اغاني قاصداني

هنالك بعض الاغنيات الجميلة جدااحياناًيحس الفرد منا انها كتبت له او الشاعر قاصدو بيها وبتحكي عنو هو اتمني ان سمع من الشباب
اي من الاغنيات بتعبر عنه
عمر

أنا قاصدانى ..السنبلاية للمبدع وردى

لما عرفتك اخترتك سعيد البال
وخت شبابى متيقن عليك آمال
لاجيتك قبيلة ولارجيتك مال
جيتك عاشق بيتعلم من الأيام
ومن سأم الليالى البور
ومن أسر الولف كتال
لقيتك فى حياتى دليل
وفى حر الهجيرة مقيل
ركزت على ضراكى عصاى
لقيتك فى حياتى جذور
بنية اتلفحت بالنور
مهجنة من غنا الأطفال ومن سعف النخيل والنيل
وبينى وبينك الضحكة ورحيق الشاى
وطعم الخبز والسترة ومساء النور
وعمق الالفة بين النهر والوادى وغنا الطمبور
وأقوليك قاصدانى لأنها تحمل مواصفات التى أبحث عنها..
أن تكون نخلة وجدولا ونهرا فى وقت واحد...وأن تكون أماً ووطنا وحبيبة..وأن ترتضى خوض غمار الحياة دون حاجة الى الهواجس المسبقة وأن تسمى الأشياء بأسمائها ..وأن تتنقل بى فى مراحل العمر طفولة لا تفنى بمر السنوات
فهل أنا أبحث عن جميلة مستحيلة ؟
تحياتى يا عمر ..
ودعزة