الأستاذ : مدني يوسف النخلي - شبال البرق

على بُعد مداك أنا يا غيمة

بندهلك آمل ومستني

وكتبت نشيدك طمْني

بي حلم البت البتغني

على كيفك ضلك ترميهو

وراء طيفك سارح وبغني

..

من قبل رحيلك ناقمتك

سميتك غابة وجلابة

شبال البرق البتلاصف

شلال الرحمة المنسابة

أطفال البلد الحبيتو

أطياف الذكرى وأسرابا

وكتبت نشيدك طمني

بي حلم البت البتغني

...

يا واضحة وصادقة ورقراقة

كمياه النيل الدفاقة

أنا جيت أتعلم من صبرك

كلمات العزة البراقة

وأنا جيت إتعلم من شمسك

تقبيل الوردة المشتاقة

ويقاسم عمرك مشوارو

في زمن الغربة الفراقة

...

مرتاح الليل المداكي

في شوارع الذكرى اريحية

وجميل المرسى الناداكي

كجزاير الوعد النيلية

وتكلت الحيل أنا في حيلك

سويتك منجل وطورية

زفيتك وطني الزفيتو

لشموسو العاشقة الحرية

وكتين نشيدك طمني

بي حلم البت الب

مدنى النخلى - شاعر التفرد - يمتاز بالبساطة- والوضوح- احبة كشاعر وصديق واحبه كصديق حميم للراحل مصطفى سيد