Post: #1
Title: مبــــروك لخريجات الاحفاد
Author: بنت الاحفاد 2001
Date: 04-29-2002, 08:53 PM
Parent: #0
باقات التحايا لكل خريجات الدفعة 32....
التحية لكل اسرة سهرت واجهدت وتفرح اليوم بحصاد اعوامها الطوال والتحية لكل الاساتذة والعاملين في هذا الصرح العظيم... والتحية الي عميد هذا الصرح الشامخ قاسم بدري الذي قبض على راية تعليم المراة مستلمهامن العميد الراحل يوسف بدري الذي افنى عمرة ناحتا في تعليم النساء والذي ابتدئه الراحل بابكر بدري الذي اختاران يتجول بين القرىحاملا دعوته حتى صنع منبرا للنساء .... اليوم ستجدون الخريجات انيقات متزينات في موكب العلم ..ولكنهن تعفرن 5 سنوات بتراب هذا الوطن...
هن اليوم يودعن المكان الذي شهد تعثراتهم وقادهم الى النجاح والتميز...
يودعن عالمهم الخير ..الى الحياة العملية وهن امهات رحيمات ودودات ..لا يرضون باقل ما لهم ..وستظل جباههم عالية تطاول السماء..
مبرووووووووووووووووووووووووووووك لكل خريجة في الاحفاد وهي اليوم في موكب عرسها ..
وهم يرددون
يا بنية الاحفاد سيري فجري نبع الامل
في ربا الوادي النضير بحداء متصل
ركب سودانك سار
بصمود واقتدار
...................................
ويرددون ايضا
بايدينا نبنيك يا بلدنا اقسمنا لازم نبنيك
صممنا وحبك يسندنا بارواحنا والمال نفديك وطن اجدادنا يا بلدنا
مثوى اولادنا يا بلدنا
.............................
ونشيد الاحفاد
فتية للعلم في الاحفاد يحدونا الامل
للعلا للمجد للاخلاقنسعى لا نمل
للاخاء الحر نسعى للتفاني في العمل
شعل كالشهب نمضي في احتقار للكسل
تشهد الدنيا بانا مخلصون
..........................
مبرووووووووووووووووووووووووووووووووووووك
|
Post: #2
Title: fooooooooooooog a7fadna fog
Author: Halema2
Date: 04-29-2002, 10:09 PM
Parent: #1
Dear bet al7fad..
salam..
mabroookkkkkkkkkk...lekel banat al7fad...warbana yakali gasim badri..ustazi algaleel...
wa..fog fog a7fadna fog...fooooooooooog
I wish all the success to a7fad ...from the bottom of my heart
with my greatings
|
Post: #3
Title: Re: fooooooooooooog a7fadna fog
Author: بنت الاحفاد 2001
Date: 04-30-2002, 04:44 PM
Parent: #2
اهلين حليمة 2
كيفك
شكرا ليك الكلام القلتيهو
وانشاء الله الاحفاد دايما فوق بعلمها
|
Post: #4
Title: Re: مبــــروك لخريجات الاحفاد
Author: wa7shny
Date: 04-30-2002, 05:47 PM
Parent: #1
تحياتي بنت الاحفاد ومبروك ليكم ولجميع السودان بتخريجكم الميمون انشاء الله وربنا يسدد خطاكم وانشاء الله تكون فتية يحدونا الامل والف مبرووووووووووووووووووووووووووووووووووووووووووووووووك
|
Post: #5
Title: Re: مبــــروك لخريجات الاحفاد
Author: بنت الاحفاد 2001
Date: 04-30-2002, 07:15 PM
Parent: #4
اهلين واحشني
الله يبارك فيك
وانشاء الله نكون فتية يحدونا الامل
|
Post: #6
Title: Re: مبــــروك لخريجات الاحفاد
Author: bob
Date: 04-30-2002, 07:57 PM
Parent: #5
الف مبروك لخريجين من بنات هذه القلعة العلمية التى اثمرت منذ ومازالت ثمر
وتقدم كل ماهو قيم لبنات هذا الوطن الشامخ والتحية ايضا الى كل من يقف وراء هذه الشمخ العظيم
واتمنى لهم حياة عملية موفقة ويسيره
والف مبــــــروك
بـــــــــوب
مصــــــــعب
|
Post: #7
Title: Re: مبــــروك لخريجات الاحفاد
Author: osman68
Date: 04-30-2002, 10:06 PM
Parent: #6
الف مبروك لكل خريجى الاحفاد الجامعية و الف مبروك لينا نحن بوجود زهرة الاحفاد معانا خلاص تعبتى من الحب واتجهتى على الخريجيين فين كتابتك الحلوة يانورة البورد
|
Post: #9
Title: Re: مبــــروك لخريجات الاحفاد
Author: mohsin_alsla7aby
Date: 05-01-2002, 08:33 AM
Parent: #6
مرحبا ابو الما ...........اخيرا اثبت انك زول جبان ياخى وينك ؟ حاصل ليك شنو
| Quote: على كل حال انافى انتظاررسالة فىالمسنجر |
سلام
|
Post: #10
Title: Re: مبــــروك لخريجات الاحفاد
Author: mohsin_alsla7aby
Date: 05-01-2002, 08:41 AM
Parent: #6
بوب ؟ والله كويس على كل حال انا منتظرك ؟
|
Post: #14
Title: Re: مبــــروك لخريجات الاحفاد
Author: بنت الاحفاد 2001
Date: 05-02-2002, 09:38 PM
Parent: #6
الشكر موصول الي بوب
&
عثمان
انك يجيتو عشان تهنئوا ونردها ليكم في افراحكم
|
Post: #8
Title: مـبــــــروك
Author: mohsin_alsla7aby
Date: 05-01-2002, 08:25 AM
Parent: #1
الغالية / بنت الاحفاد
مبروك ليكم تخرجكم الميمون وانشاء الله
حياة عملية سعيده
|
Post: #11
Title: Re: الصلحابى
Author: bob
Date: 05-02-2002, 11:22 AM
Parent: #8
الاخ العزيز / محسن
الله يسامحك والله والله انتا ماعارف العلى ساى ومشتاقين كتير ظروف بس اليومين دى يامحسن
وانا عاوز ضرورى وطبعا بقيت مابتلقنى قاعد على النت طوالى والله اسكت بس بس يعنى ماتسرع فى اتخاذ المواقف
واكرر ودى وتقديرى الى شخصك الغالى
بـــــــوب
مصعب
|
Post: #13
Title: Re: الصلحابى
Author: mohsin_alsla7aby
Date: 05-02-2002, 07:22 PM
Parent: #11
شكرا على اهتمامك بالرد
بس انشاء الله امورك تكون عال العال
ولا يهمك انا موجود على كل حال
وحبيت اسال عليك يا غالى مع الف سلام وفى رعاية الله
|
Post: #12
Title: مبروك يا بنات بتاعنا
Author: منوت
Date: 05-02-2002, 04:49 PM
Parent: #1
اكب مليون مبروك لأخوات بتاع انحنا بنات بتاع أحفاد ، مؤسسه عظيم دي في بلد بتاع سودان .. و انا والله وحات (جوك أتنق) لمن بشوف بنت (من بلدي) متعلم و فاهم بيكون سعيد شديد شديد .. و منوت بتمنى لبنات بتاع نحن كل حاجات جميل .. و لازم ما تنسوا انو إنتكم سودانيات وبنات بتاع سودان كلو . ولازم تعملوا عشان تصلحوا حاجات (غلط) كتير بيحصل في بلد دي .. وما في داعي داعي تقولو (أهلين) إنتكم (سوريين) ولا شنو ؟ ولازو تعرفوا إنو (اللغة هي وعاء بتاع ثقافه) .. وسوري لأنت يا أختي .. ومبروكات كتير لأنتم .
___________________
زمنقو قل لا عاش من يفصلنا
|
Post: #15
Title: Re: مبروك يا بنات بتاعنا
Author: بنت الاحفاد 2001
Date: 05-02-2002, 09:41 PM
Parent: #12
اهلين بي محسن
الله يبارك فيك
&
اهلين يا منوت
وانا كمان اكب لي انت الف سلام انك انت ما قصرتة وجيت عشان نحن وعشان انا يقوم بي واجب
وشكرا ليكم
|
|