أهداء لناس الحلة المحرومين منها

جننتكم باللوحة دي لكني اعشها

ودي الجيلي دعني احيك من نملي لي حلفا


واهديك المكاشفي محمد بخيت

مشوار زمنين ودقيقة

وكت الناسِينك ذاكِرْ
يا بال حايمبو مسافر
يا شال من وشِكْ نورو
يا دسا غناك لى باكر
اتكلم عنك دايماً
وأسأل عن فضلك ناكر
المشى فى الليل ساهر َبْك
لى الصبح الراسى الصابر
وأشرد من عصبى وغضبى
وحربسةْ الجوع الكافر
يا لامى الناس فى حوشك
الزنجى العربى الحلبى
رطانىلساناً عربى
ود بحرك والجلابى
والماضى ،الجايى ، الحاضر
ود غابتكود صحراك
ضميت الناس أشتات
ختيتم فى يمناك
البمشى الجامع جمعة
والبمشى كنيستو أحد
كل الأولاد أولادك
كل الأجداد فَدْ جد
كل الأُمات أمات
داخرات الوحمة جهات
وكل الجنيات جنيات
والطين صلصال تشكيلنا
وادى وصحرا وغابات
أغصانك متشابكات
وأحزانك متشابهات
مسداردلوكة دليب
دوبيتكمبلاعرضه
أفراحك فى الجايات
فى زمناً أول غالب
غضبك ما كضباً كاضب
فجرك ما كضباً كاضب
لبلب تلب فوق ضَهرك
وقبقب أصوات الحلة
النخلة اتملخت ايدا
والسخلة اتسلخت حيه
والشفع ملصو عيونم
فى نوماً كَعَبْ النيه
والناس فى قطراً ماشى
قلبين فى صحبة راكب
والحاكم ناهب سالب
ما فيهو وسامة قلبك
ما جاكْ بى صندوق ناخب
ماجاك بى خاطر زين
فى الوش ختا الوشين
والليل ما كضباَ كاضب
يا بِتْ يا طالعة مساطب
انزلى لى الدلجا الُسترة
قنبرى فى الواطه وغنى
من هسه لى غاية بكرة
وطفرى من نفسك وأجرى
ميسك فى الزول الغايب
والغايب واقف يجرى
غايب فى بلداً عجمى
لو شفتى عيونو أم كجمى
واسنان الوحش الصخرى
وعِمْدانْ الموت الأحمر
وفستان البِتْ الزهرى
وإنداية روز بت ميرى
رضايةْ الناس بالبكرى
عافارةْ القلب الميت
سهارةْ الشوق الفقرى
حاحاية الليل الطامح
فوق جلدا تصلى الِورْدىِ
وكت الناسينكشاِلعْ
بى حس ميعاد ومطالع
وطناً ساوينو برانا
من حنضل قوزوتبلدى
من نخلة تقيف عريانه
َتقْطَعْ من جِلْدَها تدى
من موجة تجيبك لينا
والتانيه تشيلنا تودى
وطناً من شيلنااتعسم
واقف بين خوفنا وخوفنا
فى الدم والمويه مقسم
الشايفو عظيم من شوفنا
فوق كتفوغلطنا مردم
صابرما اتكلم شاكى
وكاتم ماصرح بينا
من جوه دموعو اتبسم
ضارانا وبيتنا مهدم
ساترنا وحالنا مسجم
يوم أحمددافر غافل
والروق بالشوق اتداخل
ما بلت شوقنا سعية
ما دقت بابنا بشاير
ما سرت خاطر جيه
والباب فى الوادى متاكا
ما غنت طفلة مغارب
ما غاب الليلة الجاكا
من باب الحزن الداخُل
###
# مداخلة شائكة #
## وقيل أن أحمداًقد غاب فى الركايب ##
ما جاهو كَلْبْ أصفر
ما لبَّنتْ نياق
شُنقاقةْ الجهاتنُقارةْ الحصاد
عصفورة الولاد
وقفت على شباك
فى بيت أمير الاى
والضلو مرفعين
يخاف طِفِلْ نهار
والكلو ما أمين
فى راسو ريش نعام
وأحمد بعيد بعيد
بعيد بعيد بعيد
والقُرْبْ فى زرار فى جبة الإمام
أحمد بعيد بعيد
زى صالح العمال فى ذهن مستفيد
زى فكرة البلادفى سبحةْ البنوك
زى ما تخون حبيب بنيه بالضحك
تخونو بالسؤالورجفة الجواب
وقبلة اليتيموشرقة الملوك
أحمدجِلِدْ قديم فى هدمو منسهك
مملوك ويمتلك ؟؟؟!!!
منزوع من الجوابمضيوف على السؤال
مريوقومنصدم
موجود ومتعدم
معبور ومبتسم
سرحان ومنسجم
مغمض العيونمبلم الخشم
مدسدس الجوازمقطع الإسم
مكتر السكاتفى غمرة النضم
ما عرفتو البلاد بى ريحةْ الهِدِمْ
عرفو الحرازرذا ذ يتراخى فى الجِسِمْ
عرفو الملاذشُرادْ من صوتو والوَسِمْ
ما بحمل العناق
ما كِمْلَتْ الدروس
ما جاهو وعد فات
قدمنا فى السباق
والحقنا يا مطموس
العرق ما هو سوس
والساس هو من يسوس
ياكَبَرْ الصراع يا كَتَّرْ الفلوس
ياشَدَّ خيل وداعيا طَوَّلْ الجلوس

لاجل عين تكرم ألف عين و عشانك نشوف اللوحة تاني وثالث و كفاية جدا انه فيها عطبرة و بلدنا الطبية

المشكلة يا تاجوج نشوفا بالعين وساكن القلب
وهنيا لعطبرة بيك

وأنا أنزل هنا إجلالا

عاد يا عشاي ما طلاتك عجيبة

شكرا على اهدائك الرائع يا رائع

ود الجيلى
سلام
لكن الاغنية من بيت الكلاوى والله
والخرطة دى جوه القلب وجوه العين
تسلم يا غالى

الله يسلم غاليك يا قرشو

ما كدا لكن ......

امدرمان
ودمدني

بس عاد ما شايف الجيلي ياود الجيلي

السودان كلو يا عشاي الجيلي
بعدين حكايتك شنو معاي شايفك طوالي بتغني لي
اتصلح معاي يا يابا

!تنصلح معاك دنيا وآخرة ياخوي..البيني وبينك قولة عمر رجب: لوف يا

وتنصلح معاك ومع اهل الحلة
قولوا اميييييين

تعيش ياود الجيلي

آميـــــــــــن

تسلم ياود الجيلي وذي ما قال ليك قرشو دي من بيت الكلاوي ابداع لكن يامبدع لكن ياخونا نسيت ناس البطانة مريت فيهم مرور الكرام وعابر بدون ما تذكر لينا انشا الله رفاعة ابوسن

شكر يا ابو الخل
وفي السوادن في حاجة بتتنسي يا خوي
بس المساحة ما كبيرة

ياولد امي جيلينالي ما وضحتة في الخريطة حدي انسي وطنو الصغير علي كل حال كم مرة برسل ليك رسالة من الماسنجر بس انتة ما بترد انشاء الله ما في عوجة



ود جيلي اخر

يا ود الحلة ده ما في القلب
مهما كان صغير يبقى كبيييييير
بعدين ما ارد عليك كيف بس ما قاد
النت يكون شغال على الداونلود او اخوك طاشي
لكن ما ارد والله دي كبير بالحيل

شكرا ود الجيلى على هذا الابداع
تحياتى
غزال

الفاضلة غـــــزال
وين الابداع مهما سوينا برضو مقصير ومقصير كتير
شكر ليك يا اختي فدائما تشدى الهمم
شكرا تاني

الاخ ود الجيلى لك الشكر الجزيل ولكنا حتى الان محرومين اذ ان الاغنيه لا نستطيع سماعها ولا اعرف لماذا وحتى الخريطه ما ظهرت لينا الحاصل شنو ما عارفين ؟
ياريت تدينا حل

ود الجيلي .. الوردة وأهل العوض
Same - Same

تسلم يا ود الجيلي وانشاء الله نشوف اعمال اعظم واجمل

ومزيدا من التقدم والجديد

(ود)(ود) ( الجيلي)

امير الجيلي

شكرا يا جيلي