Post: #1
Title: اتمنى ان اكون انسانة لا تشبه زمانها!!
Author: dreams
Date: 08-20-2002, 02:53 PM
Parent: #0
( ما أقسى أن يكون لزمن الأحزان بقية)
عبارة سألني عنها الكثيرون وقالوا لماذا؟ لماذا هذه العبارة بالذات ..؟!
قلت لأنني احسها .. وأحس أن نصيبي من الحزن في هذه الدنيا لم يكتمل بعد..
نعم هو إحساس قاسى .. قاسى جدا !!
فيما مضى كنت اسمع الناس يقولون فلان إنسان بكل ما تحمل الكلمة من معاني ..
والآن اسمعهم يقولون فلان إنسان بكل ما تحمل الكلمة من معاناة!!
أصبحت الإنسانية …. معاناة!!!!
أن تكون إنسانا في زمن انعدمت فيه الإنسانية فأنت مجنون .. ضحية نفسك!
أن تحب في زمن انعدمت فيه المحبة .. فأنت تجرى وراء سراب!!
أن تثق في زمن انعدمت فيه الثقة .. فأنت خيالي!!
أن تعطى في زمن انعدم فيه العطاء .. فأنت مسرف !!
أن تأخذ في زمن انعدم فيه الأخذ .. فأنت أناني !!
أن .. وان .. وان ……
أن تكون في زمن انعدمت فيه الكينونة فأنت عدم !!
أتمنى أن أكون انسانة لا تشبه زمانها !!!!!
|
Post: #2
Title: Re: اتمنى ان اكون انسانة لا تشبه زمانها!!
Author: HAMZA SULIMAN
Date: 08-20-2002, 03:05 PM
Parent: #1
اشهد بانك فى هذا البوست تذوبين خيالا رومانسينا وشفافيه تخترق
المسام ..... لم تكن للاحزان بقيه بقدر ما للافراح دربا الينا
وانت تحولين البورد الى انسانه ....
دمتى ..
|
Post: #7
Title: Re: اتمنى ان اكون انسانة لا تشبه زمانها!!
Author: dreams
Date: 08-21-2002, 05:51 AM
Parent: #2
استاذنا حمزة
انتم من تحولون بقايا حزنى الى افراح وابتسامات
نعم .. اشهد .. واعترف .. انا رومانسية حتى النخاع
لك التحايا
|
Post: #3
Title: Re: اتمنى ان اكون انسانة لا تشبه زمانها!!
Author: منعم
Date: 08-20-2002, 07:49 PM
Parent: #1
من قال ان الدنيا بهذا السؤ؟؟
نعم هناك غدر وهناك انانية وهناك وهناك
لكن ...... على الضفة الاخرى هناك من يقدمون لنا اجمل الاشياء وينسون انفسهم . هناك من يستحقون الثقة . وهناك من يقدمون ارواحهم فداء لنا
اذا المشكلة هى ان نعرف لمن نمنح حبنا . لمن نمنح ثقتنا . لمن نعطى دون ان ننتظر المقابل
فبكل تاكيد هناك من يستحقون ثقتنا . وان كنا لا نعرفهم اليوم . فحتمآ سوف نقابلهم يومآ ما
اما عن نفسى فانا اعرف الكثير منهم
|
Post: #4
Title: Re: اتمنى ان اكون انسانة لا تشبه زمانها!!
Author: غدى
Date: 08-20-2002, 09:55 PM
Parent: #3
|
Post: #10
Title: Re: اتمنى ان اكون انسانة لا تشبه زمانها!!
Author: dreams
Date: 08-21-2002, 06:10 AM
Parent: #4
غدى يا غالية .. دموعك غالية
لكنها رسالة صدق منك تقبلتها بكل الفرح الخجل من حزنى الذى ادخلك فى الهترشة الرائعة
تسلمى يا حنينة
|
Post: #8
Title: Re: اتمنى ان اكون انسانة لا تشبه زمانها!!
Author: dreams
Date: 08-21-2002, 06:02 AM
Parent: #3
منعم
ح تصدق لو قلت ليك الكلمات دى جاتنى وانا فى قمة الامل
خفت عليه من الزمن القاسى ... الحزين
وحسيت انه لو اصبح - لزمن الاحزان بقية - يبقى الدنيا مارست معاى كل فنون القسوة
الناس الحلوين عارفة انهم موجودين وح اقابلهم اكيد زى ما قابلتكم
انتو.. فى الزمن الاليم
معاك بقول .. لسه يا حزن الملامة من سنين دربك سلامة
لك التحايا
|
Post: #5
Title: Re: اتمنى ان اكون انسانة لا تشبه زمانها!!
Author: elnadeif
Date: 08-20-2002, 11:41 PM
Parent: #1
ما اجمل ان يكون لسنين الحزن بقية ، الحزن يوكد انك الانسان ، فعندما تغرق في الزمن السالب وهنا اقصد الفرح لا تكون لحياتك معني اعرف كم هو مرهق هذا الحزن ولكن لسنوات طويلة لا ادري منذ متي وانا صرت راهبا للحزن بازخا له
لم يهرش دمي فرح ولم تغرود عيوني ملئ بالدموع لرؤية احدهم احتسي سنين عمري جامد منحاز لذاك الذي في صدري و مجافيا كل مايخترق ذاك السكون الجميل
الحرن يتسكع الان في نواصي حروفي ودندانتي المرهقة لكل اتكاته الحزينة ولكن لي شرف من الاحزان ،لا ترهقي نفسك بهذا الحزن بواقع التجربة عرفت انه كم هو رحيم تماهي معه ستشتعل سنواتك ضياء وافردي له ماشاء من مساحات فالحزن اكبر من خطايانا واكبر من لحظة ترف انساني مختلق انه الانسان وانت في طريقك الي الحياه ،
تمتعي بالصدق الذي يعتريك وادخريها لزمن تستلب فيه الاحاسيس لن تجدي سوي حزنك ينتظر عند بابك مفعلا بك ويدق في ادب هل ادخل ، وتبتسمي له في حب ؟؟؟.... تعال
ستار.. ؟؟
|
Post: #6
Title: Re: اتمنى ان اكون انسانة لا تشبه زمانها!!
Author: Wad Aljaili
Date: 08-21-2002, 05:22 AM
Parent: #5
|
Post: #9
Title: Re: اتمنى ان اكون انسانة لا تشبه زمانها!!
Author: MOHDY
Date: 08-21-2002, 06:03 AM
Parent: #6
الاخت دريم و البقية الباقية من القعد الفريد
إني أحدث بقلب لا يستطيع الكتمان، كقلبك يا أختاه أتحسس لي نورا كي أكشف موضع قدمي...أين أنا و من؟
لا تزعجي بالك حتي لا يتمزق قلبك
يتيسر لنا الفقر حتي نري في التفاح فاكهة الجنة التي كتبها الله للصابرين من عباده ومع هذا من يبخل منا بتمرة تقوم عليه عليه القيامة بأنه أجشع من أشعب فينزوي بذلك البخل و الطمع و يصطف الجميع متساوين في ما يملكونه. فالوزير الجاري لا يفصله عن محمد أحمد الغفير غير سيارة الحكومة التي تقله كل صباح الي مكتبه و تعيده في المساء لظل الحي جوار عم علي الخياط ليستفحل عم رمضان في نقد الحكومة و ما يجب أن يقوم به القائمون
مات هؤلاء و لو عاشوا ليومنا لماتوا ألف مرة للوزير الذي عندما يتقلد منصبه يغادر الحلة لحي الوزراء حيث تغيب الحكومة بكامل جهازها عن أعين عم رمضان و عم علي لكي لا تنشط للرأي الاخر ناشطة بعدها...ليغيب الكلام عن الافواه
أو تقوم قائمة للائمة بعدما تسورت بيوت الذين ملكوا كأحصنة الروم و بقت بيوت أهل الحلة مكشوفة تحكي تاريخ من أخذ و تاريخ من أعطي
يتغير الزمن و يتغير الكلم و التعبير...تباح محظوزات و تحظر مباحات و القاسم الذي يعلل ذلك اختلاف المقامات التي جعلت من تفاح الجنة فاكهة متداولة و من نبق الفقراء سلعة للعرض لا تجد مشتري
اللهم كانت لك هجرتي و سارت الاقدام
بارك لنا في الدخول و المقام
|
Post: #13
Title: Re: اتمنى ان اكون انسانة لا تشبه زمانها!!
Author: dreams
Date: 08-21-2002, 06:27 AM
Parent: #9
MOHDY
حزن الغلابة اسمى مقامات الحزن
لحزنهم ننزوى خجلا من انفسنا
لك التحايا
|
Post: #14
Title: Re: اتمنى ان اكون انسانة لا تشبه زمانها!!
Author: democracy
Date: 08-21-2002, 06:39 AM
Parent: #13
عزيزتى دريم
ياما قالوا الدنيا تحرم منية فى لحظة عشم
ولكن قيل كمان غيب وتعال تلقانا نحنا ياما نحنا .....لاغيرتنا الظروف ولا هزتنا محنة
|
Post: #15
Title: Re: اتمنى ان اكون انسانة لا تشبه زمانها!!
Author: dreams
Date: 08-21-2002, 06:48 AM
Parent: #14
democracy
لالالالا .. عليك الله ما تقول لى كده
لو حرمتنى الدنيا من منيتى دى ح اموت لانى مافى ساعة عشم
لكنها ساعة تأمل واستغراق .. زى الصوفية بالضبط
ايوه .. ح ابقى .. لا تشبه زمانها
|
Post: #12
Title: Re: اتمنى ان اكون انسانة لا تشبه زمانها!!
Author: dreams
Date: 08-21-2002, 06:20 AM
Parent: #6
ود الجيلى
اغنيتك ما اشتغلت معاى
لكن سمعتها بالاحساس
شكرا ليك يا رائع
لك التحايا
|
Post: #17
Title: Re: اتمنى ان اكون انسانة لا تشبه زمانها!!
Author: منعم
Date: 08-21-2002, 02:28 PM
Parent: #6
يا ود الجيلى
تسلم ويسلم زوقك يا راقى
اختيارك رائع جدآ للاغنية
والاروع هو تناغم الاغنية مع
الموضوع المطروح
لانة اكيد الاشياء الجميلة المطروحة فى الاغنية دى
هى البتدينا السعادة الحقيقة
وهى البتخلينا ناس بى الجد
تسلم يا راقى
|
Post: #11
Title: Re: اتمنى ان اكون انسانة لا تشبه زمانها!!
Author: dreams
Date: 08-21-2002, 06:16 AM
Parent: #5
النضيف
هوشئ يتعرى من فتات الروح
يعبر من نوافير الدم الكبرى
شئ ليس يفنى فى محيط اللون
او يبدو هلاما فى مساحات العدم
لك التحايا
|
Post: #16
Title: Re: اتمنى ان اكون انسانة لا تشبه زمانها!!
Author: dreams
Date: 08-21-2002, 01:20 PM
Parent: #11
ود الجيلى
لو اعيش طول عمرى نسمة
او مع الايام سحابة
اهطل ادى الدنيا بسمة
اروى وادى واسقى غابة
لو اعلم طفل واعد لسه ما عرف الكتابة
ابقى شجرة ظلالها وارفة تحتى ناس نايمين غلابة
مش قلت ليك ح اسمعها بالاحساس
شكرا لست الاحساس الشففتنى الاغنية
|
Post: #18
Title: Re: اتمنى ان اكون انسانة لا تشبه زمانها!!
Author: منعم
Date: 08-21-2002, 02:37 PM
Parent: #1
يا بت ما تخافى من اى حاجة
وحتى لو يوم الليلة شين بكرة اكيد حا يكون اجمل
ولو بكرة كمان طلع يوم قبيح يبقى ننتظر بعدة
لكن اهم شى انك تكسبى نفسك وتكونى دايمآ كدة
زولة جميلة من جوة . وبتحسى بالناس الحولك
وشفافة
شفافة يعنى شنو؟؟؟؟
يعنى لمن تقعدى فى قاعة الامتحانات تعاينى لى ورقة الزول القاعد جنبك بى قعر عينك
تسلمى يا اخت
|
Post: #19
Title: Re: اتمنى ان اكون انسانة لا تشبه زمانها!!
Author: Wad Aljaili
Date: 08-21-2002, 03:43 PM
Parent: #18
شكرا يا رايعة
يا منعم يا اخوي براحة علي ما تكبر لي راسي
|
Post: #20
Title: Re: اتمنى ان اكون انسانة لا تشبه زمانها!!
Author: dreams
Date: 08-22-2002, 05:49 AM
Parent: #18
منعم
من الليلة .. لا خوف .. لا خوف .. لا خوف
اها رايك شنو؟
شفافة ؟ ..يعنى اشف الاغنية الما بتشتغل معاى من مسنجر ناس سمعوها
شفت الشفافية تقنيتها عالية كيف
|
Post: #21
Title: Re: اتمنى ان اكون انسانة لا تشبه زمانها!!
Author: shogon
Date: 08-22-2002, 07:52 AM
Parent: #20
إن الانســـان بلا حزن ذكرى إنسان
العزيزه دريمس
لك التقدير
الحزن موجود في دواخلنا منذ الازل لولا الحزن ما ادركنا طعم للحياه
الحزن احساس يولد في لحظات كما السعاده لحظات توجد في زمن نسميه
ليس زماننا 0000 تمنيت امنية هي قريبه الشبه بامنيتك وهي ان اوجد
في زمن غير هذا الزمن لانه ليس زمني 000 نعم هو خيال انو اولد من
جديد لكنها تبقى امنيه 000 كامنيتك ان تكوني انسانه لاتشبه زمانها
تحياتي
|
Post: #22
Title: Re: اتمنى ان اكون انسانة لا تشبه زمانها!!
Author: degna
Date: 08-22-2002, 07:56 AM
Parent: #21
تحياتي dreams ,,
كلام كل جميل وواقعي ,, دقنه البجاوي
|
Post: #24
Title: Re: اتمنى ان اكون انسانة لا تشبه زمانها!!
Author: dreams
Date: 08-22-2002, 10:29 AM
Parent: #22
تسلم يا دقنه البجاوي
لك التحايا
|
Post: #23
Title: Re: اتمنى ان اكون انسانة لا تشبه زمانها!!
Author: dreams
Date: 08-22-2002, 10:22 AM
Parent: #21
الحزن فينا كائن يمشى على ساقين
دائرة تطوف فى فراغ الكون
تمحو عن شعاع الصمت ذاكرة السكون المطمئن
شجون
تصدقى لو قلت ليك انا مدينة للحزن باقيم لحظات حياتى .. مش كده بس بل بكتير من طباعى لانه فعلا قوى فينى حاجات كتيرة
لك التحايا
|
Post: #25
Title: Re: اتمنى ان اكون انسانة لا تشبه زمانها!!
Author: BAKASH
Date: 08-22-2002, 10:52 AM
Parent: #23
الاخوات دريم وغدى
تعلمت منكم كيف ادفن الدموع وان لكل داء دواء امر منه الا رهف الاحساس ودقة المشاعر التى لم ولن يستطيع مسايرة الواقع الاليم وعلمتونى ان لا اكتب همومى الا على جدران قلبى وهو هذا البورد الذى وجدتكم فيه وعلمتونى ان يكون راسى مرفوعا حتى اذا كانت الحناجر فى الطريق معلقه وان كمياء الحياة تحتاج الى مليون ماده حافزه لتصل الى مركب نشط اضافة الى الصبر والتحمل لذا ارجو ان لايكون مكان للاحزان مهما كان ووجودكم معانا بالدنيا
وتحياتى لكم
|
Post: #28
Title: Re: اتمنى ان اكون انسانة لا تشبه زمانها!!
Author: dreams
Date: 08-23-2002, 02:47 PM
Parent: #25
تسلم يا بكاش
احزاننا تنسكب هنا لفرحها بوجودها فى مساحة تزخر بمن نبثهم كل مافى الروح ويبادلوننا صدقا بصدق
بقدر الحزن .. بقدر الفرح .. والابتسام
لك التحايا
|
Post: #31
Title: Re: اتمنى ان اكون انسانة لا تشبه زمانها!!
Author: غدى
Date: 08-23-2002, 03:20 PM
Parent: #25
|
Post: #26
Title: Re: اتمنى ان اكون انسانة لا تشبه زمانها!!
Author: shogon
Date: 08-22-2002, 10:52 AM
Parent: #23
عباره لا ادري اين قرائتها
لكنها تقول
ان كان الحب يصنع المعجزات 000 فالحزن يصنع الكلمات
لك التحايا
|
Post: #27
Title: Re: اتمنى ان اكون انسانة لا تشبه زمانها!!
Author: bamseka
Date: 08-22-2002, 02:34 PM
Parent: #26
دريمز
صاحبة الابتسامةالمرهفة المشاعر والكلمة الفواحة الاحاسيس
اندهشت حين رايت حروفك تحكى عن الاحزان
هاهو وجهك منير بطباع البسمة المرسومةعلى كفاف طبعك النبيل
بترانيم معانى الفرح المتدفق من افواهك ونبرات حس حروفك الرقيقة
تحياتى اختى دريمز وتقديرى
|
Post: #29
Title: Re: اتمنى ان اكون انسانة لا تشبه زمانها!!
Author: dreams
Date: 08-23-2002, 02:50 PM
Parent: #27
بامسيكا
انما الاحزان تجئ لتمط مساحات داخل القلب تستوعب الفرح
لك التحايا
|
Post: #30
Title: Re: اتمنى ان اكون انسانة لا تشبه زمانها!!
Author: dreams
Date: 08-23-2002, 02:51 PM
Parent: #26
ويصنع الصدق ايضا يا شجون
|
Post: #32
Title: Re: اتمنى ان اكون انسانة لا تشبه زمانها!!
Author: khal fatma
Date: 08-23-2002, 04:19 PM
Parent: #1
الاخت دريمز
مشاعرك صادقة
وحقا هذه الحياة قاسية
وللاسف لايشعر بقسوتها الا من فهمها
وتعمق فيها
وخاض معاركها
لانو من يقاتل الدنيا لابد عائد بصيف من خريف
وانا مثخن بجراح معاركي واحمل من الحياة ثقل
وحزن ليتك تعلمين كم اكرهها
خال فاطنة
|
Post: #33
Title: Re: اتمنى ان اكون انسانة لا تشبه زمانها!!
Author: dreams
Date: 08-23-2002, 05:52 PM
Parent: #32
خال فاطمة
دعنا نقول مثلما قال نزار
ان الانسان بلا حزن ذكرى انسان
ولنجعل من احزاننا ترياق عزيمة نرتشف منه كل يوم جرعة تعلمنا ان الفرح لا محالة قادم .. واجمل الافراح التى تاتى بعد الاحزان
هيا اصرخ فى وجه الاحزان يا فارس الجراح
لسه يا حزن الملامة .. من سنين دربك سلامة
لك التحايا
|
Post: #34
Title: Re: اتمنى ان اكون انسانة لا تشبه زمانها!!
Author: dreams
Date: 08-24-2002, 01:53 PM
Parent: #33
يا جماعة ممكن سؤال
هل الشوق ممكن يصيب بالحزن!؟
او الحزن ممكن يفجر الشوق!!؟
يعنى لما تشتاق لى زول .. يتحزن .. عشان هو بعيد مثلا!؟
او لما تحزن ..بتشتاق لى زول .. معين!؟
|
Post: #35
Title: Re: اتمنى ان اكون انسانة لا تشبه زمانها!!
Author: غدى
Date: 08-26-2002, 03:57 PM
Parent: #34
دريمز ما هذه الاسئله  التعسفيه
ولكن يا دريمز
نحن نشتاق لانه تعترينا
موجات من الحب
يزيد هديرها الشوق
فنحس بنشوه مزجى بين الفرح والحزن
حدها الزبد
فى وقت رحيل قافله الخيال
الى دروس الافق
منذ الميلاد
ونحنا على الدرب نغفو عميقا فى انتظار خطاها
ولك كل الحب
غدى
|
Post: #36
Title: Re: اتمنى ان اكون انسانة لا تشبه زمانها!!
Author: willeim andrea
Date: 08-26-2002, 05:40 PM
Parent: #1
دريمز يا روعة احساس معليش اعذرني اليوم اول يووووم انتبه لكتاباتك انتي روعه واحساس رقيق مرهف بس شنو حكاية التشائم واللون الاحمر المخلوط بالسواد خلينا كده دايم نشوف النور في اخر النفق وانتي في قمة الامل مفارقه بس ربنا يحقق املك اميييييييييين يارب العالمين
|
Post: #38
Title: Re: اتمنى ان اكون انسانة لا تشبه زمانها!!
Author: dreams
Date: 08-27-2002, 06:11 AM
Parent: #36
willeim andrea
ابدا والله .. ما تشاؤم ولا حاجة.. بالعكس انا بحب الناس والحياة .. واحب الالوان الى قلبى الفاتح منها .. بس الحزن ده له فضل كبير على شخصيتى وعلمنى حاجات كتيرة .. كفاية انه بسببه عرفت القلم والحروف سميت اول دفاترى (اتحدى بالحرف الالم) ..حزن لكن لونه مسطردة
تسلم.. وامييييين يارب
|
Post: #37
Title: Re: اتمنى ان اكون انسانة لا تشبه زمانها!!
Author: khal fatma
Date: 08-26-2002, 07:27 PM
Parent: #1
اذا ارت ان تكوني انسانة
لاتشبه زمانها لابد ان تدركي ان الحزن
شيء يجعل الانسان انسان
وتكوني مثلها هي الحياة
|
Post: #39
Title: Re: اتمنى ان اكون انسانة لا تشبه زمانها!!
Author: dreams
Date: 08-31-2002, 12:34 PM
Parent: #37
صحيح يا خال فاطمة
لك التحايا
|
Post: #40
Title: Re: اتمنى ان اكون انسانة لا تشبه زمانها!!
Author: dreams
Date: 01-16-2003, 11:04 AM
Parent: #39
اعود واتمناها مجددا
اتمنـــى ان اكـــون انسانــــة لا تشبـــه زمانـــها
|
Post: #41
Title: Re: اتمنى ان اكون انسانة لا تشبه زمانها!!
Author: قرشـــو
Date: 01-16-2003, 11:39 AM
Parent: #40
بتنا العزيزة دريمز
كدت ان انساق وراء العنوان وان اقرأ احزانك ولكن فجأة قفز الى ذهنى بيت الشعر القائل :
نعيب زماننا والعيب فينا*** وما لزماننا عيب سوانا
فتوقفت قليلا لاعدل كفة العتاب من الزمان الى نفوسنا الناسية وان هذه الاحزان ليست بسبب الزمن بل بسبب ناس الزمن فيصح ان يوجه اللوم لناس الزمن وهنا اتفق معك تماما بانهم قساة القلوب تناسوا كل القيم والمثل والاخلاق الفاضلة واصبحوا اناس بلا معانى فالكل يريد ان ينهش فى لحم اخيه ويأكله حيا دون ان يشويه حتى والبعض يتلذذ ب شوى اخيه والفرجة عليه..
حقا عندما نتلفت حولنا غاليتى نحزن بل نغرق فى الاحزان ونقول ما قلت تماما ولكن كيف نفعل وهذا حال ناس الزمان؟؟
عاد صديقى ذلك المرح بعد اكمال دراسته بمصر معتزلا الناس وقلت حينها انه تأثر بتلكم الافكار الهدامة وجماعات التكفير والهجرة فهو عاش على شاطىء النيل يناجى الامواج ويقتات من الاسماك ويشرب ماء النيل فقط..
ولكن بنظرة اخرى تأملية ظننت اننى لو عدت للسودان لرافقته كذلك واعتزلت اولئك الذين انعدمت ضمائرهم وعاثوا فى الارض فسادا..
انه قدرنا عزيزتى فماذا نحن فاعلون
لك التحية والتجلة
|
Post: #42
Title: Re: اتمنى ان اكون انسانة لا تشبه زمانها!!
Author: shiry
Date: 01-16-2003, 11:47 AM
Parent: #41
سلام مربع
لم اشا ان ازيد معاناتك
لكني اشاهد الان نشرة اخبار منتصف النهار
ليست لحرفتي
او مهنتي
بس ممكن تقولي عدم شغلة
اتمني انا اكون في بلد لا تهدد بانها سوف تتجزأ
واتمني ان لا اعيش في بلاد يهددها
الطغاة
والجبابرة
بان يزيلوها من الوجود
لمجرد اننا ندين بدين الحق
اتمني ان لا اكون في زمن
يحكمنا فيه اغبانا
واهبلنا
وغبياننا
اتمني ان انوم واستيقظ
واجد ان المفتشين من الامم المتحدة
قطعت وشها من العراق
واقنعوا امريكا
ان الناس ديل طير سااااااكت
التكتحهم ماعندهم
اتمني ان اشرب الشاي
واقرطعه كله ثم اسمع مذيع النشره
يقول ان امريكا سمحت لدول الشرق الاوسط
بامتلاك اسلحة الدمار
|
Post: #44
Title: Re: اتمنى ان اكون انسانة لا تشبه زمانها!!
Author: dreams
Date: 01-20-2003, 09:18 AM
Parent: #42
shiry
ياله من تمنى
وهو جزء لا يتجزأ من الهم الانسانى
اضيفى اليه اتمنى ان لا اعيش فى بلد لا املك ان اقدم له شئ حيال معاناته سوى الحزن عليه
منظر الشحادين فى الشوارع محزن ...كبارهم وصغارهم ..رجال ونساء ..شباب واطفال ..ما تعرفى تساعدى منو فيهم وتخلى منو ..حتى قوى البنية منهم والقادر على العمل تحزنى لاجله لما شوفى نظرة الانكسار فى عينه ..اطفال مرفوض يكونوا فى مدارسهم تلقيهم جارين وراء الناس يقابضوهم من الجلابيب والتياب عشان خاطر مية جنيه
كل ما مريت بالسوق العربى حزنت من جوه وسخرت من حزنى الشخصى
تسلمى
|
Post: #43
Title: Re: اتمنى ان اكون انسانة لا تشبه زمانها!!
Author: dreams
Date: 01-20-2003, 09:10 AM
Parent: #41
قرشو العزيز
ليس لنا ما نفعله سوى التمنى بأن يمنحنا الله المقدرة على تحمل المعاناة التى تطلق علينا مسمى انسان باجمل معانيه ..بجانب التمنى سعينا للحفاظ على ما تبقى فينا من نقاء يجعلنا نحزن كلما تاملنا من اسميتهم قساة القلوب..ومن يدرى لعلهم هم ايضا اصبحوا هكذا بفعل قسوة الزمن عليهم
تظل الاجيال على اختلافها تتبادل التهم مع ايامها ولا يبقى الا من فهم نفسه واراد لها ان تكون .......انسانا
تسلم
|
Post: #45
Title: Re: اتمنى ان اكون انسانة لا تشبه زمانها!!
Author: SAdo7
Date: 01-20-2003, 01:14 PM
Parent: #43
العزيزه دريمز
لقد خيم الحزن علينا اصبحنا مكبلين اصبح
قدرا علينا واصبحت لحظات الفرح تمر علينا
كظل الكسوف ممزوج بهجير الشمس كخنجر
مسموم ظاهره فيه الرحمه وباطنه فيه عذاب
الا ان الاشجار وان زبلت فى زمن الخريف فلابد
ان ياتيها الربيع لتستمد بريقها الساحر ورغم
ان الانتظار بنا قد طال الا اننا مازلنا نحلم باطلال الربيع
ولك حبى
|
|
Post: #47
Title: Re: اتمنى ان اكون انسانة لا تشبه زمانها!!
Author: dreams
Date: 01-23-2003, 11:16 PM
Parent: #45
SAdo7
لقلمك الاخضر رائحة الريحان عز الربيع
تسلم
|
Post: #46
Title: Re: اتمنى ان اكون انسانة لا تشبه زمانها!!
Author: solara
Date: 01-21-2003, 00:15 AM
Parent: #1
..Dreams...
حلو احساس انك تكون فريد...من نوعك في عصرك...والاحساس الاجمل انك
تكون انسان....الكلمه دي بنفتقر ليها في عصرنا ده...مع الظروف
الحوالينا و الناس و .... و و و
لكن بعد ده تلاقي زوول اقول ليك الدنيا لسه فيها خير.....
مرات كتيره بلاقي نفسي اقول اذا نحن هسه بقينا كده طيب ل 10 سنين
لقدام حنكون شنو....???!!
زمن صعب و قاسي.....وفيهو الواحد بختبر نفسو..بالظروف
انا كمان زيك بحب اكون كده و الناس الحلوين في لكن عايزين تنقيب
كتييير.............كلامك اداني امــــل
تحياتي
Solara..
|
Post: #48
Title: Re: اتمنى ان اكون انسانة لا تشبه زمانها!!
Author: dreams
Date: 01-23-2003, 11:19 PM
Parent: #46
سولارا
صاحبة الاسم العزيز
هذا هو مربط الفرس ...الناس الحلوين محتاجين تنقيب
قد يكون صعبا العثور عليهم ...ولكنه اصعب واقسى فقدانهم
تسلمى
|
|