الهوية السودانيـــة

لمعنى الهوية اوجه عديدة الاان جميعها تقوم على اصل واحد هو الشعور بالانتماء الى جماعة ، فالانسان كائن اجتماعى لايمكن ان يجد نفسه بل من المؤكد انه لايستطيع ان يحافظ على حياته او استمرارها او استمرار نوعه بدون الانتماء.
والسودان قطر كبير حباه الله بتنوع الاثقافات والاعراق والسؤال هنا يطرح نفسه هل السودان دولة عربية ام افريقية ام عربية مستعربة ولماذا عربية مستعربة ؟
وهناك كثير من الفهم الخاطى يقول عن تحدث اللغة العربية وارتباطها بالعرب او ارتباط الاسلام فى المجتمع يمثل ان المجتمع جميعه عربى ورغم ان السودان يتكلم العربية او الاغلبية تتكلم العربية لكن لااستطيع الجزم بانه دولة عربية لان هناك ثقافات اخرى كثير لاتتحدث العربية فى السودان ولكنها مجتمعات مسلمه واللغة العربية عندنا فى السودان تنقسم الى عدة لهجات مختلفة فكيف يكون السودان عربيا يمكن ان يكون مستعربا والدليل على ذلك ان الاسلام عندما جاء الى السودان جاء عن طريق الفتوحات الاسلامية والفتوحات جاءت معاها الاختلاط العرقى يعنى هنالك قبائل تمازجت معا تلك الفتوحات والهجرات التى جاءت معاها من الجزيرة العربية وليس كل القبائل تزاوجت مع قبائل الجزيرة العربية .
فى الحلقة القادمة
بـــــــــــــوب

عزيزنا بوب
زمان قلنا الكلام دا وقلنا ليهم الكم الف فارس الجو مع عبدالله ابن ابي السرح ما قادرين علي انه يغيره هويه السودان ومافي اساسا لهويتنا العربيه المزعومه دي
لكن نقول شنو لاولاد عبد الناصر وصدام حسين ديل

العزيز حبيبو/
والله انا معاك فى الكلام ده لكن فى ناس سودانيين مفتكرين كلام جمال عبد الناصر وصدام انو هويتنا هى هويتهم عشان كده ياحبيبو نحنا عاوزين نعمل حد فاصل لكلام ده وعضوية جامعة الدول العربية من اى يحق ومن اى عروبة لسودان
بــــــــــوب

تصحيح صغير يا بوب
الأسلام لم يكن أبدا دين دوله في السودان . بمعنى :الأسلام دخل السودان عن طريق المتصوفه و التجار و ليس عن طريق الجيوش . تاريخيا لم تثبت المكان الذي توقف فيه عبدالله السرح . و لكن من المثبت ان المتصوفه و التجار اخترقوا السودان حتى غرب أفريقيا .

تحياتي

شكرا كتير يامندلا
بــــــــــــــــوب