كلمة وداع.. بكتبها لي كل الشخصيات الراقية العرفتها ولي كل انسان اجبرني علي اني احترمو و اقدرو...لي اي زول عرفني بي الشايقيةالصعبة او بي تاجوج
...وقامت بينا اخوة وصداقة جميلة
الــــــــوداع
واكيد الايام الفي الشات و البورد جزء جميل جدا فيني ما اظن انه ممكن يتمحي بي سهولة...والعتبى لي اي زول وصلتو مني كلمة وما أرضتو
ودمتم

تحياتى تاجوج
ليه بس الوداع يا تاجوج
كان تخلى الشغله مفتوحه
ومتى ما حصلتى فرصه اعطى البورد طلا
الوداع صراحه حار

hyaaaaaa shaygeya wadaaaad3 mara wa7da kida?????? lakin 7anitlaga gareeeeb inshalla

ليه كده يا تجوج الا تعلمى ان كلمه وداع تحمل بين حروفها الم وحزن

يحس به كل من يقراء تلك الكلمه اتمنى ان لا يكون وداع


تحياتى غدى

الأخت تاجوج

معقول بس اعرفك لما تجى ماشه..
شايقية صعبة تلك التى عرفتها فى الشات زمنا طويلا ولكنى لم اربط بين تاجوج وبينها
يا سلام ياخى
وليه بس ماشه ياخى ما لسه بدرى بدرى

ونحن متين عرفنانك
ومتين الكنا ما عاوزنه يحصل
داس مشاعرنا وحصل


بالله غيرى رايك ياخى وخليك معانا كمان

نحن فى انتظار تعديل قرارك

مع تحياتى
بتار

شفتى كيف

لما الشمس لمت نوافير الشعاع

والضفاف بعدت كتير

والريح ملت .. جوف الشراع

كيف هناك بدت الضفاف

تتلاشى فى زمن الضياع

وإنتى ساعة المغربية ..

وخايفة من كلمة وداع

اول مرة اعرف انك صاحبة الصولات والجولات
الجميلة الشايقية الصعبة
نرجو وان يكون المانع خير

الغالية / تاجوج.........لك كل الود والتقدير


هالناأن نقرأ تلك الأحرف التي طالما أمتعتنا وروت ظمأنا بكل ماهو عذب، شيق، رائع
ومرهف...فكانت باحات عطائك الثر واحات نتكئ تحت ظلالها الوارفة المخضرةبعذب الكلم وحلو الكلام....هي درر من من الكلمات التي طالما روت ظمأ كل قائ يبحث عما يطفئ به ليهب الشوق إلى مثل ما تنطق به نظم أحرف من إحساس وتعبير وشعور وقيم ومعنى....فبالله عليك أختاه....مالي أرى اليوم هذه الأحرف تجعلنا على شفاه سكب العبرات وزرف الأدمع....وهي تلوح بالوداع والفراق...على قارب الرحيل....إلى أين ياترى تحملك وتحمل معك قلوبنا وعقولنا وودنا وشوقنا وكل شئ رائع وجميل....إلى أين.....

أختى الرائعة.....نحن لا نعرف تلك الظروف التي جعلتك موضع هذا القرار العسير علينا.. ولكننا...وبكل زرة ود بيننا..نلتمس منك التريث ولو للحظة....فعسى أن يكون هنالك أمل....فعودة...فبسمة تظل آفلة ...لا تعرف الصمت.....

والله يا شايقية بالغتي عدييييل كدا لسببين
الاول: الحكاية بتاعت الوداع دي مافي داعي ليها .. واذا انتي شايفة كدا ارجو الا تبخلي علينا بزيارة من وقت لآخر
والحاجة الثانية انك كنتي معروفة بشايقية صعبة ولكن اسم تاجوج كان مفاجأة لنا
وفي كل الحالتين نحن في انتظار كلماتك الرقيقة متى ما وجدتي فرصة
لكي كل التحايا

والله يا تاجوج انا كنت ببحث عن الشايقيه الصعبه ولكن اليوم حزنت جدا بعد ما عرفت انك تاجوج وكنت اتمنى والله ان تكونى تاجوج وشايقيه لاننى لا استغنى عن اى واحده منهم والله حزنت جدا عندما وجدت كلمة الوداع التى ما كنت اتوقعها منك لأنك عودينا على جمال الكلمه والموضوع منذ عرفناكى فى الشات بالشايقيه الصعبه والله البورد بدونك ماله طعم وماممكن تحرمينا منك فى لحظه بدون اى مقدمات وخاصةُ اننى دخلت البورد فى وقت متاخر جدا ولا اريد ان افقد اعز الناس العرفتهم عبر الشات والبورد والبورد يجمع لا يفرق واذا فرقنا بهذه الدرجه ليس له داعى وكلنا بعدك حنودع البورد وكل الشات وهذا القرار صعب جدا لأننا لانريد ان نفقد اى انسان عرفناه فى هذا البورد خاصة انتى يا شايقيه عليه نتلتمس منك الرجوع عن قرارك حتى عشان غيرك انتى ممكن تستغنى عننا ولكن نحن ما بنقدر نستغنى عنك وعن كلماتك الرقيقه عليه نرجو منك الرجوع عن قرارك ومواصلة المشوار وبعد ما اسعدتينا احزنتينا السعاده لأننا عرفنا اخيرا انك الشايقيه الصعبه التى كنا ندخل الشات عشانها واحزنتينا لأننا حنفقد انسانه رقيقه عرفناها فى البورد وهى اول ما رحبت بنا وهى تاجوج اخيرا ارجو ان تتراجعى عن هذا القرار الصعب وتواصلى المشوار معنا والا كلنا نودع البورد

لو تصدقوا أن القلم يتكلم لو تصدقوا أن قلبي يتألم على إنسانة من الأحباب عشنا معها أسعد الأيام أبكي وأحمد ربي على ما أصابنا وما بكائي سوى على مبدعه إسمها تاجــــــــــوج ظننتها سوف تداوم علي اسعادنا ولكن، لم يتحقق أملنا أعطتنا الكلمه الصادقه والحنان علمتنا الصبر والأيمان علمتنا التضحية والإيثار ونضحي بمتعتنا بكتابتك لعلمي بظروف اتخاذ قرارك واتمني غيابك ان لايطول فذكرك في قلوبنا لن يزول ستظل في ذاكرتنا طول العصور فيا حمامة مدرستنا وداعا... وداعا... وداعا وداعا يا تاجوج الغالية مع كل احترامي حبيب الكل

مكرر

لعل غيابي عنكم لم يبعدني كثيرا ..فأنا معكم دائما ولكن الظروف اقوى منا دوما... وقد هالني ما قرأت من كلمة وداع تاجــــــــــوج فهي ليست صديقه فحسب بل هي أخت غاليــــــــه على قلبي ولكم اقتسمنا جميل الوقــــت وممتعه معا

عزيزتي تاجــــوج
عندما كنا نقرأ عبير كلماتك كان يسوقنا اليها دفء الاحساس ... وبساطة التعبير .. فكيف عسانا أن نحرم من هذا الألق الذي تميزت به به دومــــا؟؟؟

معقوله بس يا شايقيه..... معقوله بس في ناااااس كده .. عايزين يودعــــوا ناااااس كده
شايقيــــــه قالوا مرحله... بعدك البــــــورد اصبح خلا
جاني الخبـــــــر جاني البلا.... الشايقيه قالوا مرحله
ايووووووووووووووووووووووووووي.... اهيء .. اهيء..اهيء حرررررم ترجعي بعد ده

.....عاجزة انا امام كل الكلامات الرقيقة دي .وانت كنت لن اتمكن من التواجد كالسابق ولكن لاجل عين تكرم ألف عين..ويكفي الكلام الرائع الذي جادت به اناملكم

العزيز قرشو:منذ الوهلة الاولى التي قرات فيها توقيعك وانا اعرف انه قد قامت بيننا صداقة ولكن لم اعرف انك العزيز بتار...وعن موضوع النك نيم تاجـوج الاسم ده اختاره لي الاخ العزيز النيل ولي معزتي للغالي النيل آثرت
هذا الاسم علي الشايقية الصعبة...ولكن انا وتاجوج والشايقية حاجة واحدة..
الاخت غدى,,,تسلمي ...والله ما قصدته أالم زول..والدليل عودتي

الاخت امدر..تسلمي يا غالية,,,وعودتينا الزوق و الاحساس,,,واكيد انا اللي الشرف اكون وسطكم بالذات انه في ناس بي نضجك وفهمك,,تسلمي تاني ودائما سباقه....

الاخ كوفي" لا ادري كيف لم اربط بين كوفي البورد وكوفي عنان الامين العام لهيئة الامم المتحدة كم اعتدت ان اناديك دوما....وياسيدي المانع والحمدلله خير بس الفترة الجاية حأكون مشغولة مع الاهل بالاضافة لي اني بجهز لي السفر وقلته اكيد مشاركتي ما حتكون زي زمان فاثرت الخروج واكيد كنته حاتابع من بعيد...عموما تسلم لي السؤال

بامسيكا: ما عساي ان اكتب وسط كلماتك الرائعة,,اعتقد ان التنفيذ برضو ما
بوفيك حقك,,,ولكني لبيت عزيزي.لانه غالي جدا علينا كل كلمة كتبتها ..تسلم و يسلم زوقك يا غالي
الاخ حبيب الكل: يا ريت كنته زيك لو يجدي التمني...وياريت اقدر اعبر بي الكلام الرائع ده ..صدق اني قريته اكتر من خمسة مرات ...,,ما عارفة حاجات كتيرة شدتني لي كلامك.ويمكن المن القلب بصل لي القلب سريع وبنتعلق بيه..ما اعدمك ودمت دوما اخي
المســافة : ربنا يقرب المسافات و تسلم علي الاغنية يا رائع....

الاخ معتز,,برضو ما عارفة ليه ما ربطته بينك و بين معتز الدائما كان بسعدنا في الشات,,عموما اهلا بيك ,,وانا بينته فوق سبب تعلقي بي تاجوج,,,وانه تقدير للغالي النيل لاني بحس تاجوج وسام من الاخ النيل وما قصدي اخبي شايقية و لا حاجة,,,ودمت
الاخ بكاش: ما عارفة اكتب ليك شنو ..لانه صراحة كلو قليل في حقك وبشكرك علي الاطراءات الجميلة الدائما بتقولها في حق تاجوج,,,وبشكرك علي ترشيحك لي عشان اكون من ناس الادارة...فتسلم...وربنا ما يجيب فرقة ورغم اني ما حأكون مداومة زي زمان لكن يكفيني فخرا اني البي دعوتك و أرجع ,,,

حـــــلم الاماسي,,يكفي اقول حلم...ومعقولة انتي تطلبي مني طلب وانا ما انفذو...تسلمي يا غالية ويسلم زوقك وبالله ما تحرمينا منك..واطلعي من الكواليس لانه انا عارفة انه الروائع كلها حلم

هو إنتي شايقية صعبة؟؟؟؟
والله كانت لنا ذكريات جميلة في أول أيام الشات رووم
أيام فيصل كراون وياسر وحنين وحلفاوي وود الجكس ومروي ويتار وحسام ومنتصر وغيرهم وغيرهم .. حقيقة كانت أيام لا تنسي ... لقد كنا زي الأشقاء نفقد بعض ونسأل عن بعض عندما يتأخر أحد من الدخول في الشات
وعلي فكرة هو الشات شغال ولا واقف؟؟؟؟ أنا لي منو سنة تقريباً
لك مني كل الود والإحترام
وإذا مسافرة السودان تمشي وتجي بالسلامة

ياني والله الشايقية الاصعبة زاتها...كيف يا ابواحمد هي دي ايام تتنسي,,,الشات ده اتبنى علي اكتافنا..ويا حليل الخوة الجميلة الكانت فيه..وبالله لو بتعرف الناس ديل او بتواصلهم ..عليك الله قول ليهم خالتكم الشايقية بتوصل ليكم سلام حار ومن الاعماق,,,

والحق يقال جميع من أعرفهم يذكرونك أنتي بالذات بكل خير ... لأنك كنتي الألفة بتاعة الراكوبة والخالة الصعبة
تقبلي تحياتهم جميعاً
وتصبحي علي خير