Post: #1
Title: تحية سماحية
Author: sama7-au
Date: 06-11-2002, 01:37 PM
سلامات يا ناس هنا
عضوة جديدة
اعرفكم بنفسى في البداية
اختكم سماح
وسماح ما بتخبر زعل .. تزعل من منو وتزعل في شنو
|
Post: #3
Title: Re: سامحتك
Author: Elkhawad
Date: 06-11-2002, 02:14 PM
Parent: #2
سماحيه مرحب بيك يا الجيتي شايله اغانيك
|
Post: #5
Title: Re: سامحتك
Author: bob
Date: 06-11-2002, 02:19 PM
Parent: #3
يا هلا ومراحب باختنا سماح السمحه
حبابك عشرة بالاكشرة الف مرحب بيك
بــــــــــــوب
|
Post: #4
Title: Re: تحية سماحية
Author: bamseka
Date: 06-11-2002, 02:15 PM
Parent: #1
سماح
حبابك سلمات يسلم شبابك سلامات
البورد نور بوجودك يلا اتحفينا من روائعك نحن فى الانتظار
|
Post: #6
Title: Re: تحية سماحية
Author: banadieha
Date: 06-11-2002, 03:00 PM
Parent: #4
سماح أختنا خوة كم سنة
كنا زمنا نفتش ليك
أزيك ياسماح الما بتخبر زعل
قلبي فح
قلبي دق
قلب فرح
من شوفتك
|
Post: #7
Title: اليوم دعنا نتفق
Author: sama7-au
Date: 06-11-2002, 03:12 PM
Parent: #1
تحية لكل مرحب
ووووو
لو كنت تعرف كيف ترهقنى الجرحات القديمة والجديدة
ربما اشفقت من هذا العناء
لو كنت تعرف اننى في أوجه الغادين والاتين
استرق التبسم استعيد توازنى قسرا
وأضمك حينما ألقاك في زمن البكاء
لو كنت تعرف اننى أحتال للأحزان
ارجئها لديك
وأسكت الأشجان حين تجئ
اخنق عبرتى بيدي
لما كلفتنى هذا الشقاء
ولربما استحيت لو أدركت كم أكبو على طول الطريق اليك
خطئ انا
انى نسيت معالم الطرق التى لا تنتهى فيها اليك
خطئ انا
انى لك استنفرت ما في القلب
ما في الروح
منذ طفولتى وجعلتها وقفا عليك
خطئ انا
انى على لا شئ قد وقعت لك
فكتبت انت طفولتى
ومعارفي
وقصائدي
وجميع ايامى لديك
واليوم دعنا نتفق
انا قد تعبت
لم يعد في القلب ما يكفي الجراح
انفقت ما في القلب ما يكفى الجراح
انفقت كل الصبر عندك
والتجلد والتحمل
والســــــــــــــــــــــــــــــماح
..........
....
..
.
سماح
|
Post: #8
Title: Re: اليوم دعنا نتفق
Author: بكرى ابوبكر
Date: 06-11-2002, 03:40 PM
Parent: #7
العزيزة سماح-من استراليا مرحب بيك فى المنتدى و اتمنى لك اقامة طيبة هنا و ان تكونى مثل الاخت العزيزة سماح -من بريطانيا
|
Post: #9
Title: Re: اليوم دعنا نتفق
Author: SalahDirar
Date: 06-11-2002, 04:53 PM
Parent: #7
أختنا العزيزة/ سماح
التي تدفع المفاجآت أمامها دوماً وتسعدنا طلتها البهية ، ويظللها الفرح
مرحب بيك ألف مرحب ، حللتم في بوردكم وبين أخوانكم
|
Post: #10
Title: Re: اليوم دعنا نتفق
Author: sweetheart
Date: 06-11-2002, 07:57 PM
Parent: #9
salam ya nas
ya meeet hala o mar7ab
baikey sama7_au ya nas
nawarty al board sweety
enjoy ur time here :O)
|
Post: #11
Title: Re: اليوم دعنا نتفق
Author: malaz
Date: 06-11-2002, 08:28 PM
Parent: #10
sama7-au
الف مرحب بيك وبهذا الصفاء العذب..
ونورتي..
|
Post: #12
Title: Re: اليوم دعنا نتفق
Author: بنت الاحفاد 2001
Date: 06-11-2002, 09:35 PM
Parent: #11
مرحبتين بيك في وسطنا يا سماح
اقامة سعيدة
|
Post: #13
Title: Re: اليوم دعنا نتفق
Author: osman68
Date: 06-11-2002, 09:42 PM
Parent: #12
اهلين بسماح
مرحب بيك فى البورد و اقامة سعيدة و الف مرحب
|
Post: #14
Title: هلاااااااااااا
Author: BAKASH
Date: 06-11-2002, 11:13 PM
Parent: #1
هلا سموحه ايتانينا اهلا وسهلا بيكى وايتانينا بالرطانه يعنى مرحب بيكى
|
Post: #15
Title: Re: هلاااااااااااا
Author: 3asoola
Date: 06-12-2002, 00:18 AM
Parent: #14
ahln baik ma3ana sharftyyyyyy wo hope u enjoy ur stay
|
Post: #16
Title: Re: هلاااااااااااا
Author: BousH
Date: 06-12-2002, 00:40 AM
Parent: #15
اهليييين بيكي يا سموحة
ومرحب بيكي في بيوتكم
تفضلي اشربي ليكي كباية ليمون من حقين منوت وبعدين نتكلم
ولكي التحية
|
Post: #17
Title: re:
Author: غدى
Date: 06-12-2002, 00:45 AM
Parent: #1
مرحبا سماح باين عليك عسل زى سموحتنا العسل ومرحب بيكى
غدى
|
Post: #18
Title: Re: re:
Author: Al-Masafaa
Date: 06-12-2002, 04:59 AM
Parent: #17
Ahlan baik , alf mar7ab bainatna hina ya sama7-au
bailmonasabaa izaik ya original sama7 ao 3ash mn shafik wala simi3 saotik!!!
|
Post: #19
Title: Re: re:
Author: رومانسي
Date: 06-12-2002, 07:46 AM
Parent: #18
وجيدا جيتي حبابك عشرة
الف اهلا بيك سماحة
ويلا اقعدي عافية
|
Post: #20
Title: Re: re:
Author: قرشـــو
Date: 06-12-2002, 07:49 AM
Parent: #19
سماح الما بتخبر زعل
وهل يخفى القمر
ما معقول سيدتى ان تكونى هنا معنا
فنحن منذ ازمنة نبحث عنك ونفتش
والله البورد ازدان واضاء وابتهج
فالف الف اهلا وسهلا
ونورتى البورد يا ستى
بالمناسبة هنا توجد سماح اخرى
من الأمس وانا احاول ارسال ترحيبى بك ولكن مشكلة فى الشبكة جعلتنى أخر المرحبين بك مع انى اول من حاول ولم اقلح فاقبلى اعتذارى
|
Post: #21
Title: Re: re:
Author: Bakhaf
Date: 06-12-2002, 10:49 AM
Parent: #20
اخيرا ياسموحة شفناك هنا بعد انتظار طويل
حبابك عشرة بلا كشرة
لو سمحتي دايرين قصيدة المدرسة بالله
|
Post: #22
Title: هلا
Author: فاطمه
Date: 06-12-2002, 12:12 PM
Parent: #1
الاخت سماح
مرحبتين حبابك واليوم السعيد الليله جابك
حللتى اهلا بين اهلك
_______________
كلماتنا فى الحب تقتل حبنا ان الحروف تموت حين تقال
|
Post: #23
Title: Re: هلا
Author: 7abib_alkul
Date: 06-12-2002, 04:12 PM
Parent: #22
color:yellow">
يا مرحب بيك يا سموحه الصغيرونه اتفضلي بس كدي اخدي راي سموحه الكبيره اول )
|
Post: #24
Title: Re: هلا
Author: OmDur
Date: 06-13-2002, 06:54 AM
Parent: #23
اهـــــــلا بيك سموحة جديدة
وخليك كدة ، كلامك حلو
تزعلى من منو ، وتزعلى فى شنو
|
Post: #25
Title: السماح
Author: sama7-au
Date: 06-13-2002, 01:29 PM
Parent: #1
اعزائ
اخجلتم تواضعنا وووو واسكتم الكلمات حين البوح .... وتلعثلمت الاصابع وهى لا تدري ما يدور .... سوى انهن تحت وطئ الذهول ووطئ الارغام على الكتابة اليكم ولكم خالص حبى وتقديري واتمنى ان اكون عند حسن ظنكم بي .... واشكركم على حسن الاستقبال والضيافة......
......
في البداية واهـــــ انا من البدايات الصعبة اقول
ســــــــــــــمــــــــــــاح
|
Post: #26
Title: يا قلب
Author: sama7-au
Date: 06-13-2002, 01:39 PM
Parent: #1
......
بعد الجراح عادت لاقلامي الحياة
تكتب خواطر كل يوم تسرد شعر
ورنة الحزن الحزينة الفي العيون رحلت بعيد وغادرت
وكل الهموم والمشاغل هاجرت
اديتها تأشيرة خروج من غير رجوع
والمسافات البعيدة شافت عيونك وقربت
لقت الدفى
ولقت السكينة
وندمت انها اتغربت
ورجع السفر يرتاح معاك
وبيك يرتاح مرتين
هجر المراكب والسفن وكل الدروب
وقال تانى ابدا ما يفوت
يا البسمتك ضوت حياتى واشرقت
وبقت الشمس وكل النجوم تخجل تبين للعالمين
وبرت الجراح راحـــــــت وما تركت اثر
وضاق الحزن طعم الفرح وقال يا ســــــلام
اتاري مظلوم من زمان
يا ريتنى لو اقدر اوصف الفي الدواخل يا قلب
لكن عزاي انك معاي جوا الصميم
ويمكن تكون عارف العلي اكتر علي
انت الهنا
وانت الهناك
برجاك في كل الاماكن وبشتهيك
وبنوم وبلقاك في المنام
واتمنى ابدا ما اقوم
لكن
لكن
لكن بقوم
والقاك في كل الدروب والازمنة
والقاك هنا
جوا القلب
انت القلب
سماح
|
Post: #27
Title: Re: تحية سماحية
Author: nisaan2002
Date: 06-13-2002, 01:49 PM
Parent: #1
اهلا بيك البورد نور بيك
وطبعاً دايرين حاجات مفاجئه وابداعات
ونرجوا التواصل....
ــــــــــــــــــــــــــــــــــ
النيلي2002
[email protected]
|
Post: #28
Title: وتتواصل دقات القليب
Author: sama7-au
Date: 06-13-2002, 02:04 PM
Parent: #1
همـــــــــسه....ـ
جيتنى في الزمن العذاب
شايل الريد والوداد
حب واشواق بجنون
حرك الوتر النشاز
وحولو لاجمل فنون
.
.
.
سماحك
___
|
Post: #29
Title: Re: وتتواصل دقات القليب
Author: sama7-au
Date: 06-13-2002, 02:08 PM
Parent: #28
يا قلبي
يا قلبى لا تعتب علي
انى رحلت بلا اختيار
يا قلبى لا تقسو علي
من كنت اهوى نسى وجار
عنوانه الشجن الاليم
ومن بعد ما عز المزار
كسر الفؤاد رحيله
ومذاق حلوي قدا مرار
وعشرة الايام زالت
وتبددت دون اعتبار
احببته دون اختيار
وتركته دون اختيار
فالاولى ويل حارق
والاخرى بين وانهيار
وانا بتلك وهذه
في حر نار اي نار
يا قلبى يا هذا الصريع
يا من اضمك في الضلوع
كف البكاء كفى انين
لا جدوى من طول الحوار
باع الحبيب واشتريت كرامتى
فهل كان ربحا ام خسار؟
يا قلبى ارحمنى كفاك
فذاك كان هو القرار
دون اختيار
سماح
|
Post: #30
Title: Re: وتتواصل دقات القليب
Author: sama7-au
Date: 06-13-2002, 02:12 PM
Parent: #29
في بعدك كم سهرت الليل
اعد ساعتو ما افتر
لحدي الليل يقول يا ليــــــل
ومن اصراري يتحير
وترجع لي يا ...... وترجع لي معاك الروح
واصبح بيك جد فرحانه
وتتداوا الجروح وتروح
وازهار عمري تتفتح
وشذاها علي يفوح ويفوح
وعصفوري الحزين يصدح
بعد ما كان ينوح وينوح
وريتدك تقوى تتقوى
وتعلى وتعلى تبقى صروح
.
سماح
|
Post: #31
Title: Re: وتتواصل دقات القليب
Author: sama7-au
Date: 06-13-2002, 02:14 PM
Parent: #30
اليك
الى من احب بكل كيانى
الى من اتى حديثا الى زمانى
الى من جعل لكل شئ اسمى واحلى معانى
الى من تقلقل في وجدانى
وملك عقلي وقلبى وانسانى
الى عمري الى روحي الى مدائن العرسان
الى من ملك تفكيري في كل ساعة وثوانى
الى وطنى
الى بيتى وعنوانى
الى من اشتاق اليه في كل الاحيان
الى حبيبى اليك اكتب الحانى
اليك يا بحيرتى
وانهري
وخلجانى
اليك يا مراكبى وسفنى وقرصانى
اليك يا شاطئ واصدافي وكل مكان
يا ايها الانسان
يا فتى احلامى
يا .......ـ
يا من احب حب يفوق مساحة قلبى ووجدانى
يا ليتنى اجيد سرد الشعر
فلو كنت شاعره لكتبت فيك اطول واحلى اغانى
ولو كنت كاتبه
لكتبت قصتى معك يا سيد زمانى
ولكننى كما ترى احاول
ولمن يحاول كما قيل اجران.......
سماح
|
Post: #32
Title: Re: وتتواصل دقات القليب
Author: nisaan2002
Date: 06-13-2002, 02:53 PM
Parent: #31
كلامك عســـــــــــــل ..........لقلبي وصـــــــــــل
،،،،،،،،،،،،،،،،،،،،،،،،،،،،،،،،
يا حبي وحياتي..واجمل ذكرياتي
يا من علمتني الحب والوفاء....والصبر والجفاء..والعيش مع السعداء
ـــــــــــــــــــــــــــــــ
النيلي2002
[email protected]
[email protected]
|
Post: #33
Title: Re: وتتواصل دقات القليب
Author: sama7
Date: 06-13-2002, 07:29 PM
Parent: #32
salaaaaamz sama7_au
welcome beak ma3ana
tamamz jiddan aho naddi alisim support ma3a ba3ad
kalamik 3assal o ash3arik 1000z
|
Post: #35
Title: Re: وتتواصل دقات القليب
Author: هوارى
Date: 06-14-2002, 06:04 PM
Parent: #34
الاخت سماح
تحياتى ومرحب بيك
واسف انت كنت آخر المرحبيين وذلك لم يكن تقلة منى ولكن لمشغوليات
لاحظت انك تدعمينى كتاباتك بقصائد رائعة
ان كانت هذه القصائد لك ارجو مشاركتنا بها فى مجلة الثقافة السودانية
وان لم تكن لك احبرينا
http://www.sudanpoem.com
http://www.mashaelnet.com
|
Post: #39
Title: Re: وتتواصل دقات القليب
Author: sama7-au
Date: 06-16-2002, 12:18 PM
Parent: #35
سلامات هواري
اهلا بيك واشكرك على ترحيبك بي انت والبقية وردا على استفسارك بخصوص الكتابات فهى لي ماعدا بعضها مثل اليوم دعنا نتفق وغيرها من الاشعار الجانبية ويسعدنى فعلا بالمشاركه معكم في مجلتكم مع انو الكتابات ما قدر كدا
وللحديث بقية
سماح
|
Post: #36
Title: Re: تحية سماحية
Author: tally
Date: 06-14-2002, 09:14 PM
Parent: #1
شرفت المنتدى و ناسك....وانت مننا يشرف مقدارك
|
Post: #37
Title: Re: تحية سماحية
Author: motaz
Date: 06-15-2002, 02:31 PM
Parent: #36
يا الف اهلا وسهلا بيك يا سماح
وشرفتي المنبر خاصة وانتي تحملي معك هذه الكلمات الرائعة
ونورتي بيتك
|
Post: #38
Title: إنها الأقدار يا سيدي
Author: sama7-au
Date: 06-16-2002, 12:11 PM
Parent: #1
يااااه .... كم كانت قاسية النهاية لشئ لم يبدأ اصلا!! كانت في وقتها كشرائح من الزجاج المهشم تخترق كل
جسدي دون رحمة.... ورغم كل الألم كنت لا ابالي بها وفي استعداد غير طبيعى على التحمل والمواصلة... لم اسأل نفسى لماذا؟ بل كانت كل الدوافع ومبرراتها أومجرد التفكير فيهاخطا وجريمة في حق من اهوى.....
كانت البداية سريعة ولم اكن اعنى لها ان تكون.... كانت احداثها ونشأتها الاولى طبيعة لكننى كنت اعشق كل كلها... توالت الاحداث بسرعة افقدتنى توازنى وادراكي للاشياء .... توالت في سرعة رهيبة بانتظام وبدونه في حين واحد!! وجدت نفسى ترضى بكل شئ دونما اي تردد ودون شك.. وفي وقت يسير جدا تضخم هو ليشكل شئ ملموس محسوس في خلايا الصميم واصبح جزء اقوى من كل اجزائ واقرب الي من نفسى واهم شئ في حياتى....
كان انسان فريد في كل شئ.... كان هادئ الطبع متقلب الامزجة, جاد الى ابعد الحدود.. مثالي .. محترم, مرهف وفنان ... فكري وسياسى وتاريخى وفيلسوف منطقى, ذو مبادئ وافكار تتداخل عليها مؤاثرات الدين والتقاليد والفلسفة الشعبية والغربية وبهذا كان فكره حر ومتقيد في نفس الحين ... اشترك معى في معظم ما احب وما اكره .. كان له طموح عالي واحلام منطقية وجميله... كان لحديثه وقع خاص في نفسى ... سرده للقصص كانت بنفس نمط هدوءه وكان لكل شئ مبرر وتفسير وكان يكرر دائما شئ عن الانسانية والانسان ويردد مقاطع من اغنيات ابوالسيد من ما جعلنى اتعلق به اكثر واسمع لما كان يقول.....
كم اكره التاريخ والجغرافيا والسياسة ولكننى كنت اسمع لكل ما كان يقول في صمت تام واتجاوب معه ولكن كنت افضل ان اسمع... لم اكن افهم كل ما كان يقول ولكن كنت اسمع بعمق فكأن لصوته تأثير علي وكأننى كنت اسأل عن تاريخ الشعب الفلانى حتى يبدأ هو بالسرد وارتاح بسماع صوته .... فاضحيت افهم التاريخ وتفاصيله الطويله واسمع الاخبار اواعى بما يدور .. وافقه اين تقع بلاد الواق الواق وسياسات العالم الثالث وهلم جر...
حدثته كثيرا عن كل اشياءي وسرد هو تفاصيله بدقة ممتعة, كان يتقن فن السرد بصورة رهيبة وكنت مستمعة جيدة ... كنت اسمع لكل ما كان يقول وكنت ارتاح لمجرد الحديث اليه.... كانت مسالك الوصول الى كينونة ذاته مهمة صعبة بالنسبة لي مع انه كان سهل التعامل بسيط في كل شئ ومع هذا كنت اجد صعوبة في فهمه وادراك مكونات نفسياته والوصول اليه وانا معه... كنت دوما في صراع بين معرفته وادراكه وبين ادراكه وادراك كل همومه ولكنه كان صعب الوصول اليه.....!!!!! كان لا يتحدث كثيرا .... يؤثر الصمت على الكلام ويكتم بين حناياه هموم وهموم وكنت اقرأ بين عيونه تلك الهموم واتعب لمجرد اننى لم يكن بيدي فعل اي شئ للتخفيف عنه.... كنت لا اضغط عليه بكثرة السؤال ولا الح عليه بل كنت اترك له المجال والحرية الى ان تحين السانحة والمناسبة ويلفظ بما لديه بتلقائية مطلقه,
وبمرور الايام تعودت ان اقرأ في عيناه كل شئ.... اقرأ واترجم وعلى اساس ما اقرأ اقرر.... طريقة ساذجة ةوهبلة لكنها كانت الطريقة الوحيدة لفتح مزالج ذاك الانسان... وكنت افرح كلما اصبت في فهم وادراك اي شئ خلال نوافذه "عينه" .... كنت اجيد فهم ما كان يود ان يقول..... افهمه عندما يضطر ويغضب ويتتضايق ... افهمه حين يرتاح ويتعب وعند الفرح والبهجة وعند الحزن وعند كل الامزجة .... وكنت سعيدة بنفسى وفخورة بها لانها انطقت الحجر وفسرت دون البوح وووووو وكم كنت خاطئة!!!
رغم كل الذي كان وكل الذي قيل اتت النهاية ببطئ مؤلم ... اتت لتشتت كل جمع وتحطم كل صرح وتخدش كل شئ جميل كان او كنت اظن انه موجود.إنحسب من حياتى بطريقة جنونية لولا الله لافقدتنى عقلي ... تخللتنى النهاية الى ابعاد النهاية .... وكم كانت مرة في كل تفاصيلها.
لا ادري ولكن يقال ان اعقل الناس اعذرهم للناس ولذلك قررت ان اجد له الاسباب لكي افهم وادرك واقدر وبالفعل وجدت له كثير من الاعذار حتى وجدتنى وفي نهاية التحليل لكل ما كان يدور وجدت ان الخطأ لم يكن منى ولا منه ولكنها الاقدار وكان لازاما علينا ان نفترق .... كان لابد لهذا الحب ان ينتهى.
يا حبيبى كل شئ بقضاء
ما بأيدنا خلقنا تعساء
فإذا قابل خل خله وتلاقا لقاء الغرباء
لا تقل شئنا فان الله شاء
.............
سماح
|
Post: #40
Title: Re: إنها الأقدار يا سيدي
Author: Tumadir
Date: 06-16-2002, 12:27 PM
Parent: #38
isim 3la mussama. Welcome!
|
Post: #41
Title: صباحات الموانى
Author: sama7-au
Date: 06-16-2002, 09:44 PM
Parent: #1
يا صباحات الموانى
حتى لو دربك ترنح
في مشاوير الاغانى
والدرب اتردا بينا لزمان الاهة تانى
يانا لا بنتحاشا صدك
لا بتموت فينا الاغانى
في عيونك
ضجة الشوق والهواجس
وريحة الموج البنحلم
فيه بجية النوارس
في عيونك
ضجة الشوق
|
|