اصبري كاس العالم الفين وستة

ها ها ها....والله ياولدي ضحكتني ...ماتبطل حركاتك دي ياعموري ياولدي
شنو ياامي ما اقول انك سمحة مااقول انك اغلي واحدة في حياتي.......
مااقول انو انا بحبك بغض النظر
مااقول انو انا تعبت في ريدك لمن لبست نظارات نظر
ولاحلتني فايتمينات ولاحلة كاملة بتاعت جذر.......
ههههههي والله انتا غايتو الله يحفظك لي......كدي حسي رد علي ابوك.....
ياود عمر ماتقعد تغازل في الولية دي تقوم تصدق تقول دايرة سد المال
من جديد...وانت براك عارف الحالة....
حاضر ياابوي.....
اسمحوا لي انا ماشي الكورة ياحجاج....
ودعتكم الله .....وانا في بالي حاجة تانية قال كورة قال...ده زمن كورة دا
بلا كورة بلا وجع راس....ياخي المحيرني في قصة الكورة دي ..الكورة
تكون صفر- صفر تعادل لصالح الفريق الاول كيف ماعارف مممممم
ياابو الشباب خلي بالك ....
لاسليمة ياالاخو...
المرة الجاية حاول شوف قدامك ...والله اول مرة اشوف لي زول بدقش ..
شجرة...
تقول شنو بس الكورة اقصد المشاغل...
طبعا دي كانت اخر شجرة ومنها شاطئ البحر.........
وانتظر وراسي لافة بس مستحمل رجالة بس
وبعد شويتين تجي القمر...
وتتلخبط افكاري معنو معروف عني اني ود راكز ...
الحليوةةةة جااااات خطيبتى جات...........
سلامات ياعسولة...كيفك .....يابت انا مادي يدي ...سلمي....انا ماكمساري
بص.. ولاداير فكة ...بس سلام....
هههههههههههههييئ..
ياسلام علي ضحكتك....اي كدا ...دا الشغل..
والله ذكرتينى صاحبي المفلس ايهاب لمن قال لي حبيبتو...
الدنيا فانية جاييكي لادبلة لاقروش
الله يرضي عليكي والله ينعل بوش
قلبك واسع اكبر من الحوش...
يدخلنى وكل المكسرين توش......

فقامت زعلت منو وفلعتو بالدبلة الفالصو موية دهب وكدا....
فرد ناعلا الصايغ وحظو التعيس
كده تفلعيني في راسي بالدبلة...
دي يدك ولاعامود....... نبلة...
راسي هضرب وصليت عكس القبلة
.....
ياحبيبي ياعموري انا مابهظر ...
حتجي تعرسني متين ..ياخي حرام ىعليك خمسة سنة خطوبة...
ياعسولة انشاء سنة الفين...
بالغتا لاكن...نحنا في الفين واتنين حسة....
بلاي اووووه نسيت ياعسل انا قاصد مع كاس الدوري اقصد كاس
العالم...
ياعموري كاس العالم فضل ليهو شهر بس...
عليك الله جد...لاكن ياعسولة السودان مااتاهل في التصفيات....
اصبري كاس العالم الفين وستة والله اربعة سنين بتجي جارية
ذي المافي حاجة
بقلم عمر رجب
هولندا

ونسه ناس حنان
كبايه شاي تحت شجره نيم
مرشوشه بي مويه جردل
عشره كتشيه في الشارع التاني
بتاع الدكان وصحن الفته مويه جبنه
نبق قنقليز النــــــــــــــبق القنقليز
شفع الروضه وحلاوه قطن
جر جـــــر هي سجمي انهرو الكلب ده
اسمع يا فرده عمك داك ما تدقسو
اتصلح معانا
ســــــــــــــــــــــــــــــــــــــــيك
حي وووب
خرخار
لا ما دايرين


احلي ونسه عندك انتا والله يا ود رجب

salaaaaaaaaamaaaaat
walllhiii inta alwnsa indaaaaaaaaaak
ya man come to maastricht nashioofak
come to holland
love yaaaaaaaaaaa