Post: #1
Title: اليك ايها الساكن فى اعماقى منذ الازل
Author: غدى
Date: 06-16-2002, 10:40 AM
Parent: #0
قل لى ايها الساكن فى اعماقى وبرب السماء من نحن انا وانت
كمنجتان ضائعتان فى سمفونيه اللحن الابدى
لؤلؤتان غاصتا فى اعماق البحار
حرفان من حروف الهجاء
ام وريد بداخله دم الحب الابدى
فانا لم اعرفك لاروى فضولى ولا حتى لاهزم الشوق بالاحتضان
عرفتك و منذ ملايين السنين لانك مررت فى دواخلى
لان عشقك مدون فى خارطه الحنين الابدى
لان صوتك بلون الدم القمرزى
وحنينك كحنيين اهل العشق السرمدى
ايامك كشافافيه الزجاج ما زلت احس طعمها ورعشه تسرى فى من الاقدام حتى شعر
راسى وعشقك ذلك الطفل الصغير الهادئ ساكن في منذ الازل ابدا ما احدث زوبعه
وكأنه ينتظر لحظه ميلاده على يدى ايقنت الان انا ما بداخلى من مشاعر لم تكن
الا لك احبك قدر ما يتنزل الآن على روحى من الوحى الجميل قدر ما سنحت لنا
اللقياء وادركنا الاصيل احبك حيثما شاءت مشيئتنا حيثما ضل الفؤاد وغادر
الشوق العصب احبك وفى دمى اسماؤك والنهر ابدا سوف يمضى للمصب
غدى
|
Post: #2
Title: Re: اليك ايها الساكن فى اعماقى منذ الازل
Author: cola
Date: 06-16-2002, 10:59 AM
Parent: #1
واحبك..
دونما أقصد
كلمت مررت بغيمة تحمل الرزق
لزهور سوف تنمو
وسوف تقطف
وسوف تحبيها وتبتاعيهالى ..
لانك ستحبينى .. كما أظن..
واحبك
بقلة حيلة منى
كلما مروا بشخصك فى احلامهم
كلما مروا بقلبك فى فضولهم
احبك
دونما منطق
واغرق فى عينيك كنورس حزين
دس نشوته الميته فى قرص شمس
وامضى الى دروب تمتد
من عينيك ال عينيك
اغوص .. واغوص
وحيد .. كئيب.. كقصيده معجزة
ماتت على شفتى شاعر ثمل
لاقوة لها .. ولا حيلة
الا ان تحبك وتندثر..
كولا
|
Post: #3
Title: Re: اليك ايها الساكن فى اعماقى منذ الازل
Author: قرشـــو
Date: 06-16-2002, 11:28 AM
Parent: #2
حرفان من حروف الهجاء
حقا اتار فى خيال هؤلاء الشعراء وتسخيرهم للكلمات فتجدينى دوما افكر فى كل كلمة وكيف لها ان تكون هكذا..
انهم مبدعون
وان كنت انتى القائلة فيا سعد البورد بك
|
Post: #4
Title: Re: اليك ايها الساكن فى اعماقى منذ الازل
Author: Al-Masafaa
Date: 06-16-2002, 11:33 AM
Parent: #3
Gadi, Cola & Garsho ... Salamat
Salah Haj Saeed wrote :
كتبت ليك
لا بينى بينك ريدة .. لا قصة غرام
إخترت ليك
أجمل حروف .. وأصدق فواصل نادرة
فى لغة الكلام
لا قصدى ألهو معاكى بى كلمات غنا
لا شعرى ليك مرجيحة من شعر الغمام
كتبت ليك والله يا قمر الزمان
شان جيتى بى زمن المحنة
وشفت فى عينيكى .. حس أهلى القُدام
......................
كتبت ليك وأنا جايى من زمن الشقا
الممدود على وش الثوانى .. مظللا
تتمدد الساعات سنين
تتفتح الأحزان غريبة .. ومذهلة
وأشتاق أفتش نسمة .. فى الزمن العذاب
وأيامى من كتر الأسى
وكتر العزوف .. والإغتراب
صارت حروف مترهلة
لحظات أسيفة .. ومهملة
........................
كتبت ليك
ووقفت ليك .. لامن لقيتك جايه من قلب الطريق
ولمحت فيك راحة المشاوير البعيدة
ونفحة النسمة الحنينة
الجاية من قلب الطريق
حسيت عجايب الدنيا .. إتلمـّت .. بقت
جايـّانى من عصراً سحيق
عينيكى حس أطفال بنادوا القمرة لى الغايب .. يعود
وجبينك الضوّاى
حجا الحبـّوبة فى الزمن السعيد
..........................
وأنا فى قساوة الموحش
الزمن المكهرب .. بى الحريق
أنا حيلتى أيه
قوليلى يا قمر الزمان
غير أتـّكى .. وأحلم معاك
وأحضن أماسى الصحو ..
والأمل البريق
|
Post: #5
Title: Re: اليك ايها الساكن فى اعماقى منذ الازل
Author: bamseka
Date: 06-16-2002, 01:52 PM
ماكان ينقصنى العتاب
ولت افقد الحضور
دوما متواجدة بدواخلى
بعدك ارق ازمانى بالتعب
وسمم لحظاتى بالوجع
فعطشت مرتين
تخمة الاصابة بالعطش افقدنى التمتع والاحاسيس بطعم العطش
ولكن
جدوى البحث عن الماء فى قضية المدعو المطر تحدد اطارا تلحقة رؤى الميعاد المتباينة فى تزامن الحضور
اختى غدى كلامك حلو وجميل ومرتب
|
Post: #6
Title: Re: اليك ايها الساكن فى اعماقى منذ الازل
Author: غدى
Date: 06-16-2002, 02:30 PM
Parent: #3
تحياتى قرشو : هذه الكلمات من كتاباتى وانا اسعد بان اكون معكم( مع
هذا العقد الفريد)
تحياتى غدى
|
Post: #7
Title: re:
Author: غدى
Date: 06-16-2002, 02:36 PM
Parent: #1
كولا المسافه بامسيكا لكم تحياتى
وعدته بان امارس الكتابه اليه ففيها سلوتى ومن خلالها امارس الاسراء
العشقى . بالضوء من عينيه قد كتبت هل سواى بالضوء من عينيه قد كتب
واشكركم على المشاركه
تحياتى غدى
|
Post: #8
Title: Re: اليك ايها الساكن فى اعماقى منذ الازل
Author: Rastafarian
Date: 06-16-2002, 02:54 PM
Parent: #1
الأخت العزيزة غــــــــدي
دائماً ما تتحفينا بالجديد المدهش . . الله يديك العافية . . وبنا يزيدك
وعندي ليك أهداء / للمبدع صلاح حاج سعيد
سطوة محاسنِك عندى وكتين كبريائِك
ينهزم لى طيبتى بى لفظة حنان
وكتين مشاعرِك تنسجم فى عمرى
تنفح قلبى بى رعشة أمان
سطوة محاسنك عندى وكتين شوقى
يصبح فى هواك
ليل عزة ما بتعرف هوان
ودمتم
|
Post: #9
Title: Re: اليك ايها الساكن فى اعماقى منذ الازل
Author: waleed500
Date: 06-16-2002, 07:23 PM
Parent: #8
الاستاذه غدى
شكرا لكى ولكلماتك العزبه كا عزوبة نيلنا الخالد
اكرر شكرى وحبى لى كلماتك
|
Post: #10
Title: Re: اليك ايها الساكن فى اعماقى منذ الازل
Author: Sudany Agouz
Date: 06-16-2002, 07:39 PM
Parent: #9
ألأخت غدى
كلماتك عميقة جدا .. وتحتاج الى تأمل أعمق ...
سيرى .. واكثرى من هذه التأملات ..
وهنا أود أن أعلق تعليقا بسيطا .. كان دوما بخاطرى الا أن الفرصة لم تكن مواتية ..
وجود بصماتك على البورد .. ولو بقليل الكلام .. هذا يشعرنا بوجودك مما يزيد فى تشجيع الكثيرين...
دمت دوما..
نوارة فريقنا..
عمك العجوز
أرنست
|
Post: #11
Title: re:
Author: غدى
Date: 06-17-2002, 12:01 PM
Parent: #1
restafarian
وليد
عم ارنست
تحياتى لكم جميعا اسعدنى ردكم كثيرا
شكرا لكم
غدى
|
Post: #12
Title: الاخت غدى
Author: BAKASH
Date: 06-17-2002, 12:39 PM
Parent: #1
انا احبك
متى ستعرف كم اهواك يا املا
ابيع من اجله الدنيا وما فيه
لو تطلب البحر فى عينيك اسكبه
لو تطلب الشمس فى كفيك ارميها
انا احبك فوق الغيم اكتبها
وللعصافير والاشجار احكيها
انا احبك فوق الماء انقشها
وللعناقير والاقداح اسقيها
انا احبك
رائعه يا غدى ودائما كلماتك تدق فى الوجدان ودائما رايه مرفوعه فى البورد ونشكرك على الكلمات الحلوه
|
Post: #13
Title: re:
Author: غدى
Date: 06-18-2002, 04:57 PM
Parent: #1
تحياتى بكاش شكرا على المشاركه
غدى
|
Post: #14
Title: Re: re:
Author: HAMZA SULIMAN
Date: 06-18-2002, 08:46 PM
Parent: #13
الانا
سسسسسسسسسسسسسسسسسسسسسلام لا اجيد الكتابه للتعبير عن ما بداخلى لكننى
اختار ما يعبر عنى فاغنيه غناء النفس الولهانه واحساسى وقتها لا اجد له
تعبير فاكون فى حاله خاصه لم استطع تفسيرها حتى الان ......
خبرينى عن احساسك وانت بتكتبى هذا الكلام الرئع .
|
Post: #15
Title: رائعه
Author: willeim andrea
Date: 06-18-2002, 08:55 PM
Parent: #1
الاخت العزيزه غدي
والله اكتر من رائعه والكلام ده عاوز ليهو قعده وتحكيرها وفهم عميق ولكي كل الود ونرجو المزيد من التحف الرائعه
|
Post: #16
Title: رائعه
Author: willeim andrea
Date: 06-18-2002, 08:56 PM
Parent: #1
الاخت العزيزه غدي
والله اكتر من رائعه والكلام ده عاوز ليهو قعده وتحكيرها وفهم عميق ولكي كل الود ونرجو المزيد من التحف الرائعه
|
|