Post: #1
Title: بامسيكا ..شكيتك على الله قربت اصدق الشاكوش
Author: DEEK_ALJIN
Date: 06-10-2002, 05:24 PM
والله يا بامسيكا ياخوى من كترة كلامك وهضربتك بالشاكوش ..قربت اصدق انو انا مشوكش .. ولا انت متنبأ لى بى شاكوش .. خصوصا وانو جاتنا ايميلات وتلفونات وفاكسات وفى بعض الناس جو شخصيا من الشباب والجكس ( وركز على الجكس دى ) وطبعا لانو فى ناس بيعجبها الشمار ده واتكيفو جدا وشمتو كمان .. وانا زاااااااتى قربت اصدق ح اقوم اهدى ليك الاغنيه دى .. وبرضو بهديها لى شاكوشى المزعوم ( بعد مايلدوها طبعا ) وللجميع
ولك حبى بامسيكا
وفى ناس طبعا عايزين جنازه يشبعوا فيها لطم ..لكن والله انا هسى شغلت كل الموساد بتاعى وملفات تاريخهم الطويل كلها هسى فى الطريق لينا من الفرع لى جامعة السودان لى المريديان ومن حلفا لى نملى .. وفى الايام الجايه دى ح انزل كل المعلومات وخصوصا فى بعض منها مدعوم بصور ولانو ادارة البورد مانعه الصور دى حانخليها فى الارشيف لاى واحد عندوا الرغبه فى مشاهدتها
وطبعا الايميل معروف
واهلنا زمان قالوا الرهيفة التنقد
والممطوره مابتبالى من الرش
والى ذالك الحين
لنااااااااااا لقاء
ديك الجن .. بالوش الجديد
|
Post: #2
Title: Re: بامسيكا ..شكيتك على الله قربت اصدق الشاكوش
Author: wadazza
Date: 06-10-2002, 05:36 PM
Parent: #1
ديك الجن..تحياتى
اعتقد أن كنت جادا فىالكلام الأخير فهو لا يشبهك فهذا البورد ليس مجالا لتصفية حساباتك مع آخرين..وان كنت مازحاً فحديث الموساد والمافياوتجميع الملفات ليس من شيمة الأنقياء مثلك
تحياتى
ود عزة
|
Post: #3
Title: Re: بامسيكا ..شكيتك على الله قربت اصدق الشاكوش
Author: bamseka
Date: 06-10-2002, 07:09 PM
Parent: #2
يالشوكشتينى وبالكرت الاحمر iiطفشتينى يالبى نار هواك شوشوتينى يالمن دنيا ريدك iiكشكشتينى يالعيون عسليه ليه بالشاكوش دوشتينى خليتنى عضم ساكت من اللحم نشفتينى حرمتينى الاكل .. جنب الازيار عطشتينى ياريت من الاول لو بالمركوب برطشتينى هو شاكوش ولا ام عيك نص الليل وع وع تينى هو شاكوش ولا ملاريا للكينين بلعتينى هو شاكوش ولا نار سموم للهدوم iiقلعتينى اصلو شاكوش iiفاهم ضربتيبو الراس صلعتينى ضربتيبو الراس صلعتينى |
|
Post: #4
Title: بيبو
Author: mohsin_alsla7aby
Date: 06-10-2002, 10:01 PM
Parent: #1
ايه الابداع ده ................... بس كدى استنى انا زى اللى سمعت حاجه غربيه فى اخر الاغنيه
يا ربى ده صوووووت شنو ؟؟؟؟؟؟؟؟؟ جرسه ما اظن بكيه برضو ما اظن
ياخى كدى خلينى اسمع تانى وارد عليك ياربى ده صوت شنو ؟ ممممممممممممممممممممممممم؟
|
Post: #5
Title: Re: بيبو
Author: DEEK_ALJIN
Date: 06-11-2002, 06:09 AM
Parent: #4
الاخ الرائع ود عزه .. سلامات يا وطن
والله بقيت جبان جنس جبن بتخاف من المشاكل وعايز تلحقها قبل ماتولع
ياسيدى ايه الدنيا غير لمة ناس بخير او ساعة حزن ..نحن نقتطع من ساعات الهموم لنأتى هنا فرحا .. لنسعد فى هذه الواحه .. ولربما نحن نضحك لنقاوم البكاء يا صديقى .. فلا تخف .. ولن تجدنى يوما من يفتح حسابات ويسطر لها الدفاتر حتى اصفيها .. فالصفاء صفاء الروح ..وهذا مانبحث عنه بينكم
بالمناسبه لدى عتاب صغير لك ود عزه قبل المشاكل الحصلت وود عزه بعدها هناك اختلاف كبير ولم احب ود عزه الجديد كما احببت القديم لماذا انت ادرى
مع امنياتى ان تفهمنى كما تمنيت
ولك دوما مع الود احترام
ديك الجن
|
Post: #6
Title: Re: بيبو
Author: wadazza
Date: 06-11-2002, 06:47 AM
Parent: #5
عزيزى ديك الجن
ودعزة قبل المشاكل هو ودعزة بعد المشاكل ..التغيير فقط هو أننى غير راض الآن عن المطروح فى هذا البورد من موضوعات شخصية..مستغرقة فى الخصوصيات التى لايستفاد منها الا لنمو المشكلات والحساسيات...
ليس هذا هو الأسلوب يا ديك الجن ووصفى بالجبن لا يليق...شجاعتى لم اكتسبها من أحد ولن أفقدها من أجل أحد فقط مايحدث الآن وما يطرح من موضوعات شمارات وشواكيش .....الخ لا يعجبنى..ولا أظن أن تلك المناوشات والايعازات مكانها هنا
أما قولك بأننى لا أعجبك الآن فهذا يعجبنىوالاعجاب لايفرض على الآخرين
تحياتى
ودعزة
|
Post: #7
Title: Re: بيبو
Author: DEEK_ALJIN
Date: 06-11-2002, 07:53 AM
Parent: #6
اخى ود عزه .. تحياتى
اسف لو كان العشم زايد ...................... وشـــــــــــــــــــــــــــــــــــكرا حــزيــــــــــنا عزيزى
ديك الجن
|
Post: #8
Title: Re: بيبو
Author: wadazza
Date: 06-11-2002, 07:57 AM
Parent: #7
كنت من قبل فى هذا البورد أحارب فى جبهة واحدة لكن يبدوالآن أن هنالك أكثر من جبهة
تحياتى
ود عزة
|
Post: #9
Title: تحيات
Author: mohsin_alsla7aby
Date: 06-11-2002, 07:58 AM
Parent: #1
|
Post: #10
Title: Re: تحيات
Author: DEEK_ALJIN
Date: 06-11-2002, 08:32 AM
Parent: #9
مدخل:-0
سفر السكوت
طــــــــوبى للرجــــــال العصافير كلما حط طائرهم فوق غصن
غنو بشجى الكلام ..بديع الصور
وبؤســـــــــا لنا .. نحن الرجـــــال الشجر كلما جرفتنا المنافى
تهاون جزور الكلام .. جفت ينابيعنا وارهقتنا ليالى السفر
تؤرقنا الزكرى .. توقد نار المواجد فينا , فيوجعنا الشوق
فى صرة القلب ..يتابى حتى السكون الذليل
نخرج الان من جلدنا ونخدش صمت السؤالات
نركض عبر الطريق الطويل
من اى ثقب فى الحكايات جئنا؟
ومن اى باب فى السماوات كان التماس السكينه؟
ومن اى ذنب عصى تعلم القلب سفر الرحيل؟
الطيور قطعت رحلتها ثم عادت..والامانى استكانت
والليالى ماعاد صمتها مستحيل .. والنساء اللائى علمننا العشقفى زمانات النداء الجميل.... نسجن ( كعادتهن ) من كذوب الروايات مايخلع الدفء
من جسد الحبيب ..ثم تزوقن للحبيب البديل!0
ياصـــــديق المـــــسافات ..اركـــــــض .. ماعــاد فى الحــــزن متـــــسع لصــــغير الــجراحـــات - قلـــبى وقلــــبك - ولا صبر فى الافق .. لانتظار الخيول
كل المراكب تاهت ..انكرتنا الشموس ... والحبيبات خانت .. لفظتنا البحار
فهل يستطيع البنفسج ان يكون الكفيل ؟
ايوجـــــــعك الوصف ..؟ اه من زمن كنا ننتقى فيه العبارات من فصوص المحار ..
نتمشى على مفاصل الشعر .. تاخزنا كل ساعة فى مدار
اه من اه .. ثم اه من كل ذلك الزمان النبيل
اصرخ الان .. او اخرج الن ... او انزف الان ..او اكـــــــــــتم الــــــــشدو فى الفؤاد العليل
- فيصل محمد صالح -
مدخل اخر:-0
بسمع الزول البوصى
اقفلوا الحوش يا جماعه
واطفوا انوار الرتاين
داك حرس حظر التجول
من بعيد ليكم بعاين
يازمن حظر التجول ... يازمن حظر التجول ... يازمن حظر التجول
ديك الجن
|
Post: #11
Title: Re: تحيات
Author: رومانسي
Date: 06-11-2002, 08:51 AM
Parent: #10
ود عزة
الم تقسو بعض الشئ علي الوضاح ديك الجن
يا ود الحجة اعتقد ان الامر سؤ فهم
ود عزة ولما القتال جبهة او اكثر ؟
|
Post: #12
Title: Re: تحيات
Author: wadazza
Date: 06-11-2002, 09:12 AM
Parent: #11
رومانسى
وما معنى هذه العبارة التى كتبها صديقك الوضاح ديك الجن
والله بقيت جبان جنس جبن بتخاف من المشاكل وعايز تلحقها قبل ماتولع
تحياتى
ودعزة
|
Post: #14
Title: Re: تحيات
Author: رومانسي
Date: 06-11-2002, 09:25 AM
Parent: #12
Quote:
اخى ود عزه .. تحياتى
اسف لو كان العشم زايد ......... |
ودالحجة
وهل بيننا سوي العشم
الموضوع اقل من يتحمل كل هذا
ما ذلت اصر علي انه سؤ فهم
|
Post: #13
Title: Re: تحيات
Author: bamseka
Date: 06-11-2002, 09:24 AM
Parent: #11
مالك ياود عزه .... الحاصل شنو الان فى كلام الاخ ديك الجن .. ومن المعروف للكل فى هذا البورد ان الوضاح ديك الجن يمتلك كم هايل من المرح .. وبعدين شنو هو البتحارب وبتقاوم عنو داخل البورد ..ياخى كلامك ده قاسى شويه كونك تقولو ... والله والله ياديك لا اقول خلاف انك انسان طيب
لنا عوده
|
Post: #15
Title: Re: تحيات
Author: wadazza
Date: 06-11-2002, 10:08 AM
Parent: #13
الأخ بامسيكا ..
شكرا لك ولكن لا أظن أن ديك الجن يحتاج الى هذا الكم الهائل من محامى الدفاع
دعوه يرد هو فأنا قد خاطبته هو فقط فلماذا التدخلات
تحياتى
ودعزة
|
Post: #16
Title: Re: تحيات
Author: رومانسي
Date: 06-11-2002, 10:21 AM
Parent: #15
مثلما تدخلت انت لدرء الفتنة التي توهمتها اول البوست كانت مداخلاتنا وان دافعنا عن احد مننا فقد دافعنا عنك مرارا وتكرارا ووصل بنا الامر الي اعتزال البورد من اجلك وارسال اعتزار باسمنا عن اخطاء لم نرتكبها في حقك
لذلك عندما نتدخل لنزيل سؤ فهم حدث ولكني اري انك تحمل الامر اكثر من ما يحتمل وتخلق من اللاشئ قبة
فارجوك وضح لنا ما السبب الذي دعاك الي دخول هذا البوست وكتابة كل هذا وانت لست معني بشئ منه لماذا تحجر علينا الدفاع عن ديك الجن او من قبل عندما دافعنا عنك هل غضبت منا؟؟؟؟؟؟؟؟؟؟
ود عزة ما ذال العشم قائم فلا تهد جسور امتدت بين كل اهل هذا البورد
انا لا اري سببا لكل هذه الثورة يا ود الحجة
حكم عقلك ولا يذهب بك الشيطان بعيدا فهذه الواحة اضحت كدرة من كل هذه المعارك من دون معترك
لماذا ننفث غضبنا من الحياة في بعضنا البعض والله لا ندخل الي هذه الواحة الا لنستريح وننفس عن انفسنا بقصيدة او اغنية انزلتها انت او مداخلة لطيفة او او او
لكن ان ندخل هذا المنتدي وكاننا داخلون ساحة حرب فهذا امر عجاب
اخي ود عزة اتمني منك ان تحكم عقلك ثانية فانت رقم كبير هنا لا نريد يذهب بك الغضب لفقد عزيز مننا فكلكم اسرة واحدة وكلكم ابناء عزة لما الخصام
وماذال العشم فيك كبيرا ود الحجة
|
Post: #17
Title: Re: تحيات
Author: bamseka
Date: 06-11-2002, 10:34 AM
Parent: #15
ود عزه الموضوع موش محامين دفاع ... .. اخى طابع كلامك ليس بالطابع المعروف لشخصية ود عزه التى عرفنها عنها الكثير من طابع التسامح والابداع .. ولكن احترت كثيرا فى قساوتك فى كلماتك التى رسمتها تجاه الوضاح ديك الجن
فهذا لست اسلوب ود عزه انما هى تعنى كلمات معزه نفس ارجوك تراجع كلامك
|
Post: #18
Title: Re: تحيات
Author: wadazza
Date: 06-11-2002, 10:41 AM
Parent: #17
بامسيكا
لك العذر والأسف عما بدر منى وللجميل ديك الجن وعذرا ان دفعتنى بعض المناوشات التى حدثت بالبورد الى الانفعال قليلا فى ردودى فقد كان حسن نيتى واضحا فى البداية عندما أحسست ان وراء حديث ديك الجن مشروع مناوشة مع آخرين
تحياتى ولكم العتبى حتى ترضوا
وتأكدوا بأننى حريص على استمراريتكم الجميلة مثل حرصى على اطفاء الحرائق قبل تفاقمها
ودعزة
|
Post: #19
Title: Re: تحيات
Author: bamseka
Date: 06-11-2002, 12:01 PM
Parent: #18
الاخ ود عزه
فهذا ود عزه الذى عرفناه...فهذا يدل على اصلك ايها الرائع ودة العشم برضووسامحنى اذا قسوت لشخصك بكلمة ولك احترامىوتقديرى
وعزة البينا عااااااااامرة
|
Post: #20
Title: Re: تحيات
Author: DEEK_ALJIN
Date: 06-11-2002, 01:06 PM
Parent: #19
اخى الحبيب ود عزه
دوما عودتنا على الاشياء الجميله وايضا على الصمود مع الحق .. وعزرا ان اختلفنا قليلا فى نوعية المواضيع التى يجب طرحها .. ويذداد اعجابى بك وانت ترفض مايسمى بالانصرافيه عن الوطن وعن مايفيد الوطن .. ولكن عزيزى نحن فى غربة كريهه وغم وكدر ولا متنفس لنا سوى هذا البورد نحسه السودان الصغير حيث نحاول ان نعيشه طبيعيا .. نعيش فى الافراح والاحزان والسياسه ومايفيد الوطن ومايفيدنا فى ديننا ودنيانا .. وبرضو الشمارات .. احس هذا البورد يا ود عزه زى حلتنا .. بكل تفاصيلها .. زواج .. ووفاة .. وشكله .. وشمار ..وقطيعه .. وقعدات ..ودافورى ..وكل شئ .. ربما تنظر اليه انت كمنبر للدفاع عن الوطن او .. او .. او ..وكل كلمة تخط فيه يجب ان تكون ذات فائده ..ولن الومك على هذا ولك ان تكتب ما تشاء .. ويعجبنى هذا حتى ولو لم يهمك اعجابى بك ... برضو عاجبنى ..كان رضيت ولا لا ..
المهم يا سيدى لك العتبى حتى ترضى .. ولك الانحناءة حتى تتسع شفتيك حد التبسم .. واكرر اعتزارى لك ولكل من بالبورد اذا كانت مناوشاتنا ..وشماراتنا قد ضايقتهم .. ونعتزر لاضفاء روح الخصوصيه لبعض المواضيع .. ولو كنت قريت الرد كويس .. كان عزرتنى من الاول لاننا جميعا نستعمل كلمة جبان بحنيه ومع اقرب الناس خصوصا تركيب الجمله يدل على ذلك
وعزرا
عزرا
عزرا
ود عزه .. ان خاطبتك بلغة الاصدقاء دون الرجوع اليك
وعزرا ان تطاولت ... لنيل ذاك الشرف دون الرجوع اليك كصاحب حق
ولك مع الود احترام
رومانسى .. بامسيكا .. ان قلت لما اوفيت ..ولكن تبقى بيناتنا الجساره
ديك الجن
|
Post: #21
Title: Re: تحيات
Author: hamooz01
Date: 06-13-2002, 04:29 AM
Parent: #20
ديك الجن الواحد لا يسعه الا ان يقف امامك احتراما وتبجيلا
اتمنى ان نلتقى
|
Post: #22
Title: ديكو
Author: mohsin_alsla7aby
Date: 06-13-2002, 07:02 AM
Parent: #1
وينك يا ديكو ؟ ووين الامانه ؟
|
Post: #23
Title: Re: ديكو
Author: bamseka
Date: 06-18-2002, 07:56 PM
Parent: #22
الاخ محسن
وين الديك..فاذا الامانة وصلتك ..بلغ سؤالى عنة
|
|