Post: #1
Title: ياجماعة أنا بعترف بغلطة السؤال؟؟؟
Author: wadazza
Date: 03-31-2002, 09:45 AM
Parent: #0
الأعزاء والعزيزات....
لقد طال أمد الانتظار للبورد...وأثناء احتجابه أو غيابه أو سرقته...سمعت أكثر من رواية ...واحدة تقول الهكرز سرقو السيرفر..وياحليل حرامية السفنجة والملاية ورواية تانية تقول الموضوع موضوع فلوس اشتراك وتالته تقول ودحبيب قفل الموقع بالضبة والمفتاح..وسدا باب الريح...
المهم أرسلت ايميلات لبعض الأعزاء والعزيزات
البعض رد ..والبعض الآخر عمل خطاباتى البوديها تقول لابتمشى لاحاجة..
المهم ما اكضب عليكم انا صرييييح وواضح...مشيت دخلت البورد التانى تحت اسم...ود الطوابى..لأن ودعزة ماركة مسجلة ٍلهذا البوردوكان هدفى .أولا عشان القى بناديها هناك وأسألوا عن الحاصل لأنو ما كان عندى عنوانو الالكترونى ...وعشان كمان أجرب والأرض جربت الحجر ...وبرضو ما غيرت خطى الثابت ..وكتبت كم موضوع وكم رد ..خاصة على بت قطرى شيرى..التى أتمنى أن أراهاهنا أيضاً..المهم ومن شدة الشمار والبحث عن حبيبنا بورد ودحبيب...قمت بعمل بوست سؤال لمعاذ...وسألته فيه صراحة ان كان له دور فى ايقاف البورد التانى ؟...لم يجبنى على ذلك ...وبعدها أحسسست بأننى قد أخطأت فى ذلك السؤال لأسباب عديدة أو اننى قد تسرعت فالاعتراف بالخطأ فضيلة فليعذرنى الأخ ود حبيب وذلك تم من شدة محبتى لكم..
لا أكتب هذا تقليلا من شأن البورد الآخرفالكثير من أحبابنا هنا هم أعضاء هناك
ولكن فقط أردت التوضيح ..حيث أن الكثيرين قد عرفوا أن ودالطوابى هو ودعزة سواء بالاسلوب أو طريقة الردود
عموما مرحبا بعودة البورد....
وتحياتى لكم فردفردا وفردة فردة
ودعزة
|
Post: #2
Title: Re: ياجماعة أنا بعترف بغلطة السؤال؟؟؟
Author: rummana
Date: 03-31-2002, 09:53 AM
Parent: #1
ود عزة حمدلله على السلامة
الغريب رغم أني قريت لود الطوابي لكن ما تعرفت عليك
المهم الأخ اكسو رد في واحد من البوستات على موضوع الهاكنق ده فياريت تقراه لانه حسب ما اذكر قال انه سأل بكري وبكري رد عليه
|
Post: #3
Title: رمانة
Author: wadazza
Date: 03-31-2002, 10:14 AM
Parent: #1
شكراً رمانة ...لكن ما دقيتى بى الدلجة...يعنى ايه معنى كلامك:لغريب رغم أني قريت لود الطوابي لكن ما تعرفت عليك
معليش يمكن أنا خلقت لنفسى أهمية ساكت ومفتكركم حتعرفونى ... 
على العموم تحياتى ومرحبيك..فى البورد من جديد
ود الطوابى
|
Post: #4
Title: Re: رمانة
Author: rummana
Date: 03-31-2002, 10:19 AM
Parent: #3
Lol@دقيتي بي الدلجة
سوري عزيزي امكن ما ركزت
طبعا حاجة رمانة بدات علامات الكبر تظهر عليها
المرة الجاية حأركز أكتر
|
Post: #5
Title: رمانة
Author: wadazza
Date: 03-31-2002, 10:27 AM
Parent: #1
رمانة
برضها مقبوله...ولا يهمك ...وبيناتنا كل الود
تحياتى
ودعزة
|
Post: #6
Title: الانتفاضة
Author: shammashi
Date: 03-31-2002, 01:26 PM
Parent: #1
إنت يا ود عزا حاجاتك الرائعة زي ناس مارس ماسك كتف أبريل
والحاجات الزي دي مالك ما بتتحفنا بيها هنا
|
Post: #8
Title: Re: الانتفاضة
Author: banadieha
Date: 03-31-2002, 02:59 PM
Parent: #6
وليه لا ياشماشي؟
wadaltawabi
n/a
Intermediate Contributor
Joined: Mar 26, 2002
Posts: 48
From/Location: n/a Topic: مارس ماسك كتف ابريل..فلنكتب عنه
Posted: Mar 27, 2002 6:25am GMT <<>> [ Profile ] <<>> Report post to moderator
--------------------------------------------------------------------------------
على بعد أيام قلائل تقع ذكرى ثورة أتت صادقه التعبير عن وعى شعب باسل ومقدام..تقع على بعد أيام...ليست حقيبة ملقاة من قطار الثامنه.مرميةعلى خط السكة حديدمغروسة فى الرمال...ليست فجاءة ذكرى نهب واقفين لتهيئة عملية تمرير الشريط بالذاكرة.ومن ثم ملاحقة صورها بعين مجردة..ليست أغنية تنسى لحظة أن تكف قدما الحبيبة عن التوقيع على السباتة..ليست ثرثرة تنطلق من المذياع لبعض قوم يلوكون سيرتها فى اليوم المحدد والساعة المحددة
إنها تاريخ كامل ونصر كامل لاينتقص منه ولا يضاف اليه لشعب قال:لا..بعد صبر مستميت ..لشعب ترجمته صوادق وعده وبرقه
أين هى انتفاضة مارس أبريل؟؟؟
أين مكتسباتها ؟؟؟
من استدرجها الى عراء الذاكرة ثم باغتها بالاغتصاب أولاً..وبالسحل ثانيا وبالذبح ثالثا؟؟؟
بل من هو الذى قام بسلخها بعد ذبحها ؟؟؟
تباً لكل هؤلاء...
ألأخوة والأخوات الإعزاء
أكتبوا هنا ذكرياتكم وتحليلاتكم عن ثورتنا العظيمة التى ذهبت مكتسباتها كغيرها أدراج الرياج...
أنا قلت أدراج الرياح!!!
سألنا الرياح فقالت..:
أسألوا الاعاصير
سألنا الأعاصير قالت أسالواالبحار
سألنا البحار فقالت
((وصلتو يا وليداتى ...أسألو البغرفو منى ويشربو((
وديل ماقدرنا نسألهم لا خوفا منهم ولكن كده عايفنهم..
تحياتى
ود الطوابى
___
أم در والطوابى فى صدرك وسام
ودضحوية
محمد
Intermediate Contributor
Joined: Mar 20, 2002
Posts: 98 Topic: مارس ماسك كتف ابريل..فلنكتب عنه
Posted: Mar 27, 2002 11:41am GMT <<>> [ Profile ] <<>> Report post to moderator
--------------------------------------------------------------------------------
ود الطوابي مالك مفتح الجروح ياخي
يالها من أيام رائعة. أذكر تلك الايام ونحن حديثي التخرج يأخذنا حماس الحركة الطلابية والحلم بمستقبل مشرق وفرح آت.
أذكر خروجنا في المظاهرات من بحري الدناقلة شمال. كنا لا نهاب الغاز المسيل للدموع ولا طلقات الرصاصز .كان جل همنا زوال هذا الكابوس الذي جثم على رقابنا بالبندقية والكلاشنكوف وكلاب أمنه الجبانة..
أذكر دخولنا سجن كوبر بعد بيان سوار الذهب بعد أن عدنا من القيادة العامة بالخرطوم.
ولكن ما كنا ندري أن كل أحلامنا ستذهب أدراج الرباح . وما كنا نعلم أن هنالك من أعماهم حب السلطة ومصالحهم الضيقةعن مصلحة الوطن الغالي.
جاءوا تحت جنح الظلام وسرقوا ابننا البكر الذي كنا نعول عليه.
وسرقوا معه كل أحلامنا وأحلام أبنائنا بغد مشرق وحياة كريمة. ثم بعد ذلك سرقوا الوطن وباعوه بسعر بخس أرضى كل أنانيتهم وحبهم للمال والشهوات.
ولكن نقول
ولادك قصادك شعاع التحايا
تضوي الشقوق التلم الدوابي
وتوري الدروب للقلوبهم عمايا
عرقهم حبالك وصوتهم مشانق
تلم الدقون الكبيرة وتحدر فقر سمنها الليالي الضليمة
___
سوداني الجوا وجداني بريدو
|
Post: #9
Title: Re: الانتفاضة
Author: رومانسي
Date: 03-31-2002, 03:02 PM
Parent: #8
بناديها ركاب سرجين وقيع
|
Post: #7
Title: شماسى العزيز
Author: wadazza
Date: 03-31-2002, 02:48 PM
Parent: #1
شكرا شماسى ومارس ماسك كتف ابريل نزلت فى البورد ده من أووووووول...لكن يظهر كانت فى الضل ...عشان كده ناس الشمس ما شافوها...تحياتى ليك وشوقى زى شوقنا لشمس نصتنهار السودان
تحياتى
ود عزة
|
Post: #10
Title: Re: شماسى العزيز
Author: banadieha
Date: 03-31-2002, 03:06 PM
Parent: #7
هدية خاصة لشرنوبي
أرجو من شرنوبي الحبيب الإطلاع على القطعة التالية وإذا لم يتسنى له المرور من هنا أرجو ممن يقابله أن يخبره
Topic: مارس ماسك يد ابريل
فى مثل هذا اليوم
اليوم الثانى من اندلاع شرارة انتفاضة مارس ابريل... والمظاهرات تشتعل نيرانها الجامعة الاسلامية الفرع.. جامعة الخرطوم .. كان لى ان اغادر الخرطوم الى جوبا فى صباح هذا اليوم .. الساعة حوالى السباعة والنصف طائراتنان بيونج تابعة للخطوط الجوية السودانية فى الجزء الشمالى للمطار كل .. تقف فى اتجاه معاكس.. حركة غير عادية كم هائل من الحقائب.. والامتعة ذهاب واياب غير عادى من افراد ... ونحن فى صالة الانتظار.. اعلن عن تاخير موعد قيام.. الطائرة لنصف ساعة... لم يعلن السبب... كنت حزينا اسوق خطاى.. عنوة.. من الخرطوم التى تغلى الى موقع عملى بجامعة جوبا اتمنيت أن تؤجل الرحلة لايام حيث اننى كونت مولعا بالمشاركة الفعلية فى المظاهرات وفعلا اشتركت فى مظاهرة الجامعة الاسلامية يوم 26 مارس ومظاهرة الفرع والتى بدأت فى بوابة جامعة الخرطوم صباح 27 وتم محاصرتها بالامن والاحتياطى المركزى واصتليت بالبوبان.. المصنوع خصيصا للزنوج والكلاب اتذكر .. رجعت البيت مشيا من الخرطوم لحلة الدناقلة ببحرى بعد يوم مثير.. المهم وانا اغادر الخرطوم كان احساس اليم وانا اودعها.. فى لحظات الانتظار فى المطار لموعد اقلاع الطائرة كانت الطائرة المحملة بالعتاد والامتعة تنتظر الهارب جعفر نميرى وزوجته الى رحلة الاعودة.. وكانت الطائرة التى ستقلنا الى جوبا تركن بجوارها... وبأزير عربات البوليس والمواتر تأتى من داخل القيادة العامة بالبوابة التى تطل على المطار... وانتظرنا الا ان اقلعت طائرة الشؤم بعدها اعلن.. بقيام الرحلة الداخلية المتجهة الى جوبا...
حزنت لان الجلاد هرب.. ولاننى لم انل شرف النضال.. بالمشاركة فى الانتفاضة..
___
فا فينا اونتونى
مكرر من بوست
___
فا فينا اونتونى
الكاتب
TEARAGI
|
Post: #11
Title: بناديها
Author: wadazza
Date: 03-31-2002, 03:22 PM
Parent: #1
بناديها...
العزيز جداً..
يعنى لو ماكنت أنا وضحت للجماعة من أول كنت فتيتو ليهم ...Lol
..وكويس فى 4 يوم وصلنا
intermediate ....
هنا...وهناك...ياخوى بناديها خليها ساكت...
الا قول لى انت كيف حالك..وفرحتك رجعت واللا لسه؟؟؟
واسمع نصيحتى لاتدع فرحتك تموت...فتصبح أرملاً تستخلفه أحزان الشتاء والصيف
رومانسى
انت من زمن ركاب سرجين وقاع ...يعنى قصدك البشير حيقع ؟؟؟؟!!!
تحياتى
ود عزة
|
Post: #12
Title: بناديها
Author: wadazza
Date: 03-31-2002, 03:22 PM
Parent: #1
بناديها...
العزيز جداً..
يعنى لو ماكنت أنا وضحت للجماعة من أول كنت فتيتو ليهم ...Lol
..وكويس فى 4 يوم وصلنا
intermediate ....
هنا...وهناك...ياخوى بناديها خليها ساكت...
الا قول لى انت كيف حالك..وفرحتك رجعت واللا لسه؟؟؟
واسمع نصيحتى لاتدع فرحتك تموت...فتصبح أرملاً تستخلفه أحزان الشتاء والصيف
رومانسى
انت من زمن ركاب سرجين وقاع ...يعنى قصدك البشير حيقع ؟؟؟؟!!!
تحياتى
ود عزة
|
Post: #13
Title: ودعزة
Author: gazalalmasalma
Date: 03-31-2002, 04:54 PM
Parent: #1
|
Post: #14
Title: معترض
Author: gazalalmasalma
Date: 03-31-2002, 05:17 PM
Parent: #1
غزال المسالمة
وأنا من اسه معترض على المحكمة..والحاجب الما الحاجب الما بتعلى عليهو العين الحاجب البكورك محكمة....وعشان كمان ما استطعت أجيب معاى محامى
تحياتى
ودعزة
ملحوظة ده كلام ودعزة القالو لى فى التلفون وكيه فيهو نزلتو هنا
غزال المسالمة
|
|