية للكل ...خاصة للاعزاء دقنة و باكاش...
Author: ايهاب
Date: 08-25-2002, 08:21 AM
Parent: #4
العزيز فنجري
هديه جميله تشكر يا زوق و في انتظار المزيد
شفتا الطمع دا
*neutech*
لك كل الود والتحيه
|
Post: #6
Title: Re: ود البدري هدية للكل ...خاصة للاعزاء دقنة و باكاش...
Author: فنجري
Date: 08-25-2002, 08:31 AM
Parent: #5
شكرا يا ايهاب وحمد الله علي السلامة ...راجين رايك في غني الشرق ...و اهل الشرق..neutech too
|
Post: #30
Title: Re: ود البدري هدية للكل ...خاصة للاعزاء دقنة و باكاش...
Author: EXORCIST7
Date: 01-23-2003, 09:12 PM
Parent: #2
يربناى أر تو كف ديم أرب ذكرتهون
يراوا إندواوا ، والله واوستهون
شكرا ليك يا فنجرى على هذة الأغنية الرائعة
والسلام
لبابه
|
Post: #7
Title: Re: ود البدري هدية للكل ...خاصة للاعزاء دقنة و باكاش...
Author: Ahlalawad
Date: 08-25-2002, 09:35 AM
Parent: #1
الفنجري .. وتمام فنجري ..
في جاه الملوك نلوك .. هناك مقطوعة اسمها نون (بتشديد الواو) مشهورة كان قد قدمها الرائع الطيب محمد الطيب حينما سجل برنامجا كاملا عن آلة الطمبور غطى فيه جهات السودان الأربعة . قدم هذه المقطوعة بالطمبور فقط ثم بتنفيذ فرقة موسيقى شرطة كسلا .. هي أيضاً رائعة . أرجو أن تكون استمعت إليها .. طبعاً كلنا يذكر آدم شاش وفنجان جبنة .
طبعا عن نفسي أحتفظ بتسجيل لهذه الأغنية .. شجت كبدي فلم أجهل شجاها أو كما قال الشاعر
لك الشكر إضافة إلى شكر أهل الجلد والراس .
|
Post: #8
Title: Re: ود البدري هدية للكل ...خاصة للاعزاء دقنة و باكاش...
Author: فنجري
Date: 08-25-2002, 10:12 AM
Parent: #7
اهل العوض الرائع..احلي شي في الفن والغناء انو بيزيل كل حواجز ...انا لما اسمع لود البدري بحس اني هدندوي و بستوعب اي شي بيقولو ...و زمان في بورتسودان كنت استمع لغناء الهدندوة من بعض اصدقاء الدراسة..و بالطمبور (نسيت اسمو في لعة التبداويت ...)
و لذلك حاولت ان لاافتقد هذا الارتباط ...و اطالب اهلي دوما بارسال اغاني ود البدري ..خصوصا و ان كل اسرتي شغوفة بغناء الشرق..و من تربو في بورتسودان وكل مدن الشرق تجدهم مزيجا لطيفا من اهل الشرق و اهل الوسط و الشمال ..و لو تحدثنا عن جمال بنات الشرق سيطول الحديث ولن يخلص...المهم شكرا لتشاركنا في الاحساس..
|
Post: #9
Title: Re: ود البدري هدية للكل ...خاصة للاعزاء دقنة و باكاش...
Author: Halema2
Date: 08-25-2002, 10:39 AM
Parent: #8
الاخ فنجري
التحيه للشرق الحبيب ولاهله الطيبون....
حقيقي الاغنيه ابكتني ورجعتني لزمن بعيد...
يا حليل كسلا واهلها الطيبون
التحيه لك وللفنان ود البدري المبدع...
لكم الود
|
Post: #10
Title: Re: ود البدري هدية للكل ...خاصة للاعزاء دقنة و باكاش...
Author: فنجري
Date: 08-25-2002, 11:42 AM
Parent: #9
العزيزة حليمة2 ...انا ذاتي كسلا دي عندي معاها زكريات حلوة جدا ..مرة جيت ماري بيها قلت اقعد يوم قعدت شهر من السواقي للمربعات للختمية و سحر جبال توتيل .. ....و بختك لو كنتي عايشة فيها ....لانها مدينة بتطبع في الناس حلو الخصال و الجمال.....لك تحياتي
|
Post: #11
Title: Re: ود البدري هدية للكل ...خاصة للاعزاء دقنة و باكاش...
Author: Tumadir
Date: 08-25-2002, 12:55 PM
Parent: #10
انا عندى سى دى كامل من اغانى الشرق...
بالربابة...
تسجيل نضيف
مش من الشرق بس، من كردفان... نقارات تمام، من الانقسنا سى دى كامل ، من الجنوب، من منطقة الشايقية... وصوفى.... تسجيلات نادرة اقتنيتها فى رحلة بحثى عن الرقصات الشعبية السودانية لتكوين فرقتى,
السىديهات دى كلها معاى... لكن ما بعرف انزل غنا من كمبيوترى....
تورونا.... نسمعكم...
|
Post: #14
Title: Re: ود البدري هدية للكل ...خاصة للاعزاء دقنة و باكاش...
Author: Tumadir
Date: 08-25-2002, 01:13 PM
Parent: #13
الخواض اخوى
اها خليتكم عافية
افتحوا السباليق الخريف دخل
وزبلوا بيوتكم... انا داخلة مدرسة من دربى دة
تسمعوا مننا قريب ان شاءالله
لوووووول
دة شنو دة؟ يا ود امى
لكن لومك على ياغرق يا جيت حازما
الموصلى كدى ادينى فرصة اعملها براى
لمن اصل مرحلة ابو الزفت بتاعة مسارات ديك.... لو ... الله يكضب الشينة.... غلبت حيلة .... بجيك راجعة.
تانى شكرا خواض
|
Post: #12
Title: Re: ود البدري هدية للكل ...خاصة للاعزاء دقنة و باكاش...
Author: Elmosley
Date: 08-25-2002, 01:03 PM
Parent: #1
شكرا يافنجرينا
هسع كنت داير اطلب من دقنا ان ينزل اي حاجه لمحمد البدري وقد كان يديك العافيه
تماضر اعملي لي كوبي ورسليها والباقي هين
|
Post: #15
Title: Re: ود البدري هدية للكل ...خاصة للاعزاء دقنة و باكاش...
Author: degna
Date: 08-25-2002, 01:35 PM
Parent: #12
سلام عليكم جميعا ,
نعم انها من روائع الفنان البدري , والاغاني البجاويه علي العموم تتحدث الشهامة و الكرم , والشوق لبعض الاماكن التي تجعل النفس تحن شوقا اليها ,
يافنجري خليتنا نزكر اشياء وحركت فينا مشاعر وشوقا للاهل والاحباب ,, غايتو كتر الف خيرك ومنتظرين المزيد ,اخي العزيز
دقنه sister tumador , for who your CD ? thanks
|
Post: #16
Title: Re: ود البدري هدية للكل ...خاصة للاعزاء دقنة و باكاش...
Author: فنجري
Date: 08-25-2002, 05:33 PM
Parent: #15
ان كنت عارف انو ود البدري ح يرفع اسهم البوست و يجيب مبدعين البورد ...و للعزيزة تماضر راجينك ....انا عارف انو عندك الكتير بس اسخي ونزلي لينا الحاجات المدسوسة ..الرائع الخواض ما بيقصر معاك ونحن مستعدين....شكرا يا الخواض..
عزيزنا الموصلي انا متاكد اي فنان انت تطلب تنزيل غناهو ده فنان عظيم وبي كلامك ده اكدت انو محمد البدري فنان راقي..
البجاوي العزيز ...ده قليل من فن اهلنا البجة ...و انا عارف انو البورديون لديهم كتير فشدو الحيل ...خلونا نحلم بي ليلة خريفية في سواقي القاش...
شكرا اعزائي ....و شكرا لود البدري
|
Post: #17
Title: Re: ود البدري هدية للكل ...خاصة للاعزاء دقنة و باكاش...
Author: ابو يسرا
Date: 08-25-2002, 08:35 PM
Parent: #16
الله الله يافنجرى
مااروعك ياود البدرى لى زمن مابكيت والاغنية ابكتنى كثيراً
اتمنى من ادارة المنبر عمل دورة تدريبية للاخت تماضر لكى تتعلم كيفية انزال الاغانى فى المنبر وعشان نشوف الداساهو فى سحارتها
الله يمتعك يافنجرى بالعافية لقد اسعدتنا
|
Post: #18
Title: Re: ود البدري هدية للكل ...خاصة للاعزاء دقنة و باكاش...
Author: مارد
Date: 08-26-2002, 01:34 AM
Parent: #17
كلنا فى الهم شرق
|
Post: #19
Title: Re: ود البدري هدية للكل ...خاصة للاعزاء دقنة و باكاش...
Author: Tumadir
Date: 08-26-2002, 01:40 AM
Parent: #18
كنت ماشة كويس ياخواض...
وعملت داون لو لكل البرامج القلتها دى
بس فى الخطوات ىالاخيرة كان فى مشكلة
انا طبعا عندى سى دى ممكن اركبه فى الجهاز انقلو كيف...كل ما اسجل اغنية ما اقدر افتحها بقولو لى الفايل ضخم وما ادراك ما كلام زى دة
خبراتكم... ياخواض
|
Post: #20
Title: Re: ود البدري هدية للكل ...خاصة للاعزاء دقنة و باكاش...
Author: فنجري
Date: 08-26-2002, 08:31 AM
Parent: #19
العزيزة تماضر ....ده موقع بيديك 50 ميغا بايت مجانا ....ممكن تنزلي فيهو اي شي ... http://www.anycities.com
بس لو تقدري تنزلي ريل انكودر realEncoder لانوالتسجيل بتاعو حجمو صغير و اي اغنية مهما كانت ما بتتجاوز الواحد ميغا بايت ..و بي كده بتسهل عملية الابلود المملة...و البتقطع كتير لما يكون الملف كبير الحجم
المهم عاوزين ...تطلعي لينا الفي السحارة....لانو نحن متشوقين .....و ح تقولي لينا زحو غادي... و اتفرجو بس..انا عارف ..
ناطرينك...علي قولة الخليجين
|
Post: #21
Title: Re: ود البدري هدية للكل ...خاصة للاعزاء دقنة و باكاش...
Author: Tumadir
Date: 08-26-2002, 10:46 AM
Parent: #20
نشوف
|
Post: #23
Title: Re: ود البدري هدية للكل ...خاصة للاعزاء دقنة و باكاش...
Author: yasiko
Date: 08-26-2002, 01:19 PM
Parent: #20
يا تماضر
قد خاب من دساها !!!!!!!وانت ستدخلين في عداد الذين يكنزون الذهب والفضة والله لي جبهتك
فتوى عالم ميه الميه مش فقه ضرورة
|
Post: #24
Title: Re: ود البدري هدية للكل ...خاصة للاعزاء دقنة و باكاش...
Author: Tumadir
Date: 08-26-2002, 01:35 PM
Parent: #23
sajami?
|
Post: #25
Title: Re: ود البدري هدية للكل ...خاصة للاعزاء دقنة و باكاش...
Author: boco
Date: 08-26-2002, 02:59 PM
Parent: #24
سجمى بالانجليزى ..دى ذكرتنى
نكتة الاستاذ الشايقى مع الطلبة
وهو ماسك ليهم القلم فى ايدو وبيسألهم
وات از زيس ؟
ومعاها جرة فى اخر الكلمة از ات ا بوك ؟
از ات ا رولر؟
از ات أ بن ؟
والجماعة شابكنو ليك
نو اتز نت
فى النهاية لمن زهج قال ليهم
اىىىىىىىىى نااااااااان وات از زيس ؟
ههههههههههه يكة
عارقة قديمة ... لكن عليكم الله كان ماضحكتو
لانها كلفتنى فى الكتابة
|
Post: #22
Title: Re: ود البدري هدية للكل ...خاصة للاعزاء دقنة و باكاش...
Author: فنجري
Date: 08-26-2002, 11:42 AM
Parent: #18
شكرا يا ابو يسر يا ذوق ...كنت اتمني ان يكون لدي مكتبتي الصوتية ..سوي الجبنة بي صوت مغنيها الاصلي ....لانو سحرها عجيب...
و انا معاك غني محمد البدري يحسسك بحالة كبيرة من الانفعال والحب..تحياتي ليك
مارد ....رايك مهم يا عزيزي ...ورينا انطباعك عن ود البدري ...و هل سمعت ليهو قبل كده ..و الله لا جاب هم ....شكرا يا زول حادب علي مسيرة البورد...
|
Post: #26
Title: Re: ود البدري هدية للكل ...خاصة للاعزاء دقنة و باكاش...
Author: Tumadir
Date: 09-15-2002, 06:25 PM
Parent: #22
فوق
|
Post: #27
Title: Re: ود البدري هدية للكل ...خاصة للاعزاء دقنة و باكاش...
Author: النورس الحزين
Date: 09-15-2002, 07:31 PM
Parent: #26
الفنجري
ياخونااتحفونا بالحاجات السمحة دي طوالي وشكلو عشان نحن في أمس الحوجة ليها لانها حنينة وتعيد الروح للوجدان
قال فيديو كليب قال
مع ودي
النورس الحزين
|
Post: #28
Title: Re: ود البدري هدية للكل ...
Author: فنجري
Date: 01-23-2003, 07:18 PM
Parent: #27
تاكدو اعزائي.....نتالم كثير بفقد اي عنصر عن هذا البورد فود البدري يتسال عنك بكاش و كل الاعزاء الغايبين الحاضرين عنا ...
نتمني عودتكم وعودة الدعاش لبوردنا العزيز ...
|
Post: #29
Title: Re: ود البدري هدية للكل ...خاصة للاعزاء دقنة و باكاش...
Author: Modic
Date: 01-23-2003, 07:23 PM
Parent: #1
أغنية جميلة
أنا من الشرق فالأغنية دي لقت مكان في قلبي
أبشروا بالخير
محمد
|
Post: #31
Title: Re: ود البدري هدية للكل ...خاصة للاعزاء دقنة و باكاش...
Author: SAdo7
Date: 01-23-2003, 11:06 PM
Parent: #1
العزيز فنجرى
لم تكتب لنا زيارة شرق السودان
الا اننا نحمل له مكنونات نقيه وكلنا
امل بان نحظى بزيارة تلك المناطق الرائعه
روعة اهلها ونشكرك على الاختيار
|
|