مرحبا بالفنان حمزة سليمان

اصالة عن نفسى و نيابة عن كل الاعضاء ارحب بالاستاذ الفنان حمزة سليمان عضو فرقة عقد الجلاد و الشكر اجزله للحبيب الفنان عبد العزيز الخطاب لدعوته لمبدعنا الاستاذ حمزة للانضمام للمنتدى

مرحبا بالاستاذ حمزه سليمان
وانا واحد من المعجبين بي حسو الموسيقي ..والحانه الدافئه
ود الفافنوس والدكه والنفاج
والباب الفتح ..للداخلين افواج
مرحب بيك ..وارجو اني ما اكون لخبطت في كلمات واحده من اغ######## ..لكن لي العذر لاني سمعتها مره واحده خلال التلفزيون ...لكن ما زالت جواي..واقول ليك انو ذنبنا علي رقبتكم ..خربتو طبعنا ..عودتونا علي استماع الروائع ..وفجأه انسحبتو خليتونا للغثاء...يلعبو بينا..غايتو الله يخلي لينا محمود عبد العزيز ..مره مره كده ..بطلع لينا بي حاجه كده تسندنا شويه
بطلوا كسل ..وآذانا ووجدانا ..مربوط بي عطاءكم ..ادوني شويه مما اداكم الله

wowo
you are welcome brotha
10000000000000 marhab
akhook
omar ragab
holland

معقولة ياود حبيب ؟؟؟
حمزة سليمان (زاتو) ؟؟والله لكن الدنيا دى صحى صغيرة !!
و هو وين (خمسة) اسى ؟؟وكمان شايفاك زكرت (عبد العزيز خطاب) بالله هى وين الشخصية دى ؟؟ والله لكن فرصة سعييييييدة دى والله انى اسمع اخبار من (حمزة)
اها مستنية اقرأ ليكم .. لكن كدى اول اسمنكم منو (هنا) ؟؟ عشان اعرفكم و كدة يعنى و بعدين بوريك انا منو يا حمزة !!

مرحبا ولك الشكر والدنيا اصبحت تجمع فى الوسائط الالكترونيه

وان الاوان لاعاده القدرات فى البحث فى (الويب) عن الحميميه

والتواصل وها هو العثور على الضاله فى اعماق الانترنت التى

تبقى عصيه على حركات البحث التقليديه

مستقر فى الامارات ابوظبى

اختنا العزيزه فيتون لك التحيه والود ولك الشكر والتقدير على ترحيبك وسؤالك عنا وكم نسعد ونبتهج عندما نعلم باننا مازلنا فى فكرة اخواننا الرائعين الذين جاد علينا الزمان بمعرفتهم ومازلنا فى بحث دائم عن نافذه نطل بها عليهم لكى يتجدد التواصل فمرحبا بك وانت تتجددى فى الفكره ( عزيز ) عبدالعزيز خطاب - هولندا - امستلفين ( امستردام) لك التحيه والشوق

Hello again brothers

Salamat (very lots of it of course) ya 3azeez and Hamza
I know you ya 3azeez since I was studying in Kartoum College for Applied Studies, and that was 1990 !!!!I met you only a couple of times and after that I heard that you moved to Holland.
Any how welcome aboard and enjoy your stay, we'll be in touch again.

Salamat ya Hamza, long time since I last seen you !!! I hope you are doing well in Abudhabi !!
Say hi to your wife and son

والله يا ود حبيب لمن قريت عنوان البوست قلبي قال لك واح وجاتني خمة نفس وقلت ود حبيب دا فكت منو ولا شنو.
افتكركت تقصد حماميزو بتاع التلفزيون وطوالي بديت اكتب في استقالتي وقلت أعمل زغبير من البورد دا.

لكن سميت الله وقريت ياسين وآية الكرسي سبع مرات ودخلت على البوست.
أهأ الحمد لله طلعت سليمة. بس بالله أبعدنا من حماميزودا.

شماشى
ها ها ها ها ها
والله نفس شعورى تقريبا
لكن تصور لو يوم لقيت حماميزو هنا وهاااااك يا برى ومن النوع التقرأ لمن تزهج داك..
يعنى الواحد يعمل شنو بالله فى حالة زى دى..

الرائع قرشو

(العالم ضيق) كيف حالك وين ارضك الان واريتك طيب

وفى امان الله تحياتى للجميع وانا ما بحب (حماميزو)

وهناك فرق كبير وانت كلك نظر

سلامى الاسره

حمزة سليمان

الاخ قرشو

ياخي دا جابوهو ليك قبل يومين في فضائية أبو ظبي علي اليمين برانا جنس بري وجنس استعراض لمعلوماته
وبعدين لابس ليهو حاجة كدا ماعرفتها شنو
بدلة ، جلابية ، سفاري
غايتو حاجة قاطعا من راسو

مرحب بي المبدع الفنان حمزه سليمان
والتحيه للاستاذ/بكري الذي يسعي دوما بحثا عن المبدعين ويتحفنا بهم

مرحب بالمبدع الفنان حمزة ..ونتمنى أن يضم هذا البورد المزيد من المبدعين
تحياتى
ودعزة

الحبيب شماشى
من هو حماميزو؟

ود حبيب انابة عن شماسى وأصالة عن نفسى أقوليك حماميزو ده مذيع فى التلفزيوناسمه حمزة وبينى وبينك أحسن ما تسمعو عليهو جنس فلهمة وقرضمةوالنوع البمسك فى الكلام الكبار كبار المابكون عارف معناهو..هو بالمناسبة طبيب دخل مجال الاعلام ولا أدرى أيهما الطب أم الاعلام هو الخاسر ؟؟؟
أظن أن الخاسر الوحيد هو المشاهد المغلوب على أمره
تحياتى
ودعزة

أولا آسف لعدم الرحيب بالأخ حمزة في البوست الفات. فالف مرحب بكل المبدعين

أصلي كنت ملخوم شوية.
بعدين يا بكري معقول مابتعرف حماميزو. والله إنت تكون أسعد زول ,كان كدي أوعك من الفضائية السودانية وخاستن المغربية بمواعيد السودان.

ياخي دا أنا متأكد إنو أمو مابتريدو.
جنس قندفة وجنس فلقصة ويا ثقافة مافي زول بيعرفك غيري
والنضارة كيف وحركات الأصابع
وإن شاء الله يا قرشو حماميزو يغترب في السعودية ويسكن معاك عزابي عشان يوريك البري المو خمج