اجمل و احسن طلب انضمام للمنتدى

ا لأستاذ : بكرى ابو بكر
... تحيه طيبه ...
وأصدقائى ...أصدقاء المنبر الحر ..تحيه طيبه لكم ايضا ..صديقه جديده تود الأنضمام اليكم هل تقبلونى ؟ لاأشك فى ذلك ولكن من أدب الدخول الأستأذان
أولا:احب أن تعرفوا من أنا .....كنتت فى أحدى دول الخليج عشت بها ..ثم جئت الى السودان لدراسه الجامعه ..جئت الى هذا البلد الطيب اهله .. ألأوفياء أبناءه ..عرفت من خلالكم .. الشيم العظيمه وألاخلاص ..وحسن النيه .. عرفت من خلالكم ..الطيبه والوفاء ..القيم الجميله .. التى أندثرت ... أحسست من خلالكم بأنسانيتى .. بأنى موجوده ..أحسست برهافه روحكم الجميله .. وبأنى معكم ..أسبح فى الفضاء .. أو أغوص فى أعماق المحيطات ... أحاسيس لم أحسها الا معكم .... حتى معانتكم ...كانت ممتعه معكم .. ومرت السنوات فى الجامعه سريعه كالبرق ... وعدت الى ذلك السجن وكأنه حكم على بألاعدام .. ذهبت مرغمه .. أيام كالليل الحالك لا ضوء فيها .. اليوم كغد وغدا كالأمس ..حياه ممله رتيبه لا بهجه فيها لامرح .. حتى لا أحد أكلمه .. لاأفهم فيهم أحد أحسست وكأنى اتيه من كوكب اخر .. وبأنى لاهدف لى فى الحياه .. وجودى كعدمى ..لافائده منى .. أحتقرت نفسى وأنا خريجه .. جامعه الخرطوم .. كليه العلوم الرياضيه .. تكون هذه نهايتى .. حتى جاء ذلك اليوم الذى أحسست بأنه يوم ولادتى .. وأنا أتصفح فى الأنترنت ووجدت هذا المنبر الحر .. أحسست كأنه ما وجد ألا لى ... فهاهم الناس اللذين أحب يمكن أن أعيش معهم .. يمكن أن أراسلهم ..أن أطلعهم على كتاباتى علها تسعدهم .. كما أسعدونى يوم من ألايام .. فهل يا ترى يكون لى ذلك ؟
ولكم كل الحب
غـــــــــــــــــــدي

ونحن بنرحب كمان بى اختنا غدى ونتمنا ان نكون دائما عندا حسن ظنها
فمرحب بيك اختنا غدى ونتمنا كمان انو نسمع منك كل جدى واسمك بيدل على انك غدى ناصع البياض اهلا وسهلا بيك نورتى المنبر كلو

مرحبا بك ...غدى..فى هذا البورد المتألق والمنافح والمستميت دفاعاً عن السودان مبادىء وقيم وواقع
المتآلف القلوب..والمختلف أفكارا ..المتحد أهدافاً...والمخترع الوحيد لشعب النت..والمخترق من قبل أعداء..المحروس بقلوب أصدقاء..
تحياتى
ود عزة

فرحو بيك كل الاصدقاء و غنو ليك
مرحب بيك أخت عزيزة

البورد من حاصف لا قاصف .. يتلم يهزلك يا غدى
ده بوردا زين .. وحضنا امين
من شر الغربه .. ضاراى .. ضاراى


مرحب بيك غدى .. ونتمنى لك اقامه لذيذه



ديك الجن

ديل أولادك
ديل أمجادك

!أي والله أجمل واحسن طلب انضمام للمنتدي..ولكن
















لكن الأسم أجمل
نطقته..فرددت معه..دنياي أنتي وفرحتي ومنى الفؤاد إذا تمنى
:ودندندت
قدرك عالي قدرك ياسامي المقام
ياملمهم..رماحك سناها الصدام
أم در والطوابي في صدرك وسام
ملامح كم تسامح تغضب لا تلام
همه وعبقرية ذمة وفنجرية ضد العنصرية تحلم بالسلام
فداك وفي حواك يامدد الكلام
عفوك إنت ورضاك برنا ليك تام
وبحلم في هواكا بي حسن الختام
دينك كم علينا منك والدينا وأجمل ما لدينا من يوم السماية من قبل الفطام

بعد اذنك عزيزي بكري
نقول نيابه عنكم للاخت غــــــــــــــدي
طلبك مقبول من دون مناقشه ولو ما كان في خانه لمشترك جديد انا بنسحب من البورد عشان تدخلي انتي

والله فعلا هذا أجمل إستئذان وأقول لإختى غدى
أدخليها بسلام أمنة مطمئنة كما دخلتيها أول مرة ....بلادى
بالأمس كان أمسى وغدا أنت غدى

exorcist

الاخ بكري

لك التحية

ونقول للاخت غدى هللتي اهلا ونزلتي سهلا

وحبابك عشرة بلا كشرة

الحبيب بكرى الأخت غدي حاولت ان اجد كلمات تليق بمقام الاخت الفاضلة ولكن الاخ حبيب الكل افحمنى واقصانى وتركنى احول الموضوع واقول يا جماعة ده ارجل زول هنا .. حرم ياها المحرية فيك يا حبيب الكل وياكا الاصيل وياكا الوفى وياكا السودانى بكل معانى الكلمة فكلماتك اكبر من ان تقاس واعظم من ان تثمن .. اختنا غدى هاهم اخوانك وهاهو حديثهم وترحابهم وانا ان كنت اقل منهم ولكنى ارحب بك واقول لك كلنا ذلك السودان الحدادى مدادى الذى تذوب فى خضمه كل الاعراق والحساسيات والاديان ويبقى الساحة المفرحة التى تجمع الكل.. انه وطننا انتقل بفضل الاخ بكرى الى هنا ليبقى على الهواء مباشرة بيننا وستجدينا الاخوان والاعمام والاخوال لك وستجدينا من يقف دوما بجانبك ويخفف عليك وطأة الغربة وعذاباتها فكلنا يعيشها وكلنا يعانيها .. الف اهلا بيك غدى وانتى والله دخلت عملاقة ونرجو ان تبقى فينا كذلك

ياقرشو لكن ما قطعت قلبي من جوه بكلامك الحلوة ده ياخي انت الكلام دا بتجيبو من وين حرام عليك تدفن الدرر الغوالي بين احضانك فقط ياخي نحن في حضرتك حبيب الكل منتظرين من الناس المبدعين والبخلوة دمعتنا تجري بس بين احضان هذا الجهاز فقط لاننا نحن اولاد حارة وما بنرضى انو دمعتنا تجري الا الواحد يكون فعلا حسى بقسوة الغربة ومعاناتها اللنحن حسي معذبين بيها ولكن لم نلقي لينا ناس حلوين وجميلين وصفهم على قاسي بنحس انو لسع الدنيا بخيرها وبرضو كلنا في العذاب سواء
تحياتي لغدى والف مرحب بيك بين اهلك وعشيرتك وديل فعلا هم السودان فانا ليس لدي الوقت لكي ارد بل امتع عيني بالقراءة فيما تجود به قريحتهم الفذة واناملهم العبقرية
تحياتي بلاحدود للكل