للذي.......قلبي بين رجليه كرة

شباب ازيكم ..الليله ما عارف..انا مالي فجاه كده وانا راقد في الكاوتش بسمع في محمود عبد العزيز بغني قائد الاسطول ..اتذكرت زماااااان ...زمن المطافي بالقرب ...القرب جمع قربه ..والقربه ..فستان الغنمايه يا ناس المصارين البيضاء..المهم زمان.كنا لما عدس الداخليه يدور ويحرك الحرقان نقعد مدبرسين كده ونبدأ نخستك .....اتذكر انا كنت فالق الشباب ..بي حاجه كده ما عارف نفسي لقطتها من وين.....المهم بطريقة القاء اركان النقاش كنت بردد......الاتي
للذي ..قلبي بين رجليه كرة
للذي قلبي بيين كفيه تفاحة
للذي ..اذا ما اضجع علي سريره....رفرف القلب حوله فراشة
والذي اذا ما نهض من سريره...انتعل القلب ..قبل حذائه
اييييييييييييييييييييه...يا شباب ..كانت ايام ..والله الواحد لو عارف بحصل ليهو كده ما كان دبرس اطلاقا .لانو جد نحن كنا في نعيم ..اقله تلك الحميميه ..التي ربطت بيننا...
الدايرو من الشباب..اي واحد منكم كده يديني حاجه من حاجاتو الكان بخستك بيها ...لانو انا عايز لي تلاته قلاب ..من الخستكانيات دي ..عشان نصبر شويه
ارقدوا عافيه..
وبعد داك ارقدوا قش ..يا مجانين